tagumpay sa maraming lugar sa lalawigan na magpahanggang sa pinakikinabangan ng mamamayan.

Transcription

1 Mabuhay ang Ika-48 Anibersaryo ng Partido Komunista ng Pilipinas! Ipagbunyi ang mga Tagumpay ng Rebolusyonaryong Pakikibaka! Mapagpasyang Tupdin ang Tatlong Taong Programa ng Partido para sa Pag-igpaw tungo sa Bungad ng Estratehikong Pagkakapatas! Editoryal: Mga Tagumpay ng Armadong Pakikibaka at Rebolusyong Agraryo, Patuloy na Lumalawak, Pinakikinabangan at Ipinagbubunyi ng Mamamayan sa Batangas! Nagpapatuloy na Krisis at Karahasan ng Estado, Matabang Lupa sa Paglakas ng Armadong Pakikibaka sa Lalawigan Kaalinsabay ng pagdiriwang sa buong bansa ng ika-48 taong Anibersaryo ng Partido Komunista ng Pilipinas, buong kagalakan nating ipinagbubunyi ang mahigit tatlong dekadang pagkakapundar at patuloy na pagyabong ng armadong pakikibaka sa lalawigan ng Batangas. Ang lahat ng tagumpay na tinatamasa ngayon ng baseng masa ng rebolusyon sa lalawigan ay dahil sa mahusay at magiting na patnubay ng ating mahal na Partido. Kinikilala at pinagpupugayan natin ang mga mamamayan sa lalawigan ng Batangas na kabahagi sa pagpupundar ng rebolusyonaryong kilusan sa lalawigan sa pamumuno ng Partido Komunista ng Pilipinas, Bagong Hukbong Bayan at Pambansa Demokratikong Prente. Pinakamataas na pagpupugay ang ibinibigay natin sa mga martir ng rebolusyon, kadre ng partido, kumander at mandirigma ng Bagong Hukbong Bayan, at mga lider masa na naglaan ng kanilang buong buhay, panahon at lakas sa rebolusyunaryong pagkilos upang maisulong at maipagtagumpay ang rebolusyong agraryo at matamasa ng malawak na masa sa kanayunan ang pakinabang na iniluluwal nito hanggang sa kasalukuyan. Sila ang mga tunay na bayani na dapat bigyan ng pinakamataas na parangal at pagkilala. Hindi sila naging makasarili. Isinapraktika nila ang diwa ng isang tunay na Komunista, ipinaglaban at isinulong nila ang interes ng masang Pilipino, sinuong nila ang masalimuot na daan patungong kalayaan sila ang tunay na mga bayani ng uring magsasaka at sambayanan. Mula ng maitatag ang mga yunit ng Bagong Hukbong Bayan sa Batangas ay nagkaroon na ng armas at lakas ang uring magsasaka at iba pang uri t sektor na inaapi sa lalawigan laban sa mga despotikong panginoong maylupa, burgesya kumprador, dayuhang kapitalista at masasamang elementong nagsasamantala sa interes ng mamamayan. Sa nakaraang mga taon, patuloy na lumalakas at nagkakamit ng makabuluhang tagumpay ng armadong pakikibaka sa lalawigan. Sa pamamagitan nito, sumusulong at lumalawak ang mga tagumpay ng rebolusyong agraryo, nabuo at patuloy na humihigpit ang rebolusyonaryong pagkakaisa at lakas ng mamamayan na aktibong nagsusulong sa armadong pakikibaka. Patuloy na lumalawak sa iba t ibang lugar ng lalawigan ang mga rebolusyonaryong organisasyon ng mamamayan at higit sa lahat naging isang makapangyarihang daluyong ang kilusang masang anti-imperyalista, anti-pyudal at anti-pasista sa lalawigan. Napakaraming tagumpay ng kilusang masa sa balangkas ng lihim at hayag, armado at di-armado, ligal at iligal ang napagtagumpayan ng baseng masa ng rebolusyon sa lalawigan ng Batangas. Tampok dito ang pagsasaayos ng tirahan ng libong mamamayan sa mga barangay ng San Diego (Lian), Quizumbing (Calaca), Hukay, Balibago at Talisay ng Calatagan. Bahagi din nito ang pagpapataas ng parte ng magsasaka sa produksyon ng tubo, saging, niyog at mga gulayin, pagtataas ng upahan sa mga manggagawang bukid, pagpapataas ng presyo ng semilya ng bangus, pagpapataas ng partihan sa iwihan ng baka, at pagsusulong sa pagpapababa ng interes sa usura. Sa Silangang Batangas sa bahaging kabundukan ng San Juan, Rosario, Taysan hanggang bayan ng Lobo at Batangas City ay pinakatampok ang pagbabawal ng Bagong Hukbong Bayan sa mga panginoong maylupa dito na maningil ng buwis sa mga magsasaka. Isang daang porsyento ng nakukuhang produkto sa lupa ay buung-buong pinakikinabangan ng mga magsasaka. Wika nga ng mga magsasaka sa lugar na ito, kung walang hukbo sa kanilang lugar ay mananatili silang alipin ng mga panginoong maylupa at siguro sa mga panahong ito, sila ay wala na sa lupaing kanilang sinasaka at tinitirahan kaya gayun na lamang ang pasasalamat nila sa hukbong bayan.

2 1 2 LAGABLAB Lorem IpsumNG BATANGAN EDITORYAL 2 Ang LAGABLAB NG BATANGAN ang pahayagan ng Partido Komunista sa lalawigan ng Batangas. Tumatanggap ito ng kontribusyon sa anyo ng mga balita at artikulo.hinihikayat din ang mga mambabasa na magpaabot ng mga puna at rekomendasyon sa ikauunlad ng ating pahayagan. NILALAMAN Editoryal: Mga Tagumpay ng Armadong Pakikibaka at Rebolusyong Agraryo 1 Pulong Paglalagom ng Platun, Matagumpay na Nailunsad 3 Usapang Pangkapayapaan ng GPH-NDFP, Suportado ng Mamamayan sa Batangas 4 Kampuhan sa Muling Pagbuhay ng BPLC, Ikinasa sa Sta. Clara 4 Mga Biktima ng Bogus na CARP sa Baha Talibayog, Kapit-Bisig para sa Tunay na Repormang Agraryo 5 Mga Militar sa Batangas, Patuloy na Lumalabag sa Tigil Putukan 5 Panlalawigang Konsultasyon ng Magsasaka, Matagumpay na Nailunsad 6 Sumapi sa BHB: Rebolusyonaryong Kuwento ng Pagkamulat ng Isang Kabataan mula sa Kanayunan 6 Wakasan ang Pambubusabos... Itaguyod ang Pakikibaka ng mga Manggagawa ng SIDC 7 Dayuhang Pagmimina ng Ginto, Bigo sa Bayan ng Lobo 8 LUMABAN Patugo: Mayamang Pakikibaka sa Pusod ng Kabundukan ng Batulao 8 Parangal kay Ka Roger, Martir ng Sambayanan 9 Mga Tula 10 Buhay at Pakikibaka ng mga Maralita ng Sta. Clara 11 HUSTISYA Para sa mga Biktima ng Calaca Power Plant 12 BUKID VERDE, Luntiang Panabing sa Pyudal na Pagsasamantala sa Tubuhan 13 Patungan: Larawan ng Pang-aapi, Inspirasyon ng Paglaban 14 REBOLUSYONG AGRARYO, Tanging Landas sa Mithiing Magka-Lupa ang Masang Magsasaka sa Laiya 15 Hacienda Puyat: Buhay at Kamatayang Digma 16 Coral ni Lopez, Panandang Bato sa Pakikibakang Agraryo 17 Samahang Pinagbuklod ng Damdamin: Kuwento at Pakikibaka ng Baryo Quisumbing 18 Hacienda Looc: Dalawang Dekadang Pakikihamok 19 Magsasaka ng Hacienda Roxas: Makibaka, Magbalikwas! 20 Isa ring tampok na tagumpay ng mamamayan ng San Diego at buong Lian ang isinulong nilang kilusang masa laban sa burgesya kumprador na si Lucio Tan. Taong 2001 inilunsad ng mamamayan ng Lian sa pangunguna ng barangay San Diego ang protesta sa pagbubukas ng DAYZUM, isang planta ng alcohol na pag-aari ni Lucio Tan na nagluluwal ng polusyon sa tubig at karagatan ng San Diego. Tagumpay ang nasabing pakikibakang masa dahil sa malawak na suporta ng mga mamamayan ng buong Lian at karatig nitong bayan. Bukod sa mga nabanggit na tampok na mga tagumpay ng rebolusyonaryong kilusang masa ay marami pang mumunti at hiwa-hiwalay na tagumpay sa maraming lugar sa lalawigan na magpahanggang sa kasalukuyan ay patuloy na pinakikinabangan ng mamamayan. Isang makabuluhang tagumpay ng armadong pakikibaka sa lalawigan ay ang ipinakitang husay at tapang nito sa paglulunsad ng mga taktikal na opensiba laban sa mga pasistang sundalo ng reaksyunaryong gubyerno. Sa harap ng sunud-sunod na mababangis na oplan ng pasistang gubyerno laban sa rebolusyonaryong kilusan ay patuloy na nakapagpunyagi ang hukbong bayan sa pagsusulong ng armadong pakikibaka upang ipagwagi ang digmang bayan. Sa loob ng mahigit tatlong dekada ay napakarami nang mga taktikal na opensiba ang naipagtagumpay ng ating hukbo, ang mga TO na ito ay kinapapalooban ng mga maliliit at malalaking TO (anihilatibo at atritibong aksyong militar). Nakasamsam ang ating hukbo ng maraming armas at sumapat ito sa kasalukuyang pangangailangan ng lakas tauhan ng ating hukbong bayan at marami na ring mga pasistang sundalo at mga upisyal nito ang napaslang sa mga nasabing labanan. Dagdag pa dito ang isinagawang pamamarusa sa mga masasamang elemento na kinamumuhian ng masa. Hindi naging madali ang pagkakamit ng mga tagumpay na ito. Dumaan tayo sa masasalimuot na mga liko t ikot at sa mga sangang daan na sumubok sa ating katatagan. Hindi natin malilimutan ang mga aral ng mapapait na depensibang labanan na pumigtas sa maraming buhay ng ating hukbong bayan. Tampok dito ang depensibang labanan sa Haligueng Kanluran na tinaguriang HK9 masaker noong Oktubre 23, 2000 at depensiba sa Barangay Mataas na Pulo noong Oktubre 2015 na ikinasawi ng 4 na kasama. Kabilang din sa mga tampok na mapapait na depensibang labanan ay ang mga naganap na depensiba sa Kanlurang Batangas noong taong 1985 hanggang 1987 sa mga bayan ng Tuy, Nasugbu at Balayan. Kahima t dinanas ng ating hukbo ang mapapait na karanasan, ito y itinuring na mga pansamantalang pagkatalo sa mga labanan at isang bahagi lamang ng digmaan. Sa kabilang banda, nagdulot ito ng maraming aral sa hukbong bayan sa

3 LAGABLAB NG BATANGAN EDITORYAL 3 3 usapin ng mga taktikang militar. Palibhasa y malalim ang ugnayang naitayo ng ating hukbo sa mamamayan ng Batangas, hindi naging mahirap umigpaw sa mga dinanas nitong mga pagkatalong militar. Sa tulong ng baseng masa at sa wastong paggabay ng Partido, mabilis na bumawi ang ating hukbo sa kalidad at kantidad. Inilunsad nito ang opensiba sa lahatang larangan ng gawain, nagpalawak ng erya, dinoble ng ilang ulit ang solidong baseng masa ng rebolusyon, pinaunlad ang gawaing nagkakaisang prente, inilunsad ang kampanya sa pagpaparami ng kasapian ng hukbong bayan, at kaalinsabay nito ang kampanyang militar na paglulunsad ng mga serye ng taktikal na opensiba na tumampok noong taong 2010 hanggang Sa panahong ito mahigit 30 mga labanan ang inilunsad ng BHB sa lalawigan ng Batangas na pumaslang sa marami-raming mga upisyal at kawal ng AFP at PNP. Tampok sa nasabing mga TO ay ang isinagawang ambush ng isang iskwad ng BHB kay PNP Col. Rodney Ramirez sa bayan ng Taal, Batangas. Subali t sa kabila ng mga malalaking pagsulong ng armadong pakikibaka, rebolusyong agraryo at militanteng kilusang masa sa lalawigan, hindi maipagkakailang malalaki at marami pa ring mga tungkuling dapat harapin at isulong sa kasalukuyang yugto ng rebolusyong Pilipino. Sa kasalukuyan, ang ating Partido ay nakaharap ngayon sa malaking tungkulin at gawain upang puspusang isulong ang Ikatlong Dakilang Kilusang Pagwawasto sa pambansang antas. Tampok sa mga dapat iwasto ng ating Partido ang mababang antas ng idelohikal na aspeto ng kasapian ng ating Partido na nagluluwal ng hindi sapat na pagsisikap, hindi angkop na mga paraan at sobrang bagal na pagabante sa lahatang panig ng ating mga rebolusyonaryong gawain. Kailangang mabilis na makaigpaw mula sa ganitong kahinaan ang rebolusyonaryong kilusan sa lalawigan upang epektibong mapamunuan ang mamamayan laban sa papasahol na neoliberal at imperyalistang atake sa buhay at karapatan ng mamamayang Batangenyo. Nagdagsaan na sa lalawigan ang pinaka-malalaki at mayayamang burgesya kumprador sa buong bansa sa pangunguna nina Henry Sy, Roxas, Puyat, Zobel, Legarda, Madrigal, Enrile, Campos at iba pa sa larangan ng eko-turismo sa mga bayan ng Nasugbu, Calatagan at San Juan, Consunji, Aboitiz at Gokongwei sa industriya ng kuryente sa Calaca, San Juan, Sto. Tomas at Batangas City, Lucio Tan sa industriya ng distileriya at alak sa Lian at Nasugbu, Ramon Ang at Danding Cojuangco sa pagmimina ng semento sa Calatagan at mga malalaking dayuhang kumpanya sa pagmimina ng ginto tulad ng Mindoro Resources Limited Inc., Egerton Gold-Philippines, CrazyHorse Limited at AsianArc Mining sa humigitkumulang ektaryang kabundukan ng Silangang Batangas. Kanya-kanyang pananalasa ang mga ito sa karapatan sa lupa, panirahan at kabuhayan ng mga mamamayang Batangenyo upang mapalawak ang mga lupain at ari-ariang saklaw ng kanilang mga negosyo at industriya. Patuloy nilang binabayaran ang mga kinatawan ng lokal na pamahalaan, mga ahensya ng gubyerno, mga kapulisan at militar upang tuloy-tuloy na supilin ang lehitimong pakikibaka ng mamamayan sa Batangas para sa lupa at panirahan. Subalit ang ganitong pambihirang sitwasyong pang-ekonomiya at pampulitika ang matabang lupa para sa ibayong pagsulong ng rebolusyon. Ang Partido sa lalawigan ng Batangas ay buong-buo ang suporta sa pambansang pamunuan ng partido sa paglulunsad ng Ikatlong Dakilang Kilusang Pagwawasto. Kaugnay nito, ilulunsad natin ang Ikatlong Dakilang Kilusang Pagwawasto upang tudlain ang mga bara sa mabilis na pagsulong ng armadong pakikibaka, rebolusyong agraryo at pagtatayo ng baseng masa. Kasama rin sa tutudlain ng kilusang pagwawastong ito ang istilo at manera ng pagkilos ng mga fulltime na kadre at mga kasama. Sa esensya, ang kilusang pagwawasto ay katatampukan ng mga kampanyang paglalagom, kampanyang pag-aaral mula sa batayang antas tungo sa intermidya at abanteng kurso ng partido. Pangkalahatang panawagan ng ating Partido sa lalawigan ay kamtin sa tatlong taon mula ang pitong (7) platun gerilya ng Bagong Hukbong Bayan, anim na libong (6000) kasapian ng Partido at tatlumpung libong (30 000) solidong baseng masa. Ang target na ito ay makabuluhang ambag ng ating lalawigan sa pambansang antas upang maabot ang bungad ng estratehikong pagkakapatas ng digmang bayan sa buong kapuluan. Kumpyansado tayong makakamit ang mga pagsulong na ito, dahil hawak natin ngayon ang malakas na armas na magiging giya natin sa mabilis na pagsulong ng lahatang panig ng rebolusyonaryong gawain ang armas na ito ay ang Ikatlong Dakilang Kilusang Pagwawasto. Lahatang panig na susulong ang rebolusyonaryong kilusan at armadong pakikibaka sa lalawigan sa mas mahigpit na pagkakaisa ng Partido, Bagong Hukbong Bayan at mamamayang Batangenyo tungo sa pagkamit ng tagumpay!! Pulong Paglalagom ng Platun: Matagumpay na Nailunsad sa Gitna ng Pataksil na mga Operasyong Militar ng Kaaway Sa gitna ng umiiral na unilateral na kasunduang tigil-putukan sa pagitan ng Gubyerno ng Pilipinas at National Democratic Front, nagtutuloy-tuloy ang panghahalihaw ng operasyong militar ng 730th Combat Group ng Philippine Air Force (CG PAF) sa mga rebolusyonaryong baseng masa sa Kanluran at Silangang Batangas. Subalit, sa kabila nito, matagumpay na nakapagkonsolida at nakapaglunsad ng pulong paglalagom ng yunit sa gawaing masa ang Bagong Hukbong Bayan (BHB) sa ilalim ng Eduardo Dagli Command nitong nakaraang Nobyembre Puspusang nilagom ng hukbong bayan ang praktika nito ng gawaing masa sa loob ng nagdaang tatlong taon alinsunod sa panawagan ng Partido para sa Ikatlong Dakilang Kilusang Pagwawasto. Sa isinagawang paglalagom, natukoy ang mga kahinaang humahadlang sa ganap na pagsulong ng gawaing militar at pampulitika ng Partido, Bagong Hukbong Bayan at mga rebolusyonaryong organisasyong masa sa lalawigan. Buong kasikhayan at punong puno ng rebolusyonaryong optimismo na tinanggap at tinatanganan ng mga kadre at mandirigma ng BHB Eduardo Dagli Command ang mga resolusyon at aral na iniluwal ng paglalagom na ito. Bilang panimulang hakbang sa pagwawasto, puspusang inilulunsad ang mga pagsasanay militar at pampulitika sa hanay ng Bagong Hukbong Bayan sa lalawigan. Mainit namang kinilala at pinagpugayan ang malaking papel ng hukbo at mga masang nagtaguyod sa pangkabuuang seguridad ng pulong.!

4 LAGABLAB Lorem Ipsum NG BATANGAN BALITA 4 Usapang Pangkapayapaan sa pagitan ng GPH-NDFP, Suportado ng Mamamayan sa Batangas Sa mga serye ng peace forum na inilunsad sa lungsod ng Lipa, Balayan at Nasugbu, mainit na nagpahayag ng pagsuporta ang mga mamamayan sa Batangas sa kasalukuyang nagaganap na usapang pangkapayapaan sa pagitan ng Gubyerno ng Pilipinas at National Democratic Front. Nitong Disyembre 21, sa inilunsad na porum sa Lungsod ng Batangas, masinsing tinalakay ng konsultant ng National Democratic Front of the Philippines (NDFP) na si Kasamang Ernesto Lorenzo ang usapang pangkapayapaan sa ilalim ng rehimeng Duterte. Ginanap ang nasabing porum sa komunidad ng PCAD, Brgy. Sta. Clara at dinaluhan ng humigit kumulang 150 katao. Pinangunahan ito ng People Working for Peace (PWP), panlalawigang alyansa para sa pagsusulong ng kapayapaan katuwang ang Rural Missionaries of the Philippines (RMP), mga lokal na samahan ng Sta. Clara tulad ng PCAD o (People s Coalition for Alternative Development), CLAIMANTS 1568, Samahan ng Nagkakaisang Manininda sa Daungan ng Batangas at Sta. Clara Multi-Purpose Cooperative. Tinalakay ni Lorenzo ang kasalukuyang agenda ng usapang pangkapayapaan, ang CASER o Comprehensive Agreement on Socio- Economic Reforms ang ubod ng negosasyong pangkapayapaan kung saan inilalahad ang tunay na ugat ng armadong tunggalian. Isinusulong ng NDFP ang pagpapatupad ng tunay na reporma sa lupa at pambansang industriyalisasyon bilang susi sa matagal nang adhikain ng mamamayan para sa tunay na pagbabago. Gayunpaman, ani Lorenzo, nananatiling hindi banayad ang takbo ng negosasyong pangkapayapaan sa kabila ng naunang pagpapalaya sa mga konsultant ng NDFP na iligal na inaresto at ikinulong sa ilalim ng mga nagdaang Kampuhan sa Muling Pagbuhay sa BPLC, Ikinasa sa Sta. Clara Sa gitna ng muling pagbuhay sa operasyon ng Batangas Port Livelihood Center (BPLC), militanteng itinirik ng mga manininda ng Sta. Clara ang Kampuhan ng mga Maralita sa Vendors Plaza ng Batangas International Port sa Brgy. Sta. Clara, Batangas City mula pa noong ika-11 ng Nobyembre, Itinayo ang kampuhan ng mga maralita bilang sentro ng protesta ng mga manininda at mamamayan ng Sta. Clara sa planong rehabilitasyon at operasyon ng Batangas Port Livelihood Center (BPLC) at panibagong debelopment, pagpapalawak at ganap na internasyunalisasyon ng Batangas Port na magwawalis na naman sa libu-libong maralita sa paligid ng daungan. Sa loob ng kampuhang ito, inilunsad ng mga manininda at maralitang mamamayan ng Sta. Clara ang mga konsultasyon at pag-aaral hinggil sa mga bagong isyung kinakaharap sa gitna ng mga isinusulong na maka-dayuhang mga programa ng administrasyong Mandanas sa pier ng Batangas. Disyembre 1, pormal na binuksan sa BPLC ang BARAKA SA BATANGAS, isang pamilihan para sa mga Divisoria wholesalers at malalaking Tsinong mamumuhunan tulad ng 168 Mall. Kaugnay nito, marahas na binuwag ng mga kapulisan ng Batangas City PNP ang kampuhan upang hindi umano makita ng nagdagsaang mamimili at dayong manininda. Ika-9 ng Disyembre, naglunsad ng dayalogo ang mga maralita at manininda ng Sta. Clara kay Gubernador Hermilando Mandanas. Itinanggi niya ang pagtatayo ng 40-ektaryang export rehimen bilang paglabag sa JASIG (Joint Agreement on Safety and Immunity Guarantees). Ani Lorenzo, patuloy na nababalam ang pangako ng rehimeng Duterte na palalayain ang humigit kumulang 430 bilanggong pulitikal habang tuloy-tuloy naman ang mga pasistang operasyong militar sa mga sibilyang komunidad sa kanayunan sa kabila ng umiiral na uni-lateral na deklarasyon sa tigil putukan ng magkabilang panig. Sa pahayag na inilabas ni Ka Luis Jalandoni ng NDFP nitong ika-21 ng Disyembre, nagkasundo umano ang gubyerno ni Duterte at ang NDFP na balangkasin na ang bilateral na kasunduan para sa tigil putukan kaalinsabay ng pagbubukas ng ikatlong serye ng pag-uusap ng dalawang panig sa processing zone sa paligid ng Batangas Pier. Subalit, sa isang pagtitipon na dinaluhan niya ilang araw matapos ito ay kinumpirma niya ang proyekto. Nangako din si Mandanas na bibigyan ng puwesto sa BPLC ang mga magtitinda, subalit utang ang ipinapangakong tulong puhunan at isasailalim pa sa mga screening ang mga maninindang nais magkapuwesto sa loob at tiyak na hindi rin makakasabay sa malalaking mamumuhunang inaalok ng tiyak na puwesto sa nasabing sentro. Dagdag pa, diumano ay may sampu (10) puwestong ilalaan para sa mga manininda sa pagbubukas ng BPLC at maging ang mga layang-layang o mga maliliit na maninindang panhik-panaog sa mga dumaraang bus ay pahihintulutan na ring makapagtinda sa loob ng daungan. Subalit, patuloy na naninindigan ang mga maralita at manininda na nararapat na tiyakin ng panlalawigang pamahalaan na prayoridad sa pagkakaroon ng kabuhayan sa loob ng daungan ang mga maralitang minsan nang naging biktima ng demolisyon at pinangakuan ng gubyerno ng kaunlaran at kabuhayan kapalit ng pagkagiba ng kanilang mga tahanan. Nananawagan naman ang CLAIMANTS 1568, samahan ng mga nademolis at mga lider manininda sa kanilang mga kasamahan na maging mapagmatyag at matalas sa mga alok na pabor at konsensyon ng gubyerno at PPA sa mga manininda sapagkat sa tuwina ay ginagamit itong pamamaraan ng estado upang hatiin ang pagkakaisa ng mga lumalabang mamamayan at manininda. Mula Disyembre 11, militanteng muling naigiit ng mga manininda at maralita ng Sta. Clara ang pagtatayo ng Kampuhan at nagpapatuloy ito hanggang sa kasalukuyan.! darating na Enero Gayunpaman, ayon kay Jalandoni, magkakabisa lamang ang nasabing kasunduan oras na maganap na ang ipinangakong pagpapalaya sa unang 60 bilanggong pulitikal bago ang Enero 28. Inaasahan namang maipasa na ng dalawang panig ang kani-kanilang balangkas ng CASER sa Enero 4, bago ang nakatakdang pagsisimula ng pag-uusap sa Roma sa darating na Enero Tuloy-tuloy ang mga talakayang pangkapayapaan sa lalawigan. Sa mga pulong masa na inilunsad sa Hacienda Roxas at Hacienda Looc (Brgy. Patungan) na dinaluhan ng daan-daang mamamayan ay nagkaroon din ng pagtalakay sa peace talks. Malawakan ding ipinapalaganap sa buong lalawigan ang mga praymer at pahayag na naglilinaw sa kahalagahan ng aktibong pagsuporta ng mamamayan sa usapang pangkapayapaan.!

5 LAGABLAB NG BATANGAN BALITA 5 MGA BIKTIMA NG BOGUS NA CARP SA BAHA TALIBAYOG: Kapit Bisig Para sa Tunay na Repormang Agraryo Ganap na tinuldukan ng Korte Suprema at DAR ang ilusyon ng mga magsasaka ng Baha Talibayog sa bogus na programang CARP sa inilabas nitong desisyon ng finality sa kanselasyon ng CLOA, EP at CLT ng mga magsasaka sa 808 ektaryang lupang Ascue. Ang masaklap na sentensya ng estado sa laban ng mga magsasaka ang iwinawasiwas ng Asturias Industry Corporation ni Danding Cojuangco at kinatawan na si Ramon Ang sa ganap na pagsakatuparan sa proyektong pagmimina ng semento at industrial complex sa Baha Talibayog. Sa ilalim ng PD 27 ni Marcos, 818 magsasaka ang nabigyan ng EP (Emancipation Patent), habang ang iba ay naisyuhan ng CLOA (Certificate of Land Ownership Award) sa ilalim ng CARP (Comprehensive Agrarian Reform Program). Subalit sa kabila nito, naganap ang maanomalyang bentahan ng lupa sa pagitan ng panginoong maylupa na si Ceferino Ascue at Asturias. Inihulog ng bangkaroteng linya ng dilawang organisasyon na AKBAYAN at UNORCA sa kumunoy ng pagkatalo ang laban ng magsasaka sa lupang Ascue. Ilang beses silang pinamartsa mula Calatagan hanggang Maynila na ang tangang panawagan ay pagpapalawig sa bogus na CARP gayong ito mismo ang ginamit na bala ng Asturias upang maagaw sa kanila ang lupa. Sa ngayon, 200 kabahayan na ang nawasak habang mahigit 200 kabahayan pa ang nakatakdang idemolis. Subalit, patuloy pa ring naninindigan ang mga magsasaka ng Baha Talibayog. Itinayo nila ang KAMPUHANG MAGSASAKA na may layuning pigilan ang pagsisimula ng debelopment sa erya. Itinayo nila ang samahan ng nagkakaisang mamamayan laban sa nakaambang demolisyon at higit sa lahat, nagsimulang muling taluntunin ng mga magsasaka ng Baha Talibayog ang landas ng rebolusyonaryong pakikibaka na siyang tanging solusyon sa dinaranas nilang pyudal na kaapihan at pagsasamantala. Kailangang patuloy na maunawaan, yakapin at tanganan ng mga magsasaka ng Baha Talibayog ang armadong pakikibaka bilang pangunahing anyo ng pakikibaka sa lupa at pagkakamit ng hustisya. Bahagi na ng kasaysayan ng masang magsasaka ng Baha Talibayog ang rebong pakikibaka na pinamumunuan ng Partido at hukbong bayan. Taong 2008, sa gitna ng pag-oorganisa sa aping magsasaka sa Talibayog, naganap ang engkwentro sa pagitan ng yunit ng NPA at militar na ikinamatay ng kumander ng platun na si Ka Gali. Hinangaan si Ka Gali ng masa sa Talibayog dahil sa walang pag-alinlangan niyang pag-aalay ng sariling buhay upang tiyakin ang kaligtasan ng masa mula sa walang habas na pamumutok ng kaaway. Ang presensya ngayon ng 514th EB Philippine Army sa Talibayog at pana-panahong operasyon ng mga puwersa ng Philippine Air Force (PAF) tulad ng ginawa nitong Nobyembre ay hindi lamang paglabag sa umiiral na ceasefire sa pagitan ng Gubyerno ng Pilipinas at National Democratic Front. Bagkus, ang hindi nawawalang presensya ng mga sundalo at mga ahente ng paniktik ng kaaway tulad ng mga barangay intelligence network (BIN) ay bahagi ng sistematikong pagtitiyak ng burgesya na mailayo sa rebolusyonaryong landas ang masang magsasaka upang maisakatuparan nila ang kanilang mga balak. Kung hindi tatanganan ng masang magsasaka ng Baha Talibayog ang armadong pakikibaka para sa lupa, hindi maisusulong ang rebolusyong agraryo at hindi magagapi ang puwersa ng mga bayarang hukbo ng mga panginooong maylupa at burgesya kumprador na paulit-ulit na nandarahas at nanunupil sa lehitimong pakikibaka ng inaaping magsasaka.! Mga Militar sa Batangas, Patuloy na Lumalabag sa Tigil-Putukan Sa kabila ng umiiral na mutwal na deklarasyon ng Tigil Putukan, nagpapatuloy ang mga operasyong militar sa iba t ibang bayan sa lalawigan ng Batangas, sa pangunguna ng 730th Combat Group Philippine Air Force, 514th Engineering Brigade Philippine Army at 59th Infantry Batallion Civilian Auxilliary Force Geographical Unit (CAFGU). Nagaganap ang mga paglabag sa mga sibilyang komunidad at rebolusyonaryong baseng masa na ikinukubli sa tabing ng COPD (community organizing, peace and development teams) ng mapanupil na Oplan Bayanihan. Kabilang sa mga naitala ang masinsing operasyong militar sa Brgy. Coral ni Lopez, Calaca mula Setyembre, Oktubre, Nobyembre hanggang kasalukuyan. Makailang ulit na pumasok sa baryo, nagbahay-bahay at naglunsad ng kung anu-anong aktibidad tulad ng medical mission, pamimigay ng tinapay at laruan sa mga bata. Ngunit sa kondukta ng mga operasyong militar, ilang beses na pinuntahan at hinaras ng mga sundalo sa kanyang bahay si Gigi Bautista, Panlalawigang lider ng Samahang Magbubukid ng Batangas. Isang di-nagpakilalang ahente ng ISAFP ang kabilang sa kumausap sa kanya. Pinaratangan siyang rekruter ng NPA at binaybay sa kanya ang mga baryong kanyang pinuntahan sa proseso ng paggampan niya sa kanyang gawain bilang hayag na organisador. Buwan ng Oktubre, inilipat ng 59th IB CAFGU ang detatsment nito sa San Diego, Lian tungong Brgy. Bulihan, Nasugbu na saklaw ng Hacienda Looc, kung saan may maigting na pakikibaka laban sa pangangamkam ng lupa ni Henry Sy at Maria Theresa Virata (MTV) Corporation. Nito namang Nobyembre, sa gitna ng nakaambang pagpapalayas sa mga magsasaka ng Baha Talibayog sa Calatagan, inoperasyon din ang baryo at ginawang postehan ng 514th EB PA ang isang kubong kasama sa idedemolis. Sa bayan ng San Juan, nagpasabog ng granada sa kampo ng CAFGU sa Laiya Aplaya ang mga kagawad ng 730th CG PAF, na nagdulot ng matinding takot sa komunidad. Buwan ng Disyembre, naglunsad din sila ng operasyong militar sa mga komunidad naman ng Calubcob at Bulsa sa parehong bayan. Sa kasalukuyan, tuloy-tuloy ang paggalugad ng mga militar sa kabundukang bahagi ng Utod, Bulihan at Natipuan ng Nasugbu. Matinding idinadaing ng mga masang magsasaka ang ganitong hakbangin na nagaganap sa gitna ng kanilang pakikibaka laban sa malalaking proyektong debelopment na nakaumang sa kanilang lugar ng malalaking burgesya kumprador tulad nina Henry Sy, Roxas, Puyat at Enrile sa Nasugbu, Lopez at Consunji sa Calaca, Campos at Aboitiz sa San Juan. Kaugnay nito, Nobyembre 22, sama-samang nagtungo sa tanggapan ng Joint Human Rights Monitoring Committee ng GPH-NDFP sa Kamaynilaan ang mga apektadong magsasaka upang magsampa ng reklamo kaugnay sa paglabag ng mga militar sa mga probisyon ng CARHRIHL (Comprehensive Agreement on Respect for Human Rights and International Humanitarian Law) sa gitna ng umiiral na tigil-putukan.!

6 1 2 3 LAGABLAB NG BATANGAN BALITA MULA SA KANAYUNAN 6 Panlalawigang Konsultasyon ng mga Magsasaka, Matagumpay na Nailunsad: Kalihim ng DAR, idiniin ang Kahalagahang Manindigan para sa Karapatan sa Lupa Mahigit 500 magsasaka ang dumalo sa matagumpay na Panlalawigang KONSULTAHANG MAGSASAKA na pinangunahan ng Samahang Magbubukid ng Batangas sa Brgy. Kaylaway, Nasugbu noong Disyembre 14, Personal na nagdulog ng kanilang mga usapin sa lupa kay DAR Secretary Rafael Mariano na panauhing pandangal sa nasabing pagtitipon ang mga magsasaka mula Nasugbu, Lian, Balayan, Tuy, Calaca, Lemery, Calatagan, San Juan at ilang magsasaka mula sa Brgy. Patungan ng Maragondon (Cavite) at Sariaya (Quezon). Tinalakay ni Ka Orly Marcellana, tagapagsalita ng KASAMA-TK, panrehiyong samahan ng mga magsasaka ang kasalukuyang kalagayan ng mga magbubukid. Sinundan ito ng pagtalakay sa panlalawigang kalagayan ng mga tagapagsalita ng SAMBAT at ang paghahapag ng mga kaso sa lupa. Tampok sa mga inihaing usapin ang mga nakaambang dislokasyon at demolisyong dulot ng kumbersyon ng mga lupang agrikultural. Pangunahin dito ang hindi pa nareresolbang mga kaso at nagpapatuloy na debelopment sa Hacienda Puyat, Hacienda Looc at Hacienda Roxas. Inireklamo din ng mga magsasaka ang nakaambang pagmimina ng semento ng Asturias sa Baha Talibayog at debelopment ng Sta. Lucia sa Lupang Leviste sa Balibago at Matabungkay, Lian. Sa Hacienda Puyat, bukod sa naunang kumbersyon ay nanganganib mapalayas ang mga magsasaka sa Sitio Calo at As-is ng Kaylaway para sa proyekto ng Century Corporation. Kaso naman ng pagbawi sa hungkag na CLOA sa ilalim ng bogus na CARP ang kinakaharap ng mga magsasaka ng Coral ni Lopez, Calaca at Putol, Tuy sa lupang Agoncillo. Kabilang din sa mga dumalo ang mga mangingisda at magsasaka ng Sitio Balacbacan, Laiya Aplaya ng San Juan na biktima ng marahas na demolisyon noong Hulyo 2014 bunsod din ng malaganap na kumbersyon ng mga lupang sakahan at pangisdaan. Sa huli, nangako si DAR Secretary Rafael Mariano na iimbestigahan ang mga inihapag na usapin; subalit higit sa lahat, idiniin niya ang pangangailangang magpalakas at mag-organisa ang mga magsasaka upang igiit ang karapatang makapagbungkal. Ani Secretary Mariano, pinaka-matibay pa rin ang laban ng mga magsasakang nakakapanatili sa lupa sa kabila ng kaliwa t kanang mga kumbersyon at nakaambang debelopment. Ikinatuwa naman ng mga magsasaka ang narinig na paninindigan ng kalihim. Sa huli, higit na tumatag ang resolusyon ng mga magsasaka na mas pagtibayin pa ang pagkakaisa at pagdadamayan upang ipagtanggol ang kanilang mga lupang sakahan at panirahan.! Sumapi sa Bagong Hukbong Bayan: Rebolusyonaryong Kuwento ng Pagkamulat ng Isang Kabataan mula sa Kanayunan Sa loob ng isang larangang gerilya sa lalawigan, makikita si Ka Rod, 19, kabataang mandirigma ng Bagong Hukbong Bayan na masiglang gumagampan ng mga arawang gawain. Mula sa uring magsasaka, unang nakilala ni Ka Rod ang NPA nang umerya ang mga ito sa kanilang lugar noong Mula sa mga pag-aaral at talakayan, naunawaan ni Ka Rod ang rebolusyon at naging aktibo sa pagtataguyod sa gawain at pangangailangan ng hukbo. Kahit na 17 taong gulang pa lamang siya nang panahong iyon, nagpahayag na siya nang kagustuhan na sumampa sa hukbo. Subalit, dahil sa wala pa siya sa tamang edad, hindi siya kaagad na pinahintulutan ng mga kasama. Bago naorganisa, tipikal na kabataan lamang si Ka Rod na wala pang kaalam-alam sa pagre-rebolusyon; nagtatrabaho ng Lunes hanggang Sabado at pagdating ng sahod ay nakikipag-inuman sa mga kabarkada. Taong 2016, nasa hustong gulang na si Ka Rod nang muli niyang makasalamuha ang mga kasama. Nagpasya siyang sumanib muna ng dalawang linggo sa hukbo upang mas maunawaan ang gawain at layunin ng mga ito. Sa kabila ng alinlangan at pangamba ng kanyang magulang ay nanindigan si Ka Rod na sumanib sa hukbo. Sa loob ng yunit, masaya ako. Nagustuhan ko ang ugali ng mga kasama. Mas marami pa akong natututunan sa maikling panahon ko sa loob ng sonang gerilya kaysa sa mahabang panahon ko sa labas, pagbabahagi ni Ka Rod. Buwan ng Agosto 2016, narekluta sa Partido si Ka Rod at kasabay ng kanyang pagsumpa ay ang pagpapasya niya na kumilos na ng buong panahon sa Bagong Hukbong Bayan. Bilang isang kabataang hukbo, makulay ang buhay ni Ka Rod sa loob ng yunit. Nanguna siya sa obstacle course sa inilunsad na Batayang Kurso at Pagsasanay Militar (BKPM) nitong Setyembre, kasama ng mga kapwa hukbo at ilang kasapi ng milisyang bayan sa lokalidad. Gayunpaman, malaking tunggalian sa sarili na kinakaharap ni Ka Rod sa loob ng yunit ang pagpapanibagong-hubog, lalo na at bilang kabataang namulat sa burgis na kultura sa baryo ay nadadala pa rin niya sa hukbo ang kanyang likas na pagiging maemosyon at mainitin ang ulo. Sa arawang tasa-komentaryo ay madalas maka-debate niya ang mga kasama kahit sa maliliit na bagay lamang. Tampok na karanasan niya nang minsan makatunggali ang isang kasama sa kung gaano kadaming margarine ang ilalagay sa ilulutong hotcake. Simpleng usapin lamang kung tutuusin subalit sa halip na mag-usap ng mahinahon ay nagtalo sila sa harap ng masa. Nag-walk out si Ka Rod at iniwan ang nakaatang sa kanyang tungkulin. Mahinahon silang pinaliwanagan ng mga kasama hinggil sa wastong aktitud sa pagdadala ng tunggalian. Naunawaan naman nila ito at matapos ay mapagpakumbabang nagpuna sa masa. Ang ganitong bagay ay mga karaniwang pangyayari sa loob ng buhay hukbo na iniluluwal pa ng kamusmusan ng pampulitikang kamalayan. Subalit sa tuloytuloy na pag-aaral, pakikipamuhay sa mga masa at pagpapanday ng sarili sa rebolusyonaryong aktitud, unti-unting nakikita ni Ka Rod ang kanyang kahinaan at nagiging madali para sa kanya ang pagwawasto dahil taglay niya at ng mga kasama sa loob ng Bagong Hukbong Bayan ang pinaka-mataas na diwa ng paglilingkod sa mamamayan sa pamamagitan ng pagsusulong ng demokratikong rebolusyong bayan. Tulad niya, sa pamamagitan ng mas masikhay na pagoorganisa ay tumatanaw si Ka Rod na mas marami pang kabataan ang mamulat at sumapi sa hukbong bayan upang magambag ng kanilang lakas, talino at kakayanan para sa pagtatagumpay ng pakikibaka ng sambayanan.!

7 LAGABLAB NG BATANGAN 7 Wakasan ang Pambubusabos sa Pagawaan at Salot na Kontrakwalisasyon : ITAGUYOD AT SUPORTAHAN ANG PAKIKIBAKA NG MGA TINANGGAL NA MANGGAGAWA NG SIDC FEEDMILL PLANT Para sa isang malaki at matatag na kooperatibang nangangako ng kaunlaran at kasaganaan sa mga kasapi at tagapagtangkilik nito, lubhang malaking kabalintunaan ang busabos na kalagayan at pagsasamantalang dinaranas ng mga manggagawa ng Soro-Soro Ibaba Development Cooperative (SIDC) sa Feedmill Plant nito sa Brgy. Soro-Soro Karsada Lungsod ng Batangas. 40 manggagawa ang iligal na tinanggal ng maneydsment ng SIDC noong Hunyo 20, 2016 bilang tugon sa kanilang pagkuwestiyon sa di-makatarungang pagkaltas sa kanilang tinatanggap na sahod. Hulyo 11, 2016 ipinutok ng mga manggagawang tinanggal ang welga sa harap ng SIDC Feedmill Plant. Sa pagputok ng welga, pinangunahan ng SIDC ang napapanahong pagkilos at paglalantad ng mga manggagawang Batangenyo sa umiiral na sistema ng pagsasamantala sa loob ng mga pagawaan. Taong 1969 nang itayo ang SIDC Feedmill Plant. Direkta itong nag-eempleyo at nagpapasahod ng kanyang mga manggagawa sa sistemang pakyaw kung saan umaabot sa Php500 kada linggo ang karaniwang sahod ng manggagawa. Subalit sa kagustuhang makaiwas sa pagbibigay ng benepisyo at karampatang karapatan, tiniyak ng SIDC na manatiling kontrakwal at kaaba-aba ang mga manggagawang nasa likod ng tinatamasa nitong kaunlaran at yaman. Taong 2009, sapilitang ipinasok ng SIDC sa DCMM AGENCY bilang kontrakwal na manggagawa ang humigit kumulang 100 kargador kapalit ng pangakong benepisyo at mas mataas na pasahod. Naging biktima ang mga manggagawa ng SIDC ng sapilitang overtime na walang karampatang bayad, kawalan ng safety gadgets, hindi pag-remit sa SSS, PAG-IBIG at PhilHealth at patung-patong na kaltas sa sahod tulad ng cash bond na nagkakahalaga ng Php100/manggagawa kada buwan, Admin fee o pambayad ng tubig at kuryente ng agency na halagang Php500/manggagawa kada linggo at bayad sa uniporme, safety shoes na halagang Php1500, tshirt na Php125 at pajama na nagkakahalaga ng Php480. Kaya, kung babawasin ang lahat ng mga kaltas pati ang utang ng manggagawa, Php300 na lamang ang maiuuwi ng isang manggagawa kada linggo. SIMULA NG PAGKAMULAT: HUDYAT NG PANUNUPIL Ang di-makatarungang kalagayan sa paggawa ang nagtulak sa mga manggagawa na itayo ang SMSIDC (Samahan ng mga Manggagawa ng Soro-Soro Ibaba Development Cooperative) LIGA at makibaka para sa karapatan sa buhay, dignidad at karapatang umunlad. Marso 2016 nagsampa ng petisyon ang mga manggagawa sa DCMM. Subalit, bilang tugon, sapilitang tinanggal sa trabaho ang tagapagsalita ng SMSIDC na si Ismael Dimaano noong Hunyo 17. Bilang protesta at panawagang ibalik sa trabaho si Dimaano, lumabas ng planta at hindi na nag-overtime ang 87 kargador. Hunyo 18, naglunsad sila ng piket at naitulak na humarap ang manedyer ng SIDC Feedmill Plant na si Lucilo Plata. Nagkaroon ng negosasyon kasama ang kapitan ng Soro-Soro Karsada na si Tony Casas at may-ari ng DCMM Agency na si Mario Macalalad. Napagkasunduang babalik sa trabaho ang mga manggagawa sa Hunyo 20 kasama si Dimaano na diumano ay suspendido lamang. Ngunit pagsapit ng Hunyo 20, hindi na pinapasok pa ang humigit-kumulang 87 na kargador at idineklarang TANGGAL SA TRABAHO ayon diumano sa utos ni Cong. Rico Geron, tumatayong CEO ng SIDC. Muling kinumpronta ng mga manggagawa ang DCMM at maneydsment ng SIDC pero bilang tugon ay pinapirma sila sa isang waiver na nagpapawalambisa sa mga inihapag nilang petisyon noong Marso kapalit ng pagbabalik sa kanila sa trabaho. Subalit nanindigan ang ibang manggagawa sa kanilang mga kahilingan kung kaya t tuluyan nang hindi pinabalik at tinanggal sa trabaho ang 40 na manggagawa. Dinala sa DOLE ang usapin ngunit dahil sa kawalan ng kagyat at kongkretong katugunan, ipinutok ng mga manggagawa ng SIDC ang welga. WELGA, SANDATA NG URING MANGGAGAWA Pinaralisa ng welga ang operasyon ng planta, iginiit ang Hustisya para sa 40 tinanggal at regularisasyon para sa lahat ng manggagawa ng SIDC. Welga ang sandata ng bawat manggagawa para igiit ang kanilang karapatan sa loob ng pagawaan. Ngunit habang naka-welga, dinaranas ng mga manggagawa ng SIDC ang samu t saring panggigipit, panlilinlang at karahasan mula sa maneydsment ng SIDC at sa mismong gubyerno na siyang kumakandili at nagtatanggol sa interes ng burgesya. Madaling araw ng Agosto 15, gamit ang humigit-kumulang 150 bayarang goons na armado ng mga bakal at batuta, binuldozer ang piket layn, hinambalos at pinagbabato ang mga manggagawa na ikinasugat ng pito habang nanunood lamang ang nasa 40 pulis ng SWAT na nakatambay sa paligid. Isang buntis na anak ng manggagawa ang nasaktan rin sa nasabing insidente. Makailang ulit na binuwag, pinaputukan at tinangkang durugin ng estado ang pakikibaka ng mga manggagawa ng SIDC. Sa bawat pagbuwag, matapang na muling itinatayo ng uring manggagawa ang kanilang pagkakaisa habang sa bawat atake at pandarahas, higit na lumalalim ang pagkilala ng manggagawa sa tunay niyang kalaban ang estado. Ilang ulit na sumugod sa piket layn ang mga kinatawan ng DOLE. Naglabas ang DOLE Region IV ng ulat na naglalahad sa mga paglabag ng SIDC at DCMM Agency. Ilang beses na nangako si DOLE Secretary Sylvestre Bello na aaksyunan ang kalagayan ng manggagawa hanggang noong Agosto, naglabas ito ng desisyon na nagsasabing DAPAT GAWING REGULAR ANG 320 KONTRAKWAL NG SIDC KABILANG ANG 39 MANGGAGAWA NA TINANGGAL SA TRABAHO. Subalit, ang kawalang pangil ng desisyon at tahasang pagsuway ng SIDC na ipatupad ang regularisasyon ng mga manggagawa ay lalo lamang nagpakita sa kainutilan ng gubyerno at pagkatig sa kapitalistang interes. Iniangat ng mga manggagawa ang protesta sa pambansang entablado at itinirik ang KAMPUHAN NG MGA MANGGAGAWANG TINANGGAL NG SIDC sa tanggapan ng DOLE sa Intramuros mula Nobyembre at Disyembre 8-19 upang hamunin ang DOLE na kagyat na magisyu ng back-to-work order at panagutin ang SIDC sa pagbalewala sa kautusan ng ahensya. Naitulak ng kampuhan ng mga manggagawa ang SIDC at DCMM na bayaran ang 13-month pay at ibang benepisyo na ipinagkait sa mga manggagawa; subalit tusong inikutan pa rin ng kapitalista ang obligasyon nito sa manggagawa at sa halip na ibigay ng buo ay kinaltasan pa ng bayad-utang diumano kaya t ang mga manggagawang umaasa ng kaunting grasya man lamang para sa Kapaskuhan ay wala rin ni sentimong natanggap. Masaklap at masalimuot ang karanasan at pakikibaka ng mga manggagawa ng SIDC. Repleksyon sila ng kainutilan at pangunguyupapa ng iniluklok nilang gubyerno sa interes ng burgesya kapalit ng pagkamal ng limpak na salapi at pansariling pakinabang. Subalit, hindi natatapos sa bawat pagbuwag sa welga at pagkalas sa kampuhan ang laban at pakikibaka ng mga manggagawa para sa demokratikong karapatan. Malawak ang larangan ng rebolusyonaryong paglaban. Sadyang kung sa kalsada at parlamentaryong aspeto lamang, talo ang manggagawa. Ngunit malaon nang iginuhit sa kasaysayan ng daigdig na ang pagbangon ng uring manggagawa at pagtangan sa armadong pakikibaka na pinamumunuan ng Partido Komunista ang siyang tanging kakalag sa

8 LAGABLAB NG BATANGAN Wakasan ang pambubusabos... mula pahina 7 8 tanikala ng pagka-alipin at busabos na paggawa. Ang laban ng mga manggagawa ng SIDC ay laban ng buong uring manggagawa. Walang ibang dapat gawin ang mga manggagawa ng SIDC at lahat ng pagawaan, mga miyembro at tagatangkilik ng SIDC at buong hanay ng inaaping mamamayan kundi suportahan at itaguyod ang g pakikibaka na sinindihan ng mga manggagawang tinanggal hanggang sa lumagablab ang talas at tagumpay nito sa buong lalawigan at kapuluan. Kailangang pahigpitin at itaas ng manggagawa ng SIDC ang pakikibaka nito; palawakin at palalimin ang pag-oorganisa sa pinakamalawak na bilang ng inaaping manggagawa at patuloy na mag-ambag sa paglakas ng demokratikong rebolusyong bayan sa pamamagitan ng pagpapasampa sa Bagong Hukbong Bayan ng pinakamaraming bilang ng hukbo mula sa uring manggagawa na tatangan sa bandila ng Marxismo-Leninismo-Maoismong Partido ng uring proletaryado.! LUMABAN PATUGO: Mayamang Pakikibaka sa Pusod Dayuhang Pagmimina ng Ginto, Bigo sa Bayan ng Lobo! Matagumpay na napigilan ng libu-libong mamamayan ang dayuhang pagmimina ng ginto ng Mindoro Resources Limited (MRL) Egerton Gold Philippines Inc. sa bayan ng Lobo. Matapos ang malaking kilos protesta noong Hunyo 29, 2015 sa bayan ng Lobo na nilahukan ng mahigit 2000 katao, napilitang iatras ng Sangguniang Bayan ng Lobo ang inilabas nitong resolusyon na nagbibigay pahintulot sa nakaamba nang operasyon ng pagmimina sa nasabing bayan. Taong 2003, nagsimulang magsagawa ng eksplorasyon sa pagmimina ng ginto ang Mindoro Resources Limited, isang Canadian mining firm sa humigit-kumulang ektaryang kabundukan ng Lobo, Rosario, San Juan, Taysan at Batangas City. Taong 2014, nagpasa na ng Declaration of Mining Project Feasibility (DMPF) sa DENR ang MRL-EGPI para sa Lobo at Archangel Project habang tuloy-tuloy pa rin hanggang sa kasalukuyan ang eksplorasyon nito sa iba ng Kabundukan ng Batulao pang bahagi ng Lobo at iba pang bayan na saklaw ng MPSA (Mineral Production Sharing Agreement) nito. Ang DMPF ay mahalagang rekisitos upang makakuha ng ECC (Environmental Compliance Certificate) mula sa DENR-EMB at mining permit mula sa DENR-MGB upang aktwal nang makapagsimula nang pagmimina. Nakuha ng MRL-EGPI ang pag-apruba ng Sangguniang Barangay ng 10 sa mga barangay na sasaklawin ng pagmimina habang naglabas naman ng Municipal Board Resolution ang Sangguniang Bayan ng Lobo. Subalit, mariin itong tinutulan at kinundena ng malawak na hanay ng mamamayan ng Lobo dahil wala itong karampatang pagkonsulta sa apektadong komunidad. Mahigpit ding tinutulan ng iba t ibang maka-kalikasang samahan sa lalawigan ang nasabing proyekto dahil sa nakaamba nitong pagsira sa Verde Island Passage, ang tinaguriang sentro ng mga sentro ng marine bio-diversity o yamang dagat sa buong mundo. Malawakang wawasakin ng open-pit na pagmimina ng ginto ang mga kabundukan sa lalawigan, lalo na ang mga sakahan at pangisdaan at tiyak na magdudulot ng delubyo ng malawakang dislokasyon at kalamidad sa mamamayang Batangenyo.! Ang lupang Patugo ay isang baryong matatagpuan sa bayan ng Balayan sa Kanlurang Batangas, sa tinaguriang distrito ng tubo at turismo. Mayroon itong 7 sityo at kabuuang lawak na mahigit 1500 ektarya kung saan malaking bahagi ay bulubundukin. Ang mga ninuno ng mga magsasaka sa Patugo ang siyang naghawan at unang nagpaunlad sa dating magubat na lupain. Mahigit pitong dekada na ang lumipas mula nang hinawan, binungkal, pinagyaman at tinitirahan ng mga magbubukid ang lupain. Nakaumang sa mayamang kabundukan ng Batulao ang proyektong Batulao Nature City ng Metro Tagaytay Land Co. Inc (MTLCI) at Landco na sasaklaw sa mga lupa at pananirahan ng mga magsasaka sa Patugo. Layon ng proyektong itransporma ang Bundok ng Batulao sa bakasyunan, tirahan, palaruan at libangan ng mga dayuhan at mayayaman. Itatransporma ang lupain sa isang residensyal na resort, nature parks, spa hotel, golf complex at forest reserve. Biktima ang mga magbubukid ng Patugo ng monopolyo sa lupa at mga mapanlinlang na programa sa repormang agraryo tulad ng PD 27 ni Marcos at CARP (Comprehensive Agrarian Reform Program) ni Corazon Aquino. Sa ilalim ng PD 27, naisyuhan ng Certificate of Land Transfer (CLT) ang 86 magsasaka sa saklaw ng 106 ektarya sa Sitio Sahing. Dekada 90, sinaklaw ng CARP ang 1003 ektaryang lupain ng mga Lopez- Manzano-Rubio. Subalit sa pamamagitan ng mga maniobra at sabwatan ng DAR, MARO, PARO, panginoong maylupa at lokal na pamahalaan, binalewala at napawalambisa ang CLOA ng mga magsasaka. Ilang serye ng pagpapalit-palit ng titulo ang ginawa ng Registry of Deeds mula 1994 hanggang 1995 kahit alam nitong sinaklaw na ng CARP at naisyuhan na ng CLOA Nanindigan ang mga magbubukid na ang lupa ay buhay at ang pagkawala nito ay nangangahulugan ng kamatayan para sa kanilang pamilya. ang mga magsasaka sa nabanggit na lupain. Tiniyak naman ng lokal na pamahalaan at Sangguniang Bayan na maisyuhan ng kinakailangan nilang permit ang debelopment ng Batulao Nature City habang ang korte naman ang naging kasangkapan sa paulit-ulit na pagkakaso sa mga magsasaka mula sa ejectment hanggang sa pagkakaingin na diumano ay nakakasira ng kabundukan, gayong mas masahol kaysa dito ang iluluwal na pinsala ng plano nilang pagbutas sa bundok para sa Batulao Nature City. Sinasamantala ng mga panginoong maylupa at mga korporasyon ang kawalang muwang ng mga magsasaka sa batas. Pinaasang magkakaroon ng lupa sa ilalim ng mga batas para sa repormang agraryo. Mahusay na ginamit ng mga panginoong-maylupa ang panawid-gutom na kita ng mga magbubukid, ang kawalan ng patubig at mataas na presyo ng abono at pestisidyo upang mapaaasa sila na uunlad pa ang kanilang pamumuhay at tataas pa ang kanilang kita kung sasangayon at pipirma sila sa iskema ng JOINT VENTURE AGREEMENT, ang kasunduang pabor sa korporasyong pagaari at kontrolado nila. Ang mga panggigipit, pananakot at paglabag sa karapatan ng mga magbubukid ang sagot ng panginoong maylupa estadoara kontrahin ang pagkamulat ng mga magbubukid at pagkabisto sa iba t-ibang mga panlilinlang nila, supilin at panghinain ang pagtutol sa bentahan at ang paggiit ng mga magsasaka sa kanilang karapatan sa lupa. Mabilis ang pagkamulat ng mga magbubukid sa kahuwaran ng CARP at ang kainutilan ng mga ahensya ng DAR. Nalantad din ang sabwatan ng mga panginoong maylupa, mga korporasyon at militar sa marahas na pag-agaw ng lupa sa mga magsasaka. Natutunan nila na ang interes ng mga panginoong maylupa ay hindi kailanman aayon sa interes ng mga magsasaka na magkaroon ng sariling lupa. Sa ilalim ng Lakas Ugnayan ng Magbubukid sa Patugo (LUMABAN- PATUGO), nabuo ang pagkakaisa sa hanay ng mga magbubukid. Natuto mula sa kanilang karanasan at inigpawan ang kahirapan at mga limitasyong idinulot ng mga pagkakamali bunga ng panlilinlang at pambubuyo. Naging matatag sila sa paggigiit sa kanilang karapatan sa lupa. Natututo silang makibaka at tumukoy sa mga tunay na susuporta sa kanilang interes. Matagumpay nilang binibigo hanggang sa kasalukuyan ang antimagsasakang proyektong magpapalayas sa kanila at mapagpasyang napigilan ang konstruksyon sa 20 ektaryang relocation area na nakaapekto sa 38 kapwa nila magsasaka. Higit sa lahat, natutunan ng mga magsasaka ng Patugo ang kahalagahan ng rebolusyonaryong paglaban. Hanggang sa kasalukuyan, hindi natitinag ng anumang mga panliligalig at desperadong hakbangin ng estado, burgesya at panginoong maylupa ang mga magsasaka ng Patugo dahil patuloy itong naninindigan, nagpapatatag at nagtataguyod ng rebolusyonaryong pakikibaka.!

9 LAGABLAB NG BATANGAN 9 Ang Pag-uwi at Paghimlay sa mga Labi ng Isang Bayani: Parangal kay Ka Roger Rosal, Martir ng Sambayanan Makulay, maningning at makasaysayan na ipinagdiwang ng Bagong Hukbong Bayan sa buong bansa ang ika-47 taong Anibersaryo nito noong Marso 29, Sentrong aktibidad nito ang paghahatid at paghihimlay sa labi ng namayapang tagapagsalita ng Partido Komunista ng Pilipinas (PKP) na si Kasamang Gregorio Roger Rosal, kasama ng labi ng asawa na si Rosario Ka Solly Lodronio sa kanyang lupang tinubuan sa Ibaan, Batangas. Dinaluhan ng libu-libong mamamayan, kasama, kaanak at mga kaibigan ni Ka Roger ang mga inilunsad na aktibidad noong Marso 29 hanggang 31 mula sa Kamaynilaan hanggang sa lalawigan ng Batangas bilang pag-dakila at pagpaparangal sa kanyang alaala at ambag sa pambansa demokratikong pakikibaka. Mainit na sinalubong ng mga mamamayang Batangenyo mula sa iba t ibang sektor at bayan ang pag-uwi ng mga labi ni Ka Roger humigitkumulang limang taon matapos ang kanyang kamatayan. KARANIWANG TAO, DAKILANG REBOLUSYONARYO Sa buong panahon ng rebolusyonaryong pagkilos ni Ka Roger, hinangaan at kumintal sa isipan ng masang magsasaka ang kanyang kasigasigan, katatagan at puspusang paglilingkod sa inaaping sambayanan. Mula sa uring magsasaka na dama ang kahirapan at kasalatan sa buhay, mabilis na nagagap ni Ka Roger ang mga prinsipyo at programa ng rebolusyon. Nagsimulang maging kritikal si Ka Roger matapos siyang makaranas ng diskriminasyon sa isang pagawaan ng kulambo sa kanilang lugar. Nang mga panahon na iyon, marami sa kanyang mga kababaryo ang naghahangad na makapagtrabaho sa nasabing pagawaan subalit hindi kwalipikado dahil kailangan umano ay hayskul gradweyt. Nang makatapos si Ka Roger nang hayskul at mag-aplay siya dito, hindi pa rin siya tinanggap dahil naman umano kulang siya sa height. Dahil sa madalas na pakikinig sa balita at mga pampulitikang kaganapan, naging kritikal sa lipunan si Ka Roger hanggang maorganisa siya sa Kabataang Makabayan. Pinangunahan ni Ka Roger ang pag-oorganisa hanggang lumaganap ang Kabataang Makabayan sa malalaking eskwelahan sa Batangas. Naging organisador din siya ng mga manggagawa bago nahuli noong 1973, panahon ng diktadurang Marcos kung saan malaganap ang pag-aresto sa mga aktibista at kritiko ng batas militar kahit walang nakasampang demanda. Subalit hindi nagtagal sa kulungan si Ka Roger. Kasama siya sa 5 bilanggo ng Camp Vicente Lim sa Canlubang na matagumpay na nakatakas. Mula noon hanggang sa kanyang kamatayan, nagtuloy tuloy na sa pagkilos sa kanayunan si Ka Roger at mula sa simpleng itak na unang armas na ini-isyu sa kanya ay lumawak at dumami ang kanyang mga ginampanang tungkulin sa Partido at rebolusyon. Kasama si Ka Roger sa mga unang bumalikat ng mabigat na tungkulin ng pagpupundar ng armadong pakikibaka sa Timog Katagalugan. Mula sa 10 hukbo sa unang sonang gerilyang pinasukan niya sa hangganang Quezon-Bicol noong Abril 1974, lumawak at lumakas ang Bagong Hukbong Bayan at naging matatag na bastiyon ng armadong rebolusyon ang sonang ito sa buong rehiyon hanggang sa kasalukuyan. Sa loob ng sonang gerilya, nakilala ni Ka Roger ang kanyang kabiyak na si Ka Solly, isang kabataang magsasaka. Buong pagsisikap nilang itinaguyod ang isang rebolusyonaryong pamilya at nagkaroon ng dalawang anak. Ayon kay Ka Roger ang isang matagumpay na pagpapamilya ay kung nakakatulong at nagiging inspirasyon ito sa pagsusulong ng rebolusyonaryong pakikibaka. Mahigpit na tinanganan ni Ka Roger ang paninindigang ito, kahit sa gitna ng matinding pagsubok na kinaharap niya bilang isang ama nang dukutin ng mga militar ang kanyang 6- na taong gulang na anak upang pilitin na manawagan sa radyo at pauwiin silang magasawa. Sa halip na manghina, aktibong nilabanan ni Ka Roger ang ganitong taktikang saywar ng kaaway. Nananawagan siya sa radyo at sa pamamagitan ng malawak na network ng mga kaibigan at kakilala sa midya ay nailantad niya ang maruming taktika at pamamaraan ng kaaway sa pagsupil sa rebolusyonaryong kilusan. TINIG NG REBOLUSYON, MARTIR NG SAMBAYANAN Cellphone at transistor radio ang kamay at paa ni Ka Roger sa seryoso at masikhay na pagtupad sa kanyang tungkulin bilang Tinig ng Rebolusyon. Simple ngunit matalas na nailalahad niya ang paninindigan at pagsusuri ng Partido sa mga isyung pambayan. Nakuha niya ang respeto at pagkilala ng mga mamamahayag sa iba t ibang larangan ng midya sa kanyang masigasig na pagsasapubliko ng mga napapanahong pahayag ng pambansa demokratikong rebolusyon mula nang maging tagapagsalita siya ng New People s Army Melito Glor Command noong 1982 hanggang sa maitalaga siya bilang tagapagsalita ng Partido Komunista ng Pilipinas noong Dahil sa mainit na pagmamahal at pagtataguyod ng masang magsasaka, hindi nagtagumpay ang kaaway na mahuli o mapatay si Ka Roger. Sa kabila ng samu t saring desperadong hakbangin ng kaaway, napanatili ni Ka Roger ang kanyang kaligtasan mula sa kamay ng pasistang estado sa piling ng malawak na masa sa kanayunan hanggang sa siya ay pumanaw bunsod ng sakit sa puso. Gayunpaman, hindi na mabubura pa kailanman ang naikintal na inspirasyon at rebolusyonaryong diwa ni Ka Roger sa buong sambayanan. Ipinapakita ng kanyang mayamang karanasan, buhay at pakikibaka sa simpleng paraan ang rebolusyonaryong adhikain ng karaniwang tao para sa pagpanday ng isang lipunang malaya at ganap na mapayapa.!

10 LAGABLAB NG BATANGAN MGA TULA 10 Ako At Ang Daga "Ka Aaron Mabuti pa ang daga Walang interes, walang problema Pwede na ang panis na pagkain Walang problema at wala nang lulutuin. Pwede siyang mahiga kahit saan magpunta. Walang banig (at kahit walang bubong) Kahit mag-anak ay marami Hindi maiiwang gutom. Walang kaaway na kagaya niya ring daga. Walang magtataboy Hindi palalayasin. Sadyang KANYA ang panis na pagkain. Sadyang KANYA ang silong ang kisame ang siwang Miski aparador (kung makakalusot). Ngunit.. OO NGA! May problema din ang daga!? Parang bulldozer ang pusang gusto siyang PALAYASIN! Parang sundalo ang pusang gusto siyang PATAYIN! Nagkalat ang LASON na laan sa KANYA! Nagkalat ang PAIN para sa KANYA! PARA SA KANYA! Kaya.. Pareho kami. AKO at ang daga. Hanggang kami'y magsawa na.. sa PANIS sa PAIN sa LASON sa PUSA!! Labis-Labis! "reg malaya Labis na pagtitiis sa kapitalistang sobrang bangis manggagawang tagaktak ang pawis upang kapitalista y kumita ng labis Lupang ninanais mabilis na napalis magsasaka y tumatangis sa pyudal na pagmamalabis businang matitin-is ng mga driver na mabibilis upang kumita ng pambigay kay misis nauubos na lang sa mahal nang krudo at langis Magsasaka ng Hacienda Roxas: Makibaka, Magbalikwas! " Belinda Bukirin Daang taon nang pagka-alipin sa lupang hinawan, binungkal, nilinang at pinagyaman mula sa mga gubat at sukalan, naging malawak na lupang sakahan. Hasyendang di malakbay ng abang paa umunlad, yumabong mula sa pawis at dugo ng masang magsasaka. Hacienda Roxas, muog ng panginoon ng mga ganid na sa lusak ng pagkabusabos tayo ay ibinaon. Hacienda Roxas na luklukan ng dilawan mga huwad na lider na kumukulimbat sa lupa t katas ng ating pinagpagalan... Napupuno ng daing at hinagpis ang bawat sulok at pitak nitong lupa sa pagyurak ng estado sa dangal nating mga dukha gumuguhit ang sigaw ng inaaping magsasaka para sa inaasam na lupa at sa napakailap na laya; sigaw na pumupulaknit sa buong hasyenda Hukbong Bayan at Mamamayan, Magkatuwang na Nagtatanggol sa Karapatan! "Ka Aljur Batangas, lalawigang puno ng usapin samu t saring isyu at mga problema nagpapahirap sa kabataan, kababaihan, manggagawa at magsasaka... Magsasaka y inaagawan ng sakahan manggagawa y tinatanggal sa mga pagawaan kabataang di makapag-aral kababaihang nilalapastangan sa kanilang karapatan Ngunit di nananahimik, di natatakot poot at galit ay sumisiklab may nag-unyon at natutong lumaban may tumangan ng armas at nagtungo sa kabundukan. Tuloy-tuloy sa pagkilos at pakikibaka hanggang sa buong lalawigan ay dumagundong ang walang humpay na paglaban ng aping magsasaka at manggagawa buong sikhay na nagtatanggol sa niyurakang karapatan Mabuhay ang sambayanan, Mabuhay ang Bagong Hukbong Bayan!! kabataang peti-burgis pinahihirapan ng tuition fee increase togang matagal nang ninanais hindi matalis sa hirap ng pagtitiis Tayo na t lagutin ang paghihinagpis mamamayan magkakaisa at magbibigkis hahawak ng katorse at disi-sais at sa bawat buhay at dugong ibubuwis pagsasamantala y ating mapapalis!! sigaw na pumapailanlang sa kabundukan nakaaabot sa kasuluk-sulukan nitong malawak na lunsaran ng digmang bayan. Mga magsasaka ng Hacienda Roxas walang ibang landas kundi armadong pagbalikwas Gapiin, lupigin burgesya t berdugo itakwil, palayasin nagbabalalat-kayong mga sugo At sa sama-samang pagbangon ng aping magsasaka mananaig ang tagumpay ng pakikibaka rebolusyon lamang ang magpapalaya sa daantaong pagkaduhagi sa lupa!! ALAY SA MGA MARTIR NG MATAAS NA PULO "Belinda Bukirin Sa malawak na kabundukan ng Mataas na Pulo Aping magsasaka at hukbong bayan nagtagpo Tinangkilik ng masa rebolusyonaryong hukbo Tanging sandata upang burgesya y maigupo. Taglay ang hangaring lupigin mga sakim na panginoon, masang binubusabos ay tumangan sa rebolusyon. Ngunit sadyang di banayad itong landas na tinunton laging handang manakmal mapanugis na estado at bayaran nitong kampon. Sa tuwina y hangad supilin ang ating layon dahas at pamamaslang ang laging tugon. Kaya t isang hapon ng Oktubre taong nakalipas pataksil na sumalakay ang mga pangahas. Sa gitna ng nag-aalimpuyong ulan, pinaslang ng mga pasistang militar ang apat na kasama at isang inosenteng sibilyan. Sa layong bigwasan ang Bagong Hukbong Bayan, karahasan ang inihasik sa lupang ipinaglalaban... Sina Ka Jing, Ka Fort, Ka Sam at Ka Panos; mga martir ng pakikibaka sa lupa at laya, Ngunit di matatakpan ng dugong ikinulapol ng mga berdugo sa kabundukan ng Mataas na Pulo ang giting at tapang ng minamahal nating mga Hukbo ng Bayan Hangga t hindi nawawakasan pagsasamantala at aping kalagayan masang magsasaka ay patuloy na tatahak sa landas ng digmang bayan Walang anumang karahasan ng estado ang makapipigil sa paglakas at pananaig ng nakikibakang sambayanan. Malulupig ang mga mapanupil na panginoong maylupa bawat burgesyang yumuyurak sa ating dangal, buhay at laya ay siya nating ibabaon sa inagaw nilang lupa!!

11 LAGABLAB NG BATANGAN 11 Buhay at Pakikibaka ng mga Maralita ng Sta. Clara: Mukha ng Pakikibaka laban sa Imperyalistang Pandarambong at Bulok na Estado Sa buong bansa, matingkad at maningning ang iginuhit na kasaysayan ng pakikibaka ng mga mamamayan ng Sta. Clara sa lungsod ng Batangas para sa kanilang karapatan sa lupa, panirahan at kabuhayan hanggang sa pagkamit ng pinakaaasam na hustisyang panlipunan. inilalako ang anas habang d an M r o ad ong Oktubre Si Gubern o : n et ki rn es te ch In le K la sa do r Michael Larawan mu US Ambassa y ka rt o P s Batanga Hunyo 27, Bata-batalyong sundalo at kapulisan ang ginamit ng estado at ng Philippine Ports Authority (PPA) sa iligal at marahas na pagdemolis sa kabahayan ng 1568 maralitang pamilya ng Sta. Clara. Gamit ang iba t ibang iskema ng pandarahas at panlilinlang, naitaboy ng estado ang kalakhan na pumasok sa mga miserableng relocation site kung saan hindi naglaon ay naramdaman nila ang kalbaryo ng hungkag na relokasyon at kawalan ng kabuhayan matapos mapalayo sa pantalan. Sa dulo, sa pantalan pa rin bumalik at pangunahing naghanap ng ikabubuhay ang mga nademolis. Samantala, ang iba ay nagtayo ng mga kubol sa karatig na bakanteng lote sa Villa Anita habang ipinagpapatuloy ang paglaban. BAWI LUPA, ang nagkakaisang sigaw ng mga naging biktima ng karahasan ng gubyerno. Itinaguyod ng mga mamamayan ang rebolusyonaryong pakikibaka laban sa mapanupil na estado at malakihang nag-ambag sa pagsulong ng rebolusyonaryong kilusan ng aping mamamayan sa lalawigan. Dahil sa lakas ng pagkakaisa ng mamamayan at armadong pakikibaka sa lalawigan, naitulak ang estado na magbayad ng danyos sa winasak na pag-aari ng mga maralitang dinemolis habang nananatiling nakasalang sa reaksyunaryong korte ang usapin sa pagma-mayari sa lupa. Mula sa solidong pagkakaisa at malalim na pagtangan sa diwa ng kolektibong pamumuno, binigyang buhay ng mamamayan ang prinsipyo ng alternatibong kaunlaran nang matagumpay nitong maitayo ang isang independyenteng komunidad ng mga rebolusyonaryo sa pusod ng dambuhalang daungan, na pinangangasiwaan ng People s Coalition for Alternative Development (PCAD). Ang komunidad na ito ang simbolo ng nagpapatuloy na paghamon at paniningil ng mga maralitang biktima ng demolisyon sa marahas na estado at sa di-binibitawang pakikibaka para sa pagbawi sa lupa, buhay at kabuhayang inagaw ng gubyerno. Ang komunidad ng Sta. Clara ang kinatatayuan ng dambuhalang daungan na kilala bilang Batangas International Port, ang tinaguriang flagship project ng Proyektong CALABARZON, isang panrehiyong programang pangkaunlaran na pinasinayaan sa ilalim ng rehimeng Corazon Aquino noong dekada 90. Upang bigyang daan ang proyektong ito, ginamit ng estado ang buong kapangyarihan nito at minobilisa lahat ng mga mapanupil na instrumento tulad ng korte, kapulisan at militar upang maagaw ang lupa sa mamamayan, marahas na wasakin ang kanilang mga tahanan at maitaboy sila palabas ng pantalan. Hindi nagtagumpay ang estadong wasakin ng mga maso at bulldozer ang muog ng pagkakaisa at rebolusyonaryong paninindigan ng mga mamamayan ng Sta. Clara. Tuloy-tuloy na isinulong ng mamamayan ang pakikibaka para sa paggigiit ng kabuhayan sa loob ng daungan at paniningil sa ipinangakong kaunlaran ng estado at ng PPA. Taong 2000, naipagtagumpay ng mga mamamayan ang Vendors Plaza kung saan nagkaroon ng puwesto sa loob ng Batangas Port ang mga maninindang nademolis. Kasunod nito, taong 2002, ipinatayo ng noon ay gubernador na si Hermilando Mandanas ang Batangas Port Livelihood Center (BPLC) na naitulak ng mas maigting na pakikibaka para sa kabuhayan sa loob ng daungan. Subalit, dahil wala sa interes ang estadong paunlarin at bigyang katiyakan sa kabuhayan ang mga maralita sa loob ng daungan, naging paimbabaw ang mga programang pangkabuhayan nito. Maliban sa 23 puwesto na ibinigay sa mga manininda sa loob ng BPLC, naging palamuting gusali lamang ito. Matapos gastusan ng multi-milyong inutang pa ng panlalawigang pamahalaan ay hindi rin nag-operate dahil inilipat ng PPA ang operasyon ng mga bus upang lalong gipitin ang mga manininda. Taong 2008, Paskong gutom at karahasan ang sinapit ng mga maralita ng Sta. Clara matapos ilipat ang ruta ng bus palayo sa Vendors Plaza. Sa halip na tugunin ang karaingan ng mga maralita na mapayapang nag-rally papuntang munisipyo, ipinahuli at iligal na ipinakulong ang 14 na manininda at marahas na pinagat pabalik sa komunidad. Taong , iniamba ang pagtatayo ng Ocean View Plaza sa balangkas ng full internationalization ng Batangas Pier na pakana ng rehimeng Noynoy Aquino. Sa ilalim ng proyektong ito, ang BPLC ay ibubuyangyang sa malalaking mga investors at walang puwang ang maliliit na manininda. ANG MAKA-IMPERYALISTANG TUNGUHIN NG BATANGAS INTERNATIONAL PORT SA ILALIM NG ADMINISTRASYONG MANDANAS Sa muling pag-upo ni Gubernador Mandanas, isa sa mga pangunahing isinusulong niya ang pagpapatakbo sa BPLC upang papasukin ang malalaking mga kapitalista at mamumuhunan at pagsilbihan sa pangkabuuang disenyo ng internasyunalisasyon ng operasyon ng daungan ng Batangas. Ang pagsasaayos at pagbubukas ng operasyon ng BPLC bilang isang 30storey commercial building ang isa sa mga pangunahing programa na isinusulong ngayon ng administrasyong Mandanas. Sa ginanap na First Batangas Investment Forum noong Setyembre 2016, inilatag ni Gubernador Mandanas ang kanyang mga diumano y proyektong pangkaunlaran kabilang ang plano sa BPLC at kanyang programang BLITZ (Batangas Logistics International Terminal Zone) kung saan planong isailalim sa reklamasyon ang kasalukuyang terminal ng Batangas Port hanggang sa boundary ng pasilidad ng Shell. Kasalukuyan nang isinasagawa ang feasibility study sa nasabing proyekto na

12 LAGABLAB NG BATANGAN (Buhay at Pakikibaka... mula pp11) 12 pinangungunahan ng mga Tsinong mamumuhunan na siya ring nagtayo sa Port of Shanghai at Port of Ningbo sa Zheijiang sa bansang Tsina. Naka-balangkas ang mga programang ito sa rekomendasyon ng USAID na ang Batangas Port ang susi sa diumano ay pagpapaluwag sa mga operasyon ng Pier ng Maynila. Kaalinsabay nito, plano ng administrasyon Mandanas na isulong sa loob ng tatlong taon ang debelopment ng Phase III at Phase IV ng Batangas International Port, na palalawakin at tatayuan ng mga export processing zones at free trade zone. Humgit 130 ektaryang lupa ang saklaw ng programang ito at tiyak na sasagasa sa mga panirahan at kabuhayan ng libu-libong mamamayan sa mga komunidad sa paligid ng daungan. Sa pagbisita ng US Ambassador na si Michael Klecheski sa Batangas noong Oktubre, ipinakita rito ni Mandanas at ng PPA ang mga oportunidad para sa mga negosyo ng US sa loob ng daungan. Taong 2011, ipinanawagan ni Aquino sa kanyang SONA (State of the Nation Address) noong 2011 ang full internationalization ng Batangas Port. Karugtong nito, sa kaparehong taon ay isinulong naman ng administrasyon ni Gubernadora Vilma Santos-Recto ang proyektong pagtatayo ng Ocean View Plaza. Subalit binigo ng militanteng pagkilos ng maralitang mamamayan ng Sta. Clara ang hakbanging ito. Mapagpasyang nagsanib puwersa at muling nagkaisa ang iba t ibang asosasyon ng mga manininda at organisasyon ng mga mamamayan sa mga komunidad na minsan nang pinagwatak watak ng mga pataksil na maniobra ng estado, upang biguin ang pagtatayo ng Ocean View Plaza na nakaambang magpalayas sa mga manininda sa loob ng daungan. Ang ganitong pagkakaisa ang muling ipinapakita ngayon ng mga manininda at maralita ng Sta. Clara sa pagharap sa panibagong pagyurak ng estado sa kanilang demokratikong karapatan. Simula t sapul nang iguhit ng gubyerno ang plano sa paglikha ng dambuhalang daungan sa ilalim ng Proyektong CALABARZON, sadyang nakabalangkas ito sa pagtugon sa paglabas-masok ng mga produkto para sa mga negosyo ng dayuhan at malalaking kapitalista. Layunin ng internasyunalisasyon ng daungan ng Batangas na suhayan ang mga itatayo pang mga engklabo at industriya ng mga burgesya kumprador at malalaking kapitalista sa lalawigan kung saan mas mabilis nilang maitatawid palabas ng bansa ang mga dadambungin nilang likas yaman sa lalawigan. Katunayan, noong 2011, kagyat na tiniyak ng CrazyHorse Mining ang 16-ektaryang pasilidad sa loob ng Batangas International Port upang mabilis nitong mailabas nang bansa ang mahuhukay na ginto at mineral oras na magsimula ito ng operasyon ng pagmimina sa kabundukan ng Taysan. Para sa estado, nananatiling malaking banta ang mga nakikibakang maralita ng Sta. Clara sa pamamayagpag ng imperyalistang interes sa daungan ng Batangas. Subalit kahit ano ng iskema ng panlilinlang, karahasan at panggigipit sa kabuhayan ang gawin ng estado sa mga mamamayan ng Sta. Clara, hindi na nito matitibag ang muog ng rebolusyonaryong pakikibaka na tinahak, tinanganan at pinanghahawakan ng mga maralita ng Sta. Clara kaalinsabay ng mga tagumpay ng pakikibaka sa panirahan at kabuhayan na nakamit sa proseso ng paglaban at siyang magiging puhunan para sa pagkamit ng ibayo pang mga tagumpay at pagsulong hanggang sa pagbawi sa lupang inagaw ng estado.! Para sa Kalikasan at Mamamayan na Biktima ng Mapaminsalang Calaca Power Plant Isang buong komunidad sa bayan ng Calaca ang nabura sa mapa upang bigyang daan ang pagtatayo ng Batangas Coal Fired Thermal Power Plant (BCFTPP) o NPC/NAPOCOR sa Brgy. San Rafael, Calaca, Batangas. Sinakop nito ang 167 ektarya lupang agrikultural at panirahan ng mahigit 700 mamamayan. Ito ang unang pagpapalit-gamit ng lupang agrikultural sa industriya upang bigyang daan ang sinasabing kaunlaran ng bansa at bayan ng Calaca. Napalayas sa sariling tirahan ang mga residente at napadpad sa iba t-ibang karatig-komunidad ng Camastilisan, Salong, Quisumbin at Pag-asa. Walang inihandang relocation site ang NAPOCOR maliban sa gamumong bayad na di pa sapat pambili ng kapirasong lote at disenteng bahay. Setyembre 1984, pormal na nagsimula ang operasyon ng Calaca Power Plant. Ang pangunahing iginagatong dito (100%) ay uling na nanggagaling sa isla ng Semirara. Dahil sa mababang klase ng uling at sa likas na katangian nitong masunog (spontaneous combustion), hindi naglaon at naramdaman ng mamamayan ang epekto ng operasyon ng coal plant. Lumaganap ang mga sakit sa baga o respiratory diseases numero unong sakit na pumapatay sa mamamayan ng Calaca., batay sa datos mismo ng lokal na pamahalaan noong Nasaksihan din ng mga mangingisda ang paghina hanggang sa tuluyang pagkawala ng huli sa karagatan; nawala ang mga semilya ng sugpo, at lumayo ang mga isda. Ang mga halaman ay di na gaanong malulusog, naninilaw ang mga dahon, bumaba rin ang produksyong ani at kita ng mga magbubukid. Hanggang sa ngayon patuloy na iniinda ng mga mamamayan sa mga komunidad na nakapaligid sa planta ang mga epekto at perwisyong dulot nito, partikular sa mga barangay ng Camastilisan, Quizimbing, Pag-asa, Salong, Dacanlao at Bagong Tubig. Higit pang tumitindi ang epekto matapos ang ekspansyon o kontsruksyon ng Phase II ng planta at pagdadagdag ng kapasidad na panibagong 600 MW mula sa dati nang nakatayong 600 MW. Taong 2011, isinapribado na ang BCFTPP o NPC at napasakamay ng DMCI (Daniel M. Consunji Inc.) Dagdag pa rito ang panibago pang dalawang planta na tig-135mw na itinatayo din sa Calaca sa ilalim naman ng Ayala-TransAsia partnership at ang Pinamucan Coal Plant Project ng John Gokongwei Summit Holdings Inc. na pagsisilbihin sa nakatayong pabrika ng napthta-cracker sa lungsod ng Batangas. Kabalintunaan sa pangakong magsisilbi sa mamamayan ang dagdag na suplay ng kuryente, ang pribadong industriya ng enerhiya ay lalo lamang magpapahirap sa mamamayang patuloy na pinipigaan ng napakataas na singil. Walang ibang pinagsisilbihan ang mga itinatayong planta ng kuryente kundi ang mga naglalakihang industriya at negosyo ng mga burgesya kumprador tulad ng Bacnotan Industrial Park atbp sa kahabaan ng Balayan-Calaca. Kamakailan, malaking perwisyo at peligro ang inihatid ng halos isang linggong sunog sa Phoenix

13 LAGABLAB NG BATANGAN 13 Petroterminal/LPG depot ngunit walang substansyal na natamasang kabayaran sa danyos ang mga naapektuhang mamamayan. Mula 2014, nakasentro sa bayan ng Calaca bilang pinakamatandang plantang karbon sa bansa, ang internasyunal na kampanya laban sa coal na isinusulong sa Pilipinas ng iba t ibang grupong pangkalikasan tulad ng 350.org. Naging kabahagi ng alyansang ito ang mga mamamayan ng Calaca na naging biktima ng mapaminsalang coal plant. Hulyo 2016 inilunsad sa bayan ng Calaca ang isang Environmental Impact Mission sa pangunguna ng mga grupong pangkalikasan kung saan masusing siniyasat ang epekto sa kalikasan at sosyo-ekonomikong pamumumuhay ng mga apektadong mamamayan sa mahigit tatlong dekadang operasyon ng Calaca Power Plant. Pinagtibay ng nasabing misyon ang mga nauna nang karaingan ng mga residente hinggil sa mapaminsalang epekto ng planta. Masidhi na ang panawagan ng mga mamamayan ng daigdig na ganap na ipatigil ang pagtatayo ng mga coal plant dahil ibinubunsod nito ang global warming o labis na pag-init ng atmospera na nagdudulot ng pabagu-bagong klima o climate change. Ang coal o karbon ang pinaka-mura subalit pinakamaruming pinagkukunan ng enerhiya. Nagluluwal ito ng mga pambihirang kalamidad tulad ng tsunami, storm surge at matitinding bagyo na pumipinsala sa buhay at ari-arian. Gayunpaman, dapat maunawaan ng mamamayan na ang laban sa climate change ay hindi simpleng laban para sa pagtatanggol sa kalikasan. Ito ay pakikibaka para sa pagkakamit ng hustisya laban sa mga ganid na kapitalista at mga imperyalistang empresa na walang pakundangang nagtatayo ng mapaminsalang proyekto tulad ng coal plant para sa pagkakamal ng dambuhalang tubo, sukdulang wasakin ang mga komunidad, lupa, karagatan at magdulot ng panganib sa mamamayan. Ilang magigiting na mamamayang Batangenyo na ang nagbuwis ng buhay para sa pagtatagumpay ng pakikibaka sa lupa at kalikasan sa bayan ng Calaca. Taong 1986, dinukot at hindi na muling inilitaw pa ng mga militar si Erning Castillano, lokal na lider-magsasaka sa Brgy. Quizimbing at pinaslang naman si Alfredo Gonzales, tagapangulo ng SMBT noong Bilang pagtugon sa kahilingan ng masang biktima ng karahasan ng estado, makailang ulit na rin naglunsad ng aksyong militar at hakbang pamamarusa ang Bagong Hukbong Bayan sa mga berdugong militar na ginagamit ng NPC at DMCI. Sadyang upang maipagtagumpay ang pakikibaka laban sa coal plant, kailangang itaas ang antas ng paglaban ng mamamayan sa pakikibakang anti-imperyalista at anti-pyudal kung saan habang patuloy na nagpapalawak ang burgesya sa mga plantang pagkakamalan niya ng dambuhalang tubo, malawakang inaagaw ang lupa at pangisdaan sa mga mamamayan. Habang nagpapalawak at nagpapalaki ng kapasidad ang mga coal plant sa Calaca, binabantaan naman ng dislokasyon at pagkawasak ng kabuhayan ang 17 pang barangay sa baybay-dagat ng Calaca na pagtatayuan ng mga malalaking industriya na target suplayan ng kuryente mula sa itinatayong coal plant. Susi sa pagtatagumpay ng pakikibakang ito ang solidong pagoorganisa at pagmumulat upang mapakilos ang malawak na mamamayan laban sa coal. Tatanganan lamang ng masa ang labang ito kung mahigpit natin itong maikakawing sa dinaranas na pyudal na pagsasamantala ng masang magsasaka at mangingisda para sa tunay na repormang agraryo. Gayundin, magkakaroon lamang ng kaganapan ang pagkakamit ng tunay na pakinabang ng mamamayan sa anumang industriya ng enerhiya sa balangkas ng pambansang industriyalisasyon kung saan pampublikong interes at hindi pagkakamal ng tubo ang itataguyod na programa sa ekonomiya ng demokratikong gubyernong bayan.! Lumalaganap ngayon sa Kanlurang Batangas ang debelopment at konstruksyon ng mga planta ng diumano y renewable source o maka-kalikasang pagkukunan ng kuryente tulad ng plantang solar na pag-aari ng anak ni Loren Legarda sa Calatagan, at ang proyektong bioethanol na isinusulong sa bayan ng Nasugbu sa pamamagitan ng corporate farm o libung ektaryang lupain ng tubo na inaakumula ngayon ng kumpanyang BUKID VERDE gamit ang iba t ibang iskema ng pagdambong sa lupa mula sa mga maliliit na magsasaka. Apektado ng proyektong ito ang mga barangay ng Bundukan, Utod, Mataas na Pulo, Butocan at Latag. Sa tabing ng kunong pangangalaga sa kalikasan, nakakita ng panibagong pagkakamalan ng limpak na salapi at tubo ang burgesya at mga kapitalista sa pagtatayo ng mga planta ng renewable energy na sa esensya ay naka-balangkas pa rin sa pribadong industriya ng kuryente na nagpapahirap sa mamamayan. Ang BUKID VERDE ang kumpanyang nangangasiwa sa malawakang pagtatanim ng mga tubo na pagmumulan ng bioethanol. Ito ay sabsidyaryo ng BIO-EQ, malaking korporasyon na nangunguna sa pagdebelop ng kumbensyunal na pinagkukunan ng enerhiya tulad ng windmill, solar panel, geothermal, hydroelectric atbp. Sa ilalim ng proyektong bioethanol, nililinlang ang mamamayan sa pangakong magluluwal ito ng murang presyo ng gasolina at diesel sa buong bansa. Subalit, sa balangkas ng kasalukuyang pribatisasyon sa sektor ng enerhiya, tanging malalaking burgesya kumprador ang makikinabang sa proyektong ito. Sa pinaka-masahol, mismong mga biktima ng dislokasyon bunsod ng pagtatayo ng planta ang di nakakapagtamasa ng serbisyo sa kuryente tulad ng sinapit ng mga mamamayan ng Calaca sa pagtatayo ng Batangas Coal Fired Thermal Power Plant. Tinaguriang Most Powerful Province ang Batangas dahil nandito ang napakaraming mga planta ng kuryente at panggatong. Luntiang Panabing sa Pyudal na Pagsasamantala sa Tubuhan sa Kanlurang Batangas Pero dahil pribadong pagmamay-ari ng mga dayuhan at malalaking burgesya kumprador tulad ng mga Aboitiz, Lopez, DMCI, Ayala atbp ang mga planta at kumpanyang supplier ng kuryente at panggatong, nagagawa nilang katasin mula sa naghihikahos na taumbayan ang pinakamataas na presyo at singil nang walang anupamang regulasyon mula sa inutil na gubyerno. PAGPAPATINDI NG PYUDAL NA PAGSASAMANTALA Maagang bahagi ng 2016 nang ipaarkila ng panginoong maylupa na si Ruben Rodriguez sa BUKID VERDE ang mga kinamkam nitong lupa mula sa mga magsasaka ng Latag at Kay-Igtiw. Taong 2005, inangkin ni Rodriguez ang lupaing sinasaka ng mga taga-latag at Kay-Igtiw matapos umano niya itong mabili sa bangko. Sa malawakang pagpasok sa pataniman ng bio-ethanol, tiyak na magbubunsod ito ng malawakang pagpapalayas sa mga magsasaka. Sa pamamagitan ni Rodriguez, tinitiyak ng BUKID VERDE na makukumpleto ang 1000 ektaryang lupain na target nitong pagtamnan ng tubo para sa bio-ethanol. Bukod sa mga lupaing kinamkam ni Rodriguez, isinama rin niya pati ang mga bahagi ng bundok at para iangkop sa taniman ay binuldozer at pinatag. Handang sirain ng BUKID VERDE ang natural na porma ng lupain at kabundukan. Kaugnay nito, walang pakundangang binutas din ang kabundukan upang gawing kalsada na magpapabilis sa transportasyon ng tubo patungo sa planta ng Bio-EQ sa Lobo-Lobo ng Magallanes, Cavite kung saan ito ipoproseso upang maging bioethanol. Ang high yielding variety o klase ng tubo na pagkukunan ng bio-ethanol ay sinusustentuhan ng maraming

14 LAGABLAB NG BATANGAN 14 kemikal na pestisidyo at abono upang magawa nitong makapag-ani ng tatlong beses sa isang taon. Masyado nitong gagawing acidic ang lupa kaya t lalong hindi na ito matatamnan ng mga magsasaka ng ibang produktong pangkonsumo tulad ng palay, balinghoy, gulayin at iba pa maliban kung gagamitan din niya ng malaking halaga ng abono. Sa kalagayang inaaryendo ng BUKID VERDE ang ilang mga lupaing pinatatamnan ng tubo, mapabalik man ang lupa sa mga magsasaka matapos itong gamitin ay tiyak na hindi na rin mapapakinabangan at maitutulak ang mga magsasakang ibenta na lamang ito sa murang halaga. Matinding pagsasamantala sa mga magsasaka ang iluluwal ng bio-ethanol sapagkat sa tubong ito ay mas marami ang molasses na malilikha kaysa pstc kaya kung ito ang itatanim ng mga magsasaka ay tatalunin ang mga ito sa presyo dahil sa laki ng kanilang gastos sa produksyon. Matindi ring mapagsasamantalahan ng proyektong ito ang mga manggagawang bukid na nakatatanggap lamang ng sahod na halagang Php315 kada araw: napakalaking kulang sa aktwal na pangangailangan ng isang pamilya upang mabuhay ng disente. ANG LABAN PARA SA TUNAY NA REPORMA SA LUPA: Ang kasalukuyang laban ng mga mamamayang sinasaklaw ng proyekto ng BUKID VERDE ay nakaimbudo pa rin sa paglaban ng mamamayan para sa Tunay na Reporma sa Lupa. Ang suliranin ng mga magsasaka sa mapanlinlang na proyektong bio-ethanol ay dahil sa kawalan ng tunay na repormang agraryo, na siyang magtitiyak sa karapatan ng mamamayan sa pagbubungkal. Subalit sa kasalukuyang reaksyunaryong karakter ng nakatayong gubyerno, walang aasahang makabuluhang pamamahagi ng lupa ang mga magsasaka. Makakamit lamang ito kapag naitayo na ang isang demokratikong gubyernong bayan na siyang magpapatupad ng tunay na reporma sa lupa at pangangalaga sa demokratikong interes at karapatan ng mamamayan. Upang maipagtagumpay ang pakikibaka sa lupa, kinakailangang pahigpitin ng mga mamamayan ang pagtangan sa armadong pakikibaka. Ang ginawang aksyon pamamarusa ng Bagong Hukbong Bayan (BHB) sa mapaminsalang proyektong ito ng BUKID VERDE noong Hunyo ay bilang pagtugon na sa malakas na kahilingan at daing ng inaaping magsasaka. Kinakailangang mas ibayo pang pahigpitin ng mga magsasakang apektado ng proyektong ito ang pagmumulat, pag-oorganisa at pagpapalawak sa mga karatig sityo at baryo at pagpupunyagi na pandayin ang isang rebolusyonaryong baseng masa para sa paglakas at pagsulong ng rebolusyon sa mas mataas na antas. Tanging sa tagumpay lamang ng demokratikong rebolusyong bayan magkakaroon ng kaganapan ang pangarap ng mga magsasakang magkaroon ng lupa at magtamasa ng kasaganaan at katiwasayan sa lupang binubungkal.! Patungan: Larawan ng Pang-aapi, Inspirasyon ng Paglaban! Isang paraisong nakaharap sa karagatan at napapalibutan ng kabundukan ang Brgy. Patungan na makikita sa karatig bayan ng Nasugbu sa Maragondon, Cavite. Ang 602- ektarya bahaging kabundukan nito ay saklaw ng Hacienda Looc na inaangkin ni Henry Sy habang ang bahaging baybayin ay inaangkin sa kasalukuyan ng Maria Theresa Virata (MTV) Corporation. Mahigit 200 kabahayan na may 353 pamilya ang kasalukuyang apektado ng nakaambang proyekto ngg MTV. Pangingisda ang pangunahing hanapbuhay ng mga tao habang ang iba ay sa pagsasaka pangunahin kumukuha ng ikabubuhay. Subalit, nagulo ang matahimik na pamumuhay ng mamamayan dahil sa pagangkin nina Henry Sy, Virata at Panlilio sa lupang matagal nang binubungkal ng magsasaka at sa baybay dagat nilang panirahan. Sa kabila ng ilang magsasaka ang naging benepisyaryo ng huwad na CARP at PD27. tahasan itong binalewala ng estado. Sagaran nang pang-aapi at pambubusabos ang ginagawa ng estado sa mga taga- Patungan. Ang mga mangingisda ay pinagbabawalan na mapagawi sa coastal area na saklaw ng Hamilo Coast ni Henry Sy. Isinarado ang pasukan patungo sa cove at pinagbawalan pumasok ang mga mangingisda. Ipinagbawal din ang pagtatayo ng bagong bahay at lagi nang may amba ng demolisyon. Upang sapilitang palipatin ang mga tao sa relocation site, matinding ginigipit ng sabwatang estado-debeloper ang mga mamamayan at sukdulang pinabayaan na sila ng reaksyunaryong gubyerno mula barangay hanggang panlalawigan. Inabandona na sila ng kanilang kapitan at noong eleksyong 2016 ay tinangka pa silang hindi pabotohin subalit binigo nila ang pakanang ito. Nais palayasin ng MTV-Henry Sy Joint Venture ang mga maralitang mangingisda at magsasaka upang pagtayuan ng International Resort and Condominium Project na ang pondo ay magmumula sa PPP. Subalit, pinagtatakpan ng lokal na pamahalaan ang ganitong balakin sa pamamagitan ng pagpapalabas na kaya idedemolis ang mga tao ay upang ilayo daw sila sa danger zone bilang bahagi diumano ng paglaban sa climate change. Sa ilalim ng PP 1520, idineklarang tourism zone ang Nasugbu-Ternate-Maragondon, pabor sa makauring interes ng mga burgesya kumprador tulad ni Henry Sy at mga Virata na nais itransporma sa kanlungan ng dayuhang turista at mayayaman ang Patungan para pagkamalan ng salapi. Ilang serye na ng gawa-gawang kaso ang isinampa sa mga mamamayan tulad ng Unlawful Detainer sa mga magsasaka, iligal na paghuli at pagkukulong sa lokal na lider na sina William Castillano at Lorenzo Obrado matapos ang iligal na pag-raid sa kanilang bahay gamit ang isang depektibong search warrant at kasong Illegal Detention sa mga kababaihan nang kumprontahin nila ang mga nagkakampong guwardiya sa komunidad. Napakaraming paglabag na rin ang naranasan nila tulad ng panunutok ng baril sa 20 kababaihan na sumuporta sa pagtatayo ng bahay ng kanilang kababaryo; intimidasyon at panghihipo ng mga security guards sa matatandang kababaihan, at pagtampalasan sa kabuhayan ng mamamayan tulad ng pagtatapon ng mga pinahihinog na bungang mangga, malagkit na palay, pagsira sa coleman, pagbabawal na mamutol ng kahoy na panggatong, sapilitang pagkuha ng mga bunga ng langka, saging, niyog, bigas at manok. Nagaganap din ang hamletting sa komunidad kung saan bawat papasok at lalabas ay obligadong dumaan sa boom ng mga security guard. Pati ang paglilibing sa isa nilang kababaryo ay ipinagbawal din ng mga Virata. Agosto 22, 2016 isinagawa ang marahas na pag-demolis sa ilang bahayan. Hinagisan ng mga militar at pulis ng tear gas ang mga residente, pinaputukan at walang awang winasak ang mga kabahayan. Subalit, matatag na nakapagtanggol ang nagkaisang mangingisda at magsasaka at nabigo ang pagdemolis sa kalakhang bahayan. Gayunpaman, lalo lamang sinindihan ng ginawang demolisyon ang maalab na damdamin ng pakikibaka ng mamamayan ng Patungan laban sa Land Use Conversion o pagpapalit gamit ng lupa at magiging moog upang patatagin ang pagtatanggol sa lupang sakahan, tirahan at pook hanapbuhay ng mamamayan. Pinatunayan na ng kanilang praktika na ang kanilang mga ligal at hayag na pagkilos ay di sasapat upang makamtan ang Tunay na reporma sa lupa at pangisdaan. Ang lakas ng kilusang masa ay kailangan nang isanib sa lakas ng armadong pakikibaka sa pamamagitan ng pagsusulong ng rebolusyong agraryo, pagpapalawak ng kilusang lihim at armadong paglaban upang wakasan ang suliranin sa pangangamkam ng lupa.!

15 LAGABLAB NG BATANGAN 15 TANGING LANDAS UPANG MAKAMIT ANG MITHIING MAGKA-LUPA ANG MASANG MAGSASAKA SA LAIYA Hulyo 2014 Nagtagumpay ang maitim na balak ng reaksyunaryong gubyerno na busabusin ang karapatan ng mamamayan sa Laiya Aplaya. Nagsabwatan ang gubyerno ni Noynoy Aquino, Vilma Santos-Recto, Rodolfo Manalo at reaksyunaryong korte upang ang lupang tinitirhan ng mga mamamayan sa Laiya Aplaya ay agawin at ibenta nila sa makapangyarihang panginoong maylupa at debeloper na si Federico Campos. Ginamit ng tatlong tiwaling opisyal na ito ang kapangyarihan nila sa reaksyunaryong gubyerno at pinakilos nila ang korte at mga pasistang tropa ng AFP at PNP upang itaboy ang mga mamamayang naninirahan sa Sitio Balacbacan, Laiya Aplaya sa iligal at marahas na pamamaraan. Walang awa at kahihiyang winasak nila ang humigit kumulang 274 kabahayan ng mga magsasaka at mangingisda. Sa karanasang ito, nalantad sa mga mamamayan ng Laiya Aplaya ang tunay na katangian ng gubyerno isang gubyernong itinatag ng mga panginoong maylupa upang protektahan ang kanilang interes pangkabuhayan; gubyernong pinagkatiwalaan ng mamamayan subalit siya pang nambusabos sa kanilang karapatan sa panirahan at kabuhayan. Kasaysayan ng Pakikibaka sa Laiya Aplaya Sa loob ng mahigit isang dekada, binulok ng magkapatid na Teng at Mario Bihag ng KSMP (Kooperatiba at Sandigan ng Magsasakang Pilipino) ang kaisipan ng mga magsasaka at mangingisda ng Laiya sa ilusyon ng tagumpay sa lantay na pakikibaka sa korte upang maipagwagi ang kanilang laban sa lupa. Ang pangkating Bihag at ang kanilang huwad na samahang magsasaka (KSMP) ay kabilang sa mga KONTRAS o kontrarebolusyonaryong mga organisasyon na inaalagaan ng gubyerno at mga panginoong maylupa upang iligaw ng mga ito at ng kanilang mga kasapakat ang mga magsasaka at mangingisdang nagtatangkang labanan ang paghaharing pyudal at mala-pyudal ng mga panginoong maylupa at burgesya kumprador. Pinasahol ng nabubulok na oryentasyon ng KSMP at pangkating Bihag ang likas na mapanupil na katangian ng korte at mga ahensya ng gubyerno na instrumento ng panginoong maylupa at burgesya upang gapiin ang bawat pakikibakang magsasaka. Ginawang gatasan ng pangkating Bihag ang mga mamamayan ng Laiya Aplaya mula dekada 90 at binitawang parang mga sisiw na sisiyap siyap nang ganap na silang matalo sa labanang korte. Ang naganap na panlilinlang sa mahabang panahon ng pangkat ni Bihag hanggang maranasan ng mga magsasaka at mangingisda ang marahas na demolisyong isinagawa ng korte, estado at militar ay maituturing na isang paaralan ng mga nakikibakang mamamayan para sa tunay na reporma sa lupa. Ang karanasang ito ang nag-angat sa kanilang kamalayan n upang matutunan ang tamang landas at linya ng pakikibakang magsasaka ang armadong pakikibaka. Natutunan nilang lumahok at patuloy na nag-aambag sa mga panlalawigan, panrehiyon hanggang pambansang mga pagkilos at pakikibakang anti-imperyalista, anti-pyudal at anti-pasista. Sa loob ng mahigit dalawang taon mula nang sila ay nademolis, kinatangian ang pakikibaka ng mga mamamayan ng Laiya Aplaya ng pagbangon, pagkakaisa at pagtangan sa rebolusyonaryong paninindigan. Sa ngayon, nagsisimula ng bagtasin ng mamamayan ng Laiya Aplaya ang tamang daan tungo sa minimithing paglaya at pagkakaroon ng kabuhayan at malayang panirahan. Makibaka at Magtagumpay! Kinakaharap ngayon ng mga mamamayan ng Laiya Aplaya ang hamon ng tuloy-tuloy na pag-oorganisa, pagpapalawak at pagpapanday ng rebolusyonaryong base upang gapiin ang malaki at maimpluwensyang kumprador-panginoong maylupa na si Federico Campos na may malakas na kuneksyon sa gubyerno at militar, ang panginoong maylupang angkan ng mga Llana, at mga burgesyang debeloper tulad ng Aplaya Laiya Corporation, LANDCO, Henessy Corporation, Macaria Development Corporation at Laiya Development Corporation na nanghahalihaw sa karapatan ng mga mamamayan sa baybaying dagat ng San Juan. Estratehiko ang papel na ginagampanan ng rebolusyonaryong pakikibaka ng mga mamamayan sa Laiya Aplaya sa buong bayan ng San Juan sapagkat nasa pusod ito ng implementasyon ng mapaminsalang proyektong eko-turismo sa balangkas ng PROYEKTONG CALABARZON. Mula sa barangay na ito, lalaganap ang mga lupain at baybaying isasailalim sa kumbersyon o pagpapalit gamit. Ang mga mamamayan ng Laiya Aplaya ang nasa pinaka-mahusay na katayuang magsiwalat ng hinaing at pagkundena sa proyektong ito upang hikayatin ang buong bayan na itakwil at labanan ang nagpapatuloy na pagyurak ng reaksyunaryong gubyerno sa karapatan ng mamamayan alangalang sa pagsunod sa interes ng mga dayuhan, panginoong maylupa, mga debeloper at malalaking burgesya-kumprador. Matapos ang mahigit dalawang taong pananatili sa tabing-kalsada at paniningil sa pananagutan ng lokal na pamahalaan, hindi katanggap-tanggap para sa mga mamamayan ng Laiya Aplaya ang 50sqm na relokasyong iniaalok ng gubyerno ni Manalo sa bawat pamilyang nabiktima ng demolisyon. Bukod sa makitid at hindi makasasapat, malayo pa ito sa kanilang lugar ng hanapbuhay, samantalang nakatiwangwang ang libong ektaryang kinamkam nina Campos at ng mga Llana mula sa mga mamamayan. Ang naganap na pangaagaw sa lupa ng mga magsasaka sa Laiya ay malinaw lamang na halimbawa ng pag-iral ng monopolyo sa lupa at ng katotohanang ang karapatan ng mamamayan sa kabuhayan, pulitika at kapayapaan ay hindi kusang ibibigay ng gubyerno bagkus kailangan pang ipaglaban. Sa ganitong konteksto dapat ilugar ang pakikibaka sa lupa ng mga magsasaka sa Laiya Aplaya. Wala nang ibang dapat asahan kung hindi ilagay sa sariling lakas ang paglaban at tahakin ang matatag na landas ng armadong pakikibaka upang ilunsad ang rebolusyong agraryo. Kinakailangang mahigpit na tanganan ng mga mamamayan ng Laiya Aplaya ang prinsipyo ng sama-samang pagkilos upang igiit ang muling pagbalik sa lupa at pagbawi sa lupang inagaw ni Campos at ng pangkating Bihag mula sa mga magsasaka at mangingisda. Dapat tiyaking tuloy-tuloy ang pagpapatatag at pagpapalawak ng kilusang magsasaka sa buong barangay at bayan upang mapanatili ang tagumpay na tangan nito laban sa uring panginoong maylupa. Susing dapat panghawakan ang tuloy-tuloy at walang humpay na pag-aaral, paglahok sa praktika at patuloy na pagtataguyod sa armadong pakikibaka para sa tagumpay ng rebolusyonaryong adhikain ng masang magsasaka at mangingisda sa Laiya Aplaya.!

16 LAGABLAB NG BATANGAN 16 Hacienda Puyat: Buhay at Kamatayang Digma sa Lupa...#may#hapding#hatid#ang#bawat#tagumpay#na#tinatamasa#ng#mamamayan#ng#Hacienda#Puyat.#Dalawa#sa#magigiting#na#kababaryo#nito#ang# nagbuwis#ng#buhay#sa#armadong#paglaban#para#sa#lupa...#ang#mga#kasamang#ito#ay#kabilang#sa#daan<daang#martir#sa#lalawigan#na#walang#pagka< makasariling#tinahak#ang#masalimuot#na#landas#ng#paglaban#upang#maihatid#sa#mamamayan#ang#mga#tagumpay#sa#lupa,#sakahan#at#panirahan. ## # Huling bahagi ng dekada 80, nagsimula ang pakikibaka ng mga magsasaka ng Hacienda Puyat laban sa sistematikong kumbersyon ng mga lupang sakahan para sa anti-mamamayang proyektong eko-turismo ng gubyerno. Ngunit sa mga panahong ito, malaking bilang pa ng magsasaka ang nakapaloob sa dilawang grupo ng Kooperatiba at Sandigan ng Magsasakang Pilipino (KSMP) ng magkapatid na Teng Bihag at Atty. Mario Bihag, mga kasangkapan ng panginoong maylupa upang ilihis sa tamang direksyon ang laban ng mga magsasaka sa buong Hacienda Puyat. Ayon nga sa mga magsasaka dumating ng naka-tsinelas ang magkapatid na Bihag ngunit di-naglaon ay nakasasakyan nang gumagala sa bayan ng Nasugbu dahil sa tindi ng panghuhuthot na ginawa nila sa masang magsasaka. Taong 1992, sa pangunguna ng Samahang Magbubukid ng Batangas (SAMBAT), isang panlalawigang samahan ng magsasaka ay naitayo ang TIKAMA (Tinig ng Kabataang Magsasaka) sa Brgy. Kaylaway. Pinangunahan nito ang okupasyon at pagbubungkal sa lupang plantasyon ng Roxas. Ang mga lider ng TIKAMA ang mapangahas na nag-organisa sa gawing Silangan ng Sitio Pulo kung saan ang kalakhang bilang ng mga magsasaka ay kaanib pa noon ng KSMP. Ngunit dahil sa dinanas nilang panlilinlang sa kamay ng KSMP, nakita ng mga taga-silangan ang kawastuhan ng prinsipyo at paninindigan ng TIKAMA mula sa masigasig na pagtalakay at gawaing pagmumulat at pagoorganisa ng mga lider at organisador nito. Mula dito ay nagkaisang itayo ang PIGLAS noong Nobyembre 4, 1999 kung saan 13 katao ang panimulang miyembro, kabilang ang dating kapitan Vicente Vida na biktima rin ng KSMP. Taong 2000, naitayo ang KISLAP (Kababaihan Isulong ang Laban ng Asyenda Puyat) kung saan lalong pinasigla ng aktibong paglahok ng kababaihan ang pagsusulong ng laban sa lupa. Binubuo ang Hacienda Puyat ng 18 sitio na saklaw ng Brgy. Aga at Kaylaway ng Nasugbu at may kabuuang lawak na 2210 ektarya. Sentro nito ang Brgy. Kaylaway. Ang KSMP noon ang tumayong kinatawan ng mga magsasaka sa korte kung saan dinala ang laban sa iba t ibang ahensya at nagresulta sa pagkatalo ng mga magsasaka. Hindi naglaon, pumasok ang KSMP sa amicable settlement sa mga Puyat. Ginamit ang SPA Quit Claim waiver ng magsasaka na dinirehe ng KSMP at tagapangulo nito na si Pedro Fenol. Ginawa ang pagkausap sa mga magsasaka at pinapirma ito sa pagsuko ng karapatan sa halagang Php40-50 kada metro kuwadrado. Ngunit nilinlang ng debeloper at mga ahente ang mga magsasaka at 15% lamang ng kabuuang halaga na dapat bayaran ang ibinigay. Mariing tinutulan ng samahang PIGLAS ang mga bayaran at ang pagsusukat ng lupa ng debeloper na RGV. Hindi napasok ng debelopment ang Sitio Pulo at Sitio Batang dahil kinumpronta ng mga magsasaka at binantaang tatagain ang papasok na magsusukat. Ang ibang magsasaka sa Sitio Kalamyas na nalinlang ng mga taga-ksmp ay pumasok naman sa relokasyon at nadala sa isang bahagi ng lupang Puyat na kalaunan ay tinawag na Sitio Bangladesh dahil laging naka-bangla ang mga tao dulot ng kahirapang ibinunga ng pagkawala ng sakahan. Samantala, ang mga magsasaka sa ilalim ng pamumuno ng PIGLAS at SAMBAT ay nagtuloy-tuloy ng masisiglang pagkilos. Gumawa ng iba t ibang mapanlikhang pagsisikap ang mga mamamayan upang matugunan ang pangangailangan ng kanilang mga mobilisasyon tulad ng pagtitinda ng torotot kung saan ang kita mula dito ang ipinambabayad sa jeep. Kahit hindi imbitado, basta may nabalitaang pagkilos ay sumasama ang mga magsasaka. Masiglang lumahok ang mga magsasaka ng Hacienda Puyat sa pakikibakang anti-imperyalista, anti-pyudal at anti-pasista. Makailang ulit na nakaranas ng pandarahas ang mga magsasaka mula sa mga militar at kapulisang binabayaran ng mga Puyat at ng mga debeloper. Pinaratangang mga kasapi ng NPA ang mga magsasakang lehitimong nakikibaka para sa kanilang karapatan sa lupa. Isinailalim sa matinding harasment at paniniktik ang mga lider magsasaka at inilagay pa sa Order of Battle (OB) ng militar tulad nina Antonio Rogelio, Manny Pereye, Nestorio Pereye, Jaime Pujante, Dodong Romero at Romy Cayao. Taong 2003, ipinasok sa loob ng baryo ang isang tangke ng APC upang lalong takutin ang mga magsasaka na mas mahigpit na nagsusulong ng pakikibaka sa lupa. Itinayo rin ang PMNKP (Pagkakaisa ng Mamamayang Nagtataguyod sa Kagalingang Pangkalikasan) sa Sitio Pulo laban naman sa ACAPEL Corporation na planong magtayo ng poultry farm malapit sa tuklong ng komunidad. Mapagpasyang binigo ng mamamayan ang proyektong ito dahil sa polusyong idudulot nito sa sentrong bahayan. Nagtayo ng kampuhan ang mga mamamayan at nagbarikada upang harangan ang mga trak na nagdadala ng materyales para sa konstruksyon ng itatayong poultry; hanggang sa maitulak ng malakas na kilusang masa na maglabas ang Sangguniang Bayan ng Nasugbu ng cease and desist order upang mahinto ang proyekto. Sinampahan ng ACAPEL Corporation ng kasong GRAVE COERCION ang 43 indibidwal at mga lider ng mamamayan na nanguna sa pagpigil sa proyekto subalit binigo ito ng sama-samang pagkilos at naipa-dismiss sa antas piskalya pa lamang. Parang isang diklap na lumagablab sa kaparangan ang tagumpay ng sama-samang pagkilos ng mga taga-kaylaway; kung kaya t hindi katagalan matapos nilang maipahinto ang pagtatayo ng malaking poultry sa kanilang lugar ay lumapit sa kanila ang mga mamamayan ng Sitio Tamak ng Brgy. Aga upang tulungan din silang mapahinto ang operasyon ng mapaminsalang poultry sa kanilang komunidad. Matinding perwisyo ang inihatid sa tao ng sanlaksang langaw at napakabahong amoy na iniluluwal ng poultry kung kaya t kinilusan ito ng mga mamamayan hanggang sa sila ay suportahan din ng iba pa nilang kababaryo mula naman sa Sitio Pinamuntasan. Ang pagsasanib ng lakas ng mamamayan mula sa dalawang barangay ay nagluwal ng mga serye ng dayalogo at imbestigasyon hanggang sa mapatunayang walang ECC (environmental compliance certificate) ang nasabing proyekto at tuluyang maipahinto ang operasyon. Sa ngayon, patuloy na tinatamasa ng mga mamamayan ng Hacienda Puyat ang tagumpay ng rebolusyonaryong pakikibaka. Sa kabila ng pagkatalo sa korte at pagsailalim ng lupang Puyat sa kumbersyon, nakakapanatili ang mga magsasaka sa lupang panirahan at sakahan. Kahit ang mga magsasakang nalinlang sa mga dating iskema ng bayaran ay nakapanatili pa at patuloy pang nakakapagbungkal ng lupa. Gayunpaman, hindi pa natatapos ang banta sa karapatan ng mamamayan. Sa ilalim ng City Estate Development Corporation ng Sandari ay plano pa ring idebelop ang 19 ektarya sa

17 LAGABLAB NG BATANGAN 17 (Hacienda Puyat... mula pp16) lupang Puyat na sasaklaw sa Sitio Kalamyas at Pulo ng Bgy. Kaylaway. Sa Sitio As-is at Calo naman ay nakaamba rin ang debelopment sa ilalim ng Century Limitless Corporation at sa kasalukuyan ay nagtatayo na rin ito ng isang relocation site para sa mga planong idemolis. Mayamang aral ng pakikibaka at pagtatagumpay ang mahahalaw mula sa mahabang karanasan ng mga magsasaka sa Hacienda Puyat. Ang mga tagumpay na ito ay iniluwal ng mahigpit na pagtangan ng mga magsasaka ng Hacienda Puyat sa rebolusyonaryong prinsipyo at paninindigan. Ngunit may hapding hatid ang bawat tagumpay na tinatamasa ng mamamayan ng Hacienda Puyat. Dalawa sa magigiting na kababaryo nito ang nagbuwis ng buhay sa armadong paglaban para sa lupa. Sina Kasamang Anthony Ninoy Jaro na napatay sa Haligueng Kanluran (HK 9 Masaker) noong Oktubre 2003 at Kasamang John Luis Ka Sam Cayao sa depensiba sa Mataas na Pulo nitong Oktubre Ang mga kasamang ito ay kabilang sa daan-daang martir sa lalawigan na walang pagkamasariling tinahak ang masalimuot na landas ng paglaban upang maihatid sa mamamayan ang mga tagumpay sa lupa, sakahan at panirahan. Sa kabila ng hinagpis, hindi dapat manaig ang takot at alinlangan sa mga magsasaka ng Hacienda Puyat. Hindi dapat mawala sa diwa ng mamamayan ang pagkilala sa marahas na katangian ng estado na lagi nang handang manghalihaw sa buhay at karapatan ng mamamayan upang mapanaig ang kanilang imbing interes. Ang kabiguan, sakripisyo at kamatayan ay integral na bahagi ng pakikibaka at ang kahandaang harapin ito ay dapat masusing pandayin ng masinop, masigasig at puspusang gawaing pangideolohiya at pampulitika na dapat pangunahan ng mga kadre, kasapian ng Partido at rebolusyonaryong organisasyong masa. Maaliwalas ang hinaharap ng mga magsasaka ng Hacienda Puyat hangga t tuloy-tuloy nitong tinatahak ang landas na hinawan ng mga rebolusyonaryong martir; patuloy na maninindigan, mapangahas na magpapalawak tungo sa ibayong pagsulong.! Ang kabiguan, sakripisyo at kamatayan ay integral na bahagi ng pakikibaka at ang kahandaang harapin ito ay dapat masusing pandayin ng masinop, masigasig at puspusang gawaing pang-ideolohiya at pampulitika na dapat pangunahan ng mga kadre, kasapian ng Partido at rebolusyonaryong organisasyong masa. Pinakamataas na Pagpupugay at Pulang Saludo sa mga Kasamang Martir sa Lalawigan ng Batangas! Coral ni Lopez: Panandang Bato sa Pakikibakang Agraryo Sa loob ng 40 taon ng dakilang pakikibakang magsasaka at masa sa Coral ni Lopez, patuloy nitong tinatamasa ang mga bunga ng mga sakripisyo at tagumpay ng rebolusyong agraryo sa minimum na antas. Mula 1982, kinaharap ng mga magsasaka ang kasong ejectment pero hanggang sa kasalukuyan ay matagumpay na nakakapanatili sa lupa. Nagawa rin nilang maipa-dismiss ang pinakahuling pakana ni Luis Lopez na palitan ng gamit ang lupa. Patuloy ring nagkakamit ng makabuluhang pakinabang sa pulitika, pangkabuhayan at panlipunan ang kilusang masa ng magsasaka ng Coral ni Lopez. Sa gitna ng sistematikong panunupil ng estado, napanatili ng mamamayan ang mataas na kahandaan na lumaban sa bawat paglabag sa karapatang pantao. Makasaysayan ang dakilang martsa-rali na inilunsad noong Hulyo 1985 na nilahukan ng mahigit 120 kalalakihan, kababaihan at kabataan na nagpayanig sa mga militar, paramilitar at lokal na burukrata. Inilantad nito at nilabanan ang unang paglabag ng mga militar sa karapatang pantao ng magsasaka. Binigo rin ng rebolusyonaryong kilusan sa baryo ang pananalasa ng estado laban sa noon ay bagong nagpupundar na Bagong Hukbong Bayan. Bawat maniobra at pakana ng panginoong maylupa at estado tulad ng mga serye ng pagkakaso, operasyong militar at harasment sa mga lider-magsasaka ay mapagpasyang hinarap at binigo ng masang magsasaka ng Coral ni Lopez. Sa proseso ng matatag na paglaban sa paghaharing asenderokumprador, naitayo at napanday ang moog na pagkakaisa at solidong lakas ng mamamayan at naitatayo ang organo ng kapangyarihang pampulitika sa baryo. Higit sa lahat ang baseng ito ay pinuhunanan ng pawis at dugo ng ating mga martir na kasama na pinanday ng makauring paglaban sa mga panginoong maylupa. Hanggang sa kasalukuyan, malinaw na tinatamasa ng masang magsasaka ng Coral ni Lopez ang tagumpay ng minimum na Rebolusyong Agraryo. Nakapanatili sa sakahan at nagkaroon ng malaking luwag sa pagsasaka sa tubuhan na pinakitunguhan ng mga kaaway sa uri dahil sa naipundar na lakas ng base at Hukbo na naggagarantiyang di-basta mababawi ang tagumpay sa lupa. Patuloy ding nakakapagpailo ng tubo at nakukuha ang buong ani sa lupang bunga ng tagumpay ng mga sama-samang pagkilos. Ipinatupad ng reaksyunaryong gubyerno sa Coral ni Lopez ang bogus na programang CARP upang buhusan ang maiinit na pagkilos ng masang magbubukid subalit mabilis ding nakita ng mga magsasaka ang kahungkagan ng programa. Sa pangkabuuan, matalas na naita-transporma ng baseng masa sa Coral ni Lopez ang anumang ganansyang pangkabuhayan sa higit na pagaangat ng kanilang pampulitikang kamulatan. Masusing naipasasapol ang tamang linya na hindi tutungo sa repormismo o ekonomismo. Nakaposisyon ang pamumuno ng Partido at nailatag ang binhi ng gubyernong bayan na dumadaloy sa rebolusyonaryong organisasyong masa habang patuloy na nagsisikap abutin ang pagtatayo ng Pambansang Katipunan ng Magbubukid (PKM) sa mga karatig baryo. Militanteng binigo ng mga magsasaka ng Coral ni Lopez ang sistematikong kampanyang panunupil ng estado na patuloy na ginagamit ang CMO (civilian military operations) na panabing sa operasyong paniniktik, panlilinlang at pandarahas upang supilin ang pakikibaka sa lupa. Dahil din sa matatag at aktibong pamumuno ng Partido sa lokalidad ay maraming mga dating palaban na elemento sa baryo ang na-nyutralisa. Kaya naman, sa hangaring agawin ang tagumpay at wasakin ang rebolusyonaryong pundasyon ng Coral ni Lopez ay nagkukumahog ang kaaway sa pamamagitan ng PAF sa pagbuhos ng mga proyektong bigasan, pamimigay ng tinapay at laruan sa mga bata at paglulunsad ng mga misyong medikal. Ngunit hindi na kayang payukurin ng kaaway ang rebolusyonaryong kilusan ng masa at magsasaka sa Coral ni Lopez. Ang sumunod na salinlahi ng kabataan na nagpapakita ng rebolusyonaryong sigla ay panibagong binhi sa makasaysayang pagaambag ng baryong ito sa paglakas ng armadong pakikibaka at pambansa demokratikong kilusan. Hindi pinahihina ng maiigting na atake ng estado ang determinasyon at kapursigehan ng mga magsasaka at aktibong nag-ambag ang rebolusyonaryong kilusan dito sa matagumpay na pagbigo sa lahat ng nagdaang kontrainsurhensyang Oplan ng iba t ibang rehimen. Inspirasyon ng marami pang mga baseng kinokonsolida ang baryo at panandang bato na habang nakatayo ay palatandaang sumusulong ang rebolusyonaryong pakikibaka sa Kanluran Batangas. Nagsisilbi itong huwarang base at moog ng rebolusyon na halawan ng mayamang aral at rebolusyonaryong karanasan sa pagpupundar ng base, pagpapalakas ng armadong pakikibaka at pagsusulong ng rebolusyong agraryo: mga susing sangkap sa tagumpay ng demokratikong rebolusyong bayan.!

18 LAGABLAB NG BATANGAN 18 Samahang Pinagbuklod ng Damdamin:!Kuwento!at!Pakikibaka!ng!Baryo!Quisumbing! Taong 1980 nagsimulang maugnayan ng mga madre, pari at ilang kakilalang magsasaka mula sa Coral ni Lopez ang mga mamamayan ng Quisumbing. Sinundan ito ng mga meeting, seminar at exposure o pakikisalamuha ng mga taong simbahan, estudyante at kasapi ng iba t ibang samahan sa mga magsasaka, mangingisda, kababaihan at kabataan. Nakatulong ito upang mabilis na mamulat ang mga tao at naging aktibo ang komunidad. Taong 1981, nagkaroon ng welga ang mga manggagawa ng National Power Corporation (NAPOCOR/NPC) na pinamunuan ng mga taga- Quisumbing. Taong ay nagsimula na ang maingay na pagtutol ng mga mamamayan sa pagtatayo ng mapaminsalang coal plant. Unang binalak itayo ang Calaca Power Plant sa Brgy. Quisumbing subalit pinangunahan ng mga residente ang paglulunsad ng mga petisyon, dayalogo at mga kilos protesta hanggang mapaatras nila ang mga mamumuhunang Hapon, kapitalista, debeloper at panginoong maylupa na nagtutulak ng pagtatayo ng NPC. Inilipat ang proyekto sa Brgy. Matsinan kung saan napapayag ang mga tao dahil sa pangakong trabaho at benepisyo na hindi rin naman natupad. Nang magsimula ang operasyon ng NAPOCOR noong Setyembre 1994, lalong umingay at lumakas ang kilusang masa laban sa coal dahil sa mga epekto nito. Taong 1985, tumingkad na sa Brgy. Quisumbing ang tunggalian sa lupang tirahan at pondohan ng bangka na inaangkin ng panginoong maylupa na si Gabby Tong. Naitayo ang sangay ng Partido, nailatag ang mga rebolusyonaryong organisasyong masa at nabuo ang komite sa depensa sa baryo na tuloy-tuloy na gumagana hanggang sa panahong ito. Sa pamamagitan ng aktibong pamumuno ng Partido sa baryo, nakapaglunsad ng mga programang sosyo-ekonomiko na pinakinabangan ng mamamayan tulad ng tahian, bigasang bayan at pag-aalaga ng kalabaw. Taong 1990, naipanalo ang paggigiit na walang dapat bayaran sa matrikula ang mga batang pumapasok sa elementarya. Naipanalo din ang pagpapataas sa bayad sa linis bote mula 8 sentimos na naging 10 sentimos. Subalit higit sa lahat, ang tirikan ng bahay ang pinaka-matatag na tagumpay na ibinunga ng pakikipaglaban at paggigiit ng mamamayan at hanggang sa kasalukuyan ay patuloy na pinakikinabangan. May mga paghina at paghupa ang sigla na dinaanan ng rebolusyonaryong kilusan sa baryo sa ibat-ibang kadahilanan at may isang yugto ng pagtamlay sa paglahok sa mga pampulitikang gawain. Gayunpaman, sa kabila nito ay hindi nawala ang pagsuporta at pagtataguyod ng mga mamamayan sa rebolusyonaryong pakikibaka. Taong 2010, muling sumikad ang pampulitikang gawain sa hanay ng mga mamamayan at naitayo ang samahan ng mga manggagawang bukid na napapakilos sa usapin ng industriya ng asukal. Nagkaroon ng pulong para sa manggagawang bukid kung saan tinalakay ang laman at programa ng RA 6982 ng Social Amelioration Act at nairehistro sa DOLE ang mahigit 200 manggagawang bukid. Malaking nag-ambag ang mga magsasaka at mangingisda ng Quisumbing sa pangkabuuang paglakas ng rebolusyonaryong pakikibaka sa lalawigan. Ilang mga fulltime na organisador sa hayag na kilusang masa at hukbong bayan ang iniluwal ng pakikibaka dito habang tatlo naman ang naging martir na pinatay ng kaaway dahil sa isyu sa lupa. Patuloy na nagtatamasa ng mga tagumpay sa panirahan at programang sosyoekonomiko ang mga mamamayan ng Quisumbing. Subalit, hindi pa ganap na natatapos ang usapin sa lupa. Hangga t nangingibabaw pa ang bulok na estado, laging nakaumang sa mga mamamayan ang banta ng mga panginoong maylupa at burgesya na nagnanais angkinin ang lupang binubungkal at pinagyayaman ng mga mamamayan. Ngunit hangga t hindi bumibitaw at patuloy na itinataguyod ng masang magsasaka at mangingisda ang rebolusyonaryong prinsipyo at praktika, higit pang tagumpay at kapakinabangan ang iluluwal ng pakikibaka ng mamamayan para sa lupa, panirahan, kabuhayan at hustisyang panlipunan.! HACIENDA LOOC: Sa loob ng humigit-kumulang dalawang dekada, patuloy na nagtatagumpay ang mga magsasaka ng Hacienda Looc na maipagtanggol ang lupa mula sa pangangamkam ni Henry Sy, ang pinaka-mayaman at makapangyarihang burgesya kumprador sa bansa at buong Asya. May kabuuang lawak na 8650 ektarya, sumasaklaw ang Hacienda Looc sa 4 na barangay ng Nasugbu (Calayo, Bulihan, Papaya, Looc) at 602-ektarya sa Brgy. Patungan ng Maragondon, Cavite. Matatagpuan dito ang malawak na kapatagang angkop sa agrikultura at mayamang kabundukan tulad ng dinarayong Pico de Loro. Ngunit higit sa lahat, taglay ng Hacienda Looc ang napakagandang karagatan at baybayin na nasa unahan ng kinakamkam at nais idebelop ni Henry Sy. Mahigit 10, 000 magsasaka at mangingisda ang naninirahan sa buong Hasyenda Looc. Dito na rin nakabase ang kanilang kabuhayan. Nasa 2132 magsasaka ang naging benepisyaryo ng CLOA at EP sa ilalim ng mga huwad na repormang agraryo ng reaksyunaryong gubyerno. Ngunit, ipinakita ng karanasan ng Hacienda Looc ang sukdulang kahungkagan ng CARP matapos maganap ang maanomalyang bentahan sa pagitan ng gubyerno at ng Manila South Coast Development Corporation (MSDC) ni Henry Sy. Ang Hacienda Looc ay dating pagmamayari ng Magdalena (Dolor) Estate Inc. Taong 1973, naging pagmamay-ari ito ng gubyerno bilang "dacion en pago" o kabayaran sa pagkakautang ng Magdalena Estate. Sa ilalim ng rehimeng Marcos, ang 1283 ektarya ng Hasyenda looc ay ipinamahagi sa 831 magsasaka sa ilalim ng PD 27. Taong 1987, napasailalim sa Asset Privatization Trust (APT) ang buong asyenda hanggang sa magkaroon ng ng Memorandum of Agreement (MOA) ang APT at ang Department of Agrarian Reform (DAR) noong June 28, 1990 at tuluyang napasakamay ng ahensya ang kontrol sa hasyenda. Taong 1991, nasaklaw ng CARP ang mahigit 3981 ektarya ng Haciena Looc at naisyuhan ng CLOA ang 1301 magsasaka. Subalit, ang kaparehong batas ng gubyerno sa reporma sa lupa ang nagbigay puwang rin upang maagaw ito mula sa mga magsasaka. Nagpakana ng gawa-gawang feasibility study ang estado upang palabasing mas angkop sa proyektong agro-tourism complex ang hasyenda kaya t taong 1993 ay isinailalim ito sa bidding hanggang sa ideklara ang Bellevue Properties Inc. bilang nanalong bidder na kinalaunan ay isinalin sa Manila South Coast Development Corporation (MSDC) ni Henry Sy.