Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bolyum XLIX Ihap 7 Kaswalti sa AFP sa SMR, dili moubos sa 36 ISIP PAGSUGAT SA ika-49 nga anibersaryo sa Bagong Hukbong Bayan (BHB), naglunsad ang mga Pulang manggugubat sa Southern Mindanao Region (SMR) og mga aksyong militar batok sa gipagrabeng terorismong militar sa rehimeng US-Duterte sa rehiyon. Dili moubos sa 36 ka kaswalti ang nahiagom sa mga sundalo sa mga operasyong haras, demolisyon ug ambus nga gipahigayon sa BHB sa lain-laing prubinsya sa rehiyon gikan Pebrero hangtod Marso Kaniadtong Marso 22, nagpahigayon og seryeng mga atritibong aksyon ang BHB-SMR ug tulo ka beses nga gihamparos ang mga nag-operasyong tropa sa AFP. Sakay sa pito ka sakyanang nakakomboy, giambus sa BHB-Mt. Apo Subregional Command ang mga tropa sa 19th IB sa Barangay Manobo, Magpet, North Cotabato. Samtang gi-ambus usab sa Guerilla Front 56 ang mga tropa sa 56th IB sa Sityo Nasilaban, Barangay Palma Gil, Talaingod, Davao del Norte. Kaniadtong maong adlaw usab, giambus sa mga Pulang manggugubat ang mga tropa sa 71st IB samtang sakay sa unom ka motorsiklo sa Barangay Magangit, Maco, Compostela Valley. Responsable ang 71st IB sa mga serye sa iligal nga pag-aresto, detensyon, ug ekstrahudisyal nga pagpamatay sa mga sibilyang mag-uuma sa Compostella Val...sundi sa panid 3 EDITORYAL Ang posibilidad sa subling pag-abli sa hinabing pangkalinaw G inasuportahan sa Partido Komunista ng Pilipinas, ingonman sa Bagong Hukbong Bayan, ang posibilidad sa subling pag-abli sa hinabing pangkalinaw tali sa National Democratic Front of the Philippines (NDFP) ug Gubyerno sa Republika sa Pilipinas (GRP). Nahilakip kini sa palisiya sa rebolusyonaryong kalihukan sa kanunayng abli nga makighinabi sa unsamang rehimen nga andam makignegosasyon aron sulbaron ang mga ugat sa gera sibil sa nasud. Hugot nga ginasuportahan sa PKP ug BHB ang negotiating panel sa NDFP isip representante sa tibuok rebolusyonaryong kalihukan. Gihuptan niini ang pusisyon sa NDFP nga kinahanglang walay pasiunang kundisyon sa panaghisgot, nga maoy prinsipyong gitakda sa The Hague Joint Declaration sa 1992, nga gihiusahang ipatuman sa duha ka tampi. Nagalaum ang katawhang Pilipino nga madayon na ang pag-hinabi mahitungod sa Comprehensive Agreement on Socio-Economic Reforms (CASER). Kini ang nakatakda na nga hisgutan sa duha ka tampi sa ikalima nga serye niadtong Nobyembre 2017 ayha gikansela ni Duterte ang panaghisgot. Ginaduso usab sa NDFP nga ipatuman ang unang kasabutan nga mao ang Comprehensive Agreement on Respect for Human Rights and International Humanitarian Law (CARHRIHL). Subay sa CARHRIHL ug sa nasabutan sa unang serye sa panaghisgot niadtong 2016, kinahanglang hinanali nga magpagawas ang GRP og proklamasyon para sa

2 pangkinatibuk-ang amnestiya ug buhian ang tanang mga bilanggong pulitikal. Ang posibilidad nga subling maablihan ang negosasyon maoy bunga sa pagkambyo ni Duterte sa deklarasyon niya sa pagtapos sa hinabing pangkalinaw (Proclamation No. 360) ug sa misunod nga pagdeklara nga terorista ang PKP ug BHB (Proclamation No. 374). Sa kasamtangan, wala pay gipakitang mga kongkretong lakang si Duterte aron mahimong rason nga pahinayon sa katawhang Pilipino ang ilang paglihok aron suklan ang iyang gikaintapang rehimen ug gipanawagan nga palagputon kini. Samtang walay mahinungdanong lakang ang rehimen aron ipatuman ang unang mga kasabutan ug seryosong makignegosasyon kalabot sa mga repormang sosyo-ekonomiko, ang pagbuhi ni Duterte sa hinabing pangkalinaw pulos pagpangilad lang ug pangpahumot atubangan sa ginaatubang niyang nagkagrabeng krisis sa pulitika. Nasayod ang rebolusyonaryong kalihukan nga samtang nakighisgot ANG Bolyom XLIX Ihap. 7 Abri l 7, 2018 Ang Ang Bayan ginapagawas sa lingwaheng Pilipino, Bisaya, Iloko, Hiligaynon, Waray at Ingles. Nagadawat ang Ang Bayan og mga kontribusyon sa porma sa mga artikulo ug balita. Ginaawhag usab ang mga tigbasa nga magpadangat sa mga puna ug rekomendasyon sa pagpalambo sa atong mantalaan. kini, sunod-sunod ang burukratakapitalistang korapsyon ug krimen ni Duterte. Dayag ang iyang pagpabor sa dagkong langyawng kapitalista ug ilang mga lokal nga kasosyong kumprador. Walay undang ang iyang pagmaniobra aron mapuslan sa iyang pamilya, mga kroni ug tigsuporta ang mga pangpublikong kontrata ilalum sa programang "Build, Build, Build." Nagpadayon usab ang neoliberal nga mga palisiya sa rehimen nga nagpalisud sa katawhan. Sukad nga gipatuman ang balaod nga TRAIN law niadtong sinugdanan sa tuig, kanunay ang pagssaka sa presyo sa mga produktong petrolyo, pagkaon ug mga batakang serbisyo. Ang Build, Build, Build ug TRAIN sukwahi sa mga sosyo-ekonomiyang reporma nga ginaduso sa hinabing pangkalinaw. Nasayod usab ang rebolusyonaryong kalihukan nga padayon ug labaw pang migrabe ang iyang pagluhod sa imperyalismong US, ang amo sa AFP nga maoy nag-unang makinarya sa iyang terorismo. Ginasangyaw niya ang "independyenteng palisiyang Unod Editoryal: Ang posibilidad sa subling pag-abli sa hinabing pangkalinaw 1 Kaswalti sa AFP, dili moubos sa 36 1 BHB, padayon nga nagkalapad 4 Mga Lumad misukol batok kay Duterte 5 Duso sa katawhan sa Marawi 6 Masaker sa mga sibilyang Palestino 7 Ang mga drone sa kasaysayan 8 Upat na sibilyan, gipatay sa AFP 9 Fact finding mission, giharang fb.com/groups/cppinformationbureau cppinformationbureau@gmail.com Ang Ang Bayan ginamantala duha ka beses matag bulan sa Komite Sentral sa Partido Komunista ng Pilipinas 2 10 panggawas" pero aron makapanglimos sa China aron pondohan ang iyang engrandeng programang imprastruktura bugti ang pipila ka soberanong teritoryo sa nasud. Padayon ang martsa sa rehimeng US-Duterte padulong sa pagtukod sa pasistang diktadurya aron solohon ang gahum sa pulitika ug makapangulapot sa poder. Nagpabiling kaylap ang mga ekstrahudisyal nga pagpamatay, pareho ilalum sa iyang "gyera kontra-droga" ug todo-gyera batok sa rebolusyonaryong kalihukan. Ilalum sa Oplan Kapayapaan, nagpadayon ang brutal nga kadaut sa AFP sa kabukiran. Ginaokupa sa mga tropa niini ang tibuok komunidad, ginabomba ang kini ug ginapahamtangan og mga blokeyo. Kaylap ang paggamit sa pagpanlingla ug intimidasyon aron hadlukon ang katawhan aron pwersahon silang moparada isip mga "NPA surrenderee." Pinakagrabe kini sa Mindanao kung asa nagatunhay ang balaod militar. Atubangan niini ug kadungan sa hinabing pangkalinaw, kinahanglang pasubsubon sa katawhan ang ilang mga pagsukol kontra sa terorismo, tiraniya ug pagpahimulos sa rehimeng US-Duterte. Kinahanglang padak-on ang mga kalihukang-protesta para iduso ang ilang demokratikong pangayo yuta, trabaho, makabuhi ng suhulan, pabalay, edukasyon ug uban pang batakang serbisyo. Kinahanglang pakusgon sa katawhang Pilipino ang panawagang tapuson ang balaod militar sa Mindanao. Kinahanglang papanubagon si Duterte ug ang AFP sa ilang pagpangguba sa Marawi ug sa gatusan ka namatay ug nawala didto. ingonman, kinahanglang papanubagon si Duterte ug ang AFP sa nagkataas nga duguang listahan sa mga brutal ug bangis nga krimen. Atubangan sa teroristang kadaut sa pasistang rehimeng US-Duterte, walay laing kadangpan ang Bagong Hukbong Bayan kundili ilunsad ang gubat sa katawhan sa tibuok nasud aron panalipdan ang katawhan. ANG BAYAN

3 "Kaswalti...," gikan sa panid 1 ley. Lakip dinhi ang pag-aresto, pagtortyur, ug pagsulayng pagsunog sa lawas sa duha ka sibilyan niadtong milabayng tuig. Walo ang patay ug dili moubos sa lima ang samaron sa kaaway sa tulo ka prubinsya sa rehiyon sulod lang sa usa ka adlaw. Compostela Valley. Kaniadtong Marso 20, naglunsad og operasyong demolisyon ang mga Pulang manggugubat gikan sa ComVal-Davao Gulf Subregional Command batok sa 46th IB sa Lawasan, Pantukan kung asa tulo ka sundalo ang samaron. Tulo ka sundalo usab sa 66th IB ang napatay sa usa pa ka operasyong demolisyon nga gilunsad sa BHBCompostela Valley sa Sityo Taytayan, Barangay Andap, New Bataan. Davao del Sur. Gipangunahan sa Mt. Apo Subregional Command ang pag-ambus niadtong Marso 5 sa giusang operasyon sa 102nd Division Reconnaissance Company ug 39th IB sa Sityo Landig, Barangay Sibulan, Sta. Cruz. Pito ang natahong kaswalti sa kaaway. Samtang pugos nga gipanghimakak sa AFP ang maong kapildihan ug gipagawas nga usa lang sa ilang tropa ang samaron. Davao City. Tulo ka beses nga gihamparos sa 3rd Pulang Bagani Company ang mga tropa sa 3rd IB sa Sityo Basicong ug Sityo Utan sa Barangay Tamugan, Baguio District niadtong Pebrero Isip balos, gibombahan sa mga sundalo ang mga komunidad sa Lumad sulod sa duha ka adlaw. Iligal usab nga giransak ug gisunog ang balay sa duha ka sibilyan. Sa Barangay Manuel Guiang, gisilutan sa BHB silang Toto Costan ug Daden Diaz nga parehong paramilitar ug myembro sa Barangay Intelligence Network (BIN) nga nagasabwag og kahablok sa mga sibilyan, ug aktibong nagapaniktik ug nagapangharas sa mga lider masa ANG BAYAN ug lokal nga aktibista sa komunidad. North Cotabato. Tulo ka tropa sa 19th IB usab ang kumpirmadong patay human ang malampuson nga operasyong demolisyon sa mga Pulang manggugubat sa Purok 8, Barangay Greenhills, Pres. Roxas niadtong Pebrero 24. Davao del Norte. Kaniadtong Pebrero 11, giharas sa mga Pulang manggugubat ang mga tropa sa kaaway sa 60th IB sa Purok 1-A, Barangay Kiokmay, Laak. Lima usab ang kumpirmadong patay sa kaaway human gipabusikaran og mga command detonated explosive sa Guerrilla Front 56 ang mga nag-operasyong tropa sa 3rd IB sa Sityo Balaas, Barangay Gumitan, Marilog District niadtong Pebrero 9. Negros Oriental. Gisilutan sa Leonardo Panaligan Command niadtong Marso 21 bandang alas-4 sa buntag sa Barangay Basak, Guihulngan si Rene Torres, usa ka ahenteng tigpaniktik sa PNP ug AFP nga aktibong nagsubaybay sa mga lihok sa BHB sukad pa niadtong dekada '90. Tago kining nagataho sa kapulisan ug sa mga detatsment sa AFP nga duol sa ilang lugar ilabina na sa 11th IB nga nakadestino sa mga barangay sa McKinley ug Buenavista. Kalinga. Giatake sa usa ka yunit sa Lejo Cawilan Command ang usa ka detatsment sa 50th IB sa Sityo Guesang, Poblacion Salegseg, Balbalan. Usa ang kumpirmadong patay ug dili masota ang ihap sa samaron sa han-ay sa AFP. Ang maong detatsment nagsilbing advance command post sa Alpha Company sa 50th IB kung asa gigamit sa AFP ang mga sibilyan sa tribung Salegseg isip taming. Sa mando sa rehimeng US-Duterte, daghang baryo sa mga nasudnong minorya sa Kalinga ang kasamtangang giokupa sa 50th IB isip gwardya sa dagkong kumpanya nga planong mag-abli sa dinagkong mina o magtukod og dinagkong planta sa enerhiya sa Kalinga, sama sa Cordillera Exploration Company, Inc. (CEXCI)-Nickel Asia, Lepanto Consolidated Mining Company, Freeport McMoran, Chevron, San Lorenzo Ruiz Builders, DPJ Engineers and Consultants ug Kalinga Hydro. Ang pagsulod sa maong mga proyekto sa yutang kabilin maoy pinakagrabeng porma sa nasudnong pagpangdaugdaug batok sa mga nasudnong minorya dili lang sa Kalinga kundili sa uban pang prubinsya sa Cordillera. Nueva Ecija. Nagpahigayon og atritibong aksyong militar ang isnayper yunit sa BHB-Nueva Ecija batok sa nag-operasyong pasistang tropa sa 84th IB sa Barangay Piut, Carranglan niadtong Marso 23 bandang alas-10:30 sa buntag. Gipangpusil sa mga Pulang manggugubat ang sakyanan sa militar nga milugsong paubos sa Cagayan Valley Road. Usa ang natahong kaswalti sa han-ay sa militar. 3

4 BHB, padayon nga nagkalapad P adayon ang pagtubo sa Bagong Hukbong Bayan samtang nagkaduol ang ika-50 nga anibersaryo sa pagkatukod niini. Kini ang pamahayag sa Komite Sentral sa Partido Komunista ng Pilipinas sa mensahe niini sa ika-49 nga anibersaryo sa pagkatukod sa BHB niadtong Marso 29. Gihulagway sa Komite Sentral sa Partido nga ang BHB karon gilangkuban sa mayorya sa mga kabatan-onang Pulang manggugubat ug kumander gikan sa mga mag-uuma, mamumuo ug intelihensyang syudad nga maoy nagahatag sa rebolusyonaryong kalagsik, optimismo ug kaisog. Bunga niini, "labaw nga mikusog ang komitment ug desisyon sa BHB nga alagaran ang katawhan ug iasdang ang gubat sa katawhan sa mas taas nga ang-ang." Wala makapugong ang bangis nga gyerang ginalunsad sa pasistang rehimeng US-Duterte sa pagdako sa hukbong bayan. Kahinumduman nga tibuok kahambong nga gideklara ni Duterte nga puohon niya ang BHB ayha matapos ang tuig Samtang nagkagrabe ang tiraniya ni Duterte ug ginasumpo niya ang mga demokratikong katungod ug kagawasan, nagkadaghan usab ang katawhang nagasukol ug nagalunsad og lain-laing dagway sa pagsupak. Minilyon ang napukaw ug naka-amgo nga makatarunganon ug adunay makasaysayanong panginahanglan ang paglunsad og rebolusyonaryong armadong pakigbisog aron tapuson ang rehimeng Duterte ug iasdang ang kinatibuk-ang rebolusyonaryong tinguha. 55% pagtubo. Sa aktwal, mitubo sa 55% ang kinatibuk-ang ihap sa bag-ong rekluta sa BHB sa milabayng usa ug tunga sa tuig sa panggamhanan sa maharihariong Duterte kumpara sa milabayng upat ka tuig ilalum sa rehimeng Aquino ( ). Padayon ang pagdaghan sa mga kabatan-onang intelektwal gikan sa kasyudaran nga misampa sa BHB. Ug, sama sa iyang idolong diktador 4 nga si Ferdinand Marcos, gipamatud-an ni Duterte nga siya ang numero uno nga rekruter sa BHB. Sa milabayng tuig, ang BHB sa tibuok kapupud-an nakalunsad sa dili moubos sa 1,000 ka taktikal nga opensiba ug lain-laing tipo sa mga aksyong militar. Lakip dinhi ang 700 sa Mindanao ilalum sa balaod militar. Kini ang mga nagpamatuod sa determinasyon sa BHB nga suklan ang pasistang kabangis nga gisabwag sa papet ug pasistang rehimen. Samtang gitaho usab ni Ka Oris, tigpamaba sa National Operations Command (NOC) sa BHB nga "nagpabiling kusgan ang atong pwersa sa BHB sa Mindanao atubangan sa militaristang pagsulay sa pasistang rehimen nga puohon kini pinaagi sa pagdeploy sa 70% sa armadong kusog batok pareho sa BHB ug pwersang tigpanalipod sa Moro. Naghatag-dalan kini sa uban pang rehiyon sa Luzon ug Visayas aron mopakusog ug mopakaylap. " Nakalunsad og mga taktikal nga opensiba ang mga yunit sa BHB sa Luzon ug Visayas, partikular sa mga prubinsya sa Kalinga, Abra, Ilocos Sur, Cagayan, Quirino, Nueva Vizcaya, Laguna, Batangas, Quezon, Mindoro, Sorsogon, Camarines Norte, Camarines Sur, Eastern Samar, Western Samar, Leyte, Negros Occidental, Capiz, Iloilo ug uban pa. Resulta niini, napugos ang kaaway nga binaton ang iyang pwersa sa tibuok kapupud-an. Kadungan sa mga taktikal nga opensiba ang "malukpanong mga aksyong atritibo nga nagbunga sa signipikanteng kaswalti sa kaaway, nagpahinay"ug nagpalisud sa pagkab-ot sa planong pagtu- kod sa mga bag-ong batalyon ug dibisyon. Unsamang nahiagumang taktikal nga pagkapildi gikutloan sa BHB og mga pagtulun-an sa pagpalambo sa gerilyang pakiggubat aron atubangon ang pinagrabeng atake sa kaaway nga nagagamit og high-tech nga mga kahimanang panggubat sa imperyalista,"asoy ni Ka Oris. Dugang pa niya, "Luyo sa pagpamomba gikan sa kahanginan, pagpanganyon, pagpamatay, pagpanunog, pagpanghadlok ug pagpanglingla sa mga sugong militar sa rehimen, miusbaw sa 10% ang baseng masa og hukbong bayan sa Luzon ug Visayas, ug bisan sa Mindanao kung asa pinakagrabe ang kabangis sa militar." "Nahubad kini sa dugang nga mga natarang gerilya kung asa mitabang ang hukbong bayan sa pagpalambo sa mas daghang organo sa pulitikanhong gahum ug rebolusyonaryong organisasyong masa nga napanday sa pagpaasdang sa rebolusyong agraryo, pakigbisog alang sa katungod sa yutang kabilin ug sa paghukum-sa-kaugalingon, pagbatok sa pasismo ug militarisasyon, pagpanalipod batok sa imperyalistang pagpanlingla ug paggun-ob sa kinaiyahan dala sa malukpanong pagmina ug mga komersyal nga plantasyon." ANG BAYAN

5 Mga hagit. Kalabot sa pagpangandam sa mga rebolusyonaryong pwersa sa umabotay nga ika50 anibersaryo sa pagkatukod sa atong Partido, gimanduan sa NOC ang BHB nga "kab-uton sa pinakapaspas nga pamaaging makaya ang pinakatukma nga plastada ug pinakaepektibong pagtinabangay sa pagpasubsub sa gerilyang pakiggubat sa tibuok kapupud-an." Sa partikular, subli-subli nga padak-on ug pakusgon ang hukbong bayan pinaagi sa aktibong rekrutment, pagbansay ug pagpalambo sa mga Pulang kumander, manggugubat ug kadreng militar; pagpalambo sa mga istruktura sa kumand sa tanang ang-ang; pagpadaghan ug pagpalambo sa kalidad sa armas; iasdang ang pagpalambo sa katakus sa pagpaniktik; pagtukod og mas daghang yunit sa milisyang bayan; ug paglunsad sa mga taktikal nga opensibang maayo nga pagkaplano aron atakehon ang mga yunit sa kaaway, pagbayron sila sa mga kriminal nga kalapasan, pahuyangon ug kumpiskahon ang ilang mga armas." Sa pagtapos, hugot ang tambag ni Ka Oris: Himuon ang okasyon sa pagsaulog karon sa BHB aron "palig-unon ang atong panaghiusa nga ipadayon ug labaw pang ipaasdang ang momentum nga nakab-ot nato sa milabayng tuig. Labaw pang iasdang nato ang atong paghukum, kalagsik ug katakus mosukol ug subling palig-unon ang determinasyon nga tumanon ang mga mando sa Partido Komunista ng Pilipinas." Nagpagula usab sa tagsatagsa nilang mga mensahe ang NDF-Mindanao, mga pangrehiyong komite sa Partido ug kumand sa BHB sa Northeastern Mindanao, North Central Mindanao, Sorsogon, Camarines Norte, Camarines Sur, Albay, Masbate, Panay, Negros ug Kalinga. Aron mabasa ang maong mga pamahayag, misitaha lang ang Philippine Revolution Web Central (philippinerevolution.info). ANG BAYAN Mga Lumad misukol batok kay Duterte A ng makigbisog aron iasdang ang katungod sa edukasyon, sa yuta, sa kaugalingong paghukum usa ka kaalam ug dili usa ka walay kahibalo. Ang pagpasagad sa reaksyunaryong gubyerno sa mga Lumad ug paghikaw sa ilang mga katungod sa yuta ang hinungdan kung nganong tibuok kalig-on nga misalmot ang mga Lumad sa armadong pakigbisog. Gipanghimakak ni Ka Bick Mar, usa ka Instruktor sa Pulitika sa BHB, ang pamahayag ni Duterte nga giilad lang sa BHB ang mga Lumad nga myembro niini. Sa pakighinabi sa iya sa Ang Bayan, giingon ni Ka Bick Mar, "isip usa ka Lumad, sa akong nasaksihan, walay basehan (ang giingon ni Duterte) nga giilad ra sa BHB ang mga Lumad. Ako, isip Lumad, boluntaryong misampa sa BHB sa tinguhang organisahon ang mga Lumad aron mahigmata sila sa tinuod nga kahimtang." Si Ka Bick Mar, 23, usa ka maguumang Lumad. Bata pa lang namatuto na siya sa rebolusyonaryong kalihukan. Tugon sa iyang amahan ayha mamatay, nga bisan kinus-a dili ihimulag ang kaugalingon sa rebolusyonaryong kalihukan, kay kung wala ang kalihukan dugay nang naguba ang kalasangan. Sa edad nga 18, nagpultaym siya sa BHB ug sa kadugayan nahimong hingpit nga myembro sa Partido. Kasamtangan siyang nangulo sa usa ka platun sa BHB isip Instruktor sa Pulitika. Lumad usab ang nahimong asawa ni Ka Bick Mar nga nagsilbi usab ng medik sa platun. Matud usab kay Ka Pigan, usa ka Pulang kumander sa BHB, "bugtong ang reaksyunaryong gubyerno ang nanglingla sa mga Lumad, ginadunot niini ang mga datu ug nagtukod og mga grupong paramilitar aron sumpuon ang mga Lumad nga nakigbisog aron depensahan ang yutang kabilin batok sa langyawng mina." Matud niya, "mas hugaw pa sa tae" ang pamaagi sa gubyerno, walay gihimo kundili magsamwag og kahadlok ug pagpangdunot. Si Ka Pigan, 57 anyos, usa usab ka mag-uumang Lumad. Nagdesisyon siya nga mosampa sa BHB niadtong tuig 2000 tungod sa pagpamig-ot sa iya ug sa iyang pamilya sa reaksyunaryong estado gamit ang grupong paramilitar nga Delamance. Atubangan sa kabangis, wala mahulga ang iyang baruganan. Gilista siya sa rehimeng US-Duterte karung tuiga isip usa ka "terorista." Sa lima ka anak ni Ka Pigan, ang isa usa ka kumander usab sa BHB. Dili malilong nga daghan sa kabatan-onang Lumad ang misampa sa BHB. Gipatin-aw dili palang dugay ni Ka Oris, tigpamaba sa BHB, nga "tinuod nga daghan sa mga myembro sa BHB (sa Mindanao) nga mga mag-uumang Lumad, tungod kay mas gipaboran pa sa reaksyunaryong gubyerno ang dagkung mina ug lapad nga plantasyon sa mga dagkung korpora- 5

6 syon nga magpalayas sa mga Lumad, busa natural nga mosukol sila aron depensahan ang ilang yuta." Gipuna ni Ka Bick Mar ang pamahayag ni Duterte nga naghahulagway sa mga organisador sa BHB isip mga "halas" tungod kay ginagguba kuno nila ang "paraiso" sa mga Lumad. Matud niya, "Dili (kami) halas, tungod kay kamatuoran ang among ginasulti ug nabati kini sa katawhan busa sila padayon nga misuporta, ug kung halas, dili unta ingon niini kakusog ang kalihukan karon tungod kay walay mosampa sa BHB kung dautan ang tinguha niini." Isip mga kumander sa BHB ug nangulo sa Partido, ang mga susama nilang Ka Bick Mar ug Ka Pigan nga mga Lumad ang magpahimakak sa gisulti ni Duterte nga gipahimuslan ang "walay gikabangkaagan" sa mga Lumad. Daghan sa mga kaubang Lumad nagaako sa mahinungdanong papel sa laing-laing ang-ang ug nataran sa BHB ug sa pangulohan sa Partido. Hanas sila nga mga organisador, ug kusog ang impluwensya nila sa kanhi nilang mga komunidad. Hanas sila nga kumander, kabalo sila sa pasikut-sikot sa kabukiran ug hanas sa aktwal nga panagsangka. Maayo usab sila nga mga upisyal sa pulitika ug hanas sa pagpakaylap sa mga pagtuon ug kurso sa Partido. Kadaghanan sa mga nasudnong minoryang Pilipino mga mag-uuma. Ginakawkaw ang ilang mga yuta, dili lang sa mga agalong yutaan kundili lakip sa mga dagkung langyawng kumpanya sa mina, troso ug plantasyon. Gipukaw sila sa BHB sa makihut-ong nga pakigbisog. Tin-aw kanila nga ang BHB nagarepresentar sa hut-ong mag-uuma, mamumuo ug uban pang dinaugdaug ug pinahimuslang hut-ong ug sektor. Matud ni Ka Bick Mar, "tinuod nga Bagani sa mga Lumad ang BHB tungod kay nagsilbi kining tigpanalipod dili lang sa mga Lumad kundili sa tibuok katawhan." Bagani ang tawag sa tradisyunal nga manggugubat sa pipila ka grupong Lumad nga midepensa batok sa mga manunulong ug nanghulga sa ilang kinabuhi. Giila sila isip Bayani, sama sa pag-ila kanila karon isip mga Pulang manggugubat. Katawhan sa Marawi, nanghingusog nga mobalik na sa syudad M ikabat sa pungkay nga 50,000 ka residente sa Marawi ang nagmartsa niadtong Marso 30 padulong sa gitawag nga "ground zero" sa syudad aron iduso ang ilang katungod nga makauli sa ilang mga panimalay ug gipanawagan ang konsultasyon sa katawhan mahitungod sa planong rehabilitasyon sa ilang lugar. Ang "ground zero" ang bahin sa Marawi kung asa pinakagrabe ang pagkaguba bunga sa mga pagpamomba sa AFP. Bitbit ang ilang mga prayer mat, Hamidullah Atar, usa sa mga nagid ug plakard, gilunsad sa mga reorganisa sa aktibidad, usa usab sa sidente ang ilang martsa-protesta tumong sa protesta ang pagpadanga "Let's go back to Ground Zero yag sa pagkadismaya sa mga resi(mobalik kita sa Ground Zero)." Tudente sa pagbalewala kanila sa remong nilang magpadayag ug maghimen. Matud niya, pasuli-subli na halad og pag-ampo alang sa mga nga naghatag sa pakyas nga saad nakalas bunga sa gyera apan gihaug nangilad sa katawhan si Duterte. rang sila sa mga tropa sa AFP tuduso ni Atar, grabeng paglapas sa ngod kay aduna pa kunoy 50 ka katungod sa katawhan ang pagbabomba nga wala pa gipabusikad sa wal kanilang makabalik sa ilang mga lugar. panimalay. Ang maong panawagan Matud ni Sultan Abdul usa ka lehitimo nilang katungod. Dugang pa ni Aida Ibrahim sa Tindeg Ranao, panahon na nga tugutan ang mga residente nga makauli, maluwas ang unsamang nahabilin sa ilang kabtangan ug subling tukuron ang ilang mga panimalay ug syu- 6 dad. Samtang gibatikos sa Ranaw Multi-Sectoral Movement ang plano sa National Economic Development Authority ug Task Force Bangon Marawi nga himuong ecozone ang syudad sa takuban sa rehabilitasyon. Ipailalum ang paghatag sa mga pampublikong kontrata sa iskemang Swiss Challenge kung asa mamahimong mag-unahay ang langyawng mga kumpanya ug ilang mga kasosyo sa paglapag sa matag usa nilang proyekto. Ang maong iskema usa ka batbat sa anomalya ug ipatuman lang aron mapaboran ni Duterte ang iyang mga kroni ug alyadong langyawng negosyante. Sa pamahayag sa grupo, wala hatagig pagtagad ang ilang mga katungod sa mini nga rehabilitasyon sa Marawi. Matud niini, natibuok ang plano nga wala man lang gikonsulta ang katawhan sa Marawi. Dili tin-aw kung paunsa buhaton ang rehabilitasyon. Ang tin-aw, wala nahilakip dinhi ang mga residente. Mikabat na sa kapin napulo ka bulan sa dihang mibakwit ang 400,000 ka katawhan sa syudad. Mayorya kanila ang wala pa naka- ANG BAYAN

7 balik sa ilang mga panimalay. Sa datos sa DSWD, adunay 8,000 pa ang anaa sa mga sentrong ebakwasyon. Sa mga taho sa lokal nga gubyerno, adunay 1,200 ka tawo ang nakalas bunga niini samtang gatusan pa ang wala makita ug gikabalak-ang nakalas gikan sa pagpamomba sa AFP. Pebrero pa unang gisaad ni Duterte nga makauli na ang mga residente sa ground zero. Gitaho usab dili palang dugay sa AFP nga 24 ka barangay pa sa syudad ang gitakdang "off-limits" (dili pweding sudlon) tungod kay aduna pa kunoy mga bomba dinhi nga wala pa mibusikad. Ang mga barangay mao ang Bangolo Poblacion, Bubonga Lilod Madaya, Daguduban, Dansalan, Datu Naga, Datu sa Dansalan, Kapantaran, Lilod Madaya (Poblacion), Lumbac Marinaut, Lumbaca Madaya (Poblacion), Marinaut East, Marinaut West, Moncado Colony, Moncado Kadingilan, Norhaya Village, Raya Madaya I, Raya Madaya II, Sabala Manao, Sabala Manao Proper, Tolali, Tuca Marinaut, Wawalayan Marinaut, Sangcay Dansalan, ug South Madaya Proper. Ang maong mga barangay nalangkob sa giangkon nga military reservation sa AFP. Dinhi usab planong tukuron ang ecozone sa usa ka langyawng kumpanya. Matud ni Drieza Lininding, nangulo sa Moro Consensus Group, dili para sa interes sa mga taga-marawi ang pakanang ecozone ug kampo militar. Duso niya, dili kinahanglan sa katawhang Moro ang engrandeng plano sa subling pagtukod ug rehabilitasyon sa ilang syudad. Ang bugtong gusto nila makabalik sa ilang panimalay, may suporta man gikan sa gubyerno o wala. Tungod sa protesta, gitugutan niadtong Abril 1 ang 7,000 ka residente nga mosulod sa unang higayon sukad nga miulbo ang gyera aron kuhaon lang ang ilang nabiling kabtangan. Sa ilang pagbisita, subling gihatagag duso sa mga residente ang ilang panawagan nga permanente na nga makabalik sa lugar. Gidoku- ANG BAYAN mento nila ang mga naguba nga panimalay ug kabtangan isip pagpamatuod sa ilang panawagan nga bayaran ang mga naguba bunga sa gyera ug posibleng kaso sa pagpangawat. Matud nila, hangtod dili madungog ang ilang yangongo, magpadayon ang ilang pagduso sa ilang mga katungod ug pangayo sa subling pagtukod sa Marawi. Kontrol sa impormasyon Sa adlaw sa protesta, gibabagan sa mga elemento sa 103rd Brigade si Kathyrine Cortez, tigpamahayag gikan sa Davao Today ug myembro sa National Union of Journalists of the Philippines (NUJP), nga mosulod sa Marawi aron ibalita ang kalihukan sa mga residente. Gisulayan sa mga sundalo nga palayason siya sa syudad ug kumpiskahon ang iyang ID ug kamera. Aron hatagag hinungdan ang pagpanghasi, matud ni Col. Romeo Brawner, tigpamaba sa brigada, nga makatarunganon ang nahimong reaksyon sa iyang mga sundalo tungod sa pagsulay kuno sa maki-walhon ug dili Moro nga mga organisasyon nga sudlon ang han-ay sa mga lehitimong Maranaw aron manduan sila ug himuong agresibo ug bangis. Hugot nga gibatikos sa NUJP ang pagpanumpo. Matud niini, ang pagpagawas nga ang mga gidudahan sa mga pwersa sa estado paigo nga hinungdan para ilang pugngan ang mga tigpamahayag sa pagbalita ug ipailalum sila sa mga iligal nga lakang sama sa kumpiskasyon sa mga gamit ug arbitraryong pagpahawa segurado nga magbutang sa kakuyaw sa kinabuhi sa ilang mga kaubanan. Matud usab sa mga residente, walay laing miabot nga midya tungod kay tinuyong gibabagan sa mga sundalo nga adunay makagawas nga balita mahitungod sa gihimong protesta. Labaw pa niini, tinuyo nga ipahinay ang signal sa lugar para harungan ang mga residente nga mag-post sa social media kabahin sa protesta. Masaker sa Israel sa mga sibilyang Palestino, gikundena GIKUNDENA SA International League of Peoples' Struggles (ILPS) ang paturagas nga pagpamusil sa mga sundalong Israeli sa nagprotestang katawhan sa Palestine niadtong Abril 1 ug 7. Mikabat na sa 29 ang napatay ug halos usa ka libo ang samaron sa duha ka insidente. Gatusan ka liboan pa ang nasakitan bunga sa pagginhawa sa tirgas ug igo sa mga rubber bullet. Ang mga protesta kabahin sa kapin usa-ka-bulan nga paghandum sa mga Palestino sa ika-70 nga anibersaryo sa Al-Nakba o Delubyo, ang adlaw kung asa gipalayas sila sa ilang yuta aron hatagag dalan ang pagtukod sa estado sa Israel niadtong Mayo 15, Kapin 750,000 ka Palestino ang nawad-an og panginabuhian kaniadto. Sa kasamtangan, gibanabanang anaa sa pito ka milyon ang mga paryente sa orihinal nga mga bakwit ug nakatag sa lain-laing bahin sa kalibutan. Gisugdan ang mga protesta niadtong Abril 1 isip paghandum sa "Land Day" kung asa gipusil ug gipatay sa mga sundalong Israeli ang unom ka kabatan-onang Palestino nga misukol batok sa pagpangilog sa Israel sa ilang yuta niadtong Marso 30, Ang mga protesta, nga gisalmutan sa gatusan ka liboan ka Palestino, nagtukod og mga barikada ug kampuhan atubangan sa pader nga gitukod sa Israel ug Egypt niadtong 2007 ug nagbilanggo sa mga Palestino sa mapiot nga teritoryo sa Gaza. Gibatikos bisan sa United Nations ang paturagas nga pagpamusil sa Israel ug paggamit sa sobra nga pwersa batok sa di-armadong mga sibilyan. Matud niini, iligal ang pagpamusil gamit ang live rounds. Gikundena usab sa ILPS ang padayon nga pagsuporta sa imperyalismong US sa estado sa Israel ug ang teroristang kabangis niini sa katawhang Palestino. 7

8 Mga drone: kasaysayan sa pagpanginlabut ug pagpanggun-ob S a pagdawat sa rehimeng Duterte sa unom ka ScanEagle 2 drone system niadtong Marso 13, ginapadayon sa papet nga gubyerno ang kapin usa ka dekada na nga pagkontrol sa US sa mga drone nga ginapalupad sa kahanginan sa Pilipinas. Dayag nga naglapas sa soberanya sa Pilipinas ang pagpalupad sa US sa mga drone sa kahanginan nga langkob sa teritoryo sa nasud. Grabeng pagpanginlabut sa pagsubaybay sa maong mga aktibidad sa katawhan, ug pagdirihe sa AFP ug PNP nga atakehon ug bombahan ang mga komunidad sa ngalan sa "gyera kontra-terorismo" sa US. Pinaagi sa mga drone, nadirihe sa US ang AFP tungod sa katakus niini sa pagkuha og impormasyon gikan sa kahanginan, ug ingonman ang katakus nga mangatake. Sa kasinatian sa nasud, gigamit ang mga drone sa US aron puntingon ang lokasyon sa mga planong bombahan sa mga eroplano sa Philippine Air Force. Gawas niini, pipila ka mga drone usab ang mismong nanghulog og mga bomba. Sa milabayng 16 ka tuig, pinakadakong kadaut sa pagpamomba nai ang mga sibilyan nga komunidad sa Mindanao. Una nga nataho ang paggamit sa drone sa nasud niadtong Marso Nalakip sa Central Intelligence Agency, ang nag-unang ahensya sa pagpaniktik sa US, ang mga Gnat drone sa unang mga bulan sa pagsugod sa operasyon sa Joint Special Operations Task Force-Philippines (JSOTF-P). Gihimong base sa mga Gnat ang Edwin Andrews Air Base sa Zamboanga City, samtang sa kasikbit nga Camp Navarro usab nakaistasyon ang JSOTF-P. Gikan 2002 hangtod 2015, ang JSOTF-P ang nagbansay sa AFP ug PNP isip mga instrumento sa US sa Foreign Internal Defense niini sa nasud, nga mas naila isip mga operasyong kontra-insurhensya. Kakumbina sa mga Gnat ang mga eroplanong pangbomba sa 8 Philippine Air Force nga mga OV-10 Bronco, nga nagadala sa mga bombang adunay gibug-aton nga ka kilo. Gigamit sa US ang Bronco sa gyera sa Vietnam, apan gipalambo niadtong 2004 ($6 milyon) ug 2010 ($19 milyon) aron magamit kakumbina ang mga drone. Niadtong Pebrero 2, 2012, kakumbina sa mga ScanEagle drone, upat ka smart bomb ang gihulog sa duha ka OV-10 Bronco sa Barangay Lanao Dakula sa Parang, Jolo, Sulu. Target kuno sa maong airstrike ang giilang mga terorista nga silang Zulkifli bin Hir (Marwan) ug Muhammed Abdullah Ali (Muawiyah) apan parehong mga sibilyan ang namatay sa insidente. Lakip sa mga misunod nga gipalupad sa US mao ang mga Predator drone. Mas dako ug mas paspas kini kumpara sa mga Gnat, ug adunay kakayahang mokarga og mga bomba. Sa usa ka paghinabo, gidawat sa mga upisyal sa pagpaniktik sa US nga niadtong Setyembre 2006, nagpagula og mga misayl nga Hellfire ang mga drone nga Predator target ang usa ka komunidad sa Tawi-tawi kung asa anaa kuno si Umar Patek, ang gitudlo sa US nga nagplano sa pagpamomba sa Bali, Indonesia niadtong Sa mga gitaho nga kaswalti, wala nahilakip si Patek. Gisundan kini sa pag-eksperimento sa US Marines sa drone nga Silver Fox sa misunod nga bulan, sa dihang miabot ang 31st Marine Expeditionary Unit. Sa takuban sa mga pagbansay-militar, nalunsad sa US ang gyera niini gamit ang AFP ug PNP isip ilang mga kaabag. Sa tibuok panahong pagpundo sa JSOTFP, gibansay ug giarmasan sa US ang mga pwersang Pilipino, gihatagan og pagpaniktik gikan sa mga drone ug satellite, ug gimanduan sila sa mga panagsangka. Apan pugos nga ginatago sa publiko sa mga gubyerno sa US ug Pilipinas ang nagkadaghang presensya sa mga drone sa nasud, nabutyag kini bunga sa nagakaylap nga langkob ug nagkagrabeng pagpanggun-ob nga resulta sa mga pagpamomba. Sa pagpulbos sa AFP sa Zamboanga City niadtong Setyembre 2013 aron atakehon ang Moro National Liberation Front nga nagprotesta sa lungsod, lakip sa mga gigamit sa AFP ang mga drone nga Raptor ug Knight Falcon nga maoy naggiya sa mga pagpamomba sa kapin duha ka semana. Nagresulta kini sa pagkaguba sa syudad ug pagkawala sa puluy-anan sa 120,000 ka sibilyan. Gikontrol usab sa mga sundalong Amerikano ang pagpalupad sa mga drone sa dihang giatake sa gibansay niining mga batalyon sa AFP ug PNP ang Marawi niadtong Mayo Human ang pipila ka semana nga nagpadayon nga pagpamomba, napukan ang syudad ug giguba ang panginabuhian sa gatusan ka liboang residente. Nabutyag usab ang presensya sa mga drone tungod sa mga aksidenteng binuhatan niini. Niadtong , dili moubos sa lima ka insidente ang nataho nga pagkabugsok sa mga drone. Kadaghanan niini gibasol sa dili-paborableng klima sa nasud. Aduna usay resulta sa kontra-atake sa mga armadong grupong Moro. ANG BAYAN

9 Upat ka sibilyan, gipatay sa AFP U pat ang gipatay ug 13 ang giaresto sa mga pulis ug sundalo sa teroristang rehimeng US-Duterte niining milabayng duha ka semana. Nagpadayon usab ang militarisasyon ug pagpamomba sa kabukiran, ilabina sa Mindanao. Pagpamatay. Gipusil ug namaniadtong Marso 21, gipusil ug tay si Agudo Quillio, 52, residente napatay si Nasrudin Kadatuan, usa sa Purok Gemilina, Sityo Lawaan, ka negosyanteng Moro, samtang Barangay Kingking, Pantukan, sakay sa iyang motorsiklo pauli sa Compostela Valley ug lider sa Hugilang panimalay sa Talayan, Magupong sa mga Mag-uuma sa Pantuindanao ug milabay sa detatsment kan (Humapan) sa mga armadong sa 2nd Mechanized Battalion sa elemento ilalum sa 46th IB banafp. Si Kadatuan maoy giakusahan dang 6:30 sa gabii niadtong Marso sa militar nga myembro sa Bang20. Nangandam og panihapon si samoro Islamic Freedom Fighters Quillio sa dihang pugos nga gisulod (BIFF) nga nalambigit sa papangsa tulo ka armadong lalaki ang haras sa maong detatsment niadilang panimalay. Pagkasulod kalit tong gabii sa pagpatay, bandang siyang gipusil sa dughan, hinung8:30 sa gabii. Gipasanginlan usab dan sa iyang hinanaling kamatasiya nga nalambigit sa usa ka aryon. madong engkwentro sa Barangay Si Quillio ug ang iyang organilower Salvo, Datu Saudi Ampatusasyong Humapan aktibong nagaan, Maguindanao. babag sa operasyon sa kumpangipanghimakak ni Abu Misri yang St. Augustine Gold and CopMama, tigpamaba sa BIFF, ang per Limited gikan Canada, ug sa mga akusasyon sa militar. Matud ni $2-bilyon kantidad sa Kingking MiMama, si Nasrudin usa ka sibilyan ning Project sa Pantukan. Aktibo ug bisan ang mga militar nakaila usab siya nga misuporta sa ARB kaniya. Gipanghimakak usab sa One Movement, usa ka organisamga residente ang taho sa pulisya syon sa mga benepisyaryo sa renga nag-ingon nga siya gipusil sa pormang agraryo sa rehiyon nga sinukliay sa bala sa duha ka tampi. nakigbisog alang sa tinuod nga rematud sa Kawagib, usa ka organiporma sa yuta ug libreng pagbahinsasyong Moro alang sa katungodbahin sa yuta. tawo, ang pagpatay kay Kadatuan Niadtong Marso 22, gipusil ug kabahin sa nagapadayon nga kamnapatay sa mga gidudahang parapanyang "gyera kontra-terorismo" militar ang usa ka Manobo gikan sa sa rehimeng Duterte batok sa kabarangay Gupitan, Kapalong, tawhang Moro sa Mindanao. Davao del Norte. Ang biktima naiiligal nga pag-aresto ug paglang si Garito Malibato, 23-anyos, sang-at og ginama-gamang kaso. ug myembro sa grupong Lumad nga Niadtong Marso 29, giaresto sa Karadyawan. Bag-o ang pagpatay mga pulis ug militar si Ruby makapila ka beses nga nakadawat Lacadman, 38-anyos, kabus nga si Garito sa mga pagpangbahad giaktibista ug organisador sa Kadakan sa mga myembro sa Alamara, may, sa iyang panimalay sa Barausa ka grupong paramilitar nga gingay Cacutud, Mabalacat City, pangulohan nilang Ungging ug LaPampanga. Bisan Ruby Palabrica y ris Masaloon. Ang maong mga paquitason ang pangalan nga nakaramilitar dugay na nga aktibong butang sa warrant of arrest nga nanghasi sa grupong Karadyawan gigamit, giakusahan si Lacadman ug sa mga eskwelahang Lumad sa nga nalambigit sa usa ka kaso sa Kapalong sa ngalan sa kontra-inpagpatay sa Cadiz City, Negros surhensyang kampanya sa rehioccidental niadtong Ang meng Duterte. Ruby Palabrica nga gipasabot sa ANG BAYAN mandamyento maoy usa sa 600 nga pangalan nga gilista sa Department of Justice isip mga myembro PKP ug BHB. Gipanghimakak usab sa Kadamay ang maong pasangil. Matud ni Elvie Adona, tigpamaba sa Kadamay-Metro Clark, si Lacadman dugay na nga nanimoyo sa Pampanga ug imposibleng lambigit sa kasong gipasangil kaniya. Kusganon nga misukol si Ruby sa planong pagpalayas sa Hausland Corp., kakunsabo ang lokal nga panggamhanan sa Mabalacat, sa mga kabus nga nanimoyo sa mga eryang ginaplanuhan niining kawkawon ug tukuran og mga residential subdivision. Sa Davao, bangis nga gibungkag sa kapulisan niadtong Abril 2 ang gilunsad nga welga sa mga mamumuo sa Coca-Cola. Iligal usab nga giaresto sa mga pulis ang 10 ka unyonistang myembro sa Kilusan ng Manggagawa Laban sa Coca-Cola (KIMACO), usa ka kahugpungan nga kaalyado sa Kilusang Mayo Uno (KMU). Ginapanawagan sa mga mamumuo ang pagbalik sa 72 nila ka kauban nga gitangtang sa trabaho niadtong milabayng bulan. Ang mga giaresto giilang sila Sustenes Bantayan, lider sa KIMACO-KMU, Ricardo Sales, Ryan Balera, Reynaldo Mane, Antonino Bayawan, Ayan Dibalgui, Jesse Monticillo, Alvin Buccat, Ronnel Calacat, ug Michael Olan-Olan. Gipasakahan sila og ginama-gamang kaso nga grave coercion ug disobedience ug kasamtangan napreso sa istasyon sa pulis sa Talomo. Sa parehong adlaw bandang alas- 2 sa hapon, iligal nga giaresto sa giusang pwersa sa 73rd IB ug PNP Polomolok si Mary Ann Mariano, 35, uban ang iyang anak nga 3 ka bulan ug anak nga 7 anyos sa Purok Hechanova, Barangay Poblacion, Polomolok, South Cotabato. Walay warrant of arrest nga gipakita ang mga miaresto kay Mariano. Gidala siya ug ang iyang mga 9

10 anak sa PNP Polomolok kung asa gideklarang usa ka Pulang manggugubat nga boluntaryong misurender. Gipasanginlan sa 73rd IB si Mariano nga myembro kuno sa Front 71 sa Far South Mindanao Region. Hangtod sa kasamtangan gunit sa militar ang mga biktima. Niadtong buntag sa Marso 24, gidagit sa mga elemento gikan sa 25th IB si Adelaida 'Nanay Ede' Macusang, 59-anyos, residente sa Purok 3, Barangay Camansi, Montevista, Compostela Valley ug aktibong myembro sa Montevista Farmers Association (Montefarma). Matud sa iyang pamilya, gidala si Nanay Ede sa hedkwarter sa 25th IB sa Monkayo, Compostela Valley. Matud sa pinakaulahing balita sa Montefarma sa Karapatan-SMR, gihatod sa militar si Nanay Ede sa usa ka kasikbit nga istasyon sa PNP kung asa gipasakaan siya og ginama-gamang kasong illegal possession of explosives. Intimidasyon ug pagpamig-ot. Sa pamahayag sa KarapatanQuezon niadtong Abril 2, gikundena niini ang nagkagrabeng presenya sa militar ug ang sagunson nilang operasyon sa South Quezon, Bondoc Peninsula. Nagapundo sa mga simbahan ang mga sundalo nga nakafull battle gear. Gawas niini nagpakaylap ug nagbalandra usab sila og mga malisyosong tarpaulin ug mga balasahon batok sa mga progresibong organisasyon ug lider nga nagaasdang sa katungod sa katawhan. Sa pamahayag niini niadtong Marso 14, usa ka gidudahang upisyal sa pagpaniktik sa AFP ang namunting ug nagkasa og pusil sa tulo ka sibilyan sa usa ka terminal sa bus sa Calauag, Quezon. Ang mga biktima nailang sila Julius Bataller, Larry Alleluya ug Kennet Quizana nga lakip sa mga organisasyong nagapanawagan og hustisya kay Fe delos Santos, usa ka tigulang nga babaeng gipatay sa mga ahente sa militar tungod lang kay inahan siya sa usa ka nailang kumander sa Ba- gong Hukbong Bayan. Niadtong Marso 26 sa Tuguegarao City, nagpakaylap ang mga gidudahang elemento sa AFP ug PNP sa mga malisyosong polyeto nga nagsulting adunay mga mamamatay-tawong Sparu ang BHB sa Barangay San Gabriel nga nagsuroysuroy ug nagtago ilabina sa nahisgutang upisina sa Anakpawis. Giakusahan usab sa nahisgutang polyeto nga myembro sa BHB ug "terorista" si Isabelo Adviento, regional coordinator sa Anakpawis, ug ang mga myembro sa partylist. Sa Laguna, gikampuhan usab sa mga armadong elemento gikan PNP, SAF ug SWAT ang eskwelahan tungod sa FEMSA Sta. Rosa Plant tulo ka adlaw sukad nga ikasa sa Liga na Pinalakas ng mamumuo sa Coca-Cola FEMSA Philippines (LPMCCFP) ang ilang welga niadtong Marso 21. Aron hadlukon ang mga welgista, nagdeploy og mga armadong ginsakpan ang kapulisan sulod sa pabrika. IFFM, giharang sa AFP SA UNANG ADLAW sa International Fact-Finding Mission to Defend Filipino Peasants' Land and Human Rights Against Militarism and Plunder in Mindanao kaniadtong Abril 6, gitagbo og intimidasyon ug pagpamig-ot ang tulo ka grupo sa mga delegado sukad nga miaabot sila sa mga airport sa Davao City, Laguindingan ug Butuan City. Paggawas pa lang sa mga airport, kalit nga gipalibutan ang mga delegado sa mga gidudahang elemento sa militar nga mikuha og mga litrato ug bidyo. Makapila ka higayon pang gibabagan ug gipahunong sa walay hinungdan ang mga komboy sa mga grupo sa gipagtapo nga pwersa sa PNP ug Scout Rangers sa managlahi nga mga checkpoint. Luyo niini, malampuson gihapon nga nakasulod ang mga delegado sa ilang padulngang mga lugar. Matud sa Kilusang Magbubukid ng Pilipinas (KMP), aduna nay nadokumentong 126 ka pulitikal nga pagpamatay sukad kaniadtong Disyembre 2017; 110 sa mga biktima nga mag-uuma ug mga lidermag-uuma, nga kasagaran naggikan sa isla sa Mindanao. Sa Compostela Valley pa lang, usa sa lugar nga gitarget sa misyon, walay-puas ang pagpamatay sa 46th IB sa mga lider-mag-uuma nga aktibong nagabatok sa 10 pagsulod ug pag-opereyt sa mga magun-ubon nga mina sa ilang komunidad. Matud sa KMP, kapin sa 20 ka mag-uuma ug lider-mag-uuma gikan sa Compostela Valley ang gipatay sa maong yunit-militar sukad 2016, lakip silang Jimmy Saypan nga gipatay kaniadtong Setyembre 2016, ug ang magtiayon nga silang Leonila Tapasan-Pesadilla ug Ramon Pesadilla nga gipatay kaniadtong Marso Si Saypan ug ang mga Pesadilla parehong aktibo sa kampanya batok sa pagsulod ug eksplorasyon sa Agusan Petroleum and Mineral Corporation nga maglangkob sa 2,400 ektarya sa ilang lungsod sa Ngan, Compostela. Gipangulohan ang IFFM sa Kilusang Magbubukid ng Pilipinas, Mindanao for Civil Liberties, Tanggol Magsasaka, Asian Peasant Coalition, PAN Asia Pacific, People's Coalition for Food Sovereignty, Rural Missionaries of the Philippines, International League of Peoples' Struggles ug sa Youth for Food Sovereignty. Misalmot sab ang pipila ka personalidad gikan sa akademya, mga abogado, midya, relihiyoso, mga progresibong magbabalaod, ug uban pang sektor. Milungtad ang IFFM gikan Abril 6-9. Lakip sa mga giadtoan sa grupo mao ang pipila ka komunidad sa Southern Mindanao, Northern Mindanao ug Caraga. ANG BAYAN