Mga Pananggalang na Pamamaraan Mga Karapatan ng Magulang

Transcription

1 Mga Pananggalang na Pamamaraan Mga Karapatan ng Magulang Kagawaran ng Edukasyon ng Estado ng Maryland Dibisyon ng Espesyal na Edukasyon/Mag Serbisyong Maagang Pamamagitan Hulyo 2002

2 BAHAGI 1 MGA PANANGGALANG NA PAMAMARAAN...2 BAHAGI II NAUNANG PAUNAWA...2 BAHAGI III PAHINTULOT...3 Pangkalahatan...3 Pagtanggi ng Magulang...3 Kabiguang Sumagot sa Kahilingan para sa Muling Pagsusuri...3 Limitasyon...3 BAHAGI IV PARAAN NG PAGSUSURING PANG-EDUKASYON...4 Mga Pagtasa...4 Pagsusuri...4 Muling pagsusuri...5 Pagtatapos ng mga Serbisyo...5 BAHAGI V MALAYANG PAGSUSURING PANG-EDUKASYON...6 Mga Pagpapakahulugan...6 Pamantayan ng Pampublikong Ahensiya...6 Karapatan ng Magulang sa Pagsusuri sa Gastos ng Publiko...6 Pagsusuring Pinasimulan ng Magulang...6 Paghiling ng Pagsusuri ng isang Opisyal sa Pagdinig...6 BAHAGI VI PROGRAMANG EDUKASYONG IBINABAGAY (IEP)...7 Mga Pulong ng Pangkat ng IEP...7 Paglahok ng Magulang sa mga Pulong...7 Ang Pangkat ng IEP...8 Pagbuo, Pagrepaso, at Pagbabago ng IEP...8 Nilalaman ng IEP...9 Mga Serbisyo sa Paglipat...10 Paglalagay...10 Pagpapatupad ng IEP...10 Mga Iniaatas sa Pagtatapos...10 BAHAGI VII MGA SERBISYONG PINALAWIG NA TAONG PAMPAARALAN...11 BAHAGI VIII PAGLIPAT MULA SA PROGRAMA PARA SA MGA SANGGOL AT MALIIT NA BATA...11 BAHAGI IX MGA PAMAMARAAN TUNGKOL SA MGA TALAANG PANG-EDUKASYON...11 Mga Pagpapakahulugan...11 Mga Pananggalang...12 Pahintulot...12 Mga Karapatan Ukol sa Daan sa Paggamit...12 Talaan ng Daan sa Paggamit...13 Pagbabago ng mga Talaan sa Kahilingan ng Magulang...13 Mga Pamamaraan para sa Pagsira ng Impormasyon...13 Mga Karapatan ng mga Bata...13 Impormasyong Pandisiplina...14 BAHAGI X DISIPLINA NG MGA ESTUDYANTENG MAY MGA KAPANSANAN...14 Mga Pagpapakahulugan...14 Pagbabago ng Paglalagay...14 Awtoridad ng mga Tauhan ng Paaralan...14 Awtoridad ng Opisyal ng Pagdinig...16 Pagpapasiya ng Paghahayag...16 Para sa mga Estudyanteng Hindi Pa Karapat-dapat sa Espesyal na Edukasyon at mga Kaugnay na Serbisyo...17 Pag-apela sa mga Desisyong may Kaugnayan sa Disiplina...18 Pagrekomenda sa mga Awtoridad ng Pagpapatupad ng Batas at Panghukuman...18 BAHAI XI PAGLALAGAY NG MGA ESTUDYANTE SA MGA PRIBADONG PAARALAN NG KANILANG MGA MAGULANG...19 Paglalagay ng mga Bata ng mga Magulang kapag Nauukol sa FAPE...19 Mga Estudyanteng may mga Kapansanan na Ipinatala ng Kanilang mga Magulang sa mga Pribadong Paaralan...20 BAHAGI XII KAHALILING MAGULANG...20 BAHAGI XIII PAGLIPAT NG MGA KARAPATAN NG MAGULANG SA EDAD NG MAYORIYA...21 BAHAGI XIV PAGLUTAS NG MGA DI-PINAGKAKASUNDUAN...21 Pamamaraan ng Nakasulat na Reklamao...21 Mga Pamamaraan sa Pamamagitan...23 Mga Angkop na Paraan ng Pagdinig...23 BAHAGI XV MGA BAYAD SA ABUGADO...26 Binago Ika-1 ng Hulyo,

3 BAHAGI 1 MGA PANANGGALANG NA PAMAMARAAN Ang mga proteksiyong kasama sa dokumentong ito ay itinatag ng mga Batas ng 1997 para sa Edukasyon ng mga Indibidwal na may mga Kapansanan (IDEA), 20 U.S.C et seq., 34 CFR 300 at COMAR 13A na nagpapatupad ng IDEA. Ang bawat pampublikong ahensiya ay dapat magtatag, magpanatili, at magpatupad ng mga pananggagalang na pamamaraan na nakakatugon sa mga iniaatas ng IDEA. Ang isang kopya ng dokumentong it ay ipagkakaloob sa mga magulang: Pagkatapos ng nang pagrekomenda ng bata para sa pagsusuri; Sa bawat paunawa ng isang pulong upang bumuo, magrepaso, o magbago ng Programang Edukasyong Ibinabagay (IEP); Kapag ang isang bata ay muling sinuri; at Kapag ang mga magulang ay humiling ng pamamagitan o isang angkop na paraan ng pagdinig. Ang mga pananggalang na pamamaraan ay dapat isulat sa wikang naiintindihan ng pangkalahatang publiko at ipinagkakaloob sa katutubong wika ng mga magulang o ibang paraan ng komunikasyon na ginagamit ng mga magulang, maliban kung malinaw na ito ay hindi magagawa. Kung ang katutubong wika o ibang paraan ng komunikasyon ng mga magulang ay hindi isang nakasulat na wika, ang pampublikong ahensiya ay dapat gumawa ng mga hakbang upang matiyak na ang mga pananggalang na pamamaraan ay isinalin sa paraang binibigkas o sa pamamagitan ng ibang paraan sa katutubong wika ng mga magulang o ibang paraan ng komunikasyon. May isang nakasulat na ebidensiya na nagdodokumento na ang paunawa ay isinalin at ang mga magulang ay naiintindihan ang nilalaman ng mga pananggalang na pamamaraan. Ang mga magulang ng isang estudyante na may kapansanan ay dapat bigyan ng pagkakataon na suriin at repasuhin ang lahat ng rekord sa edukasyon na nauukol sa pagkilala, pagsusuri, paglalagay na pang-edukasyon ng bata, at ang pagkakaloob ng isang libreng angkop na pampublikong edukasyon (FAPE). Mangyaring tingnana ng Bahagi IX Mga Pamamaraan Tungkol sa mga Talaang Pang-edukasyon para sa mas tiyak na impormasyon. Ang mga magulang ng isang estudyante na may kapansanan ay dapat bigyan ng pagkakataon na lumahok sa mga pulong na nauukol sa pagkilala, pagsusuri, ang paglalagay na pang-edukasyon ng anak, at ang pagkakaloob ng FAPE sa anak. Mangyaring tingnan ang Bahagi VII Programang Edukasyong Ibinabagay (IEP) para sa mas tiyak na impormasyon. Para sa mga karagdagang kopya ng dokumentong ito, mangyaring kontakin ang paaralan ng inyong anak. BAHAGI II NAUNANG PAUNAWA Ang pampublikong ahensiya ay dapat magbigay sa mga magulang na nakasulat na paunawa tuwing ito ay nagmumungkahi o tumatangging magpasimula o binabago ang pagkilala, pagsusuri, programang edukasyon, o paglalagay ng pang-edukasyon ng isang bata, o ang pagkakaloob ng FAPE sa isang bata. Kung ang nakasulat na paunawa ay tungkol sa isang aksiyon na iminumungkahi ng pampublikong ahensiya na nag-aatas rin ng pahintulot ng magulang, ang pampublikong ahensiya ay maaaring magbigay ng nakasulat na paunawa habang ito ay humihiling ng pahintulot ng magulang. Ang nakasulat na paunawa ay dapat kabilang ang: Paglalarawan ng (mga) aksiyon na iminumungkahi o tinanggihan ng pampublikong ahensiya. Isang paliwanag kung bakit ang pampublikong ahensiya ay nagmumungkahi o tumatanggaping gawin ang (mga) aksiyon; Isang paglalarawan ng anumang ibang mga mapagpipilian na isinaalang-alang ng pampublikong ahensiya at ang mga dahilan kung bakit ang mga mapagpipiliang ito ay tinanggihan; Isang paglalarawan ng bawat pamamaraan ng pagsusuri, iksamen, talaan, o ulat ginamit ng pampublikong ahensiya bilang batayan ng iminumungkahi o tinanggihang (mga) aksiyon; Isang paglalarawan ng anumang ibang mga bagay na may kaugnayan sa mungkahi o pagtanggi ng pampublikong ahensiya; Isang pahayag na ang mga magulang ng isang estudyanteng may kapansanan ay nagtataglay ng mga proteksiyon sa ilalim ng mga panangggalang na pamamaraan ng bahaging ito, kung ang paunawang ito ay hindi unang pagrekomenda para sa pagsusuri, ang mga paraan kung paano makukuha ang isang kopya ng mga pananggalang na pamamaraan; at Mga tagagpadulot na makokontak ng mga magulang upang makakuha ng tulong sa pag-unawa ng mga probisyon ng IDEA. Ang paunawa ay dapat isulat sa wikang naiintindihan ng pangkalahatang publiko at ipinagkakaloob sa katutubong wika ng mga magulang o ibang paraan ng komunikasyon na ginagamit ng mga magulang, maliban kung malinaw na ito ay hindi magagawa. Kung ang katutubong wika o ibang paraan ng komunikasyon ng mga magulang ay hindi nakasulat an wika, ang pampublikong ahensiya ay dapat gumawa ng mga hakbang upang matiyak na: Ang paunawa ay isinalin sa paraang binibigkas o sa ibang mga paraan sa mga magulang sa kanyang katutubong wika o ibang paraan ng komunikasyon; Naiintindihan ng mga magulang ang nilalaman ng paunawa; at May isang nakasulat na ebidensiya na nagdodokumento na ang paunawa ay isinalin at ang mga magulang ay naiintindihan ang nilalaman ng paunawa. Binago Ika-1 ng Hulyo,

4 BAHAGI III PAHINTULOT Ang pahintulot ay nangangahulugan na ang mga magulang: Ay lubos na binigyan ng lahat ng impormasyon na may kinalaman sa gawain na pinag-uukulan ng hinihinging pahintulot, sa katutubong wika ng mga magulang o ibang paraan ng komunikasyon; Naiintindihan at sumasang-ayon sa sulat sa pagsasakatuparan ng gawain na pinag-uukulan ng pahintulot na hinihingi at ang pahintulot ay naglalarawan ng gawain at naglilista ng mga tala (kung mayroon) na ipapalabas at kanino; at Naiintindihan na ang paggawad ng pahintulot ay kusang-loob sa bahagi ng mga magulang at maaaring pawalang-bisa anumang oras. Kung pawalang-saysay ng magulang ang pahintulot, ang pagpapawalang-saysay ay hindi retroaktibo (hindi na nito aalisan ng kabuluhan ang aksiyon na nangyari pagkatapos ibigay ang pahintulot at bago pawalang-saysay ang pahintulot). Pangkalahatan Ang isang pampublikong ahensiya ay dapat kumuha ng pahintulot ng magulang bago magsagawa ng unang pagsusuri o muling pagsusuri at bago ang unang pagkakaloob ng espesyal na edukasyon at mga kaugnay na serbisyo sa isang estudyanteng may kapansanan. Ang pahintulot para sa unang pagsusuri ay hindi maaaring ipakahulugan na isang pahintulot para sa unang paglalagay para sa unang pagkakaloob ng espesyal na edukasyon at mga kaugnay na serbisyo sa estudyanteng may kapansanan. Ang pahintulot ng magulang ay hindi kinakailangan bago repasuhin ang kasalukuyang kalipunan ng impormasyon, bilang bahagi ng pagsusuri o muling pagsusuri o pagbibigay ng isang iksamen o ibang pagsusuri na ibinibigay sa lahat ng bata, maliban kung, bago ang pagbibigay ng iksamen o pagsusuri, ang pahintulot ay iniaatas sa mga magulang ng lahat ng bata. Pagtanggi ng Magulang Kung ang mga magulang ay tumangging magbigay ng pahintulot para sa unang pagtasa o muling pagtasa, ang pampublikong ahensiya ay may karapatang humiling ng pamamagitan o angkop na paraan ng pagdinig at inaatasan na pasabihan ang mga magulang ng tungkol sa kahilingan ng pampublikong ahensiya para sa isang angkop na paraan ng pagdinig at kung magagamit ang pamamagitan. Mangyaring tingnan ang Bahagi XIV Paglutas ng mga Hindi Pagkakasundo para sa mas tiyak na impormasyon. Kabiguang Sumagot sa Kahilingan para sa Muling Pagsusuri Ang pampublikong ahensiya ay dapat magtangkang kumuha ng may-kaalamang pahintulot ng magulang bago muling tasahin ang bata. Ang may-kaalamang pahintulot ng magulang ay hindi kailangang kunin para sa muling pagtasa kung ang pampublikong ahensiya ay nakapagpakita na ito ay gumawa ng mga makatwirang hakbang upang kunin ang pahintulot ng magulang, at ang mga magulang ng bata ay nabigong sumagot. Kung ang mga magulang ay hindi sumagot sa nakasulat ng paunawa ng pampublikong ahensiya ng kanilang mungkahi na muling suriin ang bata, at ang pampublikong ahensiya ay makakapagpakita na sila ay gumawa ng mga makatwirang hakbang upang makuha ang pahintulot ng magulang, ang pampublikong ahensiya ay maaaring ituloy ang muling pagtasa nang walang pahintulot ng magulang. Upang ipakita ang mga makatwirang hakbang, ang pampublikong ahensiya ay dapat magpanatili ng isang talaan ng mga pagtatangka ng ahensiya na kunin ang pahintulot ng magulang, tulad ng: Detalyadong talaan ng mga tawag sa telepono na ginawa o tinangka at ang mga resulta ng mga tawag na ito; Ang mga kopya ng mga liham na ipinadala sa mga magulang at anumang sagot na natanggap, at Detalyadong talaan ng mga pagbisita na ginawa sa bahay ng magulang o lugar ng trabaho at ang mga resulta ng mga pagbisitang ito. Limitasyon Ang pampublikong ahensiya ay hindi maaaring gamitin ang pagtanggi ng magulang na pahintulutan ang isang serbisyo o gawain, tulad ng unang pagsusuri, muling pagsusuri, o unang pagkakaloob ng espesyal na edukasyon at mga kaugnay na serbisyo, upang pagkaitan ang mga magulang o ang bata ng anumang ibang serbisyo, benepisyo, o gawain ng pampublikong ahensiya maliban kung iniaatas ng IDEA. Binago Ika-1 ng Hulyo,

5 BAHAGI IV PARAAN NG PAGSUSURING PANG-EDUKASYON Mga Pagtasa Ang mga pagtasa ay mga pamamaraan na ibinabagay sa bawat estudyante. Ang pampublikong ahensiya ay maaaring gumamit ng iba-ibang kasangkapan sa pagtasa at mga istratehiya upang makalikom ng sapat na impormasyong makabuluhan para sa pangkat ng IEP upang matiyak na ang ang isang bata ay isang estudyanteng may kapansanan at ang nilalaman ng IPE ng bata. Ang mga pagtasa ay kabilang ang mga nakalimbag na iksamen, mga obserbasyon, impormasyon mula sa mga magulang, at ibang mga mapagkukunan ng impormasyon na: Pinili at pinangangasiwaan sa isang paraan na hindi nagtatangi batay sa lahi o kultura. Ibinigay sa katutubong wika ng bata o ibang paraan ng komunikasyon maliban kung hindi mapagtatagumpayang gawin ito; Ginagamit upang masukat ang lawak ng kapansanan ng bata at ang mga pangangailangan ng mga serbisyong espesyal na edeukasyon; May-bisa para sa mga tiyak na layunin na ginagamit ang mga ito at ibinibigay ng mga bihasa at maraming alam na mga tauhan alinsunod sa mga tagubiling ipinagkakaloob ng gumawa ng iksamen; Inihanda upng matukoy ang mga tiyak na lugar ng pangangailangan sa edukasyon, hindi upang magkaloob lamang ng isang pangkalahatang antas ng katalinuhan; Sinusukat ang lawak kung hanggang saan ang isang batang may limitadong Ingles ay isang estudyanteng may kapansanan, sa halip na ang mga kasanayan sa Ingles ng bata; at Pinili upang ipakita ang kakayahan o nakakamit ng bata nang tumpak, sa halip na ipakita ang may kahinaang kasanayan ng pandama, ng kamay, o pagsasalita, maliban sa mga lugar na ang mga kasanayang ito ay ang mga batayan sa pagsukat ng iksamen. Ang bawat ulat ng mga pamamaraan ng pagtasa ay dapat kabilang ang: Isang paglalarawan ng pagganap ng bata sa bawat lugar ng pinaghihinalaang kapansanan; May kaugnayang impormasyon sa pagganap, pag-unawa, pag-unlad, asal, at katawan. Ang mga implikasyon ng pagtuturo para sa paglahok ng bata sa pangkalahatang kurikulum, o para sa isang batang bagomagpaaralan sa mga angkop na gawain; at Para sa anumang mga pagtasa na hindi ibinibigay sa ilalim ng mga kondisyong ayon sa pamantayan, isang paglalarawan kung paano ito nagkakaiba sa mga pamamaraan ng pagbibigay na ayon sa pamantayan. Pagsusuri Ang isang indibidwal na naghihinala na ang isang bata ay maaaring may kapansanan na nangangailangan ng pagkakaloob ng espesyal na edukasyon at mga kaugnay na serbisyo ay maaaring irekomenda ang bata, sa sulat, sa pangkat ng IEP at sa paaralan ng bata. Ang pampublikong ahensiya ay 90 araw mula nang matanggap ng ahensiya ang nakasulat na rekomendasyon na kumpletuhin ang unang pagsusuri. Ang pampublikong ahensiya ay magkakaloob sa mga magulang ng isang kopya ng desisyon sa pagsusuri ng pangkat ng IEP. Ang pagsusuri ay nangangahulugan ng mga pamamaraan na ginagamit alinsunod sa mga pederal at pang-estadong regulasyon ukol sa mga pamamaraan para sa pagsusuri at pagpapasiya ng pagiging karapat-dapat, upang matiyak kung ang isang bata ay may kapansanan at ang kalikasan at lawak ng espesyal na edukasyon at mga kaugnay na serbisyo na kailangan ng bata. Ang isang buo at ibinabagay na pagsusuri ay isinasagawa bago ang unang pagkakaloob ng espesyal na edukasyon at mga kaugnay na serbisyo sa isang estudyante na may kapansanan sa ilalim ng IDEA. Ang pagsusuri ay ginaganap sa isang pulong ng pangkat ng IEP at ibang mga kuwalipikadong propesyonal, gaya ng angkop, upang repasuhin: Ang mga kasalukuyang kalipunan ng impormasyon at mga resulta ng pagtasa; Mga pagsusuri at inpormasyong ipinagkaloob ng mga magulang; Mga kasalukuyang pagtasa na batay sa silid-aralan, kabilang ang pambuong-estado at pambuong-distrito na mga pagtasa at obserbasyon, at Mga obserbasyon ng mga tauhan ng mga kaugnay na serbisyo upang pagpasiyahan: Kung ang isang bata ay isang estudyanteng may kapansanan; Ang kasalukuyang mga antas ng pagganap ng bata at ang mga pangangailangan sa edukasyon; Ang mga pangangailangan ng bata ng espesyal na edukasyon at mga kaugnay na serbisyo kung pare-parehong nakaugnay sa kategorya ng kapansanan kung saan ang bata ay inuri; at Anumang mga karagdagan o pagbabagong kailangan ng bata upang matugunan ang mga hangarin ng IEP at upang lumahok, kung angkop, sa pangkalahatang kurikulum. Binago Ika-1 ng Hulyo,

6 Ang unang pagsusuri ay dapat na ganap na masaklaw upang matiyak na ang bata ay tinasa sa lahat ng lugar na may kaugnayan sa pinahihinalaang kapansanan, kabilang, kung angkop ang: Pagganap na akademiko; Komunikasyon; Pangkalahatang Katalinuhan; Kalusugan, kabilang ang pandinig at paningin; Mga kakayahang gumalaw; at Kalagayang panlipunan, pandamdamin, at pang-asal. Walang isang pamamaraan na ginagamit upang tiyakin kung ang isang bata ay isang estudyante na may kapansanan at upang pagpasiyahan ang angkop na programang pang-edukasyon para sa bata. Ang isang bata ay maaaring hindi kilalanin na isang estudyanteng may kapansanan na nangangailangan ng espesyal na edukasyon at mga kaugnay na serbisyo kung ang pangunahing dahilan para sa pagpapasiya ng pagiging karapat-dapat ay kakulangan ng pagtuturo sa pagbabasa o matematika o dahil ang bata ay may limitadong kasanayan sa Ingles. Kung sa unang pagsusuri, ang pangkat ng IEP ay nagpasiya na ang bata ay may kapansanan at nangangailangan ng espesyal na edukasyon at mga kaugnay na serbisyo, ang pangkat ng IEP ay dapat magpulong sa loob ng 30 araw pagkaraan ng unang pagsusuri upang buuin ang IEP ng bata. Muling pagsusuri Ang muling pagsusuri ay isasagawa nang hindi kukulangin sa minsan tuwing tatlong taon o mas madalas kung ang mga kondisyon ay humihingi ng muling pagsusuri, o kung ang mga magulang o ang guro ng bata ay humihiling ng muling pagsusuri. Ang pangkat ng IEP ay magrerepaso ng mga kasalukuyang kalipunan ng impormasyon, kabilang ang impormasyon mula sa mga magulang, mga pagtasang batay sa silid-aralan, mga pagtasang pambuong-estado at pambuong-distrito, at mga obserbasyon upang pagpasiyahan kung kailangan ng karagdagang impormasyon upang pagpasiyahan na: Ang bata ay patuloy na nagtataglay ng kapansanan na nangangailangan ng pagkakaloob ng espesyal na edukasyon o mga kaugnay na serbisyo; Ang kasalukuyang mga antas ng pagganap ng bata at ang mga pangangailangan sa edukasyon; at Kung may mga karagdagan o pagbabagong kailangan ng bata upang matugunan ang mga hangarin ng IEP at upang lumahok, kung angkop, sa pangkalahatang kurikulum. Kung ipinasiya ng pangkat ng IEP na kailangan ng karagdagang kalipunan ng impormasyon, ang mga pagtasang ito ay isasagawa pagkaraang bigyan ng paunawa ang mga magulang at hiniling ang pahintulot ng mga magulang. Rerepasuhin ng pangkat ang mga resulta ng mga pagtasa sa loob ng 90 araw pagkaraan ng pulong ng pangkat ng IEP kung saan ang pangkat ng IEP ay nagpasiya ng pangangailangan ng karagdagang impormasyon at gumamit ng mga resulta, gaya ng angkop, upang baguhin ang IEP ng bata. Kung ipinasiya ng pangkat ng IEP na hindi kailangan ng karagdagang impormasyon, ang pampublikong ahensiya ay pasasabihan ang mga magulang ng tungkol dito, at ng mga dahilan para sa pagpapasiyang iyon. Ang pampublikong ahensiya ay hindi inaaatasan na magsagawa ng mga pagtasa, maliban kung hinilingan na gawin ito ng mga magulang ng bata. Pagtatapos ng mga Serbisyo Ang pampublikong ahensiya ay dapat magsuri ng isang estudyanteng may kapansanan alinsunod sa mga pederal at pang- Estadongregulasyon bago pagpasiyahan na ang bata ay hindi na isang estudyanteng may kapansanan. Ang pagsusuring ito ay hindi iniaatas bago ang pagtatapos ng pagiging karapat-dapat ng bata sa ilalim ng Bahagi B ng IDEA dahil sa pagtatapos na may regular na diploma ng mataas na paaralan, o lumampas sa edad na karapat-dapat sa FAPE sa ilalim ng batas ng Estado. Binago Ika-1 ng Hulyo,

7 Mga Pagpapakahulugan Mga Pananggalang na Pamamaraan - Mga Karapatan ng Magulang 2002 BAHAGI V MALAYANG PAGSUSURING PANG-EDUKASYON Ang Malayang Pagsusuring Pang-edukasyon ay nangangahulugan ng mga pamamaraan ng iksamen at pagtasa na isinasagawa ng angkop na kuwalipikadong mga tauhan na hinii nagtatrabaho sa pampublikong ahensiya na responsable sa edukasyon ng bata. Ang pampublikong paggasta ay nangangahulugan na ang pampublikong ahensiya ay nagbabayad ng buong halaga ng pagsusuri o tumitiyak na ang pagsusuri ay ipinagkakaloob nang walang gastos sa mga magulang. Ang mga magulang ng isang estudyanteng may kapansanan ay may karapatang kumuha ng isang malayang pagsusuring pangedukasyon ng bata sa ilalim ng IDEA na napapailaim sa mga pamamaraang ipinagkakaloob sa ibaba. Ang pampublikong ahensiya ay dapat magkaloob sa mga magulang, kapag hiniling nila ng isang malayang pagsusuring pang-edukasyon, impormasyon tungkol sa kung saan makukuha ang malayanng pagsusuring pang-edukasyon at ang pamantayan ng ahensiya na angkop para sa malayang pagsusuring pang-edukasyon. Pamantayan ng Pampublikong Ahensiya Kapag ang isang malayang pagsusuring pang-edukasyon ay isang pampublikong paggasta, ang pamantayan na ginagamit sa pagkuha ng malayang pagsusuring pang-edukasyon, kabilang ang lugar ng pagsusuri at ang mga kuwalipikasyon ng mga taga-iksamen, ay dapat na katulad ng pamantayan na ginagamit ng isang pampublikong ahensiya kapag ito ay nagpapasimula ng pagsusuri, kung ang pamantayang ito ay kaayon ng mga karapatan ng magulang sa isang malayang pagsusuring pang-edukasyon. Maliban sa pamantayang inilarawan sa itaas, ang pampublikong ahensiya ay hindi maaaring magpataw ng mga kondisyon o takdang-panahon na may kinalaman sa pagkuha ng malayang pagsusuring pang-edukasyon sa gastos ng publiko. Karapatan ng Magulang sa Pagsusuri sa Gastos ng Publiko Ang mga magulang ay may karapatan sa iang malayang pagsusuring pang-edukasyon na pampublikong paggasta kung ang mga magulang ay hindi sumasang-ayon sa pagsusuring nakuha ng pampublikong ahensiya. Kung ang mga magulang ay humiling ng isang malayang pagsusuring pang-edukasyon na gastos ng publiko, ang pampublikong ahensiya ay dapat, nang walang di-kailangang pagkaantala, na: Magpasimula ng angkop na paraan ng pagdinig upang ipakita na ang pagsusuri nito ay angkop; o Tiyakin na ang isang malayang pagsusuring pang-edukasyon ay ipinagkaloob sa gastos ng publiko, maliban kung ang pampublikong ahensiya ay nagpakita sa isang angkop na paraan ng pagdinig na ang pagsusuring nakuha ng mga magulang ay hindi nakakatugon sa pamantayan ng pampublikong ahensiya. Kunga ng pampublikong ahensiya ay nagpasimula ng isang pagdinig at ang pangwakas na desisyon ay ang pagsusuri ng ahensiya ay angkop, ang mga magulang ay may karapatan pa rin sa malayang pagsusuring pang-edukasyon, pero hindi sa gastos ng publiko. Kung ang mga magulang ay humiling ng isang malayang pagsusuring pang-edukasyon, ang isang pampublikong ahensiya ay maaaring itanong sa mga magulang kung bakit ang mga magulang ay sumasalungat sa pampublikong pagsusuri. Gayunman, ang paliwanag ng magulang ay hindi iniaatas at ang pampublikong ahensiya ay hindi maaaring walang-katwirang antalahin ang pagkakaloob ng malayang pagsusuring pang-edukasyon sa gastos ng publiko o pagsisimula ng angkop na paraan ng pagdinig upang ipagtanggol ang pagsusuri ng pampublikong ahensiya. Pagsusuring Pinasimulan ng Magulang Ang mga magulang ay laging may karapatang kumuha ng isang malayang pagsusuring pang-edukasyon mula sa mga kuwalipikadong propesyonal na gusto nila, sa kanilang sariling gastos. Ang pangkat ng IEP ay dapat isaalang-alang ang impormasyon mula sa pagsusuring pinasimulan ng magulang sa pribadong gastos, kung ito ay nakakatugon sa pamantayan ng pampublikong ahensiya, kapag gumagawa ng anumang mga desisyon tungkol sa pagkakaloob ng FAPE sa bata. Ang mga resulta ng pribadong pagsusuri ng pinasimulan ng magulang ay maaari ring iharap bilang ebidensiya sa isang angkop na paraan ng pagdinig tungkol sa bata. Paghiling ng Pagsusuri ng isang Opisyal sa Pagdinig Kung ang Hukom sa Batas sa Pangangasiwa (ALJ) sa Opisina ng mga Pagdinig na Pampangasiwaan (OAH) ay humiling ng malayang pagsusuring pang-edukasyon bilang bahagi ng isang angkop na paraan ng pagdinig, ang halaga ng pagsusuri ay dapat na gastos ng publiko. Binago Ika-1 ng Hulyo,

8 Mga Pulong ng Pangkat ng IEP Mga Pananggalang na Pamamaraan - Mga Karapatan ng Magulang 2002 BAHAGI VI PROGRAMANG EDUKASYONG IBINABAGAY (IEP) Ang pampublikong ahensiya ay gumagamit ng paraan ng pangkat upang magpasiya kung ang isang bata ay isang estudyanteng may kapansanan gaya ng pagpapakahulugan ng IDEA at ng mga pangangailangang pang-edukasyon ng bata. Ang bawat pampublikong ahensiya ay responsable sa pagpapasimula at pagsasagawa ng mga pulong para sa pagbuo, pagrepaso, at pagbabago ng IEP ng isang estudyanteng may kapansanan, at pagpapasiya ng paglalagay ng pang-edukasyon ng bata. Ang mga magulang ng bawat estudyanteng may kapansanan ay dapat pasabihan at bigyan ng pagkakataon na lumahok sa anumang pangkat ng IEP na isinasagawa para sa kanilang anak. Ang mga magulang ay mga miyembro ng pangkat ng IEP na gumagawa ng mga desisyon tungkol sa paglalagay na pang-edukasyon ng kanilang anak. Ang pampublikong ahensiya ay dapat gumawa ng mga makatwirang pagsisikap upang tiyakin na ang mga magulang ay nakakaintindi, at nagagawang lumahok sa anumang talakayan ng grupo na may kaugnayan sa paglalagay na pang-edukasyon ng kanilang anak, kabilang ang pakikipag-ayos para sa isang tagasalin ng wika para sa mga magulang na binig, o ang katutubong wika ay hindi Ingles. Sa sandaling ipasiya ng pangkat ng IEP na ang bata ay nangangailangan ng espesyal na edukasyon at mga kaugnay na serbisyo, ang pangkat ng IEP ay dapat magpulong sa loob ng 30 araw upang bumuo ng IEP ng bata. Bilang miyembro ng pangkat ng IEP, ang mga magulang ay may karapatang humiling ng isang pagrepaso ng IEP ng kanilang anak sa anumang oras. Paglahok ng Magulang sa mga Pulong Ang bawat pampublikong ahensiya na gumagawa ng mga hakbang upang matiyak na ang isa o pareho ng mga magulang ng isang estudyanteng may kapansanan ay dumadalo sa bawat pulong ng pangkat ng IEP, o binigyan ng pagkakataon na lumahok. Ang mga magulang ay dapat pasabihan ng mga pulong nang sapat ang aga upang matiyak na sila ay magkakaroon ng pagkakataon na dumalo, at itakda ang pulong sa oras at lugar na pinagkasunduan ng magkabilang partido. Ang paunawa ay dapat magpabatid ng layunin, oras, lugar ng pulong, at kung sino ang dadalo. Ang paunawa ay dapat ding magbigay-alam sa mga magulang na sa pagpapasiya ng mga magulang o ng pampublikong ahensiya, ang ibang mga indibidwal na may kaalaman o espesyal na kadalubhasaan tungkol sa bata, kabilang ang mga kaugnay na mga tauhan ng mga serbisyo, gaya ng angkop, ay maaaring lumahok sa pangkat ng IEP. Ang pagpapasiya ng kaalaman o espesyal na kadalubhasaan ng sinumang indibidwal ay dapat gawin ng partido (mga magulang o pampublikong ahensiya) na nag-imbita sa indibidwal na maging isang miyembro ng pangkat ng IEP. Para sa isang estudyanteng may kapansanan na nagsisimula sa edad na 14, o mas bata, kung angkop, ang paunawa ay dapat magpabatid na ang isang layunin ng pulong ay ang pagbuo ng isang pahayag ng mga pangangailangan ng mga serbisyong paglipat ng estudyante at ang ahensiya ay mag-iimbita sa estudyante. Para sa isang estudyanteng may kapansanan mula sa edad na 16, o mas bata, kung angkop, ang paunawa ay dapat magpabatid na ang layunin ng pulong ay ang pagsasaalang-alang ng mga kailangang serbisyo sa paglipat para sa estudyante, na ang ahensiya ay mag-iimbita sa estudyante, at tukuyin ang anumang ibang ahensiya na iimbitahan upang magpadala ng isang kinatawan. Ang paunawa ng anumang pulong ng pangkat ng IEP upang bumuo, magrepaso, o magbago ng IEP ng isang bata, kabilang ang pagpapasiya ng paglalagay ng pang-edukasyon ng bata ay dapat ibigay nang hindi kukulangin sa sampung (10) araw ng kalendaryo bago ang pulong maliban kung ang isang pinadaling pulong ay ginanap upang: Harapin ang mga usaping pandisiplina; Pagpasiyahan ang paglalagay ng bata, kung ang bata ay isang estudyanteng may kapansanan at hindi kasalukuyang tumatanggap ng mga serbisyong pang-edukasyon; o Tugunan ang ibang mga kaagad na pangangailangan ng bata upang matiyak ang pagkakaloob ng FAPE. Kung ang alinman sa mga magulang ay hindi makadalo, ang pampublikong ahensiya ay dapat gumamit ng ibang mga paraan upang matiyak ang paglahok ng magulang, kabilang ang mga indibidwal o komperensiyang tawag sa telepono. Ang pulong ay maaaring isagawa nang wala ang magulang kung ang pampublikong ahensiya ay hindi makumbinsi ang mga magulang na dapat silang dumalo. Ang pangkat ng IEP ay maaaring gumawa ng desisyon sa paglalagay nang walang paglahok ng mga magulang, kung ang pampublikong ahensiya ay hindi nakakuha ng paglahok ng magulang sa desisyon. Sa kasong ito, ang pampublikong ahensiya ay dapat na may talaan ng mga pagtatangka nito na maghanda ng oras at lugar na sinang-ayunan ng magkabilang partido, tulad ng mga detalyadong talaan ng mga tawag sa telepono na ginawa o tinangka at ang mga resulta ng mga tawag na ito, mga kopya ng sulat na ipinadala sa mga magulang at anumang sagot na natanggap, at mga detalyadong talaan ng mga pagbisita na ginawa sa bahay ng magulang o lugar ng trabaho at ang mga resulta ng mga pagbisitang ito. Ang pulong ay hindi kasama ang di-pormal o di-nakatakdang pakikipag-usap ng mga tauhan ng pampublikong ahensiya at mga paguusap sa mga usapin na tulad ng paraan ng pagtuturo, mga planong aralin, o pag-uugnay ng pagkakaloob kung ang mga usaping ito ay hindi hinarap sa IEP ng bata. Ang pulong ay hindi rin kasama ang mga gawaing paghahanda ng mga tauhan ng pampublikong ahensiya upang bumuo ng isang mungkahi o sagot sa mungkahi ng magulang na tatalakayin sa pulong sa ibang pagkakataon. Binago Ika-1 ng Hulyo,

9 Ang Pangkat ng IEP Kabilang sa pangkat ng IEP ang mga sumusunod: Ang mga magulang, tagangalaga, o kahaliling magulang; Kahit isa ng mga guro ng bata sa pangkalahatang edukasyon, kung ang bata ay lumalahok o maaaring lumahok sa kapaligiran ng pangkalatang edukasyon. Kung ang bata ay walang guro sa pangkalahatang edukasyon o mas bata para sa edad na pampaaralan, ang isang indibidwal na kuwalipikadong magturo sa isang bata sa edad na iyon; Ang guro ng bata sa espesyal na edukasyon, o kung angkop, isang tagapagkaloob ng serbisyo ng bata; Isang kinatawan ng pampublikong ahensiya na kuwalipikadong magkaloob, o mangasiwa ng pagkakaloob ng espesyal na idinisenyong pagtuturo upang matugunan ang mga pangangailangan ng mga estudyanteng may mga kapansanan at nakakaalam ng pangkalahatang kurikulum at mga tagapagdulot na pampublikong ahensiya na makukuha; Isang indibidwal na makakapagbigay-kahulugan ng mga implikasyon ng mga pagsusuri sa pagtuturo. Ang taong ito ay maaaring isa sa mga miyembro ng pangkat ng pampublikong ahensiya na nakalista sa itaas; Kung ang mga magulang o ang pampublikong ahensiya ay pumili, ang ibang mga indibidwal na may kaalaman o espesyal na kadalubhasaan tungkol sa bata; Kung angkop, isang kinatawan ng ibang pampublikong ahensiya na maaaring magkaloob o magbayad ng mga serbisyong paglipat at Kung angkop, ang bata. Ang bata ay dapat imbitahan, at inaasahang dumalo at lumahok sa pulong ng pangkat ng IEP kung ang layunin ng pulong ay upang isaalang-alang ang mga pangangailangan ng serbisyong paglipat. Pagbuo, Pagrepaso, at Pagbabago ng IEP Sa pagbuo, pagrepaso, o pagbabago ng IEP ng isang bata, ang pangkat ng IEP ay isasaalang-alang at idodokumento: Ang mga lakas ng bata at mga inaalala ng magulang para sa pagpapahusay ng edukasyon ng kanilang anak; Mga resulta ng pagsusuri; Mga resulta ng pagganap ng bata sa mga pambuong-estado o pambuong-distritong programang pagtasa, gaya ng angkop; Mga pangangailangan sa komunikasyon, at Mga pangangailangan ng kagamitang pantulong na teknolohiya at mga serbisyo sa bata. Pagsasaalang-alang ng mga espesyal na batayan, ispesipiko sa bata, tulad ng: Tulad ng kaso ng isang bata na ang asal ay nakakahadlang sa pag-aaral ng bata o ng iba, isaalang-alang ang mga istratehiyang angkop, nakakabuting pamamagitan sa asal at suporta upang harapin ang asal na iyan; Gaya ng kaso ng isang bata na may limitadong kasanayan sa Ingles, isaalang-alang ang mga pangangailangan sa wika ng isang bata na may kaugnayan sa IEP ng bata; Sa kaso ng isang bata na bulag o may kapansanan sa paningin, magkaloob ng pagtuturo sa Braille, kabilang ang mga aklataralin sa Braille, at ang paggamit ng Braille maliban kung pangkat ng IEP ay nagpasiya pagkaraan ng pagsusuri ng pagbabasa at pagsusulat ng bata (kabilang ang pagsusuri ng mga pangangailangan sa hinaharap ng bata para sa pagtuturo sa Braille o sa paggamit ng Braiile), na ang pagtuturo sa Braille o ang paggamit ng Braille ay hindi angkop para sa bata, kabilang ang mga aklat-aralin sa Braille; at Sa kaso ng isang bata na bingi o nahihirapang makarinig, isaalang-alang ang mga pangangailangan ng bata sa wika at komunikasyon, mga pagkakataon para sa tuwirang komunikasyon sa mga kapantay at mga tauhang propesyonal sa wika ng bata at sa paraan ng komunikasyon, antas na akademiko at buong mga pangangailangan, kabilang ang mga pagkakataon para sa tuwirang pagtuturo sa wika at paraan ng komunikasyon ng bata. Kung sa pagsasaalang-alang ng mga espesyal na bagay sa itaas, ang pangkat ng IEP ay nagpasiya na ang bata ay nangangailangan ng isang partikular na kagamitan, serbisyo, pamamagitan, kaluwagan, o pagbabago ng programa upang tumanggap ang bata ng FAPE, ang pangkat ng IEP ay dapat isama ang isang pahayag na may ganitong epekto sa IEP ng bata. Bilang isang miyembro ng pangkat ng IEP, ang guro sa pangkalahatang edukasyon ng bata ay dapat, kung angkop, na lumahok sa pagbuo ng IEP ng bata. Ang paglahok ay kabilang ang pagtulong sa pagpapasiya ng angkop na tiyakang mga pamamagitan at istratehiya para sa bata, ang mga karagdagang pantulong at serbisyo, mga pagbabago sa programa, at suporta para sa mga tauhan ng paaralan. Binago Ika-1 ng Hulyo,

10 Nilalaman ng IEP Ang IEP ay binuo ng pangkat at kabilang ang: Ang mga kasalukuyang antas ng pagganap na pang-edukasyon, kabilang ang isang paglalarawan kung paano ang kinilalang kapansanan ay nakakaapekto sa paglahok at pagsulong sa pangkalahatang kurikulum, o para sa mga bata sa bago-magpaaralan, gaya ng angkop, kung paano nakakaapekto ang kapansanan sa paglahok ng bata sa mga angkop na gawain; Mga taunang masusukat na hangarin at huwaran o panandaliang hangarin sa pagtuturo na may kaugnayan sa pulong: Ang mga pangangailangn ng bata na nagreresulta sa kapansanan upang bigyan ng kakayahan ang bata na makalahok at sumulong sa pangkalahatang kurikulum, o para sa mga bata sa bago-magpaaralan, gaya ng angkop, upang lumahok sa mga angkop na gawain, at Bawat isa sa ibang mga pangangailangan ng bata na bunga ng kapansanan; Angkop na pamantayan ng layunin at mga pamamaraan ng pagsusuri para sa pagpapasiya kung ang mga taunang hangarin ay natutupad; Ang pagtuturo ng espesyalista, mga kaugnay na serbisyo at karagdagang mga pantulong at serbisyo, kabilang ang suporta sa paglalagay ng tauhan na ipagkakaloob sa bata o sa para sa bata; Isang pahayag ng mga kailangang pamamagitan, kaluwagan, o ibang mga pagbabago sa programa, kabilang ang partikular na kagamitan o serbisyong kailangan upang magkaloob ng FAPE; Mga pagbabago o suporta sa programa para sa mga tauhan ng paaralan na ipagkakaloob upang bigyan ng kakayahan ang bata: Upang sumulong nang angkop sa mga tauhang hangarin, Upang lumahok at sumulong sa pangkalahatang kurikulum, Upang lumahok sa gawaing ekstrakurikular at iba pang gawaing di-akademiko, at Turuan at lumahok na kasama ng ibang mga estudyanteng may mga kapansanan at walang mga kapansanan. Isang paliwanag ng lawak, kung mayroon, na ang bata ay hindi: Lalahok na kasama ng mga kapantay na walang kapansanan, at Tumanggap ng pagtuturo ng espesyalista, mga kaugnay na serbisyo, mga karagdagang pantulong at serbisyo, mga suporta sa paglalagay ng tauhan, mga pamamagitan, kaluwagan, o mga pagbabago o suporta sa programa, kabilang ang isang partikular na kagamitan o serbisyo sa pangkalahatang edukasyon upang maipagkaloob ang FAPE; Isang pahayag ng anumang indibidwal na mga kaluwagan na kailangan para sa bata upang lumahok sa mga pambuong-estado at pambuong-distritong pagtasa, at Kung ang iyong anak ay hindi lalahok sa isang partikular na pambuong-estado o pambuong-distritong pagtasa, ang pangkat ng IEP ay dapat magdokumento kung bakit ang pagtasa ay hindi angkop para sa bata at kung paano tatasahin ang bata; Ang inaasahang (mga) petsa ng mga serbisyo, pamamagitan, kaluwagan, o ibang mga pagbabago sa programa, kabilang ang isang partikular na kagamitan o serbisyo, ay magsisimula, kung gaano kadalas na ipagkakaloob ang mga ito, gaano katagal na ipagkakaloob ang mga ito, saan ipagkakaloob ang mga ito; at Isang paglalarawan kung paano ang mga magulang ay palagiang bibigyan ng kaalaman ng pagsulong na kanilang anak patungo sa mga taunang hangarin at ang lawak ng pagsulong na sapat upang bigyan ng kakayahan ang bata na makamit ang mga hangarin sa loob ng isang taon. Ang isang pampublikong ahensiya ay dapat magkaloob ng espesyal na edukasyon at mga kaugnay na serbisyo sa isang bata alinsunod sa IEP ng bata at gumawa ng matapat na pagsisikap na tulungan ang bata na makamit ang mga hangarin at layunin o mga huwaran na nakalista sa IEP. Ang pampublikong ahensiya, guro, o ibang indibidwal ay dapat na papanagutin kung ang isang bata ay hindi nagkamit ng pagsulong na inaasahan sa mga taunang hangarin at mga huwaran o layunin. Kung ang bata ay nag-aatas ng pinalawig na mga serbisyo sa taong pampaaralan, ang IEP ay dapat ibilang ang tiyak na espesyal na edukasyon at mga kaugnay na serbisyo na ipagkaloob nang lampas sa regular na taong pampaaralan. Mangyaring tingnan ang Bahagi VII Mga Serbisyo sa Pinalawig na Taong Pampaaralan para sa mas tiyak na impormasyon. Binago Ika-1 ng Hulyo,

11 Mga Serbisyo sa Paglipat Ang mga serbisyo sa paglipat ay isang pinag-ugnay na mga gawain na magtataguyod ng paglipat mula sa paaralan patungo sa mga gawain pagkatapos ng paaralan, kabilang ang edukasyong pagkatapos ng sekundarya, karera at edukasyong teknolohiya, pinagsamang trabaho, serbisyo sa may sapat na gulang, independiyenteng pamumuhay, o paglahok sa komunidad. Ang mga gawaing ito ay batay sa mga pangangailangan ng bata na isinasaalang-alang ang mga gusto ng bata at interes at kabilang ang kurso ng pagaaral, mga kaugnay na serbisyo, at mga gawain ng komunidad. Nagsisimula kapag ang bata ay 14, o mas bata, kung angkop, at isinasapanahon taun-taon, ang IEP ay dapat kasama ang pahayag ng mga pangangailangan ng serbisyo sa paglipat na nakatutok sa kurso ng pag-aaral ng bata. Nagsisimula kapag ang bata ay 16, o mas bata, kung angkop, ang pahayag ng paglipat ay dapat kabilang ang isang pahayag ng mga pananagutan na mga aghensiya o pag-uugnayan, gaya ng angkop. Ang iniaatas na magkaloob ng mga serbisyo sa paglipat ay hindi nauukol sa isang estudyante na may kapansanan na nahatulan bilang may sapat na gulang sa ilalim ng batas ng Estado at nakulong sa isang palisilidad ng pagtatama ng may sapat na gulang at ang pagiging karapat-dapat para sa espesyal na edukasyon at mga kaugnay na serbisyo ay matatapos bago ang estudyante ay maging karapat-dapat na pakawalan. Paglalagay Bilang isang miyembro ng pangkat ng IEP, ang mga magulang ay kabilang sa mga desisyon tungkol sa paglalagay ng kanilang anak. Hangga t angkop na magagawa, ang mga estudyanteng may mga kapansanan, kabilang ang mga estudyante sa pampubliko at pribadong institusyon o ibang pasilidad ng pangangalaga, ay tinuturuang kasama ng mga estudyante na walang kapansanan. Ang paglalagay na pang-edukasyon ng bata ay pinagpapasiyahan taun-taon, batay sa IEP ng bata. Maliban kung ang IEP ng bata ay nangangailangan ng ibang pag-aayos, ang bata ay tinuturuan sa paaralan na dadaluhan ng bata kung walang kapansanan. Ang pangkat ng IEP ay maaaring magbago ng IEP ng bata o paglalagay ng bata, na nahatulan bilang isang may sapat na gulang sa ilalim ng batas ng Estado, nakulong sa isang pasilidad ng pagtatama ng may sapat na gulang, at ang Estado ay nagpakita ng isang nararapat na seguridad o matinding interes na ukol sa bilangguan na hindi mabibigyan ng kaluwagan. Pagpapatupad ng IEP Ang IEP ay dapat ding ipatupad sa lalong madaling panahon pagkaraang mabuo ito, maliban kung ang pulong ay ginanap sa tag-init o bakasyon, o kapag walang mga pangyayari na nag-aatas ng maikling pagkaantala,tulad ng pag-aayos ng transportasyon. Ang pampublikong ahensiya ay dapat magkaroon ng IEP para sa bata sa simula ng taong pampaaralan. Ang IEP ay dapat na magagamit ng bawat guro, tagapagkaloob ng mga kaugnay na serbisyo, at ibang tagapagkaloob ng serbisyo na responsable sa pagpapatupad ng IEP ng bata. Ang bawat indibidwal na tinukoy sa itaas ay dapat na pasabihan ng kanilang mga pananagutan na may kaugnayan sa pagpapatupad ng IEP ng bata at ng mga kaluwagan, pagbabago, at suporta na dapat ipagkaloob. Ang pampublikong ahensiya ay dapat magbigay sa mga magulang isang kopya ng IEP ng kanilang anak nang walang gastos sa mga magulang. Mga Iniaatas sa Pagtatapos Dapat ipagbigay-alam ng pampublikong ahensiya sa mga magulang ang mga pang-estado at lokal na iniaatas sa pagtatapos at ang pagsulong ng kanilang anak patungo sa pagtugon sa mga iniaatas na ito. Kapag ang isang estudyanteng may kapansanan ay nagtapos sa mataas na paaralan na may diploma ng regular na mataas na paaralan, ang pampublikong ahensiya ay dapat magkaloob sa mga magulang ng paunawa ng nalalapit na pagtatapos ng kanilang anak. Ang pagtatapos na may diploma ng regular na mataas na paaralan ay bumubuo ng isang pagbabago sa paglalagay at tinatapos ang karapatan ng bata sa FAPE. Binago Ika-1 ng Hulyo,

12 BAHAGI VII MGA SERBISYONG PINALAWIG NA TAONG PAMPAARALAN Ang mga serbisyong pinalawig na taong pampaarralan (ESY) ay nangangahulugan ng ibinabagay na pagpapalawig ng tiyak na espesyal na edukasyon at mga kaugnay na serbisyo na ipinagkakaloob sa isang estudyanteng may kapansanan na lampas sa normal na taong pampaaralan ng pampublikong ahensiya, alinsunod sa IEP, na walang gastos sa magulang, at nakakatugon sa mga pamantayan ng Kagawaran ng Edukasyon ng Estado ng Maryland (MSDE). Ang pampublikong ahensiya ay hindi maaaring maglimita ng mag-isang maglimita ng uri, dami, o tagal ng mga serbisyong ito. Ang mga serbisyong pinalawig na taong pampaaralan ay ipinagkakaloob kung ang pangkat ng IEP ng bata ay nagpasiya, batay sa bawat indibidwal, na ang mga serbisyo ay kailangan para sa pagkakaloob ng FAPE. Ang mga magulang ay pasasabihan na makukuha ang mga serbisyong pinalawig na taong pampaaralan na maaaring kailangan upang matugunan ang walang-katulad ng mga pangangailangan ng isang estudyanteng may kapansanan. Ang pangkat ng IEP ay dapat magpasiya kung alinman sa mga sumusunod na bagay ay pipigil sa bata na tumanggap ng FAPE mula sa programang pang-edukasyon ng bata sa regular na taong pampaaralan kung ang bata ay hindi tumatanggap ng mga serbisyo ng pinalawig na taong pampaaralan. Upang pagpasiyahan kung ang bata ay dapat tumanggap ng mga serbisyo ng pinalawig na taong pampaaralan, dapat isaalang-alang ng pangkat ng IEP: Kung ang IEP ng bata ay kabilang ang mga taunang hangarin na may kaugnayan sa mahahalagang kasanayan sa buhay; Kung malamang na ang bata ay magdanas ng maling pagbaba ng mahahalagang kasanayan sa buhay na sanhi ng normal na pahinga sa paaralan at hindi mababawi ang mga nawalang kasanayan sa isang makatwirang panahon; Ang pagsulong ng bata patungo sa kasanayang matupad ang mga hangarin at layunin ng IEP; Ang pagkakaroon ng mga lumilitaw ng kasanayan o mga pagkakataong pagsisimula; Mga asal na nakakagambala; Ang kalikasan at/o kalubhaan ng kapansanan; at Mga espesyal na pangyayari. BAHAGI VIII PAGLIPAT MULA SA PROGRAMA PARA SA MGA SANGGOL AT MALIIT NA BATA Ang pampublikong ahensiya ang mga lokal na Programa sa mga Sanggol at Maliit na Bata ay dapat mag-imbita sa mga magulang sa isang pulong ng pangkat ng IEP nang hindi kukulangin sa 90 araw bago ang ikatlong kaarawan ng bata upang pagpasiyahan kung ang isang bata ay may kapansanan o pagkaantala ng pag-unlad na nangangailangan ng pagkaloob ng espesyal na edukasyon at mga kaugnay na serbisyo. Kug ipinasiya ng IEP na ang bata ay isang estudyanteng may kapansanan o pagkaantala ng pag-ulad, ang Pangkat ng IEP ay dapat bumuo ng IEP para sa bata. Ang IEP ng bata ay dapat na may-bisa sa ikatlong kaarawan ng bata. BAHAGI IX MGA PAMAMARAAN TUNGKOL SA MGA TALAANG PANG-EDUKASYON Mga Pagpapakahulugan Pagkasira ay nangangahulugang pisikal na pagkasira o pagtanggal ng mga personal na tagapagkilala mula sa impormasyon upang ang impormasyon ay hindi na personal na makikilala. Mga talaanng pang-edukasyon ay nangangahulugan ng mga uri ng talaan na sakop sa ilalim ng pagbibigay-kahulugan ng mga talaanng pang-edukasyon san 34 CFR bahagi 99 (ng mga regulasyong nagpapatupad ng Batas sa mga Karapatan at Pagiging Pribado na Pang-edukasyon ng Pamilya [FERPA] ng 1974). Kalahok na ahensiya ay nangangahulugang anumang ahensiya o institusyon na nagtitipon, nagpapanatili, o gumagamit ng impormasyon na personal na makikilala, o mula kung saan nakuha ang impormasyon, sa ilalim ng Bahagi B ng IDEA. Ang impormasyon na personal makikilala ay kabilang ang: Pangalan ng bata, mga magulang ng bata, o ibang miyembro ng pamilya; Address ng bata; Isang personal na tagapagpakilala, tulad ng numero ng seguridad sosyal ng bata; o Isang listahan ng mga personal na katangian o ibang impormasyon na gagawing posible na makilala ang bata na may makatwirang katiyakan. Binago Ika-1 ng Hulyo,

13 Mga Pananggalang Ang bawat kalahok na ahensiya ay dapat magprotekta sa pagiging kompidensiyal ng personal na makikilang impormasyon sa mga yugto ng pagtitipon, pag-iimbak, pagsisiwalat, at pagsira. Isang opisyal ng pampublikong ahensiya ang may pananagutan sa pagprotekta ng pagiging kompidensiyal ng personal na makikilalang impormasyon. Bilang karagdagan sa mga iniaatas ng mga pananggalang na pamamaraang ito, ang mga pederal at pang-estadong batas at regulasyon ay namamahala rin sa proteksiyon ng mga talalang pang-edukasyon. Lahat ng tauhan ng pampublikong ahensiya na nagtitipon o gumagamit ng personal na makikilang impormasyon ay dapat tumanggap ng pagsasanay tungkol sa mga patakaran at pamamaraan ng Estado tungkol sa pagiging kompidensiyal ng personal na makikilalang impormasyon. Ang bawat kalahok na ahensiya ay dapat magpanatili, para sa pampublikong inspeksiyon ng isang kasalukuyang listahan ng mga pangalan at katungkulan ng mga empleyado sa loob ng ahensiya na maaaring may daan sa paggamit ng personal na makikilang impormasyon. Pahintulot Ang pahintulot ng magulang ay dapat makuha bago ang personal na makikilang impormasyon ay isiwalat sa sinumang iba sa mga opisyal ng mga kalahok na ahensiya na nagtitipon o gumagamit ng impormasyon sa ilalim ng IDEA, o para sa anumang layunin na iba sa pagtupad sa mga iniaatas ng pagkakaloob sa isang estudyanteng may kapansanan ng FAPE sa ilalim ng IDEA. Ang mga pagsisiwalat na hinarap sa pagrekomenda at aksiyon ng batas sa pagpapatupad at mga awtoridad na panghukuman tungkol sa paguulat ng krimeng ginawa ng isang estudyanteng may kapansanan ay hiindi nag-aatas ng pahintulot ng magulang kung ang paghahatid ay ipinahihintulot ng FERPA. Ang ahensiya o institusyong pang-edukasyon ay hindi maaaring maglabas ng impormasyon mula sa talaanng pang-edukasyon sa mga kalahok na ahensiya nang walang pahintulot ng magulang maliban kung inaawtorisa na gawin ito sa ilalim ng FERPA. Ang MSDE ay bumuo ng mga patakaran at pamamaraan para sa mga pampublikong ahensiya, kabilang ang mga pagpapatibay, na ginagamit ng Estado upang matiyak na ang mga patakaran at pamamaraan nito ay sinusunod, at ang mga iniaatas para sa pagiging kompidensiyal, alinsunod sa IDEA at FERPA ay natutugunan. Ang bawat pampublikong ahensiya ay inaatasan na magkaroon ng mga pamamaraan kung paano ang sapat na paunawa ay pinagkakaloob upang lubos na ipagbigay-alam sa mga magulang ang tungkol sa mga iniaatas na pagiging kompidensiyal ng personal na makikilang impormasyon kabilang ang: Paglalarawan ng lawak na ang paunawa ay ibinibigay sa mga katutubong wika ng iba-ibang grupo ng populasyon sa Estado; Paglalarawan ng mga bata na ang personal na makikilalang impormasyon ay pinananatili, at ang mga uri ng impormasyon na hinahangad; Kabuuran ng mga patakaran at pamamaraan na dapat sundin ng mga kalahok na ahensiya tungkol sa pag-iimbak, pagsisiwalat sa mga ikatlong partido, pamamalagi, at pagsira ng personal na makikilang impormasyon; Paglalarawan ng mga patakaran at pamamaraan na ginamit kung ang magulang ay tumangging magkaloob ng pahintulot; at Paglalarawan ng lahat ng karapatan ng mga magulang at bata tungkol sa impormasyong ito, kabilang ang mga karapatan sa ilalim ng FERPA at pagpapatupad ng mga regulasyon sa 34 CFR 99. Bago ang anumang malaking gawaing pagkilala, pagtukoy, o pagsusuri, ang paunawa ay dapat na ilathala o ipahayag sa mga diyaryo o ibang tagapagbalita, o pareho, na may sirkulasyong sapat upang pasabihan ang mga magulang sa buong hurisdiksiyon ng gawain. Mga Karapatan Ukol sa Daan sa Paggamit Ang bawat pampublikong ahensiya ay dapat magpahintulot sa mga magulang ng isang estudyanteng may kapansanan na siyasatin at repasuhin ang anumang talaang pang-edukasyon na may kaugnayan sa bata na tinipon, pinananatili, o ginamit ng ahensiya tungkol sa pagkilala, pagsusuri, at paglalagay na pang-edukasyon ng bata, at ang pagkakaloob ng FAPE sa bata sa ilalim ng IDEA. Ang ahensiya ay dapat sumunod sa isang kahilingan na walang di-kailangang pagkaantala at bago ang anumang pulong tungkol sa IEP, o anumang angkop na paraan ng pagdinig, at hindi lalampas ng 45 araw pagkaraang gawin ang kahilingan. Ang karapatang siyasatin at repasuhin ang mga talaang pang-edukasyon sa ilalim ng seksiyong ito ay kabilang ang karapatan sa: Isang sagot mula sa kalahok na ahensiya na mga makatwirang kahilingan para sa mga paliwanag at pagpapakahulugan ng mga talaan; Kahilingan na ang ahensiya ay magkaloob ng mga kopya ng mga talaan na naglalaman ng impormasyon kung ang hindi pagkakaloob ng mga kopyang ito ay epektibong pipigil sa mga magulang na gamitin ang kanilang karapatan na siyasatin at repasuhin ang mga talaan; at Ipasiyasat at iparepaso sa isang kinatawan ng mga magulang ang mga talaan. Ang pampublikong ahensiya ay maaaring magpalagay na ang mga magulang ay may awtoridad na siyasatin at repasuhin ang mga talaan na may kaugnayan sa kanilang anak maliban kung ang pampublikong ahensiya ay pinayuhan na ang mga magulang na walang awtoridad sa ilalim ng angkop na batas ng Estado na namamahala sa mga naturang bagay na tulad ng pagiging tagapangalaga, paghihiwalay, at diborsiyo. Binago Ika-1 ng Hulyo,