PROGRAMM NOTTE BIANCA 2017

Transcription

1 PROGRAMM NOTTE BIANCA 2017 INTRATA KARNIVALATA Post: Quddiem il-parlament Ħin: Kif tidħol fil-pjazza ta quddiem il-parlament se ssib il-karrijiet tal-karnival iżejnuha. Magħhom se jkun qed jilqgħak il-preżentatur, imlibbes kostum tal-karnival, li jiggwidak flesperjenza tiegħek. 1. Ding Dong Post: Madwar il-belt Ħin: 19:00 Hekk kif it-tokki tal-arloġġi jimmarkaw is-sebgħa ta filgħaxija, il-qniepen kollha ta madwar il-belt Valletta se jdoqqu għal ħames minuti sħaħ, biex uffiċjalment jagħtu bidu għaċċelebrazzjonijiet ta Notte Bianca. 2. Tina (2) Mast Post: Pjazza Kastilja Wara s-suċċess kbir tal-planċier interattiv tas-sena l-oħra mal-bandisti, din id-darba aħtaf l-opportunità biex tara kunċert mużikali kbir, imma mtella mill-koristi. Kor wara kor u konduttur wara konduttur, Pjazza Kastilja se timtela bil-ħoss ta vuċijiet anġeliċi, tal-koristi mill-kor Mirabitur u VOCA Choir. 3. Min Hemm? Post: Pjazza Repubblika Ħin: 19:00-00:00 Fi Pjazza Repubblika ssib tliet kaxxi tat-telefown ħomor antiki. Kull waħda għandha direttorju b erba numri. Ċempel dawn l-erba numri u tkellmek persuna misterjuża fuq innaħa l-oħra tal-linja għal konverżazzjoni ta ftit kliem jew, jekk tkun fil-burdata, anki waħda twila u profonda.

2 4. PintaTeatru: Litteralment Post: Fit-toroq Il-qadim jiltaqa mal-ġdid hekk kif grupp ta atturi żgħażagħ imiss ma letteratura klassika Maltija. DLS Productions għażlu wħud mix-xogħlijiet l-iktar importanti fil-qasam letterarju Malti biex jagħtuhom il-ħajja f bosta postijiet madwar il-belt. Minn Ġużè Chetcuti għal Francis Ebejer u ħafna oħrajn, dan hu tribut għall-kbar tal-letteratura Maltija. 5. ŻiffaŻfin: Hip Hop! Post: Fit-toroq Żiffażfin tirritorna f Notte Bianca b biċċa xogħol ikkummissjonata bl-isem Kunċett ta Moviment. Bil-koreografija ta Cheryl Loffreda, dan il-proġett ta żfin se jġib il-hiphop fittoroq tal-belt li permezz tiegħu jesplora u jiċċelebra t-tema tad-diverstià, kwistjoni li hi għall-qalb il-membri tal-kumpanija. 6. Għażel Post: Il-Kamra tal-kummerċ Ħin: 19:00, 20:00, 21:00, 22:00, 23:00 Għażel, imsejsa fuq il-ħrafa klassika għat-tfal Iċ-Ċkejken Prinċep, hi xogħol enerġetiku ħafna b taħlita ta żfin u teatru li jittratta l-periklu tal-bniedem b moħħ magħluq. Minkejja li l-ktieb ġie pubblikat fl-erbgħinijiet, din il-ħrafa Franċiża għadha relevanti iktar minn qatt qabel. It-temi u l-kwistjonijiet soċjali fil-ktieb se jiġu esplorati permezz taż-żfin minn Żugraga Dance. 7. Shutterspeed Post: Il-Kamra tal-kummerċ Ħin: 19:30, 20:30, 21:30, 22:30, 23:30 Shutterspeed hu xogħol ta żfin interattiv b kollaborazzjoni ma fotografu li se jaqbad ilmoviment u l-enerġija tan-nies waqt Notte Bianca bil-kamera tiegħu. Mumenti kkuluriti se jinqabdu waqt li t-tim se jiżfen u jinteraġixxi mal-udjenzi madwar il-belt. Żomm għajnejk miftuħin għax hemm ċans tara ritratt tiegħek proġettat fuq il-bini ta madwarek. 8. AJRU Post: Pjazza Repubblika

3 Ara tilmaħx l-għasafar. Il-belt kapitali tara eluf ta viżitaturi li jżuru l-portijiet tagħha kull sena. AJRU hi installazzjoni interattiva magħmula minn bosta oġġetti magħquda flimkien li jagħtu l-impressjoni li huma qatgħa għasafar fl-ajru. L-installazzjoni hi tal-interactive Architecture Lab u għandha t-tema tal-komunikazzjoni. 9. Baħar ta Poeżija Post: L-Iskola tal-arti Isma l-poeżija ispirata mill-baħar Mediterran, l-immigrazzjoni u d-dgħajjes, waqt li timraħ qalb dgħajjes tal-karti jifflowtjaw. Tiftakarha Ġejja Dgħajsa? Wara s-suċċess ta dik l-istallazzjoni interattiva kkummisjonata fl-2016 lill-interactive Architecture Lab, din l-istallazzjoni tesplora kunċetti dwar il-fraġiltà tad-dgħajjes. Din id-darba tista tesperjenza l-istallazzjoni fuq ġewwa, waqt li tgawdi minn uħud mill-aqwa xogħlijiet letterarji tal-gżira, magħżulin minn Inizjamed u l-għaqda tal-malti. 10. Qatta Ġrieden Post: Quddiem il-qorti Ħin: 19:30, 20:40, 21:50, 23:00 Kolonji ta ġrieden qed jaffaċċjaw xogħlijiet ta kostruzzjoni fil-belt kapitali. Ejja qatta lejl ta daħq waqt li jiġu esplorati t-toroq ta taħt il-belt permezz tal-kitba ta Anna Pullicino. Il-produzzjoni hi f idejn Xenati u tinkludi bosta mill-aqwa atturi Maltin. 11. Duo Kukkanja Post: Quddiem il-qorti Ħin: 20:20, 21:30, 22:40 Ingħaqad ma Duo Kukkanja, magħmul minn Justin Galea (vuċi/melodika) u Steve Id-Delli Delia (kitarra/vuċi), waqt li jdoqqu mużika ispirata minn melodiji folkloristiċi tradizzjonali Maltin imħallta mal-laqta komika assurda tagħhom. 12. Karaoke ta Vera Post: Pjazza Teatru Rjal Ħin: 20:00 00:00 Wara suċċess kbir matul is-snin, Karaoke ta Vera jirritorna ħafna akbar u aħjar. Oħroġ lill-kantant pop ta ġo fik fuq palk armat apposta. Insa dik il-mużika rrekordjata ħażin iddoqq fl-isfond. Minflok ingħaqad mal-brass House Unit u agħżel il-kanzunetta li tixtieq u kantaha lill-udjenza ta quddiemek. Ħu ċ-ċans li tkanta ma Destiny, Claudio Faniello, Kevin Borg u Gaia Cauchi!

4 13. Ċeramika Dinamika Post: Is-Swar ta San Ġakbu (il-parkeġġ tal-bank Ċentrali) Agħti titwila lejn id-dinja tal-arti tal-fuħħar u tgħallem dwar it-tekniki varji bħal fuħħar tarrota, xogħol figurattiv u coiling. Żewġ fuħħara se jagħtu dimostrazzjonijiet tal-proċess talfuħħar kif ukoll jgħinu liż-żgħar jaħdmu l-fuħħar huma stess. Viżitaturi għandhom ukoll l-opportunità li jikkontribwixxu fil-ħolqien ta mural magħmul esklussivament waqt Notte Bianca. 14. La Fura dels Baus Workshop/Workshow Post: Il-Barrakka t Isfel Ħin: Niżżel l-app Matul il-ġimgħa li twassal għal Notte Bianca, il-grupp teatrali ta fama mondjali La Fura dels Baus ta workshop miftuħ għall-artisti u prattikanti tat-teatru f Malta. Matulu żviluppaw materjal performattiv li se jintwera għall-ewwel darba waqt Notte Bianca. Ejja u ġarrab din l-esperjenza unika maħluqa apposta għall-pubbliku Malti. 15. Lampa Stampa Post: Pjazza San Ġorġ Irfes fid-dawl. Late Interactive ħolqu Lampa Stampa, purtiera enormi ta LEDs fi Pjazza San Ġorġ. Iżfen quddiem kamera armata apposta biex taqbad is-siluwett tiegħek u tipproġettah fuqha. Mhix xi ħaġa ta kuljum li tara verżjoni tiegħek innifsek twila seba metri, le? 16. Strait Tango Post: Strada Stretta (Vincenti Buildings) Gawdi lejla tango ma George il-pusè Curmi u l-band tiegħu f lejla ta mużika Arġentina ma Strait Tango u iżfen mar-ritmi ta kompożituri bħal Piazzolla permezz talimprovizzazzjonijiet tal-pusè. Minbarra dan, l-assoċjazzjoni tat-tango Arġentin se tiżfen matul il-lejl kollu. 17. Notte Bianca Villaġġ Post: Il-Barrakka ta Fuq Il-Barrakka ta Fuq se tħaddan fiha Villaġġ, fiera ta kummerċ ġust ta bosta entitajiet u għaqdiet mhux governattivi li se juru u jippromwovu s-servizzi tagħhom. Dur dawra ħa tara

5 jolqtokx xi ħaġa. Idħol ukoll f atmosfera ta parata b mużika mil-banda Tal-Forzi Armati ta Malta, Il-Banda tal-pulizija ta Malta, u In Guardia Parade. 18. Gabi ddoqq Glass Post: Il-Kappella ta Sta Madalena Ħin: 19:30-20:30, 21:00-22:00 Iċċelebra l-kompożitur Philip Glass, li din is-sena għalaq 80 sena, mal-pjanista rinomata internazzjonalment Gabi Sultana. Il-kunċert ta siegħa se jkun dedikat lil wieħed mill-iktar artisti influwenti ta żmienna fil-qasam tal-film u l-mużika. Irrilassa mal-artikulazzjoni impekkabbli li Sultana se tagħti fil-kappella ta Sta Madalena, fejn li tisma u tara se jitħalltu f xenarju ta film bħalma qatt rajt qabel. 19. Science in the City Post: Il-Bitħa tal-palazz tal-gran Mastru Ħin: 19:00-00:00 Ejja sal-palazz tal-gran Mastru ħa dduq id-dinja eċċentrika u meraviljuża tax-xjenza. Tgħallem dwar il-ħajja tan-naħal fl-installazzjoni tal-għaqda mhux governattiva, Greenhouse s Bees4Food. Hawnhekk tista tgawdi minn arti interattiva, spettaklu ta pupazzi tad-dell, lukandi tan-naħal kif ukoll iż-żifna tan-naħal (waggle dance). Se ssib xi ħaġa tgħodd għall-familja kollha. The Plastic Planet hi installazzjoni artistika, appoġġata minn Wasteserv, li se tittrasforma s-siġar f post li ma jilqax iktar l-ambjent selvaġġ tagħna, biex turi l-effett li l-plastik qed iħalli fuq id-dinja. S-cubed se jerġgħu jtellgħu esperimenti u wirjiet kbar biex jippruvawhom in-nies, waqt li l-mhsa se tippromwovi għajxien iktar san permezz ta testijiet tas-saħħa, teħid tad-dna u sejbiet ġodda dwar is-saħħa tal-poplazzjoni Maltija. ALLT se jħalltu teknoloġija mal-lingwa, bl-istitut tal-lingwistika joħloq uċuħ billi juża kliem u coding kompjuterizzat sofistikat. Tal-aħħar imma mhux l-inqas, it-tim tat-tlielaq tal-università ta Malta UoM Racing, se jġib tlieta mill-karozzi tagħhom il-belt kif ukoll simulatur biex inti ssir xufier sportiv għal ġurnata. 20. Sur Jazz (bi tribut għal Sammy Bartolo) Post: Victoria Gate Ħin: 21:30 00:30 Ingħaqad ma Dominic Galea u l-band tiegħu għal lejla ta jazz f Victoria Gate li tinkludi

6 tribut lil-leġġenda tal-mużika Maltija, Sammy Bartolo. Mistednin speċjali għall-kunċert huma Clark Tracy, li ngħata l-premju UK Jazz Drummer tal-2017 u l-kantanta Maltija Nadine Axisa. 21. POST IT-TFAL: Nibnu Storja Post: Il-Librerija Nazzjonali Oħloq l-istorja tiegħek. F dan ix-xogħol teatrali interattiv, ingħaqad ma Sean u Chris Briffa u improvizza spettaklu drammatiku. X se toħloq storja epika, waħda ta mħabba jew kummiedja? Kollox f idek u f idejn atturi bħalek li jidħlu warajk. 22. Sim SALA Bim! Post: Sala San Duminku Ħin: 19:00 01:00 Mur lura fiż-żmien u ġarrab il-maġija tal-għoxrinijiet permezz ta Sim SALA Bim; sekwenza ta spettakli varji mis-soċjetà tal-magicians ta Malta li jinkludu bosta forom ta din l-arti, marbuta mal-ispettakli underground Vaudeville u mużika tas-snin 20/30 kif ukoll wirjiet maġiċi marbuta ma proċessi tal-proċessi tal-moħħ. 23. Triq il-maġija Post: Fit-Triq Esperjenza l-maġija fit-triq hekk kif iddur fit-toroq tal-belt, grazzi għall-magician Ivan Mallia, li se jkun qed jagħti spettakli intimi lill-individwi li jkunu għaddejjin minn ħdejh. Lesti ruħek biex tistagħġeb. 24. Titwila Post: Il-Palazz tal-gran Mastru Vetrini mżejna kif qatt ma rajthom qabel. Tmienja mit-twieqi tal-palazz tal-gran Mastru se jinbidlu fi spazji artistiċi matul Notte Bianca. Ix-xogħol għall-wiri jesplora kif il-maltin jużaw it-twieqi tagħhom. Titwila tiġbor fiha wħud mill-aqwa illustraturi f Malta - Nadine Noko, Séf Farrugia, Warren Bartolo, Ed Dingli, Marisa Attard, Magda Azab, Inez Kristina, u Mark Scicluna li se jikkollaboraw biex jipproduċu wirja li hi vetrina tal-istili partikulari tagħhom. 25. Logħob Virtwali Post: L-Iskola tal-arti

7 Ilgħab bir-realtà virtwali f Logħob Virtwali li hi installazzjoni li tesplora arti viżiva matul isseklu 21. Żur l-iskola tal-arti ħalli tesperjenza t-tpinġija u l-iskultura tri-dimensjoni. 26. Xandira Post: Il-Kamarata Ħin: 19:30, 21:00, 22:30 Isma xandira fuq ir-radju ta mużika folk Maltija kantata minn Ġiżimina fil-bitħa tal- Kamarata. Kultant il-kantanta toħroġ mir-radju biex tkanta fil-bitħa wkoll. Waqt li tisma l-mużika, aħseb ftit dwar kif l-għajxien tas-seklu 20 hekk kif l-isfera pubblika mmaskulinizzata taħbat ma dik femminili. 27. One Two Xarulù! Post: Fit-Triq Gawdi mill-mużika waqt li hi miexja fit-toroq. Id-dwett akustiku Xarulù se jingħaqad mas- 60 mużiċist tal-banda Big Friends Guggen. Lesti ruħek biex tisma l-mużika rock favorita tiegħek u klassiċi pop. 28. Disco Boċċi Post: Il-Klabb tal-boċċi St Paul s Il-logħba tradizzjonali tal-boċċi ħa tmur lura fil-futur... fis-snin 80! Ingħaqad magħna għallogħba boċċi li jixegħlu billejl, kompluta bi dwal tad-disco u l-aqwa kanzunetti ta dak iżżmien. Ejja ixrob u iżfen waqt li l-lagħba tal-boċċi jikkonċentraw fuq xogħolhom. Il-mużika se tkun provduta minn DJ Bob & G is for Gustav. 29. Xatt il-għana Post: Il-Port ta Marsamxett / Il-Pjazza tal-lift tal-barrakka Lanċa ġejja u oħra sejra, minn tas-sliema għal Marsamxett. Għannejja se jkunu qed jgħannu makkjetti hekk kif tasal il-belt. Ħdejn id-dgħjsa ta Tas-Sliema u l-lift tal-barrakka jilqgħuk l-għannejja bl-istejjer u l-anedotti tagħhom. 30. Il-Kbir għadu DJ Post: Pjazza San Ġorġ Ħin: 20:00 00:00

8 Għaddi sa Pjazza San Ġorġ għal ċelebrazzjoni ta kanzunetti, mużika u kliem Malti. Lejla mimlija sorpriżi li tinkludi żewġ DJs li m hawnx bħalhom l-atturi Ray Calleja u Ron Briffa kif ukoll mużiċisti u kantanti oħra. 31. Pjazza Ħġieġ Post: Pjazza Kastilja Mdina Glass u l-artiġġjani magħrufa tagħha se jkunu fi Pjazza Kastilja bix-xogħol tal-ħġieġ tagħhom. Għamel mezz li tgħaddi tammira l-funtana tad-dinja taħt l-art, li se tagħti xejra differenti lill-funtana li tinsab fil-pjazza. Blalen tal-ħġieġ imdawlin se jiddendlu mal-palazz ta Kastilja u s-siġar tal-madwar biex ikomplu jsebbħu l-arkittetura tal-belt. 32. Il-Klowns! Post: Fit-Triq Ingħaqad mal-buffonati ta dawn l-arlekkini li se jkunu qegħdin iduru mat-toroq tal-belt waqt li jiddevertu lin-nies bil-logħob u t-teatru tat-triq tagħhom. Wieħed mill-buffi hu determinat li jsib lil sieħbu li jinsab mitluf qalb il-mijiet ta nies li hemm għaddejjin fittoroq. Ieħor hu gwida turistika frustrat li kulma jixtieq hu li joffri lill-viżitaturi stejjer storiċi dwar l-inħawi li jinsab fihom. 33. Il-Anġli! Post: The Gut Ħin: 21:00, 00:00 Żewġ universi jaħbtu f Il-Anġli; installazzjoni performattiva minn Ira Melkonyan u Jimmy Grima ta The Rubberbodies Collective li jirriflettu fuq l-anġli u l-likwidi. Ispirata ħafif millktieb Anġli: Mit Modern, miktub mill-filosfu Franċiż Michel Serres, din il-prestazzjoni tuża l-kwalitajiet fiżiċi ta materjali fluwidi biex tqattar, tbiddel, tagħmel ċaflisa u tispira ħsibijiet dwar l-armonija b mod ta taħt fuq. 34. Claire Tonna Tkanta Leonard Cohen Post: Is-Soċjetà tal-arti Ħin: 20:30-21:45, 22:30-23:45 Il-ħajja u x-xogħlijiet tal-kantawtur Kanadiż Leonard Cohen, li ħalliena s-sena li għaddiet, se jiġu miftakra permezz ta kunċert speċjali mogħti minn Claire Tonna. Il-kantawtriċi se tkun akkumpanjata minn Daniel Sant (pjanu) u Michael Galea (tnabar), b kontribuzzjonijiet mużikali minn Francesca Galea (vuċi), Chris Cini (vjolin) u Brian Tonna (kunċertina).

9 35. Festival ta Films Qosra Post: Iċ-Ċinema tal-kavallier ta San Ġakbu Matul l-istess xahar li fih qed jiġi ċelebrat Jum iċ-ċinema Ewropew, Spazju Kreattiv b kollaborazzjoni ma entitajiet oħra se jippreżentaw taħlita ta films qosra minn Malta u barra. L-udjenza se jkollha ċ-ċans tara films ta fama internazzjonali li jittrattaw l-identità u d-diversità f post uniku. 36. Żona ta Logħob Post: L-Istudjow tal-kavallier ta San Ġakbu Sar ħin il-logħob! Terapija permezz ta logħob hi xi ħaġa kemmxejn ġdid għall-gżejjer Maltin. Matul Notte Bianca se jkun hemm kamra apposta fejn viżitaturi jistgħu jduqu d-dinja innovattiva tat-terapija tal-logħob. Hawnhekk issib materjali differenti bħal tafal, strumenti mużikali, pupazzi u kostumi. Il-bqija f idek biex tesplora. 37. Zekzik Post: Id-Diju Balli Ħin: 20:00, 21:00, 22:00, 23:00 Minn Wara l-persjana hu xogħol maħdum għall-post li se jittella fih u jinkludi bosta dixxiplini. It-tema tiegħu hi komunikazzjoni ħażina u zekzik. Iż-żeffiena se jieħdu r-rwoli ta nies komuni Maltin. Il-karattri u r-relazzjonijiet tagħhom jagħtuna titwila lejn dak li jgħaqqadhom u jifridhom. Ix-xogħol hu mtella minn tliet żeffiena kontemporanji b kollaborazzjoni ma tliet mużiċisti li se jimprovizzaw fuq il-post. 38. KUMMIDJANTI / STAND UP-COMEDY GĦALL-ADULTI Post: Splendid Ħin: 22:30 00:00 Ejja idħaq ma wħud mill-aqwa kummidjanti, fosthom Malcolm Galea, li se jtellgħu kummiedja stand-up nittiena mmirata għall-kbar biss. Notte Bianca se tinkludi stand-up bil- Malti mogħtija mis-satirista Wayne Flask. 39. ŻfinMalta Provi fit-tard Post: Pjazza Teatru Rjal Ħin: 23:00 ŻfinMalta se ttella provi miftuħin għall-pubbliku b siltiet mix-xogħlijiet tagħhom. Wara jkun

10 hemm ċans għal mistoqsijiet. Ejja u ltaqa mal-membri tal-kumpanija taż-żfin nazzjonali! 40. Notte BLANK Post: Forti Sant Iermu Ħin: 00:00-04:00 Varjetà wiesgħa ta artisti multinazzjonali fosthom ODED NIR, Above Smoke u The Floating Fluxman se jagħqdu t-talenti tagħhom f NOTTE BLANK. Dan id-divertiment straordinarju jinkludi wirjiet mużikali u viżwali maħsuba apposta għall-festival. Artisti lokali se jkollhom l-opportunità li jingħaqdu u jikkollaboraw ma dawk barranin u jsibu mezzi kif iħalltu t-talenti tagħhom fi produzzjoni live. Wirjiet viżivi u artistiċi se jinbnew minn ħmieġ miġbur minn #zibel biex jinħoloq iktar għarfien dwar tindif u riċiklaġġ. Dan il-proġett għandu l-kura ta Ed Schmebri u hu megħjun minn Fablab Valletta.