Doble-kara at bantay-salakay. Ito ang tunay na katangian ng

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLIV Blg. 1 Enero 7, Editoryal Ang hinaharap ng usapang pangkapayapaan sa nalalabing panahon ni Aquino Doble-kara at bantay-salakay. Ito ang tunay na katangian ng Gubyerno ng Republika ng Pilipinas (GPH) sa pagpasok nito sa kasunduang tigil-putukan sa National Democratic Front of the Philippines (NDFP) hanggang Enero 16. Nagkasundong magtigil-putukan ang NDFP at GPH noong Disyembre 18 sa layunin sanang magsilbing tulak ito sa negosasyong pangkapayapaan. Subalit nilalapastangan ito ng Armed Forces of the Philippines (AFP) at Philippine National Police (PNP) sa ginagawa ngayong tuluy-tuloy na operasyon at pagpupwesto ng mga pwersa laban sa Bagong Hukbong Bayan (BHB) at rebolusyonaryong mamamayan. Litaw na litaw ang panggugulang at pagsasamantala ng GPH kung magbabalik-tanaw sa mga pangyayari mula noong Disyembre Idineklara ng Komite Sentral ng Partido Komunista Pilipinas (PKP) ang tigil-putukan noong Disyembre 20 bilang pagsuporta sa pagsisikap na pasikarin ang matagal nang nauntol na usapang pangkapayapaan sa pagitan ng NDFP at GPH. Alinsunod sa pinagkaisahan ng mga espesyal na kinatawan ng GPH at NDFP na nagpulong sa embahada ng Royal Nor- wegian Government sa The Hague, The Netherlands noong Disyembre 17-18, magpapairal ng tigil-putukan ang dalawang panig mula Disyembre 20 hanggang Enero 15 at magdaraos ng panibagong pag-uusap sa mga unang araw ng Agad na iniutos ng Partido sa lahat ng kumand ng BHB ang tigil-putukan. Nagdeklara rin ng tigil putukan ang GPH pero Disyembre 16 hanggang Enero 2 lamang ang sinaklaw nito. Sa gayon, kinailangang mapaabutan ng pormal na utos ang lahat ng yunit at kumand ng AFP at PNP na palala- Sa isyung ito... Paglaspangan sa tigilputukan 3 Dekada ng tagumpay sa Mindanao 5 10 sibilyan, iniugnay sa PKP-BHB 11

2 wigin ang tigil-putukan hanggang Enero 15. Subalit nagmatigas hanggang sa huling sandali ang rehimeng Aquino na maglabas ng sariling kautusan para sa tigil-putukan. Ito ay sa kabila ng pagpapaalala ng PKP at NDFP sa pamamagitan ng mga pahayag at sulat na palawigin ito alinsunod sa kasunduan. Dahil sa pagbalewala ng rehimeng Aquino sa napagkasunduan, naobliga ang pamunuan ng PKP na iatras ang unang kautusan para sa tigil-putukan at putulin ito hanggang Enero 2, alinsunod na rin sa rekomendasyon ng NDFP. Ito ay upang hindi malagay sa matinding disbentahe ang BHB. Atrasadong naglabas si Benigno Aquino III ng kautusang nagpapalawig sa tigil-putukan ng GPH noon na lamang hapon ng Enero 2, labinlimang araw matapos ito mapagkasunduan. Dahil dito, nirekomendang muli ng NDFP sa PKP na palawiging ang tigil-putukan hanggang Enero 15, at agad itong tinugunan ng Partido. Ang agarang pagtugon ng ANG Taon XLIV Blg. 1 Enero 7, 2013 Ang Ang Bayan ay inilalabas sa wikang Pilipino, Bisaya, Iloko, Hiligaynon, Waray at Ingles. Maaari itong i-download mula sa Philippine Revolution Web Central na matatagpuan sa: Tumatanggap ang Ang Bayan ng mga kontribusyon sa anyo ng mga artikulo at balita. Hinihikayat din ang mga mambabasa na magpaabot ng mga puna at rekomendasyon sa ikauunlad ng ating pahayagan. Maaabot kami sa pamamagitan ng sa: angbayan@yahoo.com PKP sa mga rekomendasyon ng NDFP hinggil sa tigil-putukan ay nagpapakita ng interes ng PKP at lahat ng rebolusyonaryong pwersa na itulak ang usapang pangkapayapaan. Malinaw ding ipinakikita ng NDFP at PKP sa GPH na sa seryosong kondukta ng negosasyon, ang magkabilang panig ay dapat marunong tumupad sa usapan, marunong rumespeto sa kausap at marunong gumawa ng mga tumbasang aksyon. Napakarami pa ng mga dapat gawin ni Aquino para patunayan kung tunay nga siyang seryoso sa usapang pangkapayapaan. Dapat niyang iwaksi ang layuning gamitin lamang ang usapang pangkapayapaan para pumasok ang mga rebolusyonaryong pwersa sa walang-taning na tigil-putukan. Dapat niyang mabatid na hindi maaaring pumasok ang PKP at NDFP sa walang-taning na tigil-putukan na sisikil at magpapahina sa BHB. Kung magkagayon, mawawalan ng saysay ang usapang pangkapayapaan at mag- Nilalaman Editoryal: Ang usapang pangkapayapaan sa nalalabing panahon ni Aquino 1 Paglapastangan ng AFP at PNP sa kasunduang tigil-putukan 3 3,000 dumalo sa Northern Samar 4 Dekada ng tagumpay sa Mindanao 5 Rebolusyunaryong kilusan sa Panay 7 Mga tagumpay sa ICR 8 Pagpupunyagi ng rebolusyon sa ST 8 Panagutin ang mga responsable sa sakuna 9 Pinsala ng pagmimina sa Negros sibilyan, malisyosong iniugnay sa PKP-BHB 11 Paghahasa sa Sundang 12 Balita 13 Ang Ang Bayan ay inilalathala dalawang beses bawat buwan ng Komite Sentral ng Partido Komunista ng Pilipinas sisilbi lamang na balangkas para sa pagpapasuko. Mananatili lamang at lalala ang mga saligang usaping nasa ugat ng gera sibil. Dapat niyang iwasto ang mga nakaraang paglabag sa mga nabuong kasunduan. Dapat palayain ang 14 na nakadetineng konsultant ng NDFP bilang paggalang sa Joint Agreement on Safety and Immunity Guarantees (JASIG). Dapat ding palayain ang mahigit 400 detenidong pulitikal, dahil ang patuloy nilang pagkakakulong ay labag sa Comprehensive Agreement on Respect for Human Rights and International Humanitarian Law (CARHRIHL). Dapat parusahan ang mga nag-utos ng pagdukot sa mga konsultant ng NDFP tulad nina Leo Velasco, Prudencio Calubid, Rogelio Calubad, at iba pa. Dapat magpakita si Aquino ng kaseryosohan sa pagharap sa mga batayang usapin ng reporma sa lupa at pambansang industriyalisasyon, na siyang nasa likod ng karalitaan ng mamamayan at pagkaatrasado ng bansa at nasa ugat ng nagaalimpuyong gera sibil sa Pilipinas. Dapat magpakita si Aquino ng kahandaang makipagkaisa sa sambayanang Pilipino sa pagtatanggol ng pambansang kasarinlan ng Pilipinas sa halip na mangayupapa siya sa lahat ng kagustuhan ng imperyalistang US. Sa harap ng sagad-sagarang pagiging reaksyunaryo, antimamamayan, pasista at pagpapakatuta sa US nina Aquino at iba pang presidente ng papet na republika, totoong malayungmalayo sa hinagap ang posibilidad na makipagkaisa sila sa mga rebolusyonaryong pwersa sa isang programang nagtataguyod sa pambansa at demokratikong interes ng sam- 2 ANG BAYAN Enero 7, 2013

3 bayanang Pilipino. Nitong nagdaang dalawang taon, pinaralisa ni Aquino ang usapang pangkapayapaan dahil sa pagwawalanghiya at pag-atras niya sa mga kasunduan. Hangad ng rebolusyonaryong kilusan na tumuwid ang daan ng usapang pangkapayapaan. Subalit batid din ng mga rebolusyonaryong pwersa na mangyayari lamang ito kaalinsabay ng pagpapaigting ng armadong pakikibaka at pagpapasigla ng demokratikong kilusang masa na nagbabandila ng pambansa-demokratikong hangarin ng bayan at nagpapakilos ng milyun-milyong mamamayan. ~ Paglapastangan ng AFP at PNP sa kasunduang tigil-putukan Tuluy-tuloy, malawakan at malakihan ang mga opensibong operasyon at pagdedeploy ng mga armadong tropa ng Armed Forces of the Philippines (AFP) laban sa rebolusyonaryong baseng masa at mga pwersa ng BHB sa gitna ng sinkronisadong pansamantalang tigil-putukan sa pagitan ng National Democratic Front of the Philippines (NDFP) at ng Gubyerno ng Republika ng Pilipinas (GPH). Ang tuluy-tuloy na mga operasyong kombat, pagpapakat ng mga tropa, militarisasyon at pinaigting na mga operasyong paniktik sa kanayunan ay bahagi ng pagpapatindi ng kontra-rebolusyonaryong opensiba ngayong taon, alinsunod sa gerang mapanupil na Oplan Bayanihan. Ang sumusunod ay mga panimulang ulat na nakalap mula sa mga kumand ng BHB: 1. Mula Disyembre, ginagalugad na ng mga elemento ng 57th at 40th IB ang mga barangay Old Bulatukan, New Israel at Biangan, pawang sa Makilala, North Cotabato. Nagtayo rin ang AFP ng dalawang baterya ng mga 105 mm na kanyong howitzer laban sa mga Pulang mandirigma ng Front 51 at 72 ng BHB. Nagpakat ang 10th ID ng tatlong seksyon ng mga sundalo kada barangay sa pagitan ng Mapula at Barko-barko, Lumiad hanggang Riverside at Pandaitan, pawang sa Paquibato district, Davao City. 2. Nagtayo ng mga tsekpoynt ang 10th ID sa mga daan patungo sa Paquibato District upang pigilan ang mga bisitang nais dumalo sa mga pagtitipon para ipagdiwang ang anibersaryo ng PKP noong Disyembre Patuloy na sinisindak ng mga elemento ng 69th at 84th IB ang mga naninirahan sa Purok Isled, Barangay Damilag, Calinan District, Davao City upang pwersahin silang isuplong ang kinaroroonan ng lokal na mga yunit ng BHB. 4. Inaresto ng 74th IB noong Disyembre 21 ang limang magsasaka sa Mulanay, Quezon at inakusahan silang mga kasapi ng BHB. 5. Inaresto ng mga tauhan ng 302nd Brigade at mga lokal na pulis noong Disyembre 25 si Oligario Sebas sa kanyang tahanan sa Manjuyod, Negros Oriental. Pinalalabas ng militar na si Sebas ay si Felimon Mendrez, isa umanong mataas na upisyal ng rebolusyonaryong kilusan. 6. Inaresto ng PNP-Cagayan Valley noong Disyembre 28 sa Bagumbayan, Tuguegarao City si Rene Esmondo Abiva, isang upisyal ng Alliance of Concerned Teachers. Pinalalabas din ng pulisya na mataas siyang upisyal ng rebolusyonaryong kilusan. 7. Noong Enero 1, tatlong platun ng 84th IB ang pumasok sa Barangay Tambobong, Baguio District, Davao City at naglunsad ng mga operasyong kombat sa lugar. Kasama ang mga pwersang idinagdag noong Enero 3, sapilitang pinalikas ng mga sundalo ang 125 pamilya, pinigilan ang paghahanapbuhay sa mga plantasyon at kinontrol ang pasok-labas ng bigas at iba pang pagkain sa lugar. 8. Ilang oras bago mag-disyembre 16, ang simula ng tigil-putukang idineklara ng rehimeng Aquino, isang platun ng 31st IB ang lihim na pumasok ANG BAYAN Enero 7,

4 sa Barangay Hamorawon, Bulan, Sorsogon. Ilang araw na ginalugad ng mga sundalo ang masukal na kabundukan patungo sa hangganan ng mga bayan ng Bulan at Irosin, bago tuluyang bumalik sa kanilang kampo. 9. Naglunsad ng mga operasyong kombat ang PNP Regional Public Safety Battalion (dating Regional Mobile Group o RMG) sa Barangay Macahoy, San Pascual, Masbate noong Disyembre 24 at 25. Noong Disyembre 28, nilusob ng mga tropang ito ang bahay ng isang pamilyang magsasaka sa Barangay Mabini na pinagsususpetsahan nilang aktibo sa rebolusyonaryong kilusan. 10. Noong Disyembre 23, dinukot ng mga elemento ng PNP at tropa ng 9th IB sa Milagros, Masbate City sina Olalio Gonzaga, 22 taong gulang, ng Barangay Bolo, Masbate City at Noel Espinosa, 37 taong gulang, isang tanod ng Barangay Miabas, Palanas, Masbate. 11. Noong Enero 2, pinasok ng mga elemento ng 2nd IB ang Barangay Sta. Cruz, Donsol, Sorsogon, at naglunsad ng mga operasyong kombat laban sa BHB at mga rebolusyonaryong organisasyong masa sa lugar. 12. Tuluy-tuloy ang mga operasyong paniktik at saywar ng tinatawag na "peace and development teams" ng AFP sa halos 40 barangay sa rehiyong Bicol. ~ 3,000 dumalo sa pagdiriwang ng Partido sa Northern Samar Nagtipun-tipon at nagdiwang noong Disyembre 26 ang mahigit 3,000 mamamayan sa isang liblib na lugar ng Northern Samar para gunitain ang ika-44 na anibersaryo ng muling pagkakatatag ng Partido Komunista ng Pilipinas. Naglakad sila nang dalawang araw, inakyat ang matatarik na bundok at tinawid ang umaapaw na mga ilog para lang makarating sa naturang lugar. Hindi naging sagabal ang malakas na ulan sa masayang pagdiriwang. Tiniyak ng mga Pulang mandirigma sa ilalim ng Rodante Urtal Command ang kaligtasan ng mga nagsidalo laban sa anumang atake ng militar at pulisya na inaasahang lalabag sa tigil-putukan at siguradong mag-ooperasyon sa naturang panahon. Tema ng selebrasyon ang panawagang "Pangibabawan ang mga hadlang at kumpletuhin ang mga rekisito sa pagsusulong para sa estratehikong pagkapatas." Sinaluduhan ni Fr. Santiago Salas, tagapagsalita ng National Democratic Front-Eastern Visayas ang nangungunang papel ng rebolusyonaryong pwersa at masa ng Northern Samar sa pagsusulong ng digmang bayan sa Eastern Visayas. Sa patuloy na pagsisikap ng rebolusyonaryong pamunuan ng Eastern Visayas na kamtin ang komprehensibong pagsulong, nakapagkamit na ng mga tagumpay sa larangan ng armadong pakikibaka, pagtatayo ng Partido at pagsusulong ng rebolusyong agraryo. Patuloy na isinusulong ang mga antipyudal na pakikibaka sa tatlong subrehiyon, kung saan ang isa ay nakarating na sa antas-munisipalidad. Patuloy na lumalaki ang kasapian ng Partido. Mula 2010, mayroon nang mga larangan na umabot na sa laking-kumpanya ang pormasyon ng BHB. Ang iba naman ay nakapagdagdag ng mga platun sa kanilang pormasyong gerilya. Lumaki nang 13% ang pultaym na mga yunit gerilya, samantalang tinitiyak ng mga taktikal na opensiba na naaarmasan ng malalakas na armas ang mga bagong rekrut. Noong 2012, ayon sa hindi pa kumpletong mga ulat, nakapaglunsad ang mga yunit ng BHB ng 24 na taktikal na opensiba, nakasamsam ng 17 armas, nakapatay ng 71 elemento ng kaaway at nakasugat ng 31. Pagkatapos ng pahayag ni Fr. Salas, itinanghal ang iba't ibang presentasyong kultural hanggang umaga ng Disyembre 27. Kabilang sa mga pagtatanghal ang ismayling, kung saan nagtatagisan ang dalawa o mahigit pa sa pamamagitan ng kanta, drama, sayaw, pagbabasa ng mga tula, at iba pang anyo ng sining. ~ 4 ANG BAYAN Enero 7, 2013

5 Mga aksyong militar sa Samar noong 2012 Labinlimang sundalo ang napatay at di bababa sa walong tropa ang nasugatan sa iba't ibang aksyong militar ng Bagong Hukbong Bayan (BHB) sa isla ng Samar nitong huling kwarto ng Dalawang riple ang nasamsam. Disyembre 5. Napangibabawan ng BHB ang tangkang pagkubkob ng may 40 elemento ng 34th IB sa Barangay Hinogawe, Gamay, Northern Samar. Ang tangkang pagkubkob ay bahagi ng operasyong pagtugis sa yunit ng BHB na nagsagawa ng atritibong aksyon noong Nobyembre 13. Ang nakahimpil na platun ng BHB ay naghahanda para sa mga pangkonsolidasyong aktibidad sa mga kalapit na baryo bilang paghahanda sa nalalapit na anibersaryo ng PKP. Magiting na lumaban ang mga Pulang mandirigma hanggang sa umatras ang mga militar. Pito ang kumpirmadong napatay sa kaaway at di mabilang ang mga nasugatan. Nobyembre 13 ng umaga. Tatlo ang napatay at apat ang nasugatan sa kaaway nang paputukan ng isang tim ng BHB ang isang seksyon ng 34th IB Alpha Coy na nag-ooperasyon sa Barangay Carawag, Palapag, Northern Samar. Ang mga ito ay bahagi ng security force ng mga sundalong Amerikano na nagpapamilyarisa sa Woodland area sa paanan ng Mt. Buboyaon sa tabing ng pananaliksik sa sakit na schistosomiasis. Oktubre 21. Bandang alas-10:30 ng umaga, apat na sundalo ang napatay at dalawang iba pa ang nasugatan nang ambusin ng mga Pulang mandirigma ng Efren Martires Command (BHB-Samar) ang mga nag-ooperasyong tropa ng 43rd IB sa Barangay San Ramon, Gandara, Samar. Nakakumpiska ang BHB ng dalawang M16, dalawang bakpak, 23 magasin at mahigit 500 bala, isang kal.38 pistola, dalawang rifle grenade, isang granada at mga importanteng dokumentong militar. Oktubre 5. Isang sundalo ang napatay at dalawa ang nasugatan nang harasin ng isang tim ng BHB-Rodante Urtal Command ang nagooperasyong seksyon ng 34th IB Bravo Coy sa Barangay Malidong sa bayan ng Gamay. Sa lahat ng nabanggit na labanan, walang kaswalti sa panig ng BHB at organisado itong nakaatras. ~ Dekada ng tagumpay sa Mindanao Nagkamit ng isang dekada ng maniningning na tagumpay ang rebolusyonaryong kilusan sa Mindanao sa kabila ng brutal at tuluy-tuloy na hambalos ng Oplan Bantay Laya (OBL) at Oplan Bayanihan (OPB). Bunga ito ng determinado at wastong pamumuno ng PKP at sa malawak na suporta at paglahok ng mamamayan. Patuloy na inaagaw ng Bagong Hukbong Bayan (BHB) ang inisyatiba kahit na ito ang prayoridad na tinututukan ng Armed Forces of the Philippines (AFP) sa gitna ng papahinang armadong paglaban ng mamamayang Moro. Pag-unlad ng Partido. Mula sa unang sangay ng Partido na naorganisa noong 1971, ang Partido Komunista ng Pilipinas ay malawak at malalim nang nakaugat sa mga manggagawa, magsasaka, Lumad, kabataan, kababaihan at sa panggitnang pwersa sa limang rehiyon at halos lahat ng prubinsya ng Mindanao. Lumaki ito nang halos 50% noong Higit na pinatatag ang mga Komiteng Rehiyon ng Partido upang higit na epektibong mailunsad ang digmang bayan. Ang mga komiteng rehiyon ay nagsasagawa ng pag-aaral hinggil sa balanse ng mga pwersa, kalagayan ng kaaway, at kung papaano aagawin ang inisyatiba at panghahawakan ang pleksibilidad sa pabagubagong pag-unlad ng digmaan. Higit kailanman sa rebolusyonaryong kasaysayan ng Mindanao, ang teorya at praktika ng Marxismo-Leninismo-Maoismo ay malawak at malalim na nakaugat sa buong kasapian ng Partido sa isla. Halos lahat ng mga pultaym na myembro ng Partido ay nakapagtapos ng batayang kurso. Karamihan ng mga myembro ng komi- ANG BAYAN Enero 7,

6 teng seksyon ay nakakuha ng intermedyang kurso at ilang antas-rehiyong kadre ang nakapagtapos sa abanteng kurso. Sa taong ito signipikante ang pagtaas ng bilang ng mga lokal na sangay ng Partido na nakapagtapos ng Batayang Kursong Pampartido. Pakikidigmang gerilya. Umiigting ang pakikidigmang gerilya batay sa lumalawak at lumalalim na baseng masa. Noong 2007, halimbawa, napilitan ang Eastern Mindanao Command ng AFP na ibaling ang pag-atake nito mula sa Northeast Mindanao Region (NEMR) tungong Southern Mindanao Region (SMR) dahil sa mas malalaki at mas madadalas na taktikal na opensibang inilunsad ng SMR. Ang mga rehiyon ng North Central, Far- South at Western Mindanao ay naglunsad din ng mga taktikal na opensiba upang ang tropa ng kaaway ay hindi malimita sa SMR at NEMR lamang. Sa loob ng SMR at NEMR, inilunsad din ang mga taktikal na opensiba nang mas madalas at sa mas malawak na antas. Habang nakakonsentra ang pwersa ng kaaway sa dalawa o tatlong rehiyon, ang ibang mga rehiyon sa Mindanao ay nabigyan ng puwang upang makapagpalakas ng kanilang pwersa at mapasiglang muli ang kanilang mga taktikal na opensiba at kilusang masa. Ang mga opensibong kampanya at operasyon ng kaaway ay sinalubong ng aktibong depensa ng mga rebolusyonaryong pwersa. Nakapaglunsad ang BHB ng mahigit 100 anihilatibong aksyong militar noong 2012 kung saan nasamsam ang mahigit 150 malalakas na armas. Nakapaglunsad din ng halos 300 atritibong aksyon, kabilang ang isnayping, harasment at mga aksyong pamarusa. Nasangkot din ang BHB sa 40 depensibong aksyon kung saan naagaw ng mga Pulang mandirigma ang inisyatiba mula sa mga umaatakeng kaaway at nakapagdulot ng humigit-kumulang isang batalyong kaswalti, bukod pa sa maraming nasugatan. Naiangat ang antas ng kapabilidad ng BHB sa usapin ng taktika at teknika, koordinasyon at pormasyon, at paglulunsad ng operasyon na kumplikado ang mga target. Nakapaglunsad ito ng inter-rehiyunal na mga taktikal na opensiba, tulad ng reyd sa Earthsaver Security Agency sa Butuan City; OMC Mining sa Rosario, Agusan del Sur; PICOP sa Bislig City; at istasyon ng PNP sa Talacogon, Agusan del Sur. Nakapaglunsad din ito ng mga operasyon na mahigit sa isa ang target, gamit ang mga pormasyong laking-kumpanya at pinaliit na batalyon, tulad ng reyd sa Taganito Mines Corp. (TMC) at San Roque Minerals Inc. (SR- MI); reyd sa Siargao Island; reyd sa istasyon ng PNP at ambus sa Lingig, Surigao del Sur. Matagumpay ding nareyd ang Davao Penal Colony kung saan mahigit 100 malalakas na armas ang nasamsam. Lumaki nang 10% bawat taon ang BHB. Ang Milisyang Bayan (MB) at Yunit Depensa ng Baryo (YDB) na ngayon ay libulibo na ay kapwa nagsisilbing direktang suporta at reserbang pwersa ng BHB. Nakalatag sa limang rehiyon ng Mindanao ang 44 na larangang gerilya ng BHB, at mahigit 40% nito ay laking-kumpanya. Halos 20% ng pwersang gerilya ng BHB ay sentro-de-grabidad (SDG) ng rehiyon o subrehiyon. Napatatag ang organisasyon ng hukbong bayan sa isla. Naitayo ang mga panteritoryong Panrehiyong Kumand ng BHB hiwalay sa Komiteng Rehiyon ng Partido. Naitayo ang rebolusyonaryong mga base at ang rebolusyonaryong kilusang masa. Mabilis ang pagpapalawak at pagpapatatag ng mga baseng gerilya. Maraming bayan ang nasaklaw mula sa mahigit 200 bayan na orihinal na nakatala noong Daan-daang baryo ang naidagdag sa 2,000 baryo sa parehong panahon. Dalawampu t limang porsyento nito (25%) ang nakonsolida mula sa antas Komiteng Pang-organisa sa Baryo tungong antas Balangay. Ang reporma sa lupa na siyang pangunahing laman ng demokratikong rebolusyong bayan at susing kawing sa gawaing masa sa kanayunan ay paulitulit na nailunsad sa maraming baryo sa isla. Daanlibong magsasaka at kanilang mga pamilya ang nabiyayaan mula sa iba't ibang porma at antas ng antipyudal na pakikibaka at iba pang kampanyang masa. Patuloy ang pag-unlad ng kooperatibisasyon tulad ng suyuan, komunal na sakahan at kooperatibang tindahan at pangkonsyumer ng mga samahang magbubukid. Isinusulong ang umaasa sa sariling ekonomyang digma sa relatibong matatatag na baseng erya. Napatatag at napalakas ang antipasista at anti-imperyalistang kilusang masa. Sa maraming pagkakataon, ang mga pang-aabuso ng mga nag-ooperasyong tropang militar sa kanayunan ay hayagang tinututulan at kinukundena. Nakapaglunsad ng mga serye ng multisektoral na kilos-protesta laban sa direktang interbensyon ng tropang US sa Mindanao at buong bansa. Ang kampanyang masang direktang humahadlang sa pagpapalawak ng mga dayuhang malakihang pagmimina at mga higanteng plantasyon tulad ng Dole-Stanfilco, Del Monte at 6 ANG BAYAN Enero 7, 2013

7 Sumifru ay tumatatag at lumalakas. Nakapaglunsad ang BHB ng mga pamarusang hakbang laban sa mga pinakamapangwasak na imperyalistang kumpanya sa pagmimina at agribisnes. Sa pangkalahatan, mahigpit na napanghawakan ang wastong koordinasyon ng armadong pakikibaka bilang pangunahing porma at parlamentong pakikibaka bilang sekundaryong porma. Nakatulong ito nang malaki na ilantad at labanan ang mga pang-aatake ng kaaway sa rebolusyong agraryo at anti-imperyalistang kilusang masa. Bunga ng mas malawak at higit na masiglang kilusang masa sa kalunsuran at paglakas muli ng kilusang kabataan-estudyante, maraming kabataang aktibista ang sumapi sa BHB. Lumawak at tumatag ang mga alyansa sa isla. Makikita ito sa mga suportang pampulitika at materyal na ibinibigay ng mga relihiyoso, guro at iba pang propesyunal at maging ng mga negosyante. Marami ring kagawad ng mga lokal na yunit ng reaksyunaryong gubyerno at mga pulitiko ang umuugnay sa rebolusyonaryong kilusan. Namantini ang ugnay sa Moro Islamic Liberation Front (MILF). Sa kabila ng Framework Agreement na pinirmahan nito sa gubyernong Aquino, patuloy na hinihikayat ng Partido ang MILF na maging maingat upang hindi mahulog sa patibong ng reaksyunaryong rehimeng US-Aquino. Naugnayan din ang ibang lehitimong mga grupo ng Moro na patuloy sa tunay na pakikipaglaban para sa karapatan sa sariling pagpapasya ng Bangsamoro. GAMIT ang lahat ng mga tagumpay na ito bilang tuntungan, matatag ang kapasyahan ng Partido at buong rebolusyonaryong kilusan sa Mindanao na kumpletuhin ang huling subyugto ng estratehikong depensiba tungo sa hindi na mapipigilang pagsulong sa mas mataas na yugto ng estratehikong pagkapatas. ~ Rebolusyonaryong kilusan sa Panay, sumusulong Bigo ang tinaguriang "keyhole tactics" ng AFP laban sa rebolusyonaryong kilusan sa Panay. Ito ang pahayag ng Komite ng Partido sa rehiyon nitong nagdaang anibersaryo ng PKP. Marami sa mga pwersang militar ay napilitang umatras sa kanilang pinagkakampuhang mga base dala ng mga atakeng gerilya ng BHB. Sa balangkas ng "keyhole tactics," nagtatambak ang AFP ng laking batalyon hanggang brigadang pormasyon laban sa isa o dalawang pinaghihinalaang larangang gerilya para durugin ang mga pwersa ng BHB doon. Bilang tahimik na pag-amin ng kabiguan ng rehimen na wasakin ang rebolusyonaryong pwersa sa Panay, ipinakat dito ang buong pwersa ng PNP 6th Special Action Force Battalion bilang dagdag sa pwersang panagupa ng 301st Infantry Brigade. Hindi napigilan ng mga pwersang ito ang paglawak ng rebolusyonaryong kilusan sa isla. Katunayan, nakapagpalawak ang mga organisasyong masa hanggang sa matataong lugar, kabilang ang kalunsuran. Noong nakaraang taon, lumaki nang 15-30% ang bilang ng mga kasapi at kadre ng Partido, BHB, organisadong pwersa at lugar na kinikilusan. Ngayong taon, tinatarget ang dalawang ulit na paglaki ng Partido, BHB, organisasyong masa, at mga lugar na kontrolado at impluwensyado hanggang sa kalunsuran. Plano ring maglunsad ng maiigting na taktikal na opensiba sa buong isla habang pinalalarga sa buong rehiyon ang mga kampanyang antipyudal tulad ng paggigiit ng karapatang magbungkal, pagpapababa ng usura at iba pa. Nakahanda rin ang Partido na suportahan ang sumasambulat na galit ng mamamayan na naglulunsad ng mga kilos-protesta sa mga lansangan laban sa mapanlinlang, korap at papet-pasistang rehimen. Palalawakin nito ang mga alyansa ng mamamayan para ibayong lumawak ang rebolusyonaryong impluwensya at makaambag ito sa pambansang pagsulong tungo sa bungad ng estratehikong pagkapatas. Samantala, noong Disyembre 18, tinambangan ng isang yunit ng Napoleon Tumagtang Command ng BHB-Southern Front ang isang pangkat ng 82nd IB na naglulunsad ng operasyong militar sa tabing ng "Community Organizing for Peace and Development" sa Sityo Anoy, Barangay Cabalaunan, Miag-ao, Iloilo. Napatay sa ambus na ito si Pfc. Ricky Gardose, anak ng dating hepe ng 6th IB na si Col. Noe Gardose. ~ ANG BAYAN Enero 7,

8 Mga tagumpay sa Ilocos-Cordillera Region Nakapagkamit ang rebolusyonaryong kilusan sa rehiyon ng Ilocos-Cordillera ng makabuluhang mga tagumpay. Ito ay sa kabila ng mas pinaiigting na kontra-rebolusyonaryong digma ng rehimeng US- Aquino at mga limitasyon, kahinaan at kamalian na dinanas ng mga rebolusyonaryong pwersa sa rehiyon. Buo at nakapamumuno ang panrehiyong komite ng Partido habang patuloy na nakapagpapalaki ang panrehiyong organisasyon ng Partido. Nakapagpursige ang mga larangang gerilya sa pagpapalawak at pagkokonsolida ng rebolusyonaryong organisasyong masa. Nakapagtamo ang Partido at hukbong bayan sa rehiyon ng mahahalagang aral mula sa nakaraang mga pinsalang militar at pulitikal at nagwawasto sa mga ito. Nakapaglunsad ang Bagong Hukbong Bayan sa rehiyon ng matatagumpay na taktikal na opensiba, partikular sa ikalawang kwarto ng taon. Tampok dito ang ambus sa mga tropa ng 86th IB kung saan nalipol ang 11 pwersang militar, kabilang ang isang kapitan. Nakasamsam dito ng apat na ripleng M16 at isang Squad Automatic Rifle. Nakapinsala rin ng dalawang siksbay. Nananatiling buo at lumalawak ang kalakhan ng mga komiteng larangan, ang saklaw na larangang gerilya at pinamumunuang pwersa ng hukbong bayan. Sa kabila ito ng pinatinding presensya at atake ng anim na batalyon ng 5th at 7th ID, bukod pa sa ilang batalyong suportang PNP at mga kumpanya ng CAFGU. Naisasakatuparan ng mga rebolusyonaryong pwersa ang mga gawaing pampulitika, kabilang ang gawain sa pagpapalawak at pagbubukas ng mga bagong sonang gerilya. Tuluy-tuloy ang pagpapaunlad ng kilusang masa sa kalunsuran. Nakapagpapadala na ng mga kadre at pwersa mula sa kalunsuran para sa mga gawain sa kanayunan at mga larangang gerilya. Patuloy din ang mga pagsisikap na muling maibwelo at maikoordina ang mga pakikibakang masa sa mga larangang gerilya at sa mga syudad at sentrong bayan ng Cordillera kaugnay ng mga isyu sa pagtatanggol sa lupaing ninuno; mapanira at mapandambong na mga proyekto tulad ng mga higanteng dam at plantang geothermal; at malakihan at malawakang pagmimina. Naibubwelo nang muli ang mga pakikibakang magsasaka sa mga sonang gerilya at puting purok ng subrehiyong Ilokos sa kabila ng pambubulabog ng mga tropa ng kaaway sa gawaing masa ng hukbong bayan at ng mga demokratikong pwersa. ~ Pagpupunyagi ng rebolusyon sa Southern Tagalog Sa gitna ng napakahirap na mga kundisyon, patuloy na sumusulong ang rebolusyon sa Southern Tagalog (ST). Determinado ang Komite ng Partido sa rehiyon na pamunuan at isulong ang rebolusyonaryong pakikibaka sa iba't ibang larangan. Nasa katayuan ang rebolusyunaryong kilusan sa kanayunan at kalunsuran para patuloy na makapagpunyagi at makapangibabaw. Ito ay sa gitna ng mga kahirapan at limitasyong ibinunga ng pinaigting na Oplan Bayanihan at mga limitasyon na kakabit ng mababang antas ng pakikidigmang gerilya sa rehiyon. Napanatili ang bilang ng mga larangang gerilya na iba t iba ang laki. Sinasaklaw ng mga larangang gerilya ang ilang milyong populasyon ng mamamayang nasa 75 bayan at mahigit 600 baryo na nakikilusan at nagbubuklod sa may ilan daang libo ng populasyon ng baseng masa ng rebolusyon. Sapat ang lakas ng hukbong bayan upang sumulong nang paalon at hakbang-hakbang at higit sa sapat ang kasalukuyang lakas-pamutok ng BHB para armasan ang higit na maraming mga bagong rekrut na mandirigma. Nitong nakaraang tatlong taon, nakapaglunsad ang Bagong Hukbong Bayan sa ST ng 105 taktikal na opensiba. Umabot sa 91 elemento ng kaaway ang napatay sa labanan at 70 ang nasugatan. Dagdag dito ang 33 patay at 14 na sugatang kaaway sa mga depensibang labanan kung saan nakuha ng hukbong bayan ang kalamangan at inisyatiba. Nakakumpiska sa mga labanang ito ng 131 sandata, kabilang ang dalawang light machine gun (isang K3 at isang M60), apat na grenade launcher (tatlong M203 at isang M79), 66 na malalakas na riple, limang submachine gun/machine pistol, at 54 na pistola. Pinakatampok dito ang pagkadurog ng isang platun ng 22nd Division Reconnaissance Company sa isang platun-sa-platung labanan sa Mindoro noong 2010 at ang ambus sa SAF-PNP sa Rizal ng mga pwersang gerilya noong Nitong Disyembre 2012 lamang, nakapaglunsad ng sampung taktikal na opensiba 8 ANG BAYAN Enero 7, 2013

9 sa tatlong prubinsya ng rehiyon. Pinakatampok dito ang reyd sa istasyon ng pulisya sa Roxas, Palawan at ang pagparusa sa mapaminsalang Citinickel Mining Corporation sa bayan ng Sopronio Española, Palawan at Veronica Iñiquez Lee Mines Corporation at Macro Asia sa Tagkawayan, Quezon na mga pag-aari ni Danding Cojuangco. Nakasamsam ang BHB sa mga operasyong ito ng malalakas na riple at maraming kagamitang militar. Nitong nagdaang mahigit isang dekada, ang mga rebolusyonaryong pwersa sa rehiyon ay matagumpay na nakapangibabaw sa mga kahirapan ng malawakan, sustenido at matinding pananalakay at pagsupil ng mga pwersang pasista. Sa pangkalahatan, nakapagpreserba ng sapat na lakas ang rebolusyonaryong kilusan sa ST upang muling sumulong mula sa mga pansamantalang pagatras at kabiguan sa ilang bahagi at saklaw. Samantala, may ilang bahagi ang rebolusyonaryong kilusan na nagpapakita ng banayad na pagsulong at panibagong pagbawi mula sa mga kumulatibong pinsala ng OBL I at II at Oplan Bayanihan. Patuloy na nagpupunyagi ang hukbong bayan na bigwasan ang mga pwersang pasista sa pamamagitan ng mga anihilatibo at atritibong patama sa ulo at katawan batay sa kakayahan. Sa kabilang banda, patuloy na nagpupunyagi ang mga rebolusyonaryo at progresibong organisasyon at kilusan sa kalunsuran para biguin at labanan ang pasistang puting lagim ng di deklaradong batas militar.~ Panagutin ang mga responsable sa sakuna Patuloy na lumalaki ang bilang ng mga napinsala ng bagyong Pablo. Umaabot na sa 1,067 ang patay, kung saan 985 ay mula sa mga prubinsya ng Davao. Marami pa sa mga bangkay ang hindi pa nakikilala. Malaki ang pangambang lalaki pa ang bilang ng napatay sa 1,500, ayon sa National Disaster Risk Reduction and Management Council. Mahigit 800 pa ang nawawala, at 2,666 ang nasugatan. Umabot sa 711,682 ang apektadong pamilya o milyong mamamayan. Apektado ang 3,064 na baryo sa 318 bayan at 40 syudad, at 34 na prubinsya. Umabot sa `34.41 bilyon ang pinsala sa mga ari-arian. Nalampasan nito ang idinulot na pinsala ng bagyong Sendong noong Disyembre Hindi sapat ang kawanggawa at rehabilitasyon ng mga sinalanta ng unos para muling maitayo ang kanilang mga tahanan at kabuhayan. Dapat seryoso nang harapin ang pinakaugat ng papatinding mga pinsalang dulot ng magkakasunod na mga delubyo nitong nakaraang dalawang taon. Dapat higit na ipaglaban ang katarungan at panagutin ang mga kumpanyang responsable sa pandarambong ng kapaligiran at likas na yaman sa pamamagitan ng malawakang komersyal na pagtotroso, mapangwasak na pagmimina at malalaking plantasyong agribisnes. Dapat ding panagutin ang gubyernong kakutsaba nila. Nananawagan ang Panalipdan (Defend)-Southern Mindanao, isang organisasyong nagtatanggol sa kalikasan na kanselahin ng rehimeng Aquino ang mga permit sa pagtotroso na inisyu nito sa Davao Oriental, upang sansalain ang pagkawasak ng kagubatan na salik sa matinding pagbabagu-bago ng klima. Labing-anim ang ginawaran ng gubyerno ng Integrated Forest Management Agreement (IFMA) sa prubinsya para magtroso sa 82, ektarya sa mga bayan ng Baganga, Cateel, Caraga at Manay na pinakamatindi ang pinsalang inabot sa bagyong Pablo. Ang mga ginawaran ng IFMA ay binibigyan ng eksklusibong karapatan ng Department of Environment and Natural Resources (DENR) para paunlarin, pangasiwaan, alagaan, at gamitin ang isang partikular na lawak ng kagubatan at rekurso" sa loob ng 25 taon o mahigit pa. Sa aktwal, ang IFMA ay permiso sa pagtotroso na nagbabalatkayong programang reforestation. Ang mga ginagawaran nito ay nalilibre sa kunwa'y patakarang log ban ng gubyerno. Naigawad ang pinakamalaking saklaw ng IFMA sa Matuguina Integrated Wood Products Incorporated na nagtotroso sa 27,761 ektarya sa mga ba- ANG BAYAN Enero 7,

10 yan ng Baganga at Caraga. Pumapangalawa ang Picop Resources Incorporated na may 14,466 ektarya sa Baganga and Cateel, at ang La Fortuna Mahogany Incorporated na may 10,873 ektarya. Sa pagpapatuloy ng IFMA, kinukunsinti at pinapawalansala ng rehimeng Aquino ang malalaking kumpanya sa pagtotroso sa pananagutan nila sa mamamayan at sa kapaligiran, anang Panalipdan. Ikinakampanya rin ng Panalipdan ang tunay at komprehensibong programa sa reforestation bilang pamalit sa IFMA. Samantala, nananawagan ang Cordillera People's Alliance (CPA) na suspindihin ang operasyon ng Philex Mining at isagawa ang rehabilitasyon ng Balog Creek sa Benguet at Agno River sa Pangasinan. Ang mga ito ay nalason ng 20.6 milyong metriko toneladang dumi na umawas mula sa nawasak na tailings dam ng minahan ng Philex sa Barangay Padcal sa bayan ng Tuba noong Agosto 1, makaraan ang bagyong Gener. Dumaloy sa Balog Creek at Agno River ang dumi ng minahan tungo sa kalapit na bayan ng Itogon hanggang sa tuluyan itong naimbak sa San Roque Multi-Purpose Dam sa Pangasinan. Nagresulta ito sa malaking dislokasyon sa kabuhayan ng mamamayan sa Pangbasan, Dalupirip, Itogon, Benguet. Ang Philex ay may netong kita na `600 milyon bawat buwan, kaya kamakailan lamang ay nakamit nito mula sa magasin na Forbes Asia ang Best Under A Billion Award. Dapat lamang sagutin ng dambuhalang kumpanya sa pagmimina ang lahat ng gastos sa paglilinis ng Balog Creek sa Benguet. Sa panig ng rebolusyonaryong kilusan, patuloy nitong ipatutupad ang rebolusyonaryong hustisya at pananagutin ang mga mandarambong sa likas na yaman at kapaligiran. Samantala, sa sariling inisyatiba nito, patuloy din nitong pinauunlad ang pamumuno at pakikisangkot sa paglulunsad ng napapanahon at komprehensibong gawaing relief at rehabilitasyon para sa mga nasasalanta ng mga kalamidad na gawa ng tao at gawa ng kalikasan. ~ Pinsala ng pagmimina sa Negros, nabunyag Matinding pinsala sa kalusugan at kabuhayan ng mga Negrense ang idinudulot ng malalaking minahan sa isla. Ito ang natuklasan ng isang internasyunal na fact-finding mission na inilunsad sa iba't ibang bayan ng Negros Occidental noong Nobyembre Ang misyon ay pinamunuan ng Asian Peasant Coalition (APC), Kilusang Magbubukid ng Pilipinas (KMP)-National at KMP-Negros, at Action Solidarite Tiers Monde. Umabot sa 85 ang bilang ng mga lumahok na nagmula sa Indonesia, Nepal, Sri Lanka, India, Belgium at United Kingdom; at mga pambansa at lokal na progresibong organisasyon mula sa iba't ibang sektor. Umaabot sa 380,000 ektaryang lupaing agrikultural at tabing-dagat ang saklaw ng lahat ng mga minahan sa Negros Occidental. Ilan lamang dito ang malalaking kumpanya tulad ng Philex Mining Corporation, Maricalum Mining Corporation, MariColet Mines, Philmet Corporation, Vulcan Mining Corporation, Asturias Chemical Industries at Massart Mining and Development Corporation. Ayon sa pananaliksik ng APC, pinalalabas na ang pagmimina ng magnetite sa baybayin ng Old Sagay, Sagay City ay isa lamang proyekto ng paghuhukay at paglilinis ng ilog Himoga-an at Tan-ao upang diumano'y manumbalik ang mga isda. Nagwaldas ang lokal na pamahalaan ng P9.9 milyon sa ASPAC Dredging and Restoration, Inc. upang isakatuparan ang proyektong sa katunayan ay para sa pagmimina. Napag-alaman ng fact-finding team na walang naganap na tunay na konsultasyon sa mga residente bago isagawa ang pagmimina. Panloloko rin ang pangakong empleyo. Iilang kamag-anak o malalapit na kaibigan lamang ng mga lokal na upisyal na kinakasabwat nila ang nabigyan ng trabaho. Inilahad din ng mga nakapanayam na residente sa lugar na ang pagmimina ay naging sanhi ng pagkakalason ng mga sapa at ilog, pagkamatay ng mga isdang nakukuha rito, pagkasira 10 ANG BAYAN Enero 7, 2013

11 ng mga pananim, pagbaha at pagguho ng lupa. Nagresulta rin ito sa mga kaso ng paglabag sa karapatang-tao. Pinutol ang mga bakawan at pinaalis ang 120 residente sa baybayin ng Old Sagay. May 14 na pamilyang umaasa sa pangungulekta ng sea shells na nawalan ng kabuhayan. Ilang libong pamilya pa ang nanganganib na mawalan ng tahanan at kabuhayan. Binabaha na ang mga bahay sa pampang na dati ay hindi inaabot ng tubig. Ang mga nawasak na bahay ay hindi na maaaring itayong muli dahil tuluyang pinalalayas ang mga nasalanta. Binaklas ang pangisdaan at pinagbabawalan ang mga residenteng mangisda. Mula sa `350 kita bawat araw sa pangingisda, dumausdos ito sa `50 na lamang. Inireklamo rin ng mga residente ang pangangati matapos maligo sa ilog na malapit sa pinagmiminahan ng silica sa Sherman Hill, Barangay Baviera, Sagay City. Ganito rin ang pinsalang dulot ng operasyon ng Philex sa Sipalay. Bago ang pagmimina ng Philex, nakapag-aani ang bawat magsasaka ng 60 kabang bigas at 30,000 mais kada ektarya. Ngayon, kabang bigas at 10,000 mais kada ektarya na lamang ang kayang anihin. Nagdulot din ito ng pagbaha, pagguho ng lupa, pagkasira ng mga taniman at pagkalason at tuluyang pagkatuyot ng ilog. Nagkakapantal at nagkakapigsa ang mga naliligo sa ilog, na karamihan ay mga bata. Nangamatay ang mga isda. Nakontamina rin ang dating pinagkukunan ng inuming tubig. Nakumpirma rin ng fact-finding mission na ang mga elemento ng 47th IB ang nagbibigay-proteksyon sa Philex sa Sipalay. Ang CAFGU naman at RPA-ABB ang pumoprotekta sa minahan nito sa Sagay City. Ang presensya ng mga armadong grupong ito ay nagdudulot ng takot sa mga residente. Mismong ang factfinding team ay nakaranas ng harasment sa kamay ng mga armadong grupong ito. ~ 10 sibilyan, malisyosong iniugnay sa PKP-BHB Patuloy ang pang-aaresto at pagsasampa ng mga gawagawang kaso laban sa mga ordinaryong sibilyan at mga lider ng demokratikong kilusang masa. Disyembre 28. Inaresto ng mga operatibang paniktik ng Philippine National Police si Rene Emondo Abiva, 23 anyos at organisador ng Alliance of Concerned Teachers ganap na alas-4:35 ng hapon sa kahabaan ng Taft St., Bagumbayan sa Tuguegarao City. Pinaratangan si Abiva na dating kasapi ng Bagong Hukbong Bayan at myembro ng White Area Commitee ng Partido Komunista ng Pilipinas sa Cagayan Valley. Idinidiin din siya sa kaso dahil asawa siya ni Mildred Goyagoy na dating lider ng KARA- PATAN at kinasuhan ng murder kaugnay ng ambus sa mga tropang militar sa Ifugao noong Abril Disyembre 25. Dinakip ng mga elemento ng 302nd Infantry Brigade si Oligario Sebas, 65 anyos, matapos siya mapagkamalang si Felimon Mendrez, isang mataas na upisyal diumano ng PKP at BHB. Hinuli siya mga alas- 10:30 ng umaga sa Barangay Tuyod, Manjuyod, Negros Oriental. Nagpapahinga noon si Sebas sa kanyang bahay nang biglang pumasok ang mga di nakaunipormeng sundalo na may dalang mga baril at ipinakita sa kanya ang isang mandamyento de arestong nakapangalan sa isang Felimon Mendrez, isa umanong kadre ng PKP sa Central Visayas na may patong na `5.25 milyon sa kanyang ulo. Sa ngayon ay nakakulong si Sebas sa BJMP District Jail sa Bayawan City. Pangalawang kaso na ito ng "mistaken identity" kung saan dinadampot ng militar at pulisya ang mga inosenteng sibilyan at pinalalabas na kabilang sila sa mga tinutugis na lider ng rebolusyonaryong kilusan para makopo ang milyun-milyong halagang pabuya para sa kanilang ikadarakip. Bago ito, inaresto, tinortyur at ikinulong noong Oktubre 2012 ang security guard na si Rolly Panesa sa paratang na siya umano si "Benjamin Mendoza," isa raw lider-rebolusyonaryo sa Southern Tagalog na may patong na `5.6 milyon sa kanyang ulo. Disyembre 21. Limang magsasaka ang inaresto ng militar sa isang tsekpoynt sa Mulanay, Quezon sa paratang na sila ay mga myembro ng Bagong Hukbong Bayan. Ang tatlo sa mga biktima ay pinangalanang sina Dennis Quidor, Eliseo Lopez at Rodrigo Guevarra. Inakusahan silang naniniktik bilang paghahanda raw sa pagsalakay ng BHB sa mga bayan ng Mulanay at San Francisco. Mahigpit na pinabulaanan ng PKP ang gayong akusasyon. Disyembre. Nahaharap sa iba t ibang gawa-gawang kaso ang mga lider-manggagawa sa National Capital Region, Southern Tagalog at Western Visayas. Partikular dito ang kasong multiple ANG BAYAN Enero 7,

12 murder kay Roy Velez, tagapangulo ng Kilusang Mayo Uno-NCR. Idinadawit si Velez sa ginawang reyd ng BHB noong Abril 29, 2012 sa Labo, Camarines Norte. Kinasuhan naman ng assault at slight physical injuries si Hermenegildo Marasigan, lider ng Pagkakaisa ng mga Manggagawa sa Timog Katagalugan dahil sa kaguluhang naganap sa protesta laban sa militarisasyon sa Cabuyao, Laguna. Samantala, pagnanakaw naman ang ikinaso kay Ronald Ian Evidente, tagapagsalita ng KMU-Negros na idinadawit sa pagsalakay ng BHB sa isang palaisdaan sa Sagay City noong Hulyo Nabunyag ito nang maaresto noong Abril 2012 sa pareho ring kaso si Christian Tuayon, pangkalahatang kalihim ng Bagong Alyansang Makabayan-Negros. ~ Paghahasa ng Sundang: Mananayaw ay makata Habang tumitindi ang kahirapan at pagsasamantala sa kanayunan at kalunsuran, nagbabadya ang pagbangon ng mamamayan. Itinanghal ito sa sayaw-dulang Pitong Sundang ng UP Sinagbayan, sa salimbayan ng tula at pagsayaw gamit ang mga estilong moderno at klasikal, anino t bidyo at mga simbolikong imahe, kulay at kostyum. Itinaon sa pagdiriwang ng ika-149 paggunita ng kaarawan ng rebolusyonaryong bayani na si Andres Bonifacio ang pagtatanghal ng Pitong Sundang noong Nobyembre 29 at 30 sa University of the Philippines-Diliman. Hinabi mula sa mga tula ng mga makatang detenidong pulitikal na sina Ericson Acosta at Alan Jazmines ang pagtatanghal. Nagbukas ang pagtatanghal sa isang estudyanteng sumasayaw nang masaya t di apektado sa mga pangyayari sa kanyang paligid. Pero pana-panahon siyang nayayanig ng mga eksena ng masaker sa Hacienda Luisita, pananawagan ng mga maralitang-lunsod, at ng pagpatay at tangkang pagpatay ng estado sa mga bumabangon at walang pagod na nakikibaka para sa kanilang mga karapatan. Pinanonood ng mananayaw ang bidyo ng isang matandang magbubukid, habang naririnig sa bakgrawnd ang pagtula ng kantang Sipat ni Acosta. Sa saliw naman ng tulang Kung Nagsasalita ang Lupa, tumambad sa entablado ang isang magsasakang mabagal at hirap na naggagapas at nagbubungkal dahil sa mga taling nakakabit sa kanyang katawan. Pinalawig ng Sagrada Familia ang kwento sa likod ng taling sumisikil sa magsasaka. Sa saliw ng sintonadong kampana at panobenang pagbigkas, binatikos ang sagad-sagarang kasakiman ng mga burukrata t panginoong maylupa na nagpapanggap na mga banal na kampyon ng taumbayan. Sinayaw ito ng tatlong salot mga taong nakamaskarang halimaw o peste. Bagong estilo sa sayaw-dula ang mala-pantomima na nagpakilala sa pyudalismo. Apat na tagapagtanghal tatlo bilang magsasaka at isa bilang panginoong maylupa ang sumayaw sa kwento ng pagbubukid na sa umpisa y may masaganang bunga. Pero di nagtagal, nangamkam at nagpasasa sa pinaghirapan ng mga magsasaka ang panginoong maylupa. Inilahad sa Dam, orihinal ng Sinagbayan, ang pandarambong at pagwasak ng mga lokal at dayuhang negosyo sa kalikasan at kabuhayan ng mga pambansang minorya at iba pang sektor ng mamamayan. Tuwiran namang ipinakita sa Tala ni Acosta ang lansakang pagyurak ng pasismo ng estado sa mga karapatan ng ordinaryong mamamayan, lalo na ng mga lumalaban sa tiwaling sistema. Sa Malaki t maliit na piitan ni Jazmines, pinagkumbina ang pait ng ipinagkait na kalayaan kapwa sa tunay na selda at sa mas malawak na selda ang lipunang walang katarungan. Pagkasaksi sa sunud-sunod na pangyayari, nahikayat na ang karakter na estudyanteng umanib sa anakpawis. Nagtangka ang berdugong militar na pigilin siya sa desisyong ito, subalit binigo ito ng mga nakapulang mandirigma na may mga tangang sundang. Huling tula ang Gabud, kung saan isinayaw ang damdamin ng aping mamamayan: pighati, pagkamulat, pagbangon, paglaban, paghikayat at pag-anyaya, pakikibaka.~ 12 ANG BAYAN Enero 7, 2013

13 Mga migrante, nagrali sa Hongkong Nagrali sa Hongkong noong Disyembre 18 ang mahigit 1,000 migranteng manggagawa mula sa Southeast Asia bilang paggunita sa International Migrants Day at para igiit ang mahusay na kundisyon sa paggawa at mas mataas na sahod. Kumanta at sumigaw ng mga islogan ang mga migrante sa tapat ng iba t ibang upisina ng gubyerno. Ayon kay Eni Lestari, isang katulong sa Hongkong mula sa Indonesia at tagapagsalita ng Asia Migrants Coordinating Body, kadalasang nagtatrabaho ang isang domestic helper nang mahigit 20 oras sa isang araw. Ayon naman kay Dolores Balladares, tagapagsalita ng United Filipinos, tumaas lamang ng HK$60 o (US$7.70) ang minimum na buwanang sahod nitong nakaraang 12 taon. Ang kasalukuyang HK$3,920 ay hindi na nakasasapat para makaagapay sila sa tumataas na presyo ng mga bilihin at serbisyo. Kabilang sa iginiit ng mga nagprotesta ang pagbibigay ng karapatan sa mga migranteng manggagawa na maging permanenteng residente sa naturang bansa at makatamasa ng mga benepisyo tulad ng libreng serbisyong pangkalusugan. Mayroong 300,000 dayuhang domestic helper sa Hongkong na karamiha'y nagmumula sa Indonesia, Pilipinas, Thailand, Sri Lanka at Nepal. Samantala, kinundena ng Amnesty International ang laganap at nakasanayan nang pagsasamantala sa mga migranteng manggagawa sa Italy at nanawagan sa gubyerno na baguhin ang mga palisiya sa imigrasyon. Mas mababa nang 40% ang abereyds na sinasahod ng mga migranteng manggagawa kumpara sa mga Italyanong gumagampan ng parehong trabaho. Dahil sa rasismo, mas matindi ang pagsasamantalang nararanasan ng mga manggagawang mula sa sub-saharan Africa, North Africa at Asia na nakakonsentra sa sektor ng agrikultura sa Latina at Caserta sa timog Italy. Ihinalimbawa ang isang migrante mula sa India na pumayag na magtrabaho nang pitong araw bawat linggo kapalit ang buwanang sahod na 700 euros ngunit ang natatanggap ay 100 euros lamang. Hindi siya makapagreklamo sa pulisya dahil iligal ang pagpasok niya sa bansa. Sa 5.4 milyong dayuhan sa Italy, kalahating milyon ang walang ligal na mga dokumento. ~ Panganib ng aksidenteng nukleyar, lumalaki sa pagdaong ng mga barkong pandigma ng US Lumalaki ang panganib ng aksidenteng nukleyar sa bansa dahil sa madalas na pagdaong sa Subic Bay at iba pang bahagi ng Pilipinas ng mga barkong pandigma ng US na may dala-dalang armas nukleyar at gumagamit ng panggatong na nukleyar. Isang halimbawa nito ang pagdaong sa Subic Bay ng submarinong USS Bremerton. Isang sikretong memorandum na inilabas ng Ministry of Defense ng United Kingdom matapos ang pagkawasak ng plantang nukleyar ng Fukushima Daiichi sa Japan noong Marso 2011 ang nagsabi na napakabulnerable ng submarinong pinatatakbo sa pamamagitan ng enerhiyang nukleyar na magkaroon ng core-meltdown kapareho ng nangyari sa Fukushima na nagresulta sa pagsingaw ng nakamamatay na radiation sa kapaligiran. Marami nang aksidente ang nangyayari habang nakadaong ang ganitong mga barko, kabilang na ang pagkasunog ng isang US nuclear-powered na barkong pandigma sa Japan. ~ Sin Tax, dagdag na pasanin sa bayan PKP Binatikos ng Partido Komunista ng Pilipinas (PKP) ang rehimeng Aquino sa pagpataw simula Enero 1 ng Sin Tax na ibayong magpapabigat sa pasaning buwis ng mamamayang Pilipino. Sa pagpapatupad ng Sin Tax, magpapataw ng karagdagang buwis ang rehimeng Aquino sa mga produktong sigarilyo at alak sa layuning makakalap ng karagdagang ` bilyon kita sa susunod na limang taon. Anang PKP, hindi totoo na ang karagdagang kita mula sa buwis na ito ay mapupunta sa pangangalagang pangkalusugan. Tinukoy ng PKP na naglaan lamang ng `53.8 bilyon ang rehimeng Aquino sa pampublikong serbisyong pangkalusugan sa badyet para sa Malayung-malayo ito sa `530 bilyong dapat ilaan sa serbisyong pangkalusugan, ayon sa rekomendasyon ng mga internasyunal na ahensyang pangkalusugan. Patunay din ng tagibang na prayoridad ng gubyernong Aquino, ang badyet pangkalusugan para sa 2013 ay 15% lamang ng `333.9 bilyong inilaan para bayaran ang utang panlabas. ~ ANG BAYAN Enero 7,

14 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Tomo XLIV Blg. 1 Enero 7, Editoryal Ang hinaharap ng usapang pangkapayapaan sa nalalabing panahon ni Aquino Doble-kara at bantay-salakay. Ito ang tunay na katangian ng Gubyerno ng Republika ng Pilipinas (GPH) sa pagpasok nito sa kasunduang tigil-putukan sa National Democratic Front of the Philippines (NDFP) hanggang Enero 16. Nagkasundong magtigil-putukan ang NDFP at GPH noong Disyembre 18 sa layunin sanang magsilbing tulak ito sa negosasyong pangkapayapaan. Subalit nilalapastangan ito ng Armed Forces of the Philippines (AFP) at Philippine National Police (PNP) sa ginagawa ngayong tuluy-tuloy na operasyon at pagpupwesto ng mga pwersa laban sa Bagong Hukbong Bayan (BHB) at rebolusyonaryong mamamayan. Litaw na litaw ang panggugulang at pagsasamantala ng GPH kung magbabalik-tanaw sa mga pangyayari mula noong Disyembre Idineklara ng Komite Sentral ng Partido Komunista Pilipinas (PKP) ang tigil-putukan noong Disyembre 20 bilang pagsuporta sa pagsisikap na pasikarin ang matagal nang nauntol na usapang pangkapayapaan sa pagitan ng NDFP at GPH. Alinsunod sa pinagkaisahan ng mga espesyal na kinatawan ng GPH at NDFP na nagpulong sa embahada ng Royal Nor- wegian Government sa The Hague, The Netherlands noong Disyembre 17-18, magpapairal ng tigil-putukan ang dalawang panig mula Disyembre 20 hanggang Enero 15 at magdaraos ng panibagong pag-uusap sa mga unang araw ng Agad na iniutos ng Partido sa lahat ng kumand ng BHB ang tigil-putukan. Nagdeklara rin ng tigil putukan ang GPH pero Disyembre 16 hanggang Enero 2 lamang ang sinaklaw nito. Sa gayon, kinailangang mapaabutan ng pormal na utos ang lahat ng yunit at kumand ng AFP at PNP na palala- Sa isyung ito... Paglaspangan sa tigilputukan 3 Dekada ng tagumpay sa Mindanao 5 10 sibilyan, iniugnay sa PKP-BHB 11