Toolkit upang Labanan ang Transnasyunal na Pang-aabusong Sekswal sa mga Bata. Sama-samang. tiyakin ang kaligtasan ng lahat ng bata sa buong mundo!

Transcription

1 Toolkit upang Labanan ang Transnasyunal na Pang-aabusong Sekswal sa mga Bata Sama-samang tiyakin ang kaligtasan ng lahat ng bata sa buong mundo!

2 Mga Nilalaman Pambungad 1. Pinaiigting ng pamahalaan ng Netherlands ang laban sa transnasyunal na pang-aabusong sekswal sa mga bata 2. Batas na extrateritoryal 3. Pambansang Pulisya ng Netherlands 3.1 Liaison officers 3.2 Pagreport ng kahina-hinalang sitwasyon 3.3 Ang pagrereport ay iba sa paghahain ng reklamo 4. Royal Netherlands Marechaussee 5. ECPAT 5.1 Mga ugnayan ng iba t ibang anyo ng sekswal na pagsasamantala sa mga bata 6. Plan Nederland 7. Meld Kindersekstoerisme.nl 8. Mga instrumentong legal ukol sa karapatan ng mga bata 9. Mga kaugnay na report at pag-aaral 10. Mga Animasyon tungkol sa iba t ibang uri ng mang-aabuso 11. Aplikasyon para sa Sertipiko ng Mabuting Pag-uugali 12. Don t Look Away materyales ng digital na kampanya

3 Pambungad Ang Toolkit na ito ay naglalaman ng impormasyon tungkol sa isyu ng transnasyunal na pangaabusong sekswal sa mga bata. Ito ay inilalaan para sa mga kawani ng pamahalaan, mga empleyado ng Non-Government Organization (NGO) at mga pribadong panig sa ibang bansa, na nagnanais makapag-ambag sa kamulatan at pagrereport sa mga kaso ng transnasyunal na pang-aabusong sekswal sa mga bata. Sa pamamagitan ng pagtitipon nang lahat ng impormasyon ukol sa temang ito sa iisang lugar, ito ay magsisilbing kontribusyon upang masiguro na ang mga kabataan saan man sila naroroon sa mundo ay mananatiling ligtas sa kanilang paglaki. Ang Toolkit na ito ay sasagot sa mga tanong tulad nang: Ano ang transnasyunal na pang-aabusong sekswal sa mga bata? Ano ang hakbang ng mga Dutch patungkol dito? Ano ang iba t ibang uri ng mang-aabuso? Ano ang mga senyales? Saan ito pwedeng ireport? Paano makakukuha ng Sertipiko ng Mabuting Pag-uugali? Ang nilalaman ng Toolkit na ito ay binuo ng iba t ibang panig: Ministry of Security and Justice, Public Prosecution Department, ang Pulisya, Royal Netherlands Marechaussee, ang mga NGO na ECPAT at Plan Nederland, at Expertise Centre Online Child Abuse (Expertisebureau Online Kindermisbruik, EOKM). Ang teksto at mga impormasyon ay nasa wikang Dutch, Ingles at Filipino. Ang pagsasalin sa Filipino ay sinimulan sa pamamagitan ng pakikipagtulungan ng pamahalaan ng Netherlands, Pambansang Pulisya ng Netherlands, mga NGO at mga kinauukulan sa Pilipinas. Layunin ng proyektong masubukan kung ang mga impormasyong naririto ay makabuluhan at tumutugma sa mga kinakailangang kaalaman ukol sa isyu. Mahalaga ang inyong opinyon Tulungan ninyo kaming mapaganda ang nilalaman ng Toolkit na ito sa pamamagitan ng pagsagot sa survey Maraming salamat!

4 1 Pinaiigting ng pamahalaan ng Netherlands ang laban sa transnasyunal na pangaabusong sekswal sa mga bata Ano ang transnasyunal na pang-aabusong sekswal sa mga bata? Ang transnasyunal na pang-aabusong sekwal sa mga bata (Transnational Child Sex Offense, TCSO) ay isang pangyayari kung saan ang isang taong naninirahan sa ibang bansa, sa mahaba o maikling panahon, ay sekswal na inabuso ang isang menor de edad sa bansang iyon, sekswal na pinagsamantalahan ang mga bata roon, o, sa anumang paraan, ay nagbigay ng kanyang tulong sa ganitong uri ng gawain. Ang TCSO ay nangyayari sa buong mundo at kahit na ang mga mamayang Dutch ay nagkakasala rin. Protektahan ang mga bata laban sa pang-aabusong sekwal Ang pamahalaan ng Netherlands ay naniniwalang ang lahat ng mga bata ay kailangang maprotektahan sa pang-aabusong sekswal, kasama na ang mga batang nakatira sa ibang bansa, at kung saan isang suspek mula sa Netherlands ang pinaghihinalaang kasangkot. Kapag ang isang mamayang Dutch ay gumawa ng nasabing krimen sa ibang bansa, siya ay may pananagutan pa rin sa ilalim ng batas ng Netherlands. Sentensiya at kaparusahan sa ibang bansa Sa pagtingin ng pamahalaang ng Netherlands, mahalagang matunton at makasuhan ang mga pinaghihinalaang gumagawa ng TCSO sa mismong bansa kung saan isinagawa ang pang-aabuso. Ang pagsentensiya at pananagot sa kaparusahan sa nasabing bansa ay pagpapakita ng pagkilala at paggalang sa biktima. Sa huli, ang pang-aabuso ay nangyari rin naman sa bansang iyon. Gayunpaman, ang pagtukoy at pagkakaso ng TCSO sa isang mamamayang Dutch ay kumplikadong proseso. Ito ay dulot na rin nang pagkakaiba ng sistema ng hukuman, at kawalan ng kapangyarihan ng Pulisya ng Netherlands at kanilang mga awtoridad upang mag-imbestiga, kung kaya t nakaasa sila sa mga lokal na awtoridad. Bukod pa dito, may kakulangan sa internasyunal na kasunduan at kooperasyon pagdating sa usaping ito. Planong pagkilos ng pamahalaang Dutch Ang usapin ng TCSO ay bahagi ng Security Agenda bilang isang pambansang prayoridad. Ang Ministry of Security and Justice ay nagpalabas ng action plan kasama nang Pulisya ng Netherlands at mga awtoridad ng hukuman. Ang kaalaman base sa mga naging karanasan at mas malalim na pag-unawa sa isyu ang nagtulak upang lalong mabigyang-pansin ang TCSO at pati na rin ang mga bagong pamamaraan upang matugunan ito. Sa pamamagitan ng mga karagdagang input, ang action plan ay in-update noong taong 2016.

5 Ngayon ay lumalaganap ang live streaming ng sekswal na pang-aabuso sa mga bata, kung saan may mga taong nagbabayad upang mapanood ito, at ang mga larawan ay inilalagay sa Internet upang ito ay mapanood at maipakalat sa buong mundo. Kinakailangan ang sama-samang pagkilos upang labanan ang TCSO. May mga gawaing nakapokus sa ilang bansa ang isinasagawa ng Ministry of Security and Justice, Public Prosecution Department, National Police of the Netherlands at Royal Dutch Marechaussee. Base sa naging karanasan, tinututukan ng National Police at Public Prosecution Department ang sa Timog at Timog Silangang Asya (Philippines, Indonesia, Thailand, Nepal, Cambodia at Sri Lanka), dahil na rin sa pagdami ng mga report at imbestigasyon ng mga kaso ng TCSO sa Pilipinas at Thailand. Malapit ang pakikipag-uganayan sa mga kinauukulan sa mga bansang nabanggit pati na rin sa mga international stakeholders. Tatlong Haligi Ang action plan ay may tatlong haligi: 1. Pagpigil at pag-iwas 2. Pagtukoy at pag-uusig 3. Pagpapatibay ng pakikipagtulungan sa ibang bansa Sa pamamagitan nitong action plan, inaako ng pamahalaan ng Netherlands ang responsibilidad sa mga mamamayan nitong nagkasala at sekswal na nang-abuso ng mga bata. Ito ang kontribusyon ng pamahalaan upang mapaigting ang laban sa TCSO sa buong mundo. Link: Plan of action transnational child sex offences, zaqaf44

6 2 Batas na extrateritoryal Magiging posible lamang ang imbestigasyon at pag-uusig sa mga kasong kriminal ng Pulisya ng Netherlands at mga awtoridad ng hukuman kung ang Netherlands ay mayroong hurisdiksyon. Sa Artikulo 2 ng Dutch Penal Code ipinagtibay ang pangkalahatang tuntunin: Ang batas ng Netherlands ay nauukol sa sinumang mapatunayang gumawa ng krimen sa loob ng bansang Netherlands. Sa karamihan ng mga kaso, ang Netherlands ay walang hurisdiksyon sa mga krimeng nagawa sa ibang bansa. Ngunit may ilang kaso kung saan ang Netherlands ay maaaring mag-usig. Sa Artikulo 2-8C ng Dutch Penal Code nasasaad ang mga kaso kung saan ang Netherlands ay mayroong hurisdiksyon. Kapag walang hurisdiksyon, walang karapatan ang Dutch Public Prosecution Office na magsampa ng kaso. Ang Pulisya at ang Public Prosecution Office ay hindi pinahihintulutang magsagawa ng imbestigasyon sa mga kaso kung saan walang hurisdiksyon ang Netherlands. Sa kaso ng mga imaheng nagpapakita ng pornograpiya at pang-aabusong sekswal sa mga bata, nakasaad sa Article 7 ng Dutch Penal Code ang hurisdiksyon para sa mga kasong isinagawa sa ibang bansa. Ang probisyong ito ay pagpapaliwanag ng obligasyon, na inilatag sa Lanzarote Convention, na siyang nagsasaad ng hurisdiksyon ng Netherlands sa mga kasong tinukoy sa Convention, kung ito ay ginawa ng isa sa kanyang mamamayan o [ ] ng isang taong nakaugalian nang tumira sa kanyang teritoryo (Art. 25, subseksyon 1 (d at e) Lanzarote 25 Oktubre 2007).

7 Artikulo 7 ng Dutch Penal Code 1. Ang batas kriminal ng bansang Netherlands ay nauukol sa mamamayan nitong gumawa, sa labas ng bansa, ang isang pagkakasala na itinuturing na krimen sa ilalim ng batas kriminal ng Netherlands, at kung saan, ayon sa batas ng bansa kung saan ginawa ang pagkakasala, ipinataw ang kaparusahan. 2. Dagdag pa rito, ang batas kriminal ng bansang Netherlands ay nauukol sa mamamayan nitong napatunayang nagkasala sa ibang bansa ng: [ ] c. alinman sa mga pagkakasalang tinukoy sa Artikulo 240b at 242 hanggang 250; [ ] 3. Ang isang mamamayang Dutch, sa layong nakasaad sa una at ikalawang talata, subseksyon b hanggang e, ay may pantay na estado tulad nang sa isang dayuhang naging isang Dutch citizen matapos gawin ang pagkakasala, gayundin nang isang dayuhang may permanenteng tirahan sa Netherlands. Ang hurisdiksyong extraterritorial sa mga Dutch at iba pang dayuhang permanenteng naninirahan sa Netherlands ay naglalayong magbigay senyales na may mga paglabag sa batas na di pahihintulutan saang bansa man ito ginawa. Pinahihintulutan ng Artikulo 7 ng Dutch Penal Code ang Public Prosecution Office na usigin ang mga mamamayang Dutch na may salang pang-aabuso sa mga bata at/o pagpapakalat sa ibang bansa ng mga imahe ng pang-aabusong sekswal sa mga bata. Kadalasang umaasa ang Pamahalaan ng Netherlands sa pakikipagtulungan ng mga alagad ng batas sa ibang bansa upang magsagawa ng imbestigasyon. Dahil dito, nagiging masalimuot ang pag-uusig ng mga krimen sa ibang bansa. Ito ang batayan ng paniniwala ng pamahalaan ng Netherlands na nararapat gawin ang imbestigasyon at pagsasakdal sa nagkasala sa bansa kung saan naganap ang krimen. Kung hindi ito posible o kanaisnais, isinasaad sa Artikulo 7 ng Dutch Penal Code na maaaring magsagawa ang mga awtoridad ng imbestigasyon mula sa Netherlands, at kung kinakailangan, usigin ang mga maysala sa bansa ng Netherlands.

8 3 Pambansang Pulisya ng Netherlands Ang paglaban sa pagpapakalat ng mga imahe ng sekswal na pang-aabuso sa mga bata (Child Sexual Abuse Images, CSAI) at transnasyunal na pangaabusong sekswal sa mga bata (Transnational Child Sex Offenses, TCSO) ay isa sa limang prayoridad ng Pambansang Pulisya ng Netherlands. Ipinapakita nito na ang mensaheng ang lahat ng mga bata sa mundo ay may karapatang mabuhay nang ligtas ay pangunahin at sentrong tema sa mga gawain ng Pulisya ng Netherlands. Lahat ng 11 yunit ng Pambansang Pulisya ng Netherlands ay may pangkat na lumalaban sa CSAI at TCSO kung saan may 150 opisyal ang nagtratrabaho, sa kabuuan. Pangunahing tinutukoy ang mga nang-aabuso, mga prodyuser ng mga imahe ng pang-aabuso, mga biktima, at mga konsumer ng mga nasabing imahe, kabilang ang mga nagda-download ng mga ito. Ang mga report ng TCSO ay karaniwang iniimbestigahan sa national level, sa pakikipagtulungan sa mga police liaison officers at KMAR liaison officers na nakatalaga sa ibang bansa. Isang pagsusuri ang isinasagawa upang alamin kung anong mga kaso ang maaaring imbestigahan ng mga yunit. Ang lahat ng yunit ay may nakatakdang contact person (o tagapag-ugnay) para sa TCSO. Sila ay may mahalagang papel upang mapalakas ang pagkalap ng impormasyon ng yunit, at matiktikan ang mga kaso ng TCSO maging sa ibang bansa. Ang Pulisya ay malapit na nakikipag-ugnayan sa Public Prosecution Department. Ang kanilang pagtutulungan ay makikita sa mga gawain ng Joint Child Exploitation Expertise Centre, na siyang sumusuporta at nagpapayo sa Pulisya at sa Public Prosecution Department, sa kanilang mga operasyon at sa usapin ng polisiya. Dahil ang TCSO ay isang anyo ng pang-aabusong nagaganap sa ibang bansa, napakahalaga ng pandaigdigang pagtutulungan para sa matagumpay na imbestigasyon. Ang kooperasyon ng iba t ibang grupo ng pulisya sa buong mundo, kabilang na ang Interpol at Europol, ay masasabing napakahusay. Ang Pambansang Pulisya ng Netherlands ay kabilang sa bumubuo ng Virtual Global Taskforce, isang pandaigdigang samahang binubuo ng mga awtoridad sa imbestigasyon, mga NGO at mga pribadong grupo. Maliban sa regular na police liaison officer, ang kapulisan ay may dalawa pang liaison officer na nakatalaga sa ibang bansa, at tumututok sa isyung ito, upang palakasin ang criminal approach sa mga kaso ng TCSO kung saan mga Dutch ang salarin. May pagkatig rin ang pamahalaan ng Netherlands upang, hanggat maaari, tugisin at usigin ang mga suspek sa bansa kung saan ginawa ang pangaabuso.

9 Ang pulisya ay aktibo din sa prevention o pagpigil sa mga kaso ng TCSO. Sila ay nakikipagtulungan sa mga NGO, at sila rin ay katuwang sa pagsasagawa ng Action Plan para sa TCSO ng Ministry of Security and Justice. 3.1 Police liaison officers Ang dumadaming kaso ng mga cross-border na krimen o yung mga krimeng nagaganap o nagsasangkot sa dalawa o higit pang bansa, ay nangangailangan ng sapat at malayang pagpapalitan ng impormasyon sa pagitan ng mga nakikipagtulungang hukuman at pulisya sa pagpigil, pagsisiyasat at pag-uusig ng mga krimen. Ang mga liaison officer ng Pambansang Pulisya ng Netherlands ay isang mahalagang channel ng impormasyon sa mga kaso ng TCSO. Sila ay nagsisilbing tainga at mata ng kapulisan sa lahat ng kontinente at may pangunahing tungkuling magbigay ng hudyat at magmonitor sa mga rehiyon. Mahalagang ugnayan Ang pagpapadala ng mga liaison officer (LO) para sa Pambansang Pulisya ng Netherlands at kanilangmga katuwang ay naging napakahalagang ugnayan sa nakaraang 30 taon nang pagsisiyasat sa mga kaso ng TCSO. Ang network ng mga LO ng Pulisya ay lumago sa panahong ito at, noong taong 2007 ay pumasok sa isang partnership sa Royal Netherlands Marechaussee. Ang pangunahing layunin ng pagkakaroon ng mga LO ay upang tumulong sa mga awtoridad sa pagsasagawa ng mga imbestigasyon sa ibang bansa. Gayundin, upang mapalaganap ang pagtutulungan sa pagitan ng Pulisya at Hukuman ng Netherlands at mga bansa kung nasaan ang mga LO at/o kung saan sila ay kinikilala. Kinakaharap ng mga LO ang lahat ng uri ng krimeng nagaganap sa naturang bansa na kinasasangkutan ng mga Dutch. Mayroong dalawang flexible liaison officer (FILO) na nakatalaga sa ibang bansa upang tutukan ang isyu ng TCSO. Sila ay naka-pokus sa pagtataguyod nang criminal approach sa mga kaso ng pangaabuso sa mga bata na ginawa ng isang Dutch. Sa kanilang operasyon, ang mga FILO ang siyang naguugnay sa kapulisan sa mga grupong lumalaban sa CSAI at TCSO sa Netherlands kapag mayroong joint investigation. Sa mga nasabing imbestigasyon, tungkulin ng FILO ang maging tagapamagitan. Trabaho din ng FILO ang linangin ang isang regional approach, sa pakikipagtulungan ng Dutch at foreign police LOs sa rehiyon, upang labanan ang TCSO. Sila rin ay tumutulong sa mga proyekto ng Interpol at Europol.

10 3.2 Pagrereport ng kahina-hinalang sitwasyon Mahalaga ang pagkakaroon ng impormasyon ukol sa uri at antas ng pang-aabusong nangyayari sa mga kaso ng TCSO. Napakahalaga ng mga impormasyong nagmumula sa mga testigo at sa mga taong naghihinalang may nagaganap na pang-aabusong sekswal sa isang bata sa ibang bansa. Paano magreport ng kaso ng TCSO? Nakasaksi ka ba ng TCSO habang ikaw ay nagbabakasyon o nasa isang opisyal na byahe? May dahilan ka ba upang maghinalang may nangyayaring TCSO sa iyong paligid (sa Netherlands o sa ibang bansa) o sa Internet? I-report ito: online sa sa Expertisecentrum Online Kindermisbruik : meldformulier online sa Pulisya sa o sa telepono sa bilang sa telepono bilang sa Meld Misdaad Anoniem (Report Crime Anonymously) nang personal, sa iyong pagbalik sa Schiphol Airport sa Royal Netherlands Marechaussee. Sa pagkakataon na may isang urgent na kaso ng TCSO o CSAI, tumawag sa 112 o sa alarm number ng bansa kung saan ka naroroon. Itinuturing na urgent ang sitwasyon kung kasalukuyang may pangaabusong nagaganap, o kung may napansin kang mga bakas ng pang-aabuso na maaaring nangyari mula isa hanggang pito (7) araw pa lamang ang nakalilipas. Maaari ring magreport kung may kilala kang maysala o biktima ng TCSO. Ano ang mangyayari sa aking report? Ang iyong report ukol sa TCSO ay ipapaabot sa pulisya. Susuriin ng kapulisan kung ang nasabing report ay may sapat na batayan upang imbestigahan. Kung kailangan ng higit pang pagsisiyasat, ang Pambansang Pulisya ng Netherlands ay kokontak sa kanilang mga katuwang sa bansang pinangyarihan. Ang Pambansang Pulisya ng Netherlands ay walang kapangyarihang magsagawa ng imbestigasyon sa ibang bansa. Gayunman, sila ay nakikipagtulugnan sa pulisya ng ibang bansa. Sa mga kaso kung saan ang suspek ay Dutch, maaaring magbigay ang Pulisya ng Netherlands ng tulong sa kaso.

11 Mauuna ang pagsasagawa ng imbestigasyon sa krimen ng mga lokal na awtoridad. Hanggat maaari, ang pag-uusig ay gagawin din sa bansa kung saan naganap ang krimen upang mabigyan ng hustisya ang pagdurusang naidulot sa mga biktima. Ano ang dapat ireport? Maaari lamang buksan ang imbestigasyon batay sa report na nagtataglay ng sapat na impormasyon. Kung kaya, sikaping makumpleto ang report form na may sumusunod na impormasyon: Pangalan at/o paglalarawan nang salarin at ng biktima Detalyadong paglalarawan nang iyong nakita o napakinggan Ilagay kung saan at kailan ito naganap Ilagay kung ito ay inireport din sa lokal na pulisya Ang salarin ba ay isang turista? Pag-isipang magbigay ng impormasyon tulad ng: impormasyon tungkol sa pagkakalakbay ng salarin kabilang ang petsa, oras, flight number, at pangalan ng airline Ang salarin ba ay nakatira sa ibang bansa? Pag-isipang magbigay ng impormasyon tulad ng: kung saan siya nakatira at nagtatrabaho Ang mga video at larawang may kinalaman sa kahina-hinalang sitwasyon ay maaaring i-upload sa website na meldkindersekstoerisme.nl Iba pang kaugnay o kapansin-pansing detalye Tandaan: Huwag kailanman kumilos at mag-imbestigang mag-isa. Mga Link: Report child sex tourism (Meld kindersekstoerisme) Report Crime Anonymously (Meld Misdaad Anionem) english/ Royal Netherlands Marechaussee (Koninklijke Marechaussee) Dutch Embassies (Nederlandse ambassades) Mayroon ka bang impormasyon sa mga taong alam mong hindi mamamayan ng Netherlands? Ireport ito sa

12 3.3 Ang pagrereport ay iba sa paghahain ng reklamo Ang pagrereport tungkol sa isang kahina-hinalang sitwasyon ay iba sa paghahain ng reklamo sa pulisya. Ang paghahain ng reklamo ay nangangahulugang humihingi ako ng tulong upang kasuhan ang isang tao. Malaki ang kaibahan nito sa pagrereport ng anumang sitwasyon. Ang pagrereport ay hindi kaagad hahantong sa pag-aresto Ating isipin na hindi madali ang pagrereport ng isang kahina-hinalang sitwasyon kaugnay ng sekswal na pang-aabuso sa isang menor de edad. Paano kung wala talagang nangyaring masama at ang impormasyon ukol sa isang tao ay di makatwiran? Samaktwid, mahalagang malaman na hindi bastabasta maaaring arestuhin ang isang tao. Ang pangunahing tungkulin ng pulisya ay ang alamin ang katotohanan. Una sa lahat, dapat nilang siguruhin na ang impormasyong ibinigay sa kanila ay tama. Dahil dito, ang paunang imbestigasyon sa mga report ng TCSO ay maaaring humantong sa magkakaibang resulta. Isa na rito ay maaaring kulang ng matibay na ebidensiya (sa mga oras na iyon) upang magsagawa ng paghahalughog ang mga pulis o mang-aresto ng isang suspek. Hindi nangangahulugan ito na wala nang gagawin ang pulisya sa report na natanggap nila. Ang impormasyong ito ay dapat irekord sa kanilang sistema, upang ito ay magamit sakaling magkaroon pa kasunod na report. Kaya dapat maging eksakto at detalyado ang paglalarawan ng mga sitwasyon at mga tao. Maaari ring mag-upload ng larawan o video sa Ikaw ba ay biktima ng sekswal na pang-aabuso ngunit hindi ka mamamayan ng Netherlands? Ireport mo ito sa inyong lokal na pulisya.

13 4 Royal Netherlands Marechaussee Ang Royal Netherlands Merchaussee ang siyang nangangalaga sa kaligtasan ng Netherlands at Caribbean na bahagi ng Kaharian ng Netherlands. Ang Royal Netherlands Marechaussee ay nakakalat sa mga istratehikong lugar, mula sa mga palasyo hanggang sa mga hangganan ng Europa, sa mga paliparan ng Netherlands at Caribbean, at sa mga lugar ng digmaan at krisis. Ang Royal Netherlands Marechaussee ay may 3 pangunahing gawain: mga gawain sa pagbabantay sa mga hangganan mga gawain sa pagmamatyag at pagbibigay ng proteksyon mga gawain ng international at military police Kauganay ng pagbabantay sa mga hangganan, ang Royal Netherlands Marechaussee ay nagsasagawa ng mga gawain upang labanan ang TCSO sa mga paliparan. Sila ay nagsisiyasat sa mga paliparan sa pakikipagtulungan sa Customs, kung saan naglalagay ng mga airport checks para sa mga pasaherong dumadaan sa mga paliparan. Sakaling may makitang anumang senyales ng TCSO o CSAI, nagkakaroon ng karagdagang pag-uusisa tungkol dito. Tumutulong din ang Royal Netherlands Marechaussee sa pagbibigaykaalaman sa mga biyahero tungkol sa TCSO at CSAI sa pamamagitan ng mga kampanya ukol dito. Dagdag pa dito, ang Royal Netherlands Marechausse, gaya ng Pambang Pulisya ng Netherlands, ay may mga liaison officer na nagtatrabaho sa iba t ibang lugar sa mundo. Tinitiyak din ng Royal Netherlands Marechaussee na ang kanilang mga LO ay may kaalaman tungkol sa mga kaso ng TCSO at nang iba t ibang anyo nito. Link: Royal Netherlands Marechaussee

14 5 ECPAT Ang ibig sabihin ng ECPAT ay End Child Prostitution, Child Pornography And Trafficking of children for sexual purposes. Ang pangunahing gawain ng ECPAT ay may kinalaman sa pangangampanya at adbokasiya, partisipasyon ng mga bata at survivors, at pagsasaliksik. Nakikipag-ugnayan ang ECPAT sa mga alagad ng batas sa buong mundo at sa mga lokal na awtoridad upang pag-ibayuhin ang pagtukoy at pagliligtas ng mga batang biktima, at sa pagaresto at pag-usig sa mga nagkasala. Ang aming pakikiisa sa pribadong sektor pagdating sa turismo at mga teknolohiya sa impormasyon at komunikasyon, ay nakadisenyo upang mapanatiling ligtas ang mga bata at kabataan kung sila man ay online o offline. Mayroon ka bang hinala ng sekswal na pagsasamantala sa isang bata at hindi mo alam kung saan ito irereport? Tutulong ang ECPAT upang maireport mo ito sa tamang tao. Ang ECPAT ay matatagpuan sa mahigit 80 bansa sa mundo Mga ugnayan ng iba t ibang anyo ng sekswal na pagsasamantala sa mga bata Mayroong ilang natataning anyo ng sekswal na pagsasamantala sa mga bata; prostitusyon at trafficking ng mga bata at menor de edad, mga imahe ng sekswal na pang-aabuso (CSAI) at transnasyonal na sekswal na pambibiktima sa mga bata (TCSO). Malaki ang kaugnayan nang mga anyong ito sa bawat isa. Kadalasan, nagsisimula ito sa trafficking ng mga bata at pagpain sa kanila sa sex industry sa pamamagitan ng pagpapanggap at panloloko. Sa maraming bansa, ang mga red light district ay sadyang inilalagay sa mga lugar na puntahan ng mga turista. Maaaring lokal o dayuhan ang mga parokyano ng mga batang biktima ng sekswal na pagsasamantala. Kapag naging biktima sila ng mga dayuhan, sila rin ay mga biktima ng TCSO. Dagdag pa dito, ang mga nagsasamantala sa mga bata ay madalas na gumagawa ng mga larawan o pelikula ng pang-aabuso. O di kaya, maaaring mayroon nang sekswal na ugnayan bago pa man ang pang-aabuso sa pamamagitan ng internet. Samakatwid, kapag ang mga bata ay naging biktima ng sekswal na pagsasamantala, sila ay kadalasang biktima rin ng iba pang anyo ng pangaabuso. Karagdagang impormasyon ay matatagpuan sa website ng ECPAT International

15 6 PLAN Nederland Ang PLAN Nederland, na bahagi ng PLAN International, ay nakatuon sa paglikha ng mas magandang buhay para sa mga batang babae at lalaki sa mga umuunlad na bansa, sa pamamagitan ng pagtulong upang masugpo ang kahirapan, at pagbibigay ng karampatang atensyon sa pantay na karapatan at oportunidad sa mga kabataang babae. Upang maprotektahan ang mga kabataan mula sa karahasan at pagsasamantala, ang PLAN ay puspusang kumikilos upang mapigilan at matugunan ang komersyal na eksploytasyon at trafficking ng mga bata, pati nang masasamang kaugalian tulad ng child marriage at female genital mutilation. Sa paggamit ng kombinasyon ng mga pamamaraan, natutugunan ng PLAN ang di-pagkakapantaypantay ng mga babae at lalaki, at natutulungan ang mga kababaihan upang mapalaki ang kanilang tiwala sa sarili, at magkaroon ng pansariling kabuhayan. Ang PLAN ay nagsasagawa din ng mga proyektong pangkomunidad na nakapokus sa mga bata sa 51 bansa sa Africa, Asya at Latin Amerika 7 Meld Kindersekstoerisme.nl Ang Meldkindersekstoerisme.nl nl/en/ay naitatag noong 2010 at ito ay bahagi ng Expertise Bureau for Online Child Abuse (Expertisebureau Onlina Kindermisbruik, EOKM). Sa Meldkindersekstoerisme.nl ay maaaring magreport kung may hinalang nagaganap na kaso ng TCSO. Ang pagrereport ay maaaring gawin online at nang hindi kailangang magpakilala. Ang mga report ay hawak ng mga empleyado ng EOKM, at ang mga impormasyon mula rito ay ipinaaabot sa Pambansang Pulisya ng Netherlands habang pinangangalagaan ang pagkakakilanlan ng biktima. Kung kinakailangan, ang hotline na ito ang siyang mamamagitan sa taong nagrereport at sa pulisya ng Netherlands. Ang EOKM ay isang independent foundation na dedikado sa paglaban at pagpigil (online) ng sekswal na pang-aabuso at pagsasamantala sa mga bata. Ang EOKM ay nagmula sa Child Pornography on the Internet hotline na itinatag noong Ang ahensya ay kaanib ng INHOPE, ang pandaigdigang network ng mga hotline sa buong mundo at kasamang kumikilos ng Pambansang Pulisya ng Netherlands. Bukod sa Meldkindersekstoerisme.nl, ang mga sumusunod na programa ay bahagi na ngayon ng EOKM: Child Pornography Hotline, Helpwanted.nl, Stop it Now! at ang hotline MeldpuntBG. Para sa karagdagang impormasyon

16 8 Mga instrumentong legal ukol sa karapatan ng mga bata Ang mga sumusunod na gabay at kombensyon ay nagsisilbing balangkas para sa maraming bansa upang tugunan ang mga kaso ng TCSO. United Nations UN Convention on the Rights of the Child (CRC), Optional Protocol to the CRC on the Sale of Children, Child Prostitution and Child Pornography, Optional Protocol to the CRC on a Communications Procedure (OP3 CRC), Protocol to Prevent, Suppress and Punish Trafficking in Persons, especially Women and Children, supplementing the United Nations Convention against Transnational Organized Crime, International Labour Organization ILO Convention concerning the Prohibition and Immediate Action for the Elimination of the Worst Forms of Child Labour No. 182, Iba pang kaugnay na dokumento United Nations UN World Tourism Organisation Global Code of Ethics for Tourism, UNGA Resolution, A/RES/56/212, UN Guiding Principles on Business and Human Rights, Ang mga sumusunod mula sa Council of Europe Conventions Convention on the Protection of Children against Sexual Exploitation and Sexual Abuse, CETS No.201, Convention on Action against Trafficking in Human Beings, CETS No. 197, Convention on Cybercrime, SETS No. 185, Ang mga sumusunod na direktiba mula sa EU Directive 2011/92/eu of the european parliament and of the council of 13 december 2011 on combating the sexual abuse and sexual exploitation of children and child pornography Directive 2011/36/eu of the european parliament and of the council of 5 april 2011 on preventing and combating traf cking in human beings and protecting its victims Mga Tip mula sa mga NGO Tourism Child Protection Code of Conduct ChildSafe Traveler Tips of the ChildSafe Network

17 9 Mga kaugnay na report at pag-aaral Karaniwang gumagawa ng pagsasaliksik ang iba t ibang organisasyon tungkol sa paglaganap ng mga kaso ng TCSO. Ang pinakabagong mga pag-aaral ay nakalista dito. ECPAT: The full report Power, Impunity and Anonymity. Understanding the Forces Driving the Demand for Sexual Exploitation of Children, ECPAT: Regional Report Southeast Asia, In 2014, Southeast Asia had the fastest growth in tourism worldwide. ECPAT: Offenders on the move a global study on the exploitation of children in the traveling industry, ECPAT: Global Monitoring - status of action against commercial sexual exploitation of children - Thailand, A. Koning, L. Rijksen van Dijke, University of Leiden commissioned by Police and Science: Transnational Child Sexual Offenders, a literature study on characteristics, motives and methods of Dutch offenders, 2016 in Dutch National Rapporteur on Trafficking in Human Beings and Sexual Violence against Children; Barriers against child sex tourism, Terre des Hommes: Aanpakken, Oppakken, Doorpakken Aanbevelingen voor een betere balans rondom de bestrijding van kindersekstoerisme, 2013 in Dutch

18 10 Mga Animasyon tungkol sa iba t ibang uri ng mangaabuso Walang iisang depinisyon ang isang transnasyonal na mang-aabusong sekswal ng mga bata. Ang isang transnasyonal na mang-aabusong sekswal ng mga bata ay maaaring may iba t ibang edad, nasyonalidad, relihiyon at kalagayan sa buhay. Mayaman o mahirap, tuwid o bakla, may-asawa o wala. Bagama t karamihan ay mga lalaki, mayroon ding mga babaeng mang-aabuso. Upang patuloy na mapalawak ang kamulatan tungkol sa ukol sa iba t ibang uri ng mang-aabuso, kami ay gumawa ng tatlong magkakaibang animasyon. Ang mga pelikula ay ginawa ng may Ingles na salita at Ingles na subtitle. Tatlong magkakaibang uri ng mang-aabuso Mang-aabuso batay sa sitwasyon (situational offender) Mang-aabusong may katig o pagpili (preferential offender) Mang-aabusong gumagamit ng live webcam (live webcam offender) Maraming transnasyonal na mang-aabusong sekswal ng mga bata ay nangaabuso batay sa sitwasyon (situational offender). Gumagawa sila ng aktong sekswal sa isang menor de edad kapag mayroon silang pagkakataong gawin ito. Wala silang sekswal na pagtangi para sa mga bata, at ang pangaabuso ay karaniwang ginagawa sa batang nagdadalaga o nagbibinata. Mayroon ding mang-aabusong may katig o pamimili (preferential offender). Sila ay aktibo at sadyang naghahanap ng mga batang makikipagtalik sa kanila. Bukod dito, maaari rin silang magkaroon ng sekswal na interes sa mga matatanda o may sapat na gulang. Ang isang mang-aabuso ay maituturing na paedophile kapag lamang pinipili niyang makipagtalik sa mga maliliit na bata (12 taon pababa). Ang mga paedophile ang pinakamaliit na grupo sa mga transnasyunal na mang-aabusong sekswal sa mga bata. 1. Mang-aabuso batay sa sitwasyon Ang turista Isang turista ang nais katalik ang mga nasa hustong gulang, ngunit kung may dumating na pagkakataon habang siya ay nasa ibang bansa, ay makikipagtalik sa isang batang menor de edad (karaniwan isang dalagita o binatilyo). Ang dayuhang expat Isang dayuhang expat na nais katalik ang mga nasa hustong gulang, ngunit kung may dumating na pagkakataon habang siya ay nasa ibang bansa, ay makikipagtalik sa isang batang menor de edad (karaniwan sa isang dalagita o binatilyo).

19 2. Mang-aabusong may katig o pagpili Ang biyahero Ang klasikong transnasyunal na mang-aabusong sekswal ng mga bata, isang turista na nais katalik ang mga bata na bumibyahe patungo sa ibang bansa upang magsamantala ng isang menor de edad. Ang benepaktor Ang tinaguriang benepaktor, na nais katalik ang mga bata, ay isang taong ginagamit na dahilan ang humanitarian aid upang magpanggap bilang isang boluntaryo sa panahon ng sakuna, tulad ng sa pagtatayo ng mga paaralan at tahanan ng mga bata, ngunit pinagsasamantalahan ang mga menor de edad. 3. Live webcam sex tourist Ang taong ito ay nananatili sa sariling bansa ngunit gumagamit nang internet at webcam upang isagawa ang pang-aabusong sekswal sa isang bata na nasa ibang bansa. Upang mamulat tungkol sa paglaganap sa buong mundo ng live webcam sex tourism, tatlong ibaibang video ang binuo, partikular na para sa tatlong kontinente: Africa Asia Eastern Europe

20 11 Aplikasyon para sa Sertipiko ng Mabuting Pag-uugali Ang Sertipiko ng Mabuting Pag-uugali (Verklaring Omtrent Goed Gedrag, VOG) ay isang kasulatang nagsasaad nang iyong naging pag-uugali sa nakaraan at walang anumang pagtutol sa iyong pagsasagawa ng mga tukoy na gawain o tungkulin sa lipunan. Ang Justis ay ang awtoridad na kumikilos para sa mas ligtas at makatarungang lipunan sa pamamagitan ng pagsusuri sa mga tao at organisasyon. Sila ay nakapagbibigay ng mahigit sa 800,000 VOG kada taon. Ang VOG ay maaaring ibigay sa isang tao o sa isang legal na kumpanya o organisasyon. Kung may aplikasyon para sa isang VOG, ang Justis ay nagsasagawa ng imbestigasyon ng posibleng nakaraang kaso ng nasabing tao o legal na kumpanya o organisasyon. Kadalasan, kinakailangang magpasa ng isang VOG ang isang tao upang makakuha ng trabaho. Sa ilang mga sangay, ito pa nga ay sapilitang hinihingi ng batas. onderwerpen/arbeidsovereenkomst-encao/vraag-en-antwoord/vog-aanvragen 12 Don t Look Away materyales ng digital na kampanya Ang materyal para sa digital campaign na Don t Look Away campaign ay nasa wikang Ingles sa website ng Meld Kindersekstoerisme.nl meldkindersekstoerisme.nl/en/campaigndont-look-away/campaign-materials/ Mayroon ding poster na nasa isang editable file na walang teksto, na maaaring magamit upang lagyan ng salita sa iba-ibang wika. Ang file na ito ay maaaring hingin sa pamamagitan ng pagpapadala ng sa meld@meldkindersekstoerisme.nl.