Lugmok sa krisis sa pinansya at pananalapi ang rehimeng Macapagal-Arroyo. Desperado itong makalikom

Transcription

1 Rebolusyonaryong Pahayagan ng Gitnang Luzon Taon XXX Blg. 4 REGULAR NA ISYU Hulyo-Agosto 2004 Editoryal Pabigat na buwis ng rehimeng Macapagal-Arroyo, labanan! Lugmok sa krisis sa pinansya at pananalapi ang rehimeng Macapagal-Arroyo. Desperado itong makalikom nang P126.6 bilyong karagdagang kita para mabawasan ang lumalaki nitong depisit sa badyet, mabayaran ang dambuhalang utang ng gubyerno at matustusan ang lumalaking gastusin ng burukrasya. Kalakhan nito ay balak palitawin ng rehimen mula sa mga bago at dagdag na buwis. Tiyak na dagdag na namang hagupit ito sa naghihirap nang mamamayang Pilipino! Sa pasinaya ni Macapagal-Arroyo bilang presidente noong Hunyo 30, binanggit niya sa kanyang 10-puntong programa ang target na balansehin ang pambansang badyet ( pangongolekta ng mga tamang rentas at paggastos sa mga tamang bagay ). Sa kanyang SONA nitong Hulyo 26, naghapag siya ng pakete ng mga bagong buwis para pagtibayin ng Kongreso: buwis sa gross income sa halip na netong kita, pagtataas sa valueadded tax (VAT) o buwis sa mga produkto at serbisyo, dagdag na buwis sa mga produktong alkohol at tabako, at gayundin sa produktong petrolyo, bagong buwis sa mga kumpanya sa telekomunikasyon, pagtataas ng singilin ng iba t ibang ahensya ng gubyerno, at pagpapaliit ng fiscal incentive o insentibo sa mga kumpanya sa anyo ng pagbabawas/ pag-aalis ng buwis, at pagbibigay ng kalahatang amnestiya sa pagbubuwis. Sa bagong buwis, target ng rehimeng makalilikom ng karagdagang P80 bilyon sa bawat taon para maibsan ang lumolobong depisit. At masahol pa, dineklara ni Macapagal-Arroyo na may krisis sa pinansya at utang ngayong Agosto para gamitin itong dahilan para itulak ang mabilis na pagpasa ng mga batas para sa mga bago at pinatinding patakaran sa pagbubuwis, at gayundin, sa pagkopo sa IRA (Internal Revenue Allotment) ng mga LGU (local government unit) at sa pork barrel (diumano y development fund) ng mga kongresista. Ang totoo, matagal nang may krisis sa pinansya at utang ang Pilipinas. Taun-taong lumolobo a n g depisit sa kalakalan at utang panlabas.

2 Umabot na sa US$1.1 bilyon ang depisit sa kalakalan at US$ bilyon ang dayuhang utang noong Nasa kaibuturan ng krisis na ito ang kawalan ng tunay na industriyal na pag-unlad sa bansa kung kaya ang ekonomya ay umaasa na lamang sa mga dayuhang utang at pamumuhunan, at kita mula sa limitadong pamilihan ng mga hilaw na materyales at mga produktong mababa ang dagdagna-halaga. Alipin sa utang ang Pilipinas ng mga imperyalistang bansa. Di ito makahulagpos sa bisyosong siklo ng pangungutang para mabayaran ang dambuhalang utang. At para patuloy na makapangutang ang papet na rehimeng Arroyo, kailangan itong sumunod sa mga dikta ng IMF, World Bank at iba pang mga dayuhang bangko, gaya ng pagbibigay ng prayoridad sa debt service (pagbabayad sa utang) sa badyet, kumbersyon ng di nabayarang pribadong mga utang tungong pampublikong utang, kumbersyon ng dayuhang utang sa mga sapi sa piling mga negosyo para ariin ang mga ito o para maangkin ang likas na yaman ng mga bayang may utang, malayang pagdaloy ng kapital, liberalisasyon ng kalakalan at pamumuhunan, pribatisasyon at deregulasyon at pati ang paghihigpit ng sinturon. Sa gayo y, natitiyak ng mga imperyalistang bangko na nakukubra nila ang superganansya sa kabila ng pagkakalugmok sa krisis na ekonomya. Ang depisit sa badyet ay resulta ng kawalan ng kakayahan ng bangkaroteng ekonomya na tustusan ang debt servicing sa dambuhalang utang (40% ng badyet), ng lumalaking gastusin sa militar na gatasan din ng mga burukrata at upisyal militar, at ng pork barrel. Dagdag dito ang nawawala sa pondo dahil sa burukratikong korupsyon (30-50% sa mga ahensya ng gubyerno) at ang tax leakage na umaabot sa P240 bilyon taun-taon na kalakhan ay di nababayaran ng mga malalaking negosyante tulad ni Lucio Tan. Umabot sa P199.9 bilyon ang depisit sa badyet ng rehimeng Arroyo noong 2003, at tayang P80.1 bilyon na sa unang anim na buwan ng taong ito. Target na mapalitaw ang P80 bilyong piso mula sa mga bagong buwis. Dagdag na pasanin sa mamamayang Pilipino ang mga NILALAMAN NG ISYU NGAYON 1 Editoryal: Pabigat na buwis ng rehimeng Macapagal-Arroyo, labanan! 3 10 hakbangin sa pagbubuwis ng rehimeng arroyo 4 Pangangapa sa palaisdaan, tampok na tagumpay 7 Mga taktikal na opensiba sa Gitnang Luzon, matagumpay na naidaos 8 Panawagan ng mga manggagawa sa Robina Farm: Ipaglaban ang regularisasyon! Ipaglaban ang pagdurog sa unyon! 9 CLSU, nagtaas ng matrikula 10 Nangyari kay Angelo at iba pang OFW, pananagutan ng rehimeng Arroyo 11 Pambansang kongreso ng BAYAN, idinaos sa Pampanga 12 Tinggayad: Ang Gitnang Kapatagan ni Jose Maria Sison (salin) Ang Pulang Mandirigma ni Ka Jane Alipin sa utang ang Pilipinas ng mga imperyalistang bansa. Di ito makahulagpos sa bisyosong siklo ng pangungutang para mabayaran ang dambuhalang utang. At para patuloy na makapangutang ang papet na rehimeng Arroyo, kailangan itong sumunod sa mga dikta ng IMF, World Bank at iba pang mga dayuhang bangko. bagong buwis na ito sa harap ng malawakang disempleyo at pagtaas ng presyo ng mga batayang pangangailangan ng masa. Ang halaga ng piso ay bumaba na sa P0.55 noong Hunyo 2004 kumpara sa Sa Gitnang Luzon, P na lamang ang tunay na halaga ng minimum na sahod na P224. Ibayo pa itong bababa dahil sa di mapigilan at sunud-sunod na pagtaas ng presyo ng langis. Mariing tinututulan ng mamamayan ang panibagong patakaran sa buwis ng rehimeng Arroyo. Sa iba t ibang paraan, ligal at iligal, sa kanayunan at kalunsuran, tinututulan nila ang mga imposisyon ng imperyalismong US at mga kaakibat na mga patakaran ng rehimeng Arroyo na nag-papasahol sa krisis sa ekonomya at pinansya. Nagbabadya ang malawakang protesta ng mamamayan na posibleng humantong sa panibagong pampulitikang krisis na babayo sa mabuway nang katayuan ng rehimeng Arroyo. Higit pang lumilinaw ang armadong landas bilang kalutasan sa krisis na dulot ng imperyalismo at sa pagpapakatuta ng rehimeng Arroyo. H 2 Hulyo-Agosto 2004 / Regular na Isyu

3 10 hakbangin sa pagbubuwis ng rehimeng Arroyo* Sa desperasyong makalikom ng P bilyong karagdagang kita para mabawasan ang napakalaking depisit sa badyet, matustusan ang malaking gastos at mabayaran ang dambuhalang mga utang ng gubyerno, balak ng rehimeng Arroyo na magsagawa ng iba t ibang karagdagang hakbangin sa pagbubuwis na pawang magpapalala sa hirap na kalagayan ng mamamayang Pilipino. Sumusunod ang ilan sa mga ito: 1) Pagtataas sa VAT (valueadded tax o buwis sa mga naidaragdag na halaga sa mga produkto) mula sa kasalukuyang 10% tungong 12% sa 2006 at 14% sa Inaasahang malilikom na buwis: P19.9 bilyon. 2) Pagpapataw ng 3% franchise tax (buwis sa karapatang magnegosyo) sa mga kumpanya sa telekomunikasyon. Ang pasanin dito ay ipapasa ng mga kumpanya sa mga gumagamit ng cellphone. Inaasahang lilikom mula rito: P6 bilyon. 3) Pagbaling sa gross income taxation (o pagbubuwis sa kabuuang kita sa halip na sa netong kita) sa mga korporasyon at mga indibidwal na self-employed o nagtatrabaho para sa sarili. Maaaring tumubo sa gayon nang sobra-sobra ang mga korporasyon nang walang anumang buwis sa kanilang tutubuin pagkatapos maisaayos ang babayaran nilang gross income tax. Samantala, ang gross income tax na kung tutuusin ay halos sales tax o buwis sa pagbebenta ay mas madaling maipapasa sa mga konsyumer sa pamamagitan ng simpleng pagtataas lamang ng presyo ng mga produkto o serbisyo ng korporasyon. Inaasahang malilikom mula rito: P16.76 bilyon. 4) Pagpapaliit ng fiscal incentives (o mga insentibo sa mga kumpanya sa anyo ng pagbabawas o pag-aalis ng buwis, pagbibigay ng mga subsidyo at iba pa) para higit na umayon sa mga regulasyon ng World Trade Organization. Inaasahang dagdag na kikita mula rito: P5 bilyon. 5) Pagpataw ng index reclassification tax (buwis sa pamamagitan ng simpleng pagbabago ng kategorya ng mga produkto) sa mga bisyo, tulad ng mga inumin at sigarilyo na kinokonsumo ng karamihan ng mamamayan. Inaasahang malilikom mula rito: P14 bilyon. 6) Pagbibigay ng general tax amnesty (pangkalahatang amnestiya sa babayarang buwis). Sa pamamagitan ng pagbabayad na lang ng mas maliit na halaga, ganap na ililibre na sa mas malalaking pananagutan nila sa nakaraan ang malalaking korporasyon at mayayamang indibidwal na nakaiwas sa pagbabayad ng buwis sa maanomalyang mga paraan. Inaasahang malikom mula rito: P25 bilyon. 7) Pagtataas ng taripa sa pag-aangkat ng mga produktong petrolyo. Inaasahang malilikom mula rito: P4.6 bilyon. 8) Pagtataas ng excise tax sa mga produktong petrolyo. Inaasahang malilikom mula rito: P29.7 bilyon. 9) Pagtataas ng mga singilin ng iba t ibang ahensya ng gubyeno. Inaasahang malilikom mula rito: P5.7 bilyon. 10) Pagpaparami pa ng mga pwedeng buwisan ng mga korporasyong pag-aari o kontrolado ng gubyerno, tulad ng Public Estates Authority (PEA) at Philippine Gaming and Amusement Corporation (PAGCOR). (* Sipi ito sa Agosto 7, 2004 isyu ng Ang Bayan.) Regular na Isyu / Hulyo-Agosto

4 Pangangapa sa palaisdaan, tampok na tagumpay Sa isang larangang gerilya ng rehiyon, isinusulong ng rebolusyonaryong organisasyon ng mga maralitang mangingisda ang hakbang-hakbang na pakikibaka para sa pagpapatupad ng rebolusyonaryong programa sa repormang pampangisdaan. Isinasagawa ang mga hakbang upang matugunan ang pangunahing suliranin ng masang mangingisda sa kahirapan at kawalan ng katiyakan sa hanapbuhay. Nagumpisa sa hanay ng mga pinakadahop, sa mga tinatawag na mangangapa, patuloy na lumalaganap ang kanilang rebolusyonaryong pakikibaka at binubuklod sa saklaw ng buong larangang gerilya ang iba pang maralitang mangingisda. Ang kalagayan at suliranin ng maralitang mangingisda Ang suliranin ng pinakamalawak na mangingisda at masa sa pangisdaan ay ang malaganap na kawalanghanapbuhay at malubhang kahirapan. Ito ay iniluwal ng pangangamkam ng panginoong maylupa sa lupa at sa dating komunal na lugar-pangisdaan, monopolyong kontrol ng panginoong maylupa-burgesya komprador sa pangunahing kagamitan sa produksyon, pagkasaid at kapinsalaan ng likas na yaman bunga ng imperyalistang pandarambong at kapabayaan ng gubyerno, at ng kawalan ng industriyalisasyon sa sektor ng pangisdaan at sa buong bansa. Sinasalamin ng kalagayan ng mangangapa ang buod ng suliraning ito. Ang mga mangangapa ang pinakaaba sa 4 Hulyo-Agosto 2004 / Regular na Isyu hanay ng maralitang mangingisda. Ang nakararami sa kanila ay walang mga bangka at lambat na pangisda. Sila yaong nangangalap ng isda sa mabababaw na bahagi ng ilog at baybay-dagat, at sa mga palaisdaang bagong-ani, gamit lamang ang kanilang kamay, o kaya ay mga simpleng kagamitan tulad ng salakab o maliliit na salok. Ang pangangapa ay isa na sa pinakamadali at pinakamatandang paraan ng panghuhuli ng isda. Ang ating mga ninuno ay nangangapa sa ilog, sapa, baybay-dagat at kung saan man madaling mahuli ang isda, hipon at makukuha ang yamang-tubig sa pamamagitan ng ULAT-KORESPONSAL sariling kamay. Sa panahong hindi pa pribado ang mga lugar pangisdaan at sagana pa ang likas na yaman ng ilog at karagatan, ang pangangapa ay isa lamang pangkagyatang paraan ng pagkuha ng mauulam at hindi isang tiyak na hanapbuhay. Kalaunan, ang komunal na lugar-pangisdaan ay kinamkam at naging pribadong pag-aari ng panginoong maylupa at burgesya komprador. Nawalan ng karapatan ang masang mangingisda na maghanapbuhay sa lugar na dati ay pag-aari ng buong lipunan. Lubhang kumitid na ang lugar pangisdaan. Marami nang sapa, ilog at mabababaw na bahagi ng baybay-dagat at kapinakan ang nasaraduhan at nasaklaw ng pribadong palaisdaan. Bunga nito, maraming maralitang mangingisda ang napatalsik sa lugar pangisdaan at nawalan ng hanapbuhay. Kahilingan para makapangapa sa palaisdaan Para sa maralitang mangingisda at iba pang mamamayan na walang tiyak na mapagkakitaan, malaking bagay ang pakikikapa sa mga pribadong palaisdaan. Marami pang isdang singaw at natitirang alagang bangus, sugpo at alimango ang naiiwan sa mga palaisdaan kahit natapos na itong simutin. Para sa mga namamalaisdaan, ang naiiwan ay tinuturing nang basura at di na kailangan para sa susunod na produksyon ng palaisdaan. Ngunit para sa masang naghihikahos, ang pangangapa sa tira-tirahang isda at iba pang laman ng palaisdaan ay pang-

5 ampat sa sikmurang kumakalam. Sa mga komunidad sa pangisdaan, hinahamak at inaalipusta ang mga mangangapa. Mababa ang pagtingin sa kanila dahil sa kanilang katayuang nakikiamot sa tira ng mga palaisdaan. Sa pananaw laluna ng mga panginoong maylupa, ang mga mangangapa ay magugulo at hindi mapagkakatiwalaan. Subalit para sa rebolusyonaryong kilusan, makatarungang kahilingan ng maralitang mangingisda na mangapa sa palaisdaan. Ito ay tumutugon sa pinakabatayang pangangailangan at kagalingan ng mayorya at pinakaaping mamamayan sa mga baryo ng mangingisda. Ang tunay na nasa likod ng usaping ito ay ang malawak na kahirapan at kagutuman na likha ng mapagsamantala at mapang-aping malapyudal at malakolonyal na lipunan. Sa balangkas ng pagpapatupad ng rebolusyonaryong programa sa repormang pampangisdaan, isinusulong ng rebolusyonaryong kilusan ang kahilingan ng malawak na maralitang mangingisda para makapangapa sa mga palaisdaan, at sinusuportahan ng Bagong Hukbong Bayan ang mga samahan ng mangangapa sa paghiling nila sa mga panginoong maylupa na ipakapa ang nasimutan nang palaisdaan. Kahilingan laban sa pagsasamantala ng mga komersyante-usurero Dahil sa kawalan ng sariling kagamitan sa produksyon laluna ang bangka, biktima ang mga maralitang mangingisda ng mga usurero-komersyante sa katauhan ng tinatawag na digaton, at ng ilang mga nagpapautang na konsignasyon. Ang mga komersyante ang may salapi at kagamitan sa produksyon tulad ng bangka, kaya nakapagpapautang sila sa mataas na interes. Iba-iba ang kondisyong pinapairal ng bawat digaton sa kanikanilang baryo o lugar. May nagpapautang ng mga pangkonsumong pangangailangan ng masa sa kondisyong sila ay mangangapa para sa digaton at sa kanya dadalhin ang anumang mahuhuling kalakal, na kanya namang pinepresyuhan sa halagang napakababa, halos isang kapat lang kaysa umiiral. May ilan namang konsignasyon na hawak sa leeg ang mga mangangapang nagpupundo sa kanila ng kalakal. Kung tutuusin, maliliit lang ang halagang nauutang ng mga mangingisda pero sa kabila ng kung ilang taon na silang nagdadala ng kalakal at naghuhulog, hindi nagbabago ang nakatala nilang halaga ng utang. Nakatanikala sila sa komersyante at habang panahon nang obligadong magdala ng kalakal sa kanya. Interes ng mangangapa at iba pang maralitang mangingisda na makalaya sa kontrol ng komersyante-usurero. Isinusulong ng rebolusyonaryong kilusan ang kampanya laban sa pagsasamantalang komersyante-usurero at inihahanda ang masa para sa mga tuwirang pakikipagkomprontasyon sa mga ito para igiit ang mga partikular na kahilingan para sa pagpapababa ng interes sa pautang. Pero, kasabay nito, hinihikayat ang kooperasyon sa hanay ng mga samahang mangingisda para organisadong maibenta ang kanilang kalakal at sama-sama ring makahango ng kanilang pangkonsumo. Hakbang ito sa pag-aangat ng kanilang kita at tuwirang paglaya sa mapagsamantalang mga kondisyon ng mga komersyante-usurero. Interes ng mangangapa at iba pang maralitang mangingisda na makalaya sa kontrol ng komersyante-usurero. Isinusulong ng rebolusyonaryong kilusan ang kampanya laban sa pagsasamantalang komersyante-usurero. Ang nakaraang karanasan sa lihis na patakaran sa pangangapa Kalagitnaan ng dekada otsenta nang pakitunguhan ang isyu ng pangangapa sa eryang kostal. Inilarga ito ngunit sa paraang lusob at kahit sino ay maaaring sumama sa pakapa. Huling bahagi ng dekadang ito, hindi na kontrolado ang pangangapa at mas dumami pa ang mga kaso ng panlulusob sa mga palaisdaan. Ang kawalan ng kontrol sa pangangapa ay puminsala sa mga namamalaisdaan. Bagay na ikinagalit ng mga ito at dahilan ng pagkuha nila ng mga goons at militar. Kalauna y mas tumampok na ang mga negatibong epekto ng pangangapa kasabay ng matitinding mga paglihis sa linya sa panahong ito. Iniluwal nito ang mga kalituhan at kaguluhan sa masa, pwersa at maging sa rebolusyonaryong kilusan sa erya. Taong , muling tumampok ang isyu ng pangangapa nang gawin itong tuntungan ng rebisyunistang Rebolusyonaryong Hukbong Bayan-Marxista- Leninistang Partido ng Pilipinas (RHB-MLPP) para makapasok sa eryang kostal. Dahil nga bandido, nauwi ang kanilang pangunguna dito sa pag-aaway-away ng maralitang mangingisda, panlulusob ng palaisdaan, paglubha ng suliranin Regular na Isyu / Hulyo-Agosto

6 Madaling makita ang populista, ekonomista at lantarang kontrarebolusyonaryo linya at paraan ng pagdadala ng RHB-MLPP sa isyu ng mangangapa. Ito ay ibinunga ng kanilang rebisyunistang linya sa ideolohiya at oportunista t bangkaroteng linya sa pulitika. sa pangingitid (pagnanakaw sa laman ng palaisdaan), at pagtindi ng pagsasamantala sa mangangapa ng mga digaton na siyang pangunahing nakinabang sa pagdami ng kapain. Pangunahing nabibiktima ng kanilang panlulusob ang mga maliliit na namamalaisdaan. Madaling makita ang populista, ekonomista at lantarang kontrarebolusyonaryo linya at paraan ng pagdadala ng RHB-MLPP sa isyu ng mangangapa. Ito ay ibinunga ng kanilang rebisyunistang linya sa ideolohiya at oportunista t bangkaroteng linya sa pulitika. Nagsisimula sila sa pakikitungo sa isyung ito para mapabango ang kanilang organisasyon at maihiwalay ang rebolusyonaryong kilusan sa masa. Ang iba pang mahalagang isyu sa baryo ay sadyang hindi pinapakitunguhan. Hinahabol nila ang mga isyung may kagyat na pang-ekonomyang pakinabang subalit isinusulong ito sa paraang Robin Hood o pamamandido, o dili naman kaya panghihingi ng mumo sa kaaway sa uri. Pamumuno at pagsusulong sa isyu ng pangangapa Huling buwan ng 2001 at maagang bahagi ng 2002, naitayo sa mga baryo sa kostal ang mga samahan ng mangangapa. Alinsunod sa mga rekisitos ng paglulunsad ng rebolusyong agraryo, matatag na pinamunuan ng Partido ang pagkokonsolida at paghahanda sa mga samahan. Inilunsad ang mga pulong pag-aaral upang pagkaisahin ang mga mangangapa at mga mamamayan sa nabalangkas na patakaran sa pangangapa at sa rebolusyonaryong direksyon ng gagawing pagkilos. Mahusay na ipinuwesto ang mga pamamaraan at taktika ng pagkilos. Ikalawang kwarto ng 2002, itinayo ang negotiating panel na haharap sa unang balsada ng dayalogo sa mga propitaryo (tawag sa mga panginoong maylupa sa kostal). Kinabibilangan ng mga nasa pamunuan ng samahan at iba pang pwersa sa baryo ang nego panel habang tatayong tagapamagitan ang mga kasama. Bago ang aktwal na dayalogo, pinadadala na sa mga propitaryo ang kopya ng patakaran hinggil sa pangangapa. Nagtagumpay ang dayalogo! Mahigit sa dalawampung propitaryong kabilang sa hanay ng maliliit na panginoong maylupa ang pumayag na ipakapa ang kanilang mga palaisdaan. Matapos ang dayalogo ay muling isinagawa ang oryentasyon sa mga mangangapa at ipinatupad na ng mahigpit ang patakaran sa mga pakapa. Bunga nito, naisagawa ang mga pakapa sa palaisdaan nang maayos at walang kaguluhan. Ang natamong tagumpay sa unang dayalogo at ang organisadong paglulunsad ng pakapa ay nagbukas ng benyu para kausapin ang mga panggitna at malalaking panginoong maylupa. Dahil sa likas na mas matalas ang tunggalian sa pagitan ng mangangapa at malalaking panginoong maylupa, higit na mas mataas na konsolidasyon sa ideolohiya ang kinakailangan sa paghaharap. Pagbukas ng 2003, piniling mabuti ng mga kasama ang uupo at makikipagharap sa ikalawang balsada ng dayalogo. Mas maganit ang naging negosasyon subalit sa bandang huli y nauwi rin sa tagumpay ng mangangapa ang pag-uusap. Labing anim sa malalaking propitaryo ang pumayag na ipakapa ang kanilang mga palaisdaan samantalang tatlo lamang ang hindi pumayag. Sa kabuuan, malaking tagumpay ang pakikibaka ng mga mangangapa. Mahigit 500 mangangapa sa mahigit limang baryo ang aktibong lumahok sa pakapang nabanggit. Mula 2003, tuluy-tuloy nang isinasagawa ang organisadong pangangapa. Halos buwan-buwan ay nangangapa basta t may nagpapahuli. Pero mas marami ang kapain pagkatapos ng isang anihan (one cropping) o pagkatapos ng tatlong buwan. Sa bawat lugar, iba-iba ang dami ng lumalahok. Pero sa karaniwan, di bababa sa 200 ang nangangapa sa isang parsela. Mahalagang maorganisa ang lumalaking bilang ng mangangapa. May baryo na halos lahat ay nangangapa (may 800 mangangapa), may dalawang baryo na may 400 samantalang ang iba ay 20 at pataas. Sinisimulan na ang samasamang pagbebenta ng huling isda at pamimili ng konsumo para mapalaki ang kanilang kita at makatipid sa pang-araw-araw na pangangailangan. Kasunod nito, uumpisahan nang gawin ang sama-samang pag-iimpok para sa pagpupundar ng mga kagamitang-pangisda. Kaalinsabay, nagsisimula na ring >>> 6 Hulyo-Agosto 2004 / Regular na Isyu

7 Mga taktikal na opensiba sa Gitnang Luzon, matagumpay na nailunsad Isang isnayping, dalawang reyd na walang putok at dalawang ambus ang matagumpay na nailunsad ng Bagong Hukbong Bayan (BHB) sa Nueva Ecija, Aurora at Zambales nitong Hunyo at Hulyo. ay kuta ng Red Vigilante Group (RVG), isang grupong paramilitar at sindikato na kinamumuhian ng masa. Nakumpiska rito ang isang M16, isang.38 pistola at isang binocular. BHB si Maj. Asuncion, isang upisyal ng Regional Special Action Force, (RSAF) noong Hunyo 20, alas-sais ng umaga habang papalabas siya sa kanyang bahay sa Iba, Zambales. Inisnayp ng isang iskwad ng BHB ang apat na mapangabusong elemento ng RSOT (Reengineered Special Operations Team) ng 71 st IBPA nitong Hulyo 14, alas-dies ng gabi sa Sityo Florida, Brgy Villa Floresta, San Jose City, Nueva Ecija. Kagyat na namatay si TSGT Claudio Banyada, tim lider ng RSOT, sa sityo at namatay naman sa ospital ang tatlong sugatang tropa. Samantala, nireyd ng mga Pulang mandirigma ang Yama, dating sawmill na pagaari ni Jessie Su, isang negosyanteng Tsino nitong Hulyo 15. Ang Yama na nasa Brgy Aplayang Malaki, Dingalan, Aurora Pinarusahan naman ng Sa Ditumabo, San Luis, Aurora, inambus at napatay ng isang tim ng BHB si Corporal Jojo Pamilagan, isang upisyal sa paniniktik ng Charlie Coy ng 48 th IBPA habang nakasakay sa motorsiklo noong Hunyo 29. Samantala nitong Hunyo 14, nakumpiska ng BHB sa bahay ni Jun Nano Chua ng Masinloc, Zambales ang dalawang M16 at dalawang.45 pistola. Si Nano, tauhan at birador ni Gobernor Vic Magsaysay na tinatawag na little governor, ay protektor ng sindikato ng droga gayundin ng pasugalan at sabong. Nirereklamo rin siya ng mga kawani ng lokal na gubyerno dahil sa korupsyon at sekswal harasment. Nanghaharas din siya ng mga magsasaka at manggagawa sa Palawig. H <<< ilunsad ang maliliit na proyektong tutugon sa kagalingan ng kasapi tulad ng serbisyong medikal at pangkalusugan. Titiyaking mailunsad ang mga kampanya sa edukasyon at kultura at iba pang proyektong kapakipakinabang sa komunidad. Kasabay ng pagtaas ng kanilang kamalayang pangideolohiya at pang-organisasyon, pagaganahin ang samahan ng mangangapa bilang isang kooperatiba. Hakbang-hakbang, batay sa inabot na lakas, inilalatag ng rebolusyonaryong mangingisda ang pundasyon ng sosyalisadong produksyon sa pangisdaan. Malinaw na ang pamumuno ng Partido at suporta ng Hukbo ang nagbibigay ng wastong pampulitikang direksyon sa pangangapa upang hindi mabulid sa ekonomismo, pagkakakanyakanya at kaguluhan ang masa. Ang isinusulong na rebolusyonaryong programa para sa tunay na repormang pampangisdaan at mga kaakibat na patakaran ang komprehensibong balangkas para sa mulat at organisadong pagkilos ng masang mangingisda. Hindi lamang ito para sa kagyat na kahilingang makapangapa, kundi para baguhin ang mapagsamantalang sistemang pinaguugatan ng kahirapan. H Regular na Isyu / Hulyo-Agosto

8 Mamamayan ng Zambales, biktima na naman ng karahasang militar Tuluy-tuloy na karahasang militar ang nararanasan ng mamamayan ng Zambales. Sa Palauig, Zambales, matapos ang labanan sa pagitan ng isang tim ng Bagong Hukbong Bayan (BHB) at mga 300 magkasanib ng pwersa ng Provincial Mobile Group, Regional Special Action Force at pulis sa Brgy San Vicente at Sto Rosa nitong Agosto 6 at 7 ayon sa pagkakasunod, hinalughog nila ang ilang bahayan, sapilitang tinipon ang mga taumbaryo at may sinaktan. Sa naturang labanan, apat na sundalo kabilang ang intel-operatib na si SPO4 Eric Doble at isa pang isang upisyal ang napatay at may ilan pang sugatan, habang tatlong magigiting na Pulang mandirigma ng BHB (Ka Dasig, Zero at Noel) ang namartir, at isang magsasaka ang namatay sa atake sa puso habang may labanan. Sa taong itong, dalawang beses namang nambomba ang mga kaaway para tugisin ang BHB. Sa isang bahay na pinasok ng mga mersenaryong sundalo, itinumba nila ang kama sa kwarto, binasag ang bintana, ikinalat ang mga damit sa aparador, ninakaw ang mga de latang pagkain, imported na kape, tindang dalawang kahon na sigarilyong Hope, at nawala ang mahigit P2, Hinalughog din ang ilan pang bahayan at kinalat ang mga kagamitan sa loob ng bahay kahit walang tao sa isang bahay. Ibinintang sa maybahay ang isang sako ng Himagsik, mga bala ng baril, at isang packbag na nakuha diumano sa likod ng kanyang bahay. Hindi nakilala ng taumbaryo ang mga sundalo dahil may nakabonet at walang mga nameplate ang kanilang mga uniporme. Tinutukan ng baril ng sampung unipormadong sundalo ang 20 taumbaryong matanda at bata mula kulumpon ng mga bahayan. Pinalabas sila ng bahay at pinadapa. Ang isang binatang 19 na taong gulang ay sinampal ng isang sundalo nang hindi pumikit habang pilit na pinapipikit. Ang isa namang binatang 20 taong gulang ay tinapakan ang ulo nang iniangat niya ito nang makita niyang may tae ng hayop sa tapat ng kanyang mukha na kanyang dinapaan. Samantala, nitong Agosto 18, dalawang bomba ang pinakawalan ng mga kaaway sa Sitio Baksil ng Sta Fe, nasa triboundary ng San Marcelino, Botolan at Zan Felipe, para tugisin ang mga Pulang Mandirigma pero bigo sila. Sa halip, ang sariling ground troops nila ang nadisgrasya kung saan 24 ang namatay at isa naman ang nabaliw mula 702 Recon Coy. Nauna na, noong Pebrero ay limang bomba ang pinakawalan nila sa Sityo Pawo, Brgy Pangulinan, Palauig. Tatlong katutubo ang hindi na nakita (missing) sa pambobombang iyon. H Panawagan ng mga manggagawa sa ROBINA Farm: Ipaglaban ang regularisasyon! Tutulan ang pagdurog sa unyon! Labanan ang enggrandeng pakana ng manedsment ng ROBINA Farm sa pagdurog sa unyon! Tutulan ang malaganap na kontraktwalisasyon! Ito ang nagngangalit na sigaw ng mga manggagawa sa ROBINA Farm, malaking poultry na pag-aari ng kumprador-burgesyang si Gokongwei. Ayon sa pahayag ng Kilusang Unyon sa Robina Farm-Anglo-KMU, may 426 regular na manggagawa at 200 na kontrakwal-agency hired ang ROBINA. Sa kontrakwal, 90 rito ang nasa bakanteng posisyon na mahabang panahong pinagkaitang maging regular na manggagawa. Tulad ng iba pang mga kontraktwal na lumalaki ang bilang dahil sa anti-manggagawang iskema ng mga kapitalista at ng gubyerno, ang mga kontraktwal sa ROBINA ay mababa ang sahod, walang benipisyo at walang kasiguruhan sa trabaho. Nililinlang ng manedsment ang mga manggagawa sa ROBINA sa pangakong 100% separation pay. Taktika rin ni Gokongwei ang maagang resignasyon ng mga manggagawa at pagpapalit ng mga ito. Imbing pakana ito ng manedsment para tuluyang durugin ang mga regular na manggagawa 8 Hulyo-Agosto 2004 / Regular na Isyu

9 at tuluyang maging kontraktwal. Sa gayon, magkakamal nang higit na dambuhalang tubo si Gokongwei dahil sa mas murang sahod, walang benepisyo at maamong paggawa. Talamak din ang kapabayaan ng ROBINA sa kalusugan ng mga manggagawa. Ang tubig na iniinom, ipinanluluto, ipinanliligo ng mga manggagawa at iba pang empleyado sa kumpanya ay lasang burak, puro kalawang, may bulateng pula kayat nagkakalat ito ng epidemya. Hindi katakatakang 90% ng mga manggagawa ay apektado ng sari-saring sakit sa balat, pagtatae at iba pa. M a s maswerte pa nga ang mga alagang manok at baboy ni Gokongwei dahil may bitamina ang mga ito, may tubig na iniinom at bawal mainitan. Mas mahalaga pa kay Gokongwei ang kalusugan at kalinisan ng kanyang mga hayop kaysa mga manggagawa ng kumpanya na lumilikha ng kanyang kayamanan! Ang aping kalagayan ng mga manggagawa sa ROBINA, kawalan ng kaseguraduhan sa trabaho, panunupil sa kanila at pakanang durugin ng kapitalista ang kanilang militante at palabang unyon ay di hiwalay sa kalagayan ng mga iba pang mga manggagawa sa bansa. Kaya nararapat lamang na mahigpit na magkaisa ang mga manggagawa, organisahin ang sarili at samasamang tutulan ang imbing pakana ng mga kapitalista na alisan sila ng kabuhayan at durugin ang kanilang unyon. H Sa kabila ng pagtutol ng mga estudyante, CLSU, nagtaas ng matrikula Sa kabila ng mahigpit na pagtutol at malawakang pagkilos ng mga estudyante, nagtaas pa rin ng matrikula ang Central Luzon State University (CLSU) mula sa dating P40/unit tungong P75/unit o pagtaas nang 87.5%. Gayunman, napababa ito mula sa 298% balaking pagtataas ng administrasyon at tinamo ang minimal na tagumpay ng laban. Ayon sa Central Luzon Alliance for Reforms in Education (CLARION)-CLSU, isang salik sa pagtaas ng matrikula ang pakikipagsutsabahan ng nakaraang pamunuan ng University Supreme Student Council (USSC). Ang presidente nito at kanyang kasamahan sa oportunistang organisasyong Movement for the Advancement of Student Power (MASP)-Akbayan ay nakipagkompromiso at kolaboreyt sa administrasyon ng pamantasan. Noong Marso 15, mahigit 2,000 estudyante ang nagmartsa at lumiban sa kanilang klase para tutulan ang pagtataas ng matrikula at ipa pang bayarin. Nanawagan din sila na ibasura ang RA 8292 o Higher Education Modernization Act (HEMA) na nagbibigay-laya sa mga pampublikong pamantasan na magtaas ng matrikula at iba pang bayarin gayundin sa pagpipribatisa sa mga pampublikong pamantasan at sa mga sangay nito. Ginipit at kinwestyon ng administrasyon ang mga estudyanteng lumahok sa pagkilos para apulain ang nagaalab nilang damdamin. Nagpakalat pa ito kasapakat ang espesyal nilang ahenteng MASP- Akbayan ng isterya na ang kalahati umano ng sumama sa naturang pagkilos ay mga taong-labas (outsiders) kabilang na ang NPA (New People s Army). Ginawa nilang dahilan ang isteryang ito para bigyan-katwiran ang pagdating ng pitong armadong gwardya noong Marso 15 at ng mobile patrol car ng pulisya ng Munoz, Nueva Ecija noong Marso 19. Naghahanap umano sila ng mga outsiders at NPA. Ang harasment na ito ay lumikha ng pangamba at takot sa mga estudyante. Gayunman, nanindigan pa rin ang mga militanteng estudyante na tuloy pa rin ang kanilang mga pagkilos laban sa pagtaas ng matrikula at iba pang isyu ng mga estudyante. Dulot ng pagtataas ng matrikula sa CLSU, bumagsak ang enrolment nitong pagpasok ng Akademikong taong Sa katunayan, naitala ang pinakamababang enrolment ng Common First Year (CFY) ngayong taon mula sa pinakamataas na 1,464 noong 2002 tungong 1,118 ngayong taon (kumparatibong datos ng limang taon). Ang sanhi ng garapalang pagtataas ng matrikula at mga bayarin ay ang napakaliit na subsidyong tinatanggap ng pamantasan mula sa gubyerno. Mula sa dating P50 milyong subsidyo noong 2000, naging P33 milyon na lamang ito sa kasalukuyan. Pagpapatunay ito na tinatalikuran ng gubyerno ang pagbibigay ng makamasa at dekalidad na edukasyon sa mamamayan. Nagmistulang tuod naman ang administrasyon ng pamantasan sa patuloy na pagbabalewala sa panawagan ng mga iskolar ng bayan. H Regular na Isyu / Hulyo-Agosto

10 Nangyari kay Angelo at iba pang OFW, pananagutan ng rehimeng Arroyo Sa kakulangan ng empleyo at kawalan ng oportunidad na kumita sa sariling bayan, mahigit nang 10 milyong Pilipino ang nagtatrabaho sa labas ng bansa. Maraming naeengganyo sa pangakong sweldo na umaabot sa US$800 kada buwan. Isa si Angelo de la Cruz na sumunggab sa job order ng 4,933 Overseas Filipino Workers (OFW) sa Iraq. Si Angelo, Pilipinong drayber na hinostage noong Hulyo 7 sa Baghdad, Iraq ay pinalaya nitong Hulyo 20 ng mga bumihag sa kanya na mga myembro ng Khaled bin al- Waleed Corps, isang bahagi ng Islamic Army na lumalaban sa okupasyon ng US sa Iraq. Hiniling ng mga bumihag sa kanya na paalisin ang Philippine Humanitarian Contingent sa Iraq. Dumagundong sa buong bansa ang mga panawagan para sa agarang pag-pull out ng mga tropang Pilipino sa Iraq bilang kondisyon sa pagpapalaya kay Angelo. Mabilis na lumawak ang mga prayer vigil at mga protesta sa pangunguna ng Migrante at iba pang mga alyadong partylist nito at mga organisasyong masa. Gayundin sa ibang mga sentrong lungsod tulad ng Baguio, Legaspi, Cebu, Iloilo, Bacolod, Davao, at General Santos. Sa mismong bayan ni Angelo sa Mexico, Pampanga, maagap na nagpahayag ng pagsusuri sa isyu at nakipagtulungan sa pamilya ni Angelo ang Migrante at mga lokal na tsapter ng mga progresibong partylist. Sa kabila ng marahas na pagpigil sa mga kilos-protesta at tangkang pagbusal sa masmidya, hindi napigilan ang militante at malawak na mga pagkilos ng 10 Hulyo-Agosto 2004 / Regular na Isyu mamamayan sa iba t ibang anyo kasama na ang mga demonstrasyon sa kalye. Naobligang pumustura si Arroyo at nagdeklara noong Hulyo 12 na papauwiin na ang mga tropang Pilipino sa Iraq nang mas maaga pa sa orihinal na petsa ng pag-uwi ng mga ito. Layunin niyang isalba ang sarili sa sumasayad na popularidad at makaiwas sa nagngangalit na mamamayan. Tinangkang angkinin ni Arroyo ang tagumpay sa pagkakaligtas kay Angelo at ginawa itong pabango sa kanyang SONA subali t hindi niya mapagtakpan ang katotohanan ng matinding kahirapan ng mamamayan kung kaya pati mapanganib na mga lugar ay sinusuong ng masa para lamang kumita. Dalawang libo t apat na daang manggagawang Pilipino ang nangingibang bayan araw-araw. Ang 10 milyong migranteng Pilipino ay nakakalat sa 181 bansa at 70% dito ay mga babae. Sa bawat sampung babae, siyam dito ang walang sapat na karanasan bilang isang migrante. Ang may pinakamaraming bilang ng migrante ay ang Asya, pangalawa ang US at pangatlo ang Mexico. Sa Gitnang Luzon lamang, halos kalahating milyon ng mga mamamayan ang OFW. Sa US pa lang, tinatayang may 2.5 milyong migranteng Pilipino kung saan 800,000 dito ang walang kaukulang papeles at nanganganib sa malawakang deportasyon laluna pagkatapos bombahin ang World Trade Center noong Setyembre 11, Lalo pa itong pinatindi (pagdakip, pagkulong at deportasyon) matapos iatras ng rehimeng Arroyo ang tropang Pilipino sa Iraq. Marami pa ang tulad ni Angelo. Mas matitindi at kalagim-lagim ang sinapit ng iba pa tulad nina Flor

11 Pambansang kongreso ng BAYAN, idinaos sa Pampanga Matagumpay na idinaos sa Benigno Aquino Hall sa Kapitolyo ng San Fernando, Pampanga ang ikapitong Pambansang kongreso ng Bayan nitong Agosto Dinaluhan ito ng 137 upisyal na delegado ng lahat ng rehiyon sa bansa kabilang ang 13 delegado mula Gitnang Luzon. Dumalo rin ang kinatawan ng Bayan USA. Sa kongreso, nanindigan ang Bayan na mananatiling malakas na pwersa laban sa reaksyunaryong pulitika, pangaalipin at pagsasamantala. Ang huling kongreso ng Bayan ay noon pang 1998 matapos ang eleksyon kung saan nanalo ang dating Pangulong Joseph Estrada. Itinakda sa huling kongreso na tungkulin noon ng Bayan ang paglalantad at paglaban sa rehimeng Estrada. Bago nagsimula ang pagtitipon, pinatugtog ang ilang awit ni Jose Ka Joma Maria Sison (JMS). Binasa rin ang kanyang pagbati sa nasabing okasyon. Dumalo sa pagtitipon sina Kongresista Crispin Ka Bel Beltran, at Rafael Ka Paeng Mariano ng Anakpawis Partylist, Satur Ocampo, at Teddy Casino ng Bayan Muna Partylist, at Liza Maza ng Gabriela Partylist. Naging panauhin din sina Ka Luis Jalandoni at Connie Ledesma- Jalandoni, chairman at kagawad ng NDF negotiating panel ayon sa pagkakasunod. Kapuri-puri ang naging papel ng Bayan sa pakikibaka laban sa diktadurang Marcos, mga rehimeng Aquino, Ramos, Estrada at Arroyo. Dahil na rin ito sa sakripisyo ng libu-libong mga aktibista at tagasuporta ng Bayan. Ang Bayan ay mas malakas na pampulitikang pwersa ngayon matapos ang naging papel nito sa pagpapatalsik sa dalawang rehimen rehimeng Marcos at Estrada, ayon kay Ka Paeng, lumabas na tagapangulo (outgoing chairman) ng Bayan. Tinukoy ni Renato Reyes, tagapagsalita ng Bayan at bagong hahal na pangkalahatang kalihim nito, na nasa adyenda ng kongreso ang tumitinding krisis sa pinansya at nakaambang dagdag na pabigat na mga buwis. Ayon pa sa kanya, maglulunsad ang Bayan ng malawak na kampanya laban sa bagong mga buwis. Pinagkaisahan sa kongreso na ang pagtaas ng presyo ng langis, kuryente, tubig at mga bagong buwis ay dadalhing mga isyu ng mamamayan. Pakikitunguhan din ang tumitinding pampulitikang represyon. Sa lumalaking diskontento ng mamamayan sa kasalukuyang krisis at sa lumalawak na paglaban sa mga anti-mamamayang patakaran ng administrasyon, halos tiyak na higit na lalala ang panunupil ng estado, anyang Dr. Carol Pagaduan-Araullo, bagong halal na tagapangulo ng Bayan. Ayon pa sa kanya, sa Setyembre magsisimula (kick-off) ang anti-pasistang kampanya. H Contemplacion at Delia Maga. Araw-araw, anim na bangkay ng migranteng manggagawang Pilipino ang iniuuwi sa Pilipinas. Malaking bilang din ang inaabusong pisikal at sekswal laluna ang mga domestic helper. Malaking bilang din ang nakakulong sa mga piitan sa bansa na kanilang pinagtatrabahuan. Hindi alintana ang mababang sahod, mahirap na kondisyon sa trabaho, overtime na walang bayad, pagkaing baboy, pagmamaltrato at kaunting benepisyo kaysa mamatay nang dilat sa sariling bansa. Sa lahat nito, bulag at bingi ang mga embahada ng Pilipinas, ang DOLE, OWWA, POEA at ang Malacanang, na siyang dapat na mangalaga sa kagalingan at kapakanan ng mga bagong bayaning nagpapasok ng US $7 bilyon taun-taon. Ang mga OFW na ito ang numero unong kumikita para sa Gross Domestic Product at International Reserves ng bangkaroteng ekonomya ng Pilipinas. Ang rehimeng Arroyo ang may pangunahing pananagutan dito. Sa pagtataguyod nito sa sistemang malapyudal at atrasado, milyonmilyong mamamayan ang dumadayo sa ibang bansa para magtrabaho. Sa ibayong pagsahol ng krisis, tiyak na mas marami pang mamamayan ang muling susuong sa panganib para lamang mabuhay nang disente ang kanilang mga pamilya. Marami pang Flor Contemplacion, Delia Maga at Angelo dela Cruz ang aantig sa ngitngit ng mamamayan, maglalantad ng bulok na sistema at gagatong sa paglalagablab ng armadong rebolusyon. H Regular na Isyu / Hulyo-Agosto

12 TINGGAYAD Ang Gitnang Kapatagan (The Central Plains) Ni Kasamang Jose Maria Sison Agosto 15, 1978 salin ni Kasamang Pablo Makata Iniibig ko ang malawak na luntiang mga bukirin Ang liwanag na tumatama dito y nag-iiwan ng sanlaksang ginintuang mga butil ng mga kwintas. Iniibig ko ang matikas na tindig ng mga tubuhan, Ang liwanag na tumatama dito ay nag-iiwan ng mga kakaibang ginintuang ngiti. Ang hangin na nakayapos sa kapatagan ay may dala-dalan awit ng lakas ng mga magsasaka at manggagawa. Iniibig ko ang ungol sa kalsada at pagawaan Kung paanong pinaaandar ng mga manggagawa ang makina. Iniibig ko ang bughaw na kabundukan; Nagbibigay ng pag-asa sa mga pinagsasamantalahan. Ang Pulang Mandirigma Ni Kasamang Jane Masdan mo ang araw sa dakong silangan, Nagbabadya ng libong pag-asa Sa katulad mong Pulang mandirigma Na walang inisip kundi makibaka. Kaya kabigua y dapat pag-aralan Maglagom ka, magpakatatag at lumaban Para sa minimithing kalayaan Para sa yo at sa aping mamamayan. Erratum: Inihihingi namin ng paumanhin ang pagkakamali sa isyu ng Himagsik Enero-Pebrero 2004 sa artikulong Wakasan, mga anomalya sa Araullo University. Halip na ang dean of Engineering at ng Architecture, ang aktwal na nangharas at nanupil sa mga etudyante ay ang Dept. Head ng Industrial Engineering. Mga Istap ng Himagsik Isa kang mandirigmang nagbibigay pag-asa, Ngunit dumaan ka sa iba t ibang balakid Sa mga pagsubok na pilit mong nilagpasan, Sa matatarik at makikitid na daan. Kasama ng mga kapatid na patuloy na nakikibaka Nagsisilbi kang tala sa kanilang daan Na tumatanglaw upang di na maling maligaw, Pagkat nais mong palayain ang Inang Bayan. Para sa yo, Para sa kinabukasan, Magpakatatag at lumaban! 12 Hulyo-Agosto 2004 / Regular na Isyu