Sa pagbwelo sa kasaba sa kampanya alang sa eleksyong 2016, kinahanglang

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bolyum XLVII Ihap 4 Pebrero 21, 2016 www. philippinerevolution. net Editoryal Rebolusyon! Dili eleksyon! Sa pagbwelo sa kasaba sa kampanya alang sa eleksyong 2016, kinahanglang labawng pakusgon sa Partido ug tanang nasudnon-demokratikong pwersa ang pagbutyag sa mini ug walay-unod nga reaksyunaryong eleksyon aron mapadayunong pukawon ang katawhang Pilipino nga magpursigi sa ilang mga masang pakigbisog, magpakusog sa ilang organisadong kusog ug mosubay sa dalan sa rebolusyonaryong pakigbisog. Panahon na aron subling palig-unon ug ipakaylap ang batakang prinsipyo nga makab-ot lang ang dugay nang gipangandoy sa katawhan nga katilingbanong kausaban pinaagi sa rebolusyonaryong pakigbisog, nag-una sa dagway sa armadong rebolusyonaryong pakigbisog nga ginasuportahan sa halapad nga demokratikong masang pakigbisog. Samtang kritikal nga nagasalmot ang pila ka progresibo ug nasudnon-demokratikong pwersa sa eleksyon, angayang pukawon usab ang katawhan aron isalikway ang repormistang ilusyon nga walay kapuol nga ginamugna sa mga reaksyunaryo ug kontra-rebolusyonaryong petiburges, nga magbunga kuno og mahinungdanong kausaban ang pagsalmot sa reaksyunaryong eleksyon. Alang sa mga reaksyunaryo ug sa imperyalismong US, hilabihan ka importante sa papel sa eleksyon sa pagmentina sa nagharing pulitikanhong sistema ug sa ilang makihut-ong nga paghari. Pinaagi sa eleksyon, ginapagawas nga "demokratiko" ang reaksyunaryong gubyerno ug pulitikanhong sistema sa mga agalong yutaan ug dagkung burgesya. Ginatabunan niini ang makihutong nga kinaiya sa nagharing estado ug ginapagawas nga "pinili sa katawhan" ang mga nagapadagan ug nangulo sa reaksyunaryong gubyerno. Salamin ang reaksyunaryong eleksyon sa dunot nga pulitika sa mga parasitikong nagharing hutong agalong yutaan ug burgesya kumprador, ilabina ang mga burukrata-kapitalista nga nalambigit sa mga sindikatong kriminal. Gilawayan nilang makontrol ang gubyerno aron makuha ang mga pabor sa hisgutanan sa paghatag og mga kontrata, pagkibhang sa buhis, pagpayuhot og mga produkto ug proteksyon sa ilang mga operasyong kriminal. Natural nga kabahin sa reaksyunaryong eleksyon ang lainlaing porma sa pagpanikas. Walay katapusan ang mga pamaagi sa pagpanikas gikan sa pagpamalit og boto, pagpanghadlok ug pagpamugos sa mga botante hangtud sa pag-usab sa ihap sa mga boto. Aron himuong katuohan, gisugdan sa reaksyunaryong estado niadtong 2010 ang eleksyong automated o dekompyuter nga pag-ihap sa boto. Tungod kay nakatago ang pag-ihap sa boto, samot nga nahimong kaylap, dinagku ug sistematiko ang pagpanikas. Samot usab nga mihugot ang kontrol sa imperyalismong US sa eleksyon. Sa tibuok kalibutan, gihuptan ang in-

2 Bolyum XLVII Ihap 4 Pebrero 21, 2016 ang ANG Ginapagawas Ang Bayan sa pinulungang Pilipino, Bisaya, Hiligaynon, Waray ug Ingles. Mahimo kining i-download gikan sa Philippine Revolution Web Central nga makita sa www. philippinerevolution. net Modawat ang Ang Bayan og mga tampo sa dagway sa mga artikulo ug balita. Ginaagni usab ang mga tigbasa nga mopadangat og mga saway ug rekomendasyon alang sa pagpalambo sa atong mantalaan. Maabot kami pinaagi sa sa: cppinformationbureau@gmail. com dustriya sa automated election sa pipila ka kumpanya nga konektado sa dagkung monopolyo kapitalista. Samot nga midali alang sa imperyalismong US ang pagtakda kung kinsa sa mga kandidato ang palingkuron niini sa poder, lakip ang mga nasudnong opisyal sa reaksyunaryong estado. Samot pang mihugot ang kontrol sa US sa pulitika sa mga nagharing hut-ong. Ginagamit sa US ang reaksyunaryong eleksyon aron konsolidahon kini ug plantsahon ang ilang panagribal, itakda kung kinsa ang ibutang sa poder ug kuhaon ang suporta sa nagkadaiyang paksyon. Walay laing ibunga ang taliabot nga eleksyon sa Mayo kundili ang pagplastar sa poder sa bag-ong suluguon sa imperyalismong US ug morepresenta sa interes sa mga nagharing hut-ong. Alang sa katawhang Pilipino, walay dakung kamahinungdanon ang reaksyunaryong eleksyon. Nasayud sila nga simpleng pagpuli lang kini sa nawong sa mga tawo nga modumala sa reaksyunaryong estado. Wala kiniy ihatud nga kausaban sa mga batakang palisiya niini. Atubangan sa nagkagrabe ug nagkalalom nga krisis sa nagharing semikolonyal ug semipyudal nga sistema, samot nga nahimong desperado ang mga nagharing hut-ong sa Pilipinas sa pagpakaitoy sa imperyalismong US. Karon pa lang, nag-inunahay na ang mga nag-unang kandidato pagkapresidente sa pagpasikat ngadto sa imperyalismong US ug pagpresentang lunod-patay nga tigpaluyo sa mga palisiyang neoliberal. Lakip dinhi ang pagpadayon ug pagpalapad sa programang Public- Private Partnership nga gikahinaman sa dagkung lokal ug langyawng kapitalista tungod sa ginahatag niining garantisadong ginansya. Ubos usab niini ang mga palisiya sa ubos nga suhulan, kontra-unyon ug pagtugot sa nagkadaiyang dagway sa pleksibleng pamuo. Kalambigit usab niini ang mga palisiyang pabor sa pagpangilog og yuta alang sa pagtukod ug pagpalapad sa mga komersyal nga plantasyon ug mga operasyon sa magun-u- Unod Editoryal: Rebolusyon, dili eleksyon 1 Maki-imperyalistang mga kandidato 3 Platun sa PNP, napuo sa Cagayan 4 30, kaswalti sa militar sa Pantukan 4 2 opensiba sa Negros 4 Kabilin sa Pag-alsang EDSA 5 Protesta sa mga eskwelahan 7 Pagkibhang sa diskwento sa NKTI 7 Protesta kontra-edca 8 Barikada sa Zambales, gibungkag 8 OBR 2016: Rise for revolution 9 Manipulasyon sa presyo sa lana 9 3 sibilyan, gipatay sa ComVal 11 BBL: Gidiskaril sa rehimeng US-Aquino 12 JCET: Instrumento sa US 13 Ginamantala ang Ang Bayan kaduha matag bulan sa Komite Sentral sa Partido Komunista ng Pilipinas bong pagmina. Ang bag-ong reaksyunaryong estado nga mosaka sa gahum karong Mayo 2016 ubos sa gahum sa US samot lang nga mahimong masaligon ug masulundon sa dikta sa imperyalistang amo niini. Ang palingkuron sa US mao kadtong siguradong mopadayon sa mga palisiyang pabor sa interbensyon ug pagbaseng militar sa US sa Pilipinas ug magsilbi sa tumong niining magpakusog sa gahum militar sa rehiyong Asia- Pacific. Atubangan sa labawng pagsamot sa kalisud ug pagpangdaugdaug, kinahanglang pakusgon sa nasudnon-demokratikong mga pwersa ang kalihukang propaganda nga nagabutyag sa semikolonyal ug semipyudal nga sistema ug nagapukaw sa katawhang Pilipino nga makigbisog aron lumpagon ang imperyalismo, pyudalismo ug burukrata kapitalismo. Kinahanglang ibutyag ug isalikway sa mga rebolusyonaryong pwersa ang mini nga demokrasya ubos sa reaksyunaryong eleksyon. Sa panahong ginailog ang pagtagad sa katawhan ug ginalingaw sila sa mga pulitikong kandidato, kinahanglang labaw pang pakusgon ang pagpalihok sa mga masang pakigbisog. Dungan niini, kritikal nga nagasalmot ang mga nasudnon-demokratikong aktibista sa kalihukang masa pinaagi sa pagsuporta sa mga pwersa o pulitikong mahigalaon o nagasuporta sa nasudnon-demokratikong kalihukan ug sa kaayuhan sa katawhan. Nagasalmot usab ang mga makinasudnon ug demokratikong partido aron mapalingkod ang ilang mga representante sulod sa parlamento ug mahimong Wala nga oposisyon nga nagadala sa mga isyu sa mga masang pakigbisog sulod sa reaksyunaryong kongreso. Kinahanglang walay-hunong nga ibutyag ang maong kongreso isip instrumento sa mga agalong 2 Pebrero 2 1, ANG B AYAN

3 yutaan, dagkung burgesya ug mga pasista ug kriminal nga burukrata-kapitalista. Kinahanglang walay kapuol nga bungkagon ang mga ilusyon nga maangkon sa katawhan ang batakang kausaban pinaagi lang sa ligal ug parlamentaryong pakigbisog. Kinahanglang walay kapuol nga iisa ang militansya sa katawhan aron batukan ang nagharing estado. "Rebolusyon! Dili eleksyon!" ang singgit sa katawhang Pilipino sa pagsalikway nila sa repormistang ilusyon nga ginapakaylap sa nagharing hut-ong. Sa pagpangulo sa Partido, padayon silang nagamartsa sa dalan sa gubat sa katawhan sa tumong nga bungkagon ang nagharing estado ug tapuson ang mapahimuslanon ug madaugdaugong sistema. Maki-imperyalistang baruganan sa mga kandidato Ipadayon sa mga kandidato pagkapresidente ang programang Public- Private Partnership (PPP) sa rehimeng US-Aquino ugaling makalingkod sila sa poder. Sa sugod pa lang, tin-aw kini sa tagsa-tagsa nila ka mga pamahayag. Dugang niini, wala nila ginatago ang intensyong ipadayon ang bangkaroteng palisiya sa kasamtangang rehimen lambigit sa pagdani sa langyawng pamuhunan. Usa ang PPP sa mga palisiya nga labing gikahinaman sa dagkung burgesya kumprador ug mga kasosyo nilang dagkung langyawng kapitalista. Sa tumong nga makuha ang suporta sa imperyalismong US, ginaduso ni Bise Presidente Jejomar Binay nga paspasan ang pagpatuman sa mga proyekto ubos sa maong programa. Alang kaniya, ang pinakamahinungdanong isyu lambigit sa PPP mao ang dili matin-aw nga pagkalangan sa mga proyekto. Ingon man, gisaad ni Senador Grace Poe nga humanon niya ang pito ka airport nga nakagambalay sa PPP sa unang tulo ka tuig sa iyang termino. Sa kasamtangan, 12 ka proyektong PPP nga adunay gitapong bili nga P217.4 bilyon ang natanyag na sa rehimeng US-Aquino. Duha na dinhi ang napatuman ang P2.01 bilyong Daang Hari-SLEX Link Road Project ug ang P16.43 bilyong PPP for School Infrastructure Project Phase 1. Usa ang sangputanan sa PPP sa pinakadakung hisgutanan alang sa mga negosyante sa nasud. Sa pagkatinuod, ginaduso sa Philippine Chamber of Commerce and Industry kang Aquino nga paspasan ang pagpatuman sa mga proyektong PPP sa nahabiling panahon sa iyang pagpangatungdanan. Nanawagan na usab ang American Chamber of Commerce of the Philippines sa mga kandidato pagkapresidente nga ipadayon ang tanang natanyag na nga proyektong PPP. Ang tinuod, wala nabalaka ang mga langyaw ug lokal nga tigpamuhunan sa sangputan sa PPP bisan kung layo kaayo sa mga surbey ang nag-unang kandidato sa administrasyon nga si Sec. Mar Roxas. Wala gidili sa Commission on Elections ang paghatag og mga kontrata sa mga proyektong PPP sa panahon sa eleksyon. Magpadayon ang nakaiskedyul nga bidding ug paghatag og mga proyekto sa mga pinaburang negosyante. Target sa PPP Center nga makahatag og dili moubos sa tulo ka dugang kontrata ayha mahuman ang termino ni Aquino. Dugang pa dinhi, misaad na usab ang nag-unang mga kandidato nga dili lang nila ipadayon ang programa, kundili pamaayuhon pa nila ang pagpatuman niini alang sa mga langyawng kapitalista. Misaad silang tanan nga padak-on pa ang paggasto alang sa makilangyawng imprastruktura. Lakip dinhi ang badyet aron garantiyahan ang ginansya sa dagkung kapitalistang namuhunan. Industriya, dili ecozones Gisaway sa Anakpawis Partylist si Davao City Mayor Rodrigo Duterte sa pagpabor sa pagtukod sa mga economic zone sama sa Clark. Matud ni Fernando Hicap sa Anakpawis, [Ginasaway] namo si Duterte sa pagpabor niya sa langyawng mga negosyo sulod sa mga ecozones, imbes nga paluyuhan ang pagrespeto sa mga katungod sa mamumuong Pilipino, sama sa pagpataas sa suhulan, pag-unyon ug pagwelga. Gikundena usab sa Anakpawis ang pag-anunsyo ni Duterte nga tugutan niya ang kutob 70% nga pagpanag-iya sa langyawng tigpamuhunan sa mga industriya sa nasud. Gipadayag sa Anakpawis ang maong baruganan human gipanghimaraut sa Kilusang Mayo Uno (KMU) ang pagpangbahad ni Duterte. Niadtong Pebrero 9, nakabuhi si Duterte og istorya nga kontrahon niya ang pagtukod og mga unyon sa mamumuo ug gibaharang patyon ang mga membro sa KMU nga dili mosunod dinhi. ANG B AYAN Pebrero 2 1,

4 Platun sa PNP-RPSB, napuo sa Cagayan Patay ang 17 ug 10 ang samdan sa mga tropa sa Philippine National Police- Regional Public Safety Battalion 2 (PNP-RPSB2) sa gihimong ambus sa Bagong Hukbong Bayan (BHB)-Eastern Cagayan (Henry Abraham Command o HAC) niadtong Pebrero 16 sa lungsod sa Baggao, Cagayan. Nahitabo ang ambus sa Kilometer 13 sa Barangay Pallagao, alas- 10 sa buntag, dihang miresponde ang usa ka kumpanya sa nahisgutang yunit sa PNP sa gihimong pagsilot sa HAC sa magun-ubong kumpanyang Brostan Construction niadtong Pebrero 14. Tungod sa command detonated nga mga eksplosibo, hinanali nga naparalisa ang tibuok pwersa sa RPSB nga nagsakay sa duha ka sakyanan ug wala na sila nakasukol. Ayha niini, giguba sa BHB ang kagamitan sa Brostan Construction nga nakapwesto sa dalan sa kasikbit nga Barangay Sta. Margarita. Lakip dinhi ang duha ka backhoe, usa ka dump truck, usa ka buldoser ug usa ka payloader. Gipanag-iyahan sa dagkung langyaw ug lokal nga kapitalista ang kumpanya. Matud ni Ka Ester Falcon, tigpamaba sa HAC, ang nahisgutang ambus mao ang pagpapanubag sa PNP-RPSB sa paghatag niini og proteksyon sa mapangawkawon nga operasyon sa Brostan. Ginaduso sa kumpanya ang pagtukod sa Ngarutngot dam nga tinubdan kuno sa proyektong irigasyon sa National Irrigation Administration. Ang tinuod, ang pagmina sa bukid Ngarutngot maoy tinuod nga tumong sa Brostan. Ginabutang sa peligro sa nahisgutang mga proyektong dam ug pagmina ang kinabuhi ug panginabuhian sa katawhan sa unang distrito sa Cagayan. Direktang apektado sa proyekto ang 12 ka barangay sa Baggao. 30 ka kaswalti, naangkon sa 46th IB sa Pantukan DILI moubos sa 30 ang kaswalti sa tropa sa 46th IB human ang serye sa taktikal nga opensiba sa BHB ilalom sa ComVal-Davao Gulf Subregional Command sa Pantukan, Compostela Valley niadtong Pebrero 3. Gilunsad ang unang ambus niadtong Pebrero 3, alas 12:30 sa hapon sa Sityo Sapang Tin-aw, Barangay Tibagon. Siyam ka sundalo ang patay, lakip ang kumander sa yunit nga si 2nd Lt. Garcia, samtang napulo ang samdan. Pagdangat og alas 7:30 sa gabii, giambus usab sa mga Pulang manggugubat ang trak nga gisakyan sa mga sundalo sa Barangay Cabahian. Duha ka sundalo ang patay, lakip ang usa ka 1st Lt. Ralph Pantonial, ug pito ang samdan. Ayha niini, mga alas-7 sa gabii, patay sa isnayp sa BHB si Sgt. William Morenio sa Barangay Biasong. Matud sa National Democratic Front-Southern Mindanao Region, padayon nga maglunsad og mga opensiba ang BHB batok sa 46th IB tungod sa paghatag og proteksyon niini sa dagkung kumpanya sa mina sa Pantukan. Gisilutan usab sa Guerilla Front 53 sa BHB-SMR (Herminio Alfonso Command o HAC) si Bernabe Abanilla, hepe sa Civil Security Unit sa North Cotabato, niadtong Pebrero 7 samtang panaug siya sa iyang sakyanan sa Barangay Doruloman, Arakan, North Cotabato. Usa si Abanilla sa mga mastermind sa pagpatay kang Fr. Fausto Tentorio (2011) ug Benjaline Hernandez (2002), nga parehong gipatay sa Arakan. Gideklara ni Isabel Santiago, tigpamaba sa HAC, nga usa ka dakung kadaugan sa katawhan sa Arakan ug kalihukan ang pagsilot kang Abanilla. Duha ka adlaw nga opensiba sa Negros SUNOD-SUNOD nga taktikal nga opensiba ang gilunsad sa BHB-Negros (Leonardo Panaligan Command) niadtong Enero sa Himalayan City, Negros Occidental. Duha ka sundalo gikan sa 11th IB ug usa ka elemento sa CAFGU (Civilian Armed Forces Geographical Unit) ang patay. Gipanghimakak sa maong opensiba ang gipanghinambog sa militar sa Negros nga "dili na kinahanglang hatagan og pagtagad" ang BHB sa isla. Pagsilot usab kini sa pagpamatay sa maong mga yunit-militar sa mga sibilyan nga sila Uldarico Camayodo sa Sityo Cunalum, Barangay Carabalan ug Jumar Hilario sa Sityo Pisok, Barangay Buenavista. Tubag usab kini sa pagpakaylap sa militar sa iligal nga droga sa Carabalan ug Buenavista. Enero 14. Giharas sa usa ka yunit sa Pulang manggugubat ang hedkwarters sa Charlie Company sa 11th IB sa Barangay Carabalan, Himalayan City. Nakadikit ang mga Pulang manggugubat hangtud 50 metros sa hedkwarters maong wala nakapabuto ang mga sundalo. Enero 18. Duha ang patay ug usa ang samdan sa mga elemento sa 11th IB sa ambus sa BHB. Gigukod kaniadto sa militar ang BHB nga nangharas sa ilang kampo. Nasundan kini sa serye sa mga operasyong haras batok sa mga nag-operasyong tropa sa mga Sityo sa Cantupa ug Bantik sa Barangay Buenavista. Kini nga mga serye sa opensiba nagsilbing pagbansay sa mga bagong membro ug kumander sa BHB nga bag-o pa lang nahuman sa paglunsad og aktibidad-konsolidasyon niadtong Disyembre Pebrero 2 1, ANG B AYAN

5 Ang kabilin sa Pag-alsang EDSA Traynta ka tuig human sa Pag-alsang EDSA, nagpadayon ang kabilin sa rehimeng US-Corazon Aquino nga gipalingkod sa poder sa popular nga pag-alsa. Kabilin kini sa padayong pagsunod-sunod sa mga imperyalista, dagkung agalong yutaan ug dakung burgesya kumprador sa pagdaugdaug ug pagpahimulos sa masang Pilipino. Ang paglumpag kang Marcos dili usa ka katilingbanong rebolusyon nga midugmok sa mga dangan nga imperyalismong US, pyudalismo ug pasismo. Ang pinakadayag nga kausaban nga gibunga sa Pag-alsang EDSA mao ang pagpuli og pangulo gikan sa usa ka maki-us nga dayag nga pasistang diktadurya ngadto sa usa ka maki-us nga paksyong nangulo nga adunay dayandayan nga burges nga demokrasya. Napabilin sa imperyalismong US ang paghari niini sa Pilipinas. Ang mga hut-ong agalong yutaan ug burgesya kumprador maoy padayong naghari sa semikolonyal ug semipyudal nga katilingbang Pilipino. Ang reaksyunaryong armadong pwersa pa gihapon ang nag-unang haligi sa gahum pang-estado. Ayha pa naplastar sa gahum, gitakda na sa US ang mga kundisyon nga sundon sa mahimong bagong nangulong papet niini, lakip ang pagpabilin sa mga base militar sa US sa Pilipinas, nga giuyunan niya. Dihang nakalingkod si Corazon Aquino pinaagi sa Pag-alsang EDSA, diha-diha niyang giduso ang paggahin og 47% sa badyet sa gubyerno sa pagbayad sa $26 hangtud $30 bilyong langyawng utang, nga bisan kanus-a wala napuslan sa katawhang Pilipino kundili gibulsa sa mga kroni ni Marcos. Nagpadayon ang korapsyon ug padayon nga midaku ang mga utang hangtud sa kapin-konkulang $6 trilyon na karon. Wala lang gipadayon sa bag-ong rehimen ang mga kontra-katawhan, kontra-pamuo ug kontramag-uumang kamanduan ni Marcos, gipagrabe pa niya kini ug gipabwelo ang neoliberal nga globalisasyon. Pipila lang sa mga kontra-katawhang balaod ang Omnibus Investments Code nga nagagarantiya sa walay-pugong nga ginansya alang sa mga langyawng kapitalista gikan sa bahandi sa nasud, ug ang Herrera Law nga nagligalisa sa kontraktwalisasyon ug mas hugot nga kontrol sa Department of Labor and Employment sa mga welga. Mihapak ang pagpatuman sa rehimen sa mga palisiya sa International Monetary Fund ug World Bank sama sa paglansang sa suhulan sa mamumuo, pagdili sa welga, anti-industriyalisasyon, liberalisasyon sa pag-import ug pribatisasyon. Gigamit sa mga agalong yutaan ang mga buslot nga tinuyong gilakip sa pinakagastuso, pinakadugay ug mini nga programa sa yuta, ang Comprehensive Agrarian Reform Program, aron mangbawi ug mangilog og yuta. Sa pagbwelo sa neoliberal nga globalisasyon, samot nga mipaspas ang pagpangilog og yuta sa mga langyawng minahan, plantasyon ug komersyal nga empresa lakip na ang mga mall ug pangturistang resort. Daw gibanhaw ni Corazon Aquino ang mga proseso sa demokrasya pinaagi sa pag-usab sa konstitusyon, pagpatawag og kongreso, paghatag og kagawasan sa masmidya ug paglunsad og eleksyon. Apan wala nagdugay, nabutyag na ang mga pagpanikas sa plebisitong Pebrero 2 ug eleksyong Mayo 11, 1987 kung asa natala ang dili-katuohang 95% sa mga posibleng botante ang nakaparehistro kuno ug 90% daw ang mibotar. Nalambigit pa dinhi si Lord Mark Malloch-Brown, usa ka konsultant sa pulitika ni Corazon Aquino, nga maoy nanag-iya karon sa mga makinang gigamit sa dekompyuter nga eleksyon niadtong 2010 ug subling gamiton sa eleksyong Alayon sa pagpasundayag sa mga dayan-dayan nga burges nga demokrasya, gibalik ni Corazon Aquino ang mga pormal nga pribilehiyo sa kasulatang habeas corpus ug gibuhian ang mga detenidong pulitikal ni Marcos. Apan sukad niadto, wala nay paglambo pa ang pagrespeto sa mga tawhanong katungod. Maulawan ang rekord ni Marcos sa pagpanghasi sa masa sa rekord sa misunod nga mga rehimen. Unom ka milyon ang napalayas sa ilang mga lugar, 150,000 ang gipatay ug 100,000 ang nasamdan sa mga operasyong militar sulod sa 21 ka tuig nga paghari ni Marcos. Dili moubos sa 70,000 ang gipriso nga walay kaso. Hangtud sa kasamtangan, walay bisan usa sa misunod nga mga rehimen ang nahimong interesadong silutan ang mga sundalo ug opisyal nga nalambigit sa maong mga kalapasan. Hinanali pa ganing gipatas-an sa rehimeng Corazon Aquino og 47% ang badyet militar ug 60% ang sweldo sa mga pwersa sa Armed Forces of the Philippines (AFP), ug padayon pa kining mitaas sa misunod nga mga rehimen. Sa direksyon sa mga pangulo sa Pentagon ug ANG B AYAN Pebrero 2 1,

6 Central Intelligence Agency (CIA) sa US nga sila Gen. John Singlaub ug Ray Cline, niadto pa lang 1986, giatake na sa mga pwersang militar ug paramilitar ang mga aktibista ug lider masa sa kabanikanhan ug kasyudaran, lakip ang dayag nga pagpamatay kanila Rolando Olalia, pangulo sa KMU, ug Lean Alejandro, kinatibuk-ang kalihim sa Bayan. Samtang nanawagan og rekonsilyasyon sa dayag, Marso 1986 pa lang, naggahin na og sobra 15 ka batalyong pangkombat batok sa mga rebolusyonaryong pwersa sa kabanikanhan. Ang kaylap nga mga masaker, asasinasyon, tortyur, istraping, pagsona ug pagpabakwit nga gipatuman sa panahon sa Total War ni Corazon Aquino, gipadayon sa susama usab kabangis nga mga kampanyang kontra-katawhan nga gidisenyo sa US sa matag misunod nga rehimen. Dungan niini, gihatagan ang mga opisyal militar og mga sensitibo ug gamhanang pusisyon sa tag-as nga ang-ang sa burukrasyang sibil. Ang Oplan Lambat Bitag 1, 2 ug 3; Oplan Makabayan; Oplan Balangay; Oplan Bantay Laya 1 ug 2; hangtud sa Oplan Bayanihan sa rehimeng US-Benigno Aquino nagpamatuod nga buhi pa kaayo ang pasismo bisan kung aduna kiniy kamoplaheng burges nga demokrasya. Bisan kung wala ginapormal sa mga misunod nga rehimeng Ramos, Estrada ug Benigno Aquino ang kasabutang militar sama sa Mutual Logistics Support Agreement ug Visiting Forces Agreement, nanaghan na sa Pilipinas ang mga tigtambag sa US, tigbansay, tago nga operatiba sa Pentagon ug CIA, mga tropang pangbanika ug nabal uban sa mga tropa sa AFP. Padayon silang nagapahigayon og mga pangkahanginan ug pangdagat nga mga operasyong paniktik, nagapondo sa mga death squad ug grupong vigilante nga direkta o kaha pinaagi sa CIA ug mga internasyunal nga pagpanginlabot sa US sa nasud ug pag-andam niini sa direktang agresyon. Bisan kung nagpabilin ang dunot nga semikolonyal ug semipyudal nga sistema, wala nagpahikot ang katawhan sa kinaiya sa ginapuli nga rehimen. Ginapakita sa mga panghitabo nga dili na makahari sa daang pamaagi ang nagharing hut-ong. Gikan sa kanhing burges nga demokrasya, gipahamtang niini ang balaod militar aron pugngan ang rebolusyonaryong kalihukan. Dihang samot nga mikusog ang kalihukan, gipuli na usab ang dayan-dayan nga burges nga demokrasya. Apan wala pa gihapon nahupay ang kagustuhan sa katawhan nga palagputon ang dili na maagwantang madaugdaugon ug mapahimuslanong mga rehimen. Taliwala sa lainlaing pagpanglingla, napukaw, naorganisa ug nagalihok ang masa alang sa ilang kalingkawasan. Nagapadayon ang halapad nga demokratikong kalihukan sa katawhan sa kasyudaran ug kabanikanhan. Padayong nagkakusog ang rebolusyonaryong armadong pwersa ug nagkalapad ang mga rebolusyonaryong base sa kabanikanhan, ug natukod ang mga demokratikong gubyerno sa katawhan sa pinakaligon nga mga lugar. Panukaran kini sa mosunod nga mga pagbul-og sa pakigbisog. Kabilin sa rehimeng US-Aquino ang walay utlanang pagpanghasi sa neoliberal nga globalisasyon sa panginabuhi sa katawhan, ang padayon nga paghari sa mga dinastiyang burges-kumprador-agalongyutaan ug sa pribilehiyo nilang korapsyon, ang walay-tulubagong militarisasyon, pagyatak sa tawhanong katungod, ug ang lunodpatayng pagpakaitoy sa imperyalismong US. Kabilin kining ginapadayon sa tul-id nga dalan, Oplan Bayanihan ug EDCA sa ikaduhang rehimeng US-Aquino. Kabilin usab sa Pag-alsang EDSA sa katawhan ang usa ka tradisyon sa pakigbisog aron lumpagon ang usa ka gikasilagang rehimen sa pamaaging wala nahikot sa mga utlanang gitakda sa burges nga balaod. Ang Pag-alsang EDSA, sama sa uban pang makasaysayanong pagalsa sa katawhang Pilipino sa kasaysayan, kaylap nga gisalmutan ug gipalagsik sa kabatan-onang Pilipino. Usa ka henerasyon ayha ang EDSA, mga kabatan-onang giumol sa anti-komunismo ug konserbatismo ang wala gituohang manguna sa pagmugna sa Unos sa Unang Kwarto ug Komuna sa Diliman nga pulos nagpakayab sa pulang bandera sa rebolusyon. Midugok usab sa Pag-alsang EDSA ang mga kabatan-onang gisulayan pagumol sa edukasyong gidisenyo sa Presidential Commission to Survey Philippine Education nga kontrolado sa US ug midaku sa mantra nga alang sa kalambuan sa nasud, disiplina ang gikinahanglan. Usa ka henerasyon na usab human niini, ang Generation X sa mga kabatan-onang daw nahimatngon sa rekonsilyasyon, ug yellow magic, ug midaku sa pagpanglingla sa democratic space, maoy milangkob sa bulto sa Pagalsang EDSA 2 nga milumpag sa makauulaw nga rehimeng US- Estrada. Ang kasamtangang henerasyon sa mga kabatan-onang milenyal (mga kabatan-onang gipanganak sa hinapos sa siglong 1900) nga midaku sa social media ug panghunahunang YOLO (you only live once), henerasyong naumol sa indibidwalismo ug mga panghunahunang neoliberal, maoy henerasyong tigpanunod sa EDSA 1 ug 2. Sila usab ang molihok sa bag-ong mga pag-alsa sa higayong mabuak ang ilusyon ug pagpanglingla nga nagapahabol sa ilang kahimatngon. Ang panaghiusa sa mga kabatan-onang-estudyante sa masang anakpawis ug pursigidong pagpaasdang sa nasudnon-demokratikong kalihukang propaganda ug mga demokratikong kalihukang masa maoy momugna sa bag-ong bul-og sa mga protestang mosangpot sa bag-ong makasaysayanong pag-alsa nga molabaw sa tanang pag-alsa sa nangagi. 6 Pebrero 2 1, ANG B AYAN

7 Protesta sa mga eskwelahan, sunod-sunod Sunod-sunod nga mga protesta ang gilunsad sa mga estudyante ug magtutudlo batok sa komersyalisado ug kolonyal nga sistema sa edukasyon niadtong Enero ug Pebrero. #AyokoMagmahal Sa pagpanguna sa Anakbayan, League of Filipino Students ug Kabataan Partylist, gilunsad niadtong Pebrero 12 ang kampanyang #AyokoMagmahal, usa ka nasudnong protesta batok sa pagmahal sa matrikula ug uban pang balayrunon sa mga kolehiyo ug unibersidad. Ayha niini, nagrali ang mga estudyante niadtong Pebrero 8 atubangan sa Commission on Higher Education (CHED) aron kundenahon ang gibanabanang 5-12% nga pagsaka sa matrikula alang sa mosunod nga schoolyear. Lakip sa magpataas og matrikula ang mga unibersidad nga nagtala sa pinakadakung kita sa miaging tuig, sama sa Far Eastern University, Lyceum of the Philippines ug University of the East. Lakip usab sa panawagan sa kampanyang #AyokoMagmahal ang pagkundena sa nagkadaghang kaso sa mga estudyante nga nagpakamatay tungod sa pagmahal sa balayrunon sa edukasyon. Niadtong Pebrero 11, nagpakamatay si Jessiven Lagatic, 4th year graduating student sa Central Bicol State University of Agriculture, human nawad-an og scholarship. Si Lagatic ang ikalimang estudyante nga nagpakamatay ilalom sa rehimeng Aquino. Serye sa protesta sa UP Malampuson usab nga napaatras sa mga estudyante ug magtutudlo sa University of the Philippines (UP) sa Diliman ang sugyot nga pagbag-o sa kurikulum sa unibersidad human ang serye sa mga protesta. Naglunsad og protesta ang mga grupo sa estudyante ug magtutudlo sa pagpanguna sa Anakbayan ug Student Alliance for the Advancement of Democratic Rights in UP (STAND-UP) sa unang adlaw sa klase niadtong Enero 19. Nagmartsa usab ang mga estudyante gikan sa UP Diliman hangtud CHED niadtong Enero 22 sa udto. Niadtong Enero 25, gimakmak nila ang gilunsad nga tigum sa konseho sa unibersidad nga naghisgot sa maong pagbag-o sa kurikulum. Sa botohan sa konseho, mibabag ang 256 nga membro samtang 187 lang ang pabor sa pagbag-o sa programang General Education (GE o pangkalahatang edukasyon). Gibatukan sa mga estudyante ang sugyot nga kibhangan ang programang GE gikan 45 ka yunit (15 kurso) hangtud sa 21. Matud sa Anakbayan, tumong lang niining ipahaum ang kurikulum sa unibersidad sa panginahanglan sa dagkung langyawng negosyo alang sa baratong pamuo. Gihawanan niini ang dalan alang sa mas daghang ispesyalisadong kurso sa kurikulum sa gambalay sa programang K-12 ug sa integrasyon sa mga nasud nga membro sa ASEAN. Dugang pa sa grupo, himuong opsyonal ang pagkuha sa kursong Pilipino ug magbutang og mga pasidaan sa mga kursong itudlo sa pinulungang Pilipino aron pugngan ang mga estudyante nga kuhaon kini. Kalambigit niini nga balita, nagpasaka og petisyon ang mga ginikanan, magtutudlo, ug estudyante sa Manila Science High School sa Korte Suprema niadtong Pebrero 15 aron ipahunong ang pagpatuman sa programang K-12. Matud ni Atty. Severo Brillantes, kinahanglang tubagon sa taas nga korte ang ilang apela tungod kay nagsugod na ang mga eksam alang sa mga buot mosulod sa unibersidad ug kolehiyo sa mosunod nga schoolyear. Pagkibhang sa diskwento sa NKTI, gimakmak NIADTONG Pebrero 12, naglunsad og lihok-protesta ang mga pasyente sa National Kidney Transplant Institute (NKTI) atubangan sa ospital aron babagan ang pagtangtang niini sa 80% nga diskwento alang sa mga kabus nga pasyenteng adunay sakit sa bato. Gikan sa 80%, gipaubsan ngadto sa 20% ang diskwento alang sa hemodialysis sa kabus nga pasyente. Bisan ang mga pasyenteng langkob sa Philhealth obligahon nang magbayad og dugang P550 alang sa usa ka sesyon sa hemodialysis ug P951 alang sa tambal nga gamiton dinhi. Kinahanglan na usab silang magbayad og P1,500 alang sa dialyzer, ang filter nga ginagamit alang sa panghinlo sa dugo. Kung walay diskwento, mokabat sa P4,500 ang kinatibuk-ang gasto alang sa usa ka sesyon. Ang hemodialysis usa ka prosesong medikal nga ginaagian sa usa ka pasyenteng adunay chronic kidney failure (dili na mogana ang bato). Ginahinluan niini ang dugo sa pasyente pinaagi sa pagpaagas sa dugo sa usa ka ispesyal nga makina nga nagatangtang sa hugaw ug sobra nga tubig, ayha kini ibalik sa lawas sa pasyente. Subli niining ginapagana ang bato apan kinahanglan kining himuon nga regular ug tibuok kinabuhi sa usa ka pasyente. Matud sa opisyal sa NKTI, gitangtang sa ospital ang diskwento sa hemodialysis aron iduso ang kidney transplant imbes nga ang maong tibuok kinabuhi nga proseso. Parehong gastuso ug bug-at alang sa kabus ang duha ka prosesong medikal. Mokabat sa P1 milyon ang gastuhon sa usa ka kidney transplant, gawas pa sa P30,000 nga gastuhon alang sa tibuok kinabuhi nga tambal. ANG B AYAN Pebrero 2 1,

8 Protesta kontra-edca, nagapadayon SA PAGHINUMDUM sa ika-117 ka tuig sa Gubat Pilipino-Amerikano, nagmartsa padulong sa US Embassy ang mga membro sa Bagong Alyansang Makabayan (Bayan) niadtong Pebrero 4. Kapin 1.5 ka milyong Pilipino ang gipatay ilalom sa bangis nga kampanyang malingkawasnon nga asimilasyon sa imperyalistang Estados Unidos, matud ni Charisse Banez, nasudnong pangulo sa League of Filipino Students. Niadtong Pebrero 3, nagpasaka ang mga progresibong abogado ug sektor sa pagpanguna sa Bayan og motion for reconsideration sa Korte Suprema mahitungod sa pagdeklara niining konstitusyunal ang Enhanced Defense Cooperation Agreement (EDCA). Lambigit niini, naglunsad og rali ang Bayan-Northern Mindanao Region aron batukan ang nag-ungaw nga paggamit sa militar sa US sa Lumbia Airport nga anaa sa Cagayan de Oro City. Walay mituo nga gamiton lang ang airport aron pundohan og mga himang pangkalamidad, sama sa ginapamugos sa mga tigpamaba sa rehimen. Sa usa ka pamahayag ni Cesar Renerio, tigpamaba sa National Democratic Front-North Central Mindanao Region, mahimong makadaut ang presensya sa pwersa sa US sa rehiyon. Pinaagi sa EDCA, malunsad sa US ang unsamang porma sa operasyon ug aktibidad sa mga nahiusahang lugar. US-Asean Summit Dugang sa EDCA, nagapadayon ang pagpakaitoy sa rehimeng Aquino sa US. Niadtong Pebrero 15, mitambong si Aquino sa gilunsad sa US sa pinakaunang US- ASEAN (Association of Southeast Asian Nations) Summit sa Sunnylands, California. Gilunsad ang tigum aron agnihon ang 10 ka pangulo sa mga nasud sa Southeast Asia nga magbaton og depinidong pusisyon batok sa China. Sa miagi, pakyas ang ASEAN nga magtibuok og baruganan batok sa China bisan sa hisgutanang pag-inilogay sa teritoryo sa South China Sea. Gigamit sa US ang higayon aron iduso ang Trans-Pacific Partnership, kung asa membro na ang Vietnam, Singapore, Brunei ug Malaysia. Nagkantidad og kapin $254 bilyon ang patigayon sa mga produkto ug serbisyo tali sa US ug rehiyong Southeast Asia, katugbang sa katunga sa kinatibuk-ang patigayon niini sa China. Kini nga lumpong sa mga nasud maoy ikatulong pinakadakung kapatigayon sa US ug ang pinakadakung han-ukanan sa puhunan niini sa Asia. Ang panagtigum maoy pungkay sa mga maniobrang diplomatiko sa US sa Southeast Asia. Sa miagi, pito ka higayon nga mibisita si US Pres. Barack Obama sa rehiyon aron tibuk-on ang diplomatikong relasyon sa mga nasud sa rehiyon. Lakip sa gipakusog sa US ang mga relasyon sa ekonomiya ug militar sa mga hunta ug diktadurya sa Cambodia, Thailand ug Myanmar. Barikada sa Zambales, gibungkag NIADTONG Pebrero 7, bangis nga gibungkag sa mga pulis ang barikada sa mga residente sa Barangay Bayto, Sta. Cruz sa Zambales batok sa operasyon sa Zambales Diversified Mining Corporation (ZDMC), Filipinas Mining, Benguet Nickel Mining Inc. ug Eramen Minerals Corp. sa ilang komunidad. Daghan ang napasakitan sa pagpamungkag. Upat ang iligal nga giaresto sa mga pulis. Niadtong Pebrero 10, gikasuhan sa ZDMC ang 10 ka residente sa pagsupak sa Mining Act human nila gibarikadahan ang mining site ug giharangan ang mga trak sa kumpanya gikan pa Enero. Lakip sa mga gikasuhan ang usa ka konsehal sa Sta. Cruz, duha ka kagawad sa barangay, usa ka pastor ug ang duha ka opisyal sa Concerned Citizens of Sta. Cruz, ang organisasyong nangulo sa barikada. Gipanag-iyahan ang ZDMC sa DM Consunji Incorporated Holdings, usa sa gipaburang kumprador sa rehimeng US- Aquino. Matud sa mga residente, kinahanglang ihunong na sa nahisgutang kumpanya ang ilang mga operasyon tungod kay napamatud-ang milapas sila sa regulasyong pangkinaiyahan sa Mines and Geosciences Bureau. Niadtong Abril 2015, temporaryong gihunong sa mga kumpanya ang ilang pagmina apan nagsugod balik pagkahuman sa tulo ka bulan sa pagpangatarungan nga nagasubay na kuno sa mga regulasyon ang ilang mga operasyon. Apan sa usa ka pagtuon sa Center for Environmental Concerns, miagas gikan sa excavation site ang mga pinong salin-salin sa mina human ang bagyong Lando niadtong Oktubre Dugang dinhi, sobra 1,000 ka ektaryang tamnanan ang giguba aron hatagan og dalan ang operasyon sa minahan. 8 Pebrero 2 1, ANG B AYAN

9 Manipulasyon sa pagpresyo sa lana Subli na usab nga nag-ungaw ang pagtaas sa lokal nga presyo sa mga produktong petrolyo karong Pebrero. Taliwala kini sa mapadayunong pagtiurok sa presyo sa krudong lana sa pangkalibutang merkado. Mitiurok og 75% ang pangkalibutang presyo sa krudong lana (kung kwentahon sa bili sa piso) sukad nagsugod pagtiurok ang presyo niini sa tunga-tunga sa Bisan pa man, gipaubsan lang sa mga kumpanya sa lana sa nasud ang mga presyo sa produktong petrolyo og 53% (diesel) ug 29% (gasolina). Mas grabe pa, subli-subli nga gipatas-an sa maong mga kumpanya ang presyo sa panahong padayon ang pagtiurok niini sa pangkalibutang merkado. Lakip dinhi ang halos P4 nga pagtaas sa presyo sa gasolina ug P3 nga pagtaas sa presyo sa diesel niadtong Pebrero Gipunting sa IBON Foundation nga ang $23 (P1,099) matag baril sa krudong lana susama og bili sa presyo sa krudo niadtong tuig Sa maong tuig, anaa lang sa P14.24 ang diesel ug P17.08 lang ang gasolina, layo kaayo sa kasamtangang nagatunhay nga presyong P19-20 matag litro sa diesel ug P34-35 matag litro sa gasolina. Usa sa pinakaapektado sa pagsaka-kanaug sa presyo ang plete sa mga publikong dyip. Niadtong Enero, hinanaling gipaubsan sa mga drayber ug opereytor ang plete gikan P8 ngadto sa P7. Taliwala kini sa dakung galastuhan sa pagmentina sa ilang mga sakyanan. Mas langan ug mas gamay ang gikunhod sa plete sa uban pang publikong sakyanan, sama sa MRT ug LRT, mga barko ug eroplano, bisan kung ginapadagan gihapon kini sa mga produktong petrolyo. Mas grabe pa, wala kiniy epekto sa presyo sa mga batakang panginahanglan, nga kaniadto kanunay nga ginaingong apektado sa matag pagsaka sa presyo sa lana. Ang pagtiurok sa pangkalibutang presyo Niadtong Pebrero 16, nagkasinabot ang Russia, Saudi Arabia ug duha pa ka nasud ubos sa OPEC nga ilansang ang tagsa-tagsa nila ka produksyon sa lana sa ang-ang niini niadtong Enero aron pugngan ang padayong pagtiurok sa presyo sa pangkalibutang merkado. Sa milabayng 18 ka bulan, nagpadayon ang pagburot sa pangkalibutang produksyon sa lana taliwala sa nagkagamay nga demand o merkado. Niadtong ulahing bahin sa 2015, gibanabanang mokabat na sa 1-2 milyong baril matag adlaw ang sobrang lana sa merkado. Sa milabayng lima ka tuig, padayong gipatas-an sa US ang produksyon og hangtud 66%. Gibaha sa US ang kaugalingon niining merkado og baratong lana gikan sa shale (usa ka matang sa bato) ug fracking (pagbomba og tubig aron pugson ang mosaka ang nakapundong la- Liboan, nakighiusa sa One Billion Rising: Rise for Revolution NAKIGHIUSA ang lainlaing sektor sa tinuig nga One Billion Rising (OBR), ang pangkalibutang kampanya aron batukan ang kabangis batok sa kababayen-an ug mga bata. Sa ikaupat niini nga tuig, giisa sa mga organisasyong nagpaluyo sa katungod sa kababayen-an ang ilang panawagan nga adunay temang, One Billion Rising: Rise to Revolution. Niadtong Pebrero 14, liboan ka kababayen-an ang nagtigum atubangan sa Lapu-Lapu Shrine, Rizal Park sa Manila. Pinaagi sa pagsayaw, pagpasundayag ug mga pamulong, gikundena nila ang paggrabe sa kalisud ug pagpangabuso sa minilyong kababayen-ang Pilipino. Sa Cebu, pila ka libo usab ang mitambong sa OBR nga gilunsad niadtong Pebrero 11 sa UP Oblation Square ug Provincial Capitol Grounds. Niadtong Pebrero 12, gilunsad sa mga kababayenang-simbahan ang OBR sa Quezon City Memorial Circle isip pakighiusa sa pakigbisog sa mga Lumad. Matud ni Darlene Caramanza ng Ecumenical Women s Forum, nagtigum kami aron ipadayag ang among pakighiusa sa atong mga igsuon nga Lumad nga padayong anaa sa peligro tungod sa grabeng kabangis ug militarisasyon sa ilang mga yutang kabilin. Dungan niini, subli usab nga gipalig-on sa UP Baguio ug Diliman ang ilang baruganan ug pakighiusa batok sa tanang porma nga kabangis batok sa kababayen-an. Sa datos sa Center for Women s Resources, sobra 200% ang pagsaka sa kabangis batok sa kababayen-an gikan 2010 hangtud Kini nga mga aktibidad gisaksihan ni Eve Ensler, manunulat nga nagpasiugda sa OBR, nga anaa sa nasud karon aron makighiusa sa kababayen-ang Pilipino. Naglunsad usab og OBR sa mga probinsya ug syudad sa Davao, Baguio, Sorsogon, Pampanga, Tacloban ug Negros. ANG B AYAN Pebrero 2 1,

10 na). Niadtong 2015, ang US na maoy pinakadakung prodyuser og lana ug natural gas sa tibuok kalibutan. Padayong ginapadaku ang produksyon sa US sa shale oil sa pagsulay nga ipaubos ang presyo niini ug mangilog og mga merkado, pareho sa North America ug Europe. Midaus-os og 70% ang presyo sa krudong lana, gikan sa $102/baril (P4,458) niadtong Agosto 2014 ngadto sa $23/baril (P1,099) sa ikatulong semana sa Enero. Daku na ang nakibhang sa kanhing kinitaan sa mga nasud nga nagaeksport og lana. Bisan ang Saudi Arabia nagkibhang na sa mga subsidyo sa katilingbanong serbisyo tungod sa miubos nga kita. Nagsugod na usab nga malugi ang daghang kumpanya nga nagresulta sa paghunong sa produksyon ug pagpanangtang sa mga mamumuo (lakip ang mga migranteng mamumuong Pilipino). Adunay mga nasud nga anaa sa bung-aw sa ekonomikanhong pagkahugno sama sa Azerbaijan ug Nigeria nga parehong nagapangayo sa mga bangko og pondong hinabang nga $4 bilyon. Tungod sa pagsagadsad sa presyo sa lana, mitiurok og 87% ang ginansya sa Shell. Nanangtang kini og 7,500 ka mamumuo niadtong 2015 ug planong manangtang pa og 2,800 karong tuiga. Nalugi usab og $4.1 bilyon ang operasyon sa Chevron sa US niadtong Sa gawas sa US, mitiurok og 85% ang ginansya niini. Mitiurok og 58% ang ginansya sa ExxonMobil niadtong 2015 ug plano niining kibhangan og 25% ang kapital sa operasyon. Nanangtang og 7,500 ka mamumuo ang British Petroleum human nalugi og $5.2 bilyon niadtong 2015 kumpara sa ginansyang $8.1 bilyon niadtong Sukad 2015, wala g tuo ang mga mamumuong nagwelga sa mga kumpanya sa US nga prodyuser og shale oil human miubos ngadto sa $70/baril ang pangkalibutang presyo ug napugos pagpakunhod sa produksyon og kutob 100,000 baril/adlaw. Wala pay maaninaw nga kahumanan ang pagtiurok sa presyo sa lana. Ang paggamay sa merkado sa lana nagasalamin sa padayong nagkagrabeng krisis sa sobrang produksyon nga nagatakboy sa pangkalibutang sistemang kapitalista. Bisan kung tipik pang midaku ang ginaimport nga lana sa China niadtong 2015, gilaumang mogamay kini sa umaabot nga katuigan tungod sa paghinay sa manupaktura. Bisan kung mapatuman ang desisyon sa Saudi Arabia ug Russia nga kunhuran ang produksyon, nagpabilin gihapong daku ang imbentaryo sa sobrang lana sa merkado. Sa pagkatinuod, madugangan pa ang suplay sa lana karon nga gitangtang na sa imperyalismong US ang embargo sa pag-eksport og lana sa Iran. Ubos nga presyo sa lana, kontra Russia Sa miagi, nagabunga og grabeng pagsaka sa pangkalibutang presyo sa lana ang mga panagbangi nga gihimugso sa mga dayag ug tago nga pagpanginlabot ug gubat agresyon sa imperyalismong US ug mga alyado niini sa Middle East. Apan sukad 2014, wala natarog ang patiurok nga patern sa mga presyo taliwala sa grabeng kagubot sa rehiyon. Mas nagpatigbabaw ang baruganan sa US nga manipulahon ang pangkalibutang presyo aron ipresyur ang Russia nga nagsilbing babag sa ekspansyon sa gahum militar ug pulitikal niini pareho sa Central Asia ug Middle East, ug ipaatras ang suporta niini sa rehimen sa Syria ug Iran. Niadtong Septembre 11, 2014, nakigsabot ang Saudi Arabia sa US nga ipabiling taas ang produksyon niini aron pahinayon ang kita sa Russia gikan sa ginaeksport niining lana ug gas. Mokabat sa 60% sa kinatibuk-ang eksport sa Russia ug 30% sa GDP niini ang naggikan sa pagbaligya og lana ug gas. Sa banabana sa US, gikinahanglan sa Russia nga magpabilin ang pangkalibutang presyo sa $80/baril aron likayan ang kaylap nga pagkabangkrap sa mga industriya ug magahinan ang dakung bahin sa nasudnong badyet niini. Sa pagduso sa Office of Terrorism and Financial Intelligence sa US Treasury, gibaha sa Saudi Arabia ang merkado og sobrang suplay sa lana taliwala sa mga panawagan sa mga kagrupo niining nasud sa OPEC nga magpakunhod og produksyon. Dungan niini, nagtanyag ang Saudi Arabia og barato o nakadiskwentong lana ngadto sa Asia, partikular sa China, aron makapalapad kuno og merkado didto. Usa ang China sa pinakadakung alyado sa Russia. Ispekulasyon sa presyo Dakung bahin sa presyo sa lana ang ginatakda dili sa suplay o demand kundili sa manipulasyon sa pinakadagkung ispekulador sa pinansya sa merkado niini. Sa aktwal, mokabat na lang sa 2% ang mga kontratang ginabaligya sa pangkalibutang merkado nga adunay direktang kalabutan sa suplay. Mga futures (mga kontrata nga nakabase sa ispekulasyon sa presyo sa produkto sa umaabot) ug nagkadaiyang instrumentong pinansyal ang dakung mayorya niini. Gibanabanang mokabat sa 60% sa presyo sa lana ang bunga sa ispekulasyon sa merkado sa lana. Kontrolado kini nga merkado sa pinakadagkung bangko ug ispekulador sa pinansya nga nakabase sa US, partikular ang Morgan Stanley ug Goldman Sachs. Ginatakda ang presyo sa mga futures sa tabang sa mga kakunsabo niining ahensya sa rating, mga eksperto kuno sa lana ug bisan sa dakung midya nga gigunitan sa mga imperyalista. Niadtong Septembre 2015, gianunsyo sa Goldman Sachs nga moabot sa $20 ngadto sa $40/baril ang presyo sa krudong lana hangtud sa ikaduhang katunga sa tuig Pebrero 2 1, ANG B AYAN

11 Tulo ka sibilyan, gipatay sa Compostela Valley Tulo ka sibilyan ang gipatay sa militar sa Compostela Valley niining bulan sa Pebrero samtang usa ka menor-de-edad ang gidakop ug gidetine human gipasanginlang membro sa Bagong Hukbong Bayan. Usa ka tim usab sa grupong Karapatan ang giharas sa militar ug gipugngang makasulod ug makalunsad og imbestigasyon sa mga militarisadong komunidad. Niadtong Pebrero 7, namatay si Alejandro Laya-og, 36, dihang naigo og bala sa likod ug ulo, samtang anaa siya sa terminal sa lungsod sa Maragusan. Si Laya-og, usa sa mga nagtukod sa Kahugpongan sa Maguuma sa Magcagong (Kamama), ginapasanginlan sa 25th IB nga membro sa BHB. Ginabatukan sa Kamama ang presensya sa mga sundalo ug pagpanglapas sa mga tawhanong katungod sa mga komunidad sa Maragusan. Mitabang usab si Laya-og sa pagtukod sa eskwelahang Lumad nga Salugpongan Community Learning Center. Niadtong Pebrero 9, gipatay si Jennifer Albacite, 40, usa ka tindera og saging sa merkado sa lungsod sa Compostela. Nagtuo ang Karapatan nga naalaan si Albacite nga iyang igsuon nga si Jeannirose Porras, usa ka membro sa Compostela Farmers Association (CFA), nga maoy tinuod nga target. Kusganong ginabatukan sa CFA ang pagsulod sa Agusan Petroleum Mining Company (AgPet) sa Compostela ug mga kasikbit nga lungsod. Sa mao gihapong adlaw, gipusil sa dughan si Ronel Paas, 35, usa ka minero, dihang walay-puas nga nagpabuto og mga pusil ug kanyon ang mga sundalo sa 46th IB sa Barangay Napnapan, Pantukan. Gidagan si Paas sa ospital, apan namatay siya ayha nakaabot tungod kay usa ka oras siyang gidetine lakip ang iyang mga kauban sa detatsment sa Barangay Tibagan sa pasangil sa militar nga membro sila sa BHB. Naigo usab sa tiil ang usa ka 14-anyos nga batang lalaki sa walay-puas nga pagpamusil sa mga sundalo. Imbes nga tabangan, giaresto sa militar ang batang lalaki ug gidala sa Camp Panacan sa Davao City, kung asa gipresenta siya isip batang manggugubat sa BHB. Malinglahong giingon nga nadakpan ang bata sa serye sa mga engkwentro tali sa militar ug BHB sa Pantukan niadtong Pebrero 11, duha ka adlaw human sa pagpamusil sa ilang barangay. Niadtong Pebrero 11, giharas sa militar ang 30 ka tawong delegasyon sa Karapatan ug mga opisyal sa lokal nga gubyerno nga miadto sa barangay Napnapan aron imbestigahan ang nahitabong insidente didto. Samtang nagapadulong ang grupo sa Sityo Post 4, duha ka higayon silang gipabuthan sa militar. Matud sa Karapatan, ginapatuman sa 46th IB ang mga pagpangatake aron hawanan ang dalan sa pagsulod sa dinagkung operasyon sa mina sa probinsya. Ginatortyur sa 46th IB ang mga minero aron ipahunong ang ilang mga operasyon. Gipwestuhan usab og mga sundalo ug kanyon ang ilang mga komunidad sa Mabini, Pantukan ug mga kasikbit nga lungsod. Pagbisita sa mga Lumad Gibisita ni Eve Ensler, usa ka peministang manunulat ug aktibista gikan sa Amerika, ang mga bakwit nga Lumad sa Haran Compound sa United Church of Christ in the Philippines sa Davao City niadtong Pebrero 12. Mihilak si Ensler dihang nasayran niya ang mga pagpangabuso sa tawhanong katungod nga nasinati sa mga bakwit sa kamot sa militar ug ang walay-hunong nga militarisasyon sa ilang mga komunidad. Nanawagan usab si Ensler sa gubyerno nga hinanaling papahawaon ang militar gikan sa yutang kabilin sa mga Lumad. Si Ensler ang nagpasiugda sa pangkalibutang kampanya nga One Billion Rising batok sa pagpangabuso sa kababayen-an. Anaa sa 57 ka pamilyang Lumad na karon ang mipahawa sa ilang mga komunidad ug kasamtangang midangop sa Haran Compound human sa maduguong pagpatay sa menor-deedad nga estudyanteng si Alibando Tingkas niadtong Enero 29. Dili CAFGU Gipanghimakak sa National Democratic Front (NDF)-Bicol ang pasangil sa 9th ID ug pulis nga ang BHB maoy nagpatay kang Bing Obias niadtong Pebrero 13. Matud sa militar ug kapulisan, usa daw ka aktibong membro si Obias sa CAFGU nga nakabase sa Barangay Pili Tabiguian, Caramoan, Camarines Sur nga gipusil sa mga Pulang manggugubat. Matud ni Maria Roja Banua, tigpamaba sa NDF-Bicol, walay kalabutan ang BHB sa maong pagpatay. Gipanghimakak usab niya nga membro sa CAFGU si Obias. Matud niya, Naggikan si Obias sa hut-ong mag-uuma ug tinuod nga residente sa Pili Tabiguian. Nakaplagan ang patayng lawas ni Obias, nga adunay igo sa bala sa ulo, pila lang ka metro ang gilay-on gikan sa detatsment sa 22nd IB-CAFGU. Membro si Obias sa Pambansang Katipunan ng mga Magbubukid, ang rebolusyonaryong organisasyon sa mga maguuma. Ginakundena sa NDF ang arbitraryong pagpasangil sa PA ug PNP aron hatagan og katarungan ang pagpatay ug itudlo dayon ang NPA isip maoy naghimo sa krimen. Usa lang kini sa mga desperadong tubag sa 9th ID nga pahimungtan ang mga sibilyan, dugang ni Banua. Nahitabo ang pagpatay duha ka adlaw human sa operasyong haras sa BHB sa detatsment sa 22nd IB niadtong Pebrero 11. ANG B AYAN Pebrero 2 1,

12 BBL: Gidiskaril sa rehimeng US-Aquino Hingpit nang gipadaplin sa rehimeng US-Aquino ang Bangsamoro Basic Law (BBL) human napakyas kining palig-unon sa pagtapos sa Kongreso niadtong Pebrero 3. Napamatud-ang walay-unod ang saad sa rehimeng US- Aquino sa Moro Islamic Liberation Front (MILF) nga ipapasa ang maong sugyot-balaudnon nga gibunga sa pakigsabot sa MILF sa Gubyerno sa Pilipinas (GPH). Dili sama sa gihimong pagdali-dali sa rehimeng US-Aquino sa pagapruba sa pila ka mga sugyot-balaudnon, gipasagdan lang ni Aquino nga malabyan sa panahon ang BBL. Ang kapakyas sa rehimen nga mahimong balaod ang BBL samot nga nagpakusog sa baruganan sa katawhang Moro nga ipadayon ang armadong pagsukol alang sa kaugalingong-paghukom. Bisan kung nagalaum pa ang MILF nga maduso ang BBL sa umaabot, gitagad usab niini ang posibilidad nga magpadayon sa ilang pakiggubat. Gipanghimakak karong bag-o ni Mohager Iqbal, pangulo sa MILF Peace Panel, nga gikapoy na sila sa gubat ug giingong kaylap ang diskuntento sa ilang mga membro ug ginsakpan. Niadtong Pebrero 10, miulbo ang mga sangka tali sa AFP ug MILF sa mga lungsod sa Datu Salibu ug Datu Saudi Ampatuan sa Maguindanao. Niadtong Pebrero 8 usab, gipugngan sa AFP ang usa ka lider sa MILF nga si Abdullah Macapaar (nailhan usab isip Kumander Bravo) ug ang iyang mga tawo nga magpabilin sa iyang lungsod sa Munai, Lanao del Norte aron makigkonsultahay sa mga baseng komunidad sa MILF. Ayha pa natibuok ang BBL, aduna nay pila ka bahin sa MILF nga mibulag ug nagtukod sa Bangsamoro Islamic Freedom Fighters (BIFF) tungod sa dili pag-uyon sa gitakda niining walay kinutuban nga hunong-buto. Sukad sa miaging tuig, walay-puas ang paggukod sa militar sa mga pwersa sa BIFF. Pursigido usab ang armadong pagsukol sa BIFF. Niadtong Pebrero 8, gitigum ni Nur Misuari ang Moro National Liberation Front ang kapin-kon-kulang 2,000 ka membro sa iyang kampo sa Indanan, Sulu. Ginakunsidera ang maong katiguman isip pagpakusog sa protesta sa MNLF sa pagbasura sa gubyerno sa kasabutang pangkalinaw tali sa GPH ug MNLF nga natibuok niadtong Matud sa tigpamaba sa MNLF nga si Absalom Cerveza, gikalipay nila nga wala napasa ang BBL, ug mahimong makadaut kuno ang pagdayong pagduso niini sa gubyerno. Nataho nga mitambong usab sa katiguman ang pila ka lider ug membro sa BIFF ug bandidong Abu Sayyaf Group. Nagdeploy na ang AFP og siyam ka batalyon ug usa ka kumpanya alang lang sa kapupud-an sa Sulu. Dugay nang nanginlabot ang mga pwersang militar sa US sa Pilipinas ang hisgutanan sa armadong pagsukol sa katawhang Moro. Sa usa ka bahin, ginapatuman ang paglunsad sa gubat batok terorismo aron hatagan og katarungan ang pagdeploy og nagkadaghang tropa ug pag-armas ug pagbansay sa AFP ug PNP. Sa pikas bahin, gikahinaman usab sa US nga mapaluhod ang MILF ug uban pang armadong pwersa sa Mindanao sa tinguha nga makontrol niini ang kinaiyanhong bahandi sa yutang kabilin sa katawhang Moro. Dugay nang gilawayan sa dagkung langyawng kapitalista ang gibanabanang $1 trilyon nga natural gas ug mga deposito sa lana sa Liguasan Marsh nga kontrolado sa MILF ug lainlaing armadong pwersang Moro. Busa dugay na usab nga nanginlabot ang imperyalismong US ang negosasyong pangkalinaw tali sa MILF ug GPH. Bugtong tumong sa GPH sa maong panaghisgot ang pagpakanaug sa armas sa MILF ug katawhang Moro. Tumong usab sa MILF nga ipakigbisog ang katungod sa kaugalingong-paghukom ug yutang kabilin. Buot usab sa US ug sa rehimeng Aquino nga gamiton ang pasundayag nga pinal nga kasabutan aron iduso ang National Democratic Front of the Philippines (NDFP) nga mahisama sa MILF nga mosulod sa walay kinutuban nga hunong-buto aron makatibuok og kasabutang pangkalinaw. Sa aktwal, gipasakay lang sa rehimeng US-Aquino ang MILF aron tibuk-on ang mga kasabutan nga sa katapusan talikdan ug idiskaril ra usab nila. Sa pagkabasura sa BBL ug nagapadayong pagpanamastamas sa mga pulitikanhon ug ekonomikanhong katungod sa katawhang Moro, siguradong magpadayon ang ilang armadong pakigbisog aron ipakigbisog ang katungod sa nasudnong kaugalingong-paghukom ug yutang kabilin. Nagkadaghang katawhang Moro ang mosalmot sa armadong pagsukol nga ginapaasdang sa BIFF, ingon man sa nasudnon-demokratikong rebolusyon. 12 Pebrero 2 1, ANG B AYAN

13 Ikaduhang Bahin: Sikretong gubat sa US sa 135 ka nasud JCET: Instrumento sa interbensyong militar sa US Hinagiban sa US alang sa pagpanginlabot, pagpangilog og gahum ug pagpabilin sa mga papet niining dikaturyang rehimen sa lainlaing bahin sa kalibutan ang Joint Combined Exchange Training (JCET). Ang JCET usa ka programa sa hiniusang pagbansay, sama sa US- Philippine Balikatan. Ginapahigayon kini sa US Special Operations Command. Pinaagi niini, ginabansay sa US ang mga lokal nga tropa ug grupo nga manalipod sa ilang mga interes sa mga nasud nga tugob sa kagubot ug nag-ungaw sa disintegrasyon. Ginapahigayon kini kutob lima ka higayon sa usa ka tuig. Pinakadayag ang paggamit sa US sa JCET sa rehiyon sa Africa kung asa daku ang ekonomikanhong interes niini ug mga kaalyado niining nasud sama sa France ug Germany. Ubos sa Trans-Sahara Counter Terrorism Partnership, ginatukod sa US ang usa ka hukbong direkta niining ginabansay ug ginapondohan aron ipwesto ug ipabilin sa poder ang mga pinaburang armadong grupo sa maong rehiyon. Sa lima ka nasud Mali, Burkina Faso, Mauritania, Niger ug Tunisia gipanguluhan sa mga opisyalmilitar nga gibansay sa JCET ang mga pakyas ug malampusong kudeta batok sa mga naglingkod sa poder. Sa Mali niadtong 2012, nagkudeta ang usa sa mga lokal nga opisyal-militar nga gibansay sa US Green Berets batok sa pinili nga gubyerno. Ang armadong panagbangi nga gipahimugso niini nga kudeta nagresulta sa dakung ihap sa mga sibilyang kaswalti. Sa sayong bahin sa 2013, direkta nang gisulong sa mga tropa sa France ug US ang Mali sa nipis nga takubang pagbatok sa impluwensya sa Al Qaida sa nasud. Ang tinuod, ginaprotektahan lang sa France ug US ang mga interes niini sa Mali, lakip ang giplastar niining papet nga diktador. Niadtong 2014, gilumpag sa usa ka gradweyt sa akademyangmilitar sa US ug sa JCET ang gubyerno sa Burkina Faso. Mga gibansay usab sa JCET ang mga opisyalmilitar nga naglunsad og mga kudetang suportado sa US sa Mauritania niadtong 2005 ug 2008, sa Niger niadtong 2010, ug sa Tunisia niadtong Nabaniog sa kabangis, pagpangabuso ug uban pang pagpanglapas sa tawhanong katungod ang mga tropang gibansay sa US. Maduguon ang mga rekord sa mga hukbo sa Algeria, Cameroon, Chad, Kenya, Mauritania, Morocco, Senegal, Tunisia, Niger ug Uganda mga nasud kung asa regular ug kasagarang ginapahigayon ang JCET. Niadtong , pananglitan, ispesyal nga gibansay sa US Naval Special Warfare Unit 10 (NSWU-10) ang mga hukbo sa Cameroon ug Chad taliwala sa mga taho sa mapadayunon ug grabeng mga kaso sa pagpangabuso niini sa sibilyang populasyon. Lakip dinhi ang pagpatay ug pagmaltrato sa mga binilanggo ug ekstrahudisyal nga pagpamatay, pagpangbahad, pagpanumbag, pagpamusil ug pagpasakit sa mga sibilyan. Nalambigit usab ang hukbo sa Chad sa pagrekrut og mga batang manggugubat, ug sa pagsulong sa kasikbit nga nasud nga Central African Republic (CAR) niadtong Gipahigayon usab ang mga JCET sa Algeria ug Kenya niadtong 2012 ug 2013, kung asa kaylap ang pagpamatay, mga pagdagit, tortyur, pagpanglugos ug paggamit og sobrang pwersa sa mga armadong pwersa sa gubyerno. Dili limitado sa Africa ang mga pagbansay nga gilunsad sa mga brutal ug abusadong armadong hukbo. Sa Colombia, lima ka JCET ang gilunsad niadtong , taliwala sa mga ekstrahudisyal nga pagpamatay sa mga reaksyunaryong hukbo dinhi, insubordinadong kolaborasyon sa militar sa armadong mga kriminal nga grupo, ug mga pagdagit. Sa Saudi Arabia, gilunsad ang upat ka JCET gikan 2011 hangtud 2013 samtang nagkapuliki ang hukbo niini sa pagsumpo sa mga demonstrasyong nanawagan sa pagtapos sa sekular nga diskriminasyon. Tulo ka JCET ang gilunsad alang sa mga tropang Bahraini niadtong Sa maong tuig usab gihimo sa hukbo sa Bahrain ang arbitraryo ug ekstrahudisyal nga pagpatay ug ang pagdakop ug pagbilanggo sa mga katawhang nagaprotesta ubos sa tumo-tumong mga kaso. Niadtong 2012 usab, lima ka JCET ang gilunsad sa El Salvador, upat sa Lebanon, upat sa Romania ug duha sa Mexico. Tanan niini nga mga nasud nakahimo og mga pagpanglapas sa tawhanong katungod, sama sa ekstrahudisyal nga pagpatay ug bangis nga pagmaltrato sa mga detenido (El Salvador), tortyur ug pagpangabuso (Lebanon), pagmaltrato ug pagpangharas sa mga pulis sa mga detenido (Romania), ug pinugos nga pagkawala sa mga tawo (Mexico). ANG B AYAN Pebrero 2 1,