PANUKALA A WALANG-PINAPANIGANG PAGSUSURI NG ABUGADONG TAGAPAYO NG COUNTY SA PANUKALA A

Transcription

1 PANUKALA A WALANG-PINAPANIGANG PAGSUSURI NG ABUGADONG TAGAPAYO NG COUNTY SA PANUKALA A Ang mga county sa California ay may awtoridad na magpataw ng mga espesyal na buwis pagkatapos aprobahan ng dalawang-ikatlo ng mga botong ipinatala sa mungkahing espesyal na buwis alinsunod sa seksyon 4 ng Artikulo XIIIA ng Saligang-batas ng California at mga seksyon 23027, at ng Kodigo ng Pamahalaan ng California. Ang Lupon ng mga Superbisor ng County ng Santa Clara ay nagmumungkahi ng pagpataw ng isang espesyal na buwis sa bawat nabubuwisang parsela ng lupa na nasa loob ng mga hangganan ng County. Ang isang parsela ay alinmang yunit ng lupa sa County na tumatanggap ng isang singil sa buwis mula sa Tagakulekta ng Buwis. Ang mga may-ari ng bawat parsela ay magbabayad taun-taon ng $29 kada parsela para sa isang panahon na 10 taon, magsisimula sa Enero 1, WALANG-PINAPANIGANG PAGSUSURI NG ABUGADONG TAGAPAYO NG COUNTY SA PANUKALA A - Ipinagpapatuloy Ang botong "hindi" ay isang boto upang hindi aprobahan ang isang $29 kada taon kada parsela na kuwalipikadong espesyal na buwis sa mga parselang nasa loob ng County para sa isang panahon na sampung taon. Miguel Marquez Abugadong Tagapayo ng County Ni: /p/ Elizabeth G. Pianca Kinatawang Abugadang Tagapayo ng County Ang layunin ng espesyal na buwis na iminumungkahi ng Panukala A ay upang pondohan ang bahagi ng mga hulog sa segurong pangkalusugan upang patuloy na magkaloob ng pangangalagang pangkalusugan para sa mga hindi nakasegurong bata o mga bata na hindi kuwalipikado para sa isang pampublikong programa. Ang mga hulog ay gagamitin upang magkaloob ng mga benepisyong medikal, para sa ngipin at paningin sa mga batang hanggang sa edad na 19 at ang mga pamilya ay kumikita ng hindi humihigit sa 300 porsiyento ng pederal na antas ng kahirapan. Hanggang tatlong porsiyento ng mga pondong nakulekta mula sa espesyal na buwis ay gagamitin para sa pag-abot upang tumulong na maipatala ang mga bata mula sa mga kuwalipikadong pamilya. Walang mga pondong gagamitin upang pondohan ang mga suweldo ng tagapangasiwa. Ang mga nalikom ng espesyal na buwis ay idedeposito sa isang espesyal na kuwenta na itinatag ng County. Ang mga nalikom na ito ay gagamitin lamang sa mga ispesipikong layunin na inilarawan sa itaas, gaya ng nakalagay sa panukala sa balota. Ang County ay aatasan na panatilihin sa talaan sa Opisina ng Tagapagpaganap ng County ang mga taunang ulat na nagsasaad ng halaga ng mga pondong nakulekta at ginasta, at ang katayuan ng anumang proyektong inawtorisang pondohan. Ang unang ulat ay ihaharap ng Direktor ng Pananalapi ng County nang hindi lalampas ang Enero 1, 2012, at ang mga ulat ay ihaharap minsan sa isang taon o mas madalas pagkaraan. Ang isang Komite ng mga Nagbabantay na Mamamayan ay itatatag upang repasuhin ang taunang ulat bawat taon upang matiyak na ang mga pondo ng buwis ay ginasta na sumusunod sa mga ispesipikong layunin na inaprobahan ng mga botante. Ang mga pondong nakulekta at ginasta ay isasailalim din sa taunang pagsusuri. Ang botong "oo" ay isang boto upang aprobahan ang isang $29 kada taon kada parsela na kuwalipikadong espesyal na buwis sa mga parselang nasa loob ng County para sa isang panahon na sampung taon. PR t

2 KUMPLETONG TEKSTO NG PANUKALA A PROTEKSIYON NG KALUSUGAN NG MGA BATA NG COUNTY NG SANTA CLARA: Upang protektahan at panatilihin ang kalusugan ng mga bata at hadlangan ang mga seryosong sakit sa pamamagitan ng mga regular na pagsusuring medikal, mga panlaban sa sakit, at maagang pagkatuklas; upang bawasan ang mga gastos sa mga hindi kailangang paggamit ng silid ng emerhensiya; at upang hadlangan ang pag-aalis ng pagsakop ng seguro para sa mga batang mula sa maliit ang kita na mga nagtatrabahong pamilya; ang County ng Santa Clara ay dapat bang magpatibay ng isang $29 na dolyar na taunang buwis sa parsela; hanggang 10 taon lamang; may independiyenteng pagbabantay ng mga mamamayan, buong pagsisiwalat sa publiko ng lahat ng mga paggasta, at napapailalim sa mga pagsusuri? OO HINDI AWTORISASYON NG BUWIS SA PARSELA Sa pag-aproba sa panukalang ito ng hindi kukulangin sa dalawang-ikatlo ng mga nakarehistrong botante na bumoto sa panukala, ang County ng Santa Clara ay aawtorisahan na magpataw ng isang espesyal na buwis na $29 kada parsela kada taon, napapailalim sa mga iniaatas na pananagutan na tinukoy sa ibaba. Kung aprobahan, ang espesyal na buwis ay ipapataw sa 10 magkakasunod na taon simula sa Enero 1, PANIMULA AT KASAYSAYAN Inilunsad ng County ng Santa Clara ang kauna-unahang programa sa panlahat na segurong pangkalusugan ng mga bata sa bansa, tinatawag na Healthy Kids, sa pamamagitan ng Children's Health Initiative (CHI) noong Noong magsimula ang programang Healthy Kids, isa sa walong bata sa County ng Santa Clara ay walang segurong pangkalusugan. Dahil sa mga pagsisikap ng CHI, 97% ng mga bata ngayon ay may segurong pangkalusugan. Ang CHI ay tumulong sa higit sa 171,000 bata sa pag-aaplay para sa Medi-Cal, Healthy Families at Healthy Kids - ang tatlong programang bumubuo sa Children's Health Initiative. Ang Healthy Kids ay nagkakaloob ng mga benepisyong medikal, para sa ngipin at paningin para sa lahat ng mga batang hanggang edad na 19 na naninirahan sa County, na ang mga pamilya ay kumikita ng hindi hihigit sa 300 porsiyento ng pederal na antas ng kahirapan at hindi karapat-dapat sa iniisponsor-ngpamahalaan na segurong pangkalusugan. Higit sa 37,000 indibidwal na bata ang nakatanggap ng seguro sa pangangalagang pangkalusugan sa pamamagitan ng programang Healthy Kids mula noong umpisahan ito. Nakita sa mga pag-aaral na ang mga batang nakaenrol sa Healthy Kids ay mas malamang na makakuha ng pangangalagang kailangan nila upang matiyak ang malusog na paglaki, kabilang ang pampigil sa sakit na pangangalaga, mga pagbibigay ng panlaban sa sakit at basiko, pangkaraniwang pangangalaga ng kanilang mga sariling doktor. Sa partikular, ang persentahe ng mga batang may pangkaraniwang pinagkukunan ng pangangalagang medikal ay halos nagdoble at ang hindi natutugunang pangangailangang medikal ay bumaba ng higit sa kalahati. KUMPLETONG TEKSTO NG PANUKALA A - Ipinagpapatuloy Nakita rin sa mga pag-aaral na ang mga nakasegurong bata ay nakakaganap nang mas mahusay sa paaralan at mas nakahandang magtagumpay sa buhay. Ang bilang ng mga estudyanteng hindi nakakadalo sa tatlo o higit na araw ng paaralan sa naunang buwan dahil sa mga problema sa kalusugan ay bumaba ng higit sa 50 porsiyento. Sa Healthy Kids, nagawa ng mga bata na dumalo sa klase nang mas madalas at mas malamang na magtagumpay, at ang mga paaralan ay nakakatanggap ng karagdagang kita upang bayaran ang gastos sa edukasyon. Ang Healthy Kids ay kumuha ng milyun-milyon sa mga pangestado at pederal na pinagkukunan para sa mga klinika ng komunidad ng Santa Clara at mga lokal na paaralan. Sa pagdami ng nagpapatala sa Medi-Cal at Healthy Families, ang Healthy Kids ay kumukuha ng higit sa $24 na milyon sa pang-estado at pederal na pondo taun-taon. Kung walang Healthy Kids, ang pagpopondong ito ay malamang na ilipat sa ibang mga komunidad. Ang Healthy Kids ay nagpapatuloy sa tagni-tagning suporta ng lokal na pagpopondo, kabilang ang mula sa mga pribadong pundasyon. Sa kasamaang-palad, ang pagpopondo na isang dekada nang sumusuporta sa kasalukuyang programang Healthy Kids ay humihina. Sa taong ito, halos kalahati ng pagpopondo para sa programang Healthy Kids ay naalis na. Bilang resulta, kung hindi pumasa ang panukalang ito, libu-libong bata ay maaaring mawalan ng kanilang segurong pangkalusugan dahil sa kawalan ng pagpopondo para sa lubos na matagumpay na programang ito. Habang ang pambansang reporma sa pangangalagang pangkalusugan ay inaasahang magtataas nang malaki sa kakayahan ng mga may sapat na gulang na makakuha ng segurong pangkalusugan, hindi kasama sa batas ang anumang pagpapalawak ng pagiging karapat-dapat ng mga pampublikong programa para sa mga bata sa California. Dahil dito, kahit pagkaraan ng lubos na pagpapatupad ng pambansang reporma sa pangangalagang pangkalusugan, magkakaroon pa rin ng pangangailangan na panatilihin ang programang Healthy Kids. Kung walang Healthy Kids, ang mga pamilya ng mga maliit-ang-kitang batang kasalukuyang karapat-dapat sa Healthy Kids ay malamang na mawalan ng seguro. Ang pera mula sa espesyal na buwis ay gagamitin upang suportahan ang programang Healthy Kids at patuloy na magkaloob ng segurong pangkalusugan para sa batang mula sa nagtatrabahong pamilya na may maliit hanggang katamtaman ang kita. MGA INIAATAS UKOL SA PANANAGUTAN Ang mga tadhana sa seksyong ito ay partikular na isinama sa panukalang ito upang ang mga botante at nagbabayad ng buwis sa County ay makatiyak na ang kanilang pera ay gagastahin nang matalino. Gaya ng iniaatas ng mga batas ng Estado ng California, ang mga nalikom na espesyal na buwis ay idedeposito sa isang espesyal na kuwenta na itinatag ng County at gagamitin lamang sa mga partikular na layunin na tinukoy sa ibaba. Pananatilihin ng County sa talaan ng Opisina ng Tagapagpaganap ng County ang mga taunang ulat na nagsasaad ng halaga ng mga pondong nakulekta at ginasta, at ang katayuan ng alinmang proyektong inawtorisahang pondohan. Ang unang ulat ay dapat iharap ng Direktor ng Pananalapi ng County bago lumampas ang Enero 1, 2012, at ang mga ulat ay dapat iharap minsan o mas madalas sa isang taon pagkaraan. Ang isang Komite ng mga PR t

3 KUMPLETONG TEKSTO NG PANUKALA A - Ipinagpapatuloy Nagbabantay na Mamamayan ay dapat itatag upang repasuhin ang taunang ulat bawat taon upang matiyak na ang mga nalikom ay ginagasta na sumusunod sa panukalang ito. Bilang karagdagan, ang mga pondong nakulekta at ginasta ay dapat isailalim sa isang pagsusuri. HALAGA AT BATAYAN NG BUWIS Ang iminumungkahing espesyal na buwis ay dapat na isang pirmihang halaga na $29 kada parsela para sa 10 magkakasunod na taong tinasa laban sa bawat parsela ng lupa na nasa loob ng mga hangganan ng County, simula sa Enero 1, Ang isang parsela ay dapat bigyang-kahulugan na anumang yunit ng lupa sa County na tumatanggap ng isang singil sa buwis mula sa Tagakulekta ng Buwis ng County ng Santa Clara. LAYUNIN NG BUWIS SA PARSELA Ang kita mula sa espesyal na buwis ay gagamitin upang pondohan ang bahagi ng mga hulog sa segurong pangkalusugan na binabayaran ng mga pamilya ng mga kuwalipikadong bata. Ang mga hulog ay gagamitin upang magkaloob ng pangangalagang medikal, para sa ngipin at paningin sa pamamagitan ng Children's Health Initiative sa mga bata na hanggang, at kasama, ang edad na labingsiyam na sa ibang paraan ay walang seguro sa pangangalagang pangkalusugan o hindi kuwalipikado para sa isang pampublikong programa at ang mga pamilya ay hindi kumikita ng higit sa 300 porsiyento ng pederal na antas ng kahirapan. Hanggang 3 porsiyento ng mga pondong kinukulekta mula sa buwis sa parsela ay magagamit para sa pag-abot upang makatulong na ipaenrol ang mga bata mula sa mga kuwalipikadong pamilya. Walang mga pondo mula sa espesyal na buwis na dapat magpondo sa mga suweldo ng tagapangasiwa. KAKAYAHANG IHIWALAY Ang Lupon ng mga Superbisor ng County ng Santa Clara ay nagpapahayag sa pamamagitan nito, at ang mga botante sa pamamagitan ng pag-aproba sa panukalang ito ay sumasang-ayon, na ang bawat seksyon at bahagi ng panukalang ito ay may independiyenteng halaga, at ang Lupon ng mga Superbisor at ang mga botante ay magpapatibay sa bawat tadhana nito na hindi isinasaalangalang ang bawat iba pang tadhana nito. Sa sandaling aprobahan ng mga botante ang panukalang ito, kung may bahagi ng panukala o pormula sa pagbubuwis ay ipinasiya ng hukuman ng may kakayahang hurisdiksiyon na walang-bisa sa anumang dahilan, lahat ng mga natitirang bahagi ng panukala o pormula sa pagbubuwis nito ay mananatiling may buong bisa at epekto sa abot ng ipinahihintulot ng batas. PANGANGATWIRANG PANIG SA PANUKALA A Sa halos isang dekada, ang County ng Santa Clara ay nagkakaloob ng seguro sa pangangalagang pangkalusugan para sa libu-libong bata. Ngayon, ang programang ito na kinikilala sa bansa ay nanganganib. Oo sa Panukala A ay magkakaloob ng maipagpapatuloy na pinagkukunan ng mga pondo upang panatilihin ang mahalagang programang ito. Oo sa Panukala A ay titiyak na ang LAHAT ng karapat-dapat na bata sa county ay may segurong pangkalusugan kabilang ang para sa mga pampigil na serbisyo sa pangangalagang pangkalusugan at maagang pagtuklas at paggamot para sa mga teribleng sakit na tulad ng hika o diyabetis. Ito ay nangangahulugan ng mga pagbibigay ng panlaban sa sakit, regular na check-up, pagtulong na hadlangan ang pagtaba ng bata, at pagpapanatili ng mga bata sa paaralan. Oo sa Panukala A ay isang matalinong pamumuhunan. Ang maagang paggamot ay makatwiran sa pananaw na medikal AT pinansiyal dahil at mga batang tumatanggap ng maagang paggamot ay pangkaraniwang hindi umaasa sa silid ng emerhensiya o mga klinika ng County para sa tulong. Iyon ay nakakapagtipid sa ating lahat ng mahahalagang dolyar ng buwis. Ang programang ito ay nagpapahintulot sa County na ienrol ang mga karapat-dapat na bata sa mga pederal o pang-estadong programa sa kalusugan na naglalaan ng karagdagang $24 milyon sa lokal na pagpopondo. 90% ng mga lumalahok ngayon ay may isa o dalawang nagtatrabahong magulang - talagang hindi lamang nila kaya ang pribadong segurong pangkalusugan. Ang mga sakop na pamilya ay dapat gumawa ng kanilang kabahagi, pagtulong sa mga kabahagi sa babayaran at mga hulog. Ang Panukala A ay titiyak rin na ang mga batang hindi sakop ng inaprobahan kamakailan na Pederal na reporma sa pangangalagang pangkalusugan, ay lokal na nakaseguro. Ang Pederal na programa lamang ay hindi sapat. Panghuli, kasama sa Panukala A ang mahihigpit na hakbang ukol sa pananagutan. Ang mga taunang pagsusuri ay ihahayag sa publiko. Ang isang Komite ng mga Nagbabantay na Mamamayan ay hihirangin upang repasuhin ang mga pagasta at subaybayan ang mga antas ng tagumpay. Kung walang Panukala A, libu-libong bata ang mawawalan ng segurong pangkalusugan. PR t

4 PANGANGATWIRANG PANIG SA PANUKALA A - Ipinagpapatuloy Oo sa Panukala A ay sinusuportahan ng isang malawak at nagtataglay ng iba't-ibang pananaw na pampulitika sa County ng Santa Clara - mula sa negosyo hanggang sa paggawa, mula sa mga konserbatibo hanggang sa mga liberal. Ang programang ito ay mabisa at umaasa kami na boboto kayo upang panatilihin ito. Oo sa Panukala A ay titiyak na LAHAT ng mga bata sa County ng Santa Clara ay may buong daan sa pagkuha ng pangangalagang pangkalusugan. Mangyaring samahan kami. Bumoto ng Oo sa Panukala A. ( com). /p/ Michael M. Honda Miyembro ng Kongreso /p/ Laurie Smith Siyerip County ng Santa Clara /p/ Thomas Werner SunPower Corp., CEO /p/ Ken Yeager Lupon ng mga Superbisor ng County ng Santa Clara, Presidente /p/ Joanne E. Allen St. Louise Regional Hospital Gilroy, CEO SAGOT SA PANGANGATWIRANG PANIG SA PANUKALA A Hindi pa ba tayo Binubuwisan nang Sapat Ngayon? Bumoto ng HINDI sa Panukala A! Mga problema sa buwis sa parsela na ito: Pinakamalakas na tumatama sa mga may-ari ng bahay na nahihirapan na. Ang listahan ng mga buwis at pagtasa sa ating mga singil sa buwis sa ari-arian ay napakahaba na. Pagkaraan ng sampung taon walang kasalukuyang mga datos ng pananalapi na nagpapatunay na ang programang ito ay isang "matalinong pamumuhunan." Ang pagtataas ng mga lokal na buwis upang "makakuha ng pakinabang" sa mga pang-estado at pederal na buwis ay nangangahulugang dinagdagang paggasta na nag-aatas sa atin na magbayad ng mas marami sa mga pang-estado at pederal na buwis. Ang ating pederal at pang-estadong mga dolyar ng buwis ay nagpopondo na sa Medi-Cal at Healthy Families ng California para sa mga karapat-dapat na bata. Ang programang ito ay tumatanggap din ng "First Five" at mga dolyar ng buwis sa tabako. Bakit kailangan pa kung gayon ng mas maraming lokal na mga dolyar ng buwis upang pondohan ang mga hindi kuwalipikado para sa mga programang binabayaran na natin? Kailangang magkaroon ng isang lehitimong dahilan na sila ay hindi karapat-dapat para sa kasalukuyang programa at inaprobahan kamakailan ng Pederal na reporma sa pangangalagang pangkalusugan. Pasiglahin ang ekonomiya ng inyong sambahayan sa pamamagitan ng pagboto ng HINDI dito at sa lahat ng iba pang mga pagtaas ng buwis sa balotang ito. Bumoto ng HINDI sa Panukala A! /p/ Douglas A. McNea Presidente, Kapisanan ng mga Nagbabayad ng Buwis sa Silicon Valley /p/ Brian S. Darby Tagapangulo, Partidong Libertaryan ng County ng Santa Clara /p/ Mark W.A. Hinkle Residente ng Distrito PR t

5 PANGANGATWIRANG LABAN SA PANUKALA A Tayo ay nagbabayad na para sa pangangalagang pangkalusugan ng mga bata sa pamamagitan ng Medi-Cal at Programang Healthy Families ng California. Sino tayo para pilitin ang iba na bayaran ang buwis na ito? Marami sa ating mga kapitbahay ay "under water" o malapit na rito sa kanilang mga utang sa pagbili ng bahay. Marami ang nahihirapang panatilihin ang kanilang mga bahay dahil sa kawalan ng trabaho. May karapatan ba tayong sabihin na dapat silang magbayad para sa iba o kung hindi? Ang Panukala A lamang ay ginagastusan na nating mga nagbabayad ng buwis sa County ng $1.4 milyon para lamang mapalagay sa balota. Iyon ay isa lamang halimbawa ng gastos at pag-aaksaya ng pamahalaan na napakataas. Kung ito ay tunay na para sa mga bata, mas magiging makatwiran na magbigay ng $1.4 milyon nang tuwiran sa Healthy Kids o sa ospital ng county. Sino ang higit na nakakagamit ng kanilang pera: mga pribado, boluntaryong kawanggawa, na dapat magtrabaho nang maayos o sarhan ang kanilang mga pinto o mga ahensiya ng pamahalaan, na alam na ang mga pondo ng nagbabayad ng buwis ay matatagpuan doon anuman ang mangyari? Napakarami na ng mga bagong buwis na iminumungkahi sa halalang ito. Ngayon ay maling panahon upang aprobahan ang mga bagong buwis sa iba na nahihirapan na sa lumiliit o pirmihang kita. Bumoto ng HINDI sa Panukala A. Kung mayroon kayong kakayahan, magbigay nang tuwiran sa Pundasyon ng Kalusugan ng Pamilya ng Santa Clara, at himukin ang iba na gawin ito, kaya makakatulong nang hindi nakakasakit ng iba na nasasaktan na. Panahon na upang tapusin ang pagkaunawa na kung isang layunin ay makabuluhan, dapat nating pilitin ang mga nagbabayad ng buwis na maging "mapagkawanggawa." Napakalaking pagkakasalungat. Gumawa ng boluntaryong kontribusyon, kung gusto ninyo, at saka protektahan ang inyong mga kapwa nagbabayad ng buwis: BUMOTO NG HINDI sa Panukala A! Para sa karagdagang impormasyon bisitahin ang SAGOT SA PANGANGATWIRANG LABAN SA PANUKALA A Ang mga nangungunang tagapagpaganap ng negosyo at maingat sa pananalapi na mga lider ng komunidad ay sumusuporta sa Oo sa Panukala A dahil ito ay makatwiran sa pananalapi. Isang dekada na ang nakaraan, ang County ng Santa Clara ay gumagamot ng libu-libong may-sakit na bata taun-taon sa silid ng emerhensiya ng ospital o mga klinika ng County - isang napakamahal na paraan upang pangalagaan ang mga batang may-sakit. Ito ay ginagastusan ng mga nagbabayad ng buwis ng milyun-milyon at nakaapekto sa pagpopondo para sa ibang mahahalagang programa sa pangangalagang pangkalusugan. Pagkaraang magsimula ang programa ng Healthy Kid at ang mga karapat-dapat na pamilya ay nakatanggap ng segurong pangkalusugan para sa kanilang mga anak, ang mga may-sakit na bata ay nagkatanggap ng paggamot o mga pampigil na serbisyo sa pangangalagang pangkalusugan nang hindi pumupunta sa silid ng emerhensiya ng County. Sa halip ng magastos na pangangalagang pangkalusugan sa sandaling magkasakit sila, ang mga bata ay maaaring kumuha ng mga panlaban sa sakit at mga regular na checkup - habang namamalagi sa paaralan. Ang programang ito ay nakatipid ng milyun-milyon sa mga nagbabayad ng buwis. Ito ay kumukuha rin ng pakinabang na $24 milyon pa tauntaon sa pederal/pang-estadong pagpopondo. Pero pagkatapos ng isang dekada ng pampubliko/pribadong pagtutulungan sa pagitan ng County at mga pribadong kawanggawa, ang pagpopondo ng pribadong sektor ay naglalaho na. Kung ang mga pribadong donasyon ay makakasuporta sa programa, ang panukalangbatas na ito ay hindi imumungkahi. Mangyaring samahan kami sa pagboto ng Oo sa Panukala A upang magkaloob ng matatag na pinagkukunan ng pagpopondo. Para sa isang may-ari ng bahay o may-ari ng ari-arian, ang gastos ay humigitkumulang na $2 kada buwan iyon lang. Gayunman, kung ang programa ay aalisin, ang gastos ng mga nagbabayad ng buwis ay magiging mas malaki at magbabanta sa ibang mahahalagang serbisyo sa pangangalagang pangkalusugan ng County na inaasahan nating lahat. Ang mga taunang pagsusuri at mahihigpit na hakbang ukol sa pananagutan ay iniaatas. /p/ Douglas A. McNea Presidente, Kapisanan ng mga Nagbabayad ng Buwis sa Silicon Valley /p/ Brian S. Darby Tagapangulo, Partidong Libertaryan ng County ng Santa Clara /p/ Mark W. A. Hinkle Residente ng Distrito PR t

6 SAGOT SA PANGANGATWIRANG LABAN SA PANUKALA A - Ipinagpapatuloy Mangyaring samahan kami sa paggawa ng desisyon na matalino sa pananalapi - bumoto ng Oo sa Panukala A. /p/ Donald F. Gage Lupon ng mga Superbisor ng County ng Santa Clara, Distrito 1 /p/ Susan W. Hammer dating Alkalde ng San Jose /p/ Carl Guardino Silicon Valley Leadership Group, CEO /p/ Gregg Adams dating Puno ng Pediatric Trauma-Santa Clara Valley Medical Center/ Pangklinikang katulong na Propesor ng Pag-opera-Paaralan ng Medisina ng Stanford /p/ Dana Tom Katiwala ng Lupon ng Pinag-isang Distrito ng Paaralan ng Palo Alto PR t

7 PANUKALA B WALANG-PINAPANIGANG PAGSUSURI NG ABUGADONG TAGAPAYO NG COUNTY SA PANUKALA B Ang batas ng estado ay nag-aawtorisa sa Santa Clara Valley Transportation Authority (VTA), kasunod na isang ipinaunawang pampublikong pagdinig, upang ipataw ang isang karagdagang fee sa pagpaparehistro ng sasakyan na hanggang sampung dolyar ($10) sa bawat sasakyang de-motor na ipinarerehistro sa loob ng County ng Santa Clara (County). Ang mga nalikom ng fee na ito ay magagamit para sa mga programang pagpapagaan sa pagsisikip at polusyon at mga proyektong nagtataglay ng isang relasyon sa o pinakikinabangan ng mga may-ari ng mga sasakyang de-motor na nagbabayad ng fee. Ang naturang fee ay dapat aprobahan ng isang mayoriya ng mga botanteng bumoto sa isang halalan. Hindi hihigit sa 5 porsiyento ng mga fee na nakulekta ang maaaring gamitin para sa mga gastos sa pangangasiwa na may kaugnayan sa mga programa at proyekto. Ang Lupon ng mga Direktor (Lupon) ng VTA ay nagmumungkahi na magdagdag ng isang $10 na fee sa bawat sasakyang ipinarerehistro sa County. Ang mga nalikom ng fee na ito ay gagamitin para sa mga sumusunod na layunin: kumpunihin ang mga lubak, muling palitadahan at panatilihin ang mga lokal na kalye, pabutihin ang daloy ng trapiko sa mga lokal na daan; pabutihin ang kaligtasan; magbayad para sa ibang mga proyekto sa pagpapagaan ng pagsisikip at polusyon; at magkaloob ng mga panumbas na pondo para sa pederal at pang-estadong pagpopondo. Ang planong paggasta ay naglalaan ng kita sa fee sa mga programa at proyekto na may kaugnayan sa transportasyon, kaayon ng panrehiyong plano sa transportasyon ng Komisyon sa Transportasyon ng Kalunsuran at plano sa transportasyon sa valley ng VTA. Walumpung porsiyento ng mga fee na nakulekta ay ilalaan sa pagpapabuti at pagkukumpuni ng lokal na daan; 15% sa programang pambuong-county; at hanggang 5% para sa pangangasiwa ng programa, na ang mga hindi pa nagagamit na programa ay ipinamamahagi sa pamamagitan ng programang pambuong-county. Alinmang sasakyan na pinalibre sa ilalim ng Kodigo sa Sasakyan mula sa pagbabayad ng mga fee sa pagpaparehistro ay palilibrihin sa $10 na fee. Ang planong paggasta ay susuriin taun-taon at rerepasuhin pana-panahon ng Lupon upang malaman kung may mga pagbabago na kakailanganin. Kung ang fee ay maaprobahan, ito ay iaaplay sa alinmang orihinal na pagpaparehistro ng sasakyan at pagpapanibago ng bisa ng pagpaparehistro na nangyari sa o pagkaraan ng anim na buwan kasunod ng pagpapatibay ng mga botante sa panukala. Ang pagkulekta ng fee ay hindi nagtataglay ng petsa ng pagtatapos. Ang botong "oo" ay isang boto upang aprobahan ang isang karagdagang taunang $10 na fee sa bawat pagpaparehistro ng sasakyang de-motor na binabayaran sa loob ng County ng Santa Clara. Ang botong "hindi" ay isang boto upang hindi aprobahan ang isang karagdagang taunang $10 na fee sa bawat pagpaparehistro ng sasakyang de-motor na binabayaran sa loob ng County ng Santa Clara. Miguel Marquez Abugadong Tagapayo ng County Ni: /p/ Elizabeth G. Pianca Kinatawang Abugadang Tagapayo ng County KUMPLETONG TEKSTO NG PANUKALA B Panukala sa Pag-aalis ng Pagsisikip ng Trapiko at Pagpapabuti ng Daan Upang kumpunihin ang mga lubak, muling palitadahan at panatilihin ang mga lokal na kalye, pabutihin ang daloy ng trapiko sa mga lokal na daan; dagdagan ang kabahagi ng County ng Santa Clara sa pangestado/pederal na mga panumbas na pondo; pabutihin ang kaligtasan; at bayaran ang ibang mga proyekto sa pagpapagaan ng pagsisikip at polusyon; ang bayad sa pagpaparehistro ng sasakyang de-motor ay dapat bang taasan ng $10 para sa bawat sasakyang nakarehistro sa County ng Santa Clara; sa gayong paraan ay mag-aalis ng pagsisikip ng trapiko, magpapabuti ng mga kalye at magbabawas ng marumi, nakalalasong apaw sa daan na nagkokontamina ng mga panustos na tubig, ang lahat ng mga kita ay mananatili sa County ng Santa Clara? Ang isang plano sa paggasta para sa nadagdagang mga kita sa fee ay pinagtibay ng Lupon ng mga Direktor ng Santa Clara Valley Transportation Authority (VTA), ang pambuong-estadong ahensiya sa pagpaplano ng transportasyon na mangangasiwa ng pamamahagi ng mga kita, at nagtatadhana na: (1) Programang Pagpapabuti at Pagkukumpuni ng Lokal na Daan. 80% ng mga kita sa fee ay ibabalik sa mga lunsod sa loob ng county batay sa populasyon at sa County ng Santa Clara batay sa mga milya ng daan, upang gastahin sa mga sumusunod na programa at proyekto na may kaugnayan sa transportasyon. Tantiya ng Kita - $11.2 milyon (FY 2011) Mga Kategorya ng Karapat-dapat na Proyekto (kabilang ang lahat ng mga gugol para sa pangangasiwa, pagpaplano, disenyo, konstruksiyon, pagkuha at pagpapatakbo ng isang Kumpletong Sistema ng mga Kalye): Rehabilitasyon/Muling Paggawa ng Palitada Mga Senyas sa Pagkontrol ng Trapiko, Impormasyon sa Manlalakbay at mga Kagamitang Pangkaligtasan Rehabilitasyon/Muling Paggawa ng Gilid ng Bangketa at Alulod Mga Pasilidad na May Kaugnayan sa Daan Upang Pabutihin ang Kaligtasan Pagpapagaan na Pangkapaligiran na may kaugnayan sa awto kabilang ang Pagwawalis at Pagkontrol ng Kalat sa Daan (2) Pambuong-county na Programa. 15% ng mga kita sa fee ay gagamitin para sa mga sumusunod na pambuong-county na programa at proyekto. Tantiya ng Kita - $2.1 milyon (FY 2011) PR t

8 KUMPLETONG TEKSTO NG PANUKALA B - Ipinagpapatuloy Mga Kategorya ng Karapat-dapat na Proyekto (kabilang ang lahat ng mga gugol para sa pangangasiwa, pagpaplano, disenyo, konstruksiyon, pagkuha at pagpapatakbo ng isang Kumpletong Sistema ng mga Kalye): Mga panumbas na pondo para sa mga Pederal/Pang-estado/ Panrehiyong gawad sa transportasyon na ginagamit sa alinmang proyekto sa transportasyon sa daan na kasama sa Plano sa Transportasyon ng Valley. Mga Teknolohiya ng Matalinong Sistema ng Transportasyon (mga teknolohiya na may kaugnayan sa transportasyon kabilang ang mga senyas sa pagkontrol ng trapiko, mga sistema ng kaligtasan at impormasyon sa manlalakbay) Pambuong-estadong Pagpapagaan na Pangkapaligiran na may kaugnayan sa polusyon na dulot ng mga awto at trak (3) Pangangasiwa ng Programa. Hanggang 5% ng mga kita sa fee ay gagamitin para sa pangangasiwa ng programa para sa: Gugol na tuwirang may kaugnayan sa pangangasiwa, pagbabantay, pagprograma, pag-uulat, pagkuha ng impormasyon, unang balota sa halalan at pagsusuri/ pagtutuos ng programa. Taunang pampublikong ulat ng mga paggasta Tantiya ng Kita - $0.7 milyon (FY 2011) Ang hindi pa nagagamit na mga pondo sa pangangasiwa ng programa ay ipapamahagi sa pamamagitan ng Pambuongestadong Programa. Ang plano sa paggasta ay susuriin taun-taon at rerepasuhin panapanahon ng Lupon ng mga Direktor ng VTA upang malaman kung ang anumang mga pagbabago sa plano ay kailangan. Ang Panukalang ito ay dapat magkabisa sa pagsasara ng mga lugar ng botohan sa araw ng halalan kung saan ang nadagdagang fee ay inaprobahan ng isang mayoriya ng mga manghahalal na bumoto sa Panukala. PANGANGATWIRANG PANIG SA PANUKALA B BUMOTO NG OO SA PANUKALA B Ang Panukala B ay nagkakaloob ng mga pondo upang kumpunihin ang mga lubak at alisin ang pagsisikip ng trapiko sa County ng Santa Clara. Ang mga kita ay tuwirang ipinadadala sa mga lunsod upang pondohan ang kanilang pinakamataas na priyoridad na mga pagpapabuti ng daan. Ang pera ay hindi magagamit para sa anumang ibang layunin at lahat ng ito ay mananatili sa County ng Santa Clara. Bakit mahalaga ang Panukala B? Nagkukumpuni ng mga Lubak at Nagpapabuti ng Ating mga Kalye Ang mga kita ay tuwirang pinakikinabangan ng mga nagmamaneho ng sasakyan sa pamamagitan ng pagbawas ng pagsisikip, pagpapabuti ng daloy ng trapiko at pagkukumpuni ng ating mga lumang kalye. Nagkakaloob ng lubhang kailangang pagpopondo upang kumpunihin ang mga lokal na daan. Ang mga lunsod ng County ng Santa Clara ay humaharap sa mga kakulangan na $144 milyon kada taon upang panatilihin ang mga lumang kalye. Ang Panukala B ay tutulong na tugunan ang kakulangang ito. Tumutulong sa mga nagmamaneho na makapagtipid ng pera sa mga pagkukumpuni ng sasakyan. Ang isang pambansang grupo sa pananaliksik ng transportasyon ay nag-uulat na ang mga pagkukumpuni sa mga sasakyan na dulot ng mga lubak at baku-bakong daan ay ginagastusan ng mga may-ari ng kotse sa County ng Santa Clara ng hanggang $732 taun-taon. Ang Panukala B ay magpapabuti ng ating mga lokal na daan at magbabawas ng bilang ng mga magastos na pagkukumpuni. Pinalalakas ang Ating Kakayahan na Tumanggap ng Pederal at Pang-estadong Pagpopondo Tinutulungan ang County ng Santa Clara na maging karapat-dapat para sa makatarungang kabahagi nito ng mga pang-estado at pederal na kita sa transportasyon sa pamamagitan ng paggamit ng mga lokal na pondo upang gamitin ang mga panlabas na gawad upang magpasok ng mas maraming pera para sa ating mga lokal na kalye at daan. Tinitiyak na ang bawat lugar sa loob ng County ng Santa Clara ay may maaasahang pinagkukunan ng pagpopondo sa transportasyon na hindi makukuha ng mga pulitiko sa Sacramento. Inaalis ang Pagsisikip ng Trapiko Pinahihintulutan ang mga residente na gumugol ng mas kaunting oras na naiipit sa trapiko sa pamamagitan ng pagpapabuti ng daloy ng trapiko sa pamamagitan ng mas mabuting teknolohiya ng pamamahala ng trapiko. PR t

9 PANGANGATWIRANG PANIG SA PANUKALA B - Ipinagpapatuloy Binabawasan ang Polusyon Hinahadlangan ang maruming apaw sa daan na pumasok sa mga paagusang pambagyo at kontaminahin ang mga panustos na tubig sa pamamagitan ng kaugnay-ng-awto na mga programang pagpapagaan sa kapaligiran, kabilang ang pagwawalis ng daan at pagkontrol ng kalat. Pinabubuti ang Kaligtasan Itinataas ang kaligtasan sa ating mga kalye sa pamamagitan ng mga pinabuting pasilidad at teknolohiya ng daan. Bumoto ng OO sa Panukala B upang kumpunihin at pabutihin ang ating mga lokal na daan. /p/ Sam Liccardo Tagapangulo, Lupon ng mga Direktor, Awtoridad sa Transportasyon ng Santa Clara Valley /p/ Carl Guardino Presidente at CEO, Silicon Valley Leadership Group /p/ Ken Yeager Presidente, Lupon ng mga Superbisor, County ng Santa Clara /p/ Neil Struthers CEO, Santa Clara & San Benito Counties Building and Construction Trades Council /p/ Margaret Abe-Koga Miyembro ng Konseho, Lunsod ng Mountain View SAGOT SA PANGANGATWIRANG PANIG SA PANUKALA B Walang VTA Fee sa Kotse, Hindi sa Panukala B Ang Valley Transportation Authority (VTA) ay tumatanggap na ng isang sentimo sa bawat dolyar ng nabubuwisang paggasta sa County ng Santa Clara. Ngayon ay gusto ng VTA ng $10 pa na idaragdag nang permanente sa inyong taunang pagpaparehistro ng kotse. May mga problema sa "fee" na ito: Sa katotohanan, ito'y isang buwis, hindi isang "fee" kaya madali itong hahantong sa hukuman. Dahil ang Panukala B ay magdaragdag ng kaparehong singil sa bawat fee sa lisensiya ng sasakyan, anuman ang halaga ng inyong kotse o bilang ng mga milya na tinakbo, ito ay unang-unang makakaapekto sa mga hindi makakaya nito tulad ng mahihirap at matatanda. Ang planong paggasta ay hindi tapat sa pagsasabi na sa iniaatas na fee ang lahat ng may-ari ng sasakyan ay tatanggap ng pantay na benepisyo. Sa kabila ng hindi pangkaraniwang mahihirap na panahon sa ekonomiya at paghihigpit ng sinturon para sa mga negosyo at pamilya ng Silicon Valley, ang VTA ay isa pang ahensiya ng pamahalaan na tumatangging mamuhay sa loob ng kakayahan nito. Sa halip, ginagugol ng VTA ang panahon nito (at $1 milyon ng ating pera) sa halalang ito. Pasiglahin ang ekonomiya ng inyong sambahayan sa pamamagitan ng pagboto ng HINDI dito at sa lahat ng ibang mga pagtaas ng buwis/fee sa balotang ito. Panahon na upang padalhan ang mga pulitiko at mga burukrata ng pamahalaan ng isang malinaw na mensahe: MAMUHAY SA LOOB NG INYONG KAKAYAHAN. Bumoto ng HINDI sa Panukala B! /p/ Douglas A. McNea Presidente, Kapisanan ng mga Nagbabayad ng Buwis sa Silicon Valley /p/ Brian S. Darby Tagapangulo, Partidong Libertaryan ng County ng Santa Clara /p/ Mark W. A. Hinkle Residente ng Distrito PR t

10 PANGANGATWIRANG LABAN SA PANUKALA B Ito ay isang buwis na nagbabalatkayo bilang isang fee. Huwag paloko sa nagbibigay ng kakayahan na pagbabatas ng Sacramento na ibinababa ang iniaatas na pag-aproba ng botante mula sa 2/3 patungo sa isang payak na mayoriya sa pamamagitan ng pagtawag sa pagtaas ng buwis na ito na isang "fee." Hindi nakuha ng mga mambabatas sa California ang mensahe nitong nakaraang taon, noong tanggihan natin ang pagpapatuloy ng pinakamalaking pagtaas ng buwis sa kasaysayan ng alinmang estado. Panahon na upang ipagbigay-alam sa Sacramento na alam na natin ang kanilang plano na itulak ang mga pagtaas ng buwis at fee sa lokal na antas. Bumoto ng HINDI sa Panukala B. Mag-ingat: itong tinatawag na fee ay isang permanenteng pagtaas sa inyong taunang gastos sa pagpaparehistro ng kotse oo, ito ay nangangahulugang hindi matatapos ang bisa nito. Bagaman ang kasalukuyang plano sa paggasta ng Valley Transit Authority (VTA) ay nagdadala ng pera sa mga proyektong may kinalaman sa daan, hindi nila masasabi na sila ay nagsasalita para sa pamamahagi ng pera sa hinaharap. Sa kanilang sariling pananalita, "Ang planong ito sa paggasta ay susuriin taun-taon at rerepasuhin pana-panahon ng Lupon ng mga Direktor ng VTA upang ipasiya kung may mga kailangang pagbabago sa plano." Ito ay isa lamang sa pinakahuling pagsalakay ng VTA sa mga bulsa ng mga motorista. Kung ang maraming-milyong-dolyar na paggasta ng VTA ay nasa wastong proporsiyon sa ating aktuwal na paggamit, na ang mga daan ng biyahero ay nasa 93% laban sa pampublikong paghahatid na nasa 7%, ang kita para sa mga daan ay magiging higit pa sa sapat. Mangyaring sabihin sa VTA na itama itong kawalangkatarungan. Bumoto ng HINDI sa Panukala B. Para sa karagdagang impormasyon bisitahin ang /p/ Douglas A. McNea Presidente, Kapisanan ng mga Nagbabayad ng Buwis sa Silicon Valley /p/ Brian S. Darby Tagapangulo, Partidong Libertaryan ng County ng Santa Clara SAGOT SA PANGANGATWIRANG LABAN SA PANUKALA B Ang punto ay hindi nakikita ng pangangatwiran ng mga kalaban ng Panukala B. Narito ang mga payak na katotohanan: Ang Panukala B ay magkakaloob ng lokal na kita para sa mga priyoridad na lokal na daan. Ang mga pondo ay mananatili sa ating county at ipupuhunan pabalik sa ating mga komunidad. Hindi makukuha ng Sacramento ang kahit isang kusing ng mga pondo. Ang mga pondo ay tuwirang pakikinabangan ng mga motorista sa pamamagitan ng pagpapabuti sa ating mga daan at pag-aalis ng pagsisikip ng trapiko. Ang VTA ay inuubligahan sa ilalim ng Panukala B na ipamahagi ang pera pabalik sa mga lokal na lunsod at sa county upang pondohan ang kanilang pinakamataas na priyoridad na mga proyekto sa daan. Ayon sa batas ang pera ay hindi magagamit para sa anumang ibang mga layunin. Ang papel ng VTA ay limitado. Ito ay para lamang alamin at iulat kung paano ginagasta ang mga pondo upang matiyak ang pananagutan sa mga nagbabayad ng fee. Ang pang-estado at pederal na pagpopondo para sa mga lokal na kalye at daan ay hindi makasabay sa mga pangangailangan - nag-iiwan ng maraming-milyong dolyar na taunang kakulangan para sa mga napakahalagang pagkukumpuni at pagpapabuti. Ang Panukala B ay pakikinabangan ng ating buong county dahil: Ito ay Nagkukumpuni ng mga Lubak at Muling Pinapalitadahan ang Ating mga Kalye Ito ay nagpapabuti ng Daloy ng Trapiko at Nagbabawas ng Pagsisikip Ito ang Nagkakaloob ng mga Pagkakataon para sa County ng Santa Clara upang Makatanggap ng Karagdagang Pangestado at Pederal na mga Pondo sa Transportasyon Ito ay Nagtataas ng Kaligtasan Ito ay Namumuhunan ng mga Lokal na Dolyar sa mga Lokal na Komunidad Ito ay Lumilikha ng mga Lokal na Trabaho /p/ Mark W.A. Hinkle Residente ng Distrito PR t

11 SAGOT SA PANGANGATWIRANG LABAN SA PANUKALA B - Ipinagpapatuloy Sa pamamagitan ng Panukala B, mayroon tayong pagkakataon na mamuhunan sa ating lokal na impraistraktura at ekonomiya. Bumoto ng oo sa Panukala B. /p/ Sam Liccardo Tagapangulo, Lupon ng mga Direktor Awtoridad sa Transportasyon ng Santa Clara Valley /p/ Carl Guardino Presidente at CEO, Silicon Valley Leadership Group /p/ Neil Struthers CEO, Konseho sa mga Pangangalakal sa Pagtatayo at Konstruksiyon ng mga County ng Santa Clara at San Benito /p/ William Wagner Tagapangulo ng Lupon, HMH Engineers /p William Hadaya Presidente, WMH Corporation PR t

12 PANUKALA C WALANG-PINAPANIGANG PAGSUSURI NG ABUGADONG TAGAPAYO NG DISTRITO SA PANUKALA C "Dapat bang aprobahan ang isang ordinansa ng Distrito ng Tubig ng Santa Clara Valley na hinahadlangan ang mga miyembro ng Lupon, inihalal man o hinirang pagkaraan ng itinatag na petsa ng pagkakabisa, na maglingkod ng higit sa tatlong magkakasunod na 4-na-taong taning; na naglalagay ng epekto ng mga bahagi lamang na taning; at nagtatatag ng isang petsa ng pagkakabisa na Disyembre 3, 2010?" Alinsunod sa seksyon ng Kodigo ng Pamahalaan ng California, anumang mungkahi na limitahan ang bilang ng mga taning na ang isang miyembro ng isang namamahalang lupon ng distrito ay maaaring maglingkod sa lupon ng pamahalaan ng distrito ay dapat umaplay nang prospektibo at hindi dapat magkabisa maliban kung ito ay isinumite sa mga manghahalal ng distrito sa isang regular na itinatakdang halalan at ang karamihan ng mga botong ipinatala sa katanungan ay sumangayon sa pagpapatibay ng mungkahi. Ang panukalang ito ay mag-aaproba sa pagpapatibay ng isang ordinansa na naglilimita sa bilang ng mga taning na maaaring maglingkod ang mga miyembro ng lupon ng Distrito sa tatlong magkakasunod na apat na taong taning. Ang isang buong apat na taong taning ay dapat buuin ng alinman sa paghirang upang kumpletuhin ang sobra sa dalawang taon ng isang apat na taong taning o pagbibitiw ng isang miyembro pagkatapos maglingkod ng higit sa dalawang buong taon. Ang isang miyembro ay maaaring maglingkod para sa anumang taning o mga taning pagkaraan ng hindi kukulangin sa apat na taon ng pagliban kung saan ang miyembro ay hindi naglingkod bilang miyembro ng Lupon. /p/ Stan T. Yamamoto Abugadong Tagapayo ng Distrito PANGANGATWIRANG LABAN SA PANUKALA C Ang mga pahayagan at mga botante ay anyong walang ideya kung magkano ang inaaksaya ng Distrito ng Tubig ng Santa Clara Valley sa mataas-ang-suweldo na mga tagapamahala hanggang ang isang inihalal na Miyembro ng Lupon ng mga Direktor ay umalis ilang taon nang nakalipas upang sa halip ay maging isang bayarang empleyado! Ang mga takda sa taning ng panunungkulan ay mas mabuti kaysa hibang na ihalal at muling ihalal ang mga kaparehong lumang pulitiko ang propesyon na nakakuha ng mga puwesto sa Lupon ng Tubig at anyong hindi na umaalis. Gayunman, ang panukalang ito ay magpapataw lamang ng isang takda sa hinaharap sa paglilingkod ng higit sa tatlong magkakasunod na 4-na-taong taning ng panunungkulan. Ang isang pulitiko ay 12 taon pa ring makakaupo sa Lupon ng Tubig, 2 taong mawawala, muling kakandidato, at uupo sa Lupon ng Tubig para sa 12 taon pa bago magpapahinga. Ang isang mas mabisang magagawa ng mga botante ay maaaring ang BUMOTO LABAN sa mga nanunungkulan at ibang mga pulitiko ang propesyon na kumakandidato para sa mga puwesto sa Lupon ng Tubig MALIBAN kung tayo ay hinimok ng isang partikular na kandidato na iba ang gawin. Mas maraming mabubuting tao ang kakandidato para sa lokal na katungkulan kung tayong mga botante ay mag-uukol ng mas maraming atensiyon at gagamitin ang madaling pamamaraang ito na batay sa karanasan: KAPAG DUDA, IBOTO SILA PALABAS! /p/ H.S. Cohen Ang pahayag sa itaas ay isang walang-pinapanigang pagsusuri ng Panukala "C." Kung nais ninyo ng isang kopya ng panukala mangyaring tawagan ang Klerk ng Lupon sa (408) at ang isang kopya ay ipapakoreo sa inyo nang wala kayong babayaran. WALANG PANGANGATWIRANG PANIG SA PANUKALA C NA ISINUMITE PR t

13 PANUKALA E WALANG-PINAPANIGANG PAGSUSURI NG ABUGADONG TAGAPAYO NG COUNTY SA PANUKALA E Ang isang distrito ng kolehiyo ng komunidad, kasunod ng paunawa at ng isang pampublikong pagdinig, ay may awtoridad na magpataw ng mga espesyal na buwis pagkatapos aprobahan ng dalawang-ikatlo ng mga botong ipinatala sa mungkahing espesyal na buwis alinsunod sa seksyon 4 ng Artikulo XIIIA ng Saligang-batas ng California at mga seksyon , , at ng Saligang-batas ng California. Ang Lupon ng mga Katiwala ng Distrito ng Kolehiyo ng Komunidad ng Foothill-De Anza (Lupon) ay nagmumungkahi ng pagpataw ng isang kuwalipikadong espesyal na buwis sa bawat parsela ng nabubuwisang tunay na ari-ariang nasa loob ng distrito. Ang mga may-ari ng bawat parsela ng nabubuwisang tunay na ari-arian sa distrito ay magbabayad taun-taon ng $69 kada parsela para sa isang panahon na 6 na taon, magsisimula sa Hulyo 1, WALANG-PINAPANIGANG PAGSUSURI NG ABUGADONG TAGAPAYO NG COUNTY SA PANUKALA E - Ipinagpapatuloy Ang botong "hindi" ay isang boto upang hindi aprobahan ang isang $69 kada taon kada parsela na kuwalipikadong espesyal na buwis sa mga parselang nasa loob ng Distrito para sa isang panahon na anim na taon. Miguel Marquez Abugadong Tagapayo ng County Ni: /p/ Elizabeth G. Pianca Kinatawang Abugadang Tagapayo ng County Ang layunin ng buwis na iminumungkahi ng Panukala E ay: panatilihin ang mga pangunahing klase sa akademiko na tulad ng matematika, agham, at pagsusulat; ihanda ang mga estudyante para sa mga karera sa agham, teknolohiya, kompyuter, inhinyeriya at matematika; ibalik ang pagpopondo upang itaas ang bilang ng mga iniaalay na klase at laboratoryo; ihanda ang mga estudyante sa paglipat sa apat-na-taong mga kolehiyo at unibersidad sa isang napapanahong paraan; pabutihin ang mga serbisyong sumusuporta para sa mga estudyanteng may kapansanan; panatilihing bukas ang mga aklatan at panatilihin ang mga napakahalagang serbisyo at tagatulong ng aklatan; panatilihin ang mga programang muling pagsasanay para sa trabaho; at magkaloob ng mahahalagang serbisyo sa estudyante at suporta. Ang mga nalikom nitong espesyal na buwis ay hindi dapat gamitin para sa mga suweldo o benepisyo ng mga tagapangasiwa. Ang may-ari ng alinmang mga parsela na (i) magkakaratig, (ii) ginagamit lamang para sa inookupahan-ng-may-ari na pang-isangpamilyang paninirahan, at (iii) nasa ilalim ng iisang pagmamay-ari ay maaaring tratuhin na iisang parsela para sa mga layunin nitong buwis sa parsela, pagkatapos magsumite ng ebidensiya ng mga naturang katotohanan bago lumampas ang ika-15 ng Hunyo ng alinmang taon sa Lupon. Ang mga nalikom ng espesyal na buwis ay idedeposito sa isang nakahiwalay na pondo. Ang mga nalikom ay magagamit lamang para sa mga layuning tinukoy sa panukala. Ang isang taunang nakasulat na ulat ay gagawin sa Lupon na nagpapakita ng halaga ng mga pondong nakulekta at ginasta, gayon din ng katayuan ng anumang mga proyekto o programang iniaatas o ipinahintulot na pondohan mula sa mga nalikom na buwis. Ang Lupon ay mag-aatas rin na maghirang ng isang komite ng mga nagbabantay na mamamayan upang matiyak na ang mga nalikom na buwis ay ginagasta para sa mga ispesipikong layunin na inaprobahan ng mga botante, at ang komiteng ito ng nagbabantay ay mag-uulat taun-taon sa Lupon at sa komunidad tungkol sa paggasta ng mga pondo. Ang botong "oo" ay isang boto upang aprobahan ang isang $69 kada taon kada parsela na kuwalipikadong espesyal na buwis sa mga parselang nasa loob ng Distrito para sa isang panahon na anim na taon. PR t

14 KUMPLETONG TEKSTO NG PANUKALA E DISTRITO NG KOLEHIYO NG KOMUNIDAD NG FOOTHILL-DE ANZA PAGKAKATAONG PANG-EDUKASYON AT PAGSASANAY PARA SA TRABAHO PANUKALA E Distrito ng Kolehiyo ng Komunidad ng Foothill-De Anza PANIMULA AT LAYUNIN Upang protektahan ang Kolehiyo ng Foothill at Kolehiyo ng De Anza laban sa mga pagbawas sa badyet ng Estado, magkaloob ng lokal na pagpopondo na hindi makukuha ng Estado at pangalagaan ang abotkaya, mahusay na edukasyon para sa mga estudyante, ang Distrito ng Kolehiyo ng Komunidad ng Foothill-De Anza ay nagmumungkahi na itatag ang isang buwis sa parsela para sa edukasyon para sa isang panahon na anim na taon, simula sa Hulyo 1, 2011, sa antas na $69 kada taon, sa bawat parsela ng tagatasa na matatagpuan sa loob ng Distrito ng Kolehiyo ng Komunidad ng Foothill-De Anza, at upang ipatupad ng mga hakbang ukol sa pananagutan na may kaugnayan sa pansamantalang pagpataw upang matiyak na ang mga pondo ay ginagamit upang: (a) panatilihin ang mga pangunahing klase sa akademiko na tulad ng matematika, agham, at pagsusulat; (b) ihanda ang mga estudyante para sa mga karera sa agham, teknolohiya, inhinyeriya at matematika; (c) ibalik ang pagpopondo upang itaas ang bilang ng mga iniaalay na klase at laboratoryo; (d) ihanda ang mga estudyante upang lumipat sa apat-na-taong mga kolehiyo at unibersidad sa isang napapanahong paraan; (e) pabutihin ang mga serbisyong suporta para sa mga estudyanteng may kapansanan; (f) panatilihing bukas ang mga aklatan at panatilihin ang mahahalagang serbisyo at kakayahan ng aklatan; (g) ihanda ang mga estudyante para sa mga karera sa mga kompyuter at lumilitaw na teknolohiya; (h) panatilihin ang mga programang muling pagsasanay para sa trabaho; at (i) magkaloob ng mahahalagang serbisyo sa estudyante at suporta. HALAGA NG BUWIS SA PARSELA PARA SA EDUKASYON; PANAHON NG PAGTASA Ang buwis sa parsela para sa edukasyon ay dapat na $69 (o mas mababa gaya ng nakalagay sa ibaba) kada taon para sa anim (6) na buong taon na tinasa sa bawat parsela. Ang mga nalikom ng buwis sa parsela para sa edukasyon ay dapat ideposito sa isang nakahiwalay na kuwenta na nilikha ng Distrito. KAHULUGAN NG "PARSELA" Para sa mga layunin ng espesyal na buwis, ang katawagang "Parsela" ay nangangahulugang anumang parsela ng lupa, na matatagpuan nang buo o bahagi lamang sa loob ng mga hangganan ng Distrito ng Kolehiyo ng Komunidad ng Foothill De-Anza, na tumatanggap ng isang nakahiwalay na singil sa buwis para sa alinsunod sa halaga na mga buwis sa ari-arian mula sa opisina ng Tagatasa/Tagakulekta ng Buwis ng County ng Santa Clara. Lahat ng ari-arian na sa ibang paraan ay KUMPLETONG TEKSTO NG PANUKALA E - Ipinagpapatuloy libre sa o hindi pinatawan ng alinsunod sa halaga na mga buwis sa ariarian sa anumang taon ay dapat na libre rin sa buwis sa parsela para sa edukasyon sa naturang taon. Para sa mga layunin nitong espesyal na buwis, anumang naturang "mga Parsela" na (i) magkakaratig, (ii) ginagamit lamang para sa inookupahan-ng-may-ari, isang-pamilyang paninirahan, at (iii) nasa ilalim ng iisang pagmamay-ari ay maaari, sa pamamagitan ng paghaharap ng ebidensiya ng mga naturang katotohanan bago lumampas ang Hunyo 15 ng anumang taon sa Lupon ng mga Katiwala ng Distrito ng Kolehiyo ng Komunidad ng Foothill De Anza, na tratuhin na isang "parsela" para sa mga layunin ng pagpataw nitong buwis sa parsela para sa edukasyon. PAGBAWAS SA BUWIS KUNG ANG RESULTA AY KABAWASAN SA IBANG SUPORTA NG PAMAHALAAN Ang pagkulekta ng buwis sa parsela para sa edukasyon ay hindi naglalayong bawasan o pagaanin ang anumang pagtaas sa mga pinagkukunan ng lokal, pang-estado o pederal na pamahalaan na sa ibang paraan ay makukuha ng Distrito ng Kolehiyo ng Komunidad ng Foothill De-Anza sa panahon ng buwis sa parsela para sa edukasyon. Kung ang pagpataw at pagkulekta ay talagang may gayong epekto, dapat itigil ng Distrito ng Kolehiyo ng Komunidad ng Foothill De-Anza ang pagpataw o dapat bawasan ang buwis sa parsela para sa edukasyon hanggang sa ang naturang aksyon ay magbabalik ng halaga ng pagbawas o pagpapalit sa ibang mga kita. MGA PAGKALIBRE SA BUWIS Ang kasalukuyang angkop na batas ng California ay hindi nagtatadhana ng anumang mga pagkalibre sa pagbabayad ng buwis sa parsela para sa edukasyon, kabilang ang mga pagkalibre para sa mga may-ari ng mga parsela na 65 taon ang edad o mas matanda o tumatanggap ng Suplementong Kita sa Seguridad Sosyal para sa isang kapansanan, anuman ang edad. Gayunman, kung ang mga angkop na pagbabago sa batas sa panahon nitong buwis sa parsela para sa edukasyon, ang Distrito ay naghahangad na gawaran ng pagkalibre ang mga nakatatanda at may-kapansanang tao na tumatanggap ng SSI, hanggang sa ipinahihintulot ng batas. MGA HAKBANG UKOL SA PANANAGUTAN Alinsunod sa mga iniaatas ng Seksyon at ng Kodigo ng Pamahalaan ng California, ang mga sumusunod na hakbang ukol sa pananagutan, kasama ng iba, ay dapat gamitin sa buwis sa parsela para sa edukasyon na ipinapataw alinsunod sa Panukalang ito: (a) ang mga ispesipikong layunin ng buwis sa parsela para sa edukasyon ay dapat na ang mga layuning tinukoy sa itaas; (b) ang mga nalikom ng buwis sa parsela para sa edukasyon ay dapat gamitin lamang sa mga ispesipikong layunin na tinukoy sa itaas; (c) ang isang nakahiwalay, espesyal na kuwenta ay dapat likhain kung saan ang mga nalikom ng buwis sa parsela para sa edukasyon ay dapat ideposito; at (d) ang isang taunang nakasulat na ulat ay dapat gawin sa Lupon ng mga Katiwala ng Distrito na nagpapakita ng (i) halaga ng mga pondong nakulekta at ginasta mula sa nalikom ng buwis sa parsela para sa edukasyon at (ii) ang katayuan ng anumang mga proyekto o programa na iniaatas o inawtorisang pondohan mula sa mga nalikom ng buwis sa parsela para sa edukasyon, gaya ng tinukoy sa itaas. PR t