WEDNESDAY MAY 20, 2009 PHILIPPINE WALANG BIBITAW!

Transcription

1 WEDNESDAY MAY 20, 2009 PHILIPPINES WALANG BIBITAW! Kahit umatras na ang isa sa mga tagasulong ng Charter change (ChaCha) sa Kamara ay hindi pa rin tumitigil sa pagpoprotesta ang grupong Bayan sa harap ng Kamara upang igiit ang tuluyang pagpatay sa dinidinig pa ring iba pang ChaCha resolution. ERAP PANG 'BISE LANG -- PALASYO Nina ROSE MIRANDA, BOYET JADULCO, JUN TADIOS at DINDO MATINING Sa halip na sumabak sa pampanguluhang halalan sa 2010 na tiyak umanong magkakaroon ng sagabal sa legalidad, pinayuhan kahapon ng abogado ni Pangulong Gloria Macapagal-Arroyo si dating Pangulong Joseph Estrada na mag-bise presidente o kaya ay senador na lamang. Paliwanag ni Atty. Romulo Macalintal, election lawyer ni Arroyo, kung tatakbo si Estrada bilang bise presidente ay wala pa itong lalabagin sa Konstitusyon at puwede pang maging presidente muli ng bansa kung magbibitiw, magkakasakit o mamamatay ang mananalong pangulo sa 2010 polls. If he runs for vice president and wins and something happens to the elected president, then he can be president again. This time, not by virtue of an election, but by reason of succession as provided in the same Constitution barring him to run again for president, ani Macalintal. Binansagan din ni Macalintal na political suicide sa alinmang partido ang pagkuha kay Estrada bilang standard bearer dahil nananatiling kuwestiyonable ang kwalipikasyon nito. Samantala, sinabi ni presidential adviser on political affairs Gabriel Claudio na idaan na lamang sa korte ang usapan kung puwede o hindi na tumakbo sa pampanguluhang halalan ng bansa si Estrada sa 2010 base sa umiiral na batas. Sa Senado, hiniling din ni Sen. Francis Kiko Pangilinan kay Estrada na sana ay magretiro na sa pulitika at ipaubaya na lamang sa mga bagong sibol ng mga lider ang pamamahala sa gobyerno. With all due respect sana hayaan na lang sa bagong henerasyon ng mga public servants ang mabigyan ng pagkakataon na manilbihan sa bayan, ani Pangilinan. Mas mainam na lahat ng dating pangulo pati si GMA (Arroyo) ay mag-retire na sa pulitika sa 2010, dagdag pa nito. Tumanggi namang magbigay ng komento ang Commission on Elections (Comelec). Ikinatuwiran ni Comelec chairman Jose Melo na wala pa sa panahon at lugar ang komisyon para magkomento sa isyu ng Erap for president sa Sakali man umanong ituloy ni Estrada ang plano sa 2010 at mayroong indibidwal o partido na naghain ng diskwalipikasyon sa kandidatura nito, saka lamang umano magkakaroon ng tamang tiyempo ang Comelec para pakialaman ang kaso. Pero sa ngayon, I don t believe mahalaga or may saysay ang comment namin. In fact kung tatakbo man siya, hindi namin basta-basta idi-disqualify ang isang kandidato unless mayroong mag-file ng disqualification case sa kanya sa proper forum, wika ni Melo. Ngunit kahapon ay patuloy na iginigiit ng kampo ni Estrada na walang legal na hadlang sa muling pagtakbo nito sa pampanguluhang halalan. Estrada is not an incumbent president who would seek re-election, hence, he can run again. In my view on the word reelection, the first one who is an incumbent in the office. If one comes from the outside meaning he hay be a former president, he is no longer an incumbent then he is not running for a re-election, he is running anew, pahayag ni dating 1

2 Justice Sec. Serafin Cuevas na naging legal counsel din ni Estrada. Ito y tugon ni Cuevas sa pahayag ni Solicitor General Agnes Devanadera na ipinagbabawal umano ng Konstitusyon ang muling pagtakbo ng isang dating pangulo sa naturang posisyon. Sen. Revilla: Hayden Kho pervert, buang na doktor (Rey Marfil/Bernard Taguinod) Umabot na hanggang Senado ang nakakaeskandalong sex video ni Dr. Hayden Kho Jr. at aktres na si Katrina Halili matapos kondenahin ni Sen. Ramon Bong Revilla Jr. ang umano y pambababoy sa babae habang inilalarawang isang buang at pervert doctor ang lalaki. Sa 2-pahinang privilege speech, matatalas ang binitawang pag-atake at paglalarawan ni Revilla, dating pinuno ng Videogram Regulatory Board (VRB) ngayo y Optical Media Board (OMB), sa baboy na pagtrato ng doktor na nobyo ni Vicki Belo kay Halili, katulad ng napapapanood sa sex video. Sa video mismo, makikita ang masamang intensyon nito na patagong isini-set up ang camera at pinuwesto ang babae para siguradong makunan. Ang tinutukoy ko po ay si Dr. Hayden Kho who is a pervert of the highest kind, a predator who has no conscience nor respect for women, galit na pahayag ni Revilla. Hindi siya marunong gumalang sa kababaihan. Para bang wala siyang nanay o mga kapatid na babae. If you ask me, wala sa tamang pag-iisip ang taong ito, and according to the Medical Act, this doctor can also be punished for insanity. Buwang itong doktor na ito. Baliw, Mr. President, tuluy-tuloy na pahayag ni Revilla habang ina-address kay Senate President Juan Ponce Enrile ang kanyang talumpati. Ayon kay Revilla, hindi maaaring manahimik ang mga senador, sampu ng mamamayang Filipino sa sex video na ipinakalat ni Dr. Kho na wala umanong pinag-iba sa mga naunang pang-iinsulto sa mga Filipino ng mga dayuhang progama sa telebisyon. Totoo na wala tayong pakialam sa nangyayari sa loob ng apat na dingding ng kuwarto na magsing-irog o mag-asawa ngunit kung ang ganitong bagay ay gagawin nang walang pahintulot ng sinumang kasali dito, malinaw na may responsibilidad ang estado na ituwid ang kamalian, diin ni Revilla. Ngayon may pambababoy na naman sa ating kababaihan ang kumalat sa internet na kagagawan ng isang Filipino and this is the reason why I rise today, paliwanag nito. Sa Kamara, inapura na ni Buhay partylist Rep. Irwin Tieng ang pagpasa sa kanyang inihaing House Bill 4315 na maglalapat ng parusa sa sinumang nagre-record, nagpapakalat, nagbebenta, nag-a-upload sa internet o kahit nagpapasahan sa mobile phones ng mga sex video at iba pang mahahalay na mga panoorin. Sa ngayon umano ay walang klarong batas na maaaring maglapat ng parusa kay (Hayden) Kho, partikular sa ginawa nitong sex video kasama ang mga nakatalik na mga babae. Ngunit sa sandaling mapagtibay ang inihain niyang Anti-Camcording Act na nasa ikalawang pagbasa na ng Kamara ay magsisilbi na itong mabigat na babala kay Kho at sa mga katulad nito. Text tax binasbasan ni Gloria -- solon (Bernard Taguinod/Boyet Jadulco/Rose Miranda) 2

3 May go signal na si Pangulong Gloria Macapagal-Arroyo sa National Telecommunications Commission (NTC) na patawan ng 5 sentimo ang bawat text message na ipinapadala ng bawat subscribers at iba pang serbisyo ng telecommunication companies. Ito ang inamin ni House oversight committee chairman Danilo Suarez sa press conference kahapon kaugnay ng ipinipilit na 5 sentimong buwis upang makakolekta umano ng dagdag na P150 bilyong buwis kada taon. The President has given the go signal supporting the measure of a regulatory and supervision fee of 5 centavos, pahayag ni Suarez sa kondisyong ibaba umano sa 50 sentimos ang bawat text. Gayunpaman, ginagawa pa lamang umano ang panukalang batas para ibaba ng 50 sentimos ang bawat text at hindi ang NTC ang magdedeklara nito. Nilinaw nito na ang malilikom na pera ay hindi maikukunsiderang buwis kundi regulatory fee na gagamitin sa mga programa ng gobyerno para gawing computer literate ang lahat ng Filipino, lalo na ang mga estudyante. Sa kabilang dako, sinupalpal nina Senador Panfilo Lacson, chairman ng Senate committee on ways and means at Senate majority leader Juan Miguel Zubiri si Suarez dahil wala pa umanong natatanggap na sertipikasyon mula sa Pangulo ang komite kung saan dumadaan ang lahat ng tax proposal ng gobyerno. Kumambiyo din ang palasyo sa tinuran ni Suarez at sinabing wala pang pinag-uusapan hinggil dito ang gabinete at walang rekomendasyon ang economic team sa text on text. Mga kaso sa ethics kinalampag lahat Habang nakatuon ang pansin ng buong Senado bilang Committee of the Whole sa ethics probe laban kay Sen. Manny Villar, nangalampag naman ang iba pang complainant laban sa iba pang senador na sinampahan din ng iba t ibang reklamo sa ethics committee. Tila masyado umano nalilibang at nabubuhos ang pansin ng lahat sa Villar case gayong marami pang ibang kaso sa ethics body ang napapabayaan at sa katunayan ay matagal na umanong tinulugan. Isa sa nangalampag ay si dating Quezon City Rep. Dante Liban na umapela kahapon sa mga senador na bigyan rin ng prayoridad ang kanyang ethics complaint laban kay Sen. Richard Gordon. Ano na ba ang nangyari sa reklamo ko? Bigyan rin naman nila ng panahon ang sa akin, giit ni Liban. Inireklamo ni Liban si Gordon dahil sa paglabag umano sa Section 13 ng Article 6 ng Saligang Batas kung saan hindi maaaring humawak ng iba pang posisyon sa gabinete o sa alinmang opisina sa ilalim ng executive branch ang sinumang kongresista at senador. Sa kaso ni Gordon, ipinaliwanag ni Liban na pumapel rin itong pinuno ng Philippine National Red Cross (PNRC) na ginagampanan nito hanggang ngayon habang isa itong aktibong mambabatas. Pinasaringan pa ni Liban ang mga presidentiable senators na kaya masigasig sa ethics probe laban kay Villar ay dahil isang magandang pagkakataon ito na lumpuhin ang isang mahigpit na kalaban. Utol ni Gadian tumakbo sa SC (TM/JBS) Dumulog kahapon sa Korte Suprema ang kapatid ng whistleblower sa umano y US-RP Balikatan 2007 fund mess na si Philippine Navy Lt. Senior Grade Nancy Gadian para sa kaligtasan ng kanyang kapatid. Sa inihaing petition for the issuance of writ of amparo ni Nedina Gadian-Diamante, kapatid ng naval officer, hiniling nito sa kataas-taasang hukuman na magpalabas ng temporary protection order (TPO) para sa kanyang kapatid. Ayon kay Diamante, mula nang ibunyag ng kanyang kapatid ang nawawalang pondo na P46 milyon sa RP-US Balikatan Exercises ay nanganib na ang buhay nito. Natatakot umano si Diamante para sa kaligtasan ng kapatid, partikular na ang impormasyon na may shoot-to-kill order na laban dito. Nauna nang itinanggi ng pamunuan ng Armed Forces of the Philippines (AFP) na may ganitong kautusan laban kay Gadian. Sinabi pa ni Diamante na kahapon ng umaga ay nakatanggap siya ng mensahe mula kay Gadian na hanggang ngayon ay hindi pa niya alam kung nasaan. Sa mensahe ay idinipensa nito ang pagsisiwalat niya ng katiwalian sa pondo ng 2007 Balikatan Exercise habang sa pangalawang mensahe naman ay nagpapasalamat ito sa mga sumusporta sa kanya. Kinumpirma rin kahapon ni Lt. Col. Romeo Brawner Jr., public affairs chief ng AFP, na nakausap na ng isang opisyal ng Philippine Navy noong nakaraang linggo si Gadian ngunit wala pa rin umanong linaw kung makukumbinsi ang lady officer na bumalik sa kanyang mother unit. Pandemic declaration sa A (H1N1) inaaral (Tina Mendoza) 3

4 Pinag-aaralang mabuti ngayon ng World Health Organization (WHO) kung itataas o hindi sa pandemic alert level ang Influenza A (H1N1) virus matapos na rin magkaroon ng suhestiyon ang mga miyembrong bansa na baguhin ang panuntunan sa pagdedeklara ng pandemic. Ayon kay Dr. Keiji Fukuda, flu chief ng WHO, sa ngayon ay wala pang pagbabago sa kanilang criteria, gayunpaman kanila na umanong pinag-aaralan ang mungkahi ng mga miyembro. Sa isinasagawang 5-araw na annual assembly ng WHO sa Geneva na dinaluhan ng may 193 member states nito, sinabi ng mga miyembro na bago tuluyang itaas ang pandemic alert level ay dapat na ikonsidera muna ng ahensya kung gaano ka-deadly ang virus at hindi kung gaano na ba kalawak ang sinasalanta nito. Nangangamba ang mga member countries ng WHO na magkakaroon ng mass panic at economic devastation sakaling ideklara ang Influenza A (H1N1) pandemic, bukod pa sa magiging epekto nito sa ekonomiya tulad ng expensive trade at travel restriction, kabilang ang pagsasara ng mga border, airport screening at quarantine. Matatandaang naalarma ang WHO sa pagkakadiskubre sa kumakalat na swine flu sa Kobe at Osaka, Japan na lumilitaw na hindi nakuha sa labas ng teritoryo kundi nagmula mismo sa naturang mga lugar. Sa Pilipinas, pinawi kahapon ng Department of Health (DOH) ang pangamba ng publiko sa kalagayan ng isang 11- buwang gulang na sanggol na nagtungo sa Japan matapos magnegatibo sa deadly virus. Gayunpaman, may tatlo namang bagong suspected cases na tinututukan ngayon, ayon kay Health Undersec. Mario Villaverde. Isa rito ay 67-anyos na galing ng Japan, isang 37-anyos na dayuhang lalaki at isang 32-anyos na mula naman sa India. Pambabastos ng Hollywood actor sa mga Pinay pinatos ng Kongreso Nina Bernard Taguinod at Dindo Matining Pinag-initan ng mga kababaihan sa Mababang Kapulungan ng Kongreso si Hollywood actor Alec Baldwin dahil sa kanyang biro na maghahanap ito ng Filipina at Russian mail-order-bride dahil gusto pa niyang magkaanak. Very disgusting. An apology won t be enough, pahayag ni Akbayan partylist Rep. Risa Hontiveros na nagrekomenda na sumailalim sa seminar sa anti-prostitution at anti-human trafficking ang dayuhang aktor. Napakabastos ng kanyang biro. It was foul and highly insulting. If he thinks that women can be ordered or that we re merely for breeding purposes, then he doesn t deserve a Filipina wife or any wife for that matter, dagdag pa ni Hontiveros. Inanyayahan ni Hontiveros ang aktor sa Pilipinas para makilala nito ang mga biktima ng human trafficking at maunawaan ang kalagayan ng mga kababaihang ito. Ngunit mayroong mas malaking pangamba ang lady solon. Pag pinagtatawanan ang isang mali at ginagawang biro, lalo na kung ang biro ay galing sa mga sikat na personalidad, ang mangyayari ay ito ay magiging katanggap-tanggap at tama, dagdag pa ni Hontiveros. Maging ang Gabriela partylist group na kinakatawan nina Reps. Liza Maza at Luzviminda Ilagan ay dismayado sa Hollywood actor na dapat ay nagsisilbi umanong magandang ehemplo ng publiko. Sa panig ni Akbayan partylist Rep. Walden Bello, hindi na nito ipinagtaka ang masamang tubo ng dila ni Baldwin dahil mismong ang dati nitong esposang si Hollywood actress Kim Bassinger ay nag-akusa sa aktor ng brutality noong panahong nagsasama pa sila. This man, who has failed marriage because of his brutality as a husband, we can expect such statement from him. It s an outrageous statement and he has to apologize the Filipino women, ani Bello. Holdaper na pulis, namukhaan sa presinto (Juliet de Loza) Dinakip sa loob mismo ng Manila Police District (MPD) headquarters ang isang pulis-maynila na suma-sideline bilang holdaper matapos makilala ng mag-asawang kanyang biniktima habang naka-duty kamakalawa sa may gate ng MPD headquarters sa United Nations Avenue, Ermita, Maynila. 4

5 Nakapiit ngayon sa detention cell ng MPD-Theft and Robbery Section (TRS) ang suspek na si PO2 Roderick Serna, nakatalaga sa MPD-District Headquarters Support Unit dahil sa reklamo ni ret. P/Chief Insp. Jorge David, 63, at asawang si Rosalinda, 60, ng 861 R. Almario St., Tondo habang masusing inaalam kung sino ang kaangkas ni Serna sa motorsiklo. Sa report ni Chief Insp. Benigno Macalindong, hepe ng MPD-TRS, alas-nuwebe ng gabi nang arestuhin ang suspek sa gate ng MPD headquarters. Nakilala umano ng mga biktima ang suspek nang magpunta sa presinto para mag-follow up ng kanilang kaso kung saan nakita nilang naka-duty ang suspek kaya kaagad na isinumbong kay Macalindong dahilan para maaresto ang suspek. Hindi naman kinunsinti ni MPD Director Rodolfo Magtibay ang suspek at iniutos na disarmahan, ikulong at kasuhan. Hinimok din niya ang iba pang nabiktima na magpunta sa headquarter para kilalanin ang suspek. Magugunitang kalalabas lamang ng mag-asawa sa kanilang restaurant sa Mabini St., Ermita dakong alas-nuwebe ng gabi noong Mayo 13, 2009 at binabagtas ang kahabaan ng McArthur bridge sa Sta. Cruz, Manila sakay ng kanilang Toyota Fortuner (ZFN 830) nang naramdaman nila ang malakas na kalabog sa likurang bahagi ng kanilang sasakyan. Plano sanang tingnan ni Jorge ang kalabog subalit hinarangan sila ng mga suspek na magkaangkas sa beige na motorsiklo habang nilapitan ni Serna ang mag-asawa, tinutukan ng baril at hinablot ang lady s bag ni Rosalinda na naglalaman ng US$940; men s wristwatch; Chinese gold necklace na nagkakahalaga ng P160,000 at mga credit cards. Tumanggi namang magbigay ng pahayag ang suspek. Bigotilyo, sinalvage (Juliet de Loza) May tama ng bala sa ulo at sakal sa leeg ang isang hindi nakikilalang lalaki na hinihinalang biktima ng salvage na natagpuang nakalutang sa San Juan River kamakalawa ng gabi sa Sta. Mesa, Maynila. Ayon kay SPO2 Danilo Vidad, imbestigador ng Manila Police District- homicide section, tinatayang may ilang araw nang patay bago nakita ang bangkay ng biktima na may nakapulupot na tuwalya sa kanyang leeg at may tama ng bala sa ulo. Inilarawan ang biktima na nasa edad 40-45, may taas na , may bigote at kayumanggi. Nabatid na dakong alas-siyete ng gabi nang mamataan ang bangkay ng biktima na lumulutang sa San Juan River, Masikap St., corner Makisig St., Bacood, Sta. Mesa, Maynila. Nalaman na papauwi na umano si Raymond Montemar sakay ng kanyang bangka nang mamataan nito ang bangkay na lumulutang sa nabatid na lugar na pinangyarihan. Agad na ipinagbigay-alam ni Montemar ang insidente sa awtoridad na agad namang rumesponde. Hinala ng pulisya na biktima ng salvaging ang lalaki dahil may natagpuan silang tuwalya sa leeg nito na pinaniniwalaan umano nilang ginamit na pansakal dito bago itinapon sa ilog. Nabagsakan ng 1 bungkos na plywood, dedo (Juliet de Loza) Nasawi ang isang 21-anyos pahinante matapos mabagsakan ng isang bungkos na plywood na aksidenteng nahulog sa pork lift kamakalawa ng gabi sa Pier 10, North Harbor, Maynila. Sa imbestigasyon ni SPO2 Danilo Vidad, naganap ang aksidente dakong alas-siyete ng gabi habang nagtatrabaho ang biktimang si Mark Anthony Alliguer, truck helper at taga-longos, Malabon City. Nabatid na inaasistehan umano ng biktima ang pork lift operator na si Arnold Guevarra, sa ikinakarga nitong plywood sa pork lift at nang maikarga na umano ang isang bungkos na plywood na naglalaman ng mahigit 100 piraso ay aksidente itong nalaglag mula sa blade ng pork lift kung saan nabagsakan ang biktima. Hindi na nagawang madala pa sa ospital ang biktima na namatay noon din dahil sa matinding pinsalang tinamo nito sa ulo. 5

6 Mabilis namang tumakas si Guevarra nang dumating ang pulisya sa pangambang papanagutin sa aksidenteng nangyari sa biktima. Ang bangkay ng biktima ay dinala na sa Universal Funeral Parlor. Aktor timbog sa wang-wang (Juliet de Loza) Hinuli ng miyembro ng Manila Police District (MPD) ang actor na naging pintor na si Dranreb Belleza dahil sa illegal na paggamit ng sirena o wang-wang habang minamaneho ang isang sasakyang pag-aari ng kanyang matalik na kaibigan kahapon ng umaga sa Maynila. Gayunma y pinalaya rin ng mga pulis si Belleza, 39, taga-up Hotel, Aglipay St., Diliman, QC, napaulat na nakikipaglaban sa sakit na prostate cancer, matapos mai-blotter ang kanyang kaso sa MPD-PS 5. Pinakawalan din namin siya matapos namin siyang kasuhan ng illegal use of sirens, maliit lang naman na kaso yun kaya hindi na siya nakulong, ayon kay Supt. Rogelio Rosales, MPD station 5 commander. Nabatid kay SPO4 Cenon Parungao, desk officer ng MPD Station 5, kasama ni Belleza ang kanyang driver na si Jaime Evangelio, 58, na nagmamaneho ng Toyota Revo (XDP-381). Sa imbestigasyon ni PO3 Magno Belmi, naaktuhan umano ang driver ni Belleza na gumamit ng sirena sa may Plaza Rajah Sulayman sa Malate, Maynila. Inamin naman ng driver sa panayam ng ABS-CBN, na inutusan umano siya ni Belleza na gamitin ang sirena para magalisan ang mga bugaw at prostitute sa lugar. Habang itinanggi naman ni Belleza sa naturang interview na gumamit siya ng sirena. I m going to fix this (problem) like a man, ayon kay Bel leza. Ang dalawa ay kapwa dinala sa MPD-PS 5 at kinasuhan ng illegal use of sirens. 8 sasakyan nagkarambola sa Makati (Armida Rico) Lumikha ng grabeng pagsisikip ng daloy ng trapiko ang pagkakarambola ng walong sasakyan kabilang ang Kia van na nakarehistro kay Ilocos Norte Rep. Roque Ablan, Jr., makaraang mawalan ng kontrol ang isang Isuzu Elf Truck na umararo sa mga sasakyan kahapon sa Makati City. Sa report ni PO3 Mardy Domingo, ng Makati Police Traffic Enforcement Branch, alas-nuwebe ng umaga nang maganap ang insidente sa Osmeña Highway malapit sa kanto ng Pasay Road makaraang pahintuin ng mga traffic enforcer ang truck na may plakang WAF-860 na minamaneho ni Martin Pineda bunga ng pagbubuga ng napakaitim na usok. Hindi umano kumagat ang preno ng naturang truck kaya inararo nito ang pito pang sasakyan kabilang ang isang Mitsubishi Pajero, (WKX-278), pick-up truck (UPT-379), Corolla taxi (TWM-481), Honda Civic (WAB-558) Toyota Sedan (ZHK-351) Civic (WEW-933) at ang Kia Pregio van (UMW-965) na nakarehistro kay Rep. Ablan. Bagama t hindi naman nakasakay si Ablan sa naturang van nang mangyari ang insidente, sinabi sa pulisya ng kanyang driver na si Augusto Paneza na kahahatid lamang niya sa St. Scholastica s College ng anak ng kongresista nang banggain sila ng naturang truck. Wala namang naiulat na nasawi sa insidente bagama t nagtamo ng bahagyang sugat si Pineda sa kanang kamay bunga ng pagkakabangga ng kanyang truck na may lulang asukal na dadalhin niya sa Cavite. Inabot naman ng halos 3-oras bago tuluyang naialis ng mga tauhan ng Metropolitan Manila Development Authority (MMDA) sa lansangan ang mga sasakyang sangkot sa banggaan kaya t lumikha ito ng grabeng pagsisikip ng daloy ng trapiko. Philpost employees pumalag Nagsampa ng reklamo ang mga nagmamalasakit na empleyado ng Philippine Postal Corporation (Philpost) kahapon sa Office of the Ombudsman laban sa kanilang legal counsel dahilan sa umano y paglabag nito sa Anti-Graft and Corrupt 6

7 Practices (Republic Act No. 3019) at iba pang mga batas. Sa 4-pahinang reklamo na isinumite kay Ombudsman Merceditas Gutierrez, sinabi ng mga nagmamalasakit na empleyado na ang abogado nilang si Sim Oresca Mata ay nagpa-private practice samantalang full-time ang kanyang trabaho bilang chief ng Prosecution Service ng Philpost Legal Department. Ayon pa sa mga empleyado, si Mata ay umaktong legal consultant sa National Printing Office (NPO) sa panahon nina dating Directors Philip Evardone at Enrique Agana na illegal dahilan sa ang kanyang trabaho sa Philpost ay fulltime. Ipinahayag pa nila na si Mata ay nagre-report nang maaga sa Philpost upang mag-log in at babalik sa hapon upang maglog out. Ayon sa kanila, ang ilang log-in at log-out ni Mata ay nai-record sa NPO. Nakasaad din sa kanilang reklamo na hayagan pang ipinapakita sa kanila ni Mata ang kanyang karangyaan na hindi angkop sa kanyang taunang sahod. Kaugnay nito, hiniling nila sa Ombudsman na magsagawa ng agarang imbestigasyon kay Mata. Bgy. Tanod kinatay ng pamangkin (Bell Desolo) SAN PABLO CITY --- Mala-hayop na kinatay ang 30-anyos na barangay tanod ng umano y pamangkin nito matapos magtalo sa hindi nabatid na dahilan habang nag-iinuman kamakalawa ng gabi. Tadtad ng saksak sa mukha, leeg at dibdib nang matagpuang walang buhay na nakabulagta sa tapat ng Barangay Hall ng Bgy. Buenavista ang biktimang kinilala ni Supt. Raul Bargamento, hepe ng pulisya, ang biktimang si Darwin Diala, may asawa. Nasukol naman habang patakas ang suspek na itinago sa pangalang Utoy, 15-anyos, na umano y pamangkin ng biktima. Sa follow up investigation, nabatid na bago ang insidente ay nag-inuman umano ang biktima at suspek kaugnay ng piyesta sa nasabing lugar ngunit sa di-natukoy na dahilan ay nagtalo ang mga ito na ikinagalit ng suspek at sinaksak si Diala at pagkatapos ay agad nagtago ngunit sa tulong ng ilang nakakita ay natunton ito sa pinagtaguan at naaresto. YFWP inilunsad sa Rizal KAPITOLYO NG RIZAL, Antipolo City --- Nakipag-partner ang pamahalaang panlalawigan ng Rizal sa Sangguniang Kabataan (SK) Federation at ng Youth Federation for World Peace (YFWP), sa paglulunsad kamakailan ng Rizal chapter ng YFWP sa bagong gusali ng kapitolyo ng Rizal sa siyudad na ito. Kasabay ng paglulunsad ay isang seminar tungkol sa universal principles at life goals na may temang: Youth in Action: The Seed of Tomorrow Being Planted by the Youth of Today. Mga kilalang lecturers mula sa International Peace Leadership College at World Collegiate Association for the Research of Principles ang nagsalita tungkol sa universal principles of peace at foundation for leadership. Samantala, isa ring lecture tungkol sa pamahalaang panlalawigang programa sa drug abuse prevention and control para sa mga kabataan ang tatalakayin ng tagapangasiwa ng Rizal Anti-Drug Abuse Office (RADAO). Pangungunahan ni Rizal Gob. Jun Ynares III ang panunumpa at ang toast for world peace. Opisyal ng CPP-NPA, asawa nasakote (JB Salarzon) Bumagsak na sa kamay ng Armed Forces of the Philippines (AFP) at Philippine National Police (PNP) ang isa sa pinakamataas na opisyal ng Communist Party of the Philippines-New People s Army (CPP-NPA) ng Hilagang Luzon kasama ang kanyang asawa na isa ding opisyal ng nasabing rebolusyonaryong kilusan. Sa ulat ni Chief Supt. Orlando Pestano, regional director ng Cordillera Administrative Region (CAR), ang mag-asawang 7

8 sina Jovencio Balweg alyas Ka Rudy/Dawa at Carmen Balweg alyas Ka Dumay ay nasakote sa kanilang pansamantalang tinutuluyang bahay dakong alas-4:10 ng hapon kamakalawa sa Camp 7, Baguio City. Si Jovencio, nakakabatang kapatid ng pumanaw nang si dating NPA commander at Cordillera People s Liberation Army (CPLA) founder Fr. Conrado Balweg, ay may patong sa ulo na P1 milyon. Batay sa datos ng military at pulisya, si Jovencio ay miyembro ng executive committee ng Ilocos-Cordillera Regional Committee at secretary-general ng Abra Provincial Party Committee samantalang ang kanyang asawa ay pinuno at medical officer ng Provincial Army Party Committee, miyembro ng Provincial Political Department, at miyembro ng Sangay sa Hukbo/SDC. Si Jovencio rin ang itinuturong bumaril at nakapatay sa kanyang kapatid na si Conrado, dating pari ng SVD, sa kanilang ancestral home sa bayan ng Malibcong, Abra noong December Mata ng anak, kinain ng erpat (AP) BAKERSFIELD, California --- Isang 4-anyos na paslit ang pinangangambahang tuluyang mabulag matapos kagatin ng kanyang tatay ang isa nitong mata. Batay sa report ng Bakersfield police, hinihinalang nasa impluwensya ng bawal na gamot ang ama nitong kinilalang si Angel Vidal Mendoza, 34, nang atakehin ang anak nitong si Angelo Mendoza Jr. noong Abril 28, batay na rin sa lumabas na ulat sa pahayagang The Bakersfiled Californian. Matapos ang insidente ay mabilis na pinaandar ng suspek ang kanyang wheelchair palabas ng bahay sabay taga sa kanyang binti gamit ang palakol. My daddy ate my eyes, pahayag ng biktima. Napag-alamang wala sa kanilang tahanan ang ina ni Angelo Jr., nang isagawa ng suspek ang insidente. 2 eroplano nabanggaan sa ere (AP) LONG BEACH, California --- Dalawang maliliit na eroplano ang nagsalpukan habang kapwa nasa himpapawid sa may Southern California. Nabatid na isa sa mga eroplano ay ang Cessna 172 na umalis mula sa Long Beach. Wala namang nakuhang impormasyon hinggil sa isa pang eroplanong nakabanggaan nito. Hindi pa rin matukoy sa report kung ilang katao ang sakay ng bawat eroplano habang masusi nang nagsasagawa ng search and rescue operation ang mga awtoridad. Ayon kay Coast Guard Lt. J.G. Stephanie Young, ilan sa mga debris ng eroplano ay namataan, may limang milya ang layo sa Long Beach breakwater kung saan sinabi naman ni FAA spokesman Ian Gregor na isa sa piloto ang nakasaksi sa nasabing salpukan ganap na alas-5:45 ng hapon. Minaltratong Pinay sa Dubai, 3 pa sa Poland nakauwi na (Aries Cano) Ngayon na lamang nakahinga nang maluwag ang isang Filipina worker sa Dubai na dumanas ng katakut-takot na maltrato at pahirap ng amo dahil sa wakas ay nakatapak na siya sa sariling bansa. Isang araw naman bago nakauwi ang Pinay mula sa Dubai ay tatlong Filipino factory workers naman mula sa Poland ang nakauwi na rin. Bahagi ito ng 98 overseas Filipino workers (OFWs) na hindi makatwirang tinatrato sa napasukang pabrika. Dumating kamakalawa si Maria Caridad Maricar Evangelista-Laganzo, 35, may-asawa at apat na anak ay dumating sa Maynila nitong Lunes (Mayo 18) buhat sa United Arab Emirates (UAE) sakay ng Gulf Air. Nabatid na dumating si Laganzo sa Dubai noong Oktubre 2007 at kumayod bilang domestic helper, pero minaltrato siya ng kanyang amo. Binabato umano siya ng upuan, hindi binabayaran ng sweldo at tinatakot pang ipakukulong. Noong Setyembre 2008, isinoli si Laganzo sa ahensya nito dahil nakatanggap ng maraming tawag mula sa media ang kanyang amo. Ikinulong naman siya ng ahensya sa loob ng isang buwan sa isang masikipna kusina na halos walang hangin at 8

9 pinagdamutan ng pagkain. Hindi rin nila ipinakausap si Laganzo kahit kanino at madalas umano itong sinasaktan. Nakatakas si Laganzo mula sa ahensya noong Oktubre 5, 2008 at nagtungo sa OWWA center sa Dubai kung saan dumagsa ang tulong mula sa Filipino Community sa UAE. Gayunpaman, kinasuhan ito ng ahensya dahil pinagbintangan na may binasag na pintuang salamin at may plano umanong magnakaw at manakit. Sa gitna ng dinanas na hirap at panggigipit ay sumungaw ang pag-asa para kay Laganzo nang magpasaklolo ang Anakpawis at Migrante kay Sen. Manny Villar matapos na mawalan ng saysay ang pagpipiket ng dalawang grupo sa harap ng Philippine Overseas Employment Administration (POEA). Agad kumilos si Villar at sinagot ang US$400 na halaga ng tiket ng eroplano ni Laganzo para agad itong makauwi ng Pilipinas. Samantala, sa pag-uwi ng tatlo pang OFWs mula sa Lodz, Poland noong Linggo ay umabot na sa 67 kabuuang bilang ang napauwi sa bansa, ayon sa ulat ng Department of Foreign Affairs (DFA). Solon, mahilig mag-adjust ng bra Sa kabila ng pagkakaimbento ng wonder bra at iba pang naglalabasang uri ng bra sa kababaihan, problemado pa rin ang isang miyembro ng Upper House sa bra na kakasya sa kanyang hindi kalakihang hinaharap. Kung ang mga kalalakihan ay nahihilig sa pagkambyo kapag nakabalagbag ang kanilang hinaharap, aba y halos ganito rin ang ginagawa ng lady solon kung saan ang bra naman ang ikinakambyo nito para kumasya sa kanyang dibdib. Natuklasan ni Mang Teban ang ugali ng senadorang ito na kahit na sa mataong lugar, tulad ng session hall ay nakakaugalian nitong kalikutin ang kanyang bra para lamang isalpak ng husto sa kanyang dibdib dahil sa palagi itong humuhulas. Minsan nga daw, habang kausap ng senadora ang isang machong senador, aba eh bigla na lamang dinukot ang kanyang bra sabay adjust nito para lubusang masapo ang kanyang dibdib. Hindi lang ang senador ang nakakakita ng pagbutingting ng senadora sa kanyang bra kundi pati na ang mga tao sa gallery at sa ilang daang kawani ng Senado na nakatutok sa CCTV. Pintahan n yo na: Ang senadora na mahilig magkalikot ng kanyang bra ay isa sa tatakbo sa darating na halalan. Palagi itong tinatawag na magandang lady solon, tulad ng iba pa niyang kabaro sa Senado, bagama t napapagtawanan kapag binabanggit na ang lugar na kanyang pinagmulan Kung kelan naman pasukan na! Isa talaga ito sa nakakapikong ugali nating mga Pinoy. Kung kelan last-minute ay saka hihirit. Sa shopping mahilig tayo sa last-minute shopping. Mahilig ding sumabay sa rush hour kung saan pinakamatindi ang traffic. Kahit ang mga opisyal ng ating gobyerno ay napakahilig pumasok sa last-minute na mga transaksyon lalo na kung papaalis na sa puwesto. Pabaon daw kasi ang kita rito. Pero merong isang last-minute na ugali tayong mga Pinoy na talagang nakakairita. Tingnan n yo ang mga kalsada ngayon sa Metro Manila. Hindi ba t kaliwa t kanan ang mga hukay? Butas doon, butas dito. Hindi pa isa-isa kundi sabay-sabay kung magbungkal sila ng mga kalsada. E, anong petsa na ngayon? Kulang na ng dalawang linggo t pasukan na. Hilo ba sila?! 9

10 Yun ngang walang mga hukay sa kalsada ay nagkakabuhul-buhol ang daloy ng trapiko basta umariba na ang klase, tapos dadagdagan pa nila ng kaliwa t kanang road repair at rehabilitasyon? Hindi namin maubus-maisip kung bakit ngayong kalagitnaan ng Mayo nila naisipang magbubutas ng kalye at magsimula ng kanilang proyekto. Samantalang kalagitnaan ng Marso ay patapos na ang klase at mayroon silang buong buwan ng Abril at Mayo para sana gawin ang mga dapat nilang gawin sa ating mga kalsada. Totoong kailangan natin ang ganitong proyekto at talagang malaking tulong sa atin kapag naayos ang mga ito. Pero ang sinasabi namin ay ang tamang pagpaplano naman. Gawin nila ang kanilang obligasyon sa tamang panahon naman! Napakalaking perwisyo ng mga kinukumpuning kalsada sa panahong bukas ang mga paaralan. Milyun-milyong estudyante ang nagyayao t parito araw-araw sa magkakaibang oras sa halos buong araw simula Lunes hanggang Sabado. Kung minsan ay pati Linggo. Hindi lang mga pampasaherong behikulo ang dagsa kundi pati na rin ang mga pribadong sasakyan ng mismong mga estudyante o kung minsan ay kanilang mga magulang. Idagdag pa ang sandamukal na ring school service at shuttle. Pagkatapos ay isasabay natin sa opening ng klase ang pagkalkal ng mga kalsada? Hindi nag-iisip ang mga taong gumagawa nito. Ang katwiran nila, paspasan naman daw nilang matatapos ang pagsasaayos ng mga kalye. Ayun! Kaya madaling masira e. Inaapura. Hindi dapat ganito ang programa ng ating pamahalaan. Hindi ganito ang inaasahan sa kanila ng taumbayan na siyang gumagastos sa mga proyektong ito sa pamamagitan ng katakut-takot na buwis. Hinaing ni Mahistrado Puno Sa pagsusulong ng kanyang Moral Force, isang kilusang ninanais na manumbalik ang mga adhikain at kaugaliang naaayon sa tama, batay sa atas ng konsensiya at ng mga kaugaliang panlipunan na hinubog ng panahon at kasaysayan ng ating lahi, nagsalita kamakailan sa Lungsod ng Dabaw si Punong Mahistrado Reynato Puno ng Kataas-taasang Hukuman. Kung ating susuriin ang kayamanan ng bansa, makikitang ito ay kontrolado ng iilang tao...at ang pamahalaan ay hawak sa kamay nitong mga iilang mayayamang mga tao, pananaw ni Puno. Dagdag pa niya, Sa ganitong kalagayan, kailanman ay hindi susulong ang demokrasya. Iilang mayayaman ang makapangyarihan samantalang kay dami ng naghihikahos. Ang ganitong kawalan ng katarungan maging sa paghahatian ng ating pambansang kabuhayan ay dala na rin ng kakulangan ng wastong asal, kahinaan ng ugali, at lalong nagpapalala sa kahirapan at kawalan ng katahimikang panlipunan sa ating bansa, paliwanag ng punong mahistrado. (Isinalin natin ang winikang Ingles sa Pilipino.) Tama ang pananaw ni Mahistrado Puno. Hindi naman kaila sa mga Pilipino ang ganitong katotohanan. Maski nga si Romulo Neri, na minsang hinawakan ang NEDA bilang kalihim, ay nagsabing ang ating ekonomiya ay hawak sa leeg ng iilan, na yumayabong dahil sa ang mga ito ay nagsasamantala sa mga patakaran ng pamahalaan at sa impluwensya sa namumuno ng pamahalaan. Anu-ano ang mga industriyang hawak ng iilang makapangyarihan, na kanilang nakuha at patuloy na pinangingibabawan dala ng impluwensya? Kuryente, na may tatlong bahagi: ang pag-generate, ang pag-transmit, at ang pagdala sa mga gumagamit (generation, transmission, distribution). Sa power generation, na isinasapribado ng pamahalaan, sinu-sino liban sa Napocor, ang siyang nangingibabaw: Aboitiz, Lopez. Sa power transmission, ang nanalo sa diumano y patas na bidding (patas nga kaya?) noong nagdaang taon ay isang grupong may kasaling korporasyong Tsino, at ang kaibigan ng mag-asawang Arroyo na si G. Ricky Razon. Sa power distribution, ang Meralco, na ngayon ay pinaghatian ng San Miguel nina Danding Cojuangco at Ramon Ang, at ng korporasyong Indones-Pilipino sa pamumuno naman ni Manuel V. Pangilinan, matapos na ibenta ng pamahalaan at ng mga Lopez ang kanilang 10

11 aring mga sosyo rito. Telecommunications, kasama ang telepono, cellphone, internet, atbp --- Smart/PLDT/Piltel ng korporasyong Indones-Pilipino ni Manny Pangilinan; Globe ng mga Ayala, kasali ang Singtel ng Singapore; Sun ng mga Gokongwei; at Bayantel ng mga Lopez. Eroplano: PAL ni Lucio Tan; Cebu-Pacific ni Gokongwei; Air Philippines ni Lucio Tan; Zest-Air ni Alfredo Yao, na diumano y may kasosyong makakapangyarihan. Sasakyang pandagat: WG and A ng mga Aboitiz; Montenegro Shipping ng mga balae ni Pangulong Arroyo; Negros Navigation na dating sa mga Ledesma na ngayon ay tila naibenta na. Distribusyon ng tubig: Maynilad, na dating sa mga Lopez, ngunit ngayon ay naibenta sa isang grupong pinangungunahan ng mga Consunji; Manila Water ng mga Ayala, at iba t ibang patubig na kontrolado, sa kanikanilang lalawigan o rehiyon, ng mga makapangyarihang pulitiko o malalapit dito. Pagpapatakbo ng mga pantalan o pier: Ricky Razon. Maliit na operator din si Reghis Romero na kilala dahil sa Smokey Mountain project. Sa maliliit na pantalan sa mga lalawigan, hawak ng mga pulitiko o malalapit sa kanila. Real Estate at Bahayan: Ayala; mga korporasyon ni Sen. Manuel Villar; Megaworld ni Andrew Tan; Robinsons ni Gokongwei; Henry Sy; Filinvest ni Andrew Gotianun; mga Concepcion, Consunji; George Ty ng Metrobank. Shopping malls, na halos ay kinitil na ang maliliit na negosyanteng nagtitingi: SM ni Henry Sy; Robinsons ni Gokongwei; mga Gaisano sa Visayas at Mindanao. Ang tanong: Hindi ba t kabahagi ng paglaki, at patuloy na pagiging dambuhala, ng mga oligarkiyang ito ang lakas at impluwensiya sa mga namumuno sa pamahalaan? Hindi ba t kaakibat ng mga ito ang mga dinastiya naman sa pulitika, na ginawa na ring malaking negosyo ang pulitika, at hindi serbisyo publiko? Tama si Puno. Hindi iiral ang tunay na demokrasya sa ganitong sistema. (banayo_at@yahoo.com Ethics Committee Matagal na dapat inilunsad ang isang kilusan para wabukod tangi na marahil ang Ethics Committee mapa- Senado man o sa Mababang Kapulungan na pilit iniiwasan ng mga mambabatas na maging miyembro dahil ayaw nilang maging hukom ng kanilang mga kabaro na nahaharap sa imbestigasyon. Pero may mga pagkakataon sa kasaysayan ng Kongreso na hindi makatanggi ang mga mambabatas sa Malacañang kung kaya napipilitan silang i-convene ang Ethics Committee para imbestigahan ang kapwa nila mambabatas na itinuturing na kaaway ng Palasyo. Ganito ang nangyari kay Senador Juan Ponce Enrile noong 1990 nang siya ay madawit sa nabigong kudeta ng mga rebeldeng sundalo noong 1989 at sampahan ng kasong rebellion complex with murder. Madali para sa mayorya noon ng Senado na nasa pamumuno ni Senate President Jovito Salonga na madaliin ang kaso laban kay Enrile dahil siya lang at si Senador Joseph Estrada ang miyembro ng minorya at sabihin pang napakalakas ng kontrol sa Senado ng Pangulong Cory Aquino. Hindi umaasa noon si Enrile na mabibigyan ng patas na paglilitis sa Ethics Committee pero sa kabila noon ay sinagot niya ang mga paratang at nakulong pa nga siya nang ma-isyuhan ng warrant of arrest dahil sa kasong kriminal na rebellion complex. Nakarating sa Korte Suprema si Enrile na naglabas ng desisyon na walang kasong rebellion complex at dahil dito ay ibinasura ang kaso laban kay Enrile at ito naman ang kanyang ginamit para maibasura din ang kaso sa 11

12 Ethics Committee. Si Senador Alan Peter Cayetano ay nakaranas din ng matinding panggigipit sa Ethics Committee sa House of Representatives dahil sa isinampang kaso ni First Gentleman Mike Arroyo laban sa kongresista mula sa Taguig. Nag-ugat ang ethics case kay Cayetano dahil sa kanyang alegasyon noong 2006 na may secret bank account si FG sa Hypovereins Bank sa Switzerland na lumabas sa imbestigasyon na isang malaking kuryente dahil wala naman talagang account doon si Mike Arroyo. Pero hindi puwedeng aminin ni Cayetano na na-kuryente siya sa nakuhang impormasyon kung kaya nagmatigas ito na tama ang kanyang alegasyon at tumangging sumama sa grupo ni FG sa Switzerland bilang bahagi ng ocular inspection ng Ethics Committee. Alam ni Cayetano noon na wala siyang laban sa Ethics Committee pero sa kabila noon ay humarap siya rito at sinagot ang mga paratang sa kanya ng mga kapwa kongresista kilalang mga sipsip kay FG at kay Gng. Gloria Macapagal-Arroyo. Masuwerte lang si Cayetano at inabutan na ng eleksyon ang kanyang ethics case at nanalo siya bilang senador kung kaya balewala na ang imbestigasyon ng Ethics Committee at nakalimutan na rin ang kuryenteng inabot ng Taguig congressman. Maging ang nasirang ama ni Alan na si Sen. Rene Compañero Cayetano ay sumailalim din sa imbestigasyon ng Ethics Committee dahil sa kanyang BW shares na kanyang nakuha nang walang inilalabas na pera ayon na rin sa presidente ng BW na si Dante Tan. Masuwerte rin itong si Compañero dahil inabutan ng EDSA 2 ang kanyang kaso at dahil si Pangulong Joseph Estrada ang nasa likod ng ethics case laban kay Compañero ay ibinasura na rin ito ng Senado hanggang nakamatayan na nga niya ito. Sa kaso ni Senador Manny Villar, maliwanag na hindi si GMA o ang Malacañang ang nasa likod ng ethics case laban sa kanya kundi aksidente lang na natisod ni Senador Ping Lacson habang binubusisi ang mga congressional insertion sa national budget. Ang hindi maintindihan kay Villar ay kung bakit hanggang ngayon ay ayaw niyang sagutin ng deretso ang tanong kung nakinabang ba ang kanyang mga subdivision sa kalsadang pinondohan mula sa kanyang pork barrel. Pumayag na nga ang mayorya na hindi sa Ethics Committee kundi sa Senate Committee of the Whole na sagutin ni Villar ang naturang isyu dahil na rin sa kanyang sinabi noon na sa Senate floor niya gustong sumagot at hindi sa komite ni Lacson. Pero hanggang ngayon ay wala tayong sagot na naririnig kay Villar kundi puro pulitika lang umano ito at gawagawa lang ng mga kapwa niya mga presidentiables. Kung nasa panig ni Villar ang katotohanan, wala siya dapat ikatakot at mismong ang kanyang ka-alyadong si Alan Peter Cayetano ang dapat na humimok sa kanya na magsabi ng katotohanan dahil na rin sa Biblical passage na The truth shall set you free. At sobra na ang pagkainip ng taumbayan na marinig ang katotohanan mula sa bibig ni Manny Villar. Nakinabang ba ang kanyang mga subdivision sa mga kalsadang pinondohan ng kanyang pork barrel? Yan lang ang kanyang dapat sagutin at tapos na ang kuwento. Simbahan sa loob ng simbahan (2) Sapagkat sinong nagsihamak sa araw ng maliliit na bagay? Sapagkat ang pitong ito ay mangagagalak, at makikita nila ang pabatong tingga...ang mga ito y mga mata ng Panginoon, na nangagpaparoo t parito sa buong lupa. -- Zacarias 4:10 12

13 Kapag nagbasa ka kasi ngayon ng mga Christian books tungkol sa church growth, mga bagong estratehiya ng pagpaparami ng tao sa loob ng simbahan ang makikita mo. Ano ang dapat gawin para hindi sila mailang na pumasok sa loob? Ano ang mga dapat gawin para magpasya silang bumalik nang bumalik sa simbahan mo? At ano naman ang mga dapat o hindi dapat sabihin sa pulpito para manatili silang interesado t nakikinig sa iyo? At pagkatapos sagutin ang mga iyan ay magpapakita ang awtor ng libro (o kaya naman ang tagapagsalita sa church growth seminar) ng mga halimbawa ng mga Bible study o maliliit na simbahang lumaki nang malaking-malaki dahil sa pagsunod nila sa gayong pamamaraan o prinsipyo. Kapag tiningnan mong maigi at tama ka namang mag-isip, siyempre makikita mong maganda ang ginagawa ng mga church leaders o church growth strategists ngayon. Pinag-aaralan nilang mabuti ang sitwasyon, ang panahon, at nagdidisenyo ng mga makabagong paraan para maipagpatuloy nang mahusay ang gawaing ipinagkatiwala ng Panginoong Jesus sa Kanyang mga alagad mahigit 2,000 taon na ang nakalilipas. At maraming kaluluwa nga ang naliligtas at nababago ang buhay. Ang hindi magandang bunga lang ng ganitong matinding pag-usbong ng mga malalaking churches ay ito: Nagkakaroon ng baluktot na kaisipan ang maraming mga kasapi ng mga malalaking fellowship na basta t kabilang ka ng isang successful na church e successful ka na rin sa Christian life mo. At kapag naghihirap ang church ninyo e hindi ka pinagpapala ng Diyos at wala ang Banal na Espiritu roon. Isara mo na lang ang mga pinto ng simbahang iyan at umanib ka na sa mas malaki para mas may magawa kayo. Ang advantage nga naman kasi ng malalaking churches e malalaki rin ang mga napagkukunang-yaman ng mga ito. Mas maraming malalaking proyekto ang nagagawa, mas magaganda ang facilities o kagamitan, mas kumportable ang mga sumasamba at dumadalo sa mga gawain. Mga kapatid, ang isang tunay na church ay hindi nasusukat sa laki o liit. Ang Diyos na may gawa ng napakalawak na universe natin o sansinukob ay Siya ring naglagay ng kagila-gilalas na kapangyarihan at enerhiya sa loob ng isang napakaliit na atom. Di ba atomic bomb ang ginamit ng Amerika para wasakin ang Nagasaki at Hiroshima sa Japan noong panahon ng World War II (bandang 1945)? Mahigit 200,000 na mga sibilyang Hapones ang namatay sa pag-atakeng iyon ng mga Kano. Niresbakan ng Amerika ang Japan at ang isang matinding dahilan ay ang pag-atake ng mga Hapon sa Pearl Harbor noong December 7, Kahit ang Israel na lang. Kapag naglatag ka ng mapa ng buong daigdig sa isang malaking mesa, makikita mo na ang Israel ay halos gatuldok lang ang laki. At nang piliin sila ng Diyos upang maging Kanyang bayan ay wala pa nga sila sa mapa! E di ba, kung pagaganahin mo ang iyong sentido kumon, mas maganda kung malaking bansang tulad ng Tsina ang pinili ng Diyos upang maging Kanyang bayan sa Lumang Tipan. Mas maraming tao, mas maraming magpapakalat ng mensahe ng Ebanghelyo sa daigdig. Mas maraming magpapakalat ng mensaheng iyon, mas maraming maliligtas. Nai-imagine mo ba ang Panginoong Jesus na singkit ang mata at manilaw-nilaw ang balat? Nakakatuwang isipin. Pero iyon nga. Hindi gayon ang plano ng Diyos. Gusto Niyang mas ipakita ang Kanyang kapangyarihan sa pamamagitan ng paggamit ng isang lahing palaging inaapi at tinatapak-tapakan. Kasi nga naman, pag mahina ang isang bayan at nakikita mong namamayagpag kahit palibutan ng laksa-laksang mga kaaway, iisa lang ang pupuntahan ng papuri at luwalhati: Ang Diyos mismo. Hindi ang mga plano, ang mga estratehiya ng pakikidigma, hindi ang talino ng tao ang pag-uukulan ng pansin kundi ang presensiya ng Diyos mismo sa bayang iyon. Mga kapatid, ito ang punto natin: Mahalaga sa Diyos ang lahat ng simbahang tunay na tumatawag sa Kanyang pangalan. Kahit ako mismo ay sumasamba sa Kanya sa loob ng isang local church na bahagi ng malaki at pulu-pulutong ng mga churches sa iba t ibang bansa. Nasa milyones talaga ang bilang namin kapag pinagsama-sama mo ang lahat ng churches na iyan. Pero ang tunay na simbahan ay hindi yung istruktura. Hindi yung grupo mismo, kundi ang bawat tunay na mananampalataya sa loob ng grupong iyon. Hindi kasi lahat ng kasama sa statistics e tunay na anak ng Diyos. Kaya t yung aktwal na pinagsama-samang dami ng mga tunay na Kristiyano ang siyang magkikita-kita sa langit pagdating ng araw. Galing sa iba t ibang churches ang mga ito, mega church man o church sa may kanto. Pag-uusapan pa natin ulit ito. Shalom and God bless! [Sumulat kay Zayith Hebron sa NABIIM, P.O. Box 468 Araneta Center, Cubao, Quezon City 1135 Philippines. pagpapala2005@yahoo.com. Blog: 13

14 Mali at tamang pagtingin sa sarili Dear Kuya Rom, Ang tingin ko sa aking sarili ay walang halaga. Noong bata ako ay lagi akong pinapalo ng aking nanay. Minsan ay hindi napigilan ng aking tatay ang kanyang galit at sinaktan niya ako. Noong nasa high school ako, laging ako ang inaapi ng aking mga classmates. Pagkatapos ng high school, nang ako y mag-try na maghanap ng trabaho, nagkaroon ako ng isang kaibigan. Isang araw ay ipinakilala niya ako sa isang mayaman, at huli na ng malaman kong may balak na masama sa akin. Siya pala ay isang bakla, at ako ay kanyang pinagsamantalahan. Lahat ng karanasang ito ay parang may masamang epekto sa akin. Madali akong magalit. Madaling mainis. Madali akong magtampo. Hindi ako nagtatagal sa trabaho ko. Lahat ng ginagawa ko ay parang mali, parang papunta sa wala. Ang nadarama ko y walang nagmamahal sa akin, walang nagtitiwala. Hindi ko maunawaan ang aking sarili. Ngayon ay naghahanap ako ng trabaho. Ngunit parang ayaw ko nang magtrabaho. Baka magkamali ako sa trabaho at ako y matanggal. Sana po, Kuya Rom, mabigyan mo ako ng payo. Maraming salamat! -- Reggie Dear Reggie, Kailangang kalimutan mo ang nakaraan upang mapanatag ka sa kasalukuyan. Patawarin mo ang iyong mga magulang sa kanilang ginawa sa iyo. Unawain mong makasalanan din sila na tulad mo. Reggie, may tamang pagtingin sa iyong sarili: Tingnan mo ang iyong sarili sa pamamagitan ng pagtingin ng Diyos sa iyo (Roma 12:3). Wika ng Salita ng Diyos, Gayon na lamang ang pag-ibig ng Diyos sa sanlibutan, kaya ibinigay Niya ang Kanyang bugtong na Anak, upang ang sumampalataya sa Kanya ay hindi mapahamak... (Juan 3:16). Reggie, nakita mo ba? Mahal ka ng Diyos, kahit pa sa tingin mo y hindi ka pinahahalagahan ng iba. Wika pa rin ng Salita ng Diyos, walang bagay ang makapaghihiwalay sa iyo sa pag-ibig ng Diyos (Roma 8:39). Gawin mong para sa iyo ang salitang sinabi ng anghel kay Daniel, Ikaw na kinalulugdan ng Diyos, huwag kang matakot, ipanatag mo ang iyong loob (Daniel 10:19). Ang talatang ito ay nagpapakita na iniibig at kinalulugdan ka ng Diyos. Hayaan mong pumasok sa kaibuturan ng iyong puso at buong pagkatao ang katotohanang ito. Sa bawat sandali ikaw ay nasa pag-iingat ng Kanyang mapagpalang kamay kahit sa tingin mo ay galit sa iyo ang mundo. Siya ang Diyos na sa mula t mula pa y iyong kanlungan (Deuteronomio 33:27). Magtiwala kang mahal ka ng Diyos kahit na sa tingin mo ay walang taong nagmamahal sa iyo. Wika ni Apostol Pablo, Hinirang ka ng Diyos bago pa nilikha ang sanlibutan. Dahil sa Kanyang pag-ibig... (Efeso 1:4-5). Ikaw ay mahalaga sa Diyos -- sa pamamagitan ng pag-ibig ng Panginoong Jesus ikaw ay ginawang higit sa lahat ng Kanyang mga nilalang (Santiago 1:18). Gaano ka kahalaga sa Diyos? Ikaw ay higit sa lahat ng mga nilalang ng Diyos! Ang iyong pagkatao ay hindi ayon sa iyong masamang nakaraan kundi ayon sa Diyos. Kung kikilalanin mo ang Diyos bilang nag-iisang tunay na Diyos at pananaligan mo ang Kanyang bugtong na Anak na si Jesus-Cristo bilang iyong Tagapagligtas at Panginoon, lahat ng katotohanang ito ay magiging katotohanan sa iyong buhay. Ang Kanyang pangako ay ito: Ang sinumang tumanggap at manalig sa Kanya ay binigyan Niya ng kapangyarihang maging anak ng Diyos (Juan 1:12) upang magkaroon ng buhay na ganap at kasiya-siya (Juan 10:10). Kaya t magalak ka, magkaroon ka ng tiwala sa iyong sarili, maghanap ka ng trabaho, pagbutihin mo ang iyong paggawa, pakitunguhan mo ng maayos ang iba, at ikaw ay magtatagumpay. God bless you! Payong kapatid, Kuya Rom 14

15 CAVS, LAKERS BUBUWENAMANO (AP) Pagkatapos tuhugin ang walong sunod na double-digit victories sa isa sa pinakadominanteng performance sa NBA playoffs, ilang araw nagpahinga ang top-seeded Cleveland Cavaliers at apat na panalo na lang ang kailangan para sumampa sa finals, ikalawa nila sa nakalipas na tatlong taon. Pero lamang ang No. 3 Orlando Magic 2-1 sa paghaharap nila ngayong season. Kabilang sa panalong iyon ang pagdurog sa Cavs noong April 3. Nagsumite si LeBron James ng 43 points, 12 rebounds at eight sa home win ng Cavs noong March 17 pero may combined 17-for-47 mula sa field sa dalawang talo nila sa Orlando. Si Dwight Howard ay nag-average ng 18.3 points at 14.7 boards kaya lang ay nalimitahan sa walong attempts nang matalo ang Magic. Match lang din ang pointguards ng dalawa, si Mo Williams ng Cavs at Rafer Alston ng Magic. Tapatan din sina James at Hedo Turkoglu na gumaganda ang laro para sa Orlando, instrumento pa sa Game 7 win nila kontra Boston nang magsumite ng 25 points at 12 assists. Tagong armas ng Orlando si Mickael Pietrus na aasahang makakatulong sa pagsawata kay James. Gumana rin ang opensa ni Pietrus dahil tatlong ulit itong umiskor ng 17 points sa semifinals kasama na noong Game 7. Sa Western Conference, ungos din ang Los Angeles Lakers sa matchup nila ng Denver Nuggets ngayong taon 3-1. Isa sa panalo ng Lakers ay noong wala pa si Chauncey Billups sa Nuggets. Sa huling tatlong laro, nilimitahan ng LA sa 13-of-61 shooting mula sa 3-point range ang Denver. Sa mga paghaharap na iyon, kasabay ng pagpigil kay Carmelo Anthony ay nagsumite ng average na 31 points habang si Pau Gasol ay may 18.3 ppg at 12.3 rpg. Bagama t dinomina ng Lakers ang Western Conference nitong regular season, umabot sa pitong laro bago nila naalpasan ang pilay pang Houston sa second round. Impresibo ang pagpapatalsik ng Denver sa New Orleans at Dallas kaya gumanda ang tsansang makarating sa kauna-unahang NBA finals appearance. Magandang bantayan ang pagtapat nina Billups, nasa ika-pitong sunod na conference finals, at si Derek Fisher ng LA. Si Fisher ay hindi nakaporma kay Aaron Brooks ng Houston, pero sasandalan tiyak ng Lakers ang kanyang eksperiyensiya. Nariyan din ang matchup ni Gasol kina Kenyon Martin at Nene. Siguradong magiging pisikal ang frontcourt tandem ng Nuggets para masawata si Gasol. Ang x-factor ng laro ay si Andrew Bynum at umaasa ang Lakers na magiging mabangis ang sentro tulad noong Games 5 at 7 kontra Rockets. Game 1 ng Lakers-Nuggets ngayon sa Los Angeles, habang una namang magsasagupa ang Cavs at Magic sa Huwebes sa Cleveland. Paboksing ni Pacquiao, MILF, MNLF may kinatawan (Vladi Eduarte/Rose Miranda) Nakatakdang magpadala ng kinatawan o representante ang Moro Islamic Liberation Front (MILF) at ang Moro National Liberation Front (MNLF) para sumabak sa pinaplanong kauna-unahang Boxfest for Peace ni Filipino ring icon Manny Pacquiao, na bahagi ng kanyang proyekto bilang Ambassador of Peace and Unity. Makakasagupa ng MILF at MNLF ang mga isasabak na boksingero buhat sa military at pulisya, na gaganapin sa huling linggo ng kasalukuyang buwan. 15

16 Tinawag na Tournament for Peace and Understanding, isasabay ang kumpetisyon sa inagurasyon ng Philippine Sports Commission-Amateur Boxing Association of the Philippines Gym sa Rizal Memorial Sports Complex. Kasama sa torneo ang mga non-rp team boxers na nasa 48 kilograms hanggang 75kg weight divisions. Katuwang nina Pacquiao at President Gloria Arroyo sa landmark event na ihu-host ni PSC chairman Harry Angping sina telecommunications mogul at ABAP chairman Manny V. Pangilinan, ABAP president Ricky Vargas at iba pang opisyal ng gobyerno, pribadong sektor at larangan ng palakasan. Nabuo ang plano sa contest nang magkita sina Angping at Pacquiao sa Palasyo. It is designed to foster camaraderie through sports among the military, the police, the MILF and the MNLF. And that instead of fighting it out in the battlefields, they can duke it out in the boxing ring and then embrace each other after the bouts, ani ABAP executive director Ed Picson. Pangungunahan ni Manila Archbishop Gaudencio Rosales ang blessin ng two-storey edifice na kumpleto sa standardsized ring at air-conditioned living quarters. Samantala, sinabi ni Pacquiao na nakahanda siyang makipag-usap sa mga rebelde upang himukin ang mga itong magbalik-loob sa pamahalaan. Nananawagan ako sa lahat na nasa bundok pa, puwede na kayong magbalik-loob sa pamahalaan. Pwede akong kausapin o tawagan, panawagan ni Pacquiao kahapon habang ineeskortan ang ilang sumukong rebelde sa Gen. Santos City. Lady Stags nilampaso ang L Jaguars Nangailangan lamang ang elims top team San Sebastian Lady Stags ng 56 minuto para kawawain ang University of San Jose-Recoletos Lady Jaguars ng Cebu, 25-8, 25-9, kahapon sa pagsisimula ng quarterfinal round ng Shakey s V-League Season 6 sa The Arena sa San Juan. Nagdeliber si Laurence Ann Latigay ng 16 kills sa kabuuang 17-point output, may 15 markers si Thai import Jaroensri Bualee habang si Rysabelle Devanadera ay naglatag ng 13 points para sa Lady Stags, na may pitong panalo na laban sa isang talo mula noong elims. Bigo ang six-time Cesafi champion Lady Jaguars na pigilan ang lakas at net defense ng Lady Stags kasabay pa ang pang-aalat sa pagkuha ng puntos. Tanging si guest player Erika Verano lamang ang nakapasok sa double-digit output sa itinalang 10 points. Sumandal din ang SSC, ang second conference winner ng ligang inisponsoran ng Shakey s Pizza noong isang taon, sa kanilang matatag na depensa. Nilimitahan ng SSC ang USJ-R sa 17 points lamang sa unang dalawang sets bago bahagyang mag-relax sa ikatlo tungo sa panalo. Nagposte rin ang Lady Stags ng anim na blocks at naglista pa ng 15 service points. Cobra umatake sa Game 3 (MJE) Malaki ang pasasalamat ni Cobra Energy Warriors head coach Lawrence Chongson sa tamang oras na pagbuhos ng kanilang opensa. Sapat ito para bigyang buhay pa ang kanilang kampanya na makaabante sa finals matapos itakas ang panalo sa Game 3 ng kanilang best-of-five Final Four matchup ng Oracle Residences Titans sa 2009 PBL PG Flex Unity Cup kahapon sa San Juan Gym. The good thing is nag-click ang offense namin today, sambit ni Chongson, na nakaiwas sa series sweep at nakuha ang unang panalo laban sa Titans sa nakalipas na limang paghaharap ngayong kompirensiya. 16

17 We took advantage of Oracle taking us lightly, dagdag pa niya. Kumana ng 18 points at pitong boards si Paul Lee, nagbuhos naman ng perpektong 3-for-3 mula sa three-point line si Rudy Lingganay sa kabuuang 15 markers habang may tig-12 points sina Val Acuna at Patrick Cabahug para sa Cobra. May tig-10 pa sina Pari Llagas at Raffy Reyes. Mula sa maagang 18-5 pagkakaiwan sa opening quarter, bumirada ng pitong three-pointers ang Energy Warriors sa ikalawang canto para tuluyang kunin ang manibela at ma- outscore ang Titans, Pumasok ang Cobra sa halftime tangan ang bentahe. Umangat pa hanggang sa ang kalamangan ng Energy Warriors nang masuwak ni Reyes ang pilit na threepointer bago tumunog ang shot clock buzzer may 8:24 sa payoff period. Ngunit dito na rin uminit ang kamay ni Chris Timberlake nang irehistro niya ang 11 sa 17-6 run ng Titans na tumigpas sa kalamangan ng Cobra, 79-78, may 2:19 na lang sa kanyang nakumpletong three-point play. Nagsilbing pamatay-sunog si Cabahug nang maglubog ng tres at sinundan pa niya ng isa pang basket na muling naglayo sa Warriors. Pinakaba pa ni Paul Sanga ang Cobra nang magsalpak siya ng tres sa loob ng huling 10 segundo na nagpalapit sa Oracle, 90-88, ngunit sinelyuhan ni Llagas ang laro sa ibinaong dalawang foul shots. Kinuha ng Oracle ang Game 1 sa madaliang paraaan, 76-68, ngunit nasagad pa muna ang Titans sa Game 2 bago mapasuko ang Energy Warriors, Brgy. Ginebra itataya ang winning streak Mga laro ngayon (Araneta Coliseum) 5:00 p.m. Ginebra vs. Coca-Cola 7:30 p.m. Talk N Text vs. Alaska May parehong misyon ang Barangay Ginebra at Talk N Text sa pagsabak sa papatapos nang classification phase ng Motolite-PBA Fiesta Conference: makakuha ng twice-to-beat advantage sa semis. Nasa pang-apat na puwesto ang Kings (7-5) sa likod ng nangungunang San Miguel Beer (11-2), at Burger King at Rain or Shine na may parehong 8-6 baraha. Nasa ibaba naman ng Ginebra ang Tropang Texters (7-6). Itataya ng Kings ang kanilang six-game winning run at tiyak na makakatikim ng matinding oposisyon dahil ang makakaharap nila sa unang laro ngayong 5 pm sa Araneta Coliseum ay ang Coca-Cola na sa 5-7 baraha ay naghahabol din para mapaganda ang kartada. Nakasungkit ng krusyal na panalo ang Tigers nang biktimahin ang sumesegundang Rain or Shine noong Biyernes. Nang unang magharap ang Coke at Gins noong March 4, nanaig ang Kings Sa kabilang banda, ang nasa solo-fifth na Tropang Texters (7-6) ay makikipagtuos naman sa mortal na karibal na Alaska sa 7:30 pm main game. Mula nang magharap ang TNT at Aces noong Philippine Cup finals, hindi pa nakakabawi si coach Tim Cone kay Chot Reyes. Kinapos ng signal ang TNT sa unang tatlong salang pagkatapos ng All-Star break bago nakasungkit ng back-to-back wins at huli sa biniktima ay ang Burger King sa dalawang overtime noong May 13. Brgy. Ginebra itataya ang winning streak Mga laro ngayon (Araneta Coliseum) 5:00 p.m. Ginebra vs. Coca-Cola 7:30 p.m. Talk N Text vs. Alaska 17

18 May parehong misyon ang Barangay Ginebra at Talk N Text sa pagsabak sa papatapos nang classification phase ng Motolite-PBA Fiesta Conference: makakuha ng twice-to-beat advantage sa semis. Nasa pang-apat na puwesto ang Kings (7-5) sa likod ng nangungunang San Miguel Beer (11-2), at Burger King at Rain or Shine na may parehong 8-6 baraha. Nasa ibaba naman ng Ginebra ang Tropang Texters (7-6). Itataya ng Kings ang kanilang six-game winning run at tiyak na makakatikim ng matinding oposisyon dahil ang makakaharap nila sa unang laro ngayong 5 pm sa Araneta Coliseum ay ang Coca-Cola na sa 5-7 baraha ay naghahabol din para mapaganda ang kartada. Nakasungkit ng krusyal na panalo ang Tigers nang biktimahin ang sumesegundang Rain or Shine noong Biyernes. Nang unang magharap ang Coke at Gins noong March 4, nanaig ang Kings Sa kabilang banda, ang nasa solo-fifth na Tropang Texters (7-6) ay makikipagtuos naman sa mortal na karibal na Alaska sa 7:30 pm main game. Mula nang magharap ang TNT at Aces noong Philippine Cup finals, hindi pa nakakabawi si coach Tim Cone kay Chot Reyes. Kinapos ng signal ang TNT sa unang tatlong salang pagkatapos ng All-Star break bago nakasungkit ng back-to-back wins at huli sa biniktima ay ang Burger King sa dalawang overtime noong May 13. Beasts of the East Dondon Monterverde Now it can be safely said, that the Boston Celtics will not be repeating as champions, it s time to look at the four remaining teams who are still in the running, starting with the team that dethroned the champs, the Orlando Magic. The Magic have the makings of a champion, beginning with their starting center, Dwight Howard. Howard, who demanded more touches after a game 5 loss, then guaranteed a victory in the next two games, responded to the challenge of becoming more than a flamboyant dunker, and emerge as a leader. Rashard Lewis is more than a second banana. The young forward can score from anywhere on the court in a moments notice, and is active on the boards as well. When Hedo Turkoglu s perimeter game is on, the team is nearly unbeatable, as evidenced by his game 7 performance. Rafer Alston has played admirably in the face of injuries to Jameer Nelson, and his ball handling abilities has been key to running the Magic s offense. Could the Orlando Magic defeat their Eastern Conference finals opponents, the Cleveland Cavaliers? Well they have done it in the past, but with the way the Cavaliers have been playing as of late, no one seems to be able to defeat the team with the league s best record. Two teams, Detroit and Atlanta, were given a total of eight chances to defeat the Cavs, and both failed miserably each time. Lebron James has been stellar the past few games, making sure his teammates get involved, proving his MVP award was very much deserving. Mo Williams has given the team the necessary second scoring punch the teams of old had lacked. Delonte West has stepped up big time in the face of adversity, to become a vital contributor to the lineup. Zydrunas Ilgauskas will prove to be a key player for their series against the Magic, as he hopes his solid perimeter game would be enough to draw Howard outside, and allow the Cavaliers slashers to roam freely in the paint. This looks to be a great matchup between two of the league s fast rising teams and young stars. Both teams have shown great heart in order to get this far, and are determined to not go home just yet, without their trophy. Maja, binulabog ang Mindoro! LITERAL na mainit ang naging pagtanggap kay Maja Salvador ng mga residente ng Calapan, Oriental Mindoro noong Lunes. Sa imbitasyon ng may-ari ng Citimart Island Mall, dumalo si Maja sa Wholesalers Convention na ginanap sa gym ng 18

19 Jose J. Leido Jr. Memorial National High School sa Calapan City. Ang pagpunta ni Maja sa event ay bahagi ng kanyang obligasyon bilang endorser ng Sisters sanitary napkin. Literal na mainit ang event dahil pawisan ang mga tao na nagsisiksikan at matiyagang naghintay sa pagdating ni Maja. Isang babae ang worried na sumalubong sa amin nang pumasok kami sa backstage. Nagagalit na raw ang mga tao dahil pitong oras na silang naghihintay kay Maja. As early as 8 a.m., dumagsa na ang tao sa gym pero halos 3 p.m. na nang dumating si Maja. Walang kasalanan si Maja at lalong hindi siya late sa kanyang commitment. Sa mga streamer ng Sisters, 2 p.m. ang schedule ng personal appearance ni Maja, pero 9 a.m. ang nakalagay sa ibang mga banner ad. Pero nang umakyat sa stage si Maja, nawala ang pagkainip at pagrereklamo ng mga tao. Malakas na palakpakan at sigawan ang sumalubong sa young actress. Tuwangtuwa si Maja sa warm reception na natanggap niya mula sa mga residente ng Calapan City. Ibinalita ni Maja sa kanyang fans na malapit nang bumalik sa May Bukas Pa ang kanyang karakter. Mga Kapamilya ang mga kababayan natin sa Calapan City dahil nakatutok sa ABS CBN ang kanilang mga TV set kaya mga contract star ng network ang madalas na iniimbitahan sa bayan nila. Sumama sa Calapan City visit ni Maja ang Sisters owner na si Aileen Go at ang ilang miyembro ng entertainment press. Nag-enjoy ang lahat sa kanilang biyahe, kahit nagkaroon ng aberya dahil nasira ang Supercat Ferry na sasakyan nila, pabalik sa Batangas City. Isang oras ang biyahe mula Calapan City hanggang Batangas City kung Supercat Ferry ang sasakyan pero dahil nasira ito, sumakay ang aming grupo sa RoRo boat kaya tumagal ng dalawa at kalahating oras ang biyahe namin, pabalik sa Batangas City. Maraming salamat sa mag-asawang Councilor Robert at Jacqueline Concepcion ng Calapan City dahil sa pag-aasikaso nila aming grupo. Pasasalamat din kay Mrs. Neona Ong, ang may-ari ng Citimart. Sinabi sa amin ni Mrs. Ong na subscriber siya ng Abante at ito lamang ang diyaryo na binabasa sa bahay nila. Dumalaw din sa tahanan nina Robert at Jacqueline si Oriental Mindoro Governor Arnan Panaligan para personal na makilala si Maja at ang mga bisita mula sa Metro Manila. *** Comments are welcome at jojogabinete@yahoo.com. Katrina, pinagmumura si Hayden! Hayden, kakasuhan ni Katrina! 19

20 LUNES nang gabi ay nakipag-meeting si Katrina Halili sa grupo ng GABRIELA. Hiningi ni Katrina ang suporta ng Gabriela para sa mga hakbang na gagawin niya laban kay Hayden Kho. Usap-usapan na kasi ang paglabas diumano ng panibagong video nina Katrina at Hayden. Sabi, kung sa unang video ay ipinakita lang na nagsasayaw sina Katrina at Hayden, sa pangalawang video umano na umaabot ng 40 minutes ay ipinakikita na raw na nagtatalik ang dalawa. Sabi ng isang taong malapit kay Katrina, desidido na ang dalaga na ipaglaban ang kanyang karapatan, o ipagtanggol ang kanyang sarili sa nararanasang pang-aapi na ginawa sa kanya ni Hayden. Gusto ni Katrina na mabigyan ng hustisya ang ginawa sa kanya. Sabi pa ng isang taong malapit kay Katrina, hindi na idinadaan sa biro o pagngiti ni Katrina ang nangyayari sa kanya ngayon. Sumabog na nga raw si Katrina sa sobrang galit kay Hayden nung malaman nito na may panibagong video na naman daw na lumabas. At kuwento pa rin ng isang taong malapit kay Katrina, sa tindi umano ng galit ng dalaga kay Hayden ay tinawagan niya ito sa cellphone at pinagmumura raw nang husto. Iyak daw nang iyak si Katrina habang minumura si Hayden. Demonyo nga raw ang tingin ni Katrina kay Hayden, dahil sa ginawa nitong pagdurog sa kanyang pagkatao. Sabi pa ng taong malapit kay Katrina, paulit-ulit na tinanong ni Katrina si Hayden kung bakit siya ang dinudurog, samantalang wala naman daw siyang ginawang kasalanan sa kanya. Sa pakikipag-usap daw ni Katrina at kay Hayden, lalong nadismaya ang dalaga, dahil ni hindi man lang daw humingi ng sorry si Hayden sa kanya. Ang sabi lang daw ni Hayden kay Katrina ay lumayo na lang ito sa entertainment press, o huwag na lang magpainterview. *** Siyempre, galit na galit din kay Hayden ang mga taong malalapit kay Katrina. Sabi nga nila, si Hayden ang pinagmulan ng lahat ng eskandalong ito kay Katrina, pero ni hindi man lang daw ito humingi ng patawad sa dalaga. Ang sinasabi lang daw ni Hayden kay Katrina ay ang tungkol sa pagbabago nito, na isa na siyang relihiyoso. Pinagmumura rin daw si Hayden ng mga taong malapit kay Katrina. Nag-text daw kasi si Hayden sa taong malapit kay Katrina at ibinigay ang number ng pari na nagka-counseling sa kanya. Sabi pa raw ni Hayden, mas maganda kung magpa-counseling din daw si Katrina sa paring yon. At sa sobrang galit daw ng taong malapit kay Katrina ay pinagmumura rin ito sa text. Sabi pa raw ng taong malapit kay Katrina, hindi si Katrina ang dapat magpa-counseling, kundi si Hayden, dahil si Hayden daw ang may problema sa utak at hindi siya Katrina. *** Anyway, itinanggi naman daw ni Hayden na siya ang may pakana sa pagkalat ng video nila ni Katrina. May binanggit daw itong pangalan ng dalawa niyang kaibigan na nasa medical profession din, na sabi ay siyang may hawak ng mga video na `yon nila ni Katrina. Pero, hindi raw ito sigurado kung isa sa dalawa niyang kaibigan ang nagpalabas ng mga video nila ni Katrina. 20

21 Siyanga pala, nakalagay lang sa inbox ng cellphone ni Katrina ang mga mensahe sa kanya ni Hayden. Gagamitin daw itong ebidensiya ni Katrina sa mga hakbang niya kay Hayden. Sabi pa ng taong malapit kay Katrina, hindi raw titigil ang dalaga hanggang hindi nagkakaroon ng hustisya ang nangyari sa kanya. Pahayag daw ni Katrina, nasira na ang pagkatao/pagkababae niya sa lahat ng tao, kaya wala na siyang dapat pang katakutan. Ipaglalaban daw niya ang kanyang pagkatao hanggang sa huli Times five ang talent fee ko kapag nagsama uli kami sa movie ni Gabby! Sharon Cuneta SA presscon ng bagong album ni Sharon Cuneta, ang Children s Rhymes & Lullabies, under Sony BMG, napag-usapan ang ginawang cameo role ni Gabby Concepcion sa movie nila ni Ai Ai delas Alas na BFF (Best Friends Forever). Aware ang megastar na maraming tao ang sabik na sabik na makitang muli sa screen ang loveteam nila ni Gabby. Pero kung ang magkabalikan ang pag-uusapan, sarado rito ang utak ni Shawie. That could depend on the husband and the peace and quiet of Ha! Ha! Ha! I know a lot of people do not want us to get back together. I don t think they re that stupid. None of us is that stupid para isipin yon. I think everyone is happy for us, and our individual lives! The team up, they want us to be together again. Who wouldn t want that? But unfortunately, we have to consider, you know, some matters may only become complicated. What s important is everything is well now. I have nothing more to forgive. A nice, nice, nice friendship going. We re not in touch regularly but I know my daughter is happy and peaceful! sabi ni Sharon. Naiyak nga raw si KC sa premiere night ng BFF nang makita sa screen si Gabby? Really? Hindi niya sinabi sa akin yon! Baka kinilig kasi nakita niya yung mukha niya na ganoon pala! Ha! Ha! Ha! Yung combination niya! Ha! Ha! Ha! Ang importante naman sa akin, yung peace and happiness ng daughter ko. Even for Gabby, prayoridad niya yon. He has a wonderful wife. I d think he d make a lovely family, sagot ni Shawie. Anu-ano ang mga complications kapag nagsama muli sila ni Gabby sa movie? Well, my husband is not from showbiz. I think he had any idea how big the team up was and how it s still can be. I am just really protecting my husband and my daughter s, the family s peace and quiet and everything in it. When you talk about me and Gabby, naturally, it s not only the team up that will be talked about. We were once a family, so it s really very hard. The ties we have is obviously because of our daughter, so I m just protective! katwiran ng megastar. Baka magkaroon lang ng circus! Ako ang taong preventive lang! Gagawan at gagawan ng intriga yan. Hindi maiwasan. Kawawa naman ang asawa ko t mga anak! Pero kung kami, we can do it professionally. We ve done it before after the separation. Merong hindi kami nag-uusap at all habang nagsu-shoot. 21

22 Merong friend na friends naman kami! dugtong pa ni Shawie. Eh, may binabalak daw ang Viva na pagsamahin sila sa isang project kasama si KC? Naku, dinner muna kami ni Boss Vic! Ha! Ha! Ha! Times five ang talent fee ko kapag nagsama uli kami sa movie ni Gabby! Ha! Ha! Ha! But not with KC, huh! tugon ng megastar. So habang wala rito si Sharon, maki-jam sa kanya kasama ang inyong mga anak sa album niyang Children s Rhymes & Lullabies. Nadine, gustong kalabanin si Marian! (ROSE GARCIA) NGAYON pa lang, inaabangan na ang patalbugan sa akting sa pagitan nina Nadine Samonte, Jennylyn Mercado at Yasmien Kurdi, sa bagong season ng S.R.O. na Suspetsa. Actually hindi naman patalbugan, kasi iba-iba kami ng character. Iba-ibang atake. At saka, hindi naman ako makikipag-compete sa kanila. Sila na lang! Hindi naman ako nakikipagtalbugan. Tinatalbugan ko ang sarili ko, sabi ni Nadine. Teka, nalilinya si Nadine sa mga kontrabida roles ngayon. At sabi niya, kung magiging Valentina raw siya sa Darna na pagbibidahan ni Marian Rivera ay tatanggapin niya. Full hands kong tatanggapin yon. Kasi, gusto kong maging kontrabida. Parang mas nakakatuwa at challenging. Anyway, busy si Nadine sa pag-aaral ng German language ngayon. Plano niyang pumunta sa Germany next year, kasama ang mommy at mga kapatid. May imbitasyon daw mula sa kanyang ama, lolo at lola. Pero mukhang hindi simpleng pagbisita o pagbabakasyon lang ang plano ni Nadine pagpunta ng Germany. If ever, gusto ko munang mag-seminar rito ng Photography, tapos, doon ako mag-aaral. If ever kasi na wala akong project, at least, may fall back ako. May chance rin daw silang tumira sa Germany dahil sa kanyang ama. Kasi, alam ko naman na hindi naman lifetime ang showbiz. Ang daming bago ngayon. Ngayon pa nga lang, tingnan mo ang project ko, S.R.O. lang. Paano ko ba sasabihin yun? Hindi pa ako nabibigyan ng chance na magbida sa primetime. So, parang naiisip ko na alam ko na hindi ako magkakaroon ng chance na ganoon. Hayden Kho, iimbestigahan ng PMA (JOJO GABINETE) 22

23 STAFF member ng dzbb ang nagsabi kay Lolit Solis na hinahanap ito ng isang opisyal ng Philippine Medical Association (PMA). Apparently, may kinalaman sa panawagan ni Lolit na imbestigahan ng PMA ang video scandal ni Dr. Hayden Kho, Jr. ang agenda ng caller. Muling nabuhay ang isyu tungkol sa video scandal ni Hayden dahil sa cyberspace leak ng Careless Whisper video nila ni Katrina Halili at ng sexually explicit video niya na kasama ang iba t ibang babae. Parang magiging malaki pa ang problema dahil sa pagpasok ng GABRIELA sa isyu. Si Katrina at ang ibang mga biktima ang puwedeng magsampa sa PMA ng reklamo laban kay Hayden. Incidentally, ngayon ang 63rd birthday ni Lolit Solis. Wala siyang balak na lumabas ng bahay dahil aabangan daw niya ang pagdating ng mga birthday gift na kusang-loob na ibibigay sa kanya at hindi niya hiningi. Happy birthday! Incidentally again, ngayon din ang 29th birthday ni Hayden. Yes, magka-birthday sila ni Lolit. Parang mahirap i-greet si Hayden ng happy birthday dahil alam nating lahat ang mabibigat na pagsubok na kanyang pinagdaraanan ngayon. Dear Senator Chiz, Pangalan at kasarian Hindi kasi makapag-aplay ng trabaho ang kapatid ko kasi ang birth certificate niya ay mali ang nakalagay na first name. Walang nakalagay na kasarian kung female or male siya. Nagtanong ang mother ko kung paano ayusin at magkano ang magagastos sa pagpapaayos. Ang sabi sa munisipyo sa amin P120,000 daw ang magagastos at one year bago maayos. Kailangan pa raw kasing ipadyaryo at ipapa-file pa sa korte. S yempre sa tulad naming mahirap, hindi namin kayang bayaran ang halagang P120,000 at hindi namin kayang magbayad ng abogado para mapaayos ang birth certificate ng kapatid ko. Wala na bang ibang paraan para maayos, yung kaya lang ng bulsa namin? Saang ahensya dapat magpunta ang kapatid ko para maayos ang birth certificate niya at kung ano ang mga step na gagawin niya? Sa probinsya kasi kami kaya wala kaming masyadong alam. Salamat po. Akira Dear Akira, Mula na rin sa iyong nailahad, nais mong malaman kung anong proseso ang dapat sundin ng iyong kapatid upang maitama ang first name at kasarian niya sa kanyang birth certificate. Lumalabas na mali ang first name niya at hindi nakasaad kung ano ng kasarian niya. Kung ang iyong inaalala ay ang pagtatama sa kanyang first name, kung gayon ang prosesong susundin niya ay mas madali, dahil nakasaad sa batas na ang change of first name ay maaari nang dumaan sa ilalim ng administrative procedure sa local o city civil registrar na nag-isyu ng birth certificate na inyong nais ipaayos. Kaya lamang, dahil ang paglalagay ng male o female sa kasariang bahagi ng birth certificate ay nangangailangan ng substantial change, kailangan ng iyong kapatid na pumunta sa korte at magsampa ng petition for correction of entry. Sa judicial at administrative procedures, totoong hinihingi at kinakailangan ang pagsasapubliko o publication ng petition for the change of name o correction of entry. Malaki ang tsansa na hindi kayo aabot sa gastos na P120,000 para sa kabuuang proseso. Ang correction of entry proceedings, maging judicial man ito, ay maikling proseso lamang kumpara sa civil o criminal proceedings. Kung medyo gipit kayo at sa tingin ninyo ay hindi ninyo kakayaning kumuha ng serbisyo ng abogado, maaari kayong lumapit sa Public Attorney s Office upang kumatawan sa inyo sa judicial proceeding o sa pinakamalapit na law school legal aid office sa inyo. Ang Integrated Bar of the Philippines ay mayroon ding legal aid office at maaari rin ninyong subukang humingi ng assistance sa lokal na IBP chapter ng lugar ninyo. Sana ay sapat kong natugunan ang iyong katanungan. Maraming salamat! 23