Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLVIII Blg Pagdiriwang sa ika-50 anibersaryo ng PKP, sisimulan na IPAGDIRIWANG ANG ika-49 anibersaryo ng muling pagtatatag ng PKP sa Disyembre 26. Magsisilbi na rin ito bilang pagsisimula ng isantaong pagdiriwang sa ika-50 anibersaryo ng Partido. Mula sa iilang abanteng aktibistang nagmula sa uring manggagawa, petiburges at mga kabataang-estudyante na unang bumuo nito, sinuong ng napakaliit at napakabatang Partido ang mabangis na panunupil ng iba't ibang reaksyunaryong rehimen upang mapalaki at mapalakas ang sarili. Binuo at pinamunuan nito ang hukbong bayan at ang pambansang nagkakaisang prente, pinaunlad ang mga ito at natuto ng digmaan sa pamamagitan ng pakikidigma. Pagkatapos ng kalahating siglo, patuloy nitong pinamumunuan ang isa sa pinakamatagal nang armadong pakikibaka sa Asia, ang pinakamalaki at pinakamalakas na hukbong bayan sa kasaysayan ng Pilipinas, at ang patuloy na lumalawak at lumalalim na rebolusyonaryong baseng masa sa saklaw na hindi inabot maging ng dating Katipunan. Kaya't sa harap ng pinatinding atake ng kaaway sa ilalim ng pasistang rehimeng Duterte, malaki ang ipinagbubunyi ng buong rebolusyonaryong kilusan sa ika-50 anibersaryong ito. Katatampukan ng pagdiriwang ang... sundan sa pahina 3 EDITORYAL Buong tatag na labanan at ibagsak ang pasistang rehimeng US-Duterte I bayong pandarambong, malalang kahirapan at pinatinding kabangisan ng panunupil ang hinaharap ng mamamayan sa darating na taon. Mabilis na pinalalalim ng pasistang rehimeng US-Duterte ang libingan nito sa patuloy na pag-alipusta at pagpapahirap sa nagagalit nang mamamayan. Isang taong batas militar sa saklaw ng Mindanao ang inaasahang solusyon ni Duterte sa krisis na kinakaharap ng kanyang rehimen. Sa pagpapatuloy ng batas militar, higit na mandarahas ang AFP at lubos na gagamitin ng estado ang Human Security Act (HSA) laban sa kalayaang sibil at demokratikong karapatan ng mga tumutunggali sa kanyang pasistang paghahari. Maipagpapatuloy at palalawakin pa ang panganganyon at pambobomba mula himpapawid sa mga komunidad sa kanayunan, ang pagsakop ng mga sunda- lo sa mga bahay, eskwelahan at gusaling sibilyan, sapilitang ebakwasyon, blokeyo sa pagkain, panghahalughog, pang-aaresto at pamamaslang. Maisasagawa at mapatitindi ang pasistang teror laban sa progresibo at demokratikong kilusang masa sa kalunsuran na malisyosong inuugnay sa rebolusyonaryong kilusan para bigyang-katwiran ang malawakang panggigipit sa kanilang hanay. Bagamat sa papel ay Mindanao lamang ang sakop ng batas militar, ang totoo'y marami nang pasistang

2 hakbang ang sumasaklaw sa buong bayan. Sa buong bansa, naghahariharian na si Duterte na parang diktador at sa maraming lugar ay namamayagpag ang berdugong AFP. Gaano man kabaho o kawalang-katwiran ang kanyang mga panukala ay pinagtitibay ng kongreso na kontrolado niya, at patuloy siyang gumagawa ng hakbang para ikonsolida ang paghawak sa korte suprema at ombudsman. Itinakdang layunin ng pasistang diktadurang US-Duterte na dudurugin ang Partido Komunista ng Pilipinas at Bagong Hukbong Bayan bago magtapos ang 2018, una sa pagpulbos nito ng pwersa sa Mindanao at pagkatapos ay isusunod ang Luzon at Visayas, gamit ang mga bagong armas na ipinautang ng amo nitong imperyalistang US. Pinagsisikapan ni Duterte na busalan ang pinakamatatag na mga kumokontra sa kanyang mga plano at pagpapatupad ng interbensyong US sa Pilipinas. Minamaniobra nito ang pagbabago ng konstitusyon sa tabing ng pederalismo upang walang hanggang ipasok sa Pilipinas ang mga baseng militar at lubos na ipadambong ang ya- ANG Tomo XLVIII Blg. 24 Dsyembre 21, 2017 Ang Ang Bayan ay inilalabas sa wikang Pilipino, Bisaya, Iloko, Hiligaynon, Waray at Ingles. Tumatanggap ang Ang Bayan ng mga kontribusyon sa anyo ng mga artikulo at balita. Hinihikayat din ang mga mambabasa na magpaabot ng mga puna at rekomendasyon sa ikauunlad ng ating pahayagan. instagram.com/prwc.official fb.com/philrevwebcentral man ng bayan sa pamumuhunan at pagmamay-ari ng dayuhang kapital, at bigyang laya rin ang pagkamal ng tubong korapsyon ng kanyang pamilya at mga kroni. Kasabay nito, ganap na inaalipusta ni Duterte ang mga hinaing ng mamamayan para sa mga batayang repormang sosyo-ekonomiko na lulutas sa lumalalang karalitaan, kawalang-hanapbuhay, kawalang-lupang sakahan, di-nakabubuhay na sahod, at tumataas na mga presyo ng bilihin. Sa kabila ng mga reklamo ng ilang kongresista mismo, isinagasa niya nitong Disyembre 19 ang Tax Reform for Acceleration and Inclusion (TRAIN) na nagpapataw ng dagdag na buwis sa mamamayan. Isinagasa rin nito ang badyet para sa 2018 na batbat ng korapsyon para sa kanyang mga alipures sa burukrasya sibil at mga pwersang panseguridad. Nananatiling naghihikahos ang mamamayan. Nasa 22 milyong Pilipino ang dumaranas ng matinding paghihirap at nabubuhay nang wala pa sa P60/araw. Mahigit 11 milyong Pilipino ang walang trabaho o kulang Nilalaman Editoryal: Buong tatag na labanan at ibagsak ang US-Duterte pasistang rehimeng Pagdiriwang sa ika-50 taon ng PKP 1 Mga POW, hindi napalaya 3 Pamamaslang at panggigipit 4 Pork barrel at dagdag na buwis 5 Mga drone laban sa mamamayan 6 Negosyong "gera kontra-terorismo" 7 Rali kontra pasismo 8 Jerusalem, kapital ng Palestine 9 cppinformationbureau@gmail.com Ang Ang Bayan ay inilalathala dalawang beses bawat buwan ng Komite Sentral ng Partido Komunista ng Pilipinas 2 1 sa trabaho. Nagpapatuloy ang pinakamasasahol na porma ng kontraktwalisasyon at nakapako pa rin sa pinakamababa ang arawang sahod. Halos 6,000 manggagawang Pilipino ang nangingibang-bayan araw-araw dahil sa kawalan ng trabaho sa loob ng bansa. Ayon sa mga estadistika mismo ng gubyerno, aabot sa 784,000 mga trabaho ang nawala sa unang hati pa lamang ng taon. Laganap ang kawalan ng lupa, disenteng tirahan at serbisyong panlipunan. Samantala, lalupang yumaman ang mga burgesya-kumprador sa ilalim ng panunungkulan ni Duterte. Para sa taong 2017, umaabot na sa $74 bilyon ang pinag-isang halaga ng 50 pinakamayayamang indibidwal sa Pilipinas. Lalong lumilinaw sa hinaharap na kalagayan na makatarungan at tumpak ang digmang bayan. Walang ibang maaasahang solusyon ang mamamayan para sa kanilang pagginhawa at kasaganahan kundi ang magkaisa at hawakan sa sariling kamay ang kapalaran. Sa matagalang digmang bayan, dapat maglunsad ang BHB ng paparaming taktikal na opensiba na mahusay na napagpaplanuhan gamit ang mga prinsipyo ng gerilyang pakikidigma, nakasalig sa malalim at malawak na baseng masa, at ipinatutupad ng mga Pulang mandirigmang may mataas na diwang mapanlaban. Walang magagawa ang pinagmamayabang na mga hi-tech na armas sa hukbong bayan na mahigpit na sinusuportahan ng mamamayan at tinatanggap bilang sariling tagapagtanggol. Dapat patuloy na mag-organisa at kumilos ang masa sa kanayunan at kalunsuran, sa armado at hindi armadong paglaban para sa sariling mga kahilingan. Ang mamamayan sa mga rebolusyonaryong base ay dapat patuloy na maglunsad ng rebolusyong agraryo at sumapi sa hukbong bayan. Magbuo ng mga milisya na magpapalawak sa saklaw ng mga taktikal na opensiba ng mga regular na pwersa ng BHB. Magtayo ng mga network ng paniktik para mabigo ang mga operasyon ng kaa- ANG BAYAN

3 way at mga grupong sapper na tutukoy at mangwawasak sa mga kagamitang militar ng kaaway, lalo na ang mga makabagong ekwipment. Sa kalunsuran, dapat ipagpatuloy ng mga demokratikong pwersa ang paggiit sa kanilang makatarungang mga kahingian sa karapatang sibil at pangkabuhayan, sa papalaking bilang ng mga kilos-masa. Sa harap ng pananalasa ng pasistang teror, dapat pamunuan ng Partido ang malapad na pagkakaisa ng masang manggagawa, magsasaka, kabataan, kababaihan, taong simbahan, propesyunal, mga patriyotikong negosyante at iba pang demokratikong grupo at indibidwal upang labanan ang pasistang teror ng rehimeng Duterte. Maaaring himukin maging ang mga patriyotikong sundalo at pulis, lalo na ang mga nagmula sa mga batayang uri, na ayaw maging pambala sa kanyon at instrumento ng panunupil sa kanilang kapwa mahirap. Tulad ni Marcos, ang gaya-gayang butangerong si Duterte ay lubos na sumasandig sa among imperyalista nito habang nagsasagawa ng higit na garapalang korapsyon at maruming pamumuhay at mas malupit na panunupil sa mamamayan. Ngunit hindi tulad ni Marcos, mas malalim ang krisis pang-ekonomya ngayon dulot ng ilan nang dekadang pananalasa ng mga neoliberal na patakaran, at mas malawak na ang rebolusyonaryong kilusang natuto ng mahahalagang aral mula sa mas matagal na nitong pakikibaka. Sa huli'y walang nagawa ang diktadurang Marcos sa pagtatagpo ng iba't ibang pwersang pampulitika sa isang malapad na nagkakaisang prente. Wala ring magagawa ang pasistang rehimeng US-Duterte sa mamamayang nagpasya nang lumaban. Mga POW sa NEMR, hindi napalaya M ariing kinundena ng National Democractic Front-North Eastern Mindanao Region at ng BHB sa rehiyon ang hindi pagsunod ng AFP sa panawagan nito na stand down o pansamantalang tigil-putukan sa ilang baryo sa loob ng anim na araw para bigyang-daan ang pagpapalaya sa dalawang bihag-ng-digma (prisoner-of-war o POW). Nakatakda sanang palayain ng BHB-NEMR sina PO2 Jhon Paul M. Doverte at PO2 Alfredo L. Degamon ng Philippine National PolicePlacer noong Disyembre 5. Hindi natuloy ang pagpapalaya dahil sa tuluy-tuloy na operasyon ng AFP. Masahol pa, patraydor na inatake ng AFP ang yunit ng BHB na nag-aalaga sa mga bihag at inilagay sa panganib ang buhay ng mga ito. Dahil dito, nagkontra-atake ang mga pwersa ng BHB na nagresulta sa dalawang sagupaan sa pagitan nito at mga pwersa ng AFP noong Disyembre 5 at isa pa sa sunod na araw. Ligtas na nakaatras ang lahat ng yunit ng BHB. Ayon kay Maria Malaya, tagapagsalita ng NDFNEMR, lalong matatagalan ang pagpapalaya sa dalawang POW dahil sa pagtatraydor at kawalang kooperasyon ng AFP at PNP. Ginarantiya niya sa mga pamilya ng mga ito na tinitiyak ng custodial unit ng BHB ang kaligtasan ng dalawang pulis. Kasabay nito, kinundena rin ni Maria Malaya ang Proclamation 374 na nagdedeklara sa PKP at BHB bilang mga "teroristang organisasyon." Aniya, lalo nitong palalalain ang mga paglabag sa mga karapatang-tao sa bansa. Partikular sa NEMR, tiyak na madadagdagan pa ang 10 biktima ng pampulitikang pamamaslang. Madaragdagan din ang mahigit 35 biktima ng iligal na pag-aresto at detensyon sa gawa-gawang kasong kriminal. Lalong dadami ang bilang ng mga magsasaka at Lumad na magbabakwit dulot ng militarisasyon at agresibong pagpapalawak ng mga minahan at plantasyon. Kung noong nakaraang taon na may mga unilateral na tigil-putukan, inokupa na ng AFP ang 70 baryo sa rehiyon, lalo pang nagawan ng kadahilanan ang kanilang okupasyon sa ilalim ng martial law. Sa ngayon, nagdagdag na ng dalawa pang batalyon ang AFP sa rehiyon para puksain diumano ang BHB. Naglulunsad ng tuluy-tuloy na operasyong militar ang 401st at 402nd IBde mula nang ilabas ang proklamasyon at gamit ang mga pang-atake at pangsarbeylans na drone ay naghahasik ng teror sa mga sibilyang komunidad. Kinumbina nila ang mga ito sa mga huwad na peace caravan at pekeng pagpapasurender. Ipinagmalaki pa nila ang mga nasamsam diumano nilang mga armas ng BHB at paggapi sa isang abandonadong kampo ng BHB. Ang totoo, wala ni isang pormasyon ng BHB ang nawasak. "Pagdiriwang..., " mula pahina 1 paglikha ng mga bagong awitin, sayaw at iba't ibang tradisyunal at modernong anyo ng sining, masigla at malaganap na pag-aaral sa kasaysayan ng Partido, panrehiyong mga paglalagom ng karanasan at pag-aaral ng mga lokal na kasaysayan, muling paglilimbag ng mga tampok na akda na may kabuluhang pangkasaysayan, at pagpapalaganap ng mga batayang dokumento ng Partido mula sa una ANG BAYAN at ikalawang kongreso. Dagdag sa mga panrehiyong pagdiriwang, maglalabas din ang Ang Bayan ng serye ng mga artikulo bilang ambag nito sa selebrasyon. Inaasahang ibayong magpapalakas sa pagkakaisa at kapasyahang lumaban ng Partido at buong rebolusyonaryong kilusan ang pagdiriwang na ito. 3

4 Pamamaslang at panggigipit sa ilalim ng martial law T iyak ang pagtindi ng paglabag sa karapatang-tao sa ilalim ng muling pinalawig na martial law. Magpapatuloy ang pamamaslang, panggigipit, iligal na pang-aaresto at militarisasyon na isinasagawa ng reaksyunaryong hukbo. Lalupang dadami ang mga biktima ng karapatang-tao lalupa t nagbanta si Duterte na gagamitin niya sa target practice ng kanyang mga bagong helikopter ang mga yunit ng BHB. Sa nakaraan, hindi ang BHB ang tinatamaan ng kanyang mga bomba kundi mga sibilyang komunidad. Pamamaslang. Noong Disyembre 17, natagpuan ng KarapatanSouthern Mindanao ang bangkay ni Jeanni Rose Porras, 39, myembro ng Compostela Farmers Association (CFA) sa punerarya ng Nabunturan, Compostela Valley. Bago nito, nag-ulat ang anak ni Porras na mula pa Disyembre 15 ay nawawala na ang kanyang ina. Ayon pa sa anak, noong Disyembre 14, nagpaalam ang kanyang ina na may kakausapin ito, subalit lumipas ang maghapon na hindi ito umuwi at wala ring kontak sa selpon. Si Porras ay masigasig na tagapagtaguyod ng kalikasan laban sa mapaminsalang pagmimina at organisador ng mga magsasaka sa lugar. Matagal nang target ng pagpatay, iligal na pag-aresto at harasment ang mga myembro ng organisasyon ni Porras dahil sa mga anti-militarisasyon, anti-mina at repormang agraryong kampanya ng mga ito. Noong Disyembre 9, natagpuan ang bangkay ni Bernardo Clarion, 24, sa Barangay Callawa, Davao City isang araw matapos i-reyd ng mga reaksyunaryong tropa ang bahay ng kanyang dinadalaw na kaibigan. Sugatan ang nasabing kaibigan ni Clarion at nawawala rin ang kanyang kapatid. Ang magkapatid na Clarion ay mga myembro ng organisasyong Sulong Kultura. Sa Sorsogon, noong Disyembre 12, pinagbabaril ng mga elemento ng 31st IB at 508th PNP Public Safety Company sina Jonel Panelo Nuñez at Jun Ventura Gigantones sa Barangay Somagongsong, Bulan. Noon namang Disyembre 8, alas-5 ng umaga, binaril-patay ng mga di nakilalang armadong kalala- 4 kihan si Aldrin Sese, organisador ng Pamalakaya ng Barangay Lagundi, Batuan, Masbate. Iligal na pang-aaresto at panggigipit. Noong Disyembre 19, inaresto ng mga myembro ng PNPSan Mariano sa Isabela si Elmerito Pagulayan, tagapangulo ng Danggayan Dagiti Mannalon Iti Isabela (DAGAMI)-San Mariano. Sinampahan si Pagulayan ng gawa-gawang kaso ng bigong pagpatay. Noong Disyembre 16, pinasok ng 22 nakasuot-sibilyang mga sundalo ng 88th IB ang training center ng Buffalo-Tamaraw-Limus (BTL) sa Field 1, Musuan, Maramag, Bukidnon. Hinahanap nila ang tagapangulo ng BTL na si Winnie Loable. Isang araw bago nito, pumunta rin ang tatlong ahenteng militar sa lugar at hinanap naman si Ebaristo Forten, tagapangulo ng Limus. Noong Disyembre 13, iligal na inaresto ng Marine Battalion Landing Team 7 ang walong Dulangan Manobo sa Sityo Blanga, Barangay Nalilidan, Kalamansig, Sultan Kudarat, alas 4:30 ng hapon. Kinilala ng Karapatan-Soccsksargen ang mga biktimang sina Kuya Gantangan, Anto Gantangan, Jonard Gantangan, Dodo Gantangan, Dinky Gumpay, Palut Saglang, Kasio Ciano at Jitre Gantangan. Mga myembro sila ng Kesasabanay Dulangan Manobo (Keduma), lokal na organisasyon na mariing tumututol sa planong pagpapalawak at pangangamkam ng lupaing ninuno ng David M. Consunji, Inc (DMCI). Noong Disyembre 16, namatay sa trauma si Joshua Gantangan, 2 taong gulang, matapos pasukin ng MBLT 7 ang kanilang bahay sa Sityo Tinagdanan, Barangay Hinalaan, Kalamansig. Isinugod siya sa ospital pero patay na nang dumating. Noong Disyembre 12, inaresto ng mga pulis ng Bangued, Abra si Sherwin De Vera, manunulat ng Northern Dispatch Weekly at aktibistang makakalikasan. Ayon sa mga pulis, si De Vera ay may warrant of arrest sa kasong rebelyon na isinampa noong Nakatanggap naman ng mga mapagbantang mensahe sa selpon noong Disyembre 18 si Kath Cortez, mamamahayag ng Radyo ni Juan Network-Davao dahil sa kanya umanong pagbatikos sa gubyerno at pagpanig sa mga komunista. Sa Western Samar noong Disyembre 10, inaresto ng mga sundalo ng 14th IB ang dalawang magsasaka at myembro ng Asosasyon han Kablas nga Parag-uma na sina Doydoy Edusma at Hosep Harumay. Hindi pa natutukoy kung saan dinala ang dalawa bagaman may mga nakakita na kasama sila ng mga sundalo sa Barangay Tula, Paranas. Sa panahong iyon, nakasuot umano si Edusma ng uniporme ng sundalo samantalang si Harumay ay may dalang isang sakong bigas na dapat sana ay dadalhin nito sa kubo nila nang araw na iyon. Bago nito, noong Disyembre 6, alas 11:30 ng umaga, pinuntahan ng mga pinaghihinalaang ahenteng militar ang bahay ni Reylan Vergara, lider ng organisasyon ng karapatang-tao sa Panay. Umalis lamang ang mga ahente nang lumabas sa bahay ang byenan ni Vergara. Sa Bukidnon noong Disyembre 3, inaresto ang dalawang lider-magsasaka. Sa Don Carlos, inaresto nang walang mandamyento sina Welhilmino Espinar, pangalawang tagapangulo ng Kahugpongan ng mga Maguuma sa Bukidnon, at Jocelyn Palpagan, taga-maramag, lider ng KADAMAY-NMR. ANG BAYAN

5 Mga niratsadang batas Pork barrel at dagdag na buwis K asabay ng muling pagpapalawig sa batas militar, magkasabay na pinirmahan ni Rodrigo Duterte ng GRP ang dalawang panukalang batas na naglalarawan ng sukdulang kabulukan at katangiang kontra-mamamayan ng kanyang rehimen. Nitong Disyembre 19, naging batas na ang General Appropriations Act o ang pambansang badyet para sa 2018 at ang TRAIN, ang unang pakete sa reporma sa buwis ng kanyang rehimen. Badyet para sa korapsyon Tulad ng ibang pahayag ni Duterte, isang malaking kasinungalingan ang pahayag niyang siya ay kontra-korapsyon. Gamit ang pondo ng mamamayan, kaliwa't kanan ang panunuhol niya sa kanyang mga alipures sa kongreso at senado. Malinaw ito sa ipinasang pambansang badyet para sa 2018 na batbat ng pork barrel o pondong nakalaan para sa personal na mga proyekto ng mga kongresista at senador sa anyo ng mga insertion o mga aytem na isiningit sa huling pasada ng badyet. Paghahanda ito ng mga alipures ni Duterte para sa eleksyon sa Sa taya ng mga progresibong partido, umaabot sa P46 bilyon sa badyet ang maituturing na pork barrel sa ipinasang P3.7 trilyong pambansang badyet. Kabilang dito ang mahigit P11 bilyong dagdag sa badyet ng Department of Public Works and Highways, isa sa pinakakorap na departamento ng estado. Dahil dito, umaabot sa P637.9 bilyon ang kabuuang badyet para sa Isiningit din ang P1.5 bilyong pondo para sa konstruksyon ng mga kalsada sa Department of Agriculture, kaya nasa P53.3 bilyon na ang badyet nito. May mga isini- ngit rin na alokasyon sa mga ahensyang matagal nang ginagamit ng mga kongresista para sa kanilang pangangampanya. Halimbawa nito ang Department of Social Welfare and Development na nadagdagan ng P4.8 bilyon at Department of Health, na nadagdagan ng P2.4 bilyon. Sa kabilang banda, bilyun-bilyon ang kinaltas sa badyet sa iba pang labis na kinakailangang serbisyong sosyal. Binawasan ng P33 bilyon ang badyet para sa Department of Education, badyet na nakalaan para sa pagtatayo ng mga bagong klasrum at gusali. Kinaltasan din ng P6.6 bilyon ang Commission on Higher Education sa kabila ng pagkakapasa ng batas kaugnay sa libreng matrikula sa mga pampublikong unibersidad at kolehiyo. Binawasan rin ang Department of Transportation nang P8.2 bilyon para sa sistema ng pampublikong transportasyon. Sa kabila ng pangako ng libreng irigasyon, binawasan ng rehimen ang badyet ng National Irrigation Authority nang P978 milyon. Kinaltasan din ang badyet para sa mga departamento ng Environment and Natural Resources, Trade and Industry at Information and Communications. Dagdag pa dito ang napakalaking pondong inilaan ni Duterte para sa sarili sa anyo ANG BAYAN ng discretionary funds ng upisina ng presidente. Dati nang binatikos ng mga progresibong grupo ang kawalan ng pondo para sa murang pabahay at repormang agraryo. Dagdag na pasanin Samantala, paspasang ipinasa sa Kongreso at Senado ang antimamayang reporma sa buwis. Sa Kongreso, iniratsada ito kahit walang korum ang mga kongresista. Sa aktwal, 10 kongresista lamang ang nasa loob ng bulwagan nang ipasa ang panukala, ayon sa ACT Teachers Party. Kabilang sa pinakamasasahol na probisyon na inaprubahan ang dagdag na buwis sa mga produktong petrolyo. Ayon sa IBON Foundation, nangangahulugan ito ng pagtaas ng gasolina nang P6/litro sa unang taon ng implementasyon at sa diesel nang P1.75/litro. Tataas din ang aviation jet fuel (ginagamit sa mga eroplano) nang P4/litro at ang LPG nang P1/litro. Apektado nito hindi lamang ang gastos sa transportasyon (pamasahe) kundi pati ang gastos sa kalakalan. Ibig sabihin, itataas nito ang presyo ng mga hilaw na materyales at pinrosesong pagkain at iba pang bilihin. Ipapataw din ang buwis na hanggang P100 kada metriko tonelada sa coal na magreresulta sa mas matataas na singil sa kuryente. Matutuloy rin ang dagdag na buwis sa inasukalang inumin nang hanggang P10/litro. Sa taya ng IBON, magbabayad nang hanggang P341.6 bilyon ang mamamayan dulot ng mga dagdag na buwis na ito. Ito ay habang malilibre sa buwis ang pinakamayayamang Pilipino nang hanggang P944 bilyon kada taon. Pinakatatamaan nito ay ang 60% pinakamahihirap na Pilipino na dati nang nabubuhay sa napakababang sahod at sweldo. 5

6 Paggamit ng mga drone sa mamamayang lumalaban M uling pinalawig ng teroristang rehimeng US-Duterte ang batas militar sa Mindanao. Pinalaki pa ang badyet ng AFP para sa taong 2018 upang bigyang daan diumano ang modernisasyon ng AFP. Patuloy na naglulustay ng bilyun-bilyong pondo ng mamamayan si Duterte para bumili ng bagong kagamitan sa kanyang among US. Pangunahing target nito ang rebolusyunaryong kilusan, partikular ang Pulang hukbo. Inaasahang magiging tampok ang paggamit ng mga drone o unmanned aerial vehicle system, mga kagamitang militar na walang sakay na piloto at pinaaandar gamit ang remote control o kompyuter, bilang karagdagang armas laban sa BHB. Ginagamit ang mga drone sa paglikom ng intelidyens, sarbeylans at pag-atake sa mga tukoy na target. Kalakhan ng mga tipo nito ay tumatagal hanggang 17 oras sa ere. May kakayahan itong agarang makapagpadala ng mga larawan sa kompyuter o sa nag-oopereyt nitong tropa o yunit-militar. Matagal nang ginagamit ang drone sa Pilipinas. Noong 2002, may bumagsak na Predator drone sa karagatan ng Zamboanga. Isang eroplanong pang-espiya naman ang bumagsak sa Mount Tumatangis, Jolo noong Sa pamamagitan ng noo'y Joint Special Operations Command ng US na nakabase sa Zamboanga, malayang nakapagpapalipad ng mga drone ang US mula sa mga kampo militar ng AFP. Naiulat noong 2006 na nagpakawala ng Hellfire missiles ang Predator drone ng US para diumano y targetin ang binansagan nitong terorista na si Umar Patek na nasa Jolo, Sulu. Bigong mapatay si Patek, habang nasawi naman ang mga kasama nito. Matinding takot sa mga komunidad ng Moro ang dala ng mga pambobombang ito. Noon pang 2012 may gamit nang drone ang AFP sa kanilang operasyon. Ginamit nito ang Raptor, Knight Falcon at TUAV drone 6 noong 2013 nang gapiin nito ang mga armadong grupong Moro sa Zamboanga at tukuyin ang lokasyon ng Moro National Liberation Front. Taong 2015, bumili ang AFP ng 12 pang-atakeng drone at anim na pangsarbeylans na drone. Kabilang dito ang 15 Scan Eagle drone na ginagamit sa gawaing sarbeylans. Mayroon na ring drone na mayroong electronic surveillance equipment. Ibig sabihin, ginagamit ito para malaman ang presensya at kapal ng mga elektronikong signal mula sa gubat o isang erya na saklaw ng sarbeylans. Kabilang dito ang electronic signal ng selpon, internet, kompyuter, radyong transceiver at iba pa. Sa gera sa Marawi, ginamit ng tropang militar ang P3 Orion spy plane at Predator drone sa kanilang mga airstrike. May ilang larawang nakuha na pinapalipad at inoopereyt ang mga ito ng tropang militar ng US at mga sinanay nitong mga yunit ng AFP. Namataan ring pinapalipad ang mga ito sa mga komunidad ng Cagayan de Oro at Iligan at kanlurang bahagi ng Misamis Oriental at Lanao del Sur noong nakaraang buwan. Sa Marawi, pinapaniwala ng rehimeng Duterte at ng lumilikha ng mga drone na risk-free at mas magiging epektibo t eksakto ang kanilang mga pag-atake sa paggamit nito. Sa totoo, ang drone ay maibibilang sa mga sandata sa malawakang pagpatay dahil hindi nito napag-iiba ang kombatant sa sibilyan. Sa loob ng unang dekada ng paggamit ng US ng drone mula 2001, halos 4,000 tao ang namatay sa humigit kumulang 420 "targeted killing operations. Noong 2010, inamin ng CIA sa isang ulat na sa halos 2,500 Pakistani na pinatay sa pamamagitan ng drone, 35 lamang ang tunay na target. Ang iba ay mga pinagdududahan lamang na terorista. Bago pa man ideklara ni Duterte na "terorista" ang rebolusyonaryong kilusan, walang humpay na ang paggamit ng kanyang pasistang tropa ng mga attack helicopter at drone laban sa mamamayan at Pulang hukbo. Nitong nakaraang buwan, nag-ulat ang BHB-SMR na ANG BAYAN

7 kasabay ng pagdating ng papalaking pwersang militar sa mga komunidad, gabi-gabing may umiikot na kulay puting mistulang drone sa kanilang erya. Magsisimula ito nang alas-6 ng gabi hanggang alas-4 nang madaling araw. Naiulat din ng isa pang yunit ng BHB na ginamit ng kaaway ang drone para tukuyin ang pusisyon ng Pulang hukbo. Anila, bago pa makita sa himpapawid, nakarinig sila ng ugong na bahagyang mas mahina sa attack helicopter. Sa layong metro nakita ng tropa ng BHB ang isang quad drone may apat na paa at taas na 2-3 sq.ft. Inikot nito ang tereyn sa loob ng 7-10 minuto. Walang kinikilala ang mga drone kundi ang nagpapatakbo rito, at maaaring maging kumpyansa ang nagkokontrol rito sa pag-atake dahil malayo sila sa aktwal na labanan. Dagdag pa, maraming pagkakataong bumabagsak ito dahil sa mga problemang teknikal. Sa nagdaang dekada, naitala ang higit 400 na mga drone ang bumagsak. Dahil reaksyunaryo, mersenaryo at walang suporta mula sa masa, mas umaasa ang AFP at tulad nitong mga pasistang hukbo sa mamahaling mga kagamitang militar na binibili gamit ang kaban ng bayan. Ang pinagmamalaking spy drone ay walang iba kundi mekanisadong impormer na mas malayo ang abot ng tanaw at mas mabilis makapagpapaabot ng impormasyon sa handler nito. Tulad ng karaniwang maniniktik, hindi nito nakikita ang sinumang tao na nakakubli sa likod ng bato, dingding na kahoy, malaking puno, makapal na gubat, kahit pa nga sa likod lamang ng salamin o aluminum foil kung hindi nakadikit ang katawan dito sa nasabing mga bagay. Ang drone na pang-atake naman ay naiiba lamang sa eroplanong pandigma dahil wala itong piloto na maaaring mabaril ng kalaban. Sadyang ginagawa ng estado na "nakamamangha" ang bagong kagamitan upang makadagdag na panakot sa mamamayan. Kailangang pag-aralan ang iba't ibang paraan para kontrahin ang kapasidad ng mga drone na pangsarbeylans at pang-atake. Kailangang alamin "Gera kontra-terorismo," isang malaking negosyo N oong nakaraang linggo, buong-yabang na ipinagmalaki ni Rodrigo Duterte ang pagbili niya ng mga bagong helikopter na ipambobomba diumano niya sa BHB. Abot langit ang kanyang tuwa, kasama ng kanyang mga heneral, sa animo'y bukas-palad na pagbebenta ng US matapos siyang mag-astang galit dito. Ang mga armas na ito ay ipi(p2.1 bilyon) kada isa mula sa nalalabas nilang ibinibigay o Elbit Systems, isang Amerikanong nakadiskwento pero sa aktwal ay kumpanya na nakabase sa Israel. binabayaran ng mamamayang PiDagdag pa rito ang balak na bilhin lipino. Bilyun-bilyon na ang ginasni Duterte na mga bagong helmet tos para sa diumano'y moderniat vest, mas marami pang kagasasyon ng Armed Forces of the mitan para sa pakikipaglaban sa Philippines na ginagamit nito sa gabi at gamit pangkomunikasyon. mga gerang panunupil ng estado. Noong Hunyo, dumating sa Mula 2010, bumili ang Pilipinas bansa ang apat na M134 masingng tatlong lumang barkong pandiggan, 300 M4 at 100 grenade ma, 17 pang-atakeng helikopter at launchers sa ilalim ng programa dalawang cargo plane sa ilalim ng "kontra-terorismo" ng US. unang bahagi ng AFP ModernizatiMalaking bahagi ng bagongon Act. Umabot sa P90 bilyon ang biling armas ay nanggagaling sa inilaang pondo para rito. mga kumpanyang US at sala-salamula 2018 hanggang 2022, bat nilang mga subsidyaryo sa tatakbo na ang pangalawang baiba't ibang bahagi ng mundo. hagi ng modernisasyon ng AFP na Umaabot sa 75% ng lahat ng arnagkakahalaga ng P600 bilyon. mas ng AFP ay gawa ng mga kumkabilang rito ang ipinagmamalaki panyang ito. Bago maupo sa ni Duterte na 23 pang-atakeng pwesto si Donald Trump bilang helikopter na inutang niya mula presidente, kalakhan ng mga pagsa US at kailangang bayaran sa bili ay sa pamamagitan ng Foreign loob ng 25 taon. Alinsunod sa lismilitary Financing (FMF) ng US. tahan ng AFP, ang nais nitong bilpinakamatataas ito noong 2015 hin ay ang Bell 309 KingCobra na (P50 bilyon) at 2016 (P40 bilyon). gawa ng Amerikanong kumpanang FMF ay paraan ng US para yang Bell Helicopters. Nagkakamaibenta ang kanilang lumang halaga ng $11.1 milyon ang kada mga armas, barko at eroplano. isa nito noong Bago nito, Gamit ang pondong ito, obligado bumili ang AFP ng apat na Hermes ang mga malakolonya na bilhin ang 900 Kochav (Star) na drone na mga pinaglumaan nitong kagaminagkakahalaga ng $42 milyon tan, pinaaayos at ina-upgrade... sundan sa pahina 8 kung saan nakapondo ang mga drone na ginagamit at ang ground control system ng mga ito para mabira. Tuluy-tuloy na pag-aralan at magpaunlad ng mga pamamaraan para iwasan, biguin o isabotahe ang mga ito. Magagamit nang palatandaan ang paglipad ng mga drone para mataya ang planong operasyon ng kaaway at posibleng mga peligro sa ANG BAYAN mga himpilan at yunit ng BHB. Gumawa ng mga angkop na hakbang sa pagkilos at komunikasyon. Dapat maagap na iulat ng mga yunit ng BHB at mga lokal na sangay ng Partido ang paglipad ng mga pangsarbeylans na drone sa kani-kanilang mga saklaw at ang ginawang mga hakbang para biguin ang mga layunin nito. 7

8 "Gera kontra-terorismo"... mula pahina 7 mula sa sariling bulsa at binabayaran ang transportasyon ng mga ito mula sa US. Naitatambak ng US ang mga luma na nitong armas, kumikita pa ito sa pagpapaganda. Noong 2016, tanda ng kahungkagan ng mga kontra-us na buladas ni Duterte, lumaki pa ang ayudang militar nito. Ayon sa mga ulat, umabot sa $127 milyon ang ibinigay ng US mula Oktubre 2015 hanggang Setyembre Ayon sa embahada ng US, $50 milyon nito ay FMF, $1.9 milyon para sa pag-aaral ng mga sundalo, $42 milyon para sa mga aktibidad pandagat, at $33.2 milyon para sa mga inisyatiba kontra-terorismo. Para sa 2018, naglaan ng $5.7 bilyon ang US para sa FMF nito. Tulad ng ibang mga tuta ng US, todo ang pangangayupapa ni Duterte para maambunan ng pondo mula rito. Industriya ng gera Ang US ang nananatiling pinakamalaking tagabenta ng armas sa buong mundo. Nitong nakaraang dekada, dumoble ang naibenta nitong armas, kasabay ng pag-arangkada ng mga "gera kontra-terorismo" sa Middle East at Asia. Pinakamalaki ito noong 2011, kung saan umabot sa $66.3 bilyon ang naibentang armas ng mga kumpanyang US, tatlong kapat ng pangkabuuang benta ng buong mundo. Malaking bahagi nito ay napunta sa Saudi Arabia at iba pang mga alyado nito sa rehiyon. Bumili ang mga bansang ito ng mamahaling mga eroplanong pandigma at misayl na pinambomba sa mga grupong ISIS o maka-isis sa mga karatig nilang bansa. Habang nagtutuloy-tuloy ang mga gerang ito, patuloy din ang mataas na kita ng US. Noong 2015, nasa $46 bilyon ang benta habang nasa $40 bilyon ito noong Noong 2016, P33 bilyon ng benta ay sa Saudi Arabia pa lamang. Ginamit ng Saudi ang mga bagong-biling armas nito sa Yemen, kung saan buubuong prubinsya ang pinupulbos nito sa ngalan ng gera kontra-terorismo. 8 Rali kontra pasismo sa Araw ng Karapatang-tao M alalaking protesta ang inilunsad ng demokratikong kilusang masa noong Disyembre 10 sa iba't ibang bahagi ng bansa para kundenahin ang tumitinding paniniil, pandarahas at walang humpay na pagpaslang sa hanay ng nakikibakang mamamayan na isinasagawa ng pasistang rehimeng US-Duterte. Samantala, naglunsad ng serye ng mga protesta ang kabataang-estudyante para ipanawagan ang pagpapatalsik sa papet at pasistang rehimen. Sa NCR, pinangunahan ng Karapatan at Bagong Alyansang Makabayan (Bayan) ang malaking rali sa Bonifacio Shrine sa syudad ng Maynila. Nilahukan ang rali ng mahigit 8,000 aktibista. Lumahok dito ang bagong tayong alyansa ng mga nasa midya at artista na pinangalanang LODI o Let's Organize for Democracy and Integrity. Nagpadala naman ng ng mensahe bilang pakikiisa si Chief Justice Lourdes Sereno. Sa gabi, nagmartsa ang mga raliyista patungo sa Mendiola tangan ang libu-libong sulo. Sinunog nila sa paanan nito ang malaking larawan ni Duterte na mistulang demonyo. Sa Bicol, mahigit sa 15,000 ang naglunsad ng rali sa anim na prubinsya. Sa Sorsogon, binarikadahan ng mga raliyista ang Gen. Escudero Provincial Headquarters ng PNP. Nilahukan ito ng mga kasapi ng Sorsogon People's Organization (SPO). Sa Naga City, naglunsad ng programa ang mga aktibista sa Plaza Rizal. Nagkaroon din ng mga rali sa mga syudad ng Legazpi at Masbate. Sa Panay, mahigit 1,000 ang nagrali sa sentro ng Jaro, Iloilo sa pangunguna ng Movement Against Tyranny-Iloilo. Sa Negros, daan-daan ang nagmartsa sa sentro ng Bacolod City kung saan sinunog nila ang effigy ng dalawang-mukhang Duterte. Bago nito, hinarang ng PNP-Escalante ang People's Caravan na dadalo sa protesta ng International Human Rights Day upang iantala ang byahe nito pa- puntang Bacolod. Sa Cebu, inilunsad ang rali sa harap ng kapitolyo ng syudad. Naglunsad din ng iba't-ibang mga porma ng pagkilos sa iba't ibang lugar ng Northern Luzon tulad ng Ilocos Sur, Isabela, at Baguio. Sa Mindanao, nagkaroon ng rali sa limang prubinsya. Sa Soccsksargen, pinangunahan ng Kaluhhamin, Karapatan at Bayan ang piket-protesta sa harap ng kampo ng 27th IB sa Tupi, South Cotabato. Sa Zamboanga del Sur, daandaan ang nagrali kasama ang mga obispo ng Iglesia Filipina Independiente at Karapatan-West Mindanao tungong Pagadian City. Sa Davao, nagtungo sa hedkwarters ng Eastern Mindanao Command sa Panaon, Davao City ang mga aktibista. Sa Cagayan de Oro, nagrali ang mga aktibista sa sentro ng syudad. Samantala, nagkaroon din ng mga pagkilos sa Hayward sa California, The Hague sa Netherlands, Hongkong at New York. Nitong Disyembre 18, inilunsad ng KMP-Soccsksargen ang isang piket-protesta para kundenahin at papanagutin ang 33rd IB at 27th IB sa ginawang pagmasaker ng mga sundalo sa walong Lumad noong Disyembre 3 sa Barangay Ned, Lake Sebu, South Cotabato. Ipinanawagan din nila kay Gob. Daisy Fuentes ng Cotabato na imbestigahan ang mga militar sa pagbibigay proteksyon ng mga ito sa mga kapitalistang nagmimina ng karbon. ANG BAYAN

9 Sigaw ng kabataan-estudyante: Patalsikin si Duterte Noong Disyembre 16, natransporma sa isang kilos-protesta ang taunang parada ng mga parol sa University of the Philippines (UP)-Diliman sa Quezon City nang iparada ng mga aktibista ang isang effigy ni Duterte na mukhang halimaw na nakasuot-militar at namamaril ng mga estudyante ng UP. Nagkaroon naman ng raling-iglap sa UP-Visayas. Noong Disyembre 13, nagwalk-out ang mga estudyante mula sa kani-kanilang eskwelahan habang nagaganap ang espesyal na sesyon ng Mababa at Mataas na Kapulungan ng Kongreso para palawigin ang batas militar sa Mindanao. Ang ilan sa mga estudyante ay sumama sa piket ng Bayan sa Batasan Road sa harap ng kongreso. Ang mga estudyante naman ng UST ay nagtirik ng kandila sa España Avenue. Bago nito, ginawang tema sa taunang Oblation Run sa UP-Diliman ang panawagan para itigil ang mga pamamaslang at iba pang karahasan ng estado. Sa UP-Manila, pinarangalan sa Oblation Run ang namartir na estudyante nitong si Josephine Lapira. Noong Disyembre 9, nag-walk out ang mga organisasyon ng estudyante mula sa kanilang mga kampus laban sa walang humpay na pagpaslang, pananakot at pagsikil sa kanilang mga karapatan. Anila, nagmimistulang martial law sa loob ng mga kampus dahil sa presensya ng PNP at AFP sa loob at mga paligid nito. Naganap ang mga walk-out sa UP-Diliman, UP-Manila, UST at iba pang mga unibersidad. Kinahapunan, nagtungo ang mga estudyante sa Mendiola. Nagpiket din sa Mendiola ang mga bakwit na estudyanteng Lumad sa ilalim ng Save Our Schools Network noong Disyembre 9. Sa Cagayan de Oro, nagraling-iglap naman ang mga kasapi ng Anakbayan at LFSNorthern Mindanao Region sa harap Kapital ng Palestine ang Jerusalem, hindi ng Israel ILPS M ahigpit na naninindigan ang International League of Peoples' Struggles, kaisa ng mamamayang Palestino, sa pagkilala sa Jerusalem bilang kabisera ng Palestine. Kinundena nito ang deklarasyon ng presidente ng US na si Donald Trump na kapital ng Israel ang naturang syudad at paglilipat niya sa embahada ng US dito mula sa Tel Aviv. Ayon sa ILPS, ipinamalas ng deklarasyong ito ang kawalang-respeto ng US sa internasyunal na mga tuntunin at batas. Kinundena ng lahat ng mga bansang Arabo, maging ng ultra-reaksyunaryo at maka-us na bansa tulad ng Saudi Arabia, ang naturang deklarasyon. Itinuturing ng Popular Front for the Liberation of Palestine (PLFP) ang deklarasyon bilang deklarasyon ng digma laban sa mamamayang Palestino. Nanawagan ang PFLP sa kanilang mamamayan na magkaisa at kolektibong tugunan ang deklarasyon sa pamamagitan ng mga aksyon at pagpapabwelo ng kilusang masa. Hangad nila ang bagong intifada o pag-aalsa. Noon pang 1980 idineklara ng United Nations (UN) ang Jerusalem bilang bahagi ng Palestine. Inilabas ng UN Security Council ang Resolusyon 478, isa sa pitong resolusyon nito na kumundena sa okupasyon ng Israel sa East Jerusalem mula pa Sinalungat din nito ang ipinasa ng Israel na Jerusalem Law na nagtatakda sa syudad bulang lubos at nagkakaisa na kapital nito. Sa kabila nito, nagtayo pa rin ng kabahayan ang Israel sa East Jerusalem. Hanggang ngayon, itinuturing ito ng UN na okupadong teritoryo." Sa ngayon, mahigit 200,000 pamilyang Israeli ang iligal na nakatira sa gitna ng mga Palestinong komunidad sa Jerusalem. Noong 2000, nagtayo ng pader ang Israel para palibutan ang mga okupadong teritoryo at mahigpit itong binabantayan ng mga armadong pwersang Israeli. Ayon sa mga rekord ng UN, mahigit 20,000 Palestinong kabahayan ang giniba nila para magawa ito. Matatagpuan sa Jerusalem, partikular ang silangang bahagi nito, ang mga banal na lugar ng Judaismo, Kristyanismo at Islam. Lalo pang palalakasin ng deklarasyon ni Trump ang mga Zionista (marahas at maka-israeli na mang-aagaw ng teritoryo) na gumawa ng mas marami pang paglabag sa mga karapatan ng mamamayang Palestino, ayon pa sa ILPS. ng kampo ng 4th ID. Noong Disyembre 14, naglunsad ng protesta ang AnakbayanCordillera para kundenahin ang inilabas na kautusan ng CHED-UnFAST na RA10931 na nagsisilbi sa interes ng mga kapitalistang edukador. Dahas ang sagot ng pamunuan ng Unibersidad ng Cordillera sa pamamagitan ng pagbuwag ng mga gwardya ng eskwelahan sa kanilang hanay, katuwang ang mga pulis ng ANG BAYAN Cordillera. Pagkilos ng mga manggagawa Naglunsad ng kilos-protesta ang mga manggagawa sa ilalim ng Liga Cavite ng Timog Katagalugan sa harapan ng Department of Labor and Employement sa Intramuros Manila. Ipinanawagan nila na agad magdesisyon ang DOLE sa kalagayan ng mga kontraktwal na manggagawa ng San Miguel Yamamura. 9