Modified In-School Off-School Approach Modules (MISOSA) H E K A S I Distance Education for Elementary Schools SELF-INSTRUCTIONAL MATERIALS EDUKASYON SA PANAHON NG EDSA REVOLUTION HANGGAN SA KASALUKUYAN 5 Department of Education BUREAU OF ELEMENTARY EDUCATION 2nd Floor Bonifacio Building DepEd Complex, Meralco Avenue Pasig City
Revised 2010 by the Learning Resource Management and Development System (LRMDS), DepEd - Division of Negros Occidental under the Strengthening the Implementation of Basic Education in Selected Provinces in the Visayas (STRIVE). Section 9 of Presidential Decree No. 49 provides: No copyright shall subsist in any work of the Government of the Republic of the Philippines. However, prior approval of the government agency or office wherein the work is created shall be necessary for exploitation of such work for profit. This material was originally produced by the Bureau of Elementary Education of the Department of Education, Republic of the Philippines. This edition has been revised with permission for online distribution through the Learning Resource Management Development System (LRMDS) Portal (http://lrmds.deped.gov.ph/) under Project STRIVE for BESRA, a project supported by AusAID.
GRADE V EDUKASYON SA PANAHON NG EDSA REVOLUTION HANGGANG SA KASALUKUYAN ALAMIN MO Garden of Harmony BEC Mga Programa sa Edukasyon Agham Matimatika Tekholohiya Nagkaroon na ng iba t-ibang pangulo pagkatapos ng EDSA Revolution at bawat isa ay may kani-kaniyang patakaran at programa tungo sa pagpapabuti ng kalidad ng edukasyon. Anu-ano kaya ang mga ito? Napaunlad ba nito ang sistema ng edukasyon sa bansa? Sa mdoyul na ito. Pag-aaralan natin ang mga pagbabagong naganap sa edukasyon sa panahon ng pagtatapos ng rebolusyon hanggang sa kasalukuyan. Handa ka na ba? 1
PAGBALIK-ARALAN MO Marami ka ng natutuhan tungkol sa mga pagbabago sa edukasyon ng mga Pilipino sa iba t-ibang panahon. Subukin mong gawin ang palaisipan sa ibaba. Isulat mo ang mga titik sa bawat kahon upang mabuo ang mga salita na may kaugnayan sa edukasyon. Gawin mo ito sa iyong kuwadernong sagutan. 6. 1. 3. 5. 2. 4. 7. 8. Pahalang 1. mga gurong Amerikano 4. tinuturuan ang mga anak na babae ng paglilinis ng bahay 7. alpabeto ng mga unang Pilipino 8. edukasyong binigyang-diin sa Bagong Republika Pababa 2. ginawang opisyal na wika sa komunikasyon 3. mga gurong Espanyol 5. wikang panturo sa panahon ng Amerikano 6. mga gawaing tulad ng technician, elektrisyan 2
PAG-ARALAN MO Basahin at unawain mo ang talata sa ibaba. Pagkatapos ng EDSA Revolution, nanungkulan na bilang Pangulo ng Bansa sina Gng. Corazon Aquino, G. Fidel Ramos, G. Joseph Estrada at Gng. Gloria Macapagal Arroyo. Sa klase ni Gng Eleanor Forbes, nag-uulat ang unang pangkat tungkol sa mga naisagawang programa o proyekto sa edukasyon ng mga naging pangulo ng bansa. Ako si Corazon C. Aquino, ang kaunaunahang babaeng naging pangulo ng bansa. Naluklok ako sa tungkulin mula 1986 hanggang 1992. Sa aking panunungkulan naisagawa ko ang mga sumusunod: Pagpapatupad ng Republic Act No. 6655, ang Free Public Secondary Act of 1986 upang magbigay ng libreng edukasyon para sa elementarya at mataas na paaralan. Pagtaas ng sweldo ng mga guro ng 20% para sa taong 1986, 20% sa 1987, at 10% sa 1988. Pagpapababa ng gulang sa pagpasok ng mga bata sa unang baitang mula pitong taong gulang ay naging anim na taong gulang na sinimulan noong panuruang taon 1988-1989. Pagpapatupad ng bagong kurikulum sa haiskul na tinawag na Secondary Education Development Program (SEDP) upang maitaas ang antas ng pagtuturo sa sekondarya. Sinimulan ito noong taong panuruang 1989-1990. Pagpapalimbag ng maraming aklat para sa mga mag-aaral sa mataas na paaralan na umabot ng 26 milyon ang kopya. 3
Pagtataguyod sa Literacy Program na sinimulan sa taong panuruan 1987-1988. Layunin nito na maturuan ang mga mag-aaral na nasa pook na dumaranas ng matinding kahirapan. Narito naman ang ulat ni Fidel V. Ramos na naging pangulo ng Pilipinas mula 1992-1998. Itinalaga ako bilang panlabindalawang pangulo ng Pilipinas noong Hunyo 30,1992. Narito ang mga naisagawa namin. Nagpatayo ng marami pang paaralan upang matugunan ang dumaraming mag-aaral. Dinagdagan ang bilang ng araw sa pagtuturo mula 200 araw ay naging 220 araw sa pagtuturo upang maiangat ang kalidad ng pag-aaral. Pinalitan ang NCEE noong 1993-1994 ng National Secondary Assessment Test (NSAT) upang masuri ang libel ng kakayahan ng mga nasa ikaapat na taon ng haiskul. Ang mga nasa elementarya naman ay binigyan ng National Elementary Achievement Test (NEAT). Inilunsad din ang mga programang WOW (Wow on Waste), Garden of Peace and Harmony, SIGA (School Within a Garden) at iba pa. Binigyan-diin ang pagtuturo ng agham, teknolohiya at matematika. May pagkakaiba ba o pagkakatulad ang mga naging plataporma sa edukasyon nina Corazon Aquino at Fidel V. Ramos? Pagkatapos ng panungkulan ni Pangulong Fidel Ramos, nahalal na pangulo ng bansa si pangulong Joseph Ejercito Estrada. Itinalaga siya sa tungkulin noong Hunyo 30, 1998. 4
Narito ang kanyang ulat. Ako si Joseph E. Estrada na tinawag na sentenyal na pangulo sapagkat naluklok ako nang ipinagdiwang ng ating bansa ang sentenaryo na ating kalayaan noong Hunyo, 1998. Narito ang aming naipatupad: Pagtaas ng badyet sa edukasyon na 20% ng pambansang badyet. Pagpapaaral nang libre sa dalawang milyong mag-aaral sa preschool. Pagbibigay ng 100,000 kompyuter sa mga pampublikong paaralan. Pagsasagawa ng feeding program para sa mga batang may mababang timbang mula sa kindergarten hanggang sa antas ng elementarya. Paglikha ng isang kapaligirang namayani ang kagandahan at kagalingan ng ating sining at kultura. Ang dapat na anim na taong panunungkulan ni Pangulong Joseph E. Estrada ay di natapos sapagkat nagkaroon ng People Power 2. Ang sumunod na pangulo ay si Gng. Gloria Macapagal Arroyo na nanumpa noong Enero 20,2001. matapos mapatalsik si Pangulong Joseph Estrada. Nang magkaroon ng halalan, naluklok muli sa puwesto si Pangulong Gloria M. Arroyo noong Hunyo, 2004. Narito ang kanyang ulat. Sa panahon ng aking panunungkulan naisagawa ang mga sumusunod: 5
Naipatupad ang R.A. 9155 na ang Kagawaran ng Edukasyon, Kultura at Isports (DECS) ay pinalitan ng Kagawaran ng Edukasyon lamang o DepEd. Itinaguyod ang Basic Education Curriculum (BEC) 2002 upang higit na mapabuti ang kalidad ng edukasyon. Binigyang-diin ang pag-aaral ng agham, teknolohiya, matematika at wikang Ingles. Pagbibigay ng pambansang pagsusulit sa elementarya at haiskul (National Achievement Test-NAT) upang masuri ang kakayahan ng mga batang mag-aaral. Paglulunsad ng Strong Republic School (SRS) noong taong 2004. May pagkakaiba ba o pagkakatulad ang mga isinagawang programang pang-edukasyon nina Pangulong Joseph Estrada at Pangulong Gloria Macapagal Arroyo? Hanggang sa kasalukuyan ay patuloy ang pag-iisip ng mabubuting paraan upang matuto nang lubos ang mga mag-aaral. Pinagsisikapan na maibigay ang mga pangangailangan sa mga paaralan upang maitaas ang kalidad ng edukasyon. PAGSANAYAN MO A. Isulat mo sa retrieval chart ang ilan sa mga programa sa edukasyon ng mga pangulo ng bansa. Pangulong Corazon Aquino Pangulong Fidel Ramos Pangulong Joseph Estrada Pangulong Gloria Arroyo 6
B. Sa palagay mo, mahalaga ba ang mga pabagu-bagong patakaran ng mga naging pangulo ng bansa? Bakit? TANDAAN MO May iba t-ibang patakaran o programa sa edukasyon ang mga naging pangulo ng bansa na kanilang ipinatupad sa panahon ng kanilang panunungkulan. ISAPUSO MO Alam mo ba ang awiting ito? Kung alam mong awitin. Kundi naman ipaawit mo sa iyong kasambahay. Ang awiting ito ang naging bahagi sa pagkakamit ng kalayaan ng mga Pilipino sa mapayapang paraan. Isapuso mo ang mensahe ng awit. Handog ng Pilipino sa Mundo Hindi na ko papayag, na mawala pang muli Hindi na ko papayag na muling mabawi Ating kalayaan kaytagal na nating mithi Di na papayagang mabawi muli Magkakapit bisig, libu-libong tao, kay sarap palang maging Pilipino Sama-sama iisa ang adhikain, kailanma y di na papaalipin. 7
Chorus: Handog ng Pilipino sa mundo Mapayapang paraang pagbabago Katotohanan, kalayaan, katarungan ay kayang makamit ng walang dahas Basta t magkaisa tayong lahat Masdan ang nagaganap sa ating bayan Magkasama na ang mahirap at mayaman Kapitbisig, madre, pari at sundalo. naging langit itong bahagi ng mundo. Huwag muling payagang umiral ang dilim, Tinig ng bawat tao y bigyan ng pansin Magkakapatid lahat sa panginoon, ito ay laging nating tatandaan Repeat Chorus 3X GAWIN MO Gawin ang mga sumusunod sa iyong kuwadernong sagutan. Ilagay mo sa timeline ang sakop ng panunungkulan nina: A. Pangulong Corazon Aquino - 1986-1992 B. Pangulong Fidel Ramos - 1992-1998 C. Pangulong Joseph Estrada - 1998-2001 D. Pangulong Gloria Arroyo - 2001-2004 - 2004-2010 1985 1995 2005 2015 1. Ilang taon ang panunungkulan ng bawat pangulo ng bansa? 2. Ilang taon nanungkulan si Pangulong Estrada? Ano ang nangyari sa kanyang pamamahala sa bansa? 8
PAGTATAYA Panuto: Isulat ang pangalan ng mga pangulong nagpatupad ng sumusunod na mga proyekto sa edukasyon. Gawin ito sa iyong kuwadernong sagutan. 1. Ang mga batang may anim na taong gulang ay maaari nang makapasok sa unang baitang. 2. Ipinatupad ang SEDP o ang bagong kurikulum sa haiskul. 3. Pinalitan ang NCEE ng NSAT. 4. Itinaguyod ang Basic Education Curriculum 2002. 5. Nagsagawa ng Feeding Program para sa mga batang may mababang timbang. 6. Nagpatupad ng Free Public Secondary School. 7. Itinaguyod ang Literacy Program. 8. Inilunsad ang programang WOW at SIGA. 9. Pagbibigay ng 100,000 computer sa mga pampublikong paaralan. 10. Paglulunsad ng Strong Republic Schools noong taong 2004. PAGPAPAYAMANG-GAWAIN Magsaliksik sa talambuhay ng mga naging pangulo ng bansa. Gumawa ka ng album tungkol dito. Binabati kita at matagumpay mong natapos ang modyul na ito! Maaari mo na ngayong simulan ang susunod na modyul. 9