DIWA NG PAGIGING BABAE Ayon kay Apostol Pedro 1 Peter 3:1-4 Francis Tendencia Ezraelite Series August 2007 1
Wika ni Apostol Pedro, Gayon din naman, kayong mga asawang babae, pasakop kayo sa inyong sarisariling asawa; upang kung ang ilan ay hindi tumalima sa salita, ay mangahikayat ng walang salita sa pamamagitan ng ugali ng kanikaniyang asawang babae; sa pagkamasid nila ng inyong ugaling mahinhin na may takot. Na huwag sa labas ang kanilang paggayak na gaya ng pagpapahiyas ng buhok, at pagsusuot ng mga hiyas na ginto, o pagbibihis ng maringal na damit; Kundi ang pagkataong natatago sa puso na may damit na walang kasiraan ng espiritung maamo at payapa, na may malaking halaga sa paningin ng Dios. Malinaw na ipinapakita ni Apostol Pedro sa mga talatang ito ang dapat na maging katangian at pag-uugali ng isang Kristyanong babae. Ito ay hindi salitang hango lang sa kaisipan ni Pedro dahilan sa siya ay lalake, kundi ito ay bunga ng inspirasyon ng Banal na Espiritu. Mahalaga na makita natin ang talatang ito sa ganitong pananaw sapagkat nalalaman ko na mayroong mainit na usapin sa mga simbahan at sa ating lipunan ngayon (kahit noon pa man) tungkol sa sinasabi rito ni Pedro hinggil sa pagpapasakop ng babae. Okay, bago ang lahat, mahalagang malaman natin na ang salitang pagpapasakop o submission ay isang biblical na salita na ginamit ng mga Apostol mismo para sa pag-uugali ng mga kababaihang Kristyano, una para sa kanilang mga asawa, at ikalawa, maging sa kanilang bahagi sa loob ng Iglesya. Pero kasi, dahil sa maling kaisipan at pananaw ng marami tungkol sa salitang ito ay nagkaroon ng mga maiinit na usapin. Inaakala ng iba na ang pag-submit ng mga babae ay nangangahulugan na sila raw ay mas mababa kaysa sa mga lalake. Now, dapat nating maunawaan na ang Biblia rin ang nagsabi sa Galatians 3:27-28 na, For as many of you as have been baptized into Christ have put on Christ. There is neither Jew nor Greek, there is neither bond nor free, there is neither male and female: for ye are all one in Christ. 2
Sa madaling salita, lahat tayo ay pantay kay Cristo, babae ka man, o lalake. Ang totoo niyan, sa Hardin ng Eden pa lamang ay makikita na natin ang pagiging pantay ng babae sa lalake sa kalikasan at pagpapalang espiritwal. Ang babae ay nilikha ng Diyos mula sa laman ng lalake, mula sa tadyang ni Adan. Hindi nilikha ang babae mula sa bato, bakal, laman ng hayop, o sa buhangin, kundi mula mismo sa tadyang ng lalake; mula sa bahaging malapit sa puso ni Adan. Kung ang babae ay hindi pantay sa lalake, hindi dapat sinabi ni Adan na, Ito nga y buto ng aking mga buto, at laman ng aking laman: at siya y tatawaging Babae, sapagkat sa lalake siya nagmula. (Gen.2:23). You see, ang pangalan pa lang na babae ay nagpapakita na pantay siya sa lalake. Maaring ang hubog ng katawan ng babae ay hindi katulad ng sa lalake, ngunit hindi po ito kasi ang batayan upang sabihin na ang babae ay hindi pantay sa dignidad sa lalake! Kita mo? Kaya nga, ang utos ng Diyos tungkol sa pagpapasakop ng babae ay hindi dahil sa ang Babae ay mababang uri na nilikha kaysa sa Lalake. Hindi po! Hinding hindi po! Ako po ay hindi kaylanman nakalalamang sa aking mahal na asawang si Marwin dahil siya ay babae. Hindi! Eh, kung tutuusin, kung katawan lang ang paguusapan, higit na mabuti (kung hindi man brusko, hehe) ang pangangatawan ng aking asawa, kaysa sa aking pangangatawan. Pero ito: Ano ang dahilan kung bakit sinabi ng Dios na ang babae ay dapat na magpasakop sa kanyang asawa at maging sa larangan ng pamumuno sa loob ng Iglesia? Okay, bago iyan, sa aking pagsusuri, napansin ko na may dalawang dahilan kung bakit nagkaroon ng maling pananaw ang ating mga kababaihan ngayon, tungkol sa kanilang submission. Una ay dahil sa hindi naging responsable at mabuti ang imahen at dangal ng mga lalake ng ating lipunan (at sa Iglesya narin) para sa ating mga kababaihan. At ikalawa, bunga niyan, may mga tila Gabriela Silang na pumasok sa ating Lipunan at maging sa mga Iglesya na ang 3
naging hangarin ay magkaroon ng kapangyarihan o katungkulan upang gampanan ang tungkulin na dapat ay gawin sana ng mga kalalakihan. At sa loob ng Iglesya, kaylungkot makita na maraming mga lalake ngayon (binata man o may asawa; kabataan man o matanda) ay naging tuod sa paglago kay Cristo at sa tungkuling dapat gampanan bilang mga sundalo ng Panginoon. Marami kasing mga Cristyanong lalake ngayon, lalo t higit sa mga simbahang pangmayaman (nasa Mall), ang kanilang naging kagustuhan ay maging pogitongpugita na kung manamit ay Manileno, o kaya naman ay maging musikero na pacute, etc, sa halip na maging mandirigma ni Kristo na handang sumabak sa giyera at bakbakan ng Doktrina at Evangelismo. Kita mo? Ayoko ng mga pa-cute na lalake! Hindi kayo mga asong Chihuahua! Now, balik tayo sa tanong tungkol sa ating mga kababaihan. Bakit kailangan na ang babae ay magpasakop sa asawa at maging sa pamunuan ng Iglesia? Well sa 1 Corinthians 11:3 ay ganito ang ating mababasa, ang sabi ni Apostol Pablo, But I would have you know, that the head of every man is Christ; and the head of the woman is the man; and the head of Christ is God. Malinaw ba ang talata? Sino ang tinatawag na ULO ng babae? See? Ano ang ibig sabihin ng pagiging ulo? Ng pagiging head? Sa totoo lang kung pagaaralan pa natin ang konteksto ng talatang ito ay tiyak na magiging sinliwanag ng sikat ng araw ang gustong sabihin ng talata. Pero, let s just focus sa tanong na ito: Ano ang ibig sabihin ng pagiging head? Of course, tiyak na wala itong kinalaman sa kalikasan sapagkat ipinaliwanag ko na nga na ang babae at lalake ay pantay sa kalikasan; parehas silang tao at parehas silang mahal ng Diyos! So saan patungkol ang pagiging ULO ng lalake sa babae? Well, kung hindi sa kalikasan, then ang tanging sagot ay sa kalagayan ng pamumuno. Ang word na head ay ginagamit sa Old Testament at sa New Testament para sa master ruler and chief (Num. 4
17:3; Num. 25:15; Deut.28:13, Deut.28:44; Jdg. 10:18; Jdg. 11:8, Jdg. 11:11; 1Sam.15:17; 2Sam.22:44; Eph. 1:22; Eph. 4:15; Eph. 5:23; Col. 2:10). Sa madaling salita, kapag sinabing ikaw ang head eh ikaw ang pinuno; ikaw ang nasa kalagayan ng pamamahala o kapangyarihan. Kaya nga, nang sinabi sa talata na ang ulo ng babae ay ang lalake, literal niyang sinasabi na ang pinuno ng babae ay ang lalake. Of course ito ay tungkol sa mga may-asawa, sa tahanan, at sa Iglesya. So ibig sabihin, ang pamumuno or to be specific ang pagpapastor sa Iglesya ay hindi panawagan ng Diyos sa mga kababaihang Cristyano, kundi sa mga kalalakihang Cristyano. Now, tungkol sa issue ng pagiging babaeng Pastor, madalas i-quote ng marami ang pamumuno nila Esther at Deborah sa Lumang Tipan. But, kaibigan, kung iyan lang ang batayan mo ay wala kang laban sapagkat kung pag-aaralan mo ang background ng dalawang babae na iyan, at maging yung iba pa na ginamit ng Dios sa pagliligtas ng Kanyang bayan; makikita mo na hindi naman sila talaga ang tuwirang tinawag ng Diyos para mamuno. Sa kalagayan ni Esther ay si Mordecai parin ang tumatayong pinuno, at sa kalagayan ni Deborah ay si Barac ang tinatawag ng Dios sa pamumuno. Actually, just an additional comment, ang dahilan kung bakit ang Roman Catholic Church ay talagang napakapagano at kultong simbahan ay dahil sa itinataas nila si Maria, sa pagsasabing siya raw ay Ina ng Dios. Biruin mo, sa halip na direkta kang lumapit kay Cristo ay kailangan mo pa raw lumapit kay Maria para pakinggan ka ni Cristo. Biblically, maling-mali ang aral na ito sapagkat sa Matthew 11:28 ay mismong si Cristo ang nagsabi na, Lumapit kayo sa akin, kayong lahat na napapagal at nabibigatan What I mean is: ang paglalagay sa babae sa pamumuno o pagpapastor sa Iglesya ay simula ng panghihina ng simbahan sa aral ng Biblia. Walang babaeng Pastor! Generally speaking (this is controversial), ang pumumuno ay hindi ibinigay ng Dios sa babae, kundi sa lalake, at sa ganitong kadahilanan ay inuutusan ng Dios ang mga kababaihan na magpasakop. Now, of course sa context ng pagpapasakop 5
ng babae sa asawang lalake, ito ay dapat na udyok ng pagtugon niya sa pagibig ng lalake. Ang leadership authority na ibinigay ng Dios sa lalake ay dapat na gamitin sa diwa ng pag-ibig at hindi sa pananakit. Ang babae ay dapat nagpapasakop hindi dahil sa takot, kundi dahil sa pagmamahal. Sa aking palagay, hindi problema sa babae ang magpasakop kapag ang asawang lalake ay talagang buong tamis na nagmamahal sa kanya (Ephesians 5). So ganito ang dapat palang mangyari: Ang nagpapasakop ay dapat na magpasakop dahil sa pagibig, at ang namumuno ay dapat na mamuno ng may pagibig. At kapag ganyan, sinasabi ko saiyo, maganda. Pagibig naman kasi ang susi. At para magkaroon ng tunay na pagibig, kailangan na ang puso ay pinananahanan ng Panginoong Jesus. Now, gusto kong bumalik sa passage natin sa 1 Peter 3:1-4. Gusto kong gamitin ang passage na ito bilang ating pagsusuri tungkol sa dapat na pagpapasakop at pag-uugali ng babae. Now, himayhiwayin natin ng kaunti ang mga talata. Kapansin-pansin sa verse 1 na ang mabuting pag-uugali ay may malaking impact o impluwensya para mahikayat ng isang babae (Kristyano) ang kanyang asawa na hindi pa Kristyano. Masarap itong pag-aralan, ngunit hindi ito ang aking pansin sa paksang ito. But the major point here is: Ang mabuting pag-uugali ng isang Kristyanong babae ay hindi dapat na maliitin; ito ay may matinding impact, di lamang sa kanyang relasyon na kinauugnayan, kundi maging sa kanyang paligid lalo t higit sa mata ng Dios. And the fact, na itinuturo ito ni Apostol Pedro sa mga Kristyano ay nagpapakita lang na possible kasi sa isang Kristyanong babae na makalimot sa ugaling-kristyano. Diba? Tingin lang kayo siguro sa inyong sariling local Church, may mga babae paring mahadera. Kasi nga, nakakalimot sa turo; at kaylungkot na ang isa dahilan kung bakit maraming mga mahadera at mayordomang mga Kristyanong babae sa simbahan ay dahil sa ang pulpito ay hindi 6
kapariringgan na wastong aral-doktrina na mula sa dalisay na kapahayagan ng Biblia. Pastor! Ang pagkababae ng isang babae ay pinatitibay, pinatitingkad, at pinakukulay ng aral ng Salita ng Dios. Ito ang make-up ng kanilang kagandahan. Sa verse 2, gamit ang King James Version ay may mababasa tayong salita na chase. Ang sabi, behold your chaste conversation. Sa Tagalog, Sa pagkamasid nila ng inyong ugaling mahinhin Wow, ang sarap na salita. Ayon sa isang Commentaryo na nabasa ko, yung salita na chase or ugaling mahinhin rito ay nangangahulugan ng pure and simple in taste and style. Ganda diba? Dalisay at simpleng babae! Iyan ang may tunay na impact sa lipunan! No wonder sabi sa talata, chaste conversation. Yung expresyon ng kahinhinang ito ay nasa conversation o pakikitungo sa mga tao o sa ka-relasyon. Hindi nakapagtataka na sa Tagalog, yung salin sa English word na conversation ay ugali. Sapagkat ang ugali at pakikitungo sa kapwa-tao ay hindi pwedeng paghiwalayin. Kaso, sa panahong ito, dahil sa demonyong aral ng Media, ang impact, ugali, at impluensya na itinuturo ng Mundo sa mga kababaihan sa pamamagitan ng Telebisyon, Patalastas, Tele-Serye, atbp ay yung maiksing short, fit at bawas na damit, kalandian, pagka-bongangera at mahadera, ka-artehan, selfi-selfy, pagiging KSP, atbp mga nauusong mga pag-uugali ngayon (na usually galing sa mga artista) na laban at taliwas sa prinsipyo at diwa ng kahinhinan. Now, just want to make it clear, ang kahinhinan ay hindi kahinaan kundi pagpipigil sa sarili. Ang mahinhing babae kung gayon ay malakas, sapagkat nagagawa niyang pigilan ang kanyang sarili na magpagamit sa kaharutan at kalandian. Ayon pa sa verse 2, kaugnay ng kahinhinan yung takot. Ganito ang sabi ni Pedro, chaste conversation coupled with fear. Sa Tagalog, ugaling mahinhin na may takot. Now of course, ang question is: Takot sa ano? Takot kanino? Well, sa aking nakikita, ang sagot ay nakaugnay sa verse 1, kung saan sa King James 7
Version, yung katagang chase conversation sa verse 2 ay nakaugnay sa katagang conversation of the wives sa verse 1. Sa madaling salita, ang takot na substansya ng kahinhinan na tinutukoy ni Pedro ay nasa contexto ng Patotoo o Christian testimony. Okay ganito: Dapat nating malaman na background ng mga mananampalataya noong panahong iyon ay, may mga babaeng Cristyano na may asawa pang hindi pa kaisa sa pananampalataya kay Cristo. At dahil rito, pinapayuhan sila ni Apostol Pedro na magpasakop sa kanilang mga asawa (verse 1) na mayroong kahinhinan at halong takot; Oo, KAHIT NA ang mga ito ay hindi pa Cristyano. See? Grabe ito actually. Siguro mas madali kapag Kristyano ang asawa mo, pero kapag hindi, paano na? Kaya nga yung salitang fear na ginamit ni Apostle Peter dito sa talata ay hindi nangangahulugan ng pangingilabot sa harapan ng asawa, kundi pagkatakot na dulot ng pananaw na ayaw mong masira ang iyong testimonya bilang tagasunod ni Cristo. You see, ang ganitong pag-uugali ay kagandahan ng isang babae na pwede niyang magamit (at maging ng Panginoon) upang maakay ang kanyang unbeliever na asawa sa pananampalataya kay Cristo. Parang ganito: Kung ikaw ay babaeng Kristyano, tapos ang asawa mo ang hindi, paano mo siya maaakay sa Panginoong Hesus, kung ang ugali mo ay mahadera, bossy, walang tamis, mapakla, mapait, at walang pagpapasakop? Hindi mo maakay ang asawa mo pag-ganyan. Diba? Sabi ni pa ni Apostol Pedro sa verse 3, whose adorning let it not be that outward adorning Sa Tagalog ganito, Na huwag sa labas ang kanilang paggayak Yung salitang adorning dito ay nangangahulugan ng to decorate. Sa madaling salita, mayroong pamamaraan upang ang isang babae ay magbigay ganda sa kanyang sarili. At kapansin-pansin sa talata na ang pagbibigay ganda na nais ni Pedro na gawin ng isang Kristyanong babae ay hindi sa pamamagitan ng 8
pagpapahiyas ng buhok, at pagsusuot ng mga hiyas nag into, o pagbibihis ng maringal na damit. Bagkus wika ni Pedro sa talata, Kundi ang pagkataong natatago sa puso na may damit na walang kasiraan ng espiritung maamo at payapa, na may malaking halaga sa paningin ng Dios. Kita mo? Ganda diba? Sa English version ay maganda rin ang pagkakasabi. But let it be the hidden man of the heart, in that which is not corruptible, even the ornament of a meek and quiet spirit, which is in the sight of God of great price. Ganda ng talata diba? Grabe, iba talaga mangusap ang Espiritu ng Dios! You see, gumaganda ang isang babae kapag may mabuting ugali! Naaakit sa kanya ang pusong matured sa Panginoong Hesus! Ang ugali ang dapat na maging pangunahin at likas na make-up ng babae! Ito ang kanyang spiritual aura or let s say appeal na parang gravity na humihila at umaakay ng kalooban patungo sa pagsunod sa Panginoong Hesus. Iyan ang pampagandang nakakalimutan ng maraming mga babae ngayon, (Cristyano man o hindi), tuloy, maraming mga babae sa panahong ito na masasabi kong mababaho, losyang, at walang ligo. Bakit? Dahil spiritually, ANG PAPANGIT NILA! Ang tunay na kagandahan ay nasa puso. Oo alam ko na gasgas na ang ganyang linya, at madalas sinasabi ng iba na ang ganyang pananaw ay palusot na lang ng mga babaeng hindi napagkalooban ng magandang mukha at hubog ng katawan. But still, iyan parin ang totoo. Sapagkat sa batayan ng paningin ng Dios, puso ang tinitingnan Niya. Wika ni Apostol Pedro, pagkataong natatago sa puso na may damit na walang kasiraan ng espiritung maamo at payapa, na may malaking halaga sa paningin ng Dios. Kita mo? Wala akong pakialam sa tingin at sinasabi ng Sanlibutan tungkol sa kagandahan ng babae; ang mahalaga sa akin ay kung ano ang tingin at sinasabi ng 9
Dios tungkol sa kagandahan. Kasi sa totoo lang, yung mga kesyo magaganda, makikinis, mapuputi, mga seksi-raw, at mababangong mga babae ng panahong ito, eh sa paglipas na panahon ay kukulubot rin. At ito ano: Kapag ang babae ay nabubuhay sa kalayawan, may something na nangyayari sa kanyang pagkababae na yung aura ng purity, gracious appeal, freshness of dignity, and respect ay nawawala. Alam ko mga girls na alam nyo iyan. Kasi, under the inspiraation of the Holy Spirit, noong sinabi ni Pedro na ang tunay na kagandahan ng babae ay nasa puso at batay sa tingin ng Dios, kanyang itinuturo sa atin na ang desinyo at kalikasan ng kagandahan ng babae na inilagay ng Dios sa kanya ay hindi nakaugat sa katawan, kundi sa diwa, sa puso. Kaya nga, very interesting yung sabi sa talata na yung attitude na meek and quiet spirit ay great price o malaking halaga sa paningin ng Dios. Kita mo yun?! Ang ganda nito grabe! Kumbaga eh, ito yung kaakit-akit sa Dios! Hind yung pabango mo, hindi yung damit mo, o yung make-up mo, o yung foundation mo sa mukha, o yung re-bonded hair mo hindi bagkus ang malaking halaga sa tingin ng Dios para sa isang babae ay yung pusong mapagpakumbaba o maamo. Kaya nga, napakayaman ng babaeng may maka-diyos na pag-uugali; nakakain-love talaga as in! At syempre ang pag-uugali na iyan ay hinubog ng wastong aral. Ang salita ng Dios ang siyang nagpapaganda sa puso ng babae. Ito ang naglilinis ng kanyang pagkatao at nagbibigay sa kanya ng kagalang-galang na kagandahan na binigay at hinubog ng aral ng Dios. Kaya nga kung ikaw ay babae at nais mo ng tunay na kagandahan, ibabad mo ang iyong puso sa salita ng Dios at tiyak na ikaw ay magiging tunay na kaakit-akit. 10