Cynnwys. 1. Cyflwyniad. 2. Manylion Cyswllt Radio Cymru. 3. Comisiynau Llwyddiannus Y Gynulleidfa

Transcription

1

2 Cynnwys 1. Cyflwyniad 2. Manylion Cyswllt Radio Cymru 3. Comisiynau Llwyddiannus Y Gynulleidfa : Y Categoriau Annibynol - Crynodeb 6. Dogfen Nodwedd a Rhaglenni Unigol Cerddoriaeth Rhaglenni C Comedi/Adloniant Categoriau Arbenigol (Bwrw Golwg, Dei Tomos, Stiwdio, Llyfr Bob Wythnos) Digwyddiadau Ffurflen Cynnig Syniad Radio Cymru Amserlen

3 1. Cyflwyniad Croeso i rownd gomisiynu a diolch am ddangos diddordeb mewn cydweithio â Radio Cymru eto, neu am y tro cyntaf erioed. Yn sicir dwi n edrych ymlaen i weld a thrafod syniadau, a phrofiad llynedd o ddechrau dod i nabod amryw ohonoch chi yn un o elfennau brafiaf blwyddyn gyntaf i fi fel golygydd. Mae hi wedi bod yn flwyddyn o newid cywair I Radio Cymru. Roedd yna ddiffyg amrywiaeth yn rhaglenni r orsaf yn ôl nifer o r rheiny oedd wedi diffodd, neu n gwrando llai. Bellach, mae amrywiaeth ac eglurdeb o ran beth i w ddisgwyl gan raglenni r orsaf o un pen o r dydd i r llall yn asgwrn cefn i bopeth ry n ni n ei gynnig. Y fargen, wrth gwrs, yw hon: fyddwch chi ddim yn hoffi popeth, ond mi fydd rhywbeth yno i ch plesio chi. Os yw Radio Cymru yn fwy ffwrdd-a-hi yn y prynhawn, mae r pwyslais ar gynnwys gwirioneddol safonol, cyfoethog ac uchelgeisiol mewn rhannau eraill o'r arlwy yn amlwg hefyd gobeithio. Fe welwch chi yn y ddogfen hon bod 80,000 yn gwrando ar Radio Cymru bob diwrnod, a rhyw 140,000 yn gwrando bob wythnos am 10 awr yr un ar gyfartaledd. Mewn gwirionedd, ar gyfnod pan fo Radio 2 wedi camu dros y trothwy o filiwn o wrandawyr yng Nghymru, a chynulleidfa Radio 4 - sydd eisoes yn iach iawn - yn tyfu, mae ffigyrau gwrando Radio Cymru yn rhyfeddol o wydn. Sdim amheuaeth nad yw cyfran fawr o r diolch am hynny i r timau cynhyrchu mewnol ac annibynnol sy n meddwl o ddifri am gynulleidfa ein hunig orsaf genedlaethol Gymraeg ni, ac yn chwilio am straeon a phobol sy n dweud rhywbeth amdanon ni, y Gymru ry n ni n byw ynddi, a r byd y tu hwnt. Dwi am enwi tair cyfres benodol gomisiynwyd ar sail cynigion y llynedd. Dwi n mentro gwneud hynny ymhlith amryw o raglenni a chyfresi cryfion am eu bod nhw, i fi, wedi cynnwys yr eiliadau hynny oedd yn fy sodro i n set y car neu wrth fwrdd y gegin, ac yn mynnu mod i n gwrando. Dwi n cyfeirio at hyder golygyddol a llais cryf Annibyniaeth gyda Gwion Lewis, at grefft Tra bo dau gyda Nia Roberts, lwyddodd i greu eiliadau dirdynnol a lluniau llachar ar y radio ac yna Y Teimlad gyda Lisa Gwilym perl fach greadigol, gerddorol a chyfareddol oedd lawn mor hapus ar yr orsaf ar bnawn Sul ac oedd hi nos Iau ar C2. Os nad yw ch syniad chi n gweddu i hanner awr neu dri chwarter, a allai weithio fel pum pwt byr ar Bore Cothi, yn dilyn patrwm slot Llyfr Bob Wythnos? Mae sesiynau unnos C2 wedi llwyddo - beth allwn ni drio nesa? Oes na gyfle i ni gyrraedd cynulleidfa newydd drwy gyd-weithio a chyd-gomisiynu ag S4C,

4 Radio Wales neu beth am gywaith rhwng Radio Cymru a threfnwyr gigs neu gyngherddau lleol? Ym mlwyddyn penblwydd geni T Llew Jones a sefydlu r cyswllt rhwng Cymru a Phatagonia, ym mlwyddyn etholiad cyffredinol, newid byd cyfansoddiadol, stori r Rhyfel Byd Cyntaf yn parhau, beth ddylai fod gan Radio Cymru i w ddweud? A sut allwch chi n helpu ni i w ddweud e n well ac wrth gynulleidfa ehangach drwy ddefnyddio n gwefan ni, a gweithio ar y cyd â Cymru Fyw? Fel y llynedd, dyw'r ddogfen gomisiynu hon ddim yn cynnwys bob dim y byddwn ni'n ei gynnig yn ystod y flwyddyn Bob hyn a hyn, os oes syniad neu gyfle gwerth chweil yn codi, cysylltwch ar bob cyfrif i'w cynnig i ni. Yn yr un modd fe fyddwn ni'n cynnig ambell slot i chi'n ysbeidiol sy'n ychwanegol i'r rownd gomisiynu hon. Y bwriad yw rhoi rhywfaint o hyblygrwydd i ni ac i chi, sicrhau bod modd i ni fanteisio ar syniadau cryfion pan fo'r rheiny'n dod i'r fei, a gwneud yn fawr hefyd o'r hyblygrwydd ddaeth yn sgil y newid i'r rheolau sy'n pennu faint o raglenni'r orsaf sy'n cael eu cynnig i gynhyrchwyr annibynol yn ogystal â'r criw mewnol. Y nod, o hyd, yw comisiynu'r syniadau gorau, o ble bynnag y don nhw. Diolch am eich diddordeb, a diolch rhag blaen am eich syniadau, Betsan

5 *Gair am Cymru Fyw: Mae r llanw uchel yn codi r holl gychod. Na, dwi ddim yma i gynnig cyngor ar bysgota, ond dwi yn meddwl bod na neges yma sy n werth ei hystyried. Wrth i ni droi ein sylw at rownd gomisiynu , mae n bwysig i ni feddwl o ddifri sut gall ein gwasanaethau ar-lein a radio helpu ei gilydd, atgyfnerthu ei gilydd a, gobeithio, codi r defnydd drwyddi draw o n cynnwys Cymraeg. Er mor ystrydebol yw dweud bod y ffordd mae n cynulleidfa yn defnyddio ein cynnwys yn newid, mae n anodd weithiau credu pa mor gyflym mae r chwyldro digidol yn digwydd. Wrth gwrs fod na alw o hyd am orsaf FM i wrando arni n fyw, ond mae nifer cynyddol o n cynulleidfa yn gwrando, gwylio, rhannu a chynnig barn ar ein cynnwys mewn ffyrdd nad oedd posib dirnad ddegawd yn unig yn ôl. Erbyn hyn, dydy hi ddim yn dderbyniol i ni fel gorsaf feddwl am ein cynnwys ar-lein fel rhywbeth munud olaf os yw amser yn caniatáu. Nid fel na mae ein cynulleidfa yn ei drin, a nid fel na dylen ni fel cynhyrchwyr cynnwys wneud chwaith. Ac yn ystod rownd gomisiynu eleni mi fyddwn ni n edrych o ddifri ar y cynnig ar-lein ochr-yn-ochr â r cynnig radio. Ydy o n ychwanegu gwerth at y syniad? Ydy o n mynd i gyrraedd cynulleidfa wahanol? Ydy o n rhoi cyfle i dynnu sylw at raglenni cyn eu bod nhw n cael eu darlledu? Oes na fywyd i r syniad ar ôl y darllediad radio? Cyn i chi ddechrau chwysu a cholli cwsg am eich cynnwys digidol, cofiwch nad oes rhaid iddo fod yn or-gymhleth! I raddau helaeth, mi fydd natur y syniad a r genre yn eich helpu i lywio r cynnwys e.e. o bethau syml fel oriel luniau neu flog, i gynigion mwy uchelgeisiol fel cyfres o fideos neu ddefnydd diddorol o rwydweithiau cymdeithasol. Gyda lansio gwefan ac ap newydd BBC Cymru Fyw ddechrau haf 2014, nid gwefan Radio Cymru yw r unig blatfform cyhoeddi sydd ar gael i ni bellach. Bwriad Cymru Fyw yw adlewyrchu r diweddaraf am Gymru ar unrhyw ddiwrnod, gyda newyddion yn ganolog wrth gwrs. Felly, os yw r cynnwys yn amserol, yn gyfredol neu n ddadlennol, yna mae n ddigon posib bod Cymru Fyw yn cynnig platfform cyhoeddi arall. Ar y llaw arall wrth gwrs, mae gwefan Radio Cymru yn gartref naturiol a chyson i holl gynnwys ar-lein Radio Cymru yn un lle i wrando nôl ac i gael gwybodaeth ddifyr am raglenni, yn cynnwys lluniau a fideos ag ati. Wrth i chi ddarllen drwy r ddogfen gomisiynu yma, fe welwch bod ambell enghraifft wedi ei nodi o gynnwys ar-lein sydd wedi gweithio n dda - fe ddaw rhain o wefan Radio Cymru a Cymru Fyw i chi gael syniad o r math o beth sy n gweddu orau i r ddwy wefan. Ac mae n werth nodi bod na gynnwys ar-lein ardderchog wedi bod eisoes, a hynny gan nifer fawr o gwmnïau cynhyrchu gwahanol. Felly, diolch ymlaen llaw am eich syniadau. Rydyn ni gyd yn yr un cwch gyfeillion, a gyda n gilydd gobeithio gallwn ni godi r cwch hwnnw yn uwch eto yn ! Huw Meredydd (Is-Olygydd, Ar-Lein)

6 2. Manylion cyswllt e-bost: Rhif ffôn: Ffacs: Cyfeiriad: Ystafell 2001, Y Ganolfan Ddarlledu, BBC Cymru, Llandaf, Caerdydd, CF5 2YQ

7 3. Comisiynau 2014/15 Ers mis Ebrill 2012, cafodd y sector annibynnol gystadlu gyda r timoedd mewnol am 10% yn ychwanegol o n rhaglenni cymwys. Bellach, ar gyfer , ni fydd y trefniant ffurfiol yma yn bodli. Yn lle hynny, byddwn yn parhau fel yn y gorffennol i warantu isafswm o 10% o gomisiynau cymwys i r sector annibynnol, ond bydd unrhyw gomisiynau ychwanegol yn cael eu cynnig i gynhyrchwyr ar sail cryfder y cynigion. Yn ystod blwyddyn 2014/15 bydd Radio Cymru wedi comisiynu dros 1000 o oriau sef dros 20% o r oriau cymwys gan y sector annibynnol. Dyma r nifer mwyaf erioed o oriau darlledu i ddod o du r sector annibynol. Mae rhestr o r comisiynau llwyddiannus i w gweld yma: Rhaglen Nifer Cwmni Aelod o Gymdeithas 4 Mr Producer Alex yn Galw 6 LuMedia Annibyniaeth 5 Rondo Antholeg Cymru 1 LJD Ar Eich Cais 52 Mynydd Bach Blwyddyn Slay 1 Slaycorp Bravo Aberystwyth 1 Unigryw Bwrw Golwg Chwaraeon a Chrefydd 1 Avanti Bwrw Golwg Sion Meredydd 1 Mynydd Bach Bwyty Unnos 1 Slam Byd Iolo 5 Pontgam Bywyd Wrth Ben Ol Buwch 1 Telesgop C2 Obsesiwn 2 Sbectol Cyf Caniadaeth y Cysegr 47 Parrog Carolau Nadolig 1 Avanti Cartrefi Cymru 4 Chwarel Caryl (Pasg/Nadolig) 3 Parrog Cymry Silin Dei Tomos Bro Waldo 1 Telesgop Dei Tomos Ffatri Laeth Rhydymain 1 Unigryw Dei Tomos - Rhifau a Ni 1 Lois Eckley Dei Tomos Y Mynydd Du 1 Pedol Deuddeg Mewn Tafarn 3 Elan Dewi Llwyd ar Fore Sul 52 Boom Elin Manahan Thomas 10 Boom Gareth Glyn 12 Parrog Gwarchod y Gwyllt 4 Pontgam Gwerin Pererin 1 LJD Gwyl Cerdd Dant + Pigion yr Wyl 1 Rondo Horni ac Ysu 6 Boom Mae Wythnos yn Amser Hir 5 Graig Wen

8 Mynediad am Ddim yn 40 1 Telesgop Nadolig y Ffosydd 1 Cwmni Da Nia Tra Bo Dau 6 Slam Pnawn Sadwrn 8 Telesgop Pontgam 5 Pontgam Rhys Meirion 10 Avanti Richard Rees 52 Telesgop Roedd Mozart yn Chwarae Biliards 6 Parrog Sesiwn Glasurol 4 Parrog Stiwdio Fotoaber 1 Unigryw Stiwdio Gwneud e n Sefyll Lan 1 Boom Stiwdio Opera 1 Parrog Stiwdio Chwiorydd Davies 1 Silin SBLL Gofal Pia Hi 1 Goriad SBLL Tewach na Dwr 1 Goriad SBLL Fy Met Syr Dave 1 Slam SBLL Y Bore Bach 1 Slam SBLL Brinley Carpedi 1 Avanti SBLL Byw Efo Cansar 1 Cwmni Da SBLL - Dyddiadur Diciau 1 Telesgop SBLL Fernhill 1 Pedol SBLL Iestyn Jones 1 Parrog SBLL Premier Inn 1 Goriad SBLL Pris Prydferthwch 1 Little Lamb Media SBLL Rasio Cymru 1 Dafydd Parri SBLL Y Mynydd 1 Slam SBLL Rwmania 1 Cwmni Da Tommo 198 Telesgop Tri yn y Ty 1 Boom Ware n Noeth 4 Acme Wyn ar Wyddoniaeth 4 Parrog Y Cymry Newydd 4 Silin Y Gystadleuaeth i Gantorion Cymreig 1 Rondo

9 4.BETH WYDDOM NI AM Y GYNULLEIDFA? Faint sy n gwrando? Mae tua 140,000 o bobl yn gwrando ar Radio Cymru bob wythnos, sef bron 1 o bob 3 o Gymry Cymraeg rhugl. Ar gyfartaledd, maent yn gwrando am 10 awr yr wythnos. Mae 80,000 yn gwrando bob diwrnod. Pryd mae nhw n gwrando? Fel pob gorsaf radio arall, yn y bore y caiff Radio Cymru ei chynulleidfa fwyaf, gyda 35,000 yn gwrando ar Post Cyntaf a Rhaglen Dylan Jones. Mae cynulleidfa r penwythnos ar ei uchaf rhwng 8 a 9 y bore, pan fydd oddeutu 25,000 yn gwrando. Faint yw oedran y gwrandawyr? Ar gyfartaledd, mae r gwrandawyr yn 55 oed. Mae hyn rhywfaint yn iau nag yr oedd cynulleidfa Radio Cymru yn y blynyddoedd diwethaf. Mae r gwrandawyr dros 65 oed yn aros efo Radio Cymru am llawer yn hwy na r gwrandawyr iau. Lle mae nhw n byw? Ymhlith Cymry Cymraeg rhugl, mae r gwrando ar ei uchaf yn y gogledd ac yna r gorllewin. Mae r gwrando yn is yn y de ond yn uwch nag yn y gorffennol. Pa orsafoedd eraill sy n apelio? Fel ar draws Prydain, caiff Radio 2 a Radio1 gynulleidfa dda ymhlith Cymry Cymraeg. Y prif gystadleuwyr eraill yw Capital yn y gogledd a Radio Wales a Heart yn y de. O r holl wrando ar radio gan Gymry Cymraeg rhugl, mae cyfran o 21% ohono i Radio Cymru, yn uwch nag unrhyw orsaf arall. Sut a lle mae nhw n gwrando? Mae r rhan fwyaf o r gwrando ar FM, efo llai nag 20% o r gwrando trwy unrhyw ddull arall - teledu digidol, DAB neu r rhyngrwyd. Adre mae r rhan fwyaf o wrandawyr, a rhai yn y car yn ystod oriau teithio r bore a nos. Er yn dal yn fychan, mae defnydd Radio Cymru ar y we yn tyfu, yn enwedig ymhlith rhai dan 45 oed. Geiriau i ddisgrifio Radio Cymru? Mae gwrandawyr Radio Cymru yn ystyried y gwasanaeth yn draddodiadol, llawn gwybodaeth a difyr, a r rhai nad ydyn nhw n gwrando yn ei ystyried yn draddodiadol yn bennaf. Barn am raglenni Radio Cymru? Yn ystod yr wythnos, y rhaglenni a gaiff y gwerthfawrogiad uchaf yw C2, Geraint Lloyd, Post Cyntaf, Bore Cothi a Taro r Post. Ar y penwythnos mae gwerthfawrogiad uchel i raglenni Wil Morgan, Beti a i Phobl ac Ar eich Cais. Barn am iaith Radio Cymru? Iaith gywir a naturiol mae gwrandawyr a darpar-wrandawyr ei eisiau ar draws y gwasanaeth. Mae r rhan fwyaf o r gwrandawyr yn credu fod safon yr iaith yn dderbyniol ac ei bod yn hawdd i w deall. Barn ar gerddoriaeth Radio Cymru? Mae yna awydd am amrywiaeth gerddorol. Mae n dderbyniol i chwarae ambell i drac Saesneg pan fo rheswm golygyddol dros wneud hynny, ac yn gyffredinol mae faint a glywir ar hyn o bryd yn addas.

10 5. Crynodeb o Gategoriau Annibynol Mae r comisiynau sydd ar gael i gynhyrchwyr annibynnol a chynhyrchwr mewnol gystadlu amdanynt ar gael yma. Am resymau golygyddol, fel y nodwyd yn y cyflwyniad, byddwn yn comisiynu rhai o r cyfresi hyn ychydig yn hwyrach yn y flwyddyn (ar ôl mis Ebrill 2015), ac felly bydd cyfleoedd o r herwydd i gynnig mwy o syniadau yn ystod y flwyddyn ariannol nesaf. Byddwn yn eich hysbysu o unrhyw anghenion mewn da bryd. Cyfresi Dogfen (Mercher 1800) 29 x 6 Amcanbris: 2-2.8k y rhaglen 29 x 4 Straeon Bob Lliw (*hyd at 14 o raglenni unigol ar gael) Amcanbris: 2 3k y rhaglen 29 x 4 Amcanbris: 2 2.8k y rhaglen Nodwedd (amrywiol) 29 x 8 (1800 Llun) Amcanbris: 2-2.8k y rhaglen 44 x 7 Amcanbris: k y rhaglen 44 x 4 Amcanbris: k y rhaglen Comedi neu Raglen Adloniant Ysgafn* 27 x 5 (bydd y comisiwn yn ddibynnol ar dderbyn rhaglen beilot lwyddiannus) Amcanbris: 3-5k y rhaglen - i w drafod 27 x 5 (Mae n bosib y bydd y comisiwn yn ddibynnol ar dderbyn rhaglen beilot lwyddiannus) Amcanbris: 3-5k y rhaglen - i w drafod

11 27 x 6 (Mae n bosib y bydd y comisiwn yn ddibynnol ar dderbyn rhaglen beilot lwyddiannus) Amcanbris: 2.8k y rhaglen *Rhaglenni peilot i w cwblhau cyn diwedd mis Mai 2014 Cerddoriaeth 10 x 2 awr clasurol poblogaidd ar fore Sul (Byddwn yn rhannu r comisiwn yma rhwng amrywiol gyflwynwyr. Mae hyd at 4 cyfres ar gael yn y rownd eleni). Amcanbris: 800 y rhaglen 27 x 7 rhaglen yn rhoi llwyfan i gerddorion cyfoes Amcanbris: dim mwy na 3.75k y rhaglen Cerddoriaeth C2 59 x 6 rhaglen ar gyfer (yn rhoi llwyfan i gerddorion) Amcanbris : hyd at 3.5k y rhaglen 59 x 6 rhaglen gerddoriaeth ar gyfer Amcanbris: 1k 59 x 6 rhaglen gerddoriaeth ar gyfer Amcanbris: 1k 50 x 176 cyfres wythnosol gydag un o gyflwynwyr sefydlog C2 Amcanbris: 400 y rhaglen 59 x 3 rhaglen ar gyfer (rhaglenni nodwedd unigol ) Amcanbris : hyd at 3k y rhaglen Rhaglenni Unigol Y syniadau unigol yma i fod ynghlwm â digwyddiad, dathliad neu benblwydd 44 (hyd at 4 rhaglen unigol ar gael i gyd) Amcanbris: hyd at 3.5k 27 (hyd at 4 rhaglen unigol ar gael i gyd) Amcanbris: hyd at 3k y rhaglen

12 Categoriau arbenigol Stiwdio gyda Nia Roberts 27 munud - cyfresi byrion (hyd at 4 rhaglen) neu raglenni unigol addas i w darlledu dan ymbarel y gyfres gelfyddydol hon (Bydd hyd at 6 rhaglen ar gael mewn blwyddyn) Amcanbris: 2 3k y rhaglen Crefydd - Bwrw Golwg Hyd at 4 x 29 rhaglenni unigol i w darlledu yn ystod y flwyddyn Amcanbris : 2-3k y rhaglen Dei Tomos hyd at 4 x munud rhaglenni unigol i w darlledu yn ystod y flwyddyn (hyd amrywiol) Amcanbris : hyd at 4.250k y rhaglen yn ddibynol ar ei hyd Llyfr Bob Wythnos 5 x 9-12 munud - hyd at 4 o addasiadau neu gyfresi nodwedd wedi eu stripio ar hyd wythnos o ddydd Llun i ddydd Gwener fel rhan o Bore Cothi Amcanbris: hyd at 3k am 5 pennod/rhifyn (45-55 munud) Digwyddiadau Nadolig 2014 a Gŵyl Ddewi 2015 Syniadau ar gyfer y Nadolig/Calan (Hapus i ystyried syniad yn rhedeg dros y cyfnod hwn - wythnos neu bythefnos), yn ogystal â rhaglenni neu ddigwyddiadau unigol, cyngherddau, rhaglenni nodwedd tymhorol neu raglenni sgwrs arbennig) Amcanbris: i w drafod Syniadau amrywiol ar gyfer Dydd Gŵyl Ddewi (*bydd hwn ar ddydd Sul yn 2015) Amcanbris: i w drafod Dyddiad Cau derbyn syniadau: 24ain Tachwedd 2014 am hanner dydd.

13 7. Dogfen Bydd rhain yn gyfresi dogfen amrywiol, fydd yn gallu gweithio fel cyfresi byrion neu fel rhaglenni unigol neu straeon personol unigol dan ymbarél cyffredinol Straeon Bob Lliw. Rydym yn chwilio am gyfres(i) o raglenni sydd yn diffinio bod yn Gymry Cymraeg ar ddechrau r unfed ganrif ar hugain, a hynny yn bennaf drwy straeon a phrofiadau pobl gyffredin - anghyffredin. Rydym hefyd yn chwilio am raglenni aiff â ni allan i r priffyrdd a r caeau ac i bob cwr o n bywydau. Ond bydd y rhaglenni yn y categori hwn yn gallu trafod un neu fwy o r canlynol:- straeon personol sydd yn diffinio natur amrywiol Cymreictod heddiw. hanes lle bo r hanes hwnnw yn dwyn canlyniadau amlwg heddiw pynciau r dydd ond eto gydag elfen gref o straeon personol penderfyniadau mawr bywyd ffordd o fyw a bod ein hymwneud ni gyda n gilydd fel pobl Gellir cynnig cyfres o raglenni ar un thema neu raglenni unigol dan faner cyfres dylid nodi yn y cynnig os oes bachigyn amser i r rhaglenni unigol hynny. Er taw cyfres ymbarél yw Straeon Bob Lliw, profiadau pobl sy n ganolog iddi a r rheiny yn aml yn brofiadau personol. Mae r comisiwn yn gofyn am raglenni dogfen wedi eu saernïo n gelfydd. Byddant yn defnyddio r tactegau adrodd stori gorau, yn defnyddio actuality mewn ffordd ddychmygus, yn plethu cerddoriaeth a sain ac yn defnyddio effeithiau arbennig yn gynnil rhaglenni grymus yn cynnwys arbrofi mentrus a beiddgarwch syniadol fydd y rhain. Yn y categori hwn eleni y comisiynwyd rhai o n rhaglenni ar y Rhyfel Byd Cyntaf, fel Y Rhyfel Mawr gyda Tweli Griffiths, Bravo Aberystwyth neu Annibyniaeth gyda Gwion Lewis. *Ar gyfer Cymru Fyw a gwefan Radio Cymru dyma enghreifftiau o rai o r pethau llwyddiannus gynhyrchwyd eleni yn rhan o r comisiwn: Annibyniaeth Blog gan Gwion Lewis ar wefan Cymru Fyw i gyd-fynd â phob rhaglen: Mynediad am Ddim yn Dathlu r Deugain Oriel luniau Mynediad am Ddim ar hyd y blynyddoedd:

14 8. Nodwedd a Rhaglenni Unigol Eleni rydym yn chwilio am amrywiaeth o gyfresi nodwedd a rhaglenni unigol. Gallant fod yn 29 neu n 44 munud o ran hyd - gan ddibynu ar y syniad a r slot fydd ar gael. Mae r maes yn eang a gall syniadau yn y categori yma gwmpasu r rhan fwyaf o feysydd diddordeb gwrandawyr Radio Cymru. Rydym yn chwilio am gynnwys diddorol sy n mynd â ni yn fwy trylwyr efallai i feysydd y bydd nifer o raglenni dyddiol y gwasanaeth yn ymweld â nhw yn rheolaidd hanes, daearyddiaeth, adloniant, gwyddoniaeth, cerddoriaeth, busnes, llenyddiaeth a r iaith Gymraeg, cymeriadau Cymru, cymunedau amrywiol, chwaraeon ayb ac yn arbennig straeon pobl. Y digwyddiad mawr yn 2014 oedd canmlwyddiant y Rhyfel Byd Cyntaf, a bydd hwn yn parhau yn thema ar gyfer 2015/16 gyda rhaglenni arbennig wedi eu comisiynu eisoes. Eto, mae yma awydd i fynd â r orsaf allan i ganol ein cymunedau. Carem weld syniadau sy n rhoi llwyfan i weithgaredd clybiau egnïol fel y Ffermwyr Ifanc neu sy n mynd â ni i ysgolion efallai? Fe allai fod elfen o gystadleuaeth neu her yn rhan o r syniad? Ymhlith rhaglenni nodwedd eleni darlledwyd Tra Bo Dau, Cartrefi Cymru, Alex yn Galw a Wyn ar Wyddoniaeth yn y categori yma. *Ar gyfer Cymru Fyw a gwefan Radio Cymru dyma enghreifftiau o rai o r pethau llwyddiannus gynhyrchwyd eleni yn rhan o r comisiwn: Alex Yn Galw Lluniau a blog wythnosol gan Alex Jones, ac Alex wedi helpu i drydar y linc. Tra Bo Dau Lluniau ychwanegol a blog wythnosol gan Nia Roberts oedd yn help i hyrwyddo'r rhaglen ar Radio Cymru a Cymru Fyw: Byd Iolo Blog wythnosol gan Iolo Williams:

15 9. Cerddoriaeth Rydym yn chwilio am hyd at 5 cyfres yn y categori hwn eleni: Cyfres o gerddoriaeth glasurol boblogaidd ar fore Sul yw r pedair cyntaf, wedi ei rhannu rhwng cyflwynwyr amrywiol. Rydym yn chwilio am hyd at 4 o bersonoliaethau bywiog a chynnes, ond cyflwynwyr sy n meddu hefyd ar yr hygrededd cerddorol angenrheidiol i allu cyflwyno r deunydd yma n ddeallus a gwybodus yr un pryd. Bydd y polisi cerddorol yn rhychwantu holl faes cerddoriaeth glasurol, er y bydd y pwyslais ar y clasurol poblogaidd gan gynnwys cerddoriaeth ffilm a theledu mwy diweddar ynghyd â cherddoriaeth o fyd sioeau cerdd a cherddoriaeth boblogaidd Gymraeg. Mae hon yn rhaglen bwysig i r gwasanaeth wrth adeiladu r gynulleidfa ar fore Sul. Cymharol fychan yw r niferoedd sy n gwrando am 0600, ond erbyn diwedd y rhaglen am 0800 mae r gynulleidfa yn sylweddol iawn, ac yn bwysig felly i weddill perfformiad Radio Cymru ar fore Sul. Bu Rhys Jones, Elin Manahan Thomas, Gareth Glyn a Rhys Meirion yn cyflwyno hon hyd yma eleni. Bydd Robat Arwyn yn cyflwyno cyn diwedd y flwydyn yn ogystal. Caiff dwy fersiwn awr o hyd o r rhaglen eu hail-ddarlledu rhwng ar fore Llun a Gwener yn ystod yr wythnos. Mae r gyfres olaf yn dra gwahanol ei natur. Cyfres yw hon sy n rhoi cyfle i gerddorion ac artistiaid cyfoes berfformio a recordio deunydd newydd. Y gobaith wedyn yw bod y deunydd yma ar gael i w ddefnyddio ar raglenni r gwasanaeth os yn addas hyd nes y rhyddheir y deunydd yn fasnachol. Bydd yr artistiaid ar y cyfan eisoes yn rhai cyfarwydd i wrandawyr yr orsaf, er bod lle i gyflwyno un neu ddau o berfformwyr llai cyfarwydd. Bydd y gerddoriaeth heb fod yn rhy galed ei sain i gynulleidfaoedd cyffredinol yn ystod y dydd. Mae hon yn un o n cyfresi pwysicaf i roi llwyfan i gerddorion Cymraeg ac yn ategu r gwaith cerddorol mae r orsaf yn ei wneud gyda sesiynnau byw rheolaidd ynghyd â chyfleoedd perfformio sy n codi mewn prosiect fel Gorwelion. Eleni comisiynwyd cyfres o sesiynnau mwy clasurol eu naws fydd i w clywed ar yr orsaf at ddiwedd y flwyddyn.

16 10. Rhaglenni C2 Rydym eleni fel llynedd yn cynnig slot ar 2 noson wahanol: Rhaglen Wythnosol Mae r gyntaf yn rhaglen wythnosol rhwng dwy a theirawr o hyd y gall y sector gystadlu amdani gyda n cynhyrchwyr mewnol, sef rhaglen ar un ai nos Lun, Mawrth, Mercher, Iau neu Gwener. Byddem am ystyried yn y lle cynta y cyflwynwyr sydd yno eisoes ar y nosweithiau hyn, ond yn naturiol gyda strand iau fel C2, mae pwylais hefyd at ddatblygu talentau cyflwyno newydd a byddem yn hapus i drafod hynny. Mae presenoldeb a chynnwys amrywiol ar y we yn hollbwysig i C2 ac mae r cydweithio cyson gyda gweddill y timau cynhyrchu mewnol yn allweddol i unrhyw gynnig annibynnol yma. Slot 2100 Bwriad y slot yma ar nos Iau yw apelio at wrandawyr sydd yn mwynhau cerddoriaeth gyfoes yn ei amrywiol weddau ag efallai sydd yn disgwyl clywed rhywbeth ychydig yn wahanol yn ogystal â newydd. Cafwyd amrywiaeth o raglenni yn y slot yma eleni gan gynnwys Ware n Noeth efo Richard Rees yn cyflwyno ddechrau r haf a Y Teimlad gyda Lisa Gwilym yn cyflwyno yn ystod yr wythnosau diwethaf. Ni ddylai r rhaglenni mwy cerddorol eu natur ganolbwyntio ar dargedu oedran penodol. Mae r rhaglenni n fwy am y genre ac apêl canolog cerddoriaeth dda. Rydym yn chwilio am gyfresi o 6-7 rhaglen fel rheol - ond os oes yna resymau golygyddol da am gael un rhaglen arbennig (e.e. dogfen gerddorol) neu gyfres fer gallwn edrych ar hynny hefyd. Byddwn yn hyrwyddo talent newydd yn y slot yma yn fewnol o dro i dro ond mae croeso i chi gynnig syniadau ar y trywydd hwn yn annibynnol hefyd ond byddem am brawf o allu darlledu unrhyw dalent cyn ystyried comisiynu. Mae cynulleidfa C2 ychydig yn iau ac o r herwydd mae r hyn sydd yn cael ei gynnig ganddon ni ar y we yr un mor bwysig â r rhaglenni eu hunain. Yn wir mae r deunydd yma yn rhan annatod o unrhyw gomisiwn. Mae gwefan C2 wedi newid ers rhyw flwyddyn bellach ac yn safle cyfoethog sy n cynnwys clipiau fideo yn ogystal â sain erbyn hyn. C2: Obsesiwn Lluniau a fideos ychwanegol C2: Ware'n Noeth Lluniau a fideos o'r artistiaid yn perfformio:

17 11. Comedi / Adloniant Bwriad slot 1230 a 1800 ddydd Gwener ydi cynnig amrywiol raglenni drwy r rhan fwyaf o r flwyddyn sydd ag elfen o hiwmor ac ysgafnder ynddyn nhw, rhaglenni fydd yn codi gwên ar wyneb gwrandawyr ar ddechrau r penwythnos ac yn bartneriaid adloniadol i raglen Tudur! Rydym yn awyddus i gomisiynu cyfresi yn hytrach na rhaglenni unigol, ond os oes dadleuon golygyddol cryf iawn dros gael rhaglenni unigol mi fyddwn ni yn eu hystyried. Yn ddibynol ar syniadau derbyniol, gobeithiwn gynnig o leiaf bedair cyfres yn y categori yma. Eleni fel o r blaen, rydym yn edrych am fformatau cwis neu gêm banel lwyddiannus. Mae fformat cryf yn bwysig ynghyd â r defnydd cywir o dalent. Byddem yn ffafrio syniadau sy n gweithio o flaen cynulleidfa ac yn teithio r wlad ond y peth pwysicaf yw r cynnyrch terfynol ar yr awyr wrth reswm. Hyd yma eleni comisiynwyd cyfresi fel Co Ni Off, Yn y Ryc, Sgersli Bilif, Mae Wythnos yn Amser Hir, Pontgam, Horni ac Ysu ac Roedd Mozart yn Chwarae Billiards ar yr adegau hyn. Darlledwyd rhaglen beilot hefyd sef Traed Mewn Llyfrau ym mis Awst oedd yn ffrwyth cydweithio ar ddatblygu syniad gydag S4C. Tra n derbyn bod hiwmor yn beth personol, y peth pwysicaf am y cynigion yn y categori hwn yw eu bod nhw yn rhai hwyliog ac eang eu hapêl. Mae yna gyfle yma i arbrofi fodd bynnag, a byddem yn awyddus gyda r fformatau drytaf /mwyaf gwahanol i glywed peilot ar gyfer y slots yma cyn comisiynu cyfres lawn. Rydym hefyd yn hapus i ystyried syniadau am gyfres ddrama gomedi/comedi sefyllfa yn ystod y flwyddyn ond oherwydd bod hwn yn genre ddrud, mi fyddem yn dymuno derbyn braslun o gyfres a drafft cyntaf sgript un bennod yn y lle cyntaf, cyn y byddem yn ystyried datblygu ymhellach a chomisiynu peilot. Ond er ei bod yn genre ddrud byddem yn croesawu cynigion gan sgriptwyr newydd yn ogystal â sgriptwyr mwy profiadol. Byddwn yn parhau i ddatblygu ambell brosiect comedi ar y cyd gydag S4C, tebyg i Traed Mewn Llyfrau ac felly yn rhannu r syniadau gorau yma gyda chomisiynwyr S4C er mwyn gweld os oes potensial cydweithio ar ambell brosiect yn y dyfodol.

18 12. Categorïau Arbenigol Stiwdio gyda Nia Roberts Rhaglen a chyfres gylchgrawn wythnosol am y celfyddydau yn yr ystyr ehangaf bosib yw hon. Gall y cynnwys amrywio o bortread o Theatr y Parc a r Dâr i drafodaeth ar Ganwr y Byd neu Lyfr y Flwyddyn. Neu gall rhaglen unigol fod yn bortread o artist neu berfformiwr fel Tammy Jones neu n canolbwyntio ar brosiect penodol fel canolfan Pontio. Mae n rhaid i r cynnwys fod yn eang ei apêl ac mae n rhaid iddo hefyd fod yn berthnasol i bobl o bob oed. Ers dechrau r flwyddyn mae r gyfres hon wedi ei chyflwyno n llwyddiannus gan Nia Roberts a bydd yn parhau i gyflwyno r gyfres i ni yn 2015/16. Mae n bwysig ein bod yn greadigol wrth feddwl am sain y rhaglen a hefyd yn flaengar wrth feddwl am wahanol driniaethau all apelio a denu sylw gwrandawyr. Mae n rhaid i r rhaglen fod yn berthnasol i r Gymru gyfoes ac adlewyrchu r diddordeb byw sydd gan lawer o n cynulleidfa ym mhob elfen o r celfyddydau a r cyfryngau yma yng Nghymru a thu hwnt. Dylai r gyfres adlewyrchu ystod gweithgaredd diwylliannol ar hyd a lled ein cymunedau ni a rhaid i r gyfres hefyd adlewyrchu r her sy n wynebu rhai sy n gweithio yn y maes yma a r rhai sy n gyfrifol am reoli r pwrs cyhoeddus. Ymhlith y rhaglenni eleni y bu r sector annibynnol yn gyfrifol amdanynt yr oedd hanes y Chwiorydd Davies yn y Canolbarth yn diogelu artistiad a cherddorion o wlad Belg yn ystod y Rhyfel Byd Cyntaf. Yn yr wythnosau nesaf byddwn yn clywed am hanes penwythnos Fotoaber yn Aberystwyth ac yn clywed portread o r artist Mary Lloyd Jones. Bwrw Golwg Rydym hefyd yn awyddus i gomisiynu rhifynnau arbennig o Bwrw Golwg yn ystod y flwyddyn. Darlledir Bwrw Golwg ar yr oriau brig ar fore Sul ac yn ei gwisg arferol, John Roberts sy n cyflwyno. Mae r rhaglen yn cynnig lle i drafod a gwyntyllu straeon a syniadau moesol a chrefyddol yn y stiwdio, ynghyd â newyddion ac adroddiadau ar ddatblygiadau crefyddol o bwys y tu allan i r stiwdio. Disgwyliwn i r rhaglenni ychwanegol yma gynnig golwg arbennig ar agweddau amrywiol ffydd heddiw, boed yma yng Nghymru neu y tu hwnt. Er y byddem yn hapus i ystyried cyfres fer, mae natur y slot yn golygu y byddai rhain yn gweithio orau fel pedair rhaglen ar wahân. Gellir ystyried dyddiadau neu ddigwyddiadau arbennig yn y calendr crefyddol, cyfres o broffiliau o bedwar unigolyn arbennig, ymdriniaeth â phynciau llosg arbennig neu yn wir gyfuniad o r rhain. *Eisoes ar Cymru Fyw eleni cynhyrchwyd y deunydd ychwanegol yma i gyd-fynd â r rhaglenni: Erthygl Crefydd a Chwaraeon: Profiad Emyr Lewis a gyhoeddwyd ar Cymru Fyw cyn y darllediad Oriel Siôn Meredith ar wefan Radio Cymru:

19 Dei Tomos Cyfres amrywiol ar bnawn Sul sy n edrych ar y pethe yn ei ystyr ehangaf. Gall rhaglen fod yn gyfres o eitemau cylchgronol eu naws, yn seiat drafod, yn adolygu gwaith penodol neu n raglen arbennig ar leoliad. a gellir chwarae ambell i drac cerddorol yn ogystal. Eleni eisoes cafwyd rhaglen ar hanes cyfrol Brethyn Cartref ac R Williams Parry. Gall Dei grwydro i fyd llyfrau, arddangosfeydd, treftadaeth, darlithoedd difyr, cefn gwlad, cerddoriaeth a phobl. Mae r rhaglen fel rheol mewn dau ran ac mae hyn yn cynnig cyfle i roi triniaeth estynedig i ambell bwnc sy n ei haeddu. Gyda rhaglen estynedig fel hon mae sicrhau amrywiaeth triniaeth sain rhwng yr eitemau yn bwysig. Mae modd hepgor y bwletin newyddion am 6pm os yw r rhaglen yn gofyn am hynny. Caiff fersiwn byrach tri chwarter awr o hyd o r rhaglen ei hail-ddarlledu yn ystod yr wythnos erbyn hyn hefyd ac mae gofyn paratoi hwnnw yn ogystal. Llyfr Bob Wythnos Ers dechrau r haf mewn cydweithrediad gyda r Cyngor Llyfrau a r gweisg Cymraeg, bu Bore Cothi yn darlledu addasiadau o gyfrolau ffuglen a hunangofiannau yn bennaf a hynny mewn pum pennod o ddydd Llun i ddydd Gwener. Dyma gynnig am y tro cyntaf felly i gynhyrchwyr annibynnol wneud cais i gael cynhyrchu addasiadau pellach i r strand hwn - ond byddai gofyn i r cynnig fod yn rhywbeth gwahanol i r hyn y byddwn ni n gynllunio ei wneud yn fewnol. ee - gall fod cyswllt talent penodol yn rhan o r addasiad annibynnol, gall y cynnig fod yn gyfres o fonologau newydd sbon heb eu cyhoeddi, neu gall fod yn gyfres o raglenni nodwedd byrion ynghlwm â ryw thema benodol. Hynny yw, er taw rhoi gofod i addasiadau o gyfrolau cyhoeddedig yw prif fwriad y slot, mae lle i ledu rhyfaint ar y diffiniad hwnnw er mwyn i ni yn achlysurol allu cynnig amrywiaeth i r gwrandawyr. Eisoes eleni, ynghyd ag addasiadau lu, comisiynwyd 5 awdur i ymateb yn greadigol ar thema benodol sef y Teulu - a byddwn ni hefyd yn darlledu cyfres o raglenni nodwedd byrion yn seiliedig ar daith i Wlad yr Iâ cyn diwedd y flwyddyn.

20 13. Digwyddiadau Nadolig Gall rhaglenni yn y dosbarth yma fod yn raglenni syml o gerddoriaeth neu n gyngherddau uchelgeisol ar leoliad. Rydym yn edrych ar y cyfnod 24 Rhag 1af o Ionawr yn bennaf felly mae n cynnwys y Calan hefyd. Mae digon o raglenni yn cloriannu r flwyddyn gennym ni fel rheol felly dylid osgoi cynnig ormod o syniadau ar y trywydd hwnnw oni bai ei fod yn syniad gafaelgar. Gŵyl Ddewi/Pasg Yn yr un modd â r Nadolig gall rhaglenni Gŵyl Ddewi neu gyfnod y Pasg fod yn amrywiol. At ei gilydd bydd rhywfaint o newid ar yr amserlen ar y dyddiau gŵyl yma sy n rhoi cyfle i amrywio hyd rhai rhaglenni. Byddwn hefyd yn chwilio am raglenni fyddai n rhoi hoe i ambell strand ddyddiol adeg gwyliau. *Ar Cymru Fyw eleni cynhyrchwyd y deunyddiau hyn ar gyfer rhai o n digwyddiadau ni. Oriel Llyfr y Flwyddyn ar wefan Cymru Fyw: Oriel Wythnos yr Eisteddfod Genedlaethol: Oriel luniau Cardiau Post y Somme ar Cymru Fyw:

21 14. Ffurflen Gomisiynu COMISIYNU BBC RADIO CYMRU 2015/16 Genre/Categori Darparwr (Adran fewnol BBC neu Gwmni Annibynnol, gan gynnwys cyfeiriad.) Nifer y rhifynau Dyddiad Cyfleu a Awgrymir Enw r Cynhyrchydd Teitl y Rhaglen Pris Rhaglen a Awgrymir Enw(au) Cyflwynwyr / Cyfranwyr Disgrifiad o syniad y rhaglen Gyrwch eich cynigion ar ebost at: radiocymru.cynigion@bbc.co.uk

22 15 Amserlen Dyma r amserlen y gobeithiwn ei dilyn: Merch/Iau 1/2 Hydref Rhyddhau r ddogfen gomisiynu 1200 Llun 24 Tachwedd *Dyddiad Cau y cynigion Llun 15 Rhagfyr Llun Ionawr Llun 26 Ionawr 2015 Hysbysu ynghylch cyfarfodydd Rhestr Fer Cyfarfodydd Rhestr Fer Hysbysu r comisiynau llwyddiannus