Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo. Gikinahanglan kaayong pakusgon ang demokratikong pakigbisog

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bolyum XLVIII Ihap 8 Kapin 50 armas, nasakmit sa BHB KAPIN SINGKWENTA KA PUSIL, gatusan ka mga bala ug uban pang himan-militar ang nasakmit sa Bagong Hukbong Bayan (BHB) gikan sa Abril 9 hangtud 14. Sa North Cotabato, kapin 32 armas ang nasakmit sa mga Pulang manggugubat ubos sa Regional Operations Command (ROC) sa BHB-Southern Mindanao Region sa gihimong reyd sa balay ni Michael Lingaro sa Brgy. Mahongcog, Magpet, niadtong Abril 9, alas-9 sa buntag. Nagabarug nga lider sa usa ka grupong paramilitar ang kapitan sa barangay nga si Lingaro. Gigamit ang grupo ni Lingaro sa mga operasyong kombat sa 39th IB sa lugar. Pila ka oras human niini, giatake sa ROC-SMR ang mga pwersa sa 39th IB nga nagahimo og operasyong paggukod sa Brgy. Temporan, kasikbit sa Mahongcog. Miabot og duha ka oras ang panagsangka. Sa San Fernando, Bukidnon, usa ang samaron ug usa ang patay sa han-ay sa 60th IB sa gihimong aksyong militar sa hiniusang pwersa sa regular nga hukbo ug milisyang bayan niadtong Abril 10. Duha ka operasyong harasment ug usa pa ka operasyong isparo ang gihimo sa Brgy. Bunaco ug Brgy. Nabunturan sa parehong lungsod. Sa Cateel, Davao Oriental, naglunsad og operasyong harasment niadtong Abril 11, alas-8 sa buntag batok sa 67th IB. sa Baganga niadtong Abril 13, gipabu... sundi sa pahina 3 EDITORYAL Mamumuong Pilipino: Maghiusa ug makigbisog! Ipakayab ang bandira sa Partido! L akip sa pinakadakung katungdanan sa atong Partido ang malukpanong pag-organisa ug pagpalihok sa masang Mamumuong Pilipino sa dalan sa nasudnon-demokratikong rebolusyon. Sa moabutay nga Mayo Uno, Pangkalibutang Adlaw sa Mamumuo, hatagan nato og pagtagad ang mga hinanaling hinungdan aron dugang hugot nga mahuptan ug mapatuman kini nga mga katungdanan. Gikinahanglan kaayong pakusgon ang demokratikong pakigbisog sa mga mamumuong Pilipino aron mapatigbabawan ang nasinati nilang lapad nga kadaut tungod sa halos upat ka dekada sa neoliberal nga kahimtang. Gikan dekada 1980, walay hunong nga giatake ang katu- ngod sa mga mamumuo sa pag-unyon, sa seguridad sa trabaho ug sa disenteng suholan. Niini nga panahon, walay makatupong sa kasaysayan ang giatrasan sa ang-ang sa panginabuhi, katilingbanong kahimtang, mga demokratikong katungod ug pampulitikang kagawasan

2 sa mga mamumuong Pilipino. Pinaagi sa pasistang kabangis, direktang pagpamig-ot, pangbraso, pagpanghulga ug pagpangilad, apil na sa pakigkunsabohay sa mga lider-dilawan ug traydor, malukpanong gisumpo ang katungod sa mga mamumuo sa pagtukod og unyon. Gikan 12% niadtong sayong bahin sa dekada 1980, midaus-os ang ihap sa mga Mamumuong Pilipino nga napasulod sa mga unyon ngadto sa kapin na lang og 3%. Ang malukpanong pagbungkag sa mga unyong mamumuo ang yaweng hinungdan aron mapahamtang sa dagkung burgesya ug langyawng monopolyo kapitalista sa Pilipinas ang pinakagrabeng palisiyang anti-mamumuo. Parehong gihimong balaud niadtong 1989 ang Herrera Law (girebisang Balaud sa Pamuo) ug ang Wage Rationalization Act. Kini ang mga naghatag-dalan ug nagsilbing sukaranan sa kontraktwalisasyon sa lain-laing dagway sa pleksibleng pag-empleyo, deregulasyon sa mga lagda sa pamuo, pagbungkag sa Nasudnong minimum nga suholan ug pagpatuman sa lain-laing iskema ANG aron bitaron paubos ang suholan sa mga mamumuo. Kini nga mga palisiya nakapunting sa paglibkas sa tanang regulasyon sa pag-empleyo sa pamuo ug pagbungkag sa mga nakab-ot nang mga katungod sa mga mamumuo. Gihatag sa dagkung kapitalista ang hingpit nga kagawasan nga tilukon ang oras sa pagtrabaho ug daginuton ang matag pisong pangsuhol aron mapuga ang maksimum nga subrang bili gikan sa kusog-pamuo. Ginapailalum ang mga Mamumuo sa pinakagrabeng dagway sa pagpahimulos, lakip ang pinakadautang kahimtang sa pagtrabaho (kontraktwal, apprenticeship, student training, walay suhol nga pagtrabaho sa mga prangkisa sa tag-iya sa eskwelahan ug uban pa). Gipasamot niini ang atake sa mga unyon pinaagi sa kanunayng hulga nga mapalagpot ang mga kontraktwal nga mangahas nga magtukod og unyon o moapil niini. Gipatuman sa reaksyunaryong estado ang liberalisasyon sa pagpamuhunan sa pagluag o hingpit nga pagtangtang sa kanhing mga Nilalaman Editoryal: Mamumuong Pilipino: Tomo XLVIII Blg. 8 Ginapagawas ang Ang Bayan ay sa pinulungang Pilipino, Bisaya, Iloko, Hiligaynon, Waray at Ingles. Modawat ang Ang Bayan og mga tampo sa dagway sa mga artikulo ug balita. Ginaagni usab ang mga tigbasa nga mopadangat og mga saway ug rekomendasyon sa pagpalambo sa atong mantalaan. youtube.com/philippinerevolutionwebcentral Maghiusa ug makigbisog! Ipakayab ang bandira sa Partido! 1 Kapin 50 armas, nasakmit sa BHB 1 Duha ka bihag sa gubat, gibuhian 4 Serye sa opensiba sa Northern Samar 4 Ka Zola, 48 Welga sa mga plantasyon, nagmadaugon 5 4 ka mag-uuma, gipatay 6 Nasudnong minimum nga suhol 7 Kritika sa imperyalismo ni Lenin 8 Russia, Abril Abanteng Kurso, gihuman sa 15 araw 10 PRWC Page, gitangtang sa facebook.com/philrebwebcentral cppinformationbureau@gmail.com 4 11 "Abu Sayyaf sa Visayas," pakana sa US 12 Bomba, gihulog sa US sa Afghanistan 12 Mga paglihok sa ST, Samar ug ComVal 13 Kalbaryo sa Katawhan, gipasundayag 13 Ginamantala ang Ang Bayan kaduha matag bulan sa Komite Sentral sa Partido Komunista sa Pilipinas 2 regulasyon sa pag-atiman sa katungod ug kahimsog sa mga Mamumuo (apil na sa kalikupan) aron lang makadaginot ang kapitalista bisan pa katugbang niini hulga sa kaluwasan sa mga mamumuo gikan sa sunog ug uban pang aksidente. Pinakagrabe ang ginasinati nga pagpahimulos sa mga mamumuo sa mga pabrika sa sulod sa ginatawag nga export processing zone o mga engklabo sa pamuo. Kini nga mga enklabo langit alang sa mga kapitalista ug impyerno alang sa mga mamumuo. Sa milabayng 20 ka tuig, subra nang naulahi ang pagpataas sa suholan sa mga mamumuo sa kapaspason nga pagsutoy sa presyo sa mga palaliton. Ang kasamtangang abereyds nga P454 minimum nga suhol sa NCR wala pa sa katunga sa gikinahanglang 1,119 aron mabuhi og disente ang unom-ka-tawong pamilya. Angay subling pakusgon sa masang mamumuo ang ilang organisadong kusog aron mapakigbisugan ang pagpahibalik sa mga katungod nga kanhi na nilang gitagamtam. Angay organisahon ang minilyong mamumuo, regular man o kontraktwal, parehong sa mga unyon ug asosasyon. Malukpanong organisahon ang mga mamumuo sa sulod sa mga engklabo. Ang kaylap nga pakigbisog sa mga mamumuo alang sa umento sa suholan ug batok sa kontraktwalisasyon maghulagway sa wala g-tuo nga pag-ulbo sa mga welga sa mga pabrika ug empresa. Kadungan niini angay tukuron ang lapad nga kalihukang mamumuo aron ibasura ang kontraktwalisasyon, ilabina atubangan sa nalansang nga pasalig sa gobyernong Duterte nga tapuson kini. Paninglon ang obligasyon sa estado nga seguruhon ang trabaho. Pakigbisugan ang pangkinatibukang umento sa suholan ug pagtakda og nasudnong minimum. Ipalanog ang pagtapos sa palisiya sa pagtumod sa mga mamumuong kontraktwal. Kini nga mga pakigbisog sa ma- ANG BAYAN

3 sang mamumuong Pilipino kabahin sa mas malangkubong pakigbisog sa katawhang Pilipino batok sa mga imperyalistang palisiyang neoliberal. Ang tibuok langkob niini nga mga palisiya naghatag og grabeng kadaut sa katawhang Pilipino ug naglubong sa Pilipinas sa mas lalum nga krisis. Katugbang sa pagpaasdang niini nga mga pakigbisog, anaa sa abaga sa hut-ong mamumuong Pilipino ang katungdanang panguluhan ang demokratikong rebolusyon sa katawhan aron tapuson ang semikolonyal ug semipyudal nga sistema sa katilingban ug moasdang sa dalan sa sosyalistang kaugmaon. Ang makihut-ong pagpangulo ginapapelan sa proletaryong Pilipino pinaagi sa Partido Komunista sa Pilipinas, ang ilang partidong pampulitika. Aron hugot ang pagpangulo sa hut-ong mamumuo sa demokratikong rebolusyon sa katawhan, hugot nga katungdanan sa Partido nga malukpanong pukawon, palihukon ug organisahon ang masang mamumuo. Ipakaylap sa han-ay sa masang mamumuo ang pagtuon sa Marxismo-Leninismo-Maoismo, ang ideolohiya sa hut-ong mamumuo, aron gamitong hinagiban sa pagdugmok sa mga burges ug pyudal nga panghunahuna nga ginapakaylap sa nagharing hut-ong. Angay ibutyag sa Kalihukang mamumuo ang pangkalibutang krisis sa kapitalismo, ang dominasyon sa mga langyawng monopolyong kapitalista sa lokal nga ekonomiya "50 armas..., " gikan sa pahina 1 sikaran sa usa ka tim gikan sa Front 15 ang tropa sa 67th IB. Sa Davao City, gipamusil sa Pulang hukbo sa Front 55 ang mga sundalo sa 60th IB sa Brgy. Mangani Tapak, Paquibato. Sa Surigao del Sur, naglunsad og operasyong harasment ang BHBNEMR sa 72nd IB/CAA niadtong Abril 10, alas-2:35 sa hapon sa Brgy. Pagbacatan, Lingig. ANG BAYAN ug kung giunsa nila paggamit ang ilang kontrol sa mga sangkap sa produksyon sa Pilipinas aron kawkawon ang kinaiyanhong bahandi sa nasud ug pahimuslan ang kusogpamuo sa mga mamumuong Pilipino. Angay ipakigbisog sa masang mamumuong Pilipino ang Nasudnong industriyalisasyon ug tinuod nga reporma sa yuta isip mga yaweng lakang nga tapuson ang ekonomiyang atrasado ug nakasandig sa langyawng pagpamuhunan ug pagpautang, sa pagtumod sa semimanupakturang produkto ug baratong kusog-pamuo. Sa maong paagi lang mapahimugso ang modernong ekonomiyang makamugna og igong trabaho alang sa tanan. Angay ipasibaw kini sa pagsuporta sa panaghisgot pangkalinaw tali sa NDFP ug GRP. Angay ibutyag ug batokan ang dominasyon ug pagpanghilabot sa imperyalismong US sa militar ug pulitika, ang paggamit niini sa mga makiusa-ka-bahing kasabutang militar sama sa EDCA ug VFA, sa mga base militar ug presensya sa mga tropang militar niini sa Pilipinas aron maatiman ang estratehikong interes sa mga korporasyong US sa Pilipinas ug sa Asia-Pacific. Ang malukpanong paglihok sa masang mamumuo sa kasyudaran 2 M4 assault weapon 1 M16 8 9mm pistola 1 9mm submachine pistol 6 shotgun magsilbing lig-ong sukaranan sa pagsalmot sa mga petiburgesyang tagasyudad (ilabina ang mga estudyante) ug uban pang mga hatungang pwersa sa nasudnon-demokratikong kalihukan. Angay silang malukpanong palihukon aron makighiusa sa mga pakigbisog sa batakang masa sa kasyudaran ug kabukiran. Katugbang sa pagpaasdang sa ilang mga pang-ekonomiyang pakigbisog, angay malukpanong molihok ang masang mamumuo ug semimamumuo sa kasyudaran aron maghatag og suporta ug direktang mosalmot sa mga antipyudal nga pakigbisog sa masang mag-uuma sa kabukiran. Ibutyag ug batokan ang militarisasyon ug mga pasistang pangabuso sa AFP sa kabukiran. Angay malukpanong palihukon sa Partido ang mga mamumuo aron mosalmot sa armadong rebolusyonaryong kalihukan sa kabukiran. Gikinahanglan kaayo ang liboang mga kadreng Mamumuo (ingonman ang mga kadre gikan sa mga petiburges nga intelektwal) aron pangabagahon ang nagkadakung mga tahas aron pakusgon ang BHB ug ipasubsob ang armadong pakigbisog, iasdang ang rebolusyong agraryo ug tukuron ang mga organo sa pampulitikang gahum sa tibuok nasud. 1 M79 grenade launcher 1 M4 assault weapon 2 M16 2 M14 2 M1 Garand 4 Karbin 2.45 Pistola 2 9mm pistola 1 Uzi submachine gun 12 shotgun 91 bala 12 vest 3

4 Duha ka bihag sa gubat, gibuhian GIBUHIAN SA BHB-Far South Mindanao Region niadtong Abril 19 ang duha ka bihag-sa-gubat (prisonerof-war o POW) nga silang Sgt. Solaiman Calocop ug PFC Samuel Garay sa Brgy. Colon Sabak, Matanao, Davao del Sur. Pareho silang elemento sa 39th IB dihang gidakop sa mga Pulang manggugubat sa Columbio, Sultan Kudarat niadtong Pebrero 2. Ang programa sa pagbuhi gipatuman sa usa ka kumpanya sa mga Pulang manggugubat. Human niini gipasa ang duha sa organisasyong Sowing the Seeds of Peace nga nagkoordina sa pagbuhi sa mga sundalo. Gipaubos sa tsek-ap sa mga personel-medikal ang mga POW aron masegurong maayo ang ilang panglawas. Lakip sa mga nagkoordina sa ilang pagbuhi ug mitambong sa programa silang Columbio Vice Mayor Edwin Bermudez, Board Member Romulo Solivio sa South Cotabato, ug kanhing kongresman Marc Douglas Cagas. Anaa usab ang mga pamilya sa duha ka sundalo. Gipasalamatan sa mga sundalo ang BHB sa tawhanong pagtagad sa ila sa BHB. Matud ni Garay, wala silay nasinating unsa mang pagpangdagmal, bisan sa pulong. Sa programa, gipatin-aw ni Ka Macario Dilaab, tigpamaba sa Mt. Alip Command, nga ang pagbuhi sa mga POW tungod sa tawhanong basihanan ug isip pagsuporta sa panaghisgot pangkalinaw tali sa NDFP ug GRP. Una niini, niadtong Abril 12, gipamahayag ni Ka Oris, tigpamaba sa BHB, nga niadto pang Kwaresma natakdang buhian silang Calocop ug Garay. Wala lang kini nadayon tungod sa pagdumili sa AFP nga isuspende ang mga opensibang operasyon niini alang sa luwas nga pagbuhi sa mga POW, ingonman sa ilang mga pamilya ug sa third party facilitator. 4 Ka Zola, 48 GISALUDOHAN SA BHB-Ifugao (Nona del Rosario Command) si Leonardo Ka Zola Manahan nga namatay niadtong Abril 14 sa edad nga 48 tuig. Namatay siya tungod sa grabeng sakit samtang nagaalagad isip pangulong kadre sa Partido ug Bagong Hukbong Bayan sa Ifugao. Unang naglihok si Ka Zola sa han-ay sa sektor sa kabatan-unan isip maayong lider-masa ug propagandista sa sulod sa League of Filipino Students niadtong katapusang bahin sa dekada Kadugayan, mipapel siya isip kalihim sa seksyon sa Polytechnic University of the Philippines (PUP) ug nahimong kagawad sa Nasudnong Kawanihan sa Kabatan-unang Estudyante sa PKP. Dinhi siya nailhan sa mga kauban ug masang estudyante isip Tolayts ug Dario. Mapadayunon ang nahimong paglihok ni Ka Zola sa sonang gerilya gikan niadtong Gikan North Ilocos Sur-South Ilocos Norte-Western Abra, nabalhin siya sa Western Mountain Province isip Kalihim sa Komite sa Natarang Gerilya. Gikan , nahimong kagawad siya sa sub-rehiyong nahi- lunaan sa Western Mountain Province isip upisyal sa pulitika sa sentro de grabidad sa subrehiyon. Nahimong kagawad siya sa komiteng rehiyon gikan 2013, ug gitudlong Kalihim sa Ifugao niining katapusang bahin sa Gihandom sa BHB-Ifugao ang maayong aktitud ni Ka Zola nga inspirasyon sa hukbo ug mga rebolusyonaryo sa rehiyon. Gihinumdom sab sa BHB-Ifugao ang iyang hugot nga paggunit sa rebolusyon, dihang mibalik dayon sa kabukiran human nahimong gawasnon gikan sa pagkabilanggo niadtong Ang iyang patayng-lawas gidala sa PUP chapel niadtong Abril 20, gihatud sa mga rebolusyonaryong pwersang nakabitbit ang mga bandira sa PKP. Bisan dinhi gisaluduhan siya sa mga estudyante sa PUP, mga higala ug kanhing kaubanan. Serye sa mga atritibong opensiba sa Northern Samar UPAT KA ATRITIBONG operasyon ang gilunsad sa mga Pulang manggugubat sa Las Navas, Northern Samar gikan katapusan sa Marso. Niadtong Marso 30, giisnayp ug nasamdan sa BHB ang usa ka elemento sa 43rd IB nga naglunsad og operasyong saywar nga Community Support Program sa Oplan Kapayapaan sa Brgy. San Miguel. Marso 31, bandang alas-7 sa gabii, giisnayp sa mga Pulang manggugubat ang nag-operasyong 16 ka elemento sa 43rd IB sa Brgy. San Isidro. Tungod sa grabeng demoralisasyon, misakay dayon ang mga sundalo og bangka ug mihawa nianang pagka alas-8 sa gabii. Abril 6, alas-10 sa buntag, giharas sa mga Pulang manggugubat ang 28 elemento sa 43rd IB sa Brgy. Poponton nga nag-operasyon gikan sa Abril 4. Tungod niini, miatras ang mga sundalo ug wala nagpadayon sa operasyon human nakuha sa helikopter ang ilang kaswalti. Niadtong Abril 8 sab, gipabuthan sa milisyang bayan og doble zero (bukakang) ang nag-operasyong kapin 30 ka sundalo gikan sa Brgy. El Empon padulong Brgy. Poponton. Napugos pag-atras ang mga sundalo tungod sa mga samaron nila. Tungod sa subrang kahadlok, nagkampo ug nagpaumokumok hangtud karon ang kapin 140 sundalo sa 43rd IB sa Brgy. El Empon ug Brgy. Paco. Sa desperasyon, giliwag sa mga pwersa sa 43rd IB ang pasistang kasuko batok sa mga lokal nga residente. Nanghulga ang mga sundalo nga pamusilon ang kinsamang lalaki nga makit-an nila nga naa sa gawas sa baryo. ANG BAYAN

5 Welga sa mga plantasyon sa saging, malampuson D uha ka welga sa mga mamumuo sa plantasyon sa saging sa Compostela Valley ang napadaug niining milabayng semana. Nagdaug ang welga sa Maparat-Montevista Workers Union nga gilunsad niadtong Abril 18 batok sa iskemang pakyawan sa higanteng Sumitomo Fruits Corporation (Sumifru). Sa usa ka pormal nga areglo niadtong 2015, nasabutan nga idili kini nga iskema tungod kay nagapagamay sa kita sa mga mamumuo ug ihunong ang sistemang pakyawan. Sa Brgy. Kingking, Pantukan, midaug sab ang Musahamat Workers Labor Union niadtong Abril 19 batok sa pagpangbungkag sa Musahamat Farms, Inc. sa ilang unyon ug pagpatuman sa kumpanya sa iskemang gardening system. Gikasa nila ang welga niadtong Abril 12 aron supakon ang iskemang samot nga nagapagrabe sa dili makitawhanong kundisyon sa trabaho tungod kay ginapugos ang usa ka mamumuo nga nag-inusarang imentina ang lima ka klase sa trabaho sa tulo ka ektaryang sagingan. Kining subrang trabaho nagresulta sa pagka-ospital sa pila ka membro sa unyon. Aron bungkagon ang unyon, iligal sab nga gitangtang ang duha ka upisyal sa unyon human nila gisupak ang pagbalhin og trabaho. Tungod sa welga, napabalik sa trabaho ang duha ka upisyal sa unyon ug nasabutang ipaubos sa 2.5 ektarya ug upat ka klase sa trabaho na lang ang imentina sa usa ka mamumuo. Maghimo sab og time and motion study ang unyon ug DOLE aron imbestigahan ang epekto sa gardening system sa mga mamumuo. Sa wala pa kini, nagwelga ang mga mamumuo sa Shin Sun Tropical Fruit Corp. niadtong Abril 6. Niadtong Abril 8 sab, gikasa sa Freshmax Workers Union ang welga atubangan sa pila ka bulang wala ANG BAYAN pagpangsuhol sa kumpanya sa ila, wala paghatag sa pondo sa unyon ug pagpahunong sa trabaho tungod kuno sa welga sa mga mamumuo sa kasikbit nga Shin Sun TFC. Pugos nga gilimod sa maneydsment nga usa ra ang tag-iya sa Freshmax Corp ug Shin Sun TFC. Wala natandog ang han-ay sa welga sa duha ka unyon atubangan sa hulgang pagbungkag sa kapin 60 armadong pulis nga gipadala sa kumpanya niadtong Abril 19. Sa kinatibuk-an, kapin 800 mamumuo sa plantasyon sa saging ang misalmot niini nga mga welga. Naglunsad sab og iya-iyang lihok-protesta ang mga Mamumuo sa uban pang mga planta ug plantasyon sa saging sa probinsya isip suporta sa nagwelgang unyon. Sa pagpangulo sa Banana Industry Growers and Workers Against Sumifru (Bigwas) ug sa National Federation of Labor UnionsKilusang Mayo Uno (NAFLU-KMU), naglunsad og protesta isip simpatiya sa nagawelgang mga Mamumuo ang walo ka unyon niadtong Abril 18 usab. Halos usa ka libong mamumuo ang nakighiusa ug mihunong sa trabaho ug slowdown sa ila-ilang mga planta ug plantasyon sa saging sa probinsya. Kaylap nga gipatunhay sa mga langyawng kapitalista sa mga plantasyon sa Compostela Valley ang mga neoliberal nga palisiyang nagaseguro sa ilang higanteng kita samtang ginaulipon ang mga mamumuo ug ginalapas ang ilang katungod mag-unyon. Sa Musahamat Farms Inc. niadtong miaging tuig, nagprotesta sab ang mga mamumuo dihang gisuspende sa maneydsment og 30 ka adlaw ang mga membro sa unyon human midaug ang MWLU sa certification election (CE). Ang CE ang nagatakda sa usa ka unyon isip upisyal ug bugtong negosyador sa kapitalista alang sa dugang suholan, katungod, ug uban pa. Partikular sa mga plantasyong gunit sa Sumifru, gawas sa iskemang pakyawan, pila ka tuig na sab nga ginareklamo sa mga mamumuo sa planta ug plantasyon sa saging niini ang malukpanong kontraktwalisasyon pinaagi sa mga mini nga kooperatiba ug ahensya sa pamuo, pagmagahi nga ilhon ug makignegosasyon sa ilang mga unyon ug paglapas sa mga lagda sa tawhanong kundisyon sa trabaho sama sa padayong paggamit sa makamatay nga pestisidyong Omega sa mga packing plant niini. Pero alang sa mga unyunista niini, kaluha na gyud sa pagkamamumuo ang pakigbatok sa mga pakana sa kapitalista. Pamatuod kining nagapadayon ang kaylap nga militanteng pagbatok sa mga mamumuo sa agrikultura sa mga dili tawhanong iskema, hingpit nga pagpangulipon ug pagpangbungkag sa mga unyon nga binuhatan sa mga langyawng kapitalista, matud sa usa ka welgista. Gikan niadtong 2013 human nadaut ang Compostela Valley sa Bagyong Pablo, halos kada tuig may ginalunsad nga welga, slowdown o protesta ang mamumuo sa plantasyon sa saging atubangan sa lainlaing porma sa pagpamig-ot sa mga tag-iya niini. Pabalik-balik, gisulayan kaming bungkagon sa kapitalista pero gipildi namo sila. Bisan pa man ginabatokan namo ang pagpangulipon ug pagpahimulos sa kapitalista, sayud kaming madugay pa kini nga pakigbisog tungod kay padayon sab nga ginaisip sa mga kapitalista niini ang unyon nga dakung babag sa ilang gilaumang superginansya, pulong sa usa ka unyunista niadtong

6 4 ka mag-uuma, gipatay U PAT KA MAG-UUMA ang gipatay, usa ka estudyante ang gikuot ug liboan ang gipabakwit sa mga operasyong militar sa milabayng duha ka semana. Luyo niini, walay nasilutang mga sad-an, hinuon ginaamoma ug ginadasig pa sa rehimeng Duterte sa ginahimong mga operasyong pagpamumpo Niining Abril 21, alas-7 sa buntag, paturagas nga gipamusil sa mga elemento sa 39th IB ang tulo ka sibilyan sa Sityo Macadis, Brgy. Datal Biao, Columbio, Sultan Kudarat. Moadtoay ang nahisgutang mga sibilyan sa lasang aron mangaso sa ilang pagkaon. Namatay dayon silang Jorry Peles, 27, ug Macmac Peles, 13. Grabeng nasamdan sab ang 19 anyos nga si Jurry Lavella. Sa Davao del Norte, gipusil si Elias Pureza, 60, sa sulod sa iyang balay sa Purok Palmera, Barangay Mamangan, San Isidro, bandang alas-8 sa gabii niadtong Abril 6. Si Pureza aktibong membro sa Kahugpungan sa Mag-uuma sa San Isidro, ug nalangkob sa Pederasyon sa mga Mag-uuma ug Lumad sa Agusan ug Davao. Samtang iligal nga giaresto sa 60th IB si Maui Bago, 21 anyos nga Lumad sa Sitio Natulinan, Palma Gil, Talaingod. Giaresto siya human siya gitudlo sa Alamara, usa ka grupong paramilitar, nga membro sa Bagong Hukbong Bayan (BHB). Gipaubos siya sa interogasyon, gikulata ug gidetiner og kapin 24 oras ayha gibuhian. Sa Compostela Valley, gipusil sab sa mga ahente sa militar ubos sa 71st ug 46th IB si Bernardo Calan Ripdos, mag-uuma nga nanimuyo sa Barangay Sangab, Maco niadtong Abril 8. Membro sa Hugpong sa mga Mag-uuma sa Walog Compostela (HUMAWAC) si Ripdos. Sa Abra, gisulayan pagbabag sa mga elemento sa 24th IB ang mga membro sa Cordillera Human Rights Alliance nga maglunsad og imbestigasyon sa mga nahitabo nga paglapas sa katungod-tawo sa barangay sa Buanao, Umnap, Lat-ey ug Mataragan sa Malibcong, Abra niadtong Abril 4. Giokupar sa 24th IB 6 ang mga barangay sa Umnap, Latey ug Mataragan. Sa Buanao, gilimitahan sa mga sundalo ang lihok sa mga residente sa ilang komunidad. Sa Panay, naghimo sab og imbestigasyon ang Alyansa sa Panay alang sa Katungod ug ang National Union of People s Lawyers niadtong Abril 6-8 aron idokumento ang mga pagpanglapas sa katungodtawo sa Cabatangan, Lambunao sa Iloilo. Gikataho sa mga residenteng katutubo nga giokupar sa 61st IB ang ilang lugar ug daw napaubos sila sa balaud militar. Apektado niini ang 30 ka pamilya. Sa Nueva Ecija, gipabuthan sa mga armadong kalalakin-an ang mga mag-uumang membro sa Alyansa sa Mamamayang Nagkakaisa sa 3,100 sa Sityo Minalkot, Brgy. San Isidro, Laur niadtong Abril 16, alas-5 sa hapon. Upat sa desiotso ka maguuma mga menor de edad. Ginatikad nila ang yutang kaniadto pang 1991 gideklarang angay iapud-apod sa Department of Agrarian Reform. Kundenahon ang kunsabohay sa Lapanday-PNP! IDLAS PA GIHAPON ang gilaumang yuta sa mga mag-uuma sa Madaum Agrarian Reform Beneficiaries, Inc. sa Tagum City, Southern Mindanao. Mismong kalihim sa Department of Agrarian Reform (DAR) sa GRP nga si Rafael Ka Paeng Mariano ang mikuyog aron pormal nga ibalik ang 159 mag-uuma sa ektaryag yuta sa Brgy. Madaum niadtong Abril 18. Pero wala pa gani makasulod sa erya, natataw na sa mga mag-uuma ug sa DAR, kauban sa liboang mga tigsuporta nila gikan sa lain-laing bahin sa rehiyon, ang dayag nga kunsabohay sa gamhanang pamilya sa mga Lorenzo nga tag-iya sa Lapanday Foods Corp. ug sa Philippine National Police (PNP). Kapin 700 armadong gwardya sa LFC, lakip ang mga binayrang paramilitar nga Lumad, ang nagbantay sa portipikadong ganghaan sa plantasyon. Nagdumili ang PNP nga mokuyog sa DAR luyo sa nauyunan sa espesyal nga komite sa probinsya nga gitudlo nga motabang sa pagbalik. Mipasalig si Sec. Mariano nga himuon ang tanan aron mabawi nila ang yutang pila ka dekada nang gihimong gatasan sa ginansya sa pamilyang Lorenzo. Hangtud karon, nagkampo pa gihapon ang mga mag-uuma kauban sa miabot nga mga tigsuporta nila atubangan sa LFC ug nanawagan kang GRP Pres. Rodrigo Duterte nga mopatunga alang sa kaayuhan sa mga mag-uuma. Samtang nagpasidaan ang NDFP-SMR sa pamilyang Lorenzo ug PNP batok sa paggamit og kabangis aron pugngan ang mga mag-uuma nga maangkon ang ilang yuta. Matud ni Rubi del Mundo, tigpamaba sa NDFP-SMR, andam ug kayang depensahan sa demokratikong gobyerno sa katawhan ang mga mag-uuma kung mosangpot ang sitwasyon sa paghikaw sa Katungod nilang angkunon ang yuta. Dili kini ang unang higayon nga gikunsabo sa mga agalong yutaan ang PNP sa Davao del Norte aron pugngan ang makatarunganong pag-pud-apod og yuta sa mga mag-uuma. Niadtong 2014, napadaug sa 112 mag-uuma sa Checkered Farms Employees Agrarian Reform Beneficiaries Association, Inc. sa Brgy. Tibungol, Panabo City, Davao del Norte ang ilang kaso sa Korte Suprema sa Pilipinas. Gipalig-on sa korte ang ilang katungod sa 281-ektaryang yuta mga gihimong plantasyon sa saging. Dihang gipugngan sa kapinkun-kulang 200 armadong gwardya sa kasikbit nga plantasyon sa Tagum Development Corporation (TADECO) ang pagsulod sa mga mag-uuma sa plantasyon, mismong ang PNP ang miatras ug nagdumiling panalipdan ang katungod sa mga mag-uuma. ANG BAYAN

7 Nasudnong minimum nga suholan, itakda ug ipataas H alos 30 tuig na human sa hingpit nga pagtangtang sa reaksyunaryong estado sa nasudnong minimum nga suholan ug ipahamtang ang rehiyunalisasyon sa suholan pinaagi sa Wage Rationalization Act (RA 6727). Sa sulod niini nga panahon, wala lang nalansang sa ubos nga ang-ang ang suholan, samot pang miubos ang bili niini. Unsa mang pangayo nga ipataas kini paspas nga ginabalibaran o dili kaha ginatugbangan og ubos kaayong panghupay nga kantidad. Kadungan sa kontraktwalisasyon ug uban pang palisiyang antimamumuo ug anti-unyon, gipahuyang ug gisumpo sa rehiyunalisasyon sa suholan ang kalihukang pamuo. Gitangtang niini ang sa ka lagda sa pamuo nga nakab-ot sa gatusan ka tuig nga pakigbisog sa kalihukang mamumuo. Sama sa katungod alang sa walo-ka-oras nga adlaw sa pamuo, ginapanalipdan sa katungod sa minimum nga suholan ang mga Mamumuo batok sa dili tawhanong mga kundisyon sa pamuo ug labaw pang pagpangulipon. Gigamit sa mga kapitalista ug burukrata, kakonsabo ang mga dilawang unyon, ang mga Regional Tripartite Wages and Productivity Board (RTWPB) alang sa labaw pang pagpuga og ginansya gikan sa mga mamumuo. Gipahimuslan niini ang lapad nga hukbo sa mga mamumuong walay trabaho ug ang ilang atrasadong kahimtang. Gipahimuslan ug gipagrabe sab niini ang ilang disorganisadong kahimtang aron ilokalisa ug pahuyangon ang ilang pagsupak ug paglihok. Usa ang rehiyunalisasyon sa suholan sa mayor nga palisiyang neoliberal nga gipatuman niadtong katapusan sa dekada Sa wala pa kini, gipatuman ni kaniadto Pres. Manuel Quezon sa dekada 1930 ang minimum nga suholan nga 1/adlaw sa duso sa kusog ug militanteng paglihok sa mga unyon sa mamumuo ug ipalayo sila sa kaniadtong bag-o pa lang natukod nga Partido Komunista sa Pilipinas. Human sa ikadu- ANG BAYAN hang Gubat sa Kalibutan, gipadayon sa Congress of Labor Unions ang pakigbisog alang niini. Niadtong 1951, gihimong balaud ang Minimum Wage Law (RA 602) nga nagtakda og 4 suholan sa mga mamumuong agrikultural. Gipawalay bili sa Labor Code (Presidential Decree No. 422) sa diktadurang Marcos nga nagsugod pagpatuman sa paglahi-lahi sa suholan. Niadtong 1976, modiperensya na og piso ang suholan sa mga Mamumuong dili-agrikultural sa National Capital Region (NCR) ug sa mga probinsya, ingonman tali sa mga mamumuo sa plantasyon ug dili plantasyon. Sa misunod nga mga tuig, nagkadaku ang gintang sa mga suholan sa mga Mamumuong agrikultural (8 pag-abot og 1984). Labaw pa niini, gigamit sa diktadura kini nga balaud aron ilansang ang suholan. Sa tibuok panahon sa rehimen ( ), mitaas lang og ang suholan sa pamuo. Sulod sa 28 ka tuig ubos sa RA 6727, mitaas lang og abereyds nga 313 ang suhulan sa mga mamumuo. Luyo kini sa halos 300 kamandoan sa pagpataas sa suholan (wage order) nga gipagawas sa mga RTWPB. Gawas sa hilabihan ka daghang kaso sa paglapas sa balaud, kinadak-an o 81% sa mga kumpanyang nagapangayo og eksempsyon gitugutan. Tungod sa rehiyunalisasyon, aduna nay 17 andana ang minimum nga suholan sa pagkakaron. May gintang nga 256 o halos katunga ang pinakataas (491 sa NCR) sa pinakaubos (235 sa Region IV-B). Gipasamot pa kini sa iskemang duha-ka-andana sa suholan, kung asa ang itakda na lang sa mga RTWPB ang floor wage o suholan subay sa pinakaubos nga sukdanan sa kapobrehon nga arbitraryong gitakda sa estado. Ang unsamang hinanaling dugang sa suholan nakadepende sa itug-an nga netong kita sa kumpanya ug sa produktibidad sa indibidwal nga mamumuo nga ginatakda sab sa kapitalista. Sa pangkinatibuk-an, wala pay ikatulo-ka-bahin (1/3) sa makabuhi nga suholan ang ginahatag nga kantidad sa suholan. Sa NCR, anaa sa 361 lang ang tinuod nga suholan samtang ang sa ubang rehiyon. Anaa sa P1,119 na ang makabuhi nga suholan alang sa usa ka unom-ka-tawong pamilya. Sukad sa sinugdanan, gigamit sa estado ang manipulasyon sa suholan ug uban pang reporma aron bahin-bahinon ang mga mamumuo ug ipalayo sila sa tinuod, militante ug makinasudnong unyonismo ngadto sa mahinungdanon ug rebolusyonaryong kausaban sa katilingban. Pero sukad sa sinugdanan sab, napamatud-an sa mga mamumuo nga sarang ang ilang kolektibong kusog aron ipanghingusog ang angayan sa ila ug iasdang ang ilang mga katungod. Kamatuoran, nakab-ot ang substansyal nga pagta- 7

8 as sa suholan sa panahon sa diktadura niadtong 1984 gikan 21 ngadto sa 32 (52%) alang sa mga Mamumuong dili agrikultural ug gikan 17 ngadto sa 21 (23%) sa mga Mamumuong agrikultural. Niini nga panahon nahitabo ang pinakakusog ug pinakadugay nga welga sa kasaysayan sa nasud, kadungan sa kusog nga kontra-pasismong Kalihukan sa mga mamumuo. Nadiskaril lang ang mga Pakigbisog alang sa dugang nga suholan ug uban pang pakigbisog Mamumuo nga mapahimuslan sa rebolusyonaryong Kalihukan ug kalihukang pamuo sa dekada Gidunganan ang rehiyunalisasyon sa suholan sa malangkubong neoliberal nga mga iskema nga labaw pang nagpagrabe sa pagpahimulos ug pagpamig-ot sa mga mamumuo. Gipatuman ang pleksibilisasyon sa pamuo ug lapad nga pagbungkag sa nagbarug nga mga unyon. Gipawalay bili ang mga regulasyon sa pamuo ug gitukod ang mga engklabong industriyal aron labaw pang hatagan-og-kagawasan ang mga kapitalista nga manghakop og ginansya gikan sa pamuo sa mga mamumuo. Angayan lang nga dungan sa pakigbisog alang sa dugang nga suholan ang pagpanghingusog nga subling itakda ang nasudnong minimum nga suholan aron maseguro ang usa ka Nasudnong istandard alang sa disente ug makabuhi nga suholan. Gikan dekada 1990, gipaasdang sa militanteng mga unyon ang pakigbisog alang sa 125 acrossthe board nga dugang nga suholan atubangan sa nagsulbong nga presyo sa mga palaliton ug balayranan sa serbisyo. Niadtong 2014, gilunsad sa mga mamumuo ang Pakigbisog alang sa subling pagtakda sa Nasudnong minimum nga suholan ug pagtakda niini og 750/adlaw alang sa pribadong sektor ug 16,000/bulan alang sa pampublikong sektor. Angay kining idungan sa mga Pakigbisog batok sa kontraktwalisasyon ug uban pang neoliberal nga palisiya sa reaksyunaryong estado. 8 Ang nagapadayon nga kamahinungdanon sa Rebolusyong Oktubre 1917 Balik-lantaw sa kritika sa imperyalismo ni Lenin S a umaabot nga Mayo 1, subling handumon ang bantugang papel sa mga mamumuo sa pagbuhi sa katilingban ug pagpaasdang sa kasaysayan. Kalambigit niini, anaa sab ang daw-higanteng papel sa imperyalismo sa todong pagbabag sa ilang pag-asdang. Isip monopolyo ug katapusang yugto sa kapitalismo, labaw nga mapahimuslanon ug bangis ang imperyalismo. Pero luyo sa gipakitang gahum niini. Padayon kining nagkadunot ug himalatyon, ug walay kapadulngan kundili ang pagkalumpag atubangan sa pakigbisog sa katawhan sa pagpangulo sa hut-ong mamumuo sa tibuok kalibutan. Ang imperyalismo ang bisperas sa sosyalistang rebolusyon sa proletaryado. Nakumpirma na kini gikan 1917 sa pangkalibutang langkob, matud ni Vladimir Ilyich Lenin sa Imperyalismo, ang Pinakataas nga Yugto sa Kapitalismo. Pagkahuman sa usa ka gatus ka tuig nagapabilin kining pinakatukma nga pagtuki sa imperyalismo ug giya sa paglantaw sa mga panghitabo sa kasamtangan. Gibatokan ni Lenin, lider sa Partido Komunista (ang Russian Social Democratic Labor Party o RSDLP), ang ginapamulong sa lainlaing mga ekonomista mahitungod sa sistemang kapitalista sa ilang panahon. Gipatin-aw niya nga hangtud dili masabtan ang mga pang-ekonomiyang gamut niini nga penomenon ug dili mahatagan og kamahinungdanon ang pampulitika ug katilingbanong kamatuoran, dili makatikang ngadto sa pagsulbad sa mga praktikal nga problema sa kalihukang Komunista. Imperyalismo ang monopolyong yugto sa kapitalismo Sukwahi sa ginapakaylap sa mga burges nga ekonomista nga gawasnong kompetisyon ang sis- temang kapitalismo, gipatinaw ni Lenin nga gikan pa kaniadtong sayong bahin sa ika-20 siglo nagpatigbabaw na sa tibuok sistema ang mga monopolyo ug nahimong pundasyon kini sa kinabuhi pang-ekonomiya sa mga kapitalistang nasud. Ang mga monopolyo ang nagamaniobra aron kontrulon ang suplay sa hilawng materyales, suplay sa kusog-pamuo, mga deliberi, ug mga pautang. Ginabungkag ang mga unyon, ginaduminahan ang merkado, ug sistematikong ginamanipula ang presyo aron maalkansi ang empresang gustong kontrulon. Lakip sa mga industriyang kontrulado sa monopolyo niadtong sayong bahin sa 1900 ang industriya sa riles sa tren sa Britain ug France, industriya sa kuryente ug kemikal sa Germany ug ang industriya sa asero ug sa lana sa USA. Usa niini nga mga monopolyo ang Standard Oil Company sa USA nga nahimong pinakadakung kumpanya sa lana sa nasud pinaagi sa lain-laing pagpang-ipit sa mga kakumpitensya niini. Sa kapital nga kapin-kun-kulang $150 milyon, mikita kini og netong ANG BAYAN

9 $837.8M gikan 1882 hangtud Kini na karon ang ExxonMobil, ang pinakadakung pribadong kumpanya sa lana nga nagaprodyus og 3% sa lana ug 2% sa enerhiya sa tibuok nasud. May negosyo kini sa lain-laing sanga sa industriya ug may kontrol sa 8.5 milyong ektaryang yuta sa Europe, South America, Asia, Australia, Africa, ug Canada. Gawas pa sa unom ka milyong ektarya sa US mismo. Niadtong Disyembre, 2016, ang CEO niini, si Rex Tillerson, gitudlo ni Pres. Trump isip Secretary of State. Dungan sa pagmonopolyo sa industriya ang pagmonopolyo sa pinansya o bangko ug pag-abin niini nga magtukod og usa ka pinakagamhanang grupo nga ginatawag nga oligarkiya sa pinansya. Pinaagi sa mga trust nga may mga sapi sa daghan kaayong mga kasosyong kumpanya tanan rehistrado ug nagatakuban ug lut-od sa mga lideratong nagapadagan sa mga korporasyon, nagunitan sa oligarkiya sa pinansya ang halos tibuok pinansyal nga kapital sa tanang mga kapitalista ug sa mas dakung bahin sa sangkap sa produksyon ug tinubdan sa hilawng materyales sa ilang nasud ug sa uban pang mga nasud. Niadtong 1910, naobserbahan ni Lenin nga ang unom ka pinakadakung bangko sa Berlin may mga director sa 344 kumpanyang industriyal, ug mga board member sa 407 ka lain pa, nga langkob ang insurance, transportasyon, restoran, teatro, ug uban pa. Sa pikas bahin, ang gamhanang mga industriya anaa sa lupon sa mga superbisor (supervisory board) niini nga mga bangko. Sa US, nahisgutan sab ang duha ka pinakadagkung bangko, ang gipanag-iya sa pamilyang Rockefeller ug Morgan, nga nagkontrol og kapital nga kapin $6B. Kining duha ka bangko magkaabin na karon sa multinasyunal nga JPMorgan Chase & Co. nga gipatik sa Forbes isip pinakadakung bangko sa US ug ikatulo sa pinakadakung bangko sa kalibutan base sa mga kabtangan og kapital niini nga moabot og kapin-kun- ANG BAYAN Russia, Abril 1917 GABII SA ABRIL 16, 1917, miabot si Lenin (Vladimir Ilyich Ulyanov) sa Finland Station sa kapitol sa Russia (kaniadto gitawag og Petrograd). Liboang mamumuo ang mitimbaya sa iya pagbalik gikan sa Switzerland human sa kapin usa ka dekadang pagkadistyero. Mihawa si Lenin sa Zurich niadtong Abril 9, kauban ang 31 pang Bolshevik, ug gitabok ang Germany (kaniadto kaaway sa Russia) sa usa ka selyadong bagon nga ginailang teritoryong ekstrateritoryal. Pagkahuman sa tulo ka adlaw, miabot sila sa Stockholm, kapitol sa Sweden, (nga kaniadto nyutral) kung asa gisugat sila sa mga parehong sosyalista ug mga imigranteng Russian. Girekisa sila sa mga tropang British sa border pero gipalusot gihapon pagkahuman nga walay nakitang kadudahan sa ilang mga dala. Sa tibuok panahon sa iyang makuyaw nga byahe, nagtuo siyang arestuhon siya pagtunob sa Russia. Pero sa iyang kakurat ug kalipay, usa ka higanteng rali sa mga mamumuo ang mitimbaya sa iya, dungan sa usa ka orkestra nga nagtugtog og rebolusyonaryong sonata, ug ang armadong hukbo sa rebolusyong Bolshevik. Pila ka dagkung lente ang gipunting sa atubangan sa istasyon aron iwagan ang iyang pagbalik. Dinhi, sa ibabaw sa usa ka armed vehicle, gihatag niya ang iyang nabantog nga pamahayag kung asa gitimbaya niya ang mga proletaryadong Russian isip uyok sa internasyunal nga proletaryong hukbo nga nagaiwag sa rebolusyong sosyalista. Gikan dinhi, mipadayon siya sa kanhing mansion sa baylerina nga si Mathilde Kshessinski nga kanhi nagsilbing hedkwrters sa mga Bolsheviks. Abril 19, gipublikar niya ang mahinungdanong sinulat nga April Theses. Dinhi, gihikyad niya ang pagliwag sa rebolusyong Russian gikan sa burges-demokratiko ngadto sa sosyalistang rebolusyon. Panawagan niya ang All Power to the Soviets! (Tanang gahum sa mga Sobyet!) aron ibalhin na sa mga sobyet (mga lokal nga organo sa katawhan) ang pampulitikang gahum gikan niadtong nagbarug nga republikang parlyamento. Pila ka adlaw human niini, sa Abril 22, gisaulog niya ang iyang ika-47 kasumaran sa adlawng natawhan. kulang $2.5 trilyon (120 trilyon). May 288 rehistradong subsidyaryo kini sa lain-laing bahin sa kalibutan, ug may relasyong pamuhunan sa John Deere & Co., Wal-Mart Stores, Inc., Dow Chemical Co., Center for Strategic & International Studies, Inc., Rush University Medical Center, Apple, Inc., Quinnipiac University of Chicago, Business Council for International Understanding, ug daghan pa sa lain-laing natad sa ekonomiya ug katilingbani Mikita kini og netong $22,000 milyon (P105,600 milyon) niadtong 2014 ug kasamtangang may 241,359 empleyado sa tibuok kalibutan. Niadtong 1911, nagtukod ang mga estadong kapitalista sa mga balaud nga anti-trust o kintahay pagpahugot batok sa mga monopolyo. Pero tabil lang kini ug daling malusutan, tungod kay mismong gobyerno nagdasok sa mga membro sa oligarkiya sa pinansya o mga ahente niini sa tanang ang-ang, ug representante nila apil ang mga presidente o pangulong ministro sa mga kapitalistang nasud. Pila ka pananglitan lang kini sa pagkonsentra sa bahandi sa katilingban sa kamot sa pipila ka oligarkiya sa pinansya nga walay unsa mang tampo sa produksyon. Sila ang hulagway sa pagkaparasitiko, pagkadunot ug pagpahimulos sa imperyalismo busa hilabihan ka bug-at nga palas-anon sa masang anakpawis. Ang daw-higanteng kumpetisyon nila sa usa g-usa alang 9

10 sa labaw pang ginansyang mahakop ang nagatukmod sa balik-balik ug nagkagrabeng krisis sa ekonomiya kung asa ang masang anakpawis sab ang nadaut. Pinakaulahi ug dramatiko ang krisis pinansyal niadtong nga sugod sa usa ka dekada na nga depresyon nga wala pa nakabangon hangtud karon. Neoliberalismo, dagway sa grabeng imperyalistang krisis Ang neoliberalismo isip palisiya sa ekonomiya niining milabayng mag-upat na ka dekada ang pinakaulahing solusyong gidangpan sa kapitalistang sistema (tan-awa ang mga isyu sa Ang Bayan Mayo 21-July 21, 2016). Sama sa mga nahaunang mga ekonomistang kalantugi ni Lenin, ginatabunan pa gihapon sa mga bag-ong ekonomista karon ang malukpanong pagpatigbabaw sa mga monopolyo sa pag-ingon nga ginapatuman sa neoliberalismo ang gawasnong pamatigayon aron makahaw-as sa krisis. Sa kamatuoran, pinakaulahing dagway kini sa imperyalismo. Pagtangtang kini sa mga regulasyon o pangsagang aron hingpit gawasnong magpalapad og kapital ang oligarkiya sa pinansya. Pag-abli kini sa tibuok kalibutan sa ilang dugang pagpahimulos sa ginatawag nga globalisasyon, ug pagpitol sa gahum sa pamuo, ilabina ang pagbungkag sa organisadong pamuo. Sa paglunsad sa oligarkiya sa pinansya og gera batok sa pamuo, nagkalalum ang kalot sa ilang lubnganan atubangan sa nagpangagot nga masang anakpawis. Sama sa napasabot ni Lenin, walay laing kasulbaran ang krisis sa imperyalismo kundili ang rebolusyong proletaryo aron matukod ang sosyalismo. Ubos ug lisud nga pakigbisog kini batok sa usa ka higante. Pero tungod kay higanteng himalatyon, segurado sa hut-ong mamumuo ang kadaugan. Kini nga artikulo mauy ikalima sa serye kalambigit sa pagsaulog sa ika100 tuig nga anibersaryo sa Rebolusyong Oktubre 10 Abanteng Kurso, gitapos og 15 adlaw P uno sa kahibalong teoretikal ug praktikal ang gipaambit ug gisalo-salohan sa mga nagasalmot sa gipahigayon nga Abanteng Kursong Pampartido nga gilunsad dili pa lang dugay sa usa ka natarang gerilya sa Southern Mindanao. Malampusong gikumpleto ang pilosopiya hangtud sa pagtumaw bag-ong AKP sulod sa 15 adlaw. sa Marxismo. Gihataga g-duot sab Mitambong niini ang 35 mga kadsa materyalismo istorikong bahin reng magtutuon. Ang maong pagang kasaysayan sa paglambo sa pamubo nagsubay sa gilatid nga lain-laing katilingbanong sistema plano dili pa lang dugay sa Unang isip kasaysayan sa mga moda sa Komite Sentral sa Ikaduhang produksyon (o pang-ekonomiyang Kongreso. Gipulihan niini ang kanbase ug nagbarug nga supehing gambalay sa AKP nga kaniadristruktura.) gipadayag sab sa to mokabat hangtud 45 ka adlaw. pagtuon sa pulitikanhong ekonosamtang gitibuok pa ang gambamiya ang Marxistang kritika sa lay sa kurso, gigamit nga nag-usistemang kapitalismo ug ang banang tamdanan ug gambalay ang takang kontradiksyon niini nga Mga Batakang Prinsipyo sa nagapadulong sa krisis ug mas Marxismo-Leninismo: Usa ka grabeng krisis ubos sa imperyalispraymer nga gisulat ni Kaubang mo. Ang pagtuon sa teorya ug Jose Ma. Sison niadtong praktika sa syentipikong sosyalisnag-unang tumong sa AKP mo nahimong kahigayunan nga ang pagpalalum sa kahibalo sa matun-an ang praktikal nga kasimga kadre sa Partido sa Marxisnatian sa pagtukod sa sosyalismo mo-leninismo-maoismo (MLM) ug pagbatok sa pagpahibalik sa isip panglantaw sa kalibutan, pakapitalismo. maagi sa pagtuki ug baruganan sa Ang gihimong pagpamubo sa mga komunista. AKP nagsubay sa target nga ang Igong panahon ang gigahin sa matag hingpit nga membro (HM) mga mayor nga sangkap nga nasa Partido makatapos niini sulod gatibuok sa MLM. Gihisgutan sa sa unang duha ka tuig sa iyang unang bahin ang materyalismong pagka-km. Plano sa KS nga makadiyalektiko ug ang kasaysayan sa tapos ang tanang kadre sa ang- ANG BAYAN

11 ang rehiyon ug subrehiyon sa sulod sa kasamtangang tuig: ug mga kadre sa ang-ang sa mga nataran ug seksyon sa mosunod nga duha ka tuig. Ang pagpamubo sa AKP mahinungdanon aron mohaum sa kahimtang sa batakang masang mauy mayoryang membro sa Partido. Malikayan sab ang taas kaayong tigom pagtuon nga nagamugna og problema sa organisasyon, apil na sa seguridad. Sa madugay, ginalaumang makapahimugso ang lagsik nga paglunsad og mga AKP og liboang mga kadre nga may lalum nga pagsabot sa MLM aron dalhon ang Partido ngadto sa labaw nga malambuong rebolusyonaryong praktika. Karon pa lang, pagahikit-an na sa pagkamalaumon ang mga magtutuon sa ilang lagsik nga pagsalmot sa mga panaghisgot, dakung mayorya sa ila may taas na sab nga kasinatian sa lain-laing linya sa gimbuhaton. Alang nilang Ka Nova ug Ka Mac, partikular nga nahimong makapainteres ang tema sa Marxistang pulitikanhong ekonomiya. Pareho silang mga kadreng nagalihok sa han-ay sa mga mamumuo, ug parehong malaumon nga mapaambit ang natun-an sa ilang mga ginaorganisa. Nagahatag og dugang oryentasyon ang kurso alang sa mga organisador, matud ni Ka Nova. Kung sa Unyong Sobyet kaniadto giseguro ang katungod sa mga mamumuo nga magkaadunay trabaho ug mosulod sa unyon, angay mahimong giya sab kini sa mga organisador sa ilang paglihok. Dugang sab ni Ka Mac, atubangan sa atake sa neoliberalismo sa Kalihukang mamumuo, ang tumong nga organisahon sila sa mga unyon angay molangkob bisan sa mga Mamumuong dili regular. Nagkahiusa silang Ka Nova ug Ka Mac nga ang hugot nga pagsabot sa linyang masa, base na sab sa pagsabot gikan sa AKP, mopadulong sa labaw pang pag-abante sa nagaasdang nga kalihukang mamumuo sa rehiyon. Sa bahin ni Ka Toby, nga nagapapel sa gimbuhatong propaganda, nadasig siyang palambuon ang gimbuhatong panukiduki aron mahikyad ang mga hisgutanan ug puntong angay masayran sa katawhan. Alang sa ako, nahimong mahinungdanon ang AKP sa mga ginasulat nga editoryal o komentaryo, ug masalikway ang mga sayop nga panghunahuna nga ginapakaylap sa burgesya sa natad sa ekonomiya, kultura ug pulitika, matud niya. Masulti nga misibaw ang syentipikong sosyalismo isip pinakalagsik nga bahin sa kurso. Dinhi labaw nga nahimong subsob ang diskusyon mahitungod sa dagway sa mosunod nga yugto human mapadaug ang Nasudnon demokratikong rebolusyon. Pinaagi sa mga kasinatiang pananglitan gikan sa Russia, China ug Vietnam, dili lang ang diktadura sa proletaryado ug pagplano sa ekonomiya ang hataga g-duot. Nakutlo sab sa mga kauban ang panginahanglan alang sa padayong rebolusyonaryong pakigbisog aron batokan ang impluwensya sa karaang katilingban ug mga bag-ong burgesyang nagatumaw sa burukrasya. Sa katapusan, tugon ni Ka Obi, usa sa mga instruktor, nga angay mapadayunon ang pagbasa sa mga tamdanan sa AKP. Giduot niya ang panawagan ni Mao Zedong nga angay paayuhon sa mga komunista ang pagtuon sa teorya, sa kasaysayan ug sa praktikal nga kalihukan. Kaluha kini sa mapadayunon sab nga pagkumbina sa pagtuon ug pagtrabaho isip epektibong pamaagi sa pagabante sa rebolusyon. PRWC Page, gitangtang sa Facebook GIKUNDENA SA Philippine Revolution Web Central (PRWC) sa Partido Komunista sa Pilipinas (PKP) ang pagtangtang sa Facebook sa PRWC Page niadtong Abril 8. Ang maong pagtangtang sukwahi sa gipanghinambog sa Facebook nga gigakus niini ang panaglahi-lahi ug himuong abli ug magkasumpay ang kalibutan. Nahitabo ang pagtangtang sa Facebook sa PRWC human niini gibutyag ang pag-imbento sa Armed Forces of the Philippines (AFP) sa mga pekeng balita sa masmidya ug social media sa partikular, gihikyad sa PRWC ang mga pekeng balita sa AFP sa mga engkwentro kuno sa Bagong Hukbong Bayan (BHB) aron hataga g-katarungan ang pagpamatay sa mga dili armadong masa sa kabukiran ug malukpanong paglapas sa mga tawhanong katungod. Bag-o pa lang sab niining nabutyag ang paningkamot sa gisu- ANG BAYAN portahan-sa-us nga militar ug ahensya sa depensa nga dauton ang panaghisgot pangkalinaw tali sa National Democratic Front of the Philippines (NDFP) ug GRP. Ang PRWC Page nagsilbing daluyanan aron mapadangat sa publiko ang mga baruganan sa PKP ug ang mga pakigbisog sa masang Pilipino sa sulod ug gawas sa nasud. Matud sa PRWC, Ang pagtangtang sa PRWC mauy pagsensor sa Facebook page sa PKP ug rebolusyonaryong Wala. Kadungan niini, ang komunidad sa mga membro sa Facebook ug tigsuporta sa rebolusyonaryong Wala, ang midyang Pilipino ug ang uban pang interesadong publiko epektibong nahikawan sa kakuhaan og balita ug impormasyong nagasalamin sa mga panglantaw sa PKP ug mga kalambigit nga organisasyon. Gipanghingusog sa PRWC nga angay ibalik ang PRWC page kauban ang mga kanhing post ug rekord sa mga Like ug Follower. Isip protesta, naghimo kini og bag-ong page (Facebook.com/philrevwebcentral) samtang ginapanghingusog ang pagbalik sa PRWC Page. Gawas sa PRWC, gitangtang sab sa Facebook ang mga page nilang Diego Padilla sa Melito Glor Command sa Southern Tagalog ug sa Liberation International sa NDFP niadto pang Enero. 11

12 Abu Sayyaf sa Visayas, pakana sa US ilunsad ang Balikatan exercises sa kasikbit sab nga isla sa Leyte. Matud sa upisyal nga pamahayag sa militar sa US ug AFP, pagsumpo sa terorismo. Pila ka adlaw pagkahuman sa pag-atake sa Bohol, migawas ang balitang anaa sa isla na sa Negros ang mga elemento sa Abu Sayyaf. Gipunting sa pamahayag sa PKP nga dili ikalimod nga dugay nang target sa tropa sa US nga magtago og pasilidad sa tugpahanan sa Mactan sa kasikbit nga isla sa Cebu. Dili na sab sekreto ang dugay nga kolaborasyon sa AFP, militar sa US ug Abu Sayyaf. Gigamit sa AFP ug CIA ang teroristang grupo aron hatagan og katarungan ang todo-gera ug pagpamomba niini sa pagkidnap. Ang mga pagkidnap sa bandidong grupo kapangwartahan sab sa mga nagapangulo sa Abu Sayyaf ug mga pangulong militar nga naggunit sa ila. Kapin 15 ka tuig nang gipakamenos sa AFP ang kakayahan sa Abu Sayyaf ug nanghambog nga kaya niining pouhon ang grupo. Pero, kanunay sab kining nagatumaw sa panahon nga gikinahanglan sa US ug AFP. HUGOT NGA GIPANGHIMARAUT sa Partido Komunista sa Pilipinas (PKP) ang gilunsad sa Armed Forces of the Philippines ug Philippine National Police nga subra kaayo ka dakung operasyong militar sa Bohol niadtong Abril 11 batok kuno sa mga membro sa Abu Sayyaf Group (ASG). Sa taho sa AFP ug PNP, gideploy ang mga pwersa sa militar ug pulis niadtong Abril 11 sa lungsod sa Inabangan kung asa naengkwentro kuno niini ang adunay 60 ka membro sa Abu Sayyaf nga nagresulta sa pagkamatay sa tulo ka sundalo, isa ka pulis ug lima ka bandido. Duha sa giingong bandido mao ang 65 anyos nga magtiayong silang Constancio ug Crisente Petalco. Nailhan sila sa mga upisyal sa barangay isip mga residente sa Barangay Napo, kung asa nahitabo ang engkwentro kunuhay. Sukwahi sa pamahayag ni Lt. Col. Jose Dodjie Belloga Jr. sa 47th IB nga ang magtiayong napatay ug tigsuporta sa Abu Sayyaf, giangkon ni Col. Edgard Arevalo, tigpamaba sa AFP, nga dili sila segurado kung membro gyud sila sa ASG. Aron sumpuon kuno ang nahibiling elemento sa Abu Sayyaf, siyam ka bomba ang gihagbong sa Philippine Air force sa mga barangay sa Napo, Calenti ug Banaha nga nagresulta sa ebakwasyon sa may kapin 1,200 residente. Ang ingon niining mga sugilanon sama sa uban pang bakak gimugna sa US Central Intelligence Agency ug mga kakunsabo niini sa pwersang pangdepensa ug seguridad sa Pilipinas, dugang sa PKP. Makapatingala nga pila ka adlaw sa wala pa kini, nagpagawas og pasidaan ang embahada sa US sa ilang katawhan nga nagdili sa pagbisita sa Cebu ug Bohol tungod kuno sa hulga sa terorismo niadtong Abril 9, duha ka adlaw ayha mahitabo ang ginaingong engkwentro. Ang ginapagawas nga balita nga aduna kunoy dakung presensya sa Abu Sayyaf sa Bohol kabahin sa tumong sa US nga palig-unon ang kontrol ug pagpadaku pa sa presensya sa tropa niini sa Central Visayas. Mibuto kini nga balita usa ka semana ayha ang natakdang panagtigom sa mga ministro sa ASEAN sa Cebu. Ingonman, natakdang Higanteng bomba, gihulog sa US sa Afghanistan GIKUNDENA SA Partido Komunista sa Pilipinas (PKP), kauban ang katawhan sa tibuok kalibutan, ang pagpamomba sa militar sa US ubos sa administrasyong Trump gamit ang kapin siyam ka toneladang bombang GBU-43 niadtong Abril 13 sa bukirong bahin sa Tangi Assadkhel, Achin sa probinsya sa Nangarhar, Afghanistan. Ginaingon sa US nga kuta sa Taliban kini nga lugar. Ang GBU-43 o Massive Ordnance Air Blast ang pinakadakung bombang dili-nukleyar nga gigamit sa kasaysayan. Ginatawag kini nga mother of all bombs (inahan sa tanang bomba) tungod sa gikusgon niini. Bungkagon sa pagbusikad niini ang unsa mang maigo sa sulod sa usa ka kilometro gikan sa sentro sa pagbusikad busa maisip kining hinagiban sa lagpad nga pagpuo. ISIS ug wala kunoy napagan nga sibilyan sukwahi kini sa pamahayag sa mga residenteng duol sa lugar nga gibombahan nga daghang sibilyan ang anaa sa Tangi Assadkhel dihang ihulog ang bomba. Kamatuoran, nakitang gidala sa Shadal Bazaar sa mga kumando sa US ang 12 duha ka babayeng may kadaut ug usa ka tigulang lalaki gikan dinhi. Sa gikusgon sa pagbusikad, pila ka balay ang giulan og bato ug may mga naguba sa mga komunidad nga may hangtud upat ka kilometro ang gilay-on sa gibombahan. Daghan ang nakasinati og temporaryong pagkabungol ug pila ka adlaw nga paghagyong sa dalunggan. Dili madawat ang paggamit sa US og hinagiban alang sa lagpad nga pagpuo. Usa ka war crime ang paggamit og kusog nga bombang walay ginapiling maigo ug tinuyong idesinyo aron mopatay og dinaghan, matud sa PKP. Usa ka dekada ug tunga dihang gigubat sa US ang Taliban sa Afghanistan. Sa kasamtangan may 8,500 tropang Amerikano ang nakabase dinhi aron suportahan ug kontrulon ang papet nga gobyerno sa Afghanistan. Samtang ginahimong katarungan sa US ang ISIS isip target kuno niini, ginakunsente sa US ang ISIS nga makigtinabangay sa mga teroristang grupong nagakontra sa gobyernong Syria. ANG BAYAN