Ika-2 Linggo sa Pagdatal Taon B

Transcription

1 Ika-2 Linggo sa Pagdatal Taon B PAGDIRIWANG NG SALITA AT HAPAG PAGTITIPON PAGBATI Isang tinig ang sumisigaw sa ilang: Ipaghanda ng daan ang Panginoon isang tuwid na landas na daraan ng ating Diyos! *IMNO: The Advent of our God, O Come, O Come Emmanuel, o kaya y Hail to the Lord s Anointed Come, thou Long-Expected Jesus *PANIMULANG PANALANGIN Ang Panginoon ay sumainyo. Gayundin sa iyong espiritu. Manalangin tayo. (Tumigil saglit) Mahabaging Diyos isinugo mo ang iyong mga propeta upang ipangaral ang pagsisisi at ihanda ang daan sa aming kaligtasan. Bigyan kami ng kakayahan na kilalanin ang kanilang mga babala at lubos na tumalikod kami sa pagkakasala, upang masalubong namin nang buong galak ang pagdating ni Jesu Crito, ang aming Manunubos, na nabubuhay at naghahari kasama mo at ng Espiritu Santo isang Diyos, magpasawalang hanggan. PAGSISINDI NG KANDILA NG PAGDATAL TINIG: Nuong nakaraang Linggo, sinindihan natin ang unang kandila sa Koronang Pagdatal, ang kandila ng pag-asa. Muli natin itong sisindihan habang inaasam na si Kristo ay darating muli upang tuparin ang mga ipinangako ng Diyos sa atin. Sisindihan ang unang kandila TINIG: Ang ikalawang kandila ng Pagdatal ay Kandila ng Kapayapaan. Minsan ay tinatawag din itong Kandila ng Bethlehem upang ipaalala sa atin ang lugar na paghahandaan sa pagtanggap sa Kristong sanggol.

2 TINIG: Ang Kapayapaan ay regalo na dapat nating paghandaan. Ipagkakaloob sa atin ng Diyos ang regalong ito kung tayo y dudulog sa kanya na may pananalig. TINIG: Sinabi ni propeta Isaias na si Kristo ang Prinsipe ng Kapayapaan. Sa pamamagitan ni Juan Bautista at lahat ng mga propeta, hinihingi ng Diyos sa atin ang paghahanda ng ating mga puso upang siya y tumuloy. TINIG: Nasa Diyos ang ating pag-asa, at sa kanyang anak na si Hesu Kristo. Sa kanya matatagpuan ang kapayapaan natin. Sisindihan natin ang kandilang ito upang ipaalaala sa atin, na ang kapayapaan ay igagawad sa lahat ng nagttitiwala sa kanya. Sisindihan ang Ika-2 kandila TINIG: Manalangin tayo mapagmahal na Diyos, salamat po sa kapayapaang bigay ninyo sa pamamagitan ni Hesus. Tulungan kaming maihanda ang mga puso namin upang tanggapin siya. Pagpalain ang aming pagsamba. Gabayan kami sa lahat ng aming sinasabi at ginagawa. Hiling namin ito sa ngalan niya na isinilang sa Bethlehem. Pagkatapos ng pagsisindi ng ika-2 kandila ay aawitin ng bayan (TONO: O Little Town of Bethlehem) Ang kandilang nakasindi badya'y KAPAYAPAAN naghuhudyat nang pagtigil sa lahat ng alitan Dahil ipinamalas ni Hesus ang daan, pagkakasundo ng tanan, ating inaasam. TITIK: Oliverio P. Pineda, Disyembre 2007 HIMIG: Lewis H. Redner, 1868 LITURHIYA NG SALITA PANALANGIN UPANG MALIWANAGAN (aawitin) (TONO: Away in a Manger) O Dios Salita mo y ngayo y hatiin, Gaya ng nangyari sa Galilea. Aming mga puso y nag-aanyaya, Manahan sa amin ang yong Salita. TITIK: Oliverio P. Pineda, Disyembre 2007 HIMIG: James R. Murray, 1887 UNANG ARALIN: Isaias 40:1-11 SALMO 85: 1-2, 8-13 (Basahing Sagutan) Tugong Awit: (Himig ng Pasko) Liwanag syang tanglaw sa mundo, Kaligtasan ng bawa t tao. TITIK: Oliverio P. Pineda, 2007 HIMIG: S.Y. Ramos

3 Ikaw, O Yahweh, naging mapagbigay sa iyong lupain, pinasagana mo t muling pinaunlad ang bansang Israel. Yaong kasamaan ng mga anak mo y nilimot mong tunay, pinatawad sila sa nagawa nilang mga kasalanan. Aking naririnig magmula kay Yahweh ang sinasalita; sinasabi niyang ang mga lingkod n ya y magiging payapa. Kung mangagsisisi at di na babalik sa gawang masama. Ang nagpaparangal sa pangalan niya y kanyang ililigtas, sa ating lupain ay mananatili ang kanyang paglingap. TUGONG AWIT: Liwanag syang tanglaw Ang pagtatapatan at pag-iibiga y magda-daup-palad, ang kapayapaan at ang katuwira y magsasamang ganap. Sa balat ng lupa y pawang maghahari yaong pagtatapat, at ang katarungan nama y maghahari mula sa itaas. TUGONG AWIT: Liwanag syang tanglaw IKALAWANG ARALIN 2 Pedro 3:8-15 IMNO O ANTEM NG KORO *ANG EBANGHELYO Marcos 1:1-8 Ang Panginoon ay sumainyo. Gayundin sa iyong espiritu. Ang Mabuting Balita ng Panginoon ayon kay Marcos Papuri sa iyo, Panginoon. Babasahin ng pastor ang ebanghelyo. Matapos basahin ay magsasabi: Ang Salita ng Diyos, para sa bayan ng Diyos. Pinupuri ka namin, Panginoong Jesu Cristo. SERMON *KREDO PANALANGIN NG BAYAN O PANALANGING PASTORAL PAGKAKALOOB TUGON: (VENI EMMANUEL) UMH 211 Purihin ang Nagpapala Dios ng buong sangnilikha. Purihin sa kalangitan! Ama, Anak, Diwang Banal. Magalak ka! O Israel. Sasagipin ka ni Emmanuel. TITIK : inayos ni Oliverio P. Pineda, Disyembre 2004 HIMIG : 15th cen.t French ; inayos ni Thomas Helmore, 1854

4 *LITURHIYA NG EUKARISTIYA Ang Panginoon ay sumaiyo. Gayundin sa iyo. Itaas sa Diyos ang inyong mga puso. Itataas ng pastor ang kanyang mga kamay. Itinataas namin sa Panginoon. Magpasalamat tayo sa Panginoon na ating Diyos. Marapat na siya y pasalamatan at purihin. Matuwid at nararapat na kami y magpuri at magpasalamat sa yo Panginoon, makapangyarihang Ama, maylalang ng langit at lupa. Nilikha mo kami sa Iyong wangis at biniyayaan ng hininga ng buhay. Kahit kami y lumayo at kapos sa pag-ibig sa Iyo, nananatili pa ring tapat ang pagmamahal Mo sa amin. Hinango mo kami sa pagka-alipin, nakipagtipan upang maging Diyos naming makapangyarihan. Nagsalita ka sa pamamagitan ng mga propeta, na naghangad na ang katarungan ay dadaloy gaya ng agos ng tubig, at ang katuwiran ay gaya ng bukal na patuloy sa agos, kung saan ang mga bansa ay di na mag-aangat ng tabak laban sa kapwa bansa, at di na nila alam kung paano makidigma. Kaya kasama ng iyong bayan sa lupa at sa kalipunan sa langit, pinupuri namin ang iyong pangalan ng walang humpay na imno: Maaari ng ibaba ng pastor kanyang mga kamay. Banal, Banal na Panginoon, Makapangyarihang Dios, ang lupa at langit ay puno ng Iyong luwalhati. Hosana sa Kataastaasan. Pinagpapala siya na dumarating sa ngalan ng Panginoon. Hosana sa Kataastaasan. Itataas ng pastor ang kanyang mga kamay. Ikaw ay Banal O Dios, at pinagpala ang Iyong Anak na si Jesu Cristo, na Iyong isunugo sa takdang panahon upang maging ilaw sa mga bansa. Pinangalat mo ang mga palalo ang isipan, at nahabag ka sa mga may takot sa iyo sa bawat henerasyon. Ibinagsak mo ang mga nasa kapangyarihan mula sa kanilang mga trono at itinaas ang mga nasa abang kalagayan. Binusog mo ng magagandang mga bagay ang mga nagugutom, at pinalayas ng walang anuman ang mga mayayaman. Sarili mong Anak ay dumating sa amin

5 bilang isang lingkod, na maging Emmanuel, ang presensya mo sa gitna namin. Nagpakumbaba siya sa pagsunod sa Iyong kaloban, at malayang tinanggap ang kamatayan sa krus. Sa kanyang bautismo ng paghihirap, kamatayan at pagkabuhay ay isinilang ang Iyong Iglesya, pinalaya kami sa kuko ng kasalanan at kamatayan, at nakipagtipan sa amin sa pamamagitan ng tubig at Espiritu. Pagtatabihin ng pastor ang kanyang mga kamay, nakatapat ang mga palad sa ibabaw ng tinapay, o kaya y hahawakan ang tinapay, o kaya y itatas ang tinapay. Noong gabi nang siya y mag-alay ng sarili para sa iba, ay dumampot siya ng tinapay, nagpasalamat sa Iyo, piniraso ito, at ibinigay sa kanyang mga alagad at nagwika: Kumuha kayo at kumain; ito ang aking katawan na ibinibigay sa inyo, Gawin ninyo ito sa pag-alaala sa akin. Pagtatabihin ng pastor ang kanyang mga kamay, nakatapat ang mga palad sa ibabaw ng saro, o kaya y hahawakan ang saro, o kaya y itatas ang saro. Matapos ang hapunan ay kinuha ang saro, nagpasalamat sa Iyo, ibinigay sa kanyang mga alagad at nagwika: Uminom kayong lahat dito; ito ang aking dugo ng Bagong tipan, ang aking dugo na mabubuhos sa ikapagpapatawad ng mga kasalanan. Gawin ninyo ito, sa tuwing kayo y umiinom, sa pag-aalaala sa akin. Itataas ng pastor ang kanyang mga kamay. Kaya sa pag-aalaala sa Iyong kamangha-manghang gawa kay Jesu Cristo, aming handog ang aming sarili sa pagpupuri at pasasalamat bilang banal at buhay na alay, sa pakikiisa sa pag-aalay ni Cristo para sa amin, habang ipinapahayag namin ang hiwaga ng pananampalataya. Si Cristo ay namatay, si Cristo ay nabuhay Si Cristo ay muling darating. Itatapat ng pastor ang kanyang mga palad sa ibabaw ng tinapay at saro. Ibuhos ang Iyong Espiritu Santo sa aming nagkakatipon ngayon, gayon din sa mga handog na tinapay at alak. Gawin itong katawan at dugo ni Cristo upang kami man ay maging katawan ni Cristo sa sanlibutan na tinubos ng kanyang dugo. Sa pamamagitan ng Iyong Espiritu ay gawin kaming kaisa ni Cristo, kaisa ng kapwa, at iisa sa paglilingkod sa buong mundo, hanggang sa matagumpay na pagbabalik ni Cristo, taglay ang ganap na kaluwalhatian at pananaig at kasalo kami sa makalangit na piging.

6 Sa pamamagitan ng Iyong Anak na si Jesu-Cristo, kaisa ng Espiritu Santo na nasa Iglesyang banal, ang lahat ng parangal at papuri ay sa Iyo, makapangyarihang Ama, ngayon at magpasawalang hanggan. Itataas ng pastor ang kanyang mga kamay. *ANG AMA NAMIN Ama naming nasa langit, sambahin nawa ang iyong pangalan. Nawa'y maghari ka sa amin. Sundin nawa ang iyong kalooban dito sa lupa tulad ng sa langit. Bigyan mo kami ngayon ng aming pagkain sa araw-araw; at patawarin mo kami sa aming mga kasalanan, tulad ng pagpapatawad namin sa mga nagkakasala sa amin. At huwag mo kaming hayaang matukso, kundi iligtas mo kami sa Masama! Sapagkat iyo ang kaharian, at ang kapangyarihan, at ang kaluwalhatian, magpakailanman! PAGPIRASO NG TINAPAY Nakaharap ang pastor sa kapulungan, matahimik na pipirasuhin ang tinapay, o kaya y habang sinasabi ang: Dahil mayroon lamang iisang tinapay, tayo, bagama t marami, ay iisang katawan, sapagkat nagsasalu-salo tayo sa iisang tinapay. Ang tinapay na ating pinaghati-hati ay pakikibahagi sa katawan ni Cristo. ANG PAGSASALU-SALO Ang tinapay at alak ay ipamamahagi sa bayan, na may ganitong pakikipag-usap: Ang katawan ni Cristo, ibinibigay sa iyo. Ang dugo ni Cristo, ibinibigay sa iyo. PANALANGIN MATAPOS ANG KOMUNYON PANGWAKAS NA IMNO *PAGPAPAHAYO NA MAY PAGPAPALA

7 Nawa y kahabagan ng Ama ang kanyang sambayanan. Tayo na walang inaasahan kundi siya. Ipagkaloob nawa ang lahat ng mabubuting bagay na ating kailangan, upang mabuhay nang kalugud-lugod sa kanya at itulot na makarating tayo sa walang hanggang kaligayahan sa piling ng Ama at ni Kristong nabubuhay at naghaharing kasama ng Espiritu Santo ngayon at kailanman. At pagpalain kayo ng makapangyarihang Diyos, Ama, Anak, at Espiritu Santo. Tugong Awit: Let There Be Peacel Sa sandaigdigan mithi y kapayapaan, Ang kapayapaang batay sa katarungan; Dios na S yang patnubay, ng lahi t bayan. Hamon sa ting ugnayan ay pagmamahalan. Ang kapayapaan, sana ngayo y dumatal, Upang kaganapan ng buhay ay makamtan; Diwa t damdamin ay pag-alabin sa ming adhikain, Sa kapayapaan ng buong daigdigan Ang Padron ng pagsambang ito ay maaring gamitin ng kongregasyon o mga grupo sa kanilang pagsamba. Hinihiling lamang na ilagay ang mga katagang: Karapatang pagmamay-ari 2011 Order of Saint Luke-Philippines