Nitong nakaraang ilang linggo, tuloy-tuloy na ipinahayag ng

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLIV Blg. 19 Oktubre 7, Editoryal Ituon kay Aquino ang protesta laban sa pork barrel Nitong nakaraang ilang linggo, tuloy-tuloy na ipinahayag ng sambayanang Pilipino ang kanilang disgusto sa malawakang korapsyon sa paggamit sa pondong pork barrel at sa kabulukan ng buong naghaharing sistema. Naglunsad sila ng mga aksyong protesta sa iba t ibang panig ng bansa. Ang mga protestang ito ay tanda ng lawak ng disgusto at pagkadismaya sa mga pangako ni Aquino hinggil sa mabuting pamamahala. Lalo pang nagngalit ang sambayanang Pilipino nang sumingaw ang pagbuo at paggamit ng rehimeng Aquino ng tinagurian nitong Disbursement Acceleration Program (DAP), isang sistema ng paglalabas ng pondong publiko nang hindi naaayon sa pinagtibay na badyet at nakadepende lamang sa kapasyahan ng presidente. Nalantad ang paggamit ni Aquino ng DAP upang maglaan ng daan-daang milyong piso sa mga senador na pumanig sa kanya para hatulang maysala at alisin sa pwesto ang dating punong mahistrado ng Korte Suprema na si Renato Corona. Nagamit din ang DAP upang mabilis na maglabas ng pondo para sa mga kongresista at mga senador na sumuporta sa mga panukalang batas na personal na itinulak ni Aquino. Kaliwa't kanan ang pagbatikos sa DAP at iba pang pondong pork barrel ni Aquino. Ilang abugado na ang nagsampa ng ka- so sa Korte Suprema laban sa iligal sa sistemang ito at iginigiit na rin ng ilang personahe ang pagpapatalsik kay Aquino sa pamamagitan ng impeachment o pagbibitiw. Pinatutunayan ng lahat ng ito na wala nang naloloko si Aquino sa islogang "mabuting pamamahala". Lantad na lantad na ito bilang manipis na tabing ng malawakang korapsyon. Nakaririndi na ang kanyang walang katapusang panunumbat at ingay sa korapsyon ng nagdaang rehimeng Arroyo. Malinaw sa lahat na wala itong ibang layunin kundi sapawan ang mga pambabatikos sa korapsyon ng kanyang Sa isyung ito... Kaliwa t kanang korapsyon at anomalya 3 12 armas, nasamsam sa MisOr 5 Lider-unyonista dinukot 8

2 ANG Taon XLIV Blg. 19 Oktubre 7, 2013 Ang Ang Bayan ay inilalabas sa wikang Pilipino, Bisaya, Iloko, Hiligaynon, Waray at Ingles. Maaari itong i-download mula sa Philippine Revolution Web Central na matatagpuan sa: Tumatanggap ang Ang Bayan ng mga kontribusyon sa anyo ng mga artikulo at balita. Hinihikayat din ang mga mambabasa na magpaabot ng mga puna at rekomendasyon sa ikauunlad ng ating pahayagan. Maaabot kami sa pamamagitan ng sa: rehimen. Nagkukumahog ang rehimeng Aquino na salagin at pahupain ang protesta ng sambayanan laban sa pork barrel habang pinananatili ang bulok na sistema ng pagbabadyet, kabilang ang malalaking di programadong pondong tuwirang kontrolado ni Aquino. Sa harap ng di humuhupang protesta laban sa pork barrel at korapsyon, kaliwa't kanan ang mga maniobrang pampulitika ni Aquino upang pagtakpan ang katotohanang siya ngayon ang nakaupo sa tuktok ng bulok na sistema ng pork barrel at korapsyon. Sa kabila nito, hindi niya maiwasang mapikon sa angkop na pagbansag sa kanya ng mamamayan bilang "pork barrel king." Tuluy-tuloy na ginagamit ni Aquino ang malaking iskandalong kinasasangkutan ni Janet Lim- Napoles upang selektibong usigin ang mga karibal sa pulitika, laluna yaong nakatakdang humamon sa naghaharing pangkatin sa eleksyong Para gatungan pa ang galit ng mamamayan kay Napoles, inilantad ni Aquino ang mga transaksyon sa mga pulitikong anti-aquino habang mahigpit na kinontrol si Napoles upang di sumingaw ang mga transaksyon nito sa mga pulitikong nasa pangkating Aquino. Isa lamang gimik sa publisidad ang pagsasampa ng Department of Justice ng reklamong pandarambong laban sa mga susing pulitiko ng oposisyon. Matapos mabigong patahimikin ang mga protesta, nagsampa ng karagdagang reklamo ang rehimeng Aquino laban kina Gloria Arroyo at Napoles kaugnay ng pagwalwadas ng pondong Malampaya. Ang pagsasampa ng ganitong mga reklamo ay malaking palabas lamang. Di pa napatutunayan ng naghaharing pangkating Aquino na kaya nitong isalang ang mga kauri nito sa aktwal na kriminal na paguusig at pagparusa. Subalit gagap ng sambayanang Pilipino na ang korapsyong kinasasangkutan ng pork barrel ay lampas sa iskandalong Napoles. Ang mga panunuhol, mga kikbak at iba pang uri ng korapsyon na kinasasangkutan ng pondong pork barrel ay dati Nilalaman Editoryal: Ituon kay Aquino ang protesta laban sa pork barrel 1 Kaliwa t kanang korapsyon at anomalya sa ilalim ni Aquino 3 Rali kontra-korapsyon sa Ayala 4 12 armas, nasamsam sa Misamis Oriental 5 Pagkubkob, binigo ng BHB sa Sorsogon 6 6 na pulis, kaswalti sa Masbate 6 Sundalo, patay sa harasment sa Abra 6 Mga magsasaka ng Hacienda Dolores, nagprotesta 7 Lider-unyonista, dinukot sa Cavite 8 Pananalanta ng 21st IB sa West Cagayan 8 19th IB, patuloy ang paglabag sa EV 9 Anibersaryo ng Escalante Massacre 9 Breyktru sa pagpapataas sa presyo ng saging 10 Pagbisita ni Obama, nakansela 10 PKP, binigyang-pugay si Gen. Giap 11 Ang Ang Bayan ay inilalathala dalawang beses bawat buwan ng Komite Sentral ng Partido Komunista ng Pilipinas nang regular na ginagawa ng mga pulitiko mula sa reaksyunaryong naghaharing uri bago pa man lumitaw si Napoles sa eksena. Si Aquino mismo ay tumanggap ng pondong pork barrel noong 2005 nang nakikipagmabutihan pa ang mga Aquino sa rehimeng Arroyo. Simula 2010, si Aquino naman ang gumagamit ng pondong pork barrel bilang instrumento para tiyakin ang suportang pampulitika para sa kanyang rehimen. Sa paggamit niya ng pondong ito, malakas ang loob ni Aquino na kaagad niyang masasalag ang anumang hakbangin sa Kongreso para sa kanyang impeachment. Malinaw ang paninindigan ng sambayanang Pilipino na ibasura na ang tinaguriang Priority Development Assistance Fund (ang pork barrel ng kongreso), ang Presidential Social Fund, ang DAP at ang iba pang di nakaprogramang pondo kung saan ang paggasta ay nasa kapasyahan ng naghaharing pangkatin sa Malacañang. Itinatakwil nila ang diumano y bagong sistema ng pagbabadyet kung saan ang mga kongresista ay binibigyan pa rin ng pribilehiyo na magtakda ng mga proyektong imprastruktura na gagawin ng Department of Public Works and Highways (DP- WH) isang sistemang malaon nang batbat ng korapsyon sa anyo ng mga kikbak at manipuladong proseso ng pagsusubasta. Gaya ng dati, ang gayong sistema ng paglalaan ng pondo ay sumusuhay sa sistemang padrino. Sa pagsusulong ng pakikibaka ng mamamayang Pilipino laban sa pork barrel at korapsyon ng naghaharing estado, dapat nilang ituon ang kanilang paglaban kay Benigno Aquino III. Hindi lamang siya nakaupo sa tuktok ng bulok na estado, siya ngayon mismo ang pangunahing 2 ANG BAYAN Oktubre 7, 2013

3 nagtatanggol at nakikinabang dito. Ginagamit ni Aquino ang kontrol sa bilyun-bilyong pisong pondo upang bilhin ang suporta ng mga pulitiko at patatagin ang kanyang paghahari. Matapos ang tatlong taong korapsyon sa ilalim ni Aquino, malinaw na sinakyan niya ang galit ng mamamayan sa korapsyon ng nagdaang rehimeng Arroyo para lamang ikubli ang sarili niyang kabulukan. Dapat masusi pang ilantad ang korapsyon ng rehimeng Aquino. Ilantad kung paano ginamit ni Aquino ang pondong pork barrel upang magkamit ng suportang pampulitika noong nakaraang eleksyon. Bukod sa pork barrel, dapat ding ilantad kung paano ginagamit ni Aquino ang kanyang kapangyarihan bilang presidente para kanselahin ang mga kontratang pinasok ng gubyerno ng Pilipinas sa ilalim ng nakaraang rehimen at bumuo ng bagong mga kontratang pabor sa kanyang malalapit na kamag-anak, kapamilya at mga kaibigan. Dapat ilantad ang impormasyon kung paano nilang kinokopo ang malalaking kontrata sa imprastrukturang publiko, mga insentibo sa pagbuwis at iba pang pribilehiyo, sa kapinsalaan ng mamamayan. Matingkad na halimbawa ang pagdedemolis sa mga maralitang komunidad sa kalunsuran para lamang bigyang-daan ang mga proyekto ng malalaking negosyanteng kapanalig ni Aquino. Likas na korap at bulok ang naghaharing sistemang pinangangasiwaan ni Aquino at ng kanyang mga kauring malalaking panginoong maylupa at mga kumprador. Atrasado at nabubulok ang sistemang sosyo-ekonomiko. Hindi ito produktibo at hindi nito kayang isustine ang sarili kundi sa pamamagitan ng pagbuhos ng kapital mula sa utang panlabas at dayuhang pamumuhunan. Kontrakaunlaran at parasitiko ang mga naghaharing uri at sumasandig lamang sa kanilang pampulitikang kapangyarihan para sustentuhan ang kanilang marangyang pamumuhay. Dapat igiit ng sambayanang Pilipino na tuldukan na ang sistemang pork barrel. Kaalinsabay nito'y dapat nilang igiit na wakasan ang burukratikong kapitalistang korapsyon ng mga naghaharing uring malalaking panginoong maylupa at malalaking kumprador. Dapat ibagsak ng sambayanang Pilipino ang bulok na malakolonyal at malapyudal na sistema na siyang pundasyon ng gayong sistema ng korapsyon. ~ Kaliwa't kanang korapsyon at anomalya sa ilalim ng rehimeng Aquino Sunud-sunod na nalalantad ang mga kaso ng katiwalian na kinasasangkutan ng rehimeng Aquino. Kaliwa't kanan naman ang pagtatangka ng rehimeng Aquino na pagtakpan at ilayo ang atensyon ng publiko sa mga iskandalo at anomalya. Nitong huling linggo ng Setyembre, nabunyag ang tinaguriang Disbursement Acceleration Program (DAP) kung saan ilambilyong piso ang inilalaan ng Malacañang sa mga pinapaburan nitong senador at kongresista. Ibinunyag ni Sen. Jose "Jinggoy" Estrada na binigyan ng Malacañang ng tig-p50 milyon ang mga senador na pumabor sa impeachment ni dating Chief Justice Renato Corona noong Si Senate President Franklin Drilon na noo'y namumuno sa "finance committee" ay tumanggap ng `100 milyon at si Sen. Francis Escudero, na masugid na alyado ni Aquino, ay tumanggap ng `96 milyon. Tinatayang mahigit `85 bilyon ang pondong inilaan ng Malacañang sa mga kongresista sa ilalim ng DAP noong 2011 at `1.27 bilyon naman sa m g a senador noong 2012 pa- ra matiyak na mapatalsik si Corona. Ginamit din ang pondong ito upang itulak ang pagsasabatas ng Sin Tax Law at Reproductive Health Law na puspusang ikinampanya ni Aquino. Dahil sa nabunyag na pondong DAP, lalong idiniin ng mga pwersang kontra sa pork barrel na si Aquino mismo ang ANG BAYAN Oktubre 7,

4 Hari ng Pork Barrel, na labis na ikinapikon ni Aquino. Bukod sa DAP, kabilang sa mga pondong ginagamit ni Aquino bilang pork barrel ang Presidential Social Fund at ibang pondong hindi saklaw ng pagsisiyasat ng Kongreso. Ibinunyag naman ni Bayan Muna Rep. Neri Colmenares kung papaano ginamit ng rehimeng Aquino ang pondo ng Malampaya sa mga programang walang kinalaman sa enerhiya bagay na taliwas sa itinatakda ng reaksyunaryong batas. Ayon mismo sa ulat ng reaksyunaryong gubyerno, pangunahing nakinabang sa pondong Malampaya ang Armed Forces of the Philippines na nakakuha ng umaabot sa `13 bilyon. Dito kinuha ang perang ipinambayad sa pinaglumaang barkong BRP Gregorio del Pilar. Nakinabang din ang Department of Finance- National Power Corporation (`4.9 bilyon); Department of National Defense at National Electrification Program (`1.9 bilyon); at Department of Public Works and Highways (`3.5 bilyon). Nakakuha rin ng `62 milyon ang Department of Budget and Management (DBM) Office of the Secretary, kung saan `6.9 milyon ay para umano sa proyektong pabahay, at `4 milyon ay para sa Department of Agriculture-Agriculture Guarantee Fund Pool. Ayon pa kay Colmenares, malinaw na ginamit ni Benigno Aquino III ang pera mula sa kita ng Malampaya bilang sariling pondo na hindi dumadaan sa tamang proseso at pagtutuos. Ikinagalit din ng mamamayan ng Palawan ang hindi nila pagkakuha ng `900 milyong pondo kung saan 40% ng kabuuang kita ay dapat napunta sa kanila sa loob ng apat na taon. Ang Malampaya ay mina ng natural gas sa karagatan ng Palawan. Upang pagtakpan ang maanomalyang paggamit ng rehimeng Aquino ng pondong Malampaya, minadali nito ang pagsasampa ng reklamo laban kay Gloria Arroyo at mga kasapakat nito sa paggamit ng pondong ito. Samantala, sinampahan ng Kilusang Magbubukid ng Pilipinas (KMP) ng kasong pandarambong sina Aquino, Budget Sec. Florencio Butch Abad at Sec. Proceso Alcala ng Department of Agriculture dahil sa pakikisosyo sa mga bogus na NGO (nongovernmental organizations) na pinondohan ng pera mula sa pork barrel sa ilalim ng Priority Development Assistance Fund (PDAF). Kabilang sa mga NGO na kasosyo ni Alcala ay yaon ding mga NGO na ilang taon nang sangkot sa mga anomalya. Sa kaugnay na balita, dalawang kinatawan ng Commission on Higher Education (CHEd) ang nagbitiw sa pwesto bilang protesta sa katiwalian ng naturang upisina. Nabunyag na `500 milyon ang iginagawad ng CHEd sa isang unibersidad sa United States para sa isang proyekto kaugnay sa agham na dapat dito sa Pilipinas inilalaan. Ang CHEd ay dati nang dawit sa pagwawaldas at pangungurakot ng pondo para sa edukasyon. ~ Gintong baboy, sentro ng rali kontra-korapsyon sa Ayala Umabot sa 10,000 ang dumalo sa raling kontra sa pork barrel at korapsyon ng rehimeng Aquino nitong Oktubre 4 sa Ayala Avenue, Makati City. Ang aksyong protesta ay inorganisa ng #Abolishporbarrel Alliance, isang malapad na alyansang nananawagan ng pagwawakas sa pork barrel kapwa ng Kongreso at Malacañang. Binatikos ng mga dumalo sa rali si Benigno Aquino III bilang "Pork Barrel King" dahil sa pagmamatigas nitong hawakan ang kanyang `1.3 trilyong presidential pork, ang pinakamalaking pork barrel sa lahat. Ipinarada ng mga raliyista ang walong talampakang effigy ng isang gintong baboy, simbolo ng kasakiman at korapsyon. Pinalamutian ito ng mga bulaklak para ipakita kung papaano ito sinasamba 4 ANG BAYAN Oktubre 7, 2013

5 ng malalaking burukrata kapitalista sa gubyerno. Ilan sa mga kilalang personaheng dumalo sa raling ito sina Mae Paner (Juana Change), dating Archbishop Oscar Cruz, ang nagbunyag sa iskandalong NBN-ZTE na si Jun Lozada, dating National Treasurer na si Leonor Briones, abugadong si Harry Roque at National Artist Bienvenido Lumbera. Bago magsimula ang rali bandang alas-3 ng hapon, nagtipon sa tapat ng Philippine Stock Exchange ang mga kasapi ng #ScrapThePork Alliance at mga call center agent sa ilalim ng BPO Industry Employees Network (BIEN) at inilunsad ang kampanyang Tax Holiday vs Pork Barrel. Hinikayat ng mga call center agent ang lahat na manindigan kontra sa sistemang pork barrel sa pamamagitan ng di pagbayad ng buwis. Anila, disgustado sila dahil pumupunta lamang ang malaking bahagi ng $13 bilyong kita na ambag nila sa pambansang ekonomya sa mga bulsa ng malalaking burukrata. Sa kabila ng kanilang pagpupuyat sa gabi at pagtitiis na mawalay sa kani-kanilang mga pamilya, napakabilis namang waldasin ito ng gubyerno nina Aquino at mga kasapakat niyang pulitiko, pahayag ng BIEN. Ipinahayag din ng Bishops-Businessmen s Conference for Human Development (BBC), isang alyansa ng mga lider ng simbahan at mga negosyante, ang kanilang pagtutol sa sistemang pork barrel dahil nagbibigay ito sa pangulo ng bansa ng kasangkapan para kontrolin ang Kongreso at gawing sunud-sunuran na lamang ito sa anumang kagustugan ng Malacañang. Bukod sa mga pagkilos sa Luneta Park, EDSA Shrine sa Quezon City at Mendiola sa Maynila mula Agosto 26 hanggang Setyembre 21, tuluy-tuloy din ang mga pagkilos sa iba't ibang lugar sa bansa. Noong Setyembre 29, lumahok sa prayer rally sa Cebu City ang may 5,000 katao na kinabibilangan ng mga guro at estudyante, mga taong-simbahan, negosyante at mga organisasyong sibiko. Samantala, sa Laoag City, 100 katao ang nagtipon sa isa ring prayer rally na pinamunuan ng Simbahang Katoliko, Iglesia Filipina Independiente (IFI) at United Church of Christ in the Philippines (UCCP). Sa Panay, inilunsad ang Caravan for Truth ng Iglesia Filipina Independiente sa apat na prubinsya ng isla. Nagdaos sila ng mga talakayan sa bawat pagtigil nila sa mga lalawigan ng Antique, Aklan, Capiz at Iloilo. Pati ang mga tribong Agta sa Sierra Madre ay lumahok na rin sa mga protesta laban sa pork barrel. Ayon sa kanilang pinuno na si Ramcy Astoveza, walang ibang dapat sisihin sa nagpapatuloy na korapsyon sa bansa kundi ang rehimeng Aquino. ~ 12 malalakas na armas, nasamsam ng BHB sa Misamis Oriental Labindalawang malalakas na armas ang nakumpiska ng mga Pulang mandirigma ng Eastern Misamis Oriental-Northeastern Bukidnon Subregional Command ng Bagong Hukbong Bayan (BHB) sa reyd na inilunsad nito sa CAA-Philippine Army Detachment sa Sityo Lantad, Barangay Kibanban, Balingasag, Misamis Oriental noong madaling araw ng Setyembre 22. Bukod sa mga armas, nakasamsam din ng iba pang kagamitang militar ang mga gerilya. Lima ang napatay at apat na iba pa ang nasugatan sa panig ng militar. Ligtas na nakaatras ang mga Pulang mandirigma. Bandang ala-una ng madaling araw nang pasukin ng assaulting team ng BHB ang bakod ng likurang bahagi ng detatsment kung saan walang nagbabantay. Walang nagawa ang nabiglang mga elemento ng militar kundi ang dumapa. Ngu- nit makaraan ang ilang minuto ay may ilang nagtangkang lumaban at nagkapalitan ng putok. Napatay ang kumander ng detatsment na si Sergeant Laong at apat na elemento ng CAFGU. Nasugatan naman ang assistant cadre man na si Corporal Bacus at tatlong iba pang elemento ng CAFGU. Nang magliwanag na, pinatulong ng mga Pulang mandirigma ang mga residente malapit sa detatsment para madala sa ospital ang mga sugatan. Ang detatsment na ito ay nagsisilbing protektor ng operasyon ng dayuhan at lokal na pagmimina sa lugar. ~ ANG BAYAN Oktubre 7,

6 Pagkubkob, binigo ng BHB sa Sorsogon Matagumpay na napangibabawan ng mga Pulang mandirigma ng Celso Minguez Command (CMC) ng Bagong Hukbong Bayan (BHB) ang tangkang pagkubkob ng laking-kumpanyang tropa ng 31st IB sa Barangay Dolos, Bulan, Sorsogon noong Setyembre 21, bandang alas-4 ng hapon. Dalawang tropa ng 31st IB ang agad na napatay nang pasabugan ng command-detonated explosives ng mga Pulang mandirigma habang papalapit sa nakahimpil na yunit ng CMC. Pagsapit ng alas-8 ng gabi, apat na sundalo pa ang napatay nang pasabugan ng granada ng isang tim ng CMC ang isang platun na reimporsment ng naturang batalyon sa Barangay Lapinig, Magallanes sa nasabing prubinsya. Walang kaswalti sa panig ng BHB. Mula pa Setyembre 15 ay tuluytuloy ang paglulunsad ng operasyong kombat ng laking-batalyong tropa ng 31st IB sa mga interyor na barangay ng mga bayan ng Juban, Magallanes at Bulan. ~ 6 pulis, kaswalti sa mga labanan sa Masbate Dalawang pulis ang napatay at apat na iba pa ang nasugatan sa mga labanan sa pagitan ng mga Pulang mandirigma ng Jose Rapsing Command ng Bagong Hukbong Bayan (JRC-BHB) at Philippine National Police sa Masbate noong Setyembre 18 at 20. Isang pulis ang napatay at isa pa ang nasugatan nang tangkaing kubkubin ng pinagsanib na pwersa ng Philippine National Police (PNP)-Claveria at PNP-Public Safety Battalion (PSB) ang isang yunit ng JRC-BHB sa Sityo Cambuto, Barangay Boyo, Claveria noong Setyembre 20. Bago pa man makalapit ang mga tropa ng gubyerno ay pinaputukan na sila ng mga Pulang mandirigma. Dalawang araw bago ang labanang ito, isa ang napatay at tatlo ang nasugatan sa mga pulis sa magkasunod na operasyong isnayp na inilunsad ng mga yunit ng JRC-BHB sa isla ng Ticao laban sa nagpapatrulyang mga elemento ng PNP-PSB. Tanghali ng araw ding iyon, isang pulis ang nasugatan nang salubungin ng putok ng mga isnayper ng BHB ang isang platun ng PNP-PSB sa Barangay Salvacion, San Fernando. Sinundan ito ng isa pang labanan bandang alas-3 ng hapon kontra sa isa pang platun ng PNP-PSB sa Barangay Bagacay, San Jacinto. Isa ang napatay at dalawang iba pa ang nasugatan dito. ~ Sundalo, patay sa harasment sa Abra Matagumpay na naisagawa ang operasyong harasment ng isang tim ng Procopio Tauro Front-Bagong Hukbong Bayan (PTF-BHB) laban sa detatsment ng Bravo Coy ng 41st IB-Philippine Army sa Mataragan, Malibcong, Abra noong Setyembre 29. Ayon sa panimulang ulat ng Agustin Begnalen Command (ABC-BHB-Abra), isang sundalo ang agarang napatay habang ligtas namang nakaatras ang mga Pulang mandirigma. Ang aksyong militar na ito ay tugon sa matagal nang kahilingan ng mamamayan ng Malibcong na paalisin ang detatsment at parusahan ang mga sundalo ng 41st IB dahil sa nagpapatuloy na mga paglabag ng mga pasistang tropa sa karapatangtao. Ang mga sundalong nakaasayn sa detatsment ng 41st IB ay nagdudulot din ng takot at ligalig sa mga mamamayan dahil sa pagnanakaw nito ng mga pananim at alagang hayop, walang pakundangang pagpapaputok ng baril, paglalasing at pagsasamantala sa kababaihan. Dagdag pa rito ang walang habas na pambobomba ng militar noong Mayo 30 at 31 malapit sa mga bahay sa mga barangay ng Gacab at Bangilo, kapwa sakop ng Malibcong. Nagdulot ito ng matinding ligalig sa mamamayan, lalo na sa dalawang dalagitang muntik nang tamaan ng bomba. ~ 6 ANG BAYAN Oktubre 7, 2013

7 Mga magsasaka ng Hacienda Dolores, nagprotesta Nagprotesta ang mahigit 200 magsasaka at residente ng Hacienda Dolores, Porac, Pampanga noong Setyembre 16 para kundenahin ang patuloy na pangangamkam ng lupa ng mga korporasyong Triple L at FL Development Corporation sa kanilang mga lupa. Pinamunuan ng grupong Aniban ng Nagkakaisang Mamamayan ng Hacienda Dolores (ANMHD) ang protesta at sinuportahan ng Aguman Dareng Maglalautang Capampangan (AMC), Alyansa ng Magbubukid sa Gitnang Luson (AMGL) at iba t ibang sektor sa prubinsya ng Pampanga. Mahigit 300 magsasaka at residente ang nakatakdang mapalayas sa asyenda. Matibay ang batayan ng mga magsasaka sa kanilang karapatan para angkinin ang Hacienda Dolores. Anila, mula pa 1835 ay hinahawan, binubungkal at pinauunlad na ito ng kanilang mga ninuno. Malaon na silang may mga palayan at mga tanim na punong-kahoy. Mula lamang 2004 inangkin ng Triple L at FL Development Corporation ang mahigit 700 ektaryang agrikultural na lupain, kasabay ng konstruksyon ng Subic-Clark- Tarlac Expressway (SCTEx). Kinwestyon ng mga magsasaka at residente ang paglalabas ng Department of Agrarian Reform (DAR) ng Exemption Order para hindi masaklaw ang naturang lupain ng Comprehensive Agrarian Reform Program (CARP). Ang kautusang ito ang nagbigay-daan para mabilis na mapatituluhan ng dalawang korporasyon ang lupang agrikultural noong Ayon sa mga magsasaka at residente, hinihintay ngayon ng Triple L at FL Development Corporation ang Land Use Conversion Order mula sa DAR. Malaki ang naging papel ng inilabas na sertipikasyon ng kapitan ng barangay ng Hacienda Dolores at Municipal Ordinance for Land Reclassification ng lokal na ahensya ng pamahalaan ng Porac sa reklasipikasyon ng lupa. Walang isinagawang konsultasyon sa publiko bago aprubahan ng Sanggunian at meyor ng Porac ang ordinansa. Hindi rin sapat ang mga sertipikasyon na inilabas ng DA, DAR, at NIA. Sinagot ng dahas ang paglaban ng mga magsasaka at residente ng Hacienda Dolores. Nagdeploy ang mga korporasyon ng mahigit 700 armadong gwardya kasama ang goons para takutin at linlangin ang mga magsasaka. Noong 2011, binakuran nila ang mga sakahan ng magsasaka, pinagsisira ang kanilang mga kubo, punongkahoy, tanim na saging at gulay. Hindi pa nagkasya, sinampahan ng mga korporasyon ang mga magsasaka ng grave threats. Noong Hulyo 2013, iligal na inaresto at ikinulong ang isang magsasaka at kinasuhan ng illegal possession of firearms at malicious mischief. Sa kaugnay na balita, pinalalayas ng Tarlac Development Corporation (Tadeco) ang 134 manggagawang bukid sa Barangay Cutcut at Barangay Balete, Tarlac City na saklaw ng Hacienda Luisita. Iligal umano ang pagpasok ng naturang mga manggagawang bukid sa lupang kanilang sinasaka. Ang Tadeco ang nagmamay-ari ng Hacienda Luisita at ang 70% ng mga sapi ng Hacienda Luisita Inc. (HLI), ang kumpanyang nagpapatakbo ng mapanlinlang na programang stock distribution. Ang 134 manggagawang bukid ay kabilang sa 6,212 benepisyaryo na dapat sanang mabigyan ng 6,600 metro kwadradong lupa. Ang mga pinalalayas ay nakapagtanim na ng palay bilang bahagi ng programang bungkalan na ipinatupad ng mga manggagawang bukid pagkatapos ng madugong pagwelga noong Ito ang pinagkukunan nila ng pagkain habang nagpapatuloy ang pakikibaka para maipamahagi ang lupa. Hindi libre ang pamamahagi ng lupa sa mga benepisyaryo dahil kailangan silang magbayad ng P60,000 hanggang P70,000 sa loob ng 30 taon sa bawat 6,600 metro kwadradong lupa na maipamamahagi sa kanila. ~ ANG BAYAN Oktubre 7,

8 Lider-unyonista, dinukot sa Cavite Lalong nagiging malupit ang rehimeng Aquino sa harap ng tumitinding paglaban ng mamamayan. Tampok sa nagdaang mga linggo ang pagdukot ng mga ahenteng militar sa isang lidermanggagawa sa Southern Tagalog noong Agosto 27. Oktubre 1. Iligal na inaresto ng mga elemento ng 67th IB sa Spur Dos, Barangay Aliwagwag, Cateel, Davao Oriental si Kim Gargar, isang dating propesor ng physics sa University of the Philippines, Polytechnic University of the Philippines at iba pang paaralan. Pinaratangan siya ng militar na myembro ng Bagong Hukbong Bayan at kinasuhan ng iligal na pag-iingat ng eksplosibo, tangkang pagpatay at paglabag sa "election gun ban." Kasalukuyan siyang Local and International Networking Officer ng Center for Environmental Concerns. Nasa Davao Oriental si Gargar para suriin ang epekto ng bagyong Pablo sa biodiversity ng lugar. Setyembre 14. Ginawang pananggalang ng mga sundalo ng 62nd IB ang mga sibilyan sa Sityo Magtuod, Barangay Bug-ang, Toboso, Negros Occidental habang tinutugis ang mga kasapi ng Bagong Hukbong Bayan na nakaengkwentro nila. Ito ay kahit malayo ang kanilang lugar sa pinangyarihan ng labanan. Agosto 27. Dinukot ng mga pinaghihinalaang ahenteng militar ang lider-manggagawang si Benjamin Villeno. Ayon sa mga ulat, nagpadala si Villeno ng mensahe sa isang kapwa manggagawa na nagsasabing sinusundan siya ng pinaghihinalaan niyang mga ahenteng militar habang patungo siya sa kanyang mga kamag-anak sa Dasmariñas City, Cavite. Ito ang pinakahuling komunikasyon mula sa kanya. Si Villeno, 43 taong gulang, ay presidente ng Lakas Manggagawang Nagkakaisa sa Honda mula 1998 hanggang Naging tagapangulo rin siya ng Pagkakaisa ng Manggagawa sa Timog Katagalugan (PAMAN- TIK)-KMU at pambansang pangulo rin ng Organized Labor Association in Line Industries and Agriculture (OLALIA)-KMU. ~ Pananalanta ng 21st IB sa kanlurang Cagayan, binatikos Mistulang malaking garisong militar ngayon ang di bababa sa pitong barangay sa mga bayan ng Rizal, Sto. Niño at Lasam sa kanlurang bahagi ng Cagayan Valley dahil sa pirmeng pagbabase rito ng mga armadong tropa ng 21st IB. Ginagamit na base ng mga sundalo ang mga bahay, barangay hall at mga paaralan. Mula pa Hulyo, tuluy-tuloy ang presensya ng mga armadong sundalo na naninindak at naghahasik ng takot sa mamamayan. Isang platun ng mga sundalo ang nakabase sa mga bahay sa Barangay Sicalao, Lasam; isang platun sa barangay hall at mga bahay sa Barangay Bural, Rizal; dalawang platun sa eskwelahan at mga bahay sa Barangay San Juan, Rizal. Nasa barangay hall ng Barangay Illuro at Barangay Gagabutan, Rizal ang tig-isang seksyon ng mga sundalo. Sa bayan ng Sto. Nino, isang platun ang nakatrensera sa Zone 1 ng Barangay Lipatan; at isang platun pa sa mga bahay sa Zone 6, Barangay Balanni. Taliwas sa sinasabing para sa kapayapaan at kaayusan ang AFP, naghahasik ng bagabag, perwisyo at panganib ang mga Peace and Development Teams at tropang pangkombat ng 21st IB. Sa pagitan ng maghapong paglalasing at pagsusugal, nanlilinlang at namimilit silang magrekrut ng mga CAFGU sa tagabaryo. Isa-isa nilang ipinatatawag ang mga lider ng mga magsasaka upang halinhinang takutin, alukin ng maruming pera at duwagin upang tumigil na sa paglaban sa pagsasamantala. Makatwiran ang hiling ng mamamayan na alisin sa kani-kanilang baryo ang mga tropa ng 21st IB. Nais nilang panagutin ang pamunuan ng 21st IB sa maliwanag na paglabag sa karapatang-tao ng mamamayan, laluna ang pandarahas at pananakot, pagsasapanganib sa buhay at kabuhayan ng mamamayan at ang pagbase sa pampublikong mga pasilidad gaya ng eskwelahan, barangay hall. ~ 8 ANG BAYAN Oktubre 7, 2013

9 19th IB, patuloy ang paglabag sa Eastern Visayas Talamak ang mga paglabag ng mga sundalo ng 19th IB sa International Humanitarian Law at Comprehensive Agreement on Respect for Human Rights and International Humanitarian Law. Noong Setyembre 14, nagbase ang mga militar sa gitna mismo ng Barangay Robas sa Jaro, Leyte. Hinaras nila at pinagbantaan ang mga residente na may mananagot sa kanila kapag may mangyaring masama sa kanila habang ipinatutupad ang Oplan Bayanihan. Bago ito, tinambangan ng Bagong Hukbong Bayan (BHB) ang mga sundalo sa labas ng Barangay Robas. Bilang ganti, walang pakundangang pinagbabaril ng mga tropa ng 19th IB ang bahay ng isang sibilyan. Nagkataong walang tao noon sa loob ng bahay. Sinira rin nila ang kalapit na mga ilaw sa kalsada at ginawang "human shields" ang mga sibilyan na malayo naman sa labanang iyon. Iniulat ito ng mga residente sa isang istasyon ng radyo noong Setyembre 22. Dagdag dito, sinabi rin nila na sinalbeyds ng militar ang isang drayber ng habal-habal (motorsiklong pampasada) makaraang makasagupa nila ang isang yunit ng BHB noong Disyembre Pinagdudahan siya ng militar na may kinalaman sa inilunsad na taktikal na opensiba ng BHB. Bunsod nito, pinapalayas ng mga residente ang mga sundalo dahil pinaiiral nila ang batas militar sa kanilang komunidad. Nagpataw ng curfew ang mga sundalo ng 19th IB at nililimitahan ang kilos ng mga magsasaka na nagtatrabaho sa kanilang mga sakahan. Anila, nagdadala sila ng mga sosyo-ekonomikong proyekto sa baryo pero ang totoo, sila ay han- dang maglunsad ng mga opensibang militar. Pilit din nilang pinagbabayad ang mga sibilyan ng `20 bilang membership fee para sa pagpapaunlad umano ng kanilang baryo. Sa Carigara, Leyte, personal na pinupuntahan ng hepe ng 19th IB na si Lt. Col. Joel Nacnac ang mga bahay ng mga aktibistang sibilyan para akusahan silang mga simpatisador ng BHB at pagbantaang mga target sila ng militar. Ganito rin ang reklamo ng mga mamamayan ng Victory sa Las Navas, Northern Samar at sa mga mabundok na barangay ng mga bayan ng Matuguinao, San Jose de Buan, Paranas, Motiong, Jiabong at Villareal sa prubinsya ng Samar. ~ Mga biktima ng Escalante masaker, wala pa ring hustisya Binatikos ng 5,000 demonstrador noong Setyembre 20 ang patuloy na kawalan ng hustisya para sa mga biktima ng Escalante Massacre. Ang mga raliyista na nagtipon sa bayan ng Escalante sa Negros Occidental ay pinamunuan ng Northern Negros Human Rights Advocates (NNHRA) sa paggunita sa ika-28 anibersaryo ng naturang masaker. Noong Setyembre 20, 1985, daan-daang mamamayan mula sa iba't ibang bayan ng 1st District ng Negros Occidental na nagrali sa plasa ng Escalante ang pinagbabaril ng mga tropa ng Philippine Constabulary-Integrated National Police (PC-INP). Umabot sa 21 magsasaka at mangingisda ang napatay at maraming iba pa ang nasugatan. Makalipas ang 28 taon, wala pa ring napapanagot sa mga utak ng isa sa pinakamamadugong insidente bago bumagsak ang diktadurang US-Marcos, ani Bernardo Patigas, pangkalahatang kalihim ng NNHRA. Kasabay ng paggigiit ng hustisya, binabatikos ng NNHRA ang nagpapatuloy na militarisasyon sa mga bayan ng hilagang Negros. Kabilang sa iba pang mga organisasyong lumahok sa rali ang KARAPATAN-Negros, National Federation of Sugarcane Workers (NFSW), Kilusang Magbubukid ng Pilipinas (KMP)-Negros at PIS- TON-Negros. ~ ANG BAYAN Oktubre 7,

10 Breyktru sa pagpapataas sa presyo ng saging Sa hilagang bahagi ng Negros Occidental, matagumpay na napataas ng mga magsasaka ang presyo ng saging sa lokal na merkado makaraan ang serye ng mga organisadong pagkilos at pakikipagnegosasyon sa mga komersyante. Pinamunuan ito ng Pambansang Katipunan ng Magbubukid (PKM) katuwang ang iba pang mga rebolusyonaryong organisasyong masa ng kababaihan at kabataan. Mula sa mababang presyong `150 hanggang `300 kada pingkit o kaing ng saging, naitaas ito sa `250 hanggang `350. Tumaas nang `50 hanggang `100 ang kada buwig ng saging. Noon, ang buwanang kabuuang kita ng isang magsasaka ay `900 hanggang `1,800. Pero ngayon ay kumikita na siya ng `1,500 hanggang `2,100 kada buwan. Sa partikular, sa isang barangay na may 25 sityo, ang nabiyayaan ay 284 pamilya o 1,420 indibidwal. Nagsilbing paaralan ang breyktru na ito para maipon ng mga organisadong magsasaka ang kanilang kolektibong kaalaman sa pagsusulong ng pakikibakang antipyudal. Alam nilang ito ang susi para maiabante ang kanilang obhetibong interes at ang kabuuang rebolusyonaryong adhikain. Masigla, mas dinamiko at lumawak ang nasasakupan ng mga organisasyong masa sa proseso ng paglulunsad ng kampanya sa pagpapataas ng presyo ng saging. Nakonsolida at lumalim pa ang pag-ugat sa masa ng mga kasapi ng Sangay ng Partido sa Lokalidad (SPL). Nakuha rin nila ang suporta ng mga panggitna at mayayamang magsasaka, iba pang saray at sektor sa lokalidad at pati ang mga upisyal ng konseho ng barangay. Lumaganap ang kilusan sa pag-aaral ng Rebolusyonaryong Gabay sa Reporma sa Lupa (RGRL) at iba pang kursong masa. Nakapagpalitaw din ng mga bagong organisador at nakapagrekluta ng mga Pulang mandirigma para sa Bagong Hukbong Bayan (BHB). ~ Pagbisita ni Obama, nakansela Nakansela ang nakatakdang pagbisita ni US Pres. Barack Obama sa Pilipinas ngayong Oktubre dulot ng parsyal na pagtigil o shutdown ng mga operasyon ng gubyernong Amerikano na nagsimula noong Oktubre 1. Isa sana ang Pilipinas sa apat na bansang dadalawin ni Obama sa Southeast Asia. Bukod sa Pilipinas, nakatakda siyang dumaan sa Malaysia at dumalo sa mga multilateral na kumperensya tulad ng Asia-Pacific Economic Cooperation sa Indonesia at Association of Southeast Asian Nations sa Brunei. Ang parsyal na pagtigil ng gubyernong Amerikano ay dulot ng hindi pagkakasundo ng dalawang naghaharing partidong US hinggil sa kanilang pambansang badyet pangkalusugan. Ang naudlot na pagbisita ni Obama sa Pilipinas ay bahagi ng pagtutulak ng kanyang rehimen ng bagong kasunduang magpopormalisa sa presensya ng paparaming tropang Amerikano at papasaklaw na aktibidad ng mga ito sa bansa. Kahit hindi pa napipinal ang kasunduan, walang patid na ang paglabas-masok ng mga tropa at barkong US sa Pilipinas. Tahasang sinusuportahan ng rehimeng Aquino ang mga hakbangin ng US, kahit nilalabag ng mga ito ang soberanya ng bansa, at maging ang mga reaksyunaryong batas nito. Sa loob ng mahigit tatlong taon ng paghahari ni Aquino, paulit-ulit niyang ipinamalas ang kanyang pangangayupapa sa kanyang imperyalistang amo. Kabilang dito ang pagpapahintulot ng kanyang rehimen sa US na magtayo at magpanatili ng mga sikretong pasilidad-militar sa Pilipinas. Napilitan kamakailan ang Department of Foreign Affairs (DFA) na aminin sa isang pagdinig sa Senado na mula 2002 ay may tatlong pasilidad ang US sa bansa na naitayo nang walang pagpapaalam sa mamamayang Pilipino. Ito ay nasa Camp Bautista sa Sulu, Camp Sioco sa Cotabato at Camp Navarro sa Zamboanga City. Sa loob din ng Camp Navarro nakaistasyon mula pa noong 2002 ang humigit-kumulang 700 tropang Amerikano na nakapaloob sa Joint Special Operations Task Force-Philippines. Napapabalita na may isa 10 ANG BAYAN Oktubre 7, 2013

11 pang sikretong base militar ang US sa Tawi-tawi. Walang sumasaklaw ditong anumang regulasyon o batas at ipinagbabawal ito maging ng reaksyunaryong konstitusyon. Bago pa ito, naibunyag na noong 2009 ni dating LSG Nancy Gadian ng Philippine Navy na mayroon ding training camp ang US sa Camp Malagutay at isang airstrip sa Andrews Air Base, pareho sa Zamboanga City; at may pasilidad ang US Navy Seals sa Philippine Navy Station sa Tawi-Tawi. Napag-alaman din kamakailan na hindi na obligadong kumuha ng visa o magpakita ng pasaporte ang mga tropang Amerikano para makapasok sa bansa. Sa gayon, hindi alam ng gubyerno kung ilang tropa ng US ang nasa loob ng bansa anumang panahon. Bukod sa mga personahe, labas-masok din ang mga barko de gera hindi lang ng US kundi ng mga alyado nito sa Asia, tulad ng Japan. Noong Setyembre 17, dalawang barko de gera ng US ang pumasok sa Subic Bay para lumahok sa war games kasama ang mga tropa ng AFP sa South China Sea. Dalawang araw silang dumaong sa Pilipinas para kumuha ng mga suplay, magpahinga at maglibang. Sa kaugnay na balita, umaabot sa 2,300 marines ng Pilipinas at US ang kalahok sa Philippine-US Amphibious Landing Exercises sa tinataguriang Bajo de Masinloc sa Zambales. Ang naturang war games ay nagsimula noong Setyembre 18 at matatapos sa Oktubre 9. Mariin itong kinundena ng iba't ibang sektor. ~ PKP, nagbigay-pugay kay General Giap Nagpugay ang Partido Komunista ng Pilipinas (PKP) kay Gen. Vo Nguyen Giap na pumanaw noong Oktubre 4 sa edad na 102 sa isang ospital sa Hanoi, kabisera ng Vietnam. Si Giap ang namuno sa mga gerilyang Vietnamese na tumalo kapwa sa mga piling tropa ng France sa Dien Bien Phu noong 1954 at sa pwersa ng US noong Abril 30, Maliban sa pagiging Defence Minister, siya ay hinirang na Deputy Prime Minister ng Vietnam noong Isinilang si Giap sa prubinsya ng Quang Binh sa Central Vietnam noong Agosto 25, Naging aktibo siya sa kilusang patriyotikong sa edad na 14 anyos. Naging guro siya at mamamahayag bago sumapi sa Communist Party of Indochina na pinamunuan ni Ho Chi Minh. Noong 1940, para makaiwas sa pulisya ng France ay tumungo siya sa northern Vietnam kasama si Ho Chi Minh noong 1944 para simulan ang armadong pakikibaka roon. Matagumpay niyang pinamunuan ang pinakaunang buong-panahong platung gerilya sa Vietnam laban sa mga mananakop na pwersa ng Japan. Dahil nasa isip niya palagi ang tagubilin ni Ho Chi Minh na walang ibang mas mahalaga pa kundi ang kalayaan ng Vietnam, ipinagpatuloy nila noong 1946 ang pakikibaka laban sa kolonyalistang France. Inilunsad nila ang isa sa pinakabantog na gera sa modernong kasaysayan na hanggang ngayo'y pinag-aaralan pa rin sa mga paaralang militar sa buong mundo. Sa Dien Bien Phu, pinaligiran nila ang mga piling tropa ng France na pinamumunuan noon ni Gen. Henri Navarre. Sa tulong ng libu-libong mamamayan, gumawa sila ng mga tagong daanan, naghukay ng kilo-kilometrong trensera, pira-pirasong dinala ang mga pyesa ng kanilang mga kanyon at iba pang artileri, hinila nila paakyat sa matatarik na bundok at unti-unting kinubkob ang kampanteng mga sundalong Pranses. Ginulat nila ang mga ito at pagkaraan ng 55 araw na madugong labanan, napilitang sumuko ang mga ito sa mga gerilyang Vietnamese noong Mayo 7, Mga 4,000 ang napatay at 11, 000 tropang Pranses ang nabihag ng rebolusyonaryong Vietnamese. Bunsod ng pagkatalo sa Dien Bien Phu, napilitang umatras ang kolonyalistang France at batay sa Geneva Accords noong 1956, pansamantalang hinati ang Vietnam ang sosyalistang North Vietnam at ang South Vietnam na sinakop ng US matapos lumisan ang mga pwersa ng France. Sa harap ng mga eroplanong B-52 at iba pang mga makabagong kagamitang militar, nanaig pa rin ang mga pwersang gerilya na pinamunuan ni Giap laban sa mga mananakop na Amerikano. Aniya, kinailangan naming gamitin ang lahat ng maliliit na sandata laban sa malalaki; at ang mga lumang armas laban sa makabagong armas. Sa huli, ang tao pa rin ang mahalaga at siyang mapagpasya sa tagumpay ng labanan sa tinaguriang "American War" ( ). ~ ANG BAYAN Oktubre 7,

12 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLIV Blg. 19 Oktubre 7, Editoryal Ituon kay Aquino ang protesta laban sa pork barrel Nitong nakaraang ilang linggo, tuloy-tuloy na ipinahayag ng sambayanang Pilipino ang kanilang disgusto sa malawakang korapsyon sa paggamit sa pondong pork barrel at sa kabulukan ng buong naghaharing sistema. Naglunsad sila ng mga aksyong protesta sa iba t ibang panig ng bansa. Ang mga protestang ito ay tanda ng lawak ng disgusto at pagkadismaya sa mga pangako ni Aquino hinggil sa mabuting pamamahala. Lalo pang nagngalit ang sambayanang Pilipino nang sumingaw ang pagbuo at paggamit ng rehimeng Aquino ng tinagurian nitong Disbursement Acceleration Program (DAP), isang sistema ng paglalabas ng pondong publiko nang hindi naaayon sa pinagtibay na badyet at nakadepende lamang sa kapasyahan ng presidente. Nalantad ang paggamit ni Aquino ng DAP upang maglaan ng daan-daang milyong piso sa mga senador na pumanig sa kanya para hatulang maysala at alisin sa pwesto ang dating punong mahistrado ng Korte Suprema na si Renato Corona. Nagamit din ang DAP upang mabilis na maglabas ng pondo para sa mga kongresista at mga senador na sumuporta sa mga panukalang batas na personal na itinulak ni Aquino. Kaliwa't kanan ang pagbatikos sa DAP at iba pang pondong pork barrel ni Aquino. Ilang abugado na ang nagsampa ng ka- so sa Korte Suprema laban sa iligal sa sistemang ito at iginigiit na rin ng ilang personahe ang pagpapatalsik kay Aquino sa pamamagitan ng impeachment o pagbibitiw. Pinatutunayan ng lahat ng ito na wala nang naloloko si Aquino sa islogang "mabuting pamamahala". Lantad na lantad na ito bilang manipis na tabing ng malawakang korapsyon. Nakaririndi na ang kanyang walang katapusang panunumbat at ingay sa korapsyon ng nagdaang rehimeng Arroyo. Malinaw sa lahat na wala itong ibang layunin kundi sapawan ang mga pambabatikos sa korapsyon ng kanyang Sa isyung ito... Kaliwa t kanang korapsyon at anomalya 3 12 armas, nasamsam sa MisOr 5 Lider-unyonista dinukot 8

13 Mga tuntunin sa paglilimbag 1. Ang sinundang pahina, na eksaktong kopya ng pahina 1 maliban sa mas mapusyaw ang masthead o logo ay para sa mga gumagamit ng mimeo machine o naglilimbag sa paraang v-type. Idinisenyo ito para hindi madaling makasira ng istensil. 2. Pag-print sa istensil: a) Sa print dialog, i-check ang Print as image b) Alisin ang check sa Shrink oversized pages to paper size k) I-click ang Properties d) I-click ang Advanced e) Tiyaking naka-set sa 100% ang Scaling d) Ituloy ang pag-print 3. Hinihikayat ang mga kasama na ipaabot sa patnugutan ng AB ang anumang problema kaugnay ng paglilimbag sa pamamagitan ng v-type. Magpadala ng sa angbayan@yahoo.com