niver 411 pris 1.50 Mis-Meurth 2011 an mis ma:

Transcription

1 An 2011Gannas gwirbryntyans ; dyllys gans Kowethas an Yeth Kernewek ISSN X gwiasva: niver 411 pris 1.50 Goel Pyran Pub blydhen yma hwarvosow Dy goel Sen Pyran ow lesa. Hevlyna yma Konsel an Dre Rysrudh gans bagasow ha kowethasow erell an dre ow tewlel synsi an brassa solempnyans a-hys Kernow oll gans hwarvosow a-hys an jydh, naw eur myttinweyth bys yn hanternos. an mis ma: folenn 2 Apposyansow 2011; folennow 2-3 Kowethas An Argh; folennow 3-4 Hwithrans Geryow; folenn 5 Kowethas -Ragbren Nowydh; folenn 6 Lyver; Goel Pyran; folennow 6-8 Hwedhel; folennow 8-9 Niveryans 2011; folennow 9-10 Lyther a Gembra; folenn 11 Nawbedrek; Kowethas - Gwiasva Nowydh; Istori MK; folenn 12 Pedrek Geryow; folenn 13 Krowseryow; folennow Tros an Bys Bras; folenn 16 Trigvaow. kemmerys diworth gwiasva an dre

2 An Gannas Niver Kesva an Taves Kernewek Kessedhek Apposyans Apposyansow 2011 derivadow rag ombroforyon Apposyansow skrifys a vydh synsys dhe 10 eur dhe n 18 ves a vis Metheven 2010 y n kresennow a syw: Skol Lyskerrys; Skol Poll; City Lit., Loundres. Restransow a vydh gwrys rag ombroforyon tramor. An 4 a gradh Paper II a vydh synsys dhe 10 eur dhe n 25 ens a vis Metheven (kresenn dhe vos avisys). Kostow: 1 a gradh: 5, 1 paper, 2 our; 2 a gradh: 5, 1 paper, 2 our 30 mynysenn; 3 a gradh: 10,1 paper, 3 our; 4 a gradh: 10, Paper I Yeth, 3 our; 10, Paper II Lyenn hag Istori, 3 our Ny yllir assaya moy es unn gradh y n vlydhen. Apposyans war anow: Gradh 1 gwari-rol; goslowes orth an sidi; kows kemmyn; kows arbennik*. Gradh 2 kows kemmyn; gwari-rol; goslowes orth sidi. Gradh 3 gwari-rol; goslowes orth snod; kows kemmyn; kows arbennik*. Gradh 4 goslowes orth sidi; dadhel war destenn settys*. Ombroforyon yw kusulys dhe redya steus an apposyans *Testennow dhe n kows arbennik: 1a gradh: a) Ow lowarth po b) Ow gwella koweth(es) 3a gradh: a) An istori a unn dre veur kernewek po b) An diwysyans boes ha diwes yn Kernow 4th gradh: Testennow a vydh dannvenys dhe bup ombrofyer pan vydh degemmerys an form omrolya. Pub gradh 1-3: an apposyans war anow a vydh 50% an merkow. Dydhyow an apposyans war anow: a) Skol Wydh, Kammbronn, dy Sadorn 14 ves a vis- Me 2010, a.m., 2 a ha 3 a gradh Kernow West ha pub ombrofyer 4 a gradh. b) Chapel Medhodek, Kelliwik, dy Mergher 11 ves a vis Me 2010, 18.00, rag 2 a ha 3 a gradh Kernow Est. Rag ombrofya: Ombroforyon a dal kowlwul an form-omrolya ha y dhannvon kyns diwedh mis Ebrel 2010 dhe n Skrifennyades Apposyansow: Mestres Maureen Fuller, Sewena, 11, Barton Close, Lannergh, ESSA, Kernow, PL12 5BA. (Lyvrow settys dhe n peswora gradh yw: Gwrians an Bys, linennow hag Ynys Ankow gans Mighal Palmer). Kowethas an Yeth Kernewek An Argh Derivas an Alhwedhores Kuntelles Blydhenyek Kowethas an Yeth Kernewek an 8 ves a vis Genver 2011 Ynwedh arta blydhen pur vysi re beu dhe eseli oll an konsel. Nyns eus res dhe n Kowethas dannvon agan akontow dhe Dhessedhek an Aluseneth mar ny vydh agan arghans degemmerys po spenys moy es pymp mil warn ugens a beunsow. Ny wrussyn ni dendil na spena an sommenn na. Rakhenna ni a yll pareusi agan akontow kepar hag y n blydhynyow eus passyes. My a wrug pareusi nebes akontow kyns-skrif hebken, mes nyns yns i gorfennys hwath. Res yw dhymm govynn orthowgh ri kummyas dhe Gonsel an Kowethas dhe akordya an akontow abarth an eseli an Kowethas. My a wra dannvon dasskrif an akontow leun dhe An Gannas skaffa gylliv ha heb dhout dyllys vydh yn An Gannas a-barth an Kowethas. My re wrug igeri akont gans LloydsTSB ha der an vlydhen gul devnydh anodho moy ha moy; brassa rann agan negys yw gwrys der an akont ma lemmyn. My a wra degemmeres an derivasow dhiworth LloydsTSB pub mis ha gwell yw hemma. Martesen y n nessa blydhen my a yll pareusi an akontow yn leun rag an Kuntelles Blydhenek. Yth esa hwans dhe n Kowethas dhe gavoes gwiasva nowydh ha ni a wrug kavoes gront dhe wul henna. Ni re wrug spena moy es 2000 beuns war an wiasva ha nyns on ni gorfennys hwath! Ni re wrug degemmeras nebes arghans a-dhiworth Trest Kovadh Brian Webb ha ynwedh gront rag hemma. Dell leveris vy warlyna y teu ha bos an Bennseythun Gernewek gwell ha gwell pub blydhen, mes moy ha moy kostek yw hi ynwedh. Henn yw an kas ynwedh gans An Gannas hag ober oll an Kowethas. Ni a grys bos an Bennseythun hwarvos meur dhe les dhe n

3 An Gannas Niver eseli ha rakhenna lowen on ni dhe skoedhya an bennseythun dhiworth arghans arall, warbarth hag An Gannas hag ober oll an Kowethas ynwedh. Res yw dhyn ni tybi yn kever kost an ragpren. Yma profyans a-dhiworth Andrea dhe ynkressa an ragbren dhe 20 dhe n lyha ha my a wra skoedhya henna. Koreen Twydell, Alhwedhores Degemmerys Ragprenow Lyvrow Ha Gwara Kowethas Kans Pennseythun Alusen Ro Oker 1.84 Grontow Sommenn Spenys An Gannas Lyvrow Ha Gwara Kowethas Kans Pennseythun Surheans Soedh Kesroesweyth Ragprenow Gwithva Heudh yn Hav Kanow Fleghes Sommenn Hag y n arghanttiow an 31 a vis-hedra 2009: Alliance & Leicester Akont Arghow Akont Kesres LloydsTSB Akont Arghow 0.00 Akont Kesres 0.00 Sommenn Hag y n arghanntiow an 31 a vis-hedra Alliance & Leicester Akont Arghow Akont Kesres LloydsTSB Akont Arghow 0.00 Akont Kesres Sommenn Hwithrans Geryow: klyw ha lyw gans Dr Ken George Yn kuntelles Kesva an Taves Kernewek y feu menegys gans Dr George an geryow klyw ha lyw. Dell leveris ev, hwithrans arnowydh a dhiskwedh y koedh skrifa an geryow ma klew ha lew. Yn le gortos nessa dyllans an gerlyver meur, an eseli a brederis y fedha gwell displetya an mater desempis hag i a n pysis dhe skrifa erthygel berr yn y gever rag bos dyllys yn An Gannas. Ottomma ytho an erthygel. Yma yn Kernewek bagas a eryow ynna an vogalenn y, kepar dell syw: KERNEWEK BRETONEK KEMBREK SOWSNEK bys bed byd world glyb gleb gwlyb wet lys lez llys court prys pred pryd time Y n kynsa le, an geryow ma y n teyr yeth a s tevo avel bogalenn /I/ (skrifys <y> po <i>), mes yn Bretonek an son na a veu chanjys dhe /e/ (skrifys <e>). Ni a wel an keth patron gans an geryow ma: KERNEWEK BRETONEK KEMBREK SOWSNEK klyw klev clyw hearing lyw lev llyw rudder Nicholas Williams a verkyas bos geryow gans klyw- pup-prys skrifys avel clew- po clow- y n tekstow, hag awos hemma nag o da gul devnydh an skrif <yw>. Ow gorthyp dhe hemma a veu dyllys yn Kernewek Kemmyn Cornish for the 21 st century (KK21), folenn 120: An lytherennans gans <yw> a greg war dri thybyans: (i) an geryow a synsi ynna an fonem istorek /Iw/; (ii) <yw> yw fordh wiw dhe skrifa /Iw/; (iii) ny wrug an son chanjya. An dhadhel yn KK21 o a-adro dhe (iii); <ew> yn Kernewek Kres a ylli styrya po /εw/ po /Iw/. An dustuni rag (i) a dheuth diworth Jackson; yn y lyver A historical phonology of Breton, y

4 An Gannas Niver skrifas bos *cliw an furv koth a n ger klyw. Mes lemmyn, hwithrans arnowyttha a dhiskwedh bos Jackson kamm; an henfonem y n geryow ma nyns o /Iw/ mes /ew/. Rag an manylyon, mirewgh orth Studies in British Celtic phonology, gans Peter Schrijver; hag orth Dictionnaire étymologique du breton, gans Albert Deshayes. Ny yll tybyans (i) sevel na fella. Mestresik Marbel gans Jowann Richards Kynsa dyllys yn An Gannas hag a-wosa gans Kowethas an Yeth Kernewek. Jowann Richards a verwis yn 2005 ha kemmynna dhyn pals a hwedhlow. Yndella y koedh skrifa klew ha lew, y n geryow ma aga honan ha keffrys y n geryow a s syns, avel klewes ha lewya. Dihares a wrav rag an kaletter ma. Pennrewl Kernewek Kemmyn re beu pup-prys dhe ewnhe kammow, mars yns kevys. Ytho pan sordis an mater ma yn kuntelles an Gesva a-gynsow, an kusul o dh y dhispletya yn An Gannas, ha hemma a wrav. Kowethas an Yeth Kernewek Ragbrenow Ragbrenow Ynkressys May hallo ober an Kowethas pesya heb kaletterow arghansek, an ragbrenow a vydh ynkressys, herwydh ervirans gwrys yn Kuntelles Kemmyn Blydhenyek an Kowethas, dell syw: Eseleth leun gans An Gannas y n R.U. 20 an vlydhen (tus heb gober 15) Eseleth leun yn Europa 25 an vlydhen Eseleth leun, broyow erell 30 an vlydhen Eseleth teylu pub esel 2 an vlydhen Eseleth heb An Gannas 10 an vlydhen An Gannas dasskrifow pella 1.50 pub huni/po 18 an vlydhen Ni oll a woer bos Mestresik Marbel benyn goth byghan, ha herwydh usadow, yth yw hi benyn jentyl, hweg, ha medhel hy fara. Mes, treweythyow, Mestresik Marbel a yll bos mar sotel avel sloj. Hwi a wel... Mestresik Marbel, gweres dhymm, mar pleg, re lavarsa Mestres Rachel Pollglas an jydh kyns. Yma kudynn bras dhymm yn kever fara ow mab byghan, Mark y hanow. A-gynsow, ev res eth ha bos pur worth, ha pur gales dh'y rewlya. Ty a woer neppyth yn kever brysonieth, dell grysav, ha ty a yll konvedhes traow a'n par na. A vynnses dos ha kemmeres te genev, ha ri dhymm dha dybyans? A vydh dohajydh Meurth gwiw - a-vorow, henn yw? Hag yndella y feu ordenys an dra. Lemmyn, dohajydh Meurth o, ha Mestresik Marbel a viras orth an klokk war an estyllenn-oeles. Tri eur hanter - prys dhe dhalleth. Mestresik Marbel a omwiskas hy hatt ha'y hota, ha'y manegow, ha kemmeres lorgh - nebes koth o hi lemmyn, ha res o dhedhi devnydhya lorgh treweythyow. 3. Mestresik Marbel ha n Maw Divlas Kwartron eur diwettha, yth esa Mestresik Marbel a'y esedh yn chi Mestres Pollglas, ha hanaf a de gensi. Mestres Pollglas esa a'y esedh

5 An Gannas Niver ryb an voes, ha'y mab Mark esa a-dreus an stevell, ow potya troes kador. Nyns o ev pes da, henn o apert. Ev a ystynnas y leuv, sesya tesenn vyghan a-dhiworth an plat, ha'y gorra yn y anow, oll war-barth. Mark! a grias Mestres Pollglas, henn yw pur dhiskortes. Dog an plat a desennow dhe Mestresik Marbel. Mark a lagattas orth Mestresik Marbel, drog y jer. Ny wrav! yn-medh ev. Ny vynnav ri tesenn dhe'n wragh goth na! Kasadow yw hi. Mark! a grias y vamm arta. Res yw dhis dihares dhedhi! Mestresik Marbel a vinhwarthas. Ny vern, yn-medh hi. Mes my a garsa kavoes hanafas moy a de, mar pleg, Mestres Pollglas. An venyn arall a sevis yn-bann, ha kemmeres an pott-te. Res yw dhymm dri moy dowr toemm, yn-medh hi, ha mos yn-mes a n stevell, ow kasa Mestresik Marbel ha Mark warbarth. Kettell eth Mestres Pollglas, Mestresik Marbel a omdreylyas troha'n maw. Mark, ynmedh hi, yma dhymm nebes hwegynnow. A vynnta kavoes onan anedha? Mark a gerdhas troha hi. Roy dhymm, a leveris ev, yn harow. Mestresik Marbel a ystynnas hy bregh, ha degea hy dorn a-dro dhe gonna-bregh an maw. Hi a'n tennas troha hi, ha res o dhodho mos, a'y anvodh. Nyns ov vy gwragh, yn-medh Mestresik Marbel, mes... Pols byghan, hi a hedhis, ha drehevel hy dewlagas dhe'n nev, ow leverel yn hy brys 'Gav dhymm, Arloedh, rag nebes gowyow byghan a dheu.' Mestresik Marbel a boesas war-rag, ha hwystra yn skovarn an maw, ma na allas Mestres Pollglas klewes. Nyns ov vy gwragh, Mark, mes yth ov vy benyn pur, pur grev. Hi a dhiskwedhas hy lorgh, o formys a brenn yn furv alhwedh-korkynn. Ewn o an lorgh de, yn-medh hi, mes my a'n troyllyas yndella der ow diwla noeth, kyns dybri hansel an myttin ma. Mir! Apert o, yth o Mark sowdhenys dres eghenn, hag ev a lagattas orti gans rach. Mestresik Marbel a strothas konna-bregh an maw hwath moy. Ty yw maw pur dhrog, dell hevel, Mark, yn-medh hi. Pur dhrog, yn hwir, ha diskortes. Lemmyn, mar ny wredh gwellhe - ha my a wodhvydh yn kever henna - my a wra kelmi dha dhiwskovarn warbarth a-dherag dha fas! Mestresik Marbel a welas dewlagas Mark dhe igeri moy ha moy a-les. Hi a omglewas nebes anhweg, mes hi a besyas, Ha pan vo digelmys dha dhiwskovarn wor'tiwedh, i a wra kregi poran kepar ha diwskovarn spaynel! Ena, Mestresik Marbel a igoras hy leuv, ha divagla konna-bregh an maw, kyns dos Mestres Pollglas y'n stevell arta. Mark a vovyas dhe-ves; ena, poran ha'y vamm ow tos y'n stevell, ev a gemmeras yn-bann an plat-tesennow, ha leverel dhe Vres. Marbel, A vynnta kavoes tesenn, Mestresik Marbel? Nammna wrug Mestres Pollglas gasa dhe goedha an pott-te, mar sowdhenys o hi ow klewes jentylys a'n par na diworth hy mab. Mes gwir o, ha Mark a besyas pur jentyl oll an termyn wosa henna. Ha Mestresik Marbel ow kasa an chi, hi a leveris Ogh, Mark, my a ambosas dhe ri hwegynn dhis. Ottoma dew anedha. Meur ras, Mestresik Marbel, yn-medh an maw, ha kemmeres an hwegynnow pur gortes, yn hwir. Meur ras dhis. Mark a leveris farwel dhedhi, ha leverel Pur dha o genev dha vetya, Mestresik Marbel. Dhe'n yet, ha Mark y'n chi unnweyth arta,

6 An Gannas Niver Mestres Pollglas a omdrelyas dhe Vestresik Marbel. Wel, Mestresik Marbel, yn-medh hi. Ny wodhav vy fatell wrussysta henna, mes marthys dres eghenn yw. Pandr'a wrussys dhodho? O, Mestres Pollglas, yn-medh Mestresik Marbel, yn unn minhwerthin, nyns o travydh mes temmik a vrysonieth. dhe Bark Dy goel Treth Pyran dhe 14 eur, Dy Sul an 6 ves a vis Meurth pella kedhlow diworth Dy Sul an 13 ves a vis Meurth y fydh gwesperow yn Kernewek yn eglos Pyran ar Woethel dhe eur. Pella derivadow diworth: Rev. Brian Coombes Kesva an Taves Kernewek Lyver Nowydh CORNISH GRAMMAR FOR BEGINNERS (vershyon FSS) gans Yowann Page, treuslytherennys gans Laurence Rule & Albert Bock Rag skoedhya dyskans Kernewek y n skolyow ha klassow pynag usi ow tevnydhya lytherennieth an Furv Skrifys Savonek, an Gesva re dhellos vershyon gwiw a n yethador meur aswonnys ha gordhys ma. Y hyllir prena an lyver ma dhiworth Soedhek Dyllansow an Gesva (Jori Ansell) po dhiworth an gwerthjiow kernewek (kedhlow dhe n diwettha folenn): A5, 52 folenn, kudhlenn vedhel, ISBN An gwerthpris yw lytherdoll ha maylyer. Yth yw hwath kavadow, heb mar, an vershyon Kernewek Kemmyn dhiworth po lyverjiow po Tor Mark Press ( ). Jori Ansell, Gwithyas Dyllansow KTK. Goel Pyran Dell veu leverys yma agan goel kenedhelek ow tevi yn fras pub blydhen. Rag rol leun a hwarvosow res yw mires orth gwiasva MAGA po le may hwelir an pyth a vydh ow hwarvos. An keskerdh meur ha gwari an sans a-hys tewennow Porthpyran a dhalleth War Woen Brenn gans Mary Sutcliffe (An hwedhel ma yw treylys hag amendys a-dhiworth The Bodmin Terror gans R.Chetwynd-Hayes yn Cornish Tales of Terror pennskrifer R.Chetwynd-Hayes, ha dyllys kyns gans Fontana 1970.) Rann Onan Dha nervennow yw ystynnys kepar ha gwivrennow piano, a leveris an medhek Ny vynnav dha ownekhe mes yma edhomm dhis a vos yn kres yn tien. Po mar pes yntanys ha krakk a gonvedhydh? James re benndroppsa. Ke dhe-ves, nep-tu hebask. Bydh kosel, kosel dres eghenn. Osta demmedhys? Ev re benndroppsa arta. Klerha henna dhe th wreg. Yma edhomm dhedhi a gonvedhes bos res dhis bos kosel. James re vinhwarthsa hag omwovynn fatell

7 An Gannas Niver gemmeri Lydia an wirenn yth e ev ha bos muskok marnas hi a vedha kuv dhodho. My a wra mos dhe Gernow yn torn gans karr-tan, ev a worthybis yn sempel. An medhek re dalgammsa. Nyns ov vy sur bos fur dhe lewya karr-tan dres termyn hir. Yma kosoleth yn Kernow, yn-medh James. An karr-tan a omdorras wosa Lannstefan. Pur serrys o Lydia. Res yw dhyn passya an nos yn Lannstefan, a leveris Lydia yn tynn, mes ny vynna James gul yndella. My a vynn drehedhes Pennsans, yn-medh ev. Yma stevellow ragerghys dhyn, porth kov. Ny borthav kov mann, hi a worthybis yn unn dalgamma, mes skwith ov vy ha my a dyb martesen y fia da mar pes prederus unnweyth. An karr a dhewisas le pur argelus war Woen Brenn dhe hedhi ha n jynn a verwis. James a igoras an kogh ha mires a-berveth ynno. Pyth? a ryslas Lydia. Ny wonn, a hanasas James. Gwra neppyth! a worhemmynnas Lydia. Ow melder, ev a leveris yn hweg, My a aswonn lewya karr-tan mes ny wonn pyth re hwarva. Lymner ov vy; nyns ov ynjiner. My a wel henna, yn-medh hi. Hy bejeth wannliwek o talgamm, hy dewlagas glas, leun a vismer. Pyth yw res dhyn gul lemmyn? Ev a dheuth arta a-berveth y n karr. Wel, ni a yll dalleth kerdhes ow fydhya kavoes ostel, po, gwella, karrji. Po ni a yll gortos omma ha trestya y fydh karr ow tos ha nebonan a wra agan gweres. Gwell yw genev gortos omma. Hi a wra niwl ha ny vynnav kerdhes a-dro y n gewer ma. A vynn ta leverel ty dhe esedha omma heb gul travyth? hi a ryslas. Diwedhyn gans sorr, hi a dreylyas a-denewen ha lagatta mes a n fenester orth an kowas niwl ow lenni toppys Bronn Wennili ha Roughtor. James a gemmeras y sigarikow. Ogh, osta gokki? Na vog! hi a erghis. Nyns yw ayrek lowr a-bervedh omma. Drog yw genev, ev a worthybis. Ev a worras an sigarikow arta yn y boket. Pur yeyn yw, Lydia a grodhvolas. A ny vynn ta skwychya yn fyw an jynn-toemma. Ev a votonas y gota. Ny yll jynn-toemma ri dhyn moy a boethter mar ny ober jynn an karr. Henn yw gokkineth! Lewya a-dro dhe Gernow yn mis-du. Res yw dhymm bos folles pan asav vy ty dhe berswadya dhymm dhe dhos genes. Dell dybav, ty a dheuth drefenn my dhe brena kota nowydh a vilvlew ragos, yn-medh ev. Taw taves, a worthybis hi, yn unn serri. Ev a skwychyas yn fyw an pennlugern ha kowas niwl a wrug kroglenn liesliw, melyn, rudhvelyn ha rudhwynn, ow swaysya ha terlentri a-dreus an skrin. Avel lymner, James o lowen dres eghenn. ev. Kernow, gwlas a henhwedhel, yn-medh Pandra? Asper o hy lev, mes ev a vinhwarthas orti. Nans o lies kansblydhen, Kernow o annedhys gans boekkas, tarosvannow ha kewri, yn arbennik gans kewri, ugens po dew ugens troes-hys aga ughelder. Dell leverir, martesen an hwedhlow yw kov a n hen werin dhiworth oes eus passyes. Atal floghel! Hi a dennas hy hota stroettha. Henna yw gwiw ragos, James. Treweythyow, dell dybav, ty yw moy flogh es den. Y n pellder, an furv a dheuth yn lent yn-mes a n niwl; yn kynsa travyth marnas skeus; ena furv a glerhas ha benyn goth a omdhiskwedhas yn golow an pennlugern. Nyns o hi brassa es flogh, gans bejeth krebogh, dewlagas kepar ha botonyow, gwarrlenn blos ha loes kelmys a-dro hy fenn ha goen du ha hir. James a glewas blewennow ow sevel war geyn y gonna. Benyn goth, yn-medh Lydia. Res yw bos chi yn ogas. Martesen kowl toemm tan Hi a dhallathas mos yn-mes a n karr. Gorta! Lev James a wrug hi dhe hokya. Prag? My a esedh omma ow rewi ha n

8 An Gannas Niver wragh goth na a yll ri dhymm toemmder. My James a viras orth bejeth krebogh ha gell ha dewlagas vyghan ha molys. Nyns yw da genev hy semlans. Ny m deur a henna. Mar pe hi mammwynn Dracula, res yw bos dhedhi chi ha tan. Y n pols na, an venyn goth a ystynnas paw kepar hag ewin ha gul sinell dhedha mayth hollyens Mir, hi a vynn ni dhe vos gensi. Lydia a esedhas, owth assaya igeri daras an karr. Prag na brenydh jy karr ewn? My a wel hi dhe vynnes ni dhe dhos gensi, mes prag na dheuth hi yn ogas dhe n fenester? Prag y sev hi ena? Martesen foll yw hi. Lydia a igoras an daras ha niwl rewys a dhinewis a-berveth yn karr. Hi a yll gul tan hwath ha martesen y fydh boes. James a dheuth yn-mes a n karr. An niwl a leunhas y skevens ha skwych a basa a n sesyas. Pan o ev gwella, yth esa Lydia ow kewsel orth an venyn. Terrys yw agan karr. A yll ta provia ragon gweli dres an nos? Ow gour a wra pe. Heb ger, an furv vyghan a dreylyas ha sinella dhedha mayth hollyens. Dell dybav, avlavar yw hi, a hwystras Lydia. Klew, nyns yw henna da genev, a worthybis James. Deun a-berveth y n karr. Nebonan arall a wra dos yn skon. Dar, James, divlas osta. Mar pydhydh jy ownek a venyn goth, ke dhe n karr ha gorta ena. My a wra mos gensi. Ow tenna hy hota a vilvlew stroettha yn hy hyrghynn, hi a hirgammas warlergh an venyn ha res veu dhe James hy holya. Wosa ugens kamm, i a asas an fordh ha dalleth trebuchya dres gwels hir. Treweythyow i a omdhisevis yn eythinek. Yth esa an furv ankoth ogas kudhys yn niwl ha pur ownek o Lydia. Na gerdh mar skav, hi a grias. An furv a hokyas pols hag ena fistena a-rag. Dres niwl ow swaysya oll a-dro, i a dhehelghyas a-dryv. Drog yw genev, a hwystras Lydia. Y talvia dhyn gortos y n karr. Re dhiwedhes, a worthybis James. Ny yllyn ni nevra kavoes an fordh arta. Ni a wra martesen omhweles yn keunegenn. Golow dydh a dhallathas dos ha bos godewl ha n niwl a dewhas. An venyn a blegyas hag yth esa son a gravas. Hi a sevis arta ow talghenna hen lugarn gans kantol. Henn yw lugarn kocha, a hwystras James, ha my a de hi dh y enowi hi gans korn tan. Golow an lugarn a vovyas ow terlentri a- dheragdho, ha, dyegrys dhe vos kellys war Woen Brenn eskarek ha peryllus, James ha Lydia a gloppyas war y lergh. nessa rann dhe holya Niveryans 2011 Yma niveryans ow tos ha n furvlennow 2 dhe vos lenwys yn pub tiogeth dy Sul an 27 ens a vis Meurth. Poesek yw Kernowyon dhe omdheskrifa avel Kernewek aga bagas ethnek. Kynth esa kaskyrgh krev rag keworra kisttykk gernewek, y feu neghys arta gans an governans ha ga soedhva rag niveryansow. Byttegyns nyns yw puptra kellys drefenn bos peswar govynn war an furvlenn may hyllir gorthybi Kernow/Cornwall po Kernewek/ Cornish. Ottomma an peswar govynn: 8. Ple feus ta genys? 15. Pyth yw dha honanieth kenedhlek? What is your national identity? 16. Pyth yw dha vagas ethek? What is your ethnic group? 18. Pyth yw dha yeth chyf? 1 niveryans, census; martesen gwell via sywya an ger kembrek cyfrifiad ha skrifa kevrivyas yn Kernewek 2 furvlenn, b. +ow form

9 An Gannas Niver What is your main language? An kynsa govynn yw onan lies-diwesel 3 le may hyllir dewis pub a dhesedh (all that apply', ow styrya ty dhe omsynsi Predennek ha Kernewek. Rag omgovskrifa avel Kernewek, res yw tykkya an gist Arall (Other) ha skrifa Kernewek/Cornish ynni. Rag an eyl govynn res yw dewis unn bagas ethnek hepken; nyns yw galladow dewis Kernewek keffrys hag ethnogeth arall Ha dhe n diwettha govynn unn gorthyp yw degemmeradow hepken, po Sowsnek (English) po Arall deriv mar pleg (Other please state). Yn-dann Arall y hyllir skrifa Kernewek/Cornish. Derivadow diworth Peter Brodley. Rag pella kedhlow mir orth an gevrenn a- woeles: hjta; Lyther a Gembra a-dhiworth Tim Saunders Lyther a Gembra Ha my ow skrifa an geryow ma, ny wonn fatell vydho sywyans an Referenn dhe 3a Meurth. A vynno tus orth an Kuntelles Kenedhlek gwaynya danjer reythya heb kummyas Sen Stefan 5, po a ny vynnons? Deffons a dheffo, ny wra gorthyp pynag degea an dadhla didhiwedh. Wosa an Referenn, y fydh 3 lies-dewisel, multi-choice 4 referenn, b. diworth an Latin referendum 5 henn yw dhe leverel Lys Sen Stefan, Chiow an Senedh, Loundres 4 esya digemmyska, dell waytyav. Y'n kettermyn, y fynnav vy omdhyghtya gans mater yn ogas dhe vateryow ha negysyow an Referenn. Ny vynnav nevra ankevi Dai Francis, hembremkyas koth syndikas 6 gloworyon Kembra. Yn eshwel po astel-ober 1972, ev a hembronkyas an loworyon dhe vudhogoleth. Y's hembronkyas arta yn 1974, yn unn gynweres domhweles Edward Heath. Dai ha ken soedhek syndikas, Dai Dan Evans, a fondyas Esedhvos an Loworyon. Yn sur ny ankovav Dai Francis, mes meur y karsen vy ankevi y vab yn mysk nebes tus hwath. Yth o an Penndyskador Hywel Francis dhana istorior da lowr, heb bones na marthys na euthyk. Ena yth erviras ev bones Esel Senedhek yn Sen Stefan. Kepar ha'y das Dai, re bia Hywel kemmynegor, onan a wesyon Marx ha Lenin. Mes, wosa Dai dhe verwel, yth eth Hywel dhe esel a'n Strollas Lavur. Nebes blydhynyow arta, hag yth o ev Esel Senedhek Aberafan, an bastell-vro may feu genys Anthony Hopkins. Ha'n Eseli Senedhek Lavur yw tasow-vesydh an Taffia, gwir rewlyoryon Kembra. Res perthi kov na veu ha na vydh kerensa yntra rann vrassa'n Eseli Senedhek Lavur ha'n Kuntelles Kenedhlek. Yn-dann routyans an bagas kynsa yma Desedhek Negysyow Kembra Chi an Gemmyn. Y fydh peryll dhe'n Kuntelles aga gasa i heb tra vyth dh'y gul. Hag y fydh peryll keffrys dell gyll an Eseli Senedhek aga danjer ri soedhow ha ranna kevoeth ha rychys dhe'n re a-is. Nans yw unnek blydhen, ha'n Kuntelles ow talleth, yth esa hwans dhe rann vrassa skoedhoryon gemmyn Lavur a Rhodri Morgan dhe Bennmenyster Kembra. Mab an skolheyk meur T. J. Morgan, hag Esel Senedhek Gorlewin Kardydh, yth o Rhodri. Mes nyns o Rhodri da gans rann vrassa an Eseli Senedhek Lavur erell, pan yw ev sosyelor a leun golonn. Ha nyns o Rhodri da mann gans Tony Blair na hwath. Gans gweres an Eseli Senedhek Lavur, yth eth gans Blair herdhya Alun Michael dhe soedh an Pennmenyster. Gwlaseger loes yw Alun Michael, neb a'n jeves galloes krysi yn- 6 syndikas, syndicate po trade union

10 An Gannas Niver tien pyth pynag y fo ev orth y leverel dhe'n pols. Kowlwul gorhemmynnow heb govynn yth yw i is usadow: gwlasegor Kembrek herwydh an patron koth. Pan raglevas an Kuntelles Kenedhlek wor tiwedh difyk fydhyans er y bynn, tewel a wrug rann vrassa an Eseli Senedhek Lavur. Gwitha y anow yn teges a wrug Hywel Francis yn klew an bobel efan, dhe'n lyha. Y teuth hanow Hywel dhe lagas an bobel a- gynsow yn kettestenn WikiLeaks. Herwydh derivadow an Lyskannatti Amerikanek, nyns o Hywel ytho pur lowen pan erviras Rhodri Morgan omdheol ha hedhi gans y vyster. Nyns o da gans Hywel ha rann vrassa an Eseli Senedhek Lavur an darbar Bennmenyster nowydh, Carwyn Jones. Den krev ha kosel yth yw Carwyn, Esel Kuntellesek Pen-y-bont yntra Kardydh hag Abertawe. Pan nag esa brasniver gans Lavur wosa ethol-meur an Kuntelles, yth erviras Carwyn furvya governans yewys gans Plaid Cymru. Dhe'n Taffia, yth yw kevranna danjer ha galloes an peghes erbynn an Spyrys Sans. Herwydh Hywel, yth esa hwans dhe'n Taffia a herdhya onan a dhew wlasegor yn Pennmenyster war an Kuntelles. Peter Hain o an eyl, neb o esel tangolonnek a'n Livrelyon Yowynk nans yw pell, yn unn gaskyrghes erbynn gorthrygh ha kompressyans yn Afrika Dhygow. Wosa henna, yth omunyas ev gans an Taffia ha dones dhe vones Esel Senedhek Castell-nedd may feu genys Max Boyce. Nebes gwell es Alun Michael, y feu ev soedhys dhe Statskrifennyas Kembra hag ena keffrys dhe Statskrifennyas Iwerdhon Gledh. Yn Iwerdhon Gledh, nyns eus nameur a ober gesys dhe'n Stratskrifennyas y wul: tra vytholl usi gesys dhe'n Statskrifennyas yn Kembra. Ha Peter Hain re ervirsa bones an dra vytholl na re dhodho, ha bones prys dhodho omdheol. Na vynni, sos, ny vynni ev assaya sevel orth Carwin Jones. Eluned Morgan o dewis arall Hywel ha'n Taffia. 'Piw?', y'n medhowgh hwi. Myrgh dhe Gonseler Lavur, oberi termyn berr yn korfethas pellwolok, kavoes hynwybyans dhe ombrofyores Lavur yn Senedh Europa, tremena an blydhynyow eno, hag ena slynkya heb res assaya bys yn Chi an Arloedhi. Y tallathas hi kaskyrgh a-barth gwir vrammlennow unn dro, erbynn brammlennow paper. Ny woer nagonan pandr a wharva dhe'n kaskyrgh na. Ny'n jeves nag onan kov a gen dra vyth hag a wrug Eluned. Hag y fia gwell gans Hywel hy soedha hi dhe Bennmenyster es Carwyn. A Peter Hain y fydh nebes kov y'n termyn a dheu, rag y golonn vras yn yowynk erbynn hilgasieth yn Afrika Dhyghow. Boghes kov a vydh a Eluned Morgan, marnas rag patron a wlasegores Lavur nag yw 'vas. Mes kuvder dhe Hywel Francis ha dhyn ni oll via gasa dhodho slynkya bys yn ankov down. Dhe n 3 a a vis Meurth an bobel gembrek a s teves chons dhe ragleva ya rag krevhe an Kuntelles Kembrek. Dell hevel yma skoedhyans treusstrollasek 7 rag an kynnigow. Heb mar ny glewsyn travyth y gan media kernewek, lewys gans Loundres, mes govenek a gan beus y fydh sewen an kaskyrgh kembrek. drehevyans an Kuntelles Kembrek, Kardydh 7 treusstrollasek, h.g. cross party

11 An Gannas Niver Nawbedrek A yll ta dismygi an ger a naw lytherenn? Py lies ger a moy es 3 lytherenn a yll ta kavoes, res yw dhis devnydhya pub lytherenn unnweyth yn pub ger ha res yw dhis devnydhya an lytherenn yn kres an pedrek yn pub ger. O A E S D H W N R Gorthyp mis-hwevrer: bythkweth Kowethas an Yeth Kernewek Gwiasva Nowydh arghans dhe n Kowethas, mar pleg gwra devnydh a: Lyver Nowydh Istori Mebyon Kernow Lyver nowydh yw dyllys an mis ma ow terivas istori an kynsa tri-ugens blydhen a n strollas kernewek Mebyon Kernow a-dhiworth dalleth byghan yn Rysrudh dhe n 6ves a vis- Genver Dres an blydhynyow ny veu es dhe n bagas avonsya yn ledan, dre vras drefenn bos neghys lev MK der an wask ha bys y n jydh hedhyw yth yw an tri bagas kreselys 8 Loundres yw pup-prys klewys genen kynth yw an keth tri strollas na re dhispresyas edhommow Kernow. An lyver y honan, skrifys yn Sowsnek, a re istori an daldraow ha kaskyrghow re hwarva dres an tri-ugens blydhen keffrys ha ri rol a sewenyansow ha konseloryon a veu dewisys. Lies skeusenn yw diskwedhys ynwedh ha skrisellow an kaskyrghow koth. Yma kampoell Gonisogeth Kernow ha gan yeth ha da yw gweles bos diskwedhes folenn a- dhiworth An Gannas a-ji dhe tekst. Soedhogyon Kowethas an Yeth Kernewek re spenas meur a dermyn ow pareusi gwiasva nowydh. Ogas parys yw mes Konsel an Kowethas a garsa klewes breus an eseleth. An wiasva nowydh yw salow ha diogel ha gans semlans gwell ha freska. An wiasva a vydh kevys dhe: Y hyllir prena an lyver a-dhiworth: Mebyon Kernow, Lanhainsworth, Bre Frodan (Fraddon Hill), Frodan (Fraddon), Sen Kolomm (St Columb), Kernow TR9 6PG orth pris a Ynwedh yma arhwithrans warlinenn dhe: Nyns yw displegys yn tien an wisava hag ottomma chons dhe eseli profya aga thybyansow. Rag hwilas y'n kesroesweyth, rag dendil 8 kreselys, centralised

12 An Gannas Niver Pedrek Geryow Y n pedrek geryow dhe-woeles y fydh kevys yn Kernewek henwyn 20 tra dhe dhybri. Aga henwyn Sowsnek yw diskwedhys yn-dann an pedrek rag gweres. L E G E S T E S G O P E O R M I S P G U B A R A A V A L P E H P A L I D V I M S I R U Y G E S B A N K A K E U S R W K E M E G H I N K K I G Y W A N V E T N O T S E V I N N G W I N R E U N P N Y O W L E T Y S K O W L N R A V I K L E F Y I L N M B G R E U N V O E S S E L S I G E N N D A Y An henwyn Sowsnek yw: apple cabbage fish pear bacon cake grapes rice beef cereal lettuce sausage bread cheese lobster strawberries butter egg meat turnip Rag pella gweres y hyllir mires y n Gerlyver Kres. Gorthybow: Aval; meghin; bewin; bara; amanynn; kowl; tesenn; greunvoes; keus; oy; pysk; gwinreun; letys; legest; kig; perenn; ris; selsigenn; sevi; ervinenn.

13 An Gannas Niver Krowseryow Mis-Meurth gans Ray Edwards a-dreus: 1. Tyller may ma mona (9) 5. Bos, kynsa person (2) 6. Tron (2) 8. Ojyon, liesek (5) 11. Kyns an yar (2) 12. Gweres (5) 14. Ty jayler kasadow (RD 631) (3) 16. Dalghenna (6) 17. An Kernewek ma, Kernewek (6) 19. Ha yn Sowsnek (4) 21. Klout bolghenn yn Sowsnek (5) dhis hag oll dhe th nashyon! (BM 3509) (2) 24. Bresel (5) 25. Nyns yw drog (2) 27. Rakhanow tressa person (2) 28. Gologhas (9) war-nans: Skeusenn a Gernow 1. Mos, kynsa person (2) 2. Asper (6) 3. Nyns yw tew (5) 4. Yn-dann (2) 7. Skrifa arta (9) 9. An jydh kyns de (9) 10. hos, payon, kolomm. grugyer swan, bargos, brini ha n.. (OM 133) (2) 13. Rann tren (5) 15. Da ha gwiw (5) 18. An mis ma (6) 20. Hwans (5) 22. Degemmerys yw heb y brena (2) 26. Mev.. issey (2) 27. Nyns yw kales (2) Gorthybow dhe n krowseryow mis-hwevrer 2011 Keskerdh blydhenyek Goel Pyran dres an tewynnow dhe henoratri Pyran. An vlydhen ma an kerdh a dhalleth dhe 3 eur a-dhiworth Park Dy goel Treth Pyran, dy Sul an 6 ves a vis-meurth.

14 An Gannas Niver Tros an Bys Bras gans Tony Snell Omsavow Dres an Est Kres TUNISIA: MERTHER A-BARTH MILVILYOW An 17ves a vis Kevardhu, gans tanflammow y tardhas an omsav konneryek yn Tunisi. Yn Sidi Bouzid, tre yn kres an vro, yth esa neb unn gwerther froeth, Mohamed Bouazizi, ow tesedha y stall y n stret. Ev a veu lestys gans hwithrores vurjesel ha gensi dew soedhek arall drefenn na n jeva kummyas-marghasa 9. Hi a dhallathas kibya y avallow: ev a assayas aga sesya dhe-dre, ha hi a stiwennas y vejeth. Dhe dhen Arab, bismer dres eghenn yw bos skwattys gans benyn, a- dherag tus. An dhew soedhek a dhallathas y frappya ynweth ha sesya y dhaffar. Bouazizi a boenyas dhe n soedhva vurjesel ha govynn daskorr y daklow. Ena ev a veu skwattys arta. Serrys meur, ev a fyskas dhe dhrehevyans an governans burjesel ha govyn gweles governour an ranndir. Dannvonys dhe-ves a veu va, ha herwydh nebes tus yn y ogas, yn meth ev, Mar ny vynnowgh ow gweles vy, omleski a wrav. Esedha a- dherag yetow ughel an drehevyans a wrug ev, dinewi dew votellas a wires wynn war 9 kummyas-marghasa, trading licence y gorf, ha gans enowell gorra tan ynno ev y honan. Wosa bos difeudhys an flammow ev re borthsa loskvannow a n tressa degre dres 90% a y gorf. Wosa bos degys 70 mildir dhe glavji, treusperthys veu va dhe n gwella klavji y n vro, yn Tunis. Wosa etek dydh Bouazizi a verwis. Omnguntell a wrug milyow a dus y n keskerdh dh y ynkleudhyans, yn unn geurgana Farwel, Mohamed, dha dhiella ni a wra. A-ji dhe unn seythun, mes a n vro re fisa President Ben Ali. Unn omsakrifians yn flammow re worras tan yn omsavow poblow dres an Est Kres. Merther yw Mohamed Bouazizi a-barth yeunadow an poblow ma. Yeunadow rag bro rydh ha gwerinel. EJYP: DOMHWELANS DIBAROW An Dydh Kenedhlek a Sorr, an 25ves a vis Genver, y tallathas an brassa protestow poblek yn Ejyp a-dhia Degow a vilyow a dus a gerdhas dre gres an pennsita Kairo ha gansa gorholedh rag omdennans an President Hosni Mubarak. Ev re synssa y durannedh dres 30 blydhen. A- ji dhe unn seythun an niver a worthdestyansow 10 a gressyas bys moy ages unn hanter milvil. 10 gorthdestyans, +ow, demonstration (protest) Mubarak a omblegyas dhe worholedh an brotestoryon dre ambosa omdenna a n bresidenteth erbynn prys an nessa etholans. Nyns o hemma lowr rag plegya dhe n routhow serrys. Wortiwedh, an 12ves a vis Hwevrer, Mubarak a omdennas. Marthys ughel o levow lowenek an routhow yn Kairo, hag yn sitys erell dres Ejyp. Ha marthys dres oll o an keskowethyans doeth ynter an soudoryon ha n dus ow protestya, hag a faryas yn hebask ha kortes y ga hampow servadow yn Plen Tahrir yn Kairo, (Tahrir a styr Livreson). Ha kyns omdenna yn-mes an plen i a gemmeras yn-mes an atal oll ha glanhe an leur. Konsel breselek Ejyp re omgemmeras maystri, yn unn ambosa omdenna wosa termyn dell dhelledh, hag ena fondya etholansow rydh yn tien: an kynsa y n Ejyp a y oes. Kudynnow ynniadow a n jeves an erbysiedh. Pub dydh ogas ha 200 milvil (sterlyn) yw kostow kawsys gans an domhwelyans. Seulabrys moy ages 600 milvil re beu kellys gans negysyow tornyaseth. Ha gweth a vydh an kudynnow: yn prys an omsav, Mubarak a gressyas re a wobrow an stat dre 15%, hag ambosa sostena mona-gweresek 11 y n vro le may ma 40% a n 80 milvil a dus ow pywa orth le ages $2 pub dydh. Disevyans Mubarak a 11 mona-gweresek, subsidies

15 An Gannas Niver dheghesas krenyow dres an ranndir, yn unn enowi omsavow dres Afrika Gledh ha dres an Est Kres. Gorthdestyansow freudhek a hwarva yn Aljeri, Jordan, Yemen, Baghreyn, ha lemmyn yn Lybi. LYBI: AN KOLONEL KONNERYEK An 15ves a vis Hwevrer, yn Lybi protestoryon a sordyas. I a levas aga gorholedh orth Kolonel Moammar Gadhafi re synssa turantieth war an vro dres 42 blydhen. An omsav a dhallathas yn Benghazi, y n rannvro a n est. Ha hedhyw an omsevysi a s teves an maystri. An niver a dus ledhys yw reknys a-dro dhe Protestoryon heb arvow vydh a veu ledhys, hag ayrennow a dennas tanbellenigow orta. An 22ves Hwevrer yth omdhisoedhas Menyster an Pervedh, Abdul Fattah Younis. Yn-medh ev, Mar benn-kales dell yw Gadhafi, nevra ny wra va omblegya. Po omladha a wra va po ledhys a vydh ev. Omdhisoedha keffrys re wrug Mensyter Justis Mustafa Abdul Jahil; ha heb falladow y fydh re erell ow kasa an governans. Hedhyw 12 yma Lybi war an amal a vresel sivil. Seulabrys kansow a estrenyon re dhiankas yn-mes an vro, ha broyow erell re dhanvonnas ayrennow ha gorholyon rag karya kansow erell. Nyns yw bras lu ervys an rewlyans yn Lybi: namoy ages 40,000 den, gwann-ervys ha trenys anlowr. Hemm yw sywyans a n strateji mentenys gans Gadhafi dres termyn hir rag eskeas pub chons a neb coup breselek. An nerth-diogeledh yw bras, krev, milus, ha proviys da. Yma niver a lyjyons arbennik nag usi rann a n lu ervys, saw gostydh dhe n Kessedhegow Domhwelus. Ha pella, yma bagasow parabreselek 13 : Militia an Bobel, gostydh dhe n Kolonel ha dh y gylgh klos Ahl al-khaimah (Tus an Tylda). Ha soudoryon-gober, brassa rann anedha a-dhia Chad hag a- dhia Nijer, parys yn tien dhe wul outrayow erbynn protestoryon sivilyan nag yw ervys. Moy a n soudoryon ma re beu kyrghys yn Lybi y n dydhyow a-dhiwedhes. Ha ny res ankevi kasoryon a n kordhow ha gansa lelder dhe rewlyans Gadhafi. Mar pydh ow pesya lelder a gettep a n bagasow ma, krow hag euthow a wra sywya. Saw y hwelir hedhyw derivadow a vrywsians an skoedhyans rag an kolonel konneryek, ha moy a soedhogyon y rewlyans owth omdenna. Inshallah. Mar mynn Dyw. UNN OWN MEUR: PRISYOW OYL OW KRESSYA Ha my ow skrifa hedhyw, teyr korforeth oyl Europek re astellas askorra oyl yn Lybi: Repsol (Spayn), ENI (Itali) ha Total (Frynk). Ow mos yn Europa yma rann vrassa an oyl esperthys a Lybi. Dell leveris unn gwikor a n SUA, An brassa own selvenel y n varghas yw omlesans an protestow ma y n ranndir, bys yn askorroryon vrassa, Arabi Sowdek yn sampel. Ha dell warn ev, wosa namoy ages kyhwedhel a gudynnow sevur y n leow na, kressya serth a allsa prisyow oyl. Yn parth peryll hedhyw yma an prisyow ma, herwydh penn-erbysydh Fatih Birol, a n Asienteth Keswlasek Enerji; hag i a allsa kressya pella a kwrussa pesya omhwelyans y n Est Kres. KEN OWN MEUR: AN BREDEREDH MUSLIM Yn Ejyp, an kevurdhyas 14 Islamydhiek 15 ma re beu difennys dres ogas ha 50 blydhen. An furffa omsav enebieth yw hemma. Own re n jeva lies y n West a worvynnow politek an Brederedh, saw nans yw termyn hir a-ban wayvyas hemma neb ideologieth dhomhwelus freudhek. Yma an kevurdhyas ow kwaytyas Ejyp rydh ha gwerinel. Byttegyns, yma re ow perthi own a neb governans gwarthevys gans an Brederedh hag a allsa didakla an kevambos a-barth kres ynter Ejyp hag Ysrael. Euthyk via an sywyansow a henna. KAMPOELLOW The Week, 29 a vis Genver ha 5, 12, 19 a vis Hwevrer. The Fall of Mubarak, Independent on Sunday, 13 a vis-hwevrer 2011, skrifys veu an erthygel ma kyns es an 24ens a vis-hwevrer 13 parabreselek, paramilitary 14 kevurdhyas, an organisation 15 Islamydhiek, Islamist (h.g.)

16 An Gannas Niver An Gannas Kowethas an Yeth Kernewek An Gannas ISSN X yw dyllys pub mis gans Kowethas an Yeth Kernewek a-dhia Lys an Kog, 2 Cook Court, Latchbrook, Essa, Kernow PL12 4UE Kost an ragpren nowydh yw 20 an vlydhen ha gans hemma eseleth Kowethas an Yeth Kernewek An pennskrifer Graham Sandercock, trigva a-ugh, yw lowen degemmeres erthyglow yn furvas Word dh aga dyllo po der e.bost: grahamsandercock@blueyonder.co.uk Pryntyes yn Kernow gans Stuprint, Lyskerrys. Kesva an Taves Kernewek: trigvaow Skrifennyades: Maureen Pierce, 16 Fordh Trelawney, Kelliwik/Callington, Kernow, PL17 7EE; ; e.bost: mpiercekernow@btinternet.com Gwerthow: Jori Ansell, 65 Churchtown, Gwynnyer, Heyl, Kernow, TR27 5JL; faks ha ; e.bost: jori.ansell@tiscali.co.uk Kernewek Dre Lyther: gwiasva: Ordenor: Roger Bailey e.bost: kernewekdrelyther@hotmail.co.uk Gwiasva: Kowethas an Yeth Kernewek yw Alusen Govskrifys, niver Soedhogyon 2011 yw: o o o o o o o o Kaderyores: Loveday Jenkin, Pennti Tremeyyn, Pras an Bibell, Kammbronn TR14 9PH; e.bost loveday.jenkin@googl .com Skrifennyas: Tim Hambly, 12 Stret an Duk, Lannstefan Wartha, Kernow, PL15 8HD e.bost skrifennyas@btinternet.com Alhwedhores: Koreen Twydell ; e.bost: koreen@koreen3.orangehome.co.uk Eseli an Konsel: Jan Edmondson; Steve Harris; Sally Mollard; Maureen Pierce; Polin Prys; Rob Reynolds; Kestewisys:Mary Ellis; Peter Harvey Dyllansow: Maureen Pierce Gwerthow: Jan Edmondson, 2 Kilger Wartha (Higher Kilgear), Boskennek, (Boconnoc) Lostwydhyel PL22 0RU ; e.bost anjanva@phonecoop.coop Eseleth: Tony Hak, 5 Sherwood Close, Bracknell, Berkshire, Pow Sows, RG12 2SB, ; e.bost: kowethas@tonyhak.freeserve.co.uk Gwerthjiow Kernewek: Kows Kernewek, 24 Plen an Varghas, Ryskammel, PL (dyghtyores Brenda Carne) Gwerthji Gwethnek, 90 Stret Veur, Rysrudh, (dyghtyer Jerri Jeffries) An 2011Gannas