Ika-4 Linggo sa Pagdatal Taon B PAGDIRIWANG NG SALITA AT HAPAG PAGTITIPON PAGBATI Pumatak na waring ulan magmula sa kalangitan, nawa y umusbong din naman mula sa lupang taniman ang Manunubos ng tanan. Si Jesus ay Emmanuel Sumasaatin ang Diyos. Ang Kanyang pananatili sa ating buhay ang sanhi ng ating kapayapaan at kaligayahan. Nawa y lagi siyang sumainyo. At sumaiyo rin. *IMNO: Joy to the World UMH 246 Sanglibutan y may kat waan sa Haring pagdatal; Puso nati y tatahanan, Mundo y mag-awitan, Mundo y mag-awitan, Mundo mundo y mag-awitan. *Si Jesus ay ipagdiwang, Tana y mag-awitan; Bukid, burol, kapatagan: Galak ang isaysay, Galak ang isaysay Galak, Galak ang isaysay Kasalana y naparam na, kalungkuta t dusa; Na-pa-ri-to at ang da-la, Pala at ginhawa, Pala at ginhawa Pala, Pala at ginhawa. Mundo ay paghaharian ng katotohanan; Ang bi-ya-yang ka-lig-ta-san. Kakamtan ng bayan, kakamtan ng bayan, Tunay, kakamtan ng bayan. TITIK: Mga Awit sa Pagsamba #90 HIMIG: Areglo ni Lowell Mason, 1848 mula kay G.F. Handell, 1741
*PANIMULANG PANALANGIN Ang Panginoon ay sumainyo. Gayundin sa iyong espiritu. Manalangin tayo. (Tumigil saglit) Ama naming makapangyarihan, kasihan mo kami ng iyong pagmamahal upang kaming nakabatid sa pagbabalita ng anghel tungkol sa pagkakatawang-tao ng Anak mo ay makapakinabang sa kanyang pagpapakasakit at pagkamatay sa krus sa pagsapit namin sa pagkabuhay niya sa langit sa pamamagitan niya kasama ng Espiri tu Santo magpasawalang hanggan. Amen. PAGSISINDI NG KANDILA NG PAGDATAL TINIG: Nuong nakaraang Linggo, sinindihan natin ang kandila ng kagalakan. Sisindihan natin muli ito kasama ng mga kandila ng pag-asa at kapayapaan, habang inaasam natin na si Kristo y darating upang magdulot ng nananatiling kapayapaan at kagalakan. Sisindihan ang mga kandila ng Pag-asa, Kapayapaan, at Kagalakan TINIG: Ang ika-apat na kandila ng Pagdatal ay Kandila ng Pag-ibig. Ang liwanag nito ay nagpapagunita sa atin ng pag-ibig ng Diyos para sa atin. TINIG: Ipinamalas ni Hesus kung gaano kadalisay ang pag-ibig ng Diyos. Siya ang pag-ibig ng Diyos na nasa anyong tao. Sinasabi ng Biblia na Gayon na lamang ang pag-ibig ng Diyos sa sanlibutan, at ibinigay niya ang kanyang bugtong na Anak, upang ang sinumang sumampalataya sa kanya ay hindi mapahamak kundi magkaroon ng buhay na walang hanggan. TINIG: Ang pag-ibig ay matiyaga at magandang-loob, hindi nananaghili, nagmamapuri, o nagmamataas, hindi magaspang ang pag-uugali, hindi makasarili, hindi magagalitn, o mapagtanim sa kapwa. Hindi nito ikinatutuwa ang gawang masama, ngunit ikinagagalak ang katotohanan. Ang pag-ibig ay mapagbata, mapagtiwala, puno ng pag-asa at nagtitiyaga hanggang wakas. TINIG: Sisindihan natin ang kandilang ito upang sariwain sa atin ang ganap ng pagibig ng Diyos na nasumpungan kay Hesus. Sisindihan ang Ika-4 kandila Pagkatapos ng pagsisindi ng ika-4 kandila ay aawitin ng bayan
(TONO: O Little Town of Bethlehem) Ang kandilang tumatanglaw, kandila ng PAG-IBIG Liwanag na tumutukoy sa Dios ng kalangitan. Sanggol na isinilang, handog niyang sakdal. Si Cristo ang nagpatunay- Dios ay mapagmahal! (ika 4 istropa) TITIK: Oliverio P. Pineda, Disyembre 2007 HIMIG: Lewis H. Redner, 1868 LITURHIYA NG SALITA PANALANGIN UPANG MALIWANAGAN (aawitin) (TONO: Away in a Manger) O Dios Salita mo y ngayo y hatiin, Gaya ng nangyari sa Galilea. Aming mga puso y nag-aanyaya, Manahan sa amin ang yong Salita. TITIK: Oliverio P. Pineda, Disyembre 2007 HIMIG: James R. Murray, 1887 UNANG ARALIN: 2 Samuel 7:1-11, 16 MAGNIFICAT Aawitin muna ng Tagapanguna o soloista ang Tugong Awit, pakatapos ay uulitin ng kapulungan. Saka pa lamang magpapatuloy sa Sagutang Pagbasa at Tugong awit. Tugong Awit: UMH 57 ( O For A Thousand Tongues to Sing ) Ang kal walhatian ng Dios ngayo y nahahayag Sama-samang namatyagan sa sangkalupaan TITIK: Oliverio P. Pineda, 2005 (Pasay City) HIMIG: Carl G. Glaser; arr. by Lowell Mason, 1839 "Ang puso ko'y nagpupuri sa Panginoon, At nagagalak ang aking espiritu dahil sa Diyos na aking Tagapagligtas. Sapagkat nilingap niya ang kanyang abang alipin! At mula ngayon, ako'y tatawaging mapalad ng lahat ng salinlahi, Dahil sa mga dakilang bagay na ginawa sa akin ng Makapangyarihan- Banal ang kanyang pangalan! Kinahahabagan niya ang mga may takot sa kanya, sa lahat ng sali't saling lahi. TUGONG AWIT: Ang kalwalhatian ng Dios Ipinakita niya ang lakas ng kanyang mga bisig, Pinangalat niya ang mga palalo ang isipan. Ibinagsak niya ang mga hari mula sa kanilang trono, At itinaas ang mga nasa abang kalagayan.
Binusog niya ng mabubuting bagay ang mga nagugutom, At pinalayas niyang wala ni anuman ang mayayaman. Tinulungan niya ang kanyang bayang Israel, Bilang pagtupad sa pangako niya sa ating mga magulang, Kay Abraham at sa kanyang lahi, magpakailanman!" TUGONG AWIT: Ang kalwalhatian ng Dios (LUCAS 1:47-55 Awit ng Pagpupuri ni Maria) IKALAWANG ARALIN Roma 16:25-27 IMNO O ANTEM NG KORO *ANG EBANGHELYO Lucas 1:26-38 Ang Panginoon ay sumainyo. Gayundin sa iyong espiritu. Ang Mabuting Balita ng Panginoon ayon kay Lucas Papuri sa iyo, Panginoon. Babasahin ng pastor ang ebanghelyo. Matapos basahin ay magsasabi: Ang Salita ng Diyos, para sa bayan ng Diyos. Pinupuri ka namin, Panginoong Jesu Cristo. SERMON *KREDO PANALANGIN NG BAYAN O PANALANGING PASTORAL PAGKAKALOOB TUGON: (VENI EMMANUEL) UMH 211 Purihin ang Nagpapala Dios ng buong sangnilikha. Purihin sa kalangitan! Ama, Anak, Diwang Banal. Magalak ka! O Israel. Sasagipin ka ni Emmanuel. TITIK : inayos ni Oliverio P. Pineda, Disyembre 2004 HIMIG : 15th cen.t French ; inayos ni Thomas Helmore, 1854 *LITURHIYA NG EUKARISTIYA Ang Panginoon ay sumaiyo. Gayundin sa iyo. Itaas sa Diyos ang inyong mga puso. Itataas ng pastor ang kanyang mga kamay. Itinataas namin sa Panginoon. Magpasalamat tayo sa Panginoon na ating Diyos. Marapat na siya y pasalamatan at purihin.
Matuwid at nararapat na kami y magpuri at magpasalamat sa yo Panginoon, makapangyarihang Ama, maylalang ng langit at lupa. Nilikha mo kami sa Iyong wangis at biniyayaan ng hininga ng buhay. Kahit kami y lumayo at kapos sa pag-ibig sa Iyo, nananatili pa ring tapat ang pagmamahal Mo sa amin. Hinango mo kami sa pagka-alipin, nakipagtipan upang maging Diyos naming makapangyarihan. Nagsalita ka sa pamamagitan ng mga propeta, na naghangad na ang katarungan ay dadaloy gaya ng agos ng tubig, at ang katuwiran ay gaya ng bukal na patuloy sa agos, kung saan ang mga bansa ay di na mag-aangat ng tabak laban sa kapwa bansa, at di na nila alam kung paano makidigma. Kaya kasama ng iyong bayan sa lupa at sa kalipunan sa langit, pinupuri namin ang iyong pangalan ng walang humpay na imno: Maaari ng ibaba ng pastor kanyang mga kamay. Banal, Banal na Panginoon, Makapangyarihang Dios, ang lupa at langit ay puno ng Iyong luwalhati. Hosana sa Kataastaasan. Pinagpapala siya na dumarating sa ngalan ng Panginoon. Hosana sa Kataastaasan. Itataas ng pastor ang kanyang mga kamay. Ikaw ay Banal O Dios, at pinagpala ang Iyong Anak na si Jesu Cristo, na Iyong isunugo sa takdang panahon upang maging ilaw sa mga bansa. Pinangalat mo ang mga palalo ang isipan, at nahabag ka sa mga may takot sa iyo sa bawat henerasyon. Ibinagsak mo ang mga nasa kapangyarihan mula sa kanilang mga trono at itinaas ang mga nasa abang kalagayan. Binusog mo ng magagandang mga bagay ang mga nagugutom, at pinalayas ng walang anuman ang mga mayayaman. Sarili mong Anak ay dumating sa amin bilang isang lingkod, na maging Emmanuel, ang presensya mo sa gitna namin. Nagpakumbaba siya sa pagsunod sa Iyong kaloban, at malayang tinanggap ang kamatayan sa krus. Sa kanyang bautismo ng paghihirap, kamatayan at pagkabuhay ay isinilang ang Iyong Iglesya, pinalaya kami sa kuko ng kasalanan at kamatayan, at nakipagtipan sa amin sa pamamagitan ng tubig at Espiritu.
Pagtatabihin ng pastor ang kanyang mga kamay, nakatapat ang mga palad sa ibabaw ng tinapay, o kaya y hahawakan ang tinapay, o kaya y itatas ang tinapay. Noong gabi nang siya y mag-alay ng sarili para sa iba, ay dumampot siya ng tinapay, nagpasalamat sa Iyo, piniraso ito, at ibinigay sa kanyang mga alagad at nagwika: Kumuha kayo at kumain; ito ang aking katawan na ibinibigay sa inyo, Gawin ninyo ito sa pag-alaala sa akin. Pagtatabihin ng pastor ang kanyang mga kamay, nakatapat ang mga palad sa ibabaw ng saro, o kaya y hahawakan ang saro, o kaya y itatas ang saro. Matapos ang hapunan ay kinuha ang saro, nagpasalamat sa Iyo, ibinigay sa kanyang mga alagad at nagwika: Uminom kayong lahat dito; ito ang aking dugo ng Bagong tipan, ang aking dugo na mabubuhos sa ikapagpapatawad ng mga kasalanan. Gawin ninyo ito, sa tuwing kayo y umiinom, sa pag-aalaala sa akin. Itataas ng pastor ang kanyang mga kamay. Kaya sa pag-aalaala sa Iyong kamangha-manghang gawa kay Jesu Cristo, aming handog ang aming sarili sa pagpupuri at pasasalamat bilang banal at buhay na alay, sa pakikiisa sa pag-aalay ni Cristo para sa amin, habang ipinapahayag namin ang hiwaga ng pananampalataya. Si Cristo ay namatay, si Cristo ay nabuhay Si Cristo ay muling darating. Itatapat ng pastor ang kanyang mga palad sa ibabaw ng tinapay at saro. Ibuhos ang Iyong Espiritu Santo sa aming nagkakatipon ngayon, gayon din sa mga handog na tinapay at alak. Gawin itong katawan at dugo ni Cristo upang kami man ay maging katawan ni Cristo sa sanlibutan na tinubos ng kanyang dugo. Sa pamamagitan ng Iyong Espiritu ay gawin kaming kaisa ni Cristo, kaisa ng kapwa, at iisa sa paglilingkod sa buong mundo, hanggang sa matagumpay na pagbabalik ni Cristo, taglay ang ganap na kaluwalhatian at pananaig at kasalo kami sa makalangit na piging. Sa pamamagitan ng Iyong Anak na si Jesu-Cristo, kaisa ng Espiritu Santo na nasa Iglesyang banal, ang lahat ng parangal at papuri ay sa Iyo, makapangyarihang Ama, ngayon at magpasawalang hanggan. Amen. Itataas ng pastor ang kanyang mga kamay.
*ANG AMA NAMIN Ama naming nasa langit, sambahin nawa ang iyong pangalan. Nawa'y maghari ka sa amin. Sundin nawa ang iyong kalooban dito sa lupa tulad ng sa langit. Bigyan mo kami ngayon ng aming pagkain sa araw-araw; at patawarin mo kami sa aming mga kasalanan, tulad ng pagpapatawad namin sa mga nagkakasala sa amin. At huwag mo kaming hayaang matukso, kundi iligtas mo kami sa Masama! Sapagkat iyo ang kaharian, at ang kapangyarihan, at ang kaluwalhatian, magpakailanman! Amen. PAGPIRASO NG TINAPAY Nakaharap ang pastor sa kapulungan, matahimik na pipirasuhin ang tinapay, o kaya y habang sinasabi ang: Dahil mayroon lamang iisang tinapay, tayo, bagama t marami, ay iisang katawan, sapagkat nagsasalu-salo tayo sa iisang tinapay. Ang tinapay na ating pinaghati-hati ay pakikibahagi sa katawan ni Cristo. ANG PAGSASALU-SALO Ang tinapay at alak ay ipamamahagi sa bayan, na may ganitong pakikipag-usap: Ang katawan ni Cristo, ibinibigay sa iyo. Amen. Ang dugo ni Cristo, ibinibigay sa iyo. Amen. PANALANGIN MATAPOS ANG KOMUNYON PANGWAKAS NA IMNO: UMH 250 Once in Royal David s City, UMH 216 Lo, How a Rose E er Blooming *PAGPAPAHAYO NA MAY PAGPAPALA Panginoon, pagpalain mo ang bayan mo ng mga makalangit na handog, at sa iyong habag, gawin silang handang tumupad sa iyong kalooban sa pamamagitan ni Kristong aming Panginoon. Amen. Darating na sa ating piling si Jesus. Humayo kayo at ipamahagi sa iba ang mabuting balitang ito. Amen. At sumainyo ang pagpapala ng Makapangyarihang Diyos, Ama, Anak, at Espiritu Santo. Amen.
Tugong Awit: UMH 204 Emmanuel, Emmanuel WORDS: Bob McGee, 1976 (Mt.1:23) MUSIC: Bob McGee, 1976, Emmanuel, Emmanuel, his name is called Emmanuel God with us, revealed in us, His name is called Emmanuel. + + + + + + + Ang Padron ng pagsambang ito ay maaring gamitin ng kongregasyon o mga grupo sa kanilang pagsamba. Hinihiling lamang na ilagay ang mga katagang: Karapatang pagmamay-ari 2011 Order of Saint Luke-Philippines Order of Saint Luke Philippines Association Prior: Joel Bengbeng Sub Priors: Oliverio Pineda (Tagalog Area) John Taliwaga (Tarlac Area) Norlie Vilog (Ilocos Area) Chancellor: Jesus Bondoc Chaplain: Gilmartin Guerrero