Holy Week Rites. Easter Vigil - Easter Sunday

Transcription

1 Holy Week Rites Easter Vigil - Easter Sunday

2 258 Mga DAPAT ihanda sa Magdamagang Pagdiriwang sa Pasko ng Muling Pagkabuhay - Paschal Candle (1) at Kandila na gagamitin na pangsindi (4-5) - stylus at mga butil ng insenso na ilalagay sa Cirio Paskwal - Kawa na may siga - 1 timba ng tubig (extinguisher) - Flashlight (3) - Wireless mic - Mga gamit sa pambinyag: Pitsel, tuwalya, krisma - Container na may laman ng tubig (2) **isang Holy Water isang Pambinyag - Insenso at Insensaryo *siguraduhing may tongs ang tagapagdala ng insensaryo dahil sa kawa siya kukuha ng uling na may sindi - Sound System para sa Plaza - Mga bulaklak at mantel na ilalagay sa Altar - Puting Kasulya na isusuot ng Tagapagdiwang - Asperges - Mga gamit para sa Misa - Mga Rito na gagamitin: Pang-binyag at ang rito para sa araw na ito - Kandila para sa lahat ng mga lingkod

3 Ang Magdamagang Pagdiriwang sa Pasko ng Muling Pagkabuhay 259 ANG MAGDAMAGANG PAGDIRIWANG SA PASKO NG MULING PAGKABUHAY Alinsunod sa pinakamatandang pamana, ang gabing ito ay nakatalaga sa pag-alala sa Panginoon (Exodo 12, 42). Sa Mabuting Balita ayon kay San Lucas (12,35 at sumusunod), may paggunita sa mga tagasunod ng Panginoon upang sila y maghintay habang tangan ang ilawang may sindi, katulad ng mga katiwalang naghihintay para sa pagbabalik ng kanilang Panginoon nang sa gayo y kapag dumating siya y madatnan niya silang handa at nagbabantay at sila y kanyang padudulugin sa kanyang hapag. Ang Magdamagang Pagdiriwang na ito ay nahahati sa apat na yugto: 1) pagkaraan ng maikling Pagpaparangal sa Ilaw, 2) ang Simbahan ay nagsasaloob sa lahat ng mga kahanga-hangang ginawa ng Diyos para sa kapakanan ng kanyang sambayanan sa mula t mula pa; ito ang Pagpapahayag ng Salita ng Diyos. 3) Habang papalapit ang araw ng muling pagkabuhay, ang mga bagong kaanib ng Simbahan ay muling isinisilang sa pamamagitan ng Binyag, at 4) ang buong Simbahan ay inaanyayahang dumulog sa piging na inihanda ng Panginoon para sa kanyang bayan bilang Pakikinabang sa kanyang Pagkamatay at Muling Pagkabuhay. Ang kabuuan ng Magdamagang Pagdiriwang ng Muling Pagkabuhay ay gaganapin kapag madilim na ang paligid. Ito y hindi dapat simulan bago magtakip-silim, dapat itong magwakas bago magbukangliwayway ang araw ng Linggo. Kahit na ang pagmimisa sa gabing ito ay maganap bago maghating-gabi, ang Misa ng Muling Pagkabuhay ang ipagdiriwang. Ang mga nakikiisa sa pagmimisa ngayong gabi ay maaaring makinabang muli sa ikalawang Misa na kanilang nanaising lahukan bukas nang Linggo ng Muling Pagkabuhay. Ang mga nagmimisa o nakikipagmisa sa pagdiriwang na ito sa gabi ay maaaring magmisa o makipagmisa sa ikalawang Misa bukas nang Linggo ng Muling Pagkabuhay. Ang tagapagdiwang at ang mga tagapaglingkod ay magsusuot ng puting damit para sa pagmimisa. Dapat maghanda ng mga kandila para sa lahat ng mga makikiisa sa Magdamagang Pagdiriwang.

4 260 UNANG YUGTO: Ang Maringal na Pagsisimula ng Magdamagang Pagdiriwang: Ang Pagpaparangal sa Ilaw PAGBABASBAS AT PAGHAHANDA SA ILAW Lahat ng mga ilaw sa simbahan ay hindi muna sisindihan. Tagapagpadaloy: Magandang gabi po sa inyong lahat. Ang pagdiriwang natin ngayong gabing ito ay ang Ina ng lahat ng mga pagdiriwang sa ating Simbahan. Nahahati sa apat na bahagi ang pagdiriwang natin para sa gabing ito: Ang Pagpaparangal sa Ilaw, ang Pagpapahayag ng Salita ng Diyos, ang Sakramento ng Binyag, at ang Banal na Eukaristiya. Alinsunod sa pinakamatandang pamana, ang gabing ito ay nakatalaga sa pag-alala sa Panginoon. Sa Mabuting Balita ayon kay San Lucas, may paggunita sa mga tagasunod ng Panginoon upang sila y maghintay habang tangan ang ilawang may sindi, katulad ng mga katiwalang naghihintay para sa pagbabalik ng kanilang Panginoon nang sa gayo y kapag dumating siya y madatnan niya silang handa at nagbabantay at sila y kanyang padudulugin sa kanyang hapag. Halina t pasimulan natin ang Unang bahagi ng ating pagdiriwang para sa Muling Pagkabuhay ng ating Panginoong Hesukristo. Isang malaking siga ang ihahanda sa isang naaangkop na dako sa labas ng simbahan. Kapag natitipon na ang mga tao, ang pari ay lalapit doon kasama ng mga tagapaglingkod. Isa sa mga ito ay siyang magdadala ng kandila ng Pasko ng Pagkabuhay. Babatiin ng tagapagdiwang ang natitipong tao ayon sa kinaugaliang paraan. Siya y magbibigay sa kanila ng maikling paliwanag tungkol sa pagdiriwang. Maaaring ang sumusunod o anumang katumbas nito ang kanyang ihahayag:

5 Ang Magdamagang Pagdiriwang sa Pasko ng Muling Pagkabuhay 261 Mga kapatid, sa kabanal-banalang gabing ito na pinangyayarihan ng pagtawid ng ating Panginoong Hesukristo mula sa pagkamatay patungo sa pagkabuhay ang Sambayanan niya ay nag-aanyaya sa lahat ng mga anak na nasa iba t ibang panig ng daigdig upang magtipun-tipon sa pagganap ng magdamagang pagdiriwang. Sa pagganap natin sa alaala ng Pasko ng Panginoong nagtagumpay sa pakikinig ng Salita at paghahain ng kanyang buhay maaasahan nating tayo y makakapakinabang sa kanyang pananaig sa kamatayan at pamumuhay sa piling niya at ng Amang Maykapal. Ang siga ay babasbasan. Manalangin tayo. Bayan: Ama naming makapangyarihan, sa pamamagitan ng iyong Anak kami y iyong dinulutan ng ningas ng iyong kaliwanagan. Ang bagong ningas na ito ay iyong gawing banal at ipagkaloob mong kami y pagningasin nitong aming pagdiriwang upang makasapit kaming may dalisay na kalooban sa walang maliw na kaliwanagan sa pamamagitan ni Hesukristo kasama ng Espiritu Santo magpasawalang hanggan. Amen.

6 262 Ang kandila ng Pasko ng Pagkabuhay ay sisindihan mula sa bagong basbas na apoy. Alinsunod sa kakayanan ng mga tao, maaaring naaangkop na bigyang-diin ang kahalagahan at kahulugan ng kandila ng Pasko ng Pagkabuhay sa tulong ng karagdagang sagisag sa ganitong paraan. Pagkabasbas ng bagong apoy, ang isa sa mga tagapaglingkod ay siyang maghaharap ng kandila ng Pasko ng Pagkabuhay sa pari. Ito ay guguhitan ng pari ng krus sa pamamagitan ng pang-ukit o pansulat. Iguguhit din dito ang mga titik na Griego: 1. (Sa pagguhit sa krus mula sa itaas hanggang ibaba) Si Kristo ang nagmamahal noon sa bayang hinirang ngayon pa ri y s yang patnubay: Si Hesukristo y nabuhay S ya y ating kaliwanagan. 2. (Sa pagguhit sa bisig ng krus mula sa kaliwa hanggang sa kanan) Si Kristo ang nagmamahal simula pa noong araw, wakas natin s ya t hantungan: Si Hesukristo y nabuhay S ya y ating kaliwanagan. 3. (Sa pagguhit ng alpha sa ulunan ng krus) Ë Si Kristo ang pinagmulan: Alpha y sagisag n yang tunay. S ya y ating pinanggalingan: Si Hesukristo y nabuhay, S ya y ating kaliwanagan. 4. (Sa pagguhit ng omega sa paanan ng krus) Ù Si Kristo ang s yang hantungan: Omega y kanyang larawan, S ya ang ating patunguhan: Si Hesukristo y nabuhay S ya y ang ating kaliwanagan.

7 Ang Magdamagang Pagdiriwang sa Pasko ng Muling Pagkabuhay (Sa pagguhit ng unang bilang ng taon, sa itaas na kaliwang sulok ng krus) Kay Kristo ay nabibilang lahat ng panaho t araw, bawa t yugto ng pag-iral: Si Hesukristo y nabuhay S ya y ating kaliwanagan. 6. (Sa pagguhit ng ikalawang bilang ng taon, sa itaas na kanang sulok ng krus) Kay Kristo ay nabibilang mga taong daan-daan, Hari s ya ng kasaysayan: Si Hesukristo y nabuhay S ya y ating kaliwanagan. 7. (Sa pagguhit ng ikatlong bilang ng taon, sa ibabang kaliwang sulok ng krus) Kay Kristo ang karangalan lahat ng kapangyarihan. Panginoong dinarangal: Si Hesukristo y nabuhay S ya y ating kaliwanagan. 8. (Sa pagguhit ng ikaapat na bilang ng taon sa ibabang kanang sulok ng krus) Kay Kristo ang kapurihan ng buong sangkatauhan ngayon at magpakailanman. Si Hesukristo y nabuhay S ya y ating kaliwanagan. # # # #

8 264 Kapag naiguhit na ang krus at ang mga iba pang palamuti, maaring itusok ng pari ang limang butil ng insenso sa kandila. Gagawin niya ito ayon sa balangkas ng krus, habang ipinahahayag: 1. Sa sugat na lubhang banal ni Hesus sa tagiliran lubhang dugo t tubig ay lumitaw. Si Hesukristo y nabuhay S ya y ating kaliwanagan. 2. May sugat sa paang kanan si Hesus na nabayubay sa krus na kinamatayan. Si Hesukristo y nabuhay S ya y ating kaliwanangan. 3. Ang kaliwang paa naman ni Hesus din ay sugatan pako y naglagos na tunay: Si Hesukristo y nabuhay S ya y ating kaliwanagan At sa kanan niyang kamay Si Hesus di y pinakuan kaya t may sugat na taglay: Si Hesukristo y nabuhay S ya y ating kaliwanagan. 5. Sa kanyang kaliwang kamay si Hesus ay pinakuan noong buhay n ya y ialay. Si Hesukristo y nabuhay S ya y ating kaliwanagan.

9 Ang Magdamagang Pagdiriwang sa Pasko ng Muling Pagkabuhay 265 Isisindi ang kandila sa bagong basbas na apoy habang ipinahahayag: Mapawi nawang tuluyan ang dilim ng kasalanan sa puso nati t isipan: Si Hesukristo y nabuhay S ya y ating kaliwanagan. Ilan o lahat sa mga binanggit na palamuti ay mailalagay, ayon sa makabubuti sa buhay kristiyano ng sambayanan. Ang mga Panayam ng mga Obispo ay makapagpapasya tungkol sa mga iba pang uri ng paraang lalong bagay sa kakayanan ng mga tao.kapag talagang mahirap magsiga nang malaki, ang pagbabasbas sa apoy ay ibabagay sa katayuan. Kapag ang mga nagsisimba ay natitipon na sa simbahan alinsunod sa dating ginagawa nila, ang pari at mga tagapaglingkod niya, na may dalang kandila ng Pasko ng Pagkabuhay, ay paroroon sa gawi ng pinto ng simbahan. Kung magagawa, ang mga tao ay susunod sa tingin sa pari; sila y haharap sa gawi ng pintuan.ang pagbati at ang maiksing paliwanag ay gagawin ayon sa nasasaad sa ika-8 talata. Pagkaraa y babasbasan ang apoy (ika-9 na talata) at, kung hinahangad ay papalamutian at sisindihan din ang kandila ayon sa nasasaad sa mga ika-10 at ika-12 talata. Tagapagpadaloy: Maaari na po tayong pumasok sa loob ng Simbahan. Maaari po lamang na sumunod tayo sa mga marshalls natin upang maging maayos at matiwasay ang ating pagpasok.

10 266 PRUSISYON Ang diyakono o ang tagapagdiwang, kapag walang diyakono, ay siyang magdadala sa kandila ng Pasko ng Pagkabuhay. Ito y itataas niya habang inaawit: Tayo nang magbigay-dangal kay Hesus na ating ilaw sa diwa nati t isipan. Si Hesukristo y nabuhay S ya y ating kaliwanagan. Sasagot ang lahat: Salamat po, Poong banal, sa ilaw na iyong bigay upang kami ay tanglawan. Si Hesukristo y nabuhay S ya y ating kaliwanagan. Maaring magtakda ang mga Panayam ng mga Obispo ng lalong makahulugan at mahabang pagbubunyi. Sa PINTUAN NG SIMBAHAN, itataas ang kandila at aawitin sa ikalawang pagkakataon: Tayo nang magbigay-dangal kay Hesus na ating ilaw sa diwa nati t isipan. Si Hesukristo y nabuhay S ya y ating kaliwanagan. Sasagot ang lahat: Salamat po, Poong banal, sa ilaw na iyong bigay, upang kami ay tanglawan. Si Hesukristo y nabuhay S ya y ating kaliwanagan.

11 Ang Magdamagang Pagdiriwang sa Pasko ng Muling Pagkabuhay 267 Ang Tagapagdiwang ay magsisindi ng kanyang kandila sa kandila ng Pasko ng Pagkabuhay. Lahat ay papasok sa simbahan, sa pangunguna ng may dalang kandila ng Pasko ng Pagkabuhay. Kung ginagamit ang insensaryo, ang tagadala nito ay siyang mangunguna. Sa GITNA NG SIMBAHAN, ang diyakono ay hihinto at itataas ang kandila at aawitin sa ikalawang pagkakataon: Tayo nang magbigay-dangal Kay Hesus na ating ilaw Sa diwa nati t isipan. Si Hesukristo y nabuhay S ya y ating kaliwanagan. Sasagot ang lahat: Tagapagpadaloy: Salamat po, Poong banal Sa ilaw na iyong bigay Upang kami ay tanglawan. Si Hesukristo y nabuhay S ya y ating kaliwanagan. Maaari po lamang na ihanda ang ating mga kandila at hintayin ang mga lingkod na lalapit sa atin upang sindihan ang mga ito. Lahat ay magsisindi ng kanilang kandila mula sa kandila ng Pasko ng Pagkabuhay, at ipapasa ang apoy sa iba. Magpapatuloy ang pagpuprusisyon.

12 268 Pagsapit ng diyakono sa DAKO NG DAMBANA, haharap siya sa mga tao at aawitin sa ikatlong pagkakataon: Tayo ng magbigay-dangal kay Hesus na ating ilaw sa diwa nati t isipan. Si Hesukisto y nabuhay S ya y ating kaliwanagan. Sasagot ang lahat: Salamat po, Poong banal, sa ilaw na iyong bigay, upang kami ay tanglawan. Si Hesukristo y nabuhay S ya y ating kaliwanagan. Ang Maringal na Pagpapahayag na Ngayo y Pasko ng Pagkabuhay Pagsapit sa gawi ng dambana, ang tagapagdiwang ay paroroon sa kanyang upuan. Ilalagay ang kandila sa patungan o kandelero nito na nasa gitnang dako ng dambana o malapit sa mataas na dakong nakalaan para sa mga pagbasa. Kung ginagamit ang insensaryo, ito y lalagyan ng insenso ayon sa ginaganap sa loob ng Misa, sa bahagi ng paghahayag ng Mabuting Balita. Ang diyakono ay makikusap na siya y gawaran ng pagpapala ng tagapagdiwang na mangungusap nang mahina: Sa iyong puso at sa iyong mga labi manahan nawa ang Panginoon upang marapat mong maipahayag na ngayon ay Pasko na ng Pagkabuhay, sa ngalan ng Ama at ng Anak at ng Espiritu Santo. Tagapagpadaloy: Manatili po tayong nakatayo, huwag muna nating tanggalin ang sindi ng ating mga kandila at pakinggan po natin ang pagpapahayag ng Muling Pagkabuhay ng ating Panginoon.

13 Ang Magdamagang Pagdiriwang sa Pasko ng Muling Pagkabuhay 269 Hindi kinakailangang gawin ito kung ang pagpapahayag na ngayo y Pasko ng Pagkabuhay ay gagampanan ng hindi naman diyakono. Lahat ay tatayo na may tangang kandila. Ang Tagapagdiwang ay tatayo din, walang mitra, na may tangang nakasindi na kandila.kung kinakailangan, ang pagpapahayag na ngayo y Pasko ng Pagkabuhay ay magagampanan ng isang tao na hindi naman diyakono. Sa ganitong katayuan lalaktawan niya ang mga pangungusap na naaangkop sa diyakono lamang. Ang aklat at ang kandila ay iinsensuhan. Ang diyakono o ang tagapagdiwang, kapag walang diyakono, ay aawit ng paghahayag ng Pasko ng Pagkabuhay mula sa mataas na dako para sa pagbasa o mula sa pulpito. Lahat ay tatayo na may tangang kandila. Kung kinakailangan, ang pagpapahayag na ngayo y Pasko ng Pagkabuhay ay magagampanan ng isang tao na hindi naman diyakono. Sa ganitong katayuan lalaktawan niya ang mga pangungusap na naaangkop sa diyakono lamang. Ang pagpapahayag na ngayo y Pasko ng Pagkabuhay ay maaaring gawin sa mahaba o maikling paraan. Ang mga Panayam ng mga Obispo ay maaaring magpasya tungkol sa pagkakaroon ng mga pagbubunyi para sa mga tao. Ang Maikling Paraan ng Pagpapahayag na Ngayo y Pasko ng Pagkabuhay 1. Magalak ngayo t magdiwang, mga anghel na kinapal, lahat tayo y mag-awitan: Si Hesukristo y nabuhay S ya y ating kaliwanagan. 2. Tambuli ng kaligtasan maghudyat ng kagalakan magsaya ang sanlibutan. Si Hesukristo y nabuhay S ya y ating kaliwanagan. 3. Hinirang na sambayanan bumubuo ng Simbahan magsaya sa kaningningan. Si Hesukristo y nabuhay S ya y ating kaliwanagan.

14 Ang puso nati t isipan itaas sa kalangitan ang Ama y pasalamatan. Si Hesukristo y nabuhay S ya y ating kaliwanagan. 5. Ngayon nga ang kapistahan ng Panginoong namatay ukol sa ting kalayaan. Si Hesukristo y nabuhay S ya y ating kaliwanagan. 6. Ngayon nga ang pagdiriwang ng muli nating pagsilang sa tubig ng kaligtasan. Si Hesukristo y nabuhay S ya y ating kaliwanagan. 7. D yos Ama ng sanlibutan, pag-ibig mo t katapatan patawad sa ami y bigay. Si Hesukristo y nabuhay S ya y ating kaliwanagan. 8. Hain namin itong ilaw sagisag ng matagumpay na Anak mong minamahal. Si Hesukristo y nabuhay S ya y ating kaliwanagan. Tagapagpadaloy: Maaari na po natin tanggalin ang sindi ng ating mga kandila. Manatili po tayong nakatayo. Maaari nang patayin ng sambayanan ang kanilang kandila at maaring sindihan ang ilang ilaw ng Simbahan subalit mas maganda na madilim pa rin ang Simbahan.

15 Ang Magdamagang Pagdiriwang sa Pasko ng Muling Pagkabuhay 271 IKALAWANG YUGTO: Ang Pagpapahayag ng Salita ng Diyos Sa pagdiriwang na ito, na siyang ina ng Magdamagang Pagdiriwang, siyam na pagbasa ang nakalaan, pito mula sa Matandang Tipan at dalawa mula sa Bagong Tipan (ang Sulat at ang Mabuting Balita).Ang bilang ng mga pagbasa buhat sa Matandang Tipan ay maaaring bawasan alinsunod sa kaayusang makabubuti sa pamumuhay kristiyano ng mga nagsisimba, subalit dapat ay huwag kalimutang ang pagbasa ng Salita ng Diyos ay pangunahing sangkap nitong Magdamagang Pagdiriwang ng Pasko ng Pagkabuhay. Tatlo man lamang sanang pagbasa mula sa Matandang Tipan ay ipahayag bagama t kung may mabigat na dahilan, maaari rin namang ito y maging dalawa. Ang pagbasa mula sa ika-14 na kabanata ng Exodo ay hindi dapat kaligtaan.matapos ang pag-awit ng pagpapahayag na ngayo y Pasko na ng Pagkabuhay, papatayin ang sindi ng mga kandila at uupo ang lahat. Bago simulan ang paglalahad ng mga pagbasa, maaaring ang pari ay magsalita ng ilang pangungusap ng paliwanag katulad ng narito o ng anumang katumbas nito: Mga kapatid, ngayong nasimulan na natin ang Magdamagang Pagdiriwang ng Muling Pagkabuhay, makinig tayong mabuti sa Salita ng Diyos, isaloob natin kung paano niyang ginaganap sa iba t ibang yugto ng kasaysayan ang pagliligtas niya sa mga hinirang na tao. Noon ngang sumapit ang itinakda niyang panahon, ang kanyang sariling Anak ang kanyang sinugo upang maging ating Tagapagligtas. Hilingin natin sa Diyos ang kaganapan ng kaligtasan na nangyayari ngayon sa pagdiriwang ng Pasko ng pagtubos sa tanan. Tagapagpadaloy: Magsiupo ang lahat. lsusunod ngayon ang paglalahad ng mga pagbasa. Isang tagapaglahad ng pagbasa ang paroroon sa mataas na dakong para sa pagbasa at ipahahayag niya ang Salita ng Diyos. Ang tagapamuno naman ng pag-awit ang siyang mangunguna sa pag-awit ng salmo at ang mga tao ay tutugon. Tatayo ang lahat at ipahahayag ng pari ang paanyayang Manalangin tayo. Kapag nakapagdasal na nang tahimik ang lahat, ipahahayag ng pari ang panalangin.

16 272 Sa halip na sagutang pag-awit ng salmo, maaari rin namang magkaroon ng saglit na katahimikan. Kapag ito ang ginawa, hindi na kailangang magkaroon ng patlang pagkatapos ng paanyayang Manalangin tayo. Sa pagdiriwang na ito, siyam na pagbasa ang nakalaan, pito mula sa Matandang Tipan at dalawa mula sa Bagong Tipan. Ang bilang ng mga pagbasa buhat sa Matandang Tipan ay maaaring bawasan alinsunod sa tanging kadahilanan. Tatlo man lamang sanang pagbasa mula sa Matandang Tipan ay ipahayag bagamat kung may mabigat na dahilan, maaari rin namang ito y maging dalawa. UNANG PAGBASA Genesis 1, a Pagbasa mula sa aklat ng Genesis Nang simulang likhain ng Diyos ang lupa at ang langit, sinabi ng Diyos: Ngayon, lalangin natin ang tao. Ating gagawin siyang kalarawan natin. Siya ang mamamahala sa mga isda, mga ibon at lahat ng hayop, maging maamo o mailap, malaki o maliit. Nilalang nga ng Diyos ang tao ayon sa kanyang larawan. Lumalang siya ng isang lalaki at isang babae, at sila y pinagpala. Wika niya, Magpakarami kayo at punuin ng inyong mga supling ang buong daigdig, at pamahalaan ito. Binibigyan ko kayo ng kapangyarihan sa mga isda, sa mga ibon, at sa lahat ng maiilap na hayop, maging malalaki o maliliit. Bibigyan ko rin kayo ng lahat ng uri ng butil at mga bungangkahoy na inyong makakain. Ang lahat ng halamang luntian ay ibibigay ko naman sa maiilap na hayop, malaki man o maliit, at sa lahat ng mga ibon. At ito nga ang nangyari. Pinagmasdan ng Diyos ang lahat niyang ginawa, at lubos siyang nasiyahan. Ang Salita ng Diyos. Bayan: Salamat sa Diyos!

17 Ang Magdamagang Pagdiriwang sa Pasko ng Muling Pagkabuhay 273 SALMONG TUGUNAN Salmo 103, 1-2a at at 35k Espiritu mo y suguin Poon, tana y yong baguhin. Pinupuri ka, Poong Diyos, nitong aking kaluluwa ikaw Panginoong Diyos ko, kay dakila mong talaga! Ang taglay mong kasuuta y dakila ri t marangal pa. Nababatbat ka, Poong Diyos, ng liwanag na kay ganda. (Tugon) Ikaw na rin ang nagtayo ng saligan nitong lupa, matatag na ginawa mo t hindi ito mauuga. Ang ibabaw ng saliga y ginawa mong karagatan, at tubig din ang bumalot sa lahat ng kabundukan. (Tugon) Lumilikha ka ng ilog na patungong kapatagan, sa gilid ng mga burol, umaagos na marahan. Sa naroong kakahuya y umaawit ng masaya, mga ibo y nagpupugad sa malabay nilang sanga. (Tugon) Magmula sa kalangitan, mga bundok ay nadilig, ibinuhos ang biyaya t lumaganap sa daigdig. Tumubo ang mga damong pagkain ng mga baka. Nagkaroon ng halamang masaganang namumunga; anupa t ang mga tao y may pagkaing nakukuha. (Tugon) Sa daigdig, Panginoon, kay rami ng iyong likha pagkat ikaw ay marunong kaya ito ay nagawa, ang dami ng nilikha mong nakalaganap sa lupa Panginoo y purihin mo, purihin mo, kaluluwa! Purihin ang Panginoon, o purihin mo nga siya! (Tugon)

18 274 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, lahat ng iyong mga nilikha ay ikaw ang itinatampok. Nawa y maisaloob ng iyong mga tinubos na ang daigdig sa pasimula ay lalo mo pang pinadakila sa mga huling panahon ng pagsagip ni Kristo na siyang inihaing Korderong pamasko na kasama ng Espiritu Santo magpasawalang hanggan. B: Amen. Tagapagpadaloy: Magsiupo ang lahat. IKALAWANG PAGBASA Genesis 22, a Pagbasa mula sa aklat ng Genesis Noong mga araw na iyon: Sinubok ng Diyos si Abraham. Tinawag siya ng Diyos at tumugon naman siya. Sinabi sa kanya, Isama mo ang pinakamamahal mong anak na si Isaac, at magpunta kayo sa lupain ng Moria. Umakyat kayo sa bundok na ituturo ko sa iyo, at ihandog mo siya sa akin.

19 Ang Magdamagang Pagdiriwang sa Pasko ng Muling Pagkabuhay 275 Pagsapit nila sa dakong itinuro ng Diyos, gumawa ng dambana si Abraham. Inayos niya sa ibabaw nito ang panggatong. Nang sasaksakin na niya ang bata, tinawag siya ng anghel ng Panginoon at mula sa langit ay sinabi: Abraham, Abraham! Huwag mong patayin ang bata. Huwag mo siyang saktan! Naipakita mo nang handa kang sumunod sa Diyos, sapagkat hindi mo ipinagkait sa kanya ang kaisaisa at pinakamamahal mong anak. Paglingon niya y may nakita siyang isang lalaking tupa na ang mga sungay ay napasabit sa mga sanga ng kahoy. Ito ang kinuha ni Abraham at inihandog kapalit ng kanyang anak. Mula sa langit, nagsalitang muli kay Abraham ang anghel ng Panginoon. Wika nito, Akong Panginoon ang nangangako sa iyo: yamang hindi mo ipinagkait sa akin ang kaisa-isa mong anak, pagpapalain kita. Ang lahi mo y magiging sindami ng bituin sa langit at ng buhangin sa dagat. Lulupigin nila ang mga lungsod ng kanilang mga kaaway. Sa pamamagitan ng iyong lahi, pagpapalain ang lahat ng bansa sa daigdig sapagkat ikaw ay tumalima sa akin. Ang Salita ng Diyos. Bayan: Salamat sa Diyos!

20 276 SALMONG TUGUNAN Salmo 15, 5 at D yos ko, ang aking dalangi y ako y iyong tangkilikin. Ikaw lamang, Panginoon, ang lahat sa aking buhay. Ako y iyong tinutugon sa lahat kong kailangan; ang biyayang kaloob mo ay kahanga hangang tunay. Nababatid ko na ika y kasama ko oras-oras, sa piling mo kailanma y hindi ako matitinag. (Tugon) Kaya t ako y nagdiriwang, ang diwa ko y nagagalak, ang lagi kong nadarama y hindi ako matitinag. Pagkat di mo tutulutang ang mahal mo ay malagak, sa balon ng mga patay upang doon ay maagnas. (Tugon) Ituturo mo ang landas na buhay ang hahantungan, sa piling mo y madarama ang lubos na kagalakan; ang tulong mo y nagdudulot ng ligayang walang hanggan. (Tugon)

21 Ang Magdamagang Pagdiriwang sa Pasko ng Muling Pagkabuhay 277 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, pinararami mo sa sanlibutan ang mga anak na sa pangako mo y sumilang bunga ng paglawak ng saklaw ng iyong paghirang. Sa pagbibinyag, ginagawa mong matupad ang iyong pangakong si Abraham ay maging ama ng lahat. Ipagkaloob mong ang iyong sambayanan ay marapat na makatugon sa iyong panawagan sa pamamagitan ni Hesukristo kasama ng Espiritu Santo magpasawalang hanggan. B: Amen. Tagapagpadaloy: Magsiupo ang lahat. IKATLONG PAGBASA Exodo 14, 15-15, 1 Pagbasa mula sa aklat ng Exodo Noong mga araw na iyon: Sinabi ng Panginoon kay Moises, Bakit mo ako tinatawag? Palakarin mo ang mga Israelita. Itapat mo sa ibabaw ng dagat ang iyong tungkod; mahahati ang tubig at matutuyo ang lalakaran ninyo.

22 278 Lalo kong pagmamatigasin ang mga Egipcio at pasusundan ko kayo sa kanila, ngunit doon sila lilipulin: ang mga Egipcio, ang mga kawal ng Faraon, pati ang kanilang mga karwahe. Ipakikita ko sa kanila ang aking kapangyarihan. Sa gayon, malalaman ng mga Egipciong iyan na ako ang Panginoon. Ang anghel ng Diyos na pumapatnubay sa paglalakbay ng mga Israelita ay nagpatihuli sa kanila, gayon din ang haliging ulap. Ang ulap ay lumagay sa pagitan ng mga Israelita at ng mga Egipcio at lumatag ang kadiliman. Dumating ang gabi at ang mga Egipcio ay di makalapit sa mga Israelita. Itinapat ni Moises ang kanyang tungkod sa ibabaw ng dagat. Magdamag na pinaihip ng Panginoon ang isang malakas na hangin mula sa silangan at nahati ang tubig. Ang mga Israelita y bumagtas sa dagat na ang nilakara y tuyong lupa, sa pagitan ng animo y pader na tubig. Hinabol sila ng mga Egipcio, ng mga kawal, karwahe at kabayuhan ng Faraon. Nang magbubukang-liwayway na, ang mga Egipcio y ginulo ng Panginoon mula sa haliging apoy at ulap. Nalubog ang gulong ng mga karwahe at hindi na sila makatugis nang matulin. Kaya sinabi nila, Umalis na tayo rito sapagkat ang Panginoon na ang kalaban natin. Sinabi ng Panginoon kay Moises, Itapat mo ang iyong tungkod sa ibabaw ng dagat at tatabunan ng tubig ang mga Egipcio pati ng kanilang karwahe. Ganoon nga ang ginawa ni Moises, at pagbubukang-liwayway,nanumbalik sa dati ang dagat. Ang mga Egipcio y nagsikap makatakas ngunit pinalakas ng Panginoon ang dating ng tubig kaya t sila y nalunod na lahat.

23 Ang Magdamagang Pagdiriwang sa Pasko ng Muling Pagkabuhay 279 Nang manauli ang dagat, natabunan ang mga karwahe t kabayo ng Faraon, pati ng kanyang mga kawal at walang natira isa man. Ngunit ang mga Israelita y nakatawid sa dagat, na tuyo ang dinaanan, sa pagitan ng animo y pader na tubig. Nang araw na yaon ang mga Israelita y iniligtas ng Panginoon sa mga Egipcio; nakita nila ang bangkay ng mga Egipcio, nagkalat sa baybay-dagat. Dahil sa kapangyarihang ipinakita ng Panginoon laban sa mga Egipcio, nagkaroon sila ng takot sa kanya at sumampalataya sila sa kanya at sa alagad niyang si Moises. Ito ang inawit ni Moises at ng mga Israelita para sa Panginoon: Ang Panginoo y atin ngayong awitan sa kanyang kinamtang Dakilang tagumpay; ang mga kabayo t kawal ng kaaway sa pusod ng dagat, lahat natabunan. Ang Salita ng Diyos. Bayan: Salamat sa Diyos!

24 280 SALMONG TUGUNAN Exodo 15, Poon ay ating awitan sa kinamtan n yang tagumpay. Ang Panginoo y atin ngayong awitan sa kanyang kinamtang Dakilang tagumpay; ang mga kabayo t kawal ng kaaway sa pusod ng dagat, lahat natabunan. Ako y pinalakas niya t pinatatag, Siya ang sa aki y nagkupkop, nag-ingat, Diyos ng magulang ko, aking manliligtas. (Tugon) Siya y mandirigma na walang kapantay, Panginoo y kanyang pangalan. Nang ang mga kawal ng Faraon sa Dagat ng mga Tambo ay mangagsilusong, ang lahat ng ito ay kanyang nilunod pati na sasakya y kanyang pinalubog. (Tugon) Sila y natabunan ng alon ng dagat, tulad nila y batong lumubog kaagad. Ang mga bisig mo ay walang katulad, wala ngang katulad, walang kasinlakas, Sa isang hampas mo, kaaway nangalat, nangadurog mandin sa yong mga palad. (Tugon) Sila y dadalhin mo sa pinili mong bundok. Sa lugar na itinangi mo, para maging iyong lubos at sa santwaryong natayo ayon sa iyong loob. Ikaw, Poon, maghahari magpakailanman. (Tugon)

25 Ang Magdamagang Pagdiriwang sa Pasko ng Muling Pagkabuhay 281 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, ang idinudulot mong pagpapalaya noon ay sa iyong sambayanan mula sa pang-aapi ng haring sa kanila y nagpapatay ay nababanaagan namin kahit sa aming kapanahunan sa inyong pagliligtas na iyong ginaganap sa muling pagsilang ng mga bininyagang mula sa iba t ibang bansa at bayan. Ipagkaloob mong ang pagiging anak ni Abraham at ang dangal na sa Israel mapabilang ay maging lubos na kapalaran ng sanlibutan sa pamamagitan ni Hesukristo kasama ng Espiritu Santo magpasawalang hanggan. B: Amen. Tagapagpadaloy: Magsiupo ang lahat.

26 282 IKAAPAT NA PAGBASA Isaias 54, 5-14 Pagbasa mula sa aklat ni propeta Isaias Ang iyong naging kasintaha y ang may likha sa iyo, Siya ang Makapangyarihang Panginoon; ililigtas ka ng Diyos ng Israel, Siya ang hari ng lahat ng bansa. Israel, ang katulad mo ay babaing bagong kasal, iniwan ng asawa, batbat ng kalungkutan. Ngunit tinawag kang muli ng Panginoon sa kanyang piling at sinabi: Sandaling panahong kita y iniwanan ngunit dahil sa tapat kong pag-ibig, muli kitang kukupkupin. Sa tindi ng galit nilisan kita sandali, ngunit habang panahon kong ipadarama sa iyo ang tapat kong pagmamahal. Iyan ang sabi ng Panginoon na nagligtas sa iyo. Nang panahon ni Noe, Ako ay sumumpang di na mauulit na ang mundong ito y gunawin sa tubig. Gayon din sa ngayon, iiwasan ko nang sa iyo y magalit at hindi na kita parurusahan uli. Maguguho ang mga bundok at ang mga burol, ngunit ang pag-ibig ko y hindi maglalaho, at mananatili ang kapayapaang aking pangako.

27 Ang Magdamagang Pagdiriwang sa Pasko ng Muling Pagkabuhay 283 Iyan ang sinasabi ng Diyos na Panginoon, na nagmamahal sa iyo. Sinabi ng Panginoon, O Jerusalem, nagdurusang lungsod na walang umaliw sa kapighatian, muling itatayo ang mga pundasyon mo, ang gagamitin ko y mamahaling bato. Gagamiti y rubi sa mga tore mo, batong maningning ang iyong pintuan, at sa mga pader ay mga hiyas na makinang. Ako ang magtuturo sa iyong mga anak. sila y magiging payapa at buhay ay uunlad. Patatatagin ka ng katarungan at katuwiran, magiging malayo sa mananakop at sa takot. Ang Salita ng Diyos. Bayan: Salamat sa Diyos!

28 284 SALMONG TUGUNAN Salmo 29, 2 at at 12a at 13b Poong sa aki y nagligtas, ang dangal mo y aking galak. O Panginoon ko, sa iyong ginawa, kita y pinupuri t ako y iniligtas, kaya ang kaaway ay di na nakuhang matuwa t magalak. Mula sa libingang daigdig ng patay, hinango mo ako at muling binuhay; ako, na kasama nilang napabaon sa kailaliman. (Tugon) Purihin ang Poon, Siya ay awitan ng lahat ng tapat na mga hinirang. Iyong gunitain ang mga ginawa ng Diyos na Banal, ang kanyang ginawa ay alalahanin at pasalamatan! Hindi nagtatagal yaong kanyang galit, at ang kabutihan niya y walang wakas. Ang abang may hapis at tigmak sa luha sa buong magdamag, sa bukang-liwayway ay wala nang lungkot, kapalit ay galak. (Tugon) Poong sa aki y nagligtas, ang dangal mo y aking galak. Kaya t ako y dinggin, Ikaw ay mahabag sa akin, O Poon, ako ay pakinggan, mahabag ka, Poon! Ako ay dinggin mo at iyong tulungan. Nadama ko y galak nang iyong hubarin ang aking panluksa. Sa pasasalamat sa iyo, O Poon, ay di magsasawa. (Tugon)

29 Ang Magdamagang Pagdiriwang sa Pasko ng Muling Pagkabuhay 285 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, sa ikadarakila ng iyong ngalan paramihin mo ang mga nakikinabang sa iyong pagpapalang bigay sa mga ninuno namin sa pagsampalataya sa iyong katapatan. Ngayong ang iyong paghirang ay sanlibutan na ang saklaw ang matibay na pinanaligan ng mga ninuno naming banal ay matanto nawa naming nagkaroon na ng malaking katuparan sa pamamagitan ni Hesukristo kasama ng Espiritu Santo magpasawalang hanggan. B: Amen. Tagapagpadaloy: Magsiupo ang lahat.

30 286 IKALIMANG PAGBASA Isaias 55, 1-11 Pagbasa mula sa aklat ni propeta Isaias Sinabi ng Panginoon, Narito ang tubig, mga nauuhaw. Ang mga walang salapi ay kumuha rito at bumili ng pagkain. Halikayo at bumili ng alak at gatas, bumili kayo, ngunit walang bayad. Bakit ginugugol ang salapi sa mga bagay na hindi nakabubusog? Bakit inuubos ang pera sa mga bagay na walang halaga? Makinig kayo sa akin at sundin ang utos ko at matitikman ninyo ang pinakamasarap na pagkain. Pumarito kayo, kayo ay lumapit at ako y pakinggan, makinig sa akin nang kayo y mabuhay; ako y may gagawing walang hanggang tipan, at ipalalasap sa inyo ang pagpapalang ipinangako ko kay David. Ginawa ko siyang hari at puno ng mga bansa at sa pamamagitan niya y ipinamalas ang aking kapangyarihan. Iyong tatawagin ang mga bansang hindi mo kilala, mga bansang di ka kilala y sa iyo pupunta, dahilan sa Panginoon, Banal ng Israel, ang Diyos na nagpala t sa iyo y dumakila.

31 Ang Magdamagang Pagdiriwang sa Pasko ng Muling Pagkabuhay 287 Hanapin ang Panginoon samantalang siya y iyong makikita, Siya ay tawagin habang malapit pa. Ang mga gawain ng taong masama y dapat nang talikdan, at ang mga liko y dapat magbago na ng maling isipan; sila y manumbalik, lumapit sa Panginoon upang kahabagan, at mula sa Diyos, matatamo nila ang kapatawaran, ang wika ng Panginoon: Ang aking isipa y di ninyo isipan, at magkaiba ang ating daan. Kung paanong ang langit higit na mataas, mataas sa lupa, ang daa t isip ko y hindi maaabot ng inyong akala. Ang ulan at niyebe paglagpak sa lupa y di na nagbabalik, aagos na ito sa balat ng lupa t nagiging pandilig, Kaya may pagkai t butil na panghasik. Ganyan din ang aking mga salita, magaganap nito ang lahat kong nasa. Ang Salita ng Diyos. Bayan: Salamat sa Diyos!

32 288 SALMONG TUGUNAN Isaias 12, bkd. 5-6 May galak tayong sumalok sa batis ng Manunubos. Ang Diyos ang siyang nagliligtas sa akin, tiwalang-tiwala ako at wala munti mang pangamba. Sapagkat ang Poon ang lahat sa akin, Siya ang aking awit, ang aking kaligtasan. Malugod kayong sasalok ng tubig sa batis ng kaligtasan. (Tugon) Magpasalamat kayo sa Poon, Siya ang inyong tawagan; ipaalam ninyo sa mga bansa ang kanyang ginawa. Ipahayag ninyo ang kadakilaan ng kanyang pangalan. (Tugon) Umawit kayo ng papuri sa Poon, sapagkat kahanga-hanga ang kanyang mga ginawa, ipahayag ninyo ito sa buong daigdig. Mga anak ng Sion, umawit kayo nang buong galak, sapagkat nasa piling ninyo ang dakila at ang Banal ng Israel. (Tugon)

33 Ang Magdamagang Pagdiriwang sa Pasko ng Muling Pagkabuhay 289 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, ang sanlibutan ay walang ibang inaasahan kundi ikaw na sa pahayag ng iyong mga propeta ay naglalahad ng iyong balak na maganda. Malugod mong pagyamanin ang aming pananalig sapagka t wala kaming makakamit nang hindi mo iniibig para kami y sa iyo mapalapit sa pamamagitan ni Hesukristo kasama ng Espiritu Santo magpasawalang hanggan. B: Amen. Tagapagpadaloy: Magsiupo ang lahat.

34 290 IKA-ANIM NA PAGBASA Baruc 3, , 4 Pagbasa mula sa aklat ni propeta Baruc Dinggin mo, Israel, ang mga kautusang nagbibigay-buhay; makinig ka at nang ikaw ay matuto. Israel, bakit ka nasa lupain ng iyong mga kaaway? Bakit ka tumanda sa ibang lupain? Bakit itinakwil kang parang patay at ibinilang na sa mga patay? Ang dahilan ay sapagkat itinakwil mo ang bukal ng Karunungan. Kung lumakad ka lang sa landas ng Diyos, sana y namumuhay kang matiwasay sa habang panahon. Hanapin mo ang bukal ng pang-unawa, lakas at kaalaman, at malalaman mo kung nasaan ang mahabang buhay, ang liwanag na sa iyo y papatnubay, at ang kapayapaan. May nakatuklas na ba kung saan nakatira ang Karunungan, o nakapasok sa kanyang taguan ng yaman? Ang Diyos na nakaaalam ng lahat ng bagay ang tanging nakakikilala sa Karunungan. Natatarok din niya ito sa pamamagitan ng kanyang kaalaman. Siya ang lumikha at naglagay dito ng lahat ng uri ng mga hayop. Nag-utos siya at lumitaw ang liwanag; nanginginig ito sa takot kapag siya y tumatawag. Tinawag din niya ang mga tala at madali silang nagsitugon: Narito po kami. Lumagay sila sa kani-kanilang lugar at masayang nagniningning para bigyang lugod ang lumikha sa kanila. Ito ang ating Diyos! Walang makapapantay sa kanya. Alam niya ang daan ng Karunungan, at ito y ipinagkaloob niya sa lingkod niyang si Jacob, kay Israel na kanyang minamahal. Mula noon, nakita na sa daigdigang Karunungan, at nanatili sa sangkatauhan.

35 Ang Magdamagang Pagdiriwang sa Pasko ng Muling Pagkabuhay 291 Ang Karunungan ang siyang aklat ng mga utos ng Diyos, ang batas na mananatili magpakailanman. Ang manghawak dito y mabubuhay, at ang tumalikod ay mamamatay. O bayang Israel, tanggapin ninyo ang Karunungan at lumakad kayo sa kanyang liwanag. Huwag ninyong ibigay sa ibang lahi ang inyong karangalan at mga karapatan. Mapalad tayo, mga Israelita, pagkat alam natin kung ano ang nakasisiya sa Diyos. Ang Salita ng Diyos. Bayan: Salamat sa Diyos!

36 292 SALMONG TUGUNAN Salmo 18, Panginoon, iyong taglay ang Salitang bumubuhay. Ang batas ng Panginoon ay batas na walang kulang, ito y utos na ang dulot sa tao ay bagong buhay; yaong kanyang mga batas ay mapagtitiwalaan, nagbibigay ng talino sa pahat ang kaisipan. (Tugon) Ang tuntuning ibinigay ng Poon ay wastong utos, liligaya ang sinuman kapag ito ang sinunod; ito y wagas at matuwid pagkat mula ito sa Diyos, pang-unawa ng isipan yaong bungang idudulot. (Tugon) Yaong paggalang sa Poon ay marapat at mabuti, isang banal na tungkulin na iiral na parati; pati mga hatol niya y matuwid na kahatulan, kapag siya ang humatol, ang pasiya ay pantay-pantay. (Tugon) Ito y higit pa sa ginto, na maraming nagnanais, higit pa sa gintong lantay na ang hangad ay makamit; matamis pa kaysa pulot, sa pulot na sakdal tamis, kahit anong pulot ito na dalisay at malinis. (Tugon)

37 Ang Magdamagang Pagdiriwang sa Pasko ng Muling Pagkabuhay 293 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, lagi mong pinararami ang iyong tinatawagan sa mga bansa ng sanlibutan. Ipagkaloob mo ang iyong patuloy na pagtangkilik sa iyong mga dinadalisay sa pambinyag na tubig sa pamamagitan ni Hesukristo kasama ng Espiritu Santo magpasawalang hanggan. B: Amen. Tagapagpadaloy: Magsiupo ang lahat.

38 294 IKAPITONG PAGBASA Ezekiel 36, 16-17a Pagbasa mula sa aklat ni propeta Ezekiel Sinabi sa akin ng Panginoon, Tao, nang ang Israel ay unang tumira sa kanilang lupain, pinarumi nila ito sa kanilang kasamaan. At dahil sa dugong pinadanak nila sa lupain, at dahil sa kanilang mga diyus-diyusan, ibinuhos ko sa kanila ang aking matinding poot. Itinapon ko sila at ikinalat sa iba t ibang panig ng daigdig. Ginawa ko sa kanila ang nararapat sa kanila. Ngunit sa mga lugar na kinatapunan nila, binigyang-daan nila ang mga tao upang hamakin ang aking pangalan. Sinabi ng mga tao sa kanila, Hindi ba sila y mga mamamayan ng Panginoon, bakit pinaalis sa kanilang bayan? Nabahala ako dahil sa banal kong pangalan na ipinahamak ng mga Israelita sa mga dakong kinapuntahan nila. Kaya sabihin mo sa Israel na ito ang ipinasasabi ko: Lahat ng ginagawa ko ay hindi dahil sa inyo, mga Israelita, kundi sa banal kong pangalan na inyong binigyan-daang hamakin sa mga lugar na pinagtapunan ko sa inyo. Ipakikita ko ang kabanalan ng dakila kong pangalan na nalapastangan sa harap ng mga bansa. Makikilala ng lahat na ako ang Panginoon kung maipakita ko na sa kanila ang aking kabanalan. Titipunin ko kayo mula sa iba t ibang bansa upang ibalik sa inyong bayan. Wiwisikan ko kayo ng tubig na dalisay upang kayo y luminis. Aalisin ko rin ang naging mantsa ninyo dahil sa inyong mga diyus-diyusan.

39 Ang Magdamagang Pagdiriwang sa Pasko ng Muling Pagkabuhay 295 Bibigyan ko kayo ng bagong puso at bagong espiritu. Ang masuwayin ninyong puso ay gagawin kong masunurin. Bibigyan ko kayo ng aking Espiritu upang makalakad kayo ayon sa aking mga tuntunin at masunod ninyong mabuti ang aking mga utos. Ititira ko kayo sa lupaing ibinigay ko sa inyong mga ninuno. Kayo ay magiging bayan ko at ako ang inyong Diyos. Ang Salita ng Diyos. Bayan: Salamat sa Diyos!

40 296 SALMONG TUGUNAN Salmo 41, 3. 5bkd; Salmo 42, 3. 4 Parang usang nauuhaw akong sabik sa Maykapal. Nananabik ako sa Diyos, Diyos na buhay, walang iba; kailan kaya maaaring sa harap mo ay sumamba? (Tugon) Papunta sa templo ng Diyos ako ang siyang nangunguna; pinupuri namin ang Diyos, sa pag-awit na masaya! (Tugon) Ang totoo t ang liwanag, buhat sa yo ay pakamtan, upang sa Sion ay mabalik, sa bundok mong dakong banal sa bundok mong pinagpala, at sa templo mong tirahan. (Tugon) Sa dambana mo, O Diyos, ako naman ay dudulog, yamang galak at ligaya ang sa aki y iyong dulot; sa saliw ng aking alpa y magpupuri akong lubos buong lugod na aawit ako sa Diyos na aking Diyos! (Tugon)

41 Ang Magdamagang Pagdiriwang sa Pasko ng Muling Pagkabuhay 297 PANALANGIN Tagapagpadaloy: Magsitayo ang lahat. Tagapagdiwang: Manalangin tayo. Ama naming makapangyarihan, ang lakas mo ay hindi nababawasan, ang liwanag mo ay nagniningning kailanman. Tunghayan mo ang pagdiriwang ng iyong sambayanan at ganapin mo ang iyong pagsagip sa tanan. Nawa y madama at mamalas ng sanlibutan na ang mga hamak ay idinarangal, ang mga nasa lumang kasalanan ay napagbago na naman at kay Kristo nagkakaugnay-ugnay ang tanan sapagka t siya ang pinagsisimulan ngayon at magpasawalang hanggan. B: Amen.

42 298 Pagkatapos ng Huling Pagbasa mula sa Matandang Tipan at ng salmong tugunan at kaugnay na panalangin, ang mga kandila sa dambana ay sisindihan at ang iba pang ilaw ng Simbahan. Pasisimulan ng pari ang pag-awit ng Papuri sa Diyos, na itutuloy namang awitin ng lahat ng nagsisimba. Tutugtugin ang mga batingaw, alinsunod sa umiiral na kaugalian. Sa katapusan ng pag-awit, isusunod ng pari ang pagpapahayag ng pambungad na panalangin, ayon sa dating paraan. Patutunugin muli ang mga kampana ng Simbahan. Ilalagay ang mga bulaklak, kandila at mantel sa altar. Aalisan ng lambong ang mga Santong may takip. PAPURI Papuri sa Diyos sa kaitaasan at sa lupa y sa mga taong kinalulugdan niya. Pinupuri ka namin, dinarangal ka namin, sinasamba ka namin, ipinagbubunyi ka namin, pinasasalamatan ka namin dahil sa dakila mong angking kapurihan. Panginoong Diyos, Hari ng langit, Diyos Amang makapangyarihan sa lahat. Panginoong Hesukristo, Bugtong na Anak, Panginoong Diyos, Kordero ng Diyos, Anak ng Ama. Ikaw na nag-aalis ng mga kasalanan ng sanlibutan, maawa ka sa amin. Ikaw na nag-aalis ng mga kasalanan ng sanlibutan, tanggapin mo ang aming kahilingan. Ikaw na nalulklok sa kanan ng Ama, maawa ka sa amin. Sapagkat ikaw lamang ang banal ikaw lamang ang Panginoon, ikaw lamang, O Hesukristo, ang Kataas-taasan, kasama ng Espiritu Santo sa kadakilaan ng Diyos Ama. Amen.

43 Ang Magdamagang Pagdiriwang sa Pasko ng Muling Pagkabuhay 299 PANALANGING PAMBUNGAD Tagapagdiwang: Manalangin tayo. Ama naming makapangyarihan, ang kabanal-banalang gabing ito ay pinagliliwanag mo sa kadakilaan ng pagkabuhay ni Kristo. Antigin mo ang Espiritu ng pagkupkop mo upang sa pagbabago ng aming buong pagkatao, kami y wagas na makapaglingkod sa iyo, sa pamamagitan ni Hesukristo kasama ng Espiritu Santo magpasawalang hanggan. Bayan: Amen. Tagapagpadaloy: Magsiupo ang lahat.

44 300 SULAT Roma 6, 3-11 Pagbasa mula sa sulat ni Apostol San Pablo sa mga taga-roma Mga kapatid: Hindi ba ninyo nalalaman na tayong lahat na nabinyagan kay Kristo Hesus ay nabinyagan sa kanyang kamatayan? Samakatwid, tayo y namatay at nalibing na kasama niya sa pamamagitan ng binyag upang kung paanong binuhay na muli si Kristo sa pamamagitan ng dakilang kapangyarihan ng Ama, tayo nama y mabuhay sa isang bagong pamumuhay. Sapagkat kung nakaisa tayo ni Kristo sa isang kamatayang tulad ng kanyang kamatayan, tiyak na makakaisa niya tayo sa isang muling pagkabuhay tulad ng kanyang pagkabuhay. Alam natin na ang dati nating pagkatao ay ipinakong kasama niya upang mamatay ang makasalanang katawan at nang hindi na tayo maalipin pa ng kasalanan. Sapagkat ang namatay na ay pinalaya mula sa kapangyarihan ng kasalanan. Ngunit tayo y naniniwalang mabubuhay tayong kasama ni Kristo kung namatay tayong kasama niya. Alam nating si Kristo na muling binuhay ay hindi na muling mamamatay. Wala nang kapangyarihan sa kanya ang kamatayan. Nang siya y mamatay, namatay siya nang minsanan para sa kasalanan, at ang buhay niya ngayo y para sa Diyos. Kaya dapat ninyong ibilang ang inyong sarili na patay na sa kasalanan datapwa t buhay naman para sa Diyos sa inyong pakikipag-isa kay Kristo Hesus. Ang Salita ng Diyos. Bayan: Salamat sa Diyos!

45 Ang Magdamagang Pagdiriwang sa Pasko ng Muling Pagkabuhay 301 Pagkabasa ng sulat, lahat ay tatayo at maringal na pasisimulan ng pari ang pag-awit ng Aleluya na uulitin naman ng nagsisimba. Ipahahayag ng taga-awit ang salmo at sa bawat taludtod ang lahat ay sasagot ng aleluya. Kung kinakailangan maaari rin namang ang taga-awit na ito ang siyang magpasimula ng Aleluya. Tagapagdiwang: Minamahal kong mga kapatid, Hatid ko ang isang magandang balita, Ang Mabuting Balita ng Aleluya Aleluya Tagapagpadaloy: Magsitayo ang lahat. Uupo ang Tagapagdiwang at lalagyan ng insenso ang insensaryo at bebendisyunan ang diyakono na magbabasa ng Mabuting Balita.

46 302 SALMONG TUGUNAN Salmo 117, ab Aleluya! Aleluya! Aleluya! O pasalamatan ang D yos na Panginoon, pagkat siya y mabuti; ang kanyang- pag-ibig ay napakatatag at mananatili. Ang taga-israel, bayaang sabihi t kanilang ihayag, Ang pag-ibig ng Diyos, ay hindi kukupas. (Tugon) Ang lakas ng Poon, ang siyang nagdulot ng ating tagumpay sa pakikibaka sa ating kaaway. Aking sinasabing di ako papanaw, mabubuhay ako upang isalaysay ang gawa ng Diyos na Panginoon ko. (Tugon) Aleluya! Aleluya! Aleluya! Ang batong natakwil ng nangagtatayo ng tirahang-bahay, sa lahat ng bato y higit na mahusay. Ang lahat ng ito ang nagpamalas ay ang Panginoong Diyos. kung iyong mamasdan ay kalugud-lugod. (Tugon) Hindi gagamit ng kandila sa Ebanghelaryo, sapat na ang kandila ng Paskwa.

47 Ang Magdamagang Pagdiriwang sa Pasko ng Muling Pagkabuhay 303 MABUTING BALITA A Mateo 28, 1-10 P. Sumainyo ang Panginoon. B. At sumaiyo rin. Ang Mabuting Balita ng Panginoon ayon kay San Mateo B. Papuri sayo Panginoon. Makaraan ang Araw ng Pamamahinga, pagbubukangliwayway ng unang araw ng sanlinggo, pumunta sa libingan ni Hesus si Maria Magdalena at ang isa pang Maria. Biglang lumindol nang malakas. Bumaba mula sa langit ang isang anghel ng Panginoon, iginulong ang batong nakatakip sa libingan, at naupo sa ibabaw niyon. Ang kanyang mukha ay nakasisilaw na parang kidlat at kasimputi ng busilak ang kanyang damit. Nanginig sa takot ang mga bantay at nabulagtang animo y patay nang makita ang anghel. Ngunit sinabi nito sa mga babae, Huwag kayong matakot; alam kong hinahanap ninyo si Hesus na ipinako sa krus. Wala na siya rito, sapagkat siya y muling nabuhay tulad ng kanyang sinabi. Halikayo, tingnan ninyo ang pinaglagyan sa kanya. Lumakad na kayo at ibalita sa kanyang mga alagad na siya y muling nabuhay at mauuna sa Galilea. Makikita ninyo siya roon! Tandaan ninyo ang sinabi ko sa inyo. At dali-dali silang umalis ng libingan. Pinagharian sila ng magkahalong takot at galak. At patakbong nagpunta sa mga alagad upang ibalita ang nangyari.

48 304 Ngunit sinalubong sila ni Hesus at binati. At lumapit sila, niyakap ang kanyang paa at sinamba siya. Sinabi sa kanila ni Hesus, Huwag kayong matakot! Humayo kayo at sabihin sa mga kapatid ko na pumunta sila sa Galilea at makikita nila ako roon! Ang Mabuting Balita ng Panginoon. Tagapagpadaloy: Pinupuri ka namin Panginoong Hesukristo Marcos 16, 1-7 B P. Sumainyo ang Panginoon. B. At sumaiyo rin. Ang Mabuting Balita ng Panginoon ayon kay San Marcos B. Papuri sayo Panginoon. Pagkaraan ng Araw ng Pamamahinga, si Maria Magdalena, si Mariang ina ni Santiago at si Salome ay bumili ng pabango upang ipahid sa bangkay ni Hesus. At nang Linggo ng umaga, pagsikat ng araw, sila y nagpunta sa libingan. Nag-uusap-usap sila habang daan: Sino kaya ang ating mapakikiusapang magpagulong ng batong nakatakip sa pintuan ng libingan? Napakalaki ng batong iyon kaya gayon ang sabi nila. Nguni t nang tanawin nila ang libingan, nakita nilang naigulong na ang bato. Pagpasok nila sa libingan, nakita nilang nakaupo sa gawing kanan ang isang binatang nararamtan ng mahaba at puting damit. At sila y natakot. Huwag kayong matakot, sabi ng lalaki.

49 Ang Magdamagang Pagdiriwang sa Pasko ng Muling Pagkabuhay 305 Hinahanap ninyo si Hesus, ang taga-nazaret na ipinako sa krus. Wala na siya rito siya y muling nabuhay! Tingnan ninyo ang pinaglagyan sa kanya. Kaya, humayo kayo at sabihin ninyo sa mga alagad, lalo na kay Pedro, na mauuna siya sa inyo sa Galilea. Makikita ninyo siya roon, gaya ng sinabi niya sa inyo. Ang Mabuting Balita ng Panginoon. Tagapagpadaloy: Pinupuri ka namin Panginoong Hesukristo Lucas 24, 1-12 K P. Sumainyo ang Panginoon. B. At sumaiyo rin. Ang Mabuting Balita ng Panginoon ayon kay San Lucas B. Papuri Sayo Panginoon. Umagang-umaga nang araw ng Linggo, ang mga babae y nagtungo sa libingan, dala ang mga pabangong inihanda nila. Nang dumating sila, naratnan nilang naigulong na ang batong nakatakip sa pintuan ng libingan. Nguni t nang pumasok sila, wala ang bangkay ng Panginoong Hesus. Samantalang nagugulo ang kanilang isip tungkol dito, nakita nila t sukat sa tabi nila ang dalawang lalaking nakasisilaw ang damit. Dahil sa matinding takot, sila y lumuhod, sayad ang mukha sa lupa.

50 306 Tinanong sila ng mga lalaki, Bakit ninyo hinahanap ang buhay sa gitna ng mga patay? Wala na siya rito siya y muling nabuhay! Alalahanin ninyo ang sinabi niya sa inyo noong nasa Galilea pa siya: Ang Anak ng Tao ay kailangang maipagkanulo sa mga makasalanan at maipako sa krus, at sa ikatlong araw ay muling mabuhay. At naalaala ng mga babae ang mga sinabi niya. Pagbabalik mula sa libingan, isinalaysay nila ang lahat ng ito sa Labing-isa at sa iba pang kasama nila. Ang mga babaing ito y sina Maria Magdalena, Juana, at Mariang ina ni Santiago; sila at ang iba pang mga babaing kasama nila ang nagbalita nito sa mga apostol. Nguni t inakala ng mga apostol na kahibangan lamang ang kanilang sinabi, kaya hindi nila pinaniwalaan ang mga babae. Gayunma y tumindig si Pedro at patakbong nagpunta sa libingan. Yumukod siya at pagtingin sa loob ay wala siyang nakita kundi ang mga kayong lino. Kaya t umuwi siyang nagtataka sa nangyari. Ang Mabuting Balita ng Panginoon. Tagapagpadaloy: HOMILIYA Tagapagpadaloy: Pinupuri ka namin Panginoong Hesukristo Manatili po tayong nakaupo. Ngayon po ay Masasaksihan natin ang Pagdiriwang ng Pagbibinyag, tinatawagan namin si / sina N. magpunta sa harapan ng Altar.

51 Ang Magdamagang Pagdiriwang sa Pasko ng Muling Pagkabuhay 307 IKATLONG YUGTO: Ang Pagdiriwang ng Pagbibinyag Ang tagapagdiwang at mga tagapaglingkod ay paroroon sa pook ng pagbibinyag, kung ito y lantad sa paningin ng mga nagsisimba. Kung hindi ito lantad, ang kinalalagyan ng tubig ay dadalhin sa dako ng dambana. Kung may bibinyagan, sila y tatawagin upang lumapit sa unahan at maiharap ng mga ninong at ninang nila sa pari. Kung mga bata ang bibinyagan, ang mga magulang at mga ninong at ninang ang magdadala sa mga ito sa harapan ng mga natitipong tao. Kung mayroong mga bibinyagan: Tagapagdiwang: Sa mga pagluhog natin, mga minamahal na kapatid, tulungan natin ang ating mga kapatid na may pananalig upang ang Ama nating makapangyarihan ay siyang tumangkilik sa mga isisilang sa binyag pakundangan sa kanyang pag-ibig. Kung ang kinalalagyan ng tubig pambinyag ay babasbasan, bagama t WALANG BIBINYAGAN, ganito ang maaaring sabihin ng pari: Ang pagbabasbas ng Ama nating makapangyarihan ay ating hilingin, mga kapatid kong minamahal, upang ito ay lumukob sa tubig na pagbibinyagan para mapabilang kay Kristo ang mga muling isisilang. Ang pagtawag sa mga banal ay aawitin ng mga namumunong dalawang taga-awit. Lahat ng nagsisimba ay tatayo alinsunod sa kaugaliang umiiral sa buong panahon ng Pagkabuhay at sila y tutugon. Kung may prusisyong mahaba patungo sa pook ng pagbibinyag, gagawin ang pagtawag sa mga banal habang nagpuprusisyon. Sa ganitong kaayusan, ang mga bibinyagan ay tatawagin muna upang lumapit at saka pa lamang sisimulan ang prusisyon. Ganito ang pagkakasunud-sunod ng mga kabilang sa prusisyon: ang kandila ng Pasko ng Pagkabuhay ay dadalhin sa unahan, ito y susundan ng mga bibinyagan na sinasabayan ng kanilang mga ninong at ninang, sa gawing huli ang pari at mga tagapaglingkod.