Ipagdiriwang ng sambayanang Pilipino ang ika-40 anibersaryo ng

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLIV Blg. 8 Abril 21, Editoryal Palawakin at palakasin ang NDFP at ang pagkakaisa ng sambayanang Pilipino! Ipagdiriwang ng sambayanang Pilipino ang ika-40 anibersaryo ng pagkakatatag ng National Democratic Front of the Philippines (NDFP) sa Abril 24. May espesyal na kabuluhan ang pagdiriwang na ito sa harap ng tuluy-tuloy na paglakas at pagsulong ng armadong rebolusyonaryong pakikibaka sa buong Pilipinas. Mula sa pagkakapundar ng NDF Preparatory Commission noong 1973, ang NDFP ngayon ay binubuo ng 16 na rebolusyonaryong organisasyong masa. Kinakatawan nito ang milyunmilyong mamamayang nasa saklaw ng pinauusbong na mga organo ng bagong demokratikong gubyernong bayan. Mula 1973, gumampan ang NDFP ng malaking papel sa mga rebolusyonaryong pakikibaka ng sambayanang Pilipino. Sa pamumuno ng Partido Komunista ng Pilipinas (PKP), batay sa lakas ng saligang alyansang manggagawa at magsasaka, tinitipon ng NDFP sa ilalim ng payong nito ang progresibo at makabayang mga uri, sektor at pwersa. Malaki ang ginampanan ng NDFP sa pagbubuo ng pagkakaisa ng bayan at pagsusulong ng kanilang mga pakikibaka laban sa diktadurang US-Marcos at mga sumunod na reaksyunaryong gubyerno. Gumampan ito ng malaking bahagi sa mga pakik- ibaka para sa tunay na reporma sa lupa, laban sa mga base militar ng US at pagtataguyod sa karapatang-tao. Kinakatawan nito ang sambayanang Pilipino sa pagbubuo ng diplomatikong relasyon sa ibang mga gubyerno at pagbubuo ng internasyunal na pagkakaisang anti-imperyalista sa mamamayan sa iba't ibang panig ng daigdig. Tumayo ito bilang kinatawan ng demokratikong gubyernong bayan sa pakikipagnegosasyong pangkapayapaan sa naghaharing estado upang itulak ang pambansa at demokratikong Sa isyung ito... Arbitrasyon sa antas baryo 4 Parangal kay Ka Abon 6 DPRK nanindigan laban sa panggegera ng US 10

2 pagbabago bilang resolusyon sa mga ugat ng armadong tunggalian sa Pilipinas. Lalong tumitingkad ngayon ang papel ng NDFP bilang instrumento ng sambayanang Pilipino para sa pagbubuo ng kanilang pambansa at demokratikong pagkakaisa at lakas sa harap ng lalong pagkabulok ng malakolonyal at malapyudal na sistema at ng lumalalang korapsyon, pagkatuta at kalupitan ng rehimeng US-Aquino. Pinatutunayan ng rehimeng US-Aquino na wala itong pinagkaiba sa makauring pamumuno ng nagdaang mga reaksyunaryong rehimen. Hindi ito nahuhuli sa kabulukan kumpara sa nagdaang rehimeng Arroyo at mga nauna pang gubyernong talamak sa korapsyon. Bigong pagtakpan ng sirangplakang "matuwid na daan" at "malinis na pamamahala" ni Aquino ang mga katiwalian sa ilalim ng kanyang rehimen. Ang pinakamalalaking negosyanteng malapit sa rehimeng Aquino tulad nina Eduardo Danding Cojuangco, Lucio ANG Taon XLIV Blg. 8 Abril 21, 2013 Ang Ang Bayan ay inilalabas sa wikang Pilipino, Bisaya, Iloko, Hiligaynon, Waray at Ingles. Maaari itong i-download mula sa Philippine Revolution Web Central na matatagpuan sa: Tumatanggap ang Ang Bayan ng mga kontribusyon sa anyo ng mga artikulo at balita. Hinihikayat din ang mga mambabasa na magpaabot ng mga puna at rekomendasyon sa ikauunlad ng ating pahayagan. Maaabot kami sa pamamagitan ng sa: angbayan@yahoo.com Tan, Manny Pangilinan, Henry Sy, Lucio Co at iba pa ang pinakamalalaki ring umiiwas sa pagbabayad ng buwis. Sila rin ang pinakamalalaking nakikinabang sa mga kontrata sa Public-Private Partnership Program. Inaagaw ng kampo ni Aquino ang mga kontrata sa mga proyektong pang-imprastruktura mula sa karibal nilang mga negosyante at pinipiga mula rito ang pinakamalaking porsyento na kanilang ibubulsa. Matindi at madugo ang pakikipag-agawan ng kampong Cojuangco-Aquino sa operasyon ng ismagling at sindikato ng iligal na sugal at iba pang mga kriminal na operasyon. Sa kabilang panig, ang mamamayang Pilipino ay pinipiga ng kaliwa't kanang mga buwis at bayarin. Nananatiling napakataas ng buwis sa karaniwang mga bilihin, kabilang ang mga produktong petrolyo, na pumipipi sa balikat ng mamamayan. Lubhang kulang ang inilalaang badyet para sa serbisyong pangkalusugan at edukasyon. Nangangabulok ang mga ospital at pa- Nilalaman Editoryal: Palawakin at palakasin ang NDFP at ang pagkakaisa ng sambayanang Pilipino 1 Mga tagumpay ng BHB sa NEMR 3 Arbitrasyon sa antas baryo 4 Parangal kay Ka Abon 6 17 patay, 22 sugatan sa kaaway 7 7 POW pinalaya sa CARAGA 8 Mga sibilyan binibiktima ng militar 8 Pagpaslang ng bata sa Comval, binatikos 9 Pagpapalayas sa mga magsasaka sa Stockfarm sa Capiz, tinututulan 9 DPRK nanindigan laban sa panggegera ng US 10 Korte Suprema binatikos 11 Ang Ang Bayan ay inilalathala dalawang beses bawat buwan ng Komite Sentral ng Partido Komunista ng Pilipinas aralang pampubliko. Kaliwa't kanan ang demolisyon ng mga barungbarong ng mga maralitang lunsod upang bigyang-daan ang mga proyektong pangimprastruktura para sa mga dayuhang kumpanya. Di mapagtakpan ng mga salitang pasiklab ni Aquino ang papalalang paghihirap ng mamamayan. Palala ang kawalan at kakulangan ng trabaho. Nakapako pa rin ang sahod ng mga manggagawa at sinusupil ang kanilang karapatang magunyon at magwelga. Walang tunay na reporma sa lupa habang ginagamit ang reaksyunaryong batas para bigyang-daan ang dayuhan at pyudal na kontrol sa malalawak na lupain. Hinahamon ni Aquino ang patriyotismo ng bayan sa pagpapatupad niya ng "full-access policy" para bigyang-daan ang walang habas na paglabas-masok ng mga sundalo, barko at eroplanong pandigma ng US at ang walang pakundangang pagyurak sa kasarinlan ng Pilipinas. Ipinapagamit ni Aquino ang Pilipinas sa hegemonismo, pang-uupat ng gera at panghihimasok ng US sa Asia-Pacific. Pinahihintulutan niya ang mga militar ng US na mag-operasyon at magbase sa loob ng Pilipinas. Kaya naman puring-puri si Aquino ng kanyang imperyalistang amo, katulad ng pagpapabilang sa kanya sa listahan ng mga "pinakamaimpluwensya" ng Time magazine. Kaya rin naman lalong tumitindi ang hangarin ng sambayanang Pilipino para sa pambansa at demokratikong pagbabago sa harap ng papalalang krisis ng naghaharing sistema sa Pilipinas. Hinahangad nilang wakasan ang pang-aapi, pagsasamantala at paghihirap na dulot ng makadayuhan at anti-mamamayang mga patakaran ng rehimeng US-Aquino. Determinado 2 ANG BAYAN Abril 21, 2013

3 silang isulong ang kanilang rebolusyonaryong pakikibaka at dalhin ang digmang bayan sa susunod na yugto ng pagkakapatas sa darating na mga taon. Tungo sa layuning ito, dapat ibayong palakasin at patatagin ang NDFP bilang sentro ng pambansademokratikong pagkakaisa ng sambayanan. Dapat palaganapin ang 12-puntong programa ng NDFP bilang balangkas ng pagbubuo ng pambansang pagkakaisa. Dapat pamunuan ng NDFP ang pagbubuo ng patriyotikong pagkakaisa ng sambayanan sa harap ng lalong pagpapakapapet ng naghaharing rehimeng US-Aquino at paglapastangan sa pambansang kalayaan. Dapat tipunin ang pinakamalawak na pagkakaisa para labanan at itulak ang pagbabasura sa Visiting Forces Agreement, Mutual Defense Treaty at iba pang di pantay na mga kasunduan. Gayundin, dapat buuin ang malawak na pagkakaisa laban sa nilulutong pagbabago sa reaksyunaryong konstitusyon ng 1987 upang pahintulutan ang lubos na pag-aari ng mga dayuhang kapitalista sa mga lokal na negosyo at ang muling pagtatatag o operasyon ng mga base militar ng US. Dapat tipunin ang malawak na suporta para itulak ang negosasyong pangkapayapaan sa pagitan ng NDFP at ng Gubyerno ng Pilipinas. Dapat igiit ang pagrespeto ng rehimeng US-Aquino sa nauna nang pinirmahang mga kasunduan. Kabilang dito ang pagpapalaya sa mga konsultant ng NDFP sa usapang pangkapayapaan upang bigyang-daan ang pagsulong ng negosasyon tungkol sa mga susing usaping sosyo-ekonomiko. Dapat buuin sa iba't ibang antas ang mga organo ng demokratikong gubyernong bayan at palakasin ang kakayahan ng mamamayang Pilipino sa sariling pamamahala at paggugubyerno. Ang gayong mga hakbangin ay bahagi ng pagpapalakas ng NDFP bilang kinatawan ng sambayanang Pilipino. Dapat patuloy na palakasin ang pakikipagkaisa ng NDFP sa mga pakikibakang anti-imperyalista sa iba't ibang bansa at tipunin ang pinakamalawak na suporta para sa pakikibaka ng sambayanang Pilipino. ~ Mga nag-aalab na tagumpay ng BHB sa NEMR Magiting at nag-aalab ang pagdiriwang ng ika-44 na anibersaryo ng Bagong Hukbong Bayan (BHB) sa Northeastern Mindanao Region (NEMR). Sa taong 2012, naabot ang pinakamataas na antas ng rebolusyonaryong kilusan sa rehiyon sa kasaysayan nito, ayon kay Ka Maria Malaya, tagapagsalita ng NDF- NEMR. Ang mga tagumpay na ito ay nakamit sa mahigpit na pamumuno ng Partido Komunista ng Pilipinas (PKP) sa BHB at sa buong rebolusyonaryong kilusan. BHB at Milisyang Bayan. (MB). Umaabot na sa dalawang batalyon na may malalakas na riple ang mga Pulang mandirigma ng BHB at nakapakat sila sa mga gerilyang platun sa mga bayan ng apat na prubinsya. Umaabot na rin sa limang batalyon ang MB nito sa baryo. Malaking pag-unlad ito kumpara noong 2001 kung saan isang maliit na batalyon lamang ang armadong lakas ng BHB sa rehiyon at humigit-kumulang 500 ang mga kasapi ng MB. Mga taktikal na opensiba (TO). Nakapaglunsad ng 148 taktikal na opensiba noong 2012, kabilang ang 19 na anihilatibong aksyon. Nakakumpiska ng sapat na malalakas na riple ang mga Pulang mandirigma upang makapagtayo ng isang dagdag na platun ng BHB. Ang malawakang operasyon ng kaaway ay hinarap ng mga kontra-opensiba ng BHB. Nakapaglunsad ng 104 na aksyong harasment at tatlong ambus bilang kontra-atake. Umabot sa 142 tropa ng kaaway ang napatay at 115 ang nasugatan. Dalawang helikopter ng kaaway ang nasira. Siyam na Pulang mandirigma ang nag-alay ng kanilang buhay. Naisagawa ang 16 na aksyong pamarusa laban sa mga kumpanya sa pagmimina at plantasyong tumatangging kumilala sa awtoridad ng rebolusyonaryong kilusan. Pangunahing pinarusahan ang mga kumpanya ng plantasyon ng saging na pang-eksport tulad ng Dole Philippines. Ang mga plantasyong ito ay sumisira sa kapaligiran at nangwawasak sa kabuhayan ng mga magsasaka. Baseng masa. Pinatatag at pinanday ang baseng masa laban sa atake ng kaaway. Umaabot sa 640,000 ang populasyon na saklaw ng mga baryong kinikilusan kung saan sangkatlo nito ang maituturing na rebolusyonaryong baseng masa. Sa kabilang banda, kailangan pang abutin at organisahin ang sangkatlong bahagi ng mga baryo sa rehiyon, laluna ang mga sentrong bayan at lunsod. Rebolusyong agraryo. Dumarami ang mga pamilyang magbubukid na nabiyayaan ng iba t ibang anyo ng rebolusyong agraryo. Umaabot sa 43,779 pamilya o 218,800 indibidwal ang nabiyayaan ng rebolusyong ANG BAYAN Abril 21,

4 agraryo sa 330 baryo sa loob ng 29 na bayan. Sa inilunsad na Programang Balik-Sakahan sa kabundukan, umabot sa 4,200 pamilya sa loob ng dating malalaking konsesyon sa pagtotroso ang nakapagsasaka na. Sinimulan sa mga lugar na ito ang pagpapaunlad sa pagsasaka para sagutin ang pagkain at iba pang batayang pangangailangan ng mga pamilya at komunidad sa balangkas ng ekonomyang nakasasapat sa sarili" (ESK). Mga atake ng kaaway at kontra-opensiba ng BHB. Sa layong durugin ang rebolusyonaryong pwersa sa NEMR, pinakilos ng rehimeng US-Aquino ang limang batalyon ng 75th, 36th at 30th IB at 3rd Special Forces Battalion at apat na kumpanya ng 26th IB, 38th IB, Scout Ranger Coy, 401st Division Reconnaissance Coy, kabilang ang Philippine National Police at mga CAFGU. Pitumpu t apat na beses na naglunsad ng operasyong militar ang kaaway sa mga saklaw ng malalaking minahan. Gayunman, nabigo ang kaaway at nakuntento na lamang sa pagmamayabang sa kanilang katawatawang tropeyo ng tagumpay" ang inabandonang mga pansamantalang kampo ng BHB. Pinamumunuan ng Eastern Mindanao Command (Eastmincom), ang pinakamataas na kumand ng AFP sa silangang bahagi ng isla, ang naglunsad ng operasyong militar noong Marso hanggang Abril Pinakawalan nito ang 1,200 tropa sa mga kabundukan ng Surigao del Norte, Surigao del Sur at Agusan del Norte. Higit na malaki ito kaysa sa operasyong militar na inilunsad noong panahon ng Oplan Bantay Laya 1 at 2. Nagkaroon din ng 30 laking batalyong operasyong militar sa ilalim ng 4th ID. Bigo ang malawakang opensiba ng kaaway sa pagsugpo ng paglago at pagsulong ng rebolusyonaryong kilusan. Puspusang hinarap ito ng mga kontra-opensiba ng BHB at ng paglaban ng mamamayan sa kanilang hangaring ipagtanggol at isulong ang mga tagumpay ng rebolusyon. ~ Ang bahay ni Nang Lydia Arbitrasyon sa antas-baryo Ang tahanan ni Nang Lydia sa isang liblib na barangay sa Northeastern Mindanao ay hindi nauubusan ng mga bisitang humihingi ng payo sa iba't ibang usapin. May mga aktibistang masa na lumalapit para mapayuhan kung papaano pa mapapahusay ang mga organisasyong masa. Mayroon ding nagsasampa ng mga reklamo o kaso. "Sanay na ako," ani Nang Lydia. "May mga pagkakataon na mga problema na ang gumigising sa amin sa umaga. Mula sa away ng magkapitbahay hanggang sa mabibigat na kaso tulad ng reyp, pagnanakaw ng kalabaw at pagpatay, iba't ibang problema ang idinudulog sa amin." Ayon kay Nang Lydia, hindi niya solo ang gayong gawain. Ang lahat ng isinasampang kaso o mga problemang idinudulog sa kanyang tahanan ay kolektibong pinag-uusapan ng Komiteng Rebolusyonaryo sa Baryo na siyang organo ng kapangyarihang pampulitika ng mamamayan. Nagkataon lamang na ang kanyang bahay ay nakapwesto sa daanan patungo sa katabing sityo at mga barangay. Pabor sa mga tao na ito ang lapitan. Bukod dito, si Nang Lydia ang isa sa mga naging unang aktibistang masa nang masimulan ang pagtatatag ng rebolusyonaryong kilusan sa kanilang barangay. Malinaw sa karaniwang mamamayan na sina Nang Lydia ay naglalaan talaga ng panahon sa pag-aasikaso ng kapakanan ng masa. Ang lumalaki nilang gawain ay bunga rin ng paglakas ng kanilang organisasyon. Tumaas ang respeto sa kanilang organisasyon nang pamunuan nila ang pagkumpronta sa malalaking tindahan sa magkakatabing mga sityo para pababain ang presyo ng mga batayang bilihin. Nakamit nila ang gayong layunin. Mula noon, iba't ibang kaso na ang kanilang inaasikaso at parang naging upisina na rin ng kanilang organisasyon ang bahay ni Nang Lydia. Kasabay ng paglakas ng kanilang organisasyon, napanday din ang kanilang rebolusyonaryong komitment sa paglilingkod sa bayan. 4 ANG BAYAN Abril 21, 2013

5 "Noong una, parang nahihiya kaming humarap sa mga tao at gumitna para aregluhin ang dalawang nagbabanggaang partido. Nang simulan namin ito, nahirapan din kami. Pero sa paggabay ng mga kasama at sa mga pag-aaral na aming dinaluhan, kinaya namin ang mga kaso o problemang idinudulog sa amin. Dagdag pa, ang rebolusyon ay naglalayong kamtin ang hustisya para maangkin ng mamamayan ang bunga ng kanilang pagod. Dahil sa layuning ito, hindi maiiwasan na may mga taong magsasampa ng kaso dahil ipinagkakait sa kanila ang kanilang kabuhayan. Ibaiba man ang anyo, ganito ang karamihan ng kasong hinaharap namin. "Sa aming karanasan, ang arbitrasyon ay naging epektibong paraan para magkaisa ang mamamayan para sa rebolusyon. Ito ay dahil nakikita nila na pwede silang magkamit ng hustisya habang isinusulong pa ang ating pakikibaka." Ang arbitrasyon ay nakatuntong sa prinsipyong pagkamit ng hustisyang panlipunan na pinanghahawakan ng rebolusyon. Bukod dito, noong 1977 ay pinalabas ng Partido ang Gabay sa Pagtatayo ng Demokratikong Gubyernong Bayan na nagsasaad ng mga prinsipyo hinggil sa sistema ng paggugubyerno, Hukumang Bayan at mga tungkulin ng mamamayan. Noong taon ding iyon inilabas ang Rebolusyonaryong Gabay sa Reporma sa Lupa. Ito ang ginagagamit na batayan ng mga magsasaka na nagsasampa ng mga kaso laban sa mga panginoong maylupa at nagsusulong ng kanilang karapatan para sa lupang mabubungkal. Sa karanasan nina Nang Lydia, karamihan ng mga kaso ay away sa hanay ng mamamayan at nireresolba sa pamamagitan ng arbitrasyon. Isa itong proseso sa pagreresolba na labas sa balangkas ng pormal na hukuman. Pinamamahalaan ito ng mga organo ng kapangyarihang pampulitika sa gabay ng Partido at kinatawan nito. Ang mabibigat na kasong kriminal na nangangailangan ng mahabang proseso at paghahanda ay iniaangat sa hukumang bayan. Ang paraan ng pagtatayo at pagpapatakbo ng korteng ito ay naisulat na rin noong 1977 at patuloy na pinauunlad sa aktwal na praktika. Sa tingin nina Nang Lydia, marami ang lumalapit sa kanila dahil kuntento sa resulta ng kanilang arbitrasyon kapwa ang mga nagsasampa ng kaso at ang sinasampahan ng kaso. Bukod sa wala itong gastos, mabilis pa ang arbitrasyon at ang desisyon ay batay sa batas at patakarang nakatuntong sa pagkakapantay at katarungan. Sinisiguro din na pinakikinggan ang magkabilang panig. Kung may mga hindi kuntento sa naabot na desisyon, maaari silang mag-apela sa mas mataas na korte. Mabilis ang mga desisyon dahil walang mga hadlang sa pagdaloy ng hustisya, tulad ng marurumi at tusong taktika sa burgis na korte, kung saan salapi ang pangunahing nagtatakda sa takbo ng kaso. Higit sa lahat, ang batas na siyang tuntungan ng mga desisyon sa mga burgis na korte ay pabor na dati sa naghaharing uri. "Ang patuloy na pagsasampa ng mga kaso sa rebolusyonaryong kilusan ay pagkilala sa kakayahan nito na magpairal ng tunay na hustisya para sa inaapi." ~ (Ang artikulong ito ay halaw sa "Ang panimalay ni Nang Lydia" na inilathala sa isyung Marso 2013 ng Sulong, ang rebolusyonaryong pahayagan ng National Democratic Front-Mindanao.) Rebolusyonaryong kilusan sa Cavite, palalakasin Kasabay ng pagbati sa nakaraang na 44 taon ng Bagong Hukbong Bayan, buong siglang ipinanawagan ng National Democratic Front (NDF) sa Cavite sa lahat ng mga kasapi nito ang pagpapalakas ng rebolusyonaryong kilusan sa lalawigan. Hindi maipagkakaila na karamihan sa mga antimamamayang patakaran ng rehimeng Aquino ay sa Cavite pinasimulan. Kabilang dito ang dalawang andanang sahuran sa mga manggagawa, ang malalaking proyekto ng Public-Private Partnership tulad ng extension ng Light Rail Transit at pribatisasyon ng Reclamation Area sa bahagi ng Manila Bay. Patuloy din ang pangangamkam sa mga lupain para gawing mga pribadong subdibisyon at para sa turismo. Gayundin ang matagal nang maruming pulitika at paghahari ng mga makapangyarihang dinastiya sa prubinsya. Higit sa lahat, patuloy ang kagutuman at kahirapan ng mamamayan ng Cavite. Nagpakitang lakas ang NDF-Cavite sa isang linggong selebrasyon ng anibersaryo ng BHB sa pamamagitan ng mga raling iglap, pagsasabit ng balatengga at pag-aaral ng kanilang mga kasapi hinggil sa digmang bayan. Tinatanaw ng NDF- Cavite na sa mga susunod na taon ay maipupundar na nito ang lakas para makapagbuo ng yunit ng BHB sa lalawigan at makapag-ambag sa pagpapalakas ng digmang bayan tungong estratehikong pagkapatas. ~ ANG BAYAN Abril 21,

6 Parangal kay Ka Abon, magiting na Kadre ng Partido Kapag wasto ang linya ng Partido, lilitaw mula sa wala ang yunit ng hukbong bayan dahil determinado ang mga lokal na kasapi ng Partido at mga aktibistang masa na magbuo ng BHB mula sa kanilang hanay o kalulugdan nila ang pagpasok ng mga binhing elemento ng BHB mula sa ibang bahagi ng distrito, prubinsya o rehiyon. mensahe ng Partido Komunista ng Pilipinas sa ika-44 na anibersaryo ng Bagong Hukbong Bayan Salamin ng pagtatag at pagsulong ng armadong kilusan sa Samar ang buhay at karanasan ni Felino Pecoro, isang rebolusyonaryong martir, na nagsimula bilang lokal na aktibista at sumulong bilang magiting na mandirigma at namumunong kadre ng Partido sa rehiyon. Sa kasaysayan ng Eastern Visayas, susi ang papel ng mga rebolusyonaryong organisasyong masa at lokal na sangay ng Partido sa pagbubuo ng Bagong Hukbong Bayan (BHB) at tuluy-tuloy na pagsusulong ng armadong rebolusyonaryong kilusan sa rehiyon. Isang matingkad na halimbawa ang pagkakabuo ng organisasyong masa at sangay ng Partido sa lokalidad na naging binhi sa paglalatag ng organisasyon ng Partido at pagbubuo ng mga yunit ng BHB hindi lamang sa Samar, kundi sa buong rehiyon. Kilala bilang Ka Abon, (Ka Silong at Ka Talino bago ito), namatay si Pecoro noong Abril 26, 2012 sa edad na 69 dala ng malalang pagkakasakit. Namulat siya noong 1970 nang unang kumilos sa kanyang baryo sa Villareal, Samar ang mga kabataang aktibistang itinalaga ng Partido sa lugar. Nanggaling siya sa saray ng mayamang magsasaka. Relatibong nakaaangat ang kanyang pamilya dahil nakapagpundar siya ng maliit na negosyo. Malaking impluwensya sa kanyang pagkamulat ang kababata at kaibigan niyang si Prudencio Calubid. Isa si Ka Abon sa mga inorganisa at binigyan ng oryentasyon para buuin ang mga Barrio Organizing Committee (BOC) sa Villareal at mga kanugnog nitong barangay at bayan. Naging myembro siya ng Partido noong Mula sa mga BOC, nabuo ang mga organisasyon ng magsasaka at naitatag ang mga sangay ng Partido sa lokalidad. Napalitaw mula sa kanilang hanay ang mga aktibista at kadreng handang kumilos ng buong-panahon para palawakin ang Partido at itatag ang BHB sa mas malawak pang saklaw. Noong 1974, nagdesisyong magpultaym sa BHB si Ka Abon, matapos siya pag-initan ng militar. Muling itinalaga si Ka Abon sa kanyang lugar matapos ang ilang panahong pagkilos sa BHB at tumayo bilang kalihim ng teritoryal na organisasyon ng Partido sa tatlong magkakanugnog na bayan na tinawag na Western Zone noong Taong 1979, nahirang siya sa lokal na komite ng Partido sa Southwest, na naging ganap na Komiteng Distrito noong Naging kagawad siya ng komite ng Partido para sa prubinsya ng Samar nang itayo ito noong Sa kumperensyang panrehiyon noong 1985, nahalal siyang kagawad ng Komiteng Rehiyon ng Eastern Visayas. Tumayo siya bilang kalihim ng larangang gerilya na sumaklaw sa mga bayan ng Southwest at ilang bayan ng Eastern Samar sa taong Noong panahon ng Ikalawang Dakilang Kilusang Pagwawasto, matatag na nanindigan si Ka Abon sa wastong linya. Ito ay sa kabila ng pagbisita ng mga kagawad ng noo'y Visayas Commission sa Samar para kumbinsihin siyang itakwil ang pamunuan ng Partido at sumama sa pagpapaksyon. Noong 2003, itinalaga siya sa bagong buong Regional Peasant Bureau (RPB). Kabilang sa mga tinutukan ng RPB ang pagbreyktru sa gawaing sosyo-ekonomiko sa mga pinauunlad na baseng purok. Noong 2010, itinalaga siya sa komite ng isang subrehiyon, kung saan malaki ang kanyang kontribusyon sa pag-unawa ng kasaysayan ng erya, pwersa at masa. Alinsunod sa mga prinsipyo ng rebolusyonaryong pagpapamilya, mulat na sinikap ni Ka Abon na sabay na mapalapit sa rebolusyon ang kanyang pamilya. Sa matyagang pangungumbinsi, nahikayat ding magpultaym ang kanyang asawa. Naging mga Pulang mandirigma ang dalawa niyang anak, na parehong naging martir ng 6 ANG BAYAN Abril 21, 2013

7 rebolusyon. Namatay ang panganay niyang anak na si Maurecio noong 1992, at ang bunsong anak na si Arnulfo noong 2008, dahil sa malalang pagkakasakit. Likas na masayahin, mapagkumbaba at positibo ang pananaw sa buhay ni Ka Abon. Sa apat na dekadang tuluy-tuloy na pagkilos, walang panahong natinag ang kanyang paninindigan. Kahit noong nagsimula na siyang makaramdam ng sakit, hindi siya pinanghinaan ng loob. Kalmado at magaan ang pagharap niya sa mga usaping personal at sa gawain. Obhetibo niyang hinaharap ang mga problema at sinisikap na resolbahin sa pamamagitan ng pagsapol sa esensya ng mga ito at sa praktikal na pamamaraan. Kaya naman lubos siyang kinagiliwan ng mga kasama at masa. ~ 17 patay, 22 sugatan sa kaaway sa mga labanan Labimpito ang napatay at 22 ang nasugatan sa panig ng kaaway sa mga labanan sa pagitan nito at mga Pulang mandirigma ng Bagong Hukbong Bayan (BHB) sa iba't ibang bahagi ng bansa mula Marso 6 hanggang Abril 10. Walang naiulat na kaswalti sa panig ng mga Pulang mandirigma. Sa Ifugao at Kalinga. Lima ang napatay at apat ang nasugatan sa panig ng kaaway sa dalawang magkakasunod na labanan. Tatlong pulis ang napatay at tatlong iba pa ang nasugatan nang tambangan ng mga gerilyang bayan ng Nona Del Rosario Command (NDRC)-BHB ang nagpapatrulyang mga elemento ng Special Weapons and Tactics (SWAT)-PNP sa Asipulo, Ifugao noong Abril 5. Ang inambus na yunit ng SWAT ay isa sa pinakamagagaling sa rehiyon, ayon sa Police Regional Director ng Cordillera. Pagkalipas n g dalaw a n g araw, dalawang sundalo naman ang napatay at isa pa ang nasugatan sa labanan sa pagitan ng mga Pulang mandirigma ng Marcial Daggay Front-BHB at mga tropa sa ilalim ng 17th IB sa Barangay Apatan, Pinukpuk, Kalinga. Nagawang talunin ng BHB sa pagmaniobra ang isang sumasalakay na platun ng kaaway. Sa Mindoro. Limang sundalo ng 76th IB ang malubhang nasugatan sa dagliang aksyong militar na inilunsad ng pito-kataong yunit ng BHB laban sa umaatakeng kumpanya ng militar sa Sityo Lumintao, Barangay Tanyag, Calintaan, Occidental Mindoro noong Abril 4. Sa Bukidnon. Tatlong pulis ang nasugatan nang magkasagupa ang mga Pulang mandirigma ng Mt. Kitanglad Subregional Command at mga elemento ng Regional Police Public Safety Battalion sa Sityo Liboron, Barangay Sagaran, Talacag noong Abril 10. Sa Misamis Oriental. Walong sundalo ng Philippine Army ang napatay at apat ang nasugatan sa limang beses na aksyong harasment ng mga Pulang mandirigma ng Eastern Misamis Oriental-Northeast Bukidnon Subregional Command ng BHB laban sa detatsment ng 58th IB Alpha Coy sa Bangbang, Medina noong Marso 24. Bago ito, isang elemento ng CAFGU ang napatay at tatlong sundalo ng 58th IB ang nasugatan nang agawin ng mga Pulang mandirigma ang inisyatiba at bigwasan ang mga sumasalakay na kaaway sa Dugo-dugo, Pelaez, Claveria noong Marso 20. Sa Butuan City. Isang sundalo ng 3rd Special Forces (SF) ng Philippine Army ang napatay nang isnaypin ng mga Pulang mandirigma ang umokupang mga kaaway sa iniwang pansamantalang kampo ng BHB sa Sityo Patagon, Anticala noong Marso 7. Isang araw bago ito, dalawang sundalo ng 3rd SF ang nasugatan nang unang harasin ng mga gerilyang bayan ang naturang kampo. Sa Surigao del Norte. Dalawang sundalo ang napatay nang harasin ng mga Pulang mandirigma ng Larangang Gerilya 16 ang mga elemento ng 30th IB sa Villariza, Malimono noong Marso 6. Sa Surigao del Sur. Tinamaan at nasugatan si PO1 Ronald Palma sa isnayping na isinagawa ng mga gerilyang bayan ng Larangang Gerilya 19 habang nagooperasyon ang kanilang yunit sa KM 7 sa Aras-asan, bayan ng Cagwait noong Marso 6. ~ ANG BAYAN Abril 21,

8 7 POW, pinalaya sa Caraga Pitong elemento ng CAFGU ang pinalaya ng Bagong Hukbong Bayan (BHB) noong Abril 17 sa dalawang magkahiwalay na lugar sa Surigao del Sur, ilang araw matapos ibimbin para sa imbestigasyon. Ang mga elemento ng CAFGU ay magkakasunod na dinakip ng BHB noong Abril 15. Tatlo sa kanila ang binihag nang salakayin ng mga Pulang mandirigma ang kanilang detatsment sa Hinatuan, Surigao del Sur. Noong araw ding iyon, apat pang elemento ng CAFGU ang hinuli ng mga Pulang mandirigma ng BHB sa liblib na barangay sa bayan ng San Luis sa Agusan del Sur. Bago sila palayain, idineklara ni Jorge Ka Oris Madlos, tagapagsalita ng NDF-Mindanao na ang mga bihag-ng-digma ay idadaan sa demokratikong proseso ng imbestigasyon upang matukoy kung gaano kabigat ang kanilang mga kasalanan. Ang mga elemento ng CAFGU ay pinalaya matapos mapatunayang wala silang malalaking krimen laban sa mamamayan at matapos magpahayag ng pagsisisi sa mga pang-aabuso nila sa masa. Bago ito, nadakip ng mga Pulang mandirigma ang dalawang pulis sa bayan ng Loreto, Agusan del Sur noong Abril 14. Sina PO1 Ronald Allan Muñez at PO1 Nemuel Espina ay hinuli sa sabungan habang nangingikil sa lugar. Ilang araw na silang isinasailalim sa imbestigasyon nang makatakas sila noong Abril 18. Tinukoy ng kumand ng BHB ang kahinaan ng yunit na nagdedetine sa mga bihag. Ayon sa kumand ng BHB, ang dalawa ay napatunayang sangkot sa mga pang-aabuso sa kanilang kapangyarihan, kabilang ang pangingikil at pananakot sa mga tao. Gayunman, ang dalawang pulis ay napatunayang hindi sangkot sa malalalang kaso ng paglabag sa karapatang-tao at walang malalaking krimen laban sa masa. Dahil sa kanilang pagtakas, ang dalawa ngayon ay itinuturing na pugante mula sa rebolusyonaryong batas. Samantala, nireyd ng mga Pulang mandirigma ng BHB ang packing plant ng saging na pang-eksport ng Dole Philippines noong Abril 15 at sinunog ang malalaking makinarya nito sa bayan ng Claveria, Misamis Oriental. Sinunog din ang packing plant ng Agrinanas Development Corp. sa bayan ng Libona, Bukidnon. ~ Mga sibilyan, binibiktima ng militar sa ComVal at Mindoro Litaw na litaw ang pangil ng pasistang militar habang patuloy na hinuhubaran ng maskara ang Oplan Bayanihan ng rehimeng US-Aquino. Sunud-sunod ang mga kaso ng pang-aabuso ng militar laban sa mga sibilyan sa Compostela Valley at Mindoro nitong Abril. Samantala, isang protesta naman ng mga manggagawa ang sinalakay sa Quezon City. Sa Compostela Valley. Noong Abril 6, bandang alas-9:30 ng gabi, binaril at nasugatan ni Nomer Ogaw, isang paramilitar na Blackfighter at aset ng Military Intelligence Battalion, ang dalawang sibilyang sina Gary Rautraut, 32 anyos, at isa pang hindi pinangalanan. Naganap ang pamamaril malapit sa packing house ng plantasyon ng saging na Dole Philippines sa Barangay Baguio, Baguio District sa Davao City. Bago ito, napatay si Elias Acero nang pagbabarilin siya ng mga sundalo ng 69th IB noong Abril 8, ganap na alas- 7:20 ng gabi sa Barangay Dalisay, Panabo City. Nasugatan naman ang isang di kilalang sibilyan na kasama ni Acero. Sa Mindoro. Dalawang sibilyan ang nasugatan, kabilang ang isang 7-taong gulang na bata nang walang patumanggang magpaputok ang mga sundalo ng 76th IB sa Barangay Tanyag, bayan ng Calintaan sa Occidental Mindoro noong umaga ng Abril 4. Ito ay kahit matagal nang nakaatras ang nakaengkwentro nilang mga kasapi ng BHB. Samantala, napilitang magsilikas ang mahigit 100 Mangyang Buhid mula sa lugar noong Abril 4 dahil sa takot sa mga pasistang militar na nag-ooperasyon. Abril 5, nasugatan ang isang batang lalaki nang pagbabarilin siya ng nag-ooperasyong tropa ng 76th IB sa Sityo Bato Singit, Barangay Manoot, bayan ng Rizal. Noong Marso 29, hinuli at ikinulong ng mga sundalo ang pitong sibilyan na nangangaso sa Tintingan, Barangay Manoot, Rizal. Sa Metro Manila. Anim na manggagawa ang hinuli at pito ang nasugatan nang salakayin ng mga goons ng Pentagon Steel Corporation ang piketprotesta ng mga manggagawa noong Abril 15 sa Samson Road sa Quezon City. Itinuturo ng mga manggagawa na pasimuno ng pang-aatake sa kanila si Pablito Alcover, kapatid ng anti-komunistang si Rep. Pastor Alcover ng ANAD partylist. Si Pablito ang pinuno ng Human Resource Department ng nasabing kumpanya. ~ 8 ANG BAYAN Abril 21, 2013

9 Pagpaslang ng bata sa ComVal, binatikos Naglunsad ng kilos-protesta at mariing binatikos ng mga kasapi ng Bagong Alyansang Makabayan (BA- YAN), Children's Rehabilitation Center (CRC) at iba pang kaanib sa Southern Tagalog ang sunud-sunod na karahasan ng militar laban sa mga sibilyan, kabilang ang mga bata. Inilunsad nila ang aksyong masa sa harapan mismo ng Camp Aguinaldo, punong himpilan ng Armed Forces of the Philippines. Bago ito, naiulat ang pagpatay ng 71st IB sa walong taong gulang na bata na si Roque H. Antivo at pagkasugat ng dalawa niyang kapatid na sina Earl Jhun, 12, at Jeffrey Hernan, 13, sa Sityo Kidaraan, Barangay Anitapan sa Mabini noong Abril 3. Sina Roque ay galing sa pag-ani ng gulay sa taniman ng kanilang amain na si Jeffry Hernan nang pagbabarilin sila ng mga tropa ng 71st IB na pinamumunuan ni Lt. Col. Jerry Borja. Pinalalabas ng AFP na may nangyaring engkwentro sa pagitan ng militar at ng Bagong Hukbong Bayan (BHB). Anila, nadamay lamang sina Roque at dalawa niyang kapatid. Ngunit sinabi ng mga sibilyang nakasaksi na walang engkwentrong nangyari sa nasabing lugar. Ayon sa KARAPATAN, si Roque ang ika-16 na biktima ng ekstrahudisyal na pamamaslang sa ilalim ng Oplan Bayanihan ng rehimeng Aquino. ~ Pagpapalayas sa mga magsasaka sa Stockfarm sa Capiz, tinutulan hindi bala! Ito ang sigaw ng mga magsasaka kaugnay ng balak ng gubyernong Aquino na palayasin sila sa Pagkain, Stockfarm sa bayan ng Dumarao, Capiz para bigyang-daan ang konstruksyon ng Regional Training Center ng Philippine National Police (PNP)-Region 6. Ilang beses na nilang ipinamalas ang kanilang mariing pagtutol sa planong ito ng gubyerno. Nagdaos sila ng mga dayalog, nagsulat ng mga petisyon at nagsagawa ng iba pang kilosprotesta para igiit ang kanilang karapatang bungkalin ang lupa. Anila, dapat ipatupad ang tunay na reporma sa lupa at kilalanin ang karapatan ng mga magbubukid na magkaroon ng lupang matatamnan para maibsan ang kanilang gutom at karalitaan. Noong Oktubre 16, 2012, lumahok sila sa kilos-protesta sa Iloilo City kaugnay ng World Food Day, kaisa ng iba't ibang lider-magsasaka ng iba't ibang bansa. Mahigit 12 taon nang nagbubungkal ang di bababa sa 160 magsasaka sa 105-ektaryang lupain sa Stockfarm, na noon ay inabandona na ng Bureau of Animal Industry ng Department of Agriculture (BAI-DA). Malinaw na nakatiwangwang ang lupaing ito, ayon sa mga magsasakang kasapi ng Katilingban sang mga Mangunguma sa Capiz (KA- MACA). Paglabag sa karapatan ng magsasaka para sa disenteng pamumuhay ang balak ng gubyerno na palayasin sila at kanilang mga pamilya sa Stockfarm. Ang Stockfarm ay bahagi ng proyekto ng BAI-DA na Dumarao Livestock Production Center sa Barangay Bungsuan, Dumarao. Saklaw ito ng 120 ektaryang natira sa proyekto matapos maisailalim sa Comprehensive Agrarian Reform Program ang lupain. Dahil nakatiwangwang ang lupaing ito, sinimulan itong bungkalin ng mga magsasaka noong dekada 1980 kasabay ng kanilang pakikibakang ligal. Lumitaw ang problema nang pumusisyon sa lugar noong Marso 2012 ang 605th Coy ng Regional Mobile Battalion (RMB) ng PNP. Inokupa ng mga tropa ng RMB-PNP ang gusali ng BAI- DA. Nitong huli, napag-alaman ng mamamayan na may matagalang plano ang RMB-PNP. Dito pala pinaplanong itayo ang Regional Training Center ng PNP. Kinakasabwat ng PNP si Gov. Victor Tanco ng Capiz para kumbinsihin ang mamamayan sa pagpapanatili ng mga tropa ng RMB para umano sa kanilang kapakanan. Subalit tutol dito ang mga magbubukid. Hindi rin sila naniniwala sa sabi-sabi ng mga tropa ng RMB-PNP na bibigyan sila ng 50 ektaryang lupain na kanila umanong lilipatan sakaling matuloy ang konstruksyon ng Regional Training Center ng PNP. Determinado silang ipagtanggol ang kanilang taniman na naipanalo nila dahil sa sama-sama nilang pakikibaka at pagbubungkal sa lupang tiwangwang. ~ ANG BAYAN Abril 21,

10 DPRK, naninindigan laban sa panggegera ng US Mula nang ideklara ng US ang layuning ibalanse ang armadong lakas nito sa Asia-Pacific sa balangkas ng America's Pacific Century, wala nang tigil ang panghihimasok nito sa mga usaping panseguridad para palawakin ang armadong kapangyarihan at presensya nito sa rehiyon. Bahagi nito ang sistematiko at tuluy-tuloy na paninira at disimpormasyon laban sa Democratic People's Republic of Korea (DPRK) at ang panunulsol nito ng digma sa pagitan ng DPRK at Republic of Korea (South Korea). Mayroong 28,500 sundalong Amerikano na permanenteng nakaistasyon sa South Korea. Ang mga base militar nito sa South Korea ang lunsaran ng panghihimasok ng US sa Korean Peninsula at agresyon laban sa DPRK. Noong Marso, muling pinaigting ng US ang agresyon nito laban sa DPRK nang ilunsad nito ang mga maniobrang pandigma sa hangganan ng DPRK at South Korea sa tabing ng pagsasanay-militar. Nagpalipad ito ng mga eroplanong B-2, mga eroplanong pambomba na hindi nahahagip ng mga radar at may kapasidad-nukleyar. Bilang tugon sa agresyong ito ng US, idineklara ng DPRK ang panunumbalik ng katayuan ng gera sa pagitan nito at ng South Korea at ang kahandaan nitong gamitin ang armas-nukleyar laban sa South Korea at US sa panahon ng armadong pananalakay. Ang deklarasyon ng DPRK ay isinangkalan ng US para tambakan ng libu-libong mga tropa, dagdag na mga eroplanong pandigma, malalaking barko de-gera at iba pang gamit militar ang peninsula at karagatan nito. Pinalabas ng US na ang DPRK ang naghahamon ng gera, gayong lahat ng mga aksyon ng US ay bahagi ng kalkuladong mga maniobra na nakapaloob sa hakbang-hakbang na plano ng rehimeng Obama (tinawag na playbook ) para ipamarali ang armadong lakas ng US sa East Asia, at saklawin, hanggang sa makakaya, ang mga itinuturing na teritoryo at larangan ng impluwensya ng China. Kabilang sa mga maniobrang ito ang tinaguriang angkop na pagsansala laban sa DPRK na pinagkaisahan ng US at South Korea noong Oktubre Pangunahing laman nito ang paglalatag ng kill chain laban sa mga lunsaran ng missile at iba pang instalasyong militar na ginagamit ng DPRK para sa sariling depensa. Kabilang sa planong ito ang pagpapalipad ng US ng mga drone o satellite sa himpapawid ng DPRK upang tukuyin ang mga target at pagpapadala ng South Korea ng mga eroplanong pandigma para bombahin ang naturang mga target. Nakatakdang simulan ang kill chain sa huling bahagi ng kasalukuyang taon. Bahagi rin ng plano ng US at South Korea ang awtomatikong pagganti ng pinagsanib nitong mga pwersa sa DPRK gamit ang armadong lakas na sampung beses na mas marahas laban sa pinakamaliliit na probokasyon, may deklarasyon man ng gera o wala. Nagbuo na ang US ng espesyal na yunit-militar na papasok sa DPRK para tiyakin diumano ang seguridad ng mga pasilidad na nukleyar ng bansa. Sa panahon ng digma, awtomatikong pamumunuan ng US ang sandatahang lakas ng South Korea. Noong Disyembre 2012, pinalabas ng US na nagpalipad ng mga ballistic missile ang DPRK, gayong ang tanging pinalipad nito ay isang satellite 10 ANG BAYAN Abril 21, 2013

11 sa kalawakan para sa syentipikong obserbasyon. Ginamit ng US ang kasinungalingang ito sa United Nations (UN) para sabihing nilabag ng DPRK ang pagbabawal ng UN para sa ballistic missile testing, patawan ito ng panibago at mas mararahas na pagparusa at pwersahin itong isara ang programang nukleyar ng bansa. Sa harap nito, tamang nilalabanan ng DPRK at mamamayang Korean ang pambabraso at panunulsol ng US at mga kasapakat nito, kasabay ng pagtatanggol sa kanilang pambansang soberanya at teritoryo. Wasto nilang kinundena ang pagkukunwari ng US, at maging ng UN, laban sa pagkakait nito sa mamamayang Korean ng karapatang magpaunlad ng kapabilidadnukleyar para sa sariling kaunlaran at depensa. Anang mga upisyal ng DPRK, sa buong kasaysayan ng UN, nagkaroon ng 2,000 nuclear test (mga pag-eeksperimento sa pagpapasabog nukleyar) at 9,000 pagpapalipad ng satellite. Ang may pinakamaraming isinagawang nuclear test at pagpapalipad ng satellite ay ang US. Samantala, tatlo lamang sa mga nuclear test at apat sa satellite launches ang isinagawa ng DPRK. Walang ibang bansang ginawaran ng parusa ng UN, liban sa DPRK. Pinaaalala ng DPRK ang napala ng mga bansang tumiklop sa pambabraso ng US kaugnay ng sariling programang nukleyar. Kabilang dito ang Iraq at Libya, mga bansang nawalan ng batayang linya ng depensa nang salakayin sila ng US at mga kaalyado nito. Pinaaalala ng DPRK at mamamayang Korean ang pambobomba ng US at mga alyado nito sa kanilang bansa noong , kung saan 20% ng kanilang populasyon ang napatay at 85% ng kanilang mga gusali ang nawasak. Nilinaw ng DPRK na malaon na nilang ipinanawagan na maging ligtas sa lahat ng mga armas-nukleyar (nuclear-free) ang Korean Peninsula pero tahasang tumatanggi ang US na iatras ang mahigit 1,000 armasnukleyar na itinambak nito sa South Korea mula pa noong dekada Batid ng DPRK na kung bibitawan nila ang kanilang programang nukleyar, magiging madali para sa US na pasukin at okupahin ang kanilang teritoryo. Naninindigan sila sa karapatan nilang magpaunlad ng mga armas-nukleyar para sa sariling depensa. Kasabay nito, muling iginigiit ng DPRK at mamamayang Korean ang pag-atras ng US mula sa peninsula, ang mapayapang muling pag-iisa ng dalawang Korea at pagsusulong ng nagsasarili at tunay na demokratikong patakarang panlabas sa East Asia. ~ Korte Suprema, binatikos sa desisyon nito sa partylist Mariing binatikos ng Makabayan Coalition ang desisyong ibinaba ng Korte Suprema noong Abril 2 na nagpapahintulot sa 41 grupo na lumahok sa eleksyong partylist. Pinayagan ng Korte Suprema na lumahok sa eleksyon ang mga nasabing organisasyon na karamihan ay kaanib ng mayayaman at makapangyarihang partido sa bansa. Pinapayagan na rin ng Korte Suprema na maging nominado ng partylist ang sinuman kahit hindi ito kabilang sa kanilang sektor. Pinahihintulutan din ng Korte na lumahok ang iba pang grupo kahit hindi ito maituturing na inaaping sektor. Sinabi ng Makabayan na magiging monopolyo ng mga makapangyarihan at elitista ang sistemang partylist dahil sa desisyon ng Korte Suprema. Konswelo de bobo na nga lang ang maliit na puwang na ibinibigay sa mamamayan, ay tuluyan nang kokontrolin ng mayayaman at dinastiya sa pulitika ang Kongreso. Iginiit ng Makabayan na baligtarin ng Korte Suprema ang kanilang desisyon. Samantala, nagprotesta ang mga progresibong grupo sa upisina ng Commission on Elections (CO- MELEC) dahil sa napipintong diskwalipikasyon ng PISTON at Kabataan Partylist. Ayon sa grupo, panggigipit ito sa mga progresibong partido na tunay na kumakatawan sa kanilang sektor. Pakana rin ng rehimeng Aquino ang panggigipit sa kanilang grupo para tuluyan silang hindi makalahok sa eleksyon habang pinapaboran ng COMELEC ang mga grupong pro-aquino tulad ng Akbayan, Ako Bicol at Anak Mindanao. Hindi rin pinalagpas sa protesta ang sunud-sunod na pang-aatake sa mga kasapi ng progresibong partido. Ilan dito ang pag-aresto sa mga kasapi ng Katribu Party sa Palawan, malisyosong pag-uugnay sa armadong kilusan ng mga kasapi ng Kabataan Party sa Baguio City at ang pagpaslang noong Pebrero sa Compostela Valley kay Cristina Jose, na kasapi ng Bayan Muna. ~ ANG BAYAN Abril 21,

12 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLIV Blg. 8 Abril 21, Editoryal Palawakin at palakasin ang NDFP at ang pagkakaisa ng sambayanang Pilipino! Ipagdiriwang ng sambayanang Pilipino ang ika-40 anibersaryo ng pagkakatatag ng National Democratic Front of the Philippines (NDFP) sa Abril 24. May espesyal na kabuluhan ang pagdiriwang na ito sa harap ng tuluy-tuloy na paglakas at pagsulong ng armadong rebolusyonaryong pakikibaka sa buong Pilipinas. Mula sa pagkakapundar ng NDF Preparatory Commission noong 1973, ang NDFP ngayon ay binubuo ng 16 na rebolusyonaryong organisasyong masa. Kinakatawan nito ang milyunmilyong mamamayang nasa saklaw ng pinauusbong na mga organo ng bagong demokratikong gubyernong bayan. Mula 1973, gumampan ang NDFP ng malaking papel sa mga rebolusyonaryong pakikibaka ng sambayanang Pilipino. Sa pamumuno ng Partido Komunista ng Pilipinas (PKP), batay sa lakas ng saligang alyansang manggagawa at magsasaka, tinitipon ng NDFP sa ilalim ng payong nito ang progresibo at makabayang mga uri, sektor at pwersa. Malaki ang ginampanan ng NDFP sa pagbubuo ng pagkakaisa ng bayan at pagsusulong ng kanilang mga pakikibaka laban sa diktadurang US-Marcos at mga sumunod na reaksyunaryong gubyerno. Gumampan ito ng malaking bahagi sa mga pakikibaka para sa tunay na reporma sa lupa, laban sa mga base militar ng US at pagtataguyod sa karapatangtao. Kinakatawan nito ang sambayanang Pilipino sa pagbubuo ng diplomatikong relasyon sa ibang mga gubyerno at pagbubuo ng internasyunal na pagkakaisang anti-imperyalista sa mamamayan sa iba't ibang panig ng daigdig. Tumayo ito bilang kinatawan ng demokratikong gubyernong bayan sa pakikipagnegosasyong pangkapayapaan sa naghaharing estado upang itulak ang pambansa at demokratikong Sa isyung ito... Arbitrasyon sa antas baryo 4 Parangal kay Ka Abon 6 DPRK nanindigan laban sa panggegera ng US 10

13 Mga tuntunin sa paglilimbag 1. Ang sinundang pahina, na eksaktong kopya ng pahina 1 maliban sa mas mapusyaw ang masthead o logo ay para sa mga gumagamit ng mimeo machine o naglilimbag sa paraang v-type. Idinisenyo ito para hindi madaling makasira ng istensil. 2. Pag-print sa istensil: a) Sa print dialog, i-check ang Print as image b) Alisin ang check sa Shrink oversized pages to paper size k) I-click ang Properties d) I-click ang Advanced e) Tiyaking naka-set sa 100% ang Scaling d) Ituloy ang pag-print 3. Hinihikayat ang mga kasama na ipaabot sa patnugutan ng AB ang anumang problema kaugnay ng paglilimbag sa pamamagitan ng v-type. Magpadala ng sa angbayan@yahoo.com