Ipahigayon sa nagharing pulitikanhong sistema karong Mayo 16 ang

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bolyum XLVI Ihap 17 Disyembre 21, 2015 www. philippinerevolution. net Hunong-buto, gideklara sa PKP GIDEKLARA sa Partido Komunista ng Pilipinas (PKP) niadtong Disyembre 15 ang 12-adlaw nga unilateral nga hunong-buto alang sa Kapaskuhan. Sa rekomendasyon sa National Democratic Front of the Philippines (NDFP), magsugod ang hunong-buto sa alas 12:01 sa kaadlawon sa Disyembre 23 ug mahuman sa alas 11:59 sa gabii sa Enero 3, Ipatuman kini sa tanang kumand ug yunit sa Bagong Hukbong Bayan, gikan sa mga regular nga pwersa ngadto sa milisyang bayan. Sumala sa PKP, gideklara ang hunong-buto isip pakigduyog sa katawhang Pilipino sa ilang tradisyunal nga pagsaulog sa Pasko ug Bag-ong Tuig. Maghatag usab kini og kahigayunan sa mga rebolusyonaryong pwersa aron magpahigayon og katiguman aron saulugon ang ika-47 anibersaryo sa PKP ug mga rebolusyonaryong kadaugan sa milabayng tuig. Sumala sa PKP, ang pagtakda og hunong-buto nagasuporta sa mga paningkamot sa mga tigpaluyo sa kalinaw aron subling makauswag ang panaghisgot pangkalinaw tali sa Gubyerno sa Pilipinas ug NDFP subay sa The Hague Joint Declaration, sa Joint Agreement on Safety and Immunity Guarantees (JASIG) ug sa Comprehensive Agreement on Respect for Human Rights and International Humanitarian Law (CARHRIHL). Nanawagan ang rebolusyonaryong kalihukan sa pagbuhi sa tanang binilanggong pulitikal, lakip na ang 17 konsultant sa NDFP subay sa "Hunong-buto..., " sundi sa panid 2 Editoryal Pakusgon ang pangmasang pakigbisog taliwala sa eleksyon Ipahigayon sa nagharing pulitikanhong sistema karong Mayo 16 ang proseso sa pagpili sa mosunod nga mangulo sa papet nga rehimen. Bisan layo pa kini, grabe na ang kasaba nga ginamugna sa mga kandidatong presidente sa pagsulay nga ilugon ang pagtagad ug danihon ang boto sa katawhan. Lima ka pulitiko ang nagadagan isip kandidato pagka-presidente. Usa kanila ang mangulo sa reaksyunaryong estado karong Pulos sila mga representante sa interes sa mga nagharing hut-ong nga palahutayon ug palig-unon ang kasamtangang nagharing semikolonyal ug semipyudal nga sistema. Sama sa nangaging mga eleksyong presidensyal, walay bisan usa kanila ang ginasuportahan o ginaendorso sa Partido Komunista ng Pilipinas (PKP). Sa pikas bahin, nasayud ang PKP nga ang maong mga kandidato adunay tagsa-tagsa ka mga partikularidad ug mga hisgutanang ginapalutaw sa tinguha nga makadani og boto. Angayang pahimuslan kini sa katawhang Pilipino aron hagiton ang maong mga pulitiko nga suportahan ang demokratikong mga pakigbisog sa masa samtang ginabutyag ug ginamakmak ang ginapaburan nilang mga palisiyang maki-imperyalista, maki-asyendero, makikomprador ug pasista. Ipahigayon ang eleksyong 2016 taliwala sa nagapadayong pakigbisog sa katawhang Pilipino aron tapuson ang rehimeng US-Aquino ug batukan ang pagsulay sa nagharing pundok nga ipalugway ang kupot niini sa poder. Angayang pahimuslan ang panahon sa eleksyon ug panagbangi sa mga magkaribal nga pundok "Pakusgon..., " sundi sa panid 2

2 "Hunong-buto..., " gikan sa panid 1 CARHRIHL ug sa JASIG. Tanang mga yunit sa BHB, lakip ang milisya niini, dili moatake sa mga armadong yunit sa AFP, PNP ug uban pang paramilitar. Dili atakehon o silutan ang mga elemento sa AFP ug PNP nga walay bug-at nga sala gawas sa ilang pagkasundalo o pulis, ug tugutan silang makasulod sa mga teritoryo sa demokratikong gubyerno kung mobisita sa mga paryente o higala. Bisan pa man, padayong mag-alerto ang mga yunit sa hukbong bayan batok sa mga agresibong aksyon o pagsulod sa mga armadong pwersa sa gubyerno sa teritoryo sa demokratikong gubyerno, lakip ang mga operasyong ginaingong peace and development, civil-military o peace and order. Maglunsad og mga operasyon sa aktibong depensa kung maatubang sa tin-aw nga hulga o aktwal nga armadong pagpangatake sa kaaway. Niadtong Disyembre 18, nagdeklara usab og unilateral nga hunong-buto ang rehimeng Aquino isip tugbang sa deklarasyon sa PKP. Bisan pa man, magpadayon ang mga operasyon sa Philippine National Police. Susamang mga petsa ang langkob sa hunong-buto sa rehimen. ang ANG Bolyum XLVI Ihap. 17 Disyembre 21, 2015 Ginapagawas Ang Bayan sa pinulungang Pilipino, Bisaya, Hiligaynon, Waray ug Ingles. Mahimo kining i-download gikan sa Philippine Revolution Web Central nga makita sa www. philippinerevolution. net Modawat ang Ang Bayan og mga tampo sa dagway sa mga artikulo ug balita. Ginaagni usab ang mga tigbasa nga mopadangat og mga saway ug rekomendasyon alang sa pagpalambo sa atong mantalaan. Maabot kami pinaagi sa sa: cppinformationbureau@gmail. com Unod Editoryal: Pakusgon ang pangmasang pakigbisog taliwala sa eleksyon 1 PKP, nagdeklara og hunong-buto 1 PAF, giatake sa Batangas 3 Protesta sa Adlaw sa Tawhanong Katungod 4 Paglapas sa tawhanong katungod 5 Mga Midoreño, kontra-ngp 6 NGP: Mini nga programa 7 Pagbubo og pondo sa 4Ps 7 Mga krimen sa US sa Syria 8 Rali batok sa WTO, gilunsad 9 Protesta sa Muntinlupa 9 Ginamantala ang Ang Bayan kaduha matag bulan sa Komite Sentral sa Partido Komunista ng Pilipinas "Pakusgon..., " gikan sa panid 1 aron pursigidong ibutyag, makmakon ug batukan aron palagputon ug papanubagon si Aquino ug mga kakunsabo niya sa korapsyon, pagpangawkaw ug pagpanglapas sa tawhanong katungod. Isip kandidato ni Aquino, hilabihang gikasilagan sa katawhan si Mar Roxas. Angayan siyang ibutyag, batukan ug pursigidong pugngang makalingkod sa poder. Dungan niini, angayang hagiton ang tanang uban pang kandidato pagkapresidente nga tin-aw nga mobarug aron papanubagon si Aquino sa iyang mga krimen batok sa katawhan. Sa tinguhang makuha ang suporta sa halapad nga katawhan, nagaabli ang mga kandidatong pulitiko sa pakigtinabangay sa mga nasudnon-demokratikong pwersa. Aduna nay napundar nga lainlaing dagway sa pormal ug dili pormal nga pakig-alyansa ug pakigtinabangay ang mga progresibong partido ug koalisyon sa pipila ka mga pulitikong kandidato. Pabor sa interes sa katawhang Pilipino nga ginapalig-on nila ang pakiglambigit sa tanang mga pulitikong abling makigtinabangay aron paluyuhan ang mga demokratiko ug patriyotikong interes sa katawhan. Bisan pa man, dili magpahikot ang mga demokratikong organisasyong masa ni kinsamang pulitikong kandidato nga makig-istorya ug makigtinabangay kanila. Aktibo silang nagalihok nga independente ug adunay kaugalingong inisyatiba, nagabarug sa pundasyon sa nasudnon-demokratikong programa aron sukdon ug timbangon, hukman, makighiusa ug sawayon ang mga programa sa panggubyerno sa maong mga pulitiko. Taliwala sa pagsaba-saba ug makailog og pagtagad nga mga pasundayag sa mga pulitiko, angayang mas kusog ang singgit sa katawhang Pilipino aron matutok ang pagtagad ngadto sa ilang mga batakang suliran, hagiton ang mga kandidato ug ibutyag ang taliabot nga eleksyon isip indigay sa mga nagharing hut-ong. Angayang ipasibaw sa katawhang Pilipino ang singgit alang sa nasudnong kagawasan ug katilingbanong hustisya. Sa panahon sa eleksyon, angayan nilang pursigidong iasdang ang ilang mga demokratikong pakigbisog. Angayan nilang hagiton ang mga kandidato nga makighiusa sa panawagang ibasura ang Visiting Forces Agreement ug ang Enchanced Defense Cooperation Agreement ug tapuson ang pagsulod-gawas sa mga barko ug eroplanong iggugubat, ang permanenteng presensya sa mga tropang Amerikano ug pagpanginlabot niini sa lokal nga gubat sibil. Angayang dalhon sa mga nasudnon-demokratikong pwersa ngadto sa sentro sa nasudnong entablado ug debateng pulitikal ang kaylap nga kalisud ug pagpahimulos sa kabukiran, ang kaylap nga pagpangilog og yuta, ang pagsulod sa mga langyawng kumpan- 2 Disyembre 2 1, ANG BAYAN

3 yang agribisnes ug mina ug ang pagtukmod sa komersyal nga pagpananum nga pang-eksport. Angayang ipanghingusog sa masang mag-uuma ang ilang singgit alang sa tinuod nga reporma sa yuta. Angayang ibutang sa sentro sa nasudnong pagtagad ang lutaw nga problema sa halapad nga disempleyo, hilabihang kakulang sa suhulan, ang kaylap nga madaugdaugong sistema sa kontraktwalisasyon ug mga pagpangatake sa katungod sa mga mamumuo sa pag-unyon. Angayang ipanghingusog sa masang mamumuo ang pagpahibalik ug pagpataas sa nasudnong minimum nga suhulan ug pagtapos sa lainlaing dagway sa kontraktwalisasyon. Angayang ipanghingusog sa katawhan ang pagtapos sa atrasado, agraryo ug dili-industriyal nga kahimtang sa ekonomiya nga nakatutok sa produksyong pang-eksport ug nagsalig sa langyawng kapital ug pautang. Angayan nilang sawayon ang mga kandidatong nagaasdang og mga palisiyang neoliberal, anti-industriyalisasyon ug nagapabor sa dagkung langyawng kumpanya. Angayan nilang tulisukon ang mga nagapaasdang sa programang 4Ps (Pantawid Pamilyang Pilipino Program) nga ginahimong pangtabon sa palisiya sa pagpakunhod sa publikong subsidyo sa edukasyon, panglawas ug uban pang katilingbanong serbisyo alang sa tanan. Angayan nilang ipanawagan sa mga pulitikong kandidato nga suportahan ang usa ka kumprehensibong programa sa ekonomiya nga nakatutok sa libreng pag-apud-apud sa yuta sa kabukiran ngadto sa mga mag-uuma ug nasudnong industriyalisasyon. Angayang mapadayunong iasdang sa katawhang Pilipino ang mga pangmasang pakigbisog aron ipakigbisog ang ilang interes ug kaayuhan. Angayang padayong tukuron, palapdon ug konsolidahon ang ilang mga organisasyong masa ug maglunsad og edukasyon aron ibutyag ang eleksyon ug tinawon ang mga panginahanglan sa rebolusyonaryong pakigbisog aron iasdang ang nasudnon ug katilingbanong kalingkawasan. Kampo sa PAF, giharas sa Batangas Usa ka sundalo sa Philippine Air Force (PAF) ang patay samtang upat pa ang nasamdan dihang giharas sa mga Pulang manggugubat sa Bagong Hukbong Bayan-Batangas (Eduardo Dagli Command) ang kampo sa 730th Combat Group sa Barangay Calayo, Nasugbu, Batangas niadtong Disyembre 19. Nagsilbing gwardya sa Hacienda Looc ang maong yunit, nga anaa ubos sa 733rd Squadron, "aron pig-utan ug hadlukon ang mga mag-uumang nakigbisog alang sa tinuod nga reporma sa yuta," matud ni Apolinario Matienza, tigpamaba sa BHB-Batangas. Ang Hacienda Looc, nga naglangkob sa lima ka barangay, lakip na ang Barangay Calayo, gipanag-iyahan sa SM Development Corporation ni Henry Sy. Walo ka sundalo usab ang napatay sa usa ka sangka tali sa usa ka platun sa BHB-Masbate (Jose Rapsing Command) ug nagaatakeng mga tropa sa 9th IB niadtong Disyembre 10, mga alas-12 sa udto, sa isla sa Ticao, Masbate. Nagpahulay ang mga Pulang manggugubat sa Sityo Palopino, Barangay Bartolabac, lungsod sa San Jacinto dihang gisulong sila sa usa ka platun sa 9th IB nga nagalunsad og operasyong Peace and Development Team (PDT) sa lugar. Paspas nga nakadepensa ang mga kauban gamit ang command-detonated explosive. Namartir ang usa ka Pulang manggugubat, si "Ka Cyrus," dihang naengkwentro sa BHB ang usa pa ka platun sa 9th IB samtang nagaatras. Duha ka sibilyang menor-de-edad ang nasamdan tungod sa igo sa shrapnel gikan sa mga M203 sa militar. Niadtong Nobyembre 29, giharas sa mga Pulang manggugubat ang gitapo nga pwersa sa 9th IB ug PNP Regional Public Safety Battalion sa Barangay Mabiton, Claveria sa isla sa Burias. Duha ka sundalo ang napatay samtang usa pa ang namatay sa ospital tungod sa grabeng mga samad. Padayong nagalunsad og mga operasyong PDT ang Philippine Army sa Masbate aron sumpuon ang pagbatok sa katawhan sa magun-ubong pagmina og bulawan sa langyawng kumpanyang Filminera Resources Corporation ug mga lokal nga negosyong burgesya kumprador. Duha ka sagunson nga hapak usab ang nahiaguman sa 4th IB sa Mindoro. Niadtong Oktubre 31, pito ang napatay ug daghang uban pa ang nasamdan sa operasyong haras nga gilunsad sa mga Pulang manggugubat ubos sa Lucio de Guzman Command batok sa mga tropa sa Bravo Company sa Sityo Lucban, Barangay Panaytayan, Mansalay, Oriental Mindoro. Sa Occidental Mindoro, naglunsad og operasyong isnayp ang mga Pulang manggugubat batok sa nag-operasyong tropa sa Alpha Company sa Sityo Dayaga, Barangay Batasan, San Jose niadtong Oktubre 25. Patay si 1Lt. Mike Nollora, kumander sa kumpanya ug nagbarug nga kumander sa batalyon sa civil military operations sa 4th IB. Sa Palawan, gipabusikaran sa mga Pulang manggugubat sa Bienvenido Valleber Command ang usa ka sakyanang gisakyan sa mga elemento sa Public Safety Maneuver Company sa PNP sa Barangay Tarusan, Bataraza niadtong Nobyembre 11. Tulo ka pulis ang grabeng nasamdan. ANG BAYAN Disyembre 2 1,

4 Mga lihok protesta sa Adlaw sa Tawhanong Katungod Gidumdum sa mga progresibong grupo ang ika-67 Pangkalibutang Adlaw sa Tawhanong Katungod niadtong Disyembre 10 pinaagi sa paglunsad og lainlaing lihok protesta sa tibuok kapupud-an. Sa Manila, liboan ang nagmartsa ngadto sa Mendiola aron papanubagon ang rehimeng US- Aquino sa mga paglapas niini sa tawhanong katungod. Lakip sa mga krimen niini ang 304 kaso sa ekstrahudisyal nga pagpamatay ug pugos nga pagpabakwit sa liboan ka katawhan, ilabina sa mga Lumad. Gisunog sa mga demonstrador ang usa ka effigy ni Aquino nga nahisulod sa selda isip simbolo sa ilang panawagan nga ipriso si Aquino tungod sa iyang mga krimen. Gikundena sa grupong Samahan ng mga Ex-detainees Laban sa Detensyon at Aresto (SELDA) ang padayong pagdetine sa sobra 400 binilanggong pulitikal nga gipasakahan og mga tinumo-tumong kaso. Sobra duha ka semana nang nag-hunger strike ang mga binilanggong pulitikal, lakip ang 17 konsultant sa National Democratic Front of the Philippines sa panaghisgot pangkalinaw. Sa Cagayan de Oro City ug uban pang lugar, naglunsad usab og hunger strike ang mga membro sa SELDA uban ang mga binilanggong pulitikal. Gikundena usab sa grupong Bahaghari ang pagpangdaugdaug sa rehimen sa mga Lesbian, Gay, Bisexual and Transgender (LGBT), ilabina sa kapakyas niining magpahamtang og tukmang silot kang Lance Cpl. Joseph Scott Pemberton nga nahukmang sad-an sa pagpatay kang Jennifer Laude. Sobra 5,000 ka tawo ang naglunsad og duha ka adlaw nga caravan sa Davao City ug nagpiket atubangan sa kampo sa Eastern Mindanao Command sa Barangay Panacan. Sobra 3,000 usab ang nagmartsa gikan sa Pelaez Sports Center ngadto sa Capitol Grounds sa Cagayan de Oro. Sa Tuguegarao, gilunsad sa Cagayan Alliance of Human Rights Advocates ang ikaduhang pangkinatibuk-ang asembliya niini. Nanumpa ang sobra 100 tigpanalipod sa tawhanong katungod nga padayon nilang panalipdan ang katungod sa katawhan sa yuta, kinabuhi ug katilingbanong serbisyo taliwala sa kaylap nga pulitikanhong pagpanumpo ug pagpangabuso sa tawhanong katungod. Human sa aktibidad, naglunsad ang mga partisipante og usa ka torch rally sa plasa. Sa Bacolod, 3,000 ang nagmartsa sa pagpanguna sa lokal nga opisina sa Karapatan. Gilunsad ang susamang mga rali sa Baguio, Naga, Butuan ug uban pang syudad. Padayong byahe sa Lumad Miadto sa Cebu City ang mga representante sa mga Lumad sa Mindanao niining Disyembre. Gibisitahan sa mga Lumad ang mga unibersidad sa syudad aron ipahibalo sa mga estudyante ang ilang pagpanalipod sa yutang kabilin ug katungod sa kaugalingong-paghukom batok sa palisiya sa estado sa kaylap nga militarisasyon sa mga komunidad ug pagpamatay. Niadtong Disyembre 10, naglunsad og rali ang mga Lumad sulod sa University of the Philippines-Cebu. Sa Butuan, naglunsad og tigum niadtong Disyembre 10 ang mga datu sa mga tribung Manobo, Mamanwa ug Banwaon sa tibuok rehiyon sa Caraga aron kundenahon ang masaker sa Lianga, Surigao del Sur ug ang bag-ong mga kaso sa pugos nga pagpabakwit sa Agusan del Norte, Surigao del Norte ug uban pang mga lugar. Gipanghingusog nila sa rehimen ang hinanaling pagatras sa mga tropang militar sa mga komunidad sa Lumad, nga maoy hinungdan nga wala pa nakauli hangtud karon ang mga bakwit sa Tandag, Davao ug uban pang mga lugar. Gubat batok sa Bangsamoro Sa susamang higayon, gidumdum usab sa katawhang Moro ang Pangkalibutang Adlaw sa Tawhanong Katungod. Matud sa grupong Suara Bangsamoro, 32 na ka sibilyang Moro ang gipatay ubos sa pagpangatungdanan ni Aquino samtang sobra 180 binilanggong pulitikal ang kasamtangang nadetine sa Camp Bagong Diwa sa Taguig bisan kung gibasura na sa Department of Justice ang mga kaso batok kanila. Gikundena sa grupo ang padayong gubat sa estado batok sa mga Moro, ilabina human sa sangka sa Mamasapano. Matud ni Jerome Succor Aba, tigpamaba sa Suara Bangsamoro, "Ginatugutan [ni Aquino] nga magpadayon ang militarisasyon sa kabukiran samtang ginakawkaw sa mga langyawng korporasyon ang among kayutaan." Sa Maguindanao, nagprotesta ang Suara Bangsamoro ug uban pang organisasyon atubangan sa kampo sa 6th ID sa Datu Odin Sinsuat niadtong Disyembre Disyembre 2 1, ANG BAYAN

5 Paglapas sa tawhanong katungod sa Cavite, nagakaylap Lima ang nabiktima sa paglapas sa tawhanong katungod sa Cavite sulod lang sa usa ka semana niadtong Nobyembre. Usa ang biktima sa ekstrahudisyal nga pagpatay samtang upat ang biktima sa iligal nga pagpangaresto ug tortyur. Gipusil nga dul-it sa duha ka lalaking nagsakay og motor si Rico Asim niadtong Nobyembre 27, alas- 7 sa gabii, sa atubangan mismo sa iyang balay sa Long Beach, Barangay San Rafael IV, Noveleta, Cavite. Naigo siya sa tunga sa iyang mga mata, hinungdan sa iyang pagkamatay. Coordinator si Asim sa Bayan Muna-Noveleta ug Ikaduhang Pangulo sa Long Beach Neighborhood Association (LBNA) nga nanguna sa paglihok sa mga residente batok sa pagpangilog og yuta sa Global Training Systems Phil. Inc. sa ngalan sa Dalahican Agro-marine Corporation. Niadtong buntag ayha niini, miatubang si Asim ug uban pang lider sa LBNA sa tumo-tumong kaso sa husgado sa Imus. Lakip sa gipasakahan og kaso sila Malou Samartino, pangulo sa Gabriela-Noveleta, ug Antonio Lelis. Sa kasikbit nga lungsod, Nobyembre 23, mga alas 12:30 sa kaadlawon, iligal nga giaresto ug gitortyur sa mga elemento sa Philippine National Police (PNP) ang upat ka sibilyan sa Manggahan, General Trias. Anaa sa peryahan sa Barangay Manggahan sila Jose Nayve, Armando Matres, George Bruce ug Rommel Nuñez dihang bulag-bulag silang gidagit sa mga pulis sa pasangil nga sila ang nagpabusikad sa pasilidad sa telekomunikasyon sa Barangay Javalera sa maong lungsod. Provincial coordinator si Nayve sa grupong PISTON. Gisipa-sipa siya samtang pugos nga ginapasakay sa mobil sa pulis. Si Bruce, drayber sa usa ka pangpasaherong van, gipadapa sa yuta, gigapos ang kamot ug gibukbok, ingon man sila Nuñez ug Matres ayha sila gidala sa istasyon sa pulis sa Manggahan. Gitortyur sila didto sa mga nakauniporme ug nakasibilyang pulis. Gikuryente sila Nayve ug Bruce samtang ginainteroga, ug giputos og panapton ug plastic ang ulo aron dili makaginhawa. Sulod sa upat ka adlaw, gibalhin-balhin sila sa upat ka prisuhan hangtud gipirmi sa BJMP Malabon sa General Trias kung asa subli silang giinteroga ug gitortyur. Gihikawan usab sila og abogado samtang ginainteroga, hangtud gipasakahan sila og kasong illegal possession of firearms and explosives. Pasiunang kadaugan sa Lumad Usa ka pasiunang kadaugan ang nakab-ot sa mga Lumad sa ilang pakigbisog batok sa militarisasyon sa ilang yutang kabilin. Sobra 130 bakwit nga Lumad ang miuli na niadtong Disyembre 14 sa Side 4, Barangay Mangayon, Compostela human nabalitaang mihawa na ang Philippine Army sa ilang komunidad. Sobra duha ka semanang nagpundo ang mga bakwit sa gym sa Barangay Matina Crossing sukad nagkampo sa ilang purokang mga elemento sa 66th IB ubos sa usa ka Lt. Danjo Lagula. Nagkampo ang mga sundalo mga 50 metro gikan sa Salugpungan Learning Center, usa ka eskwelahang Lumad nga ginapasanginlan sa rehimen nga ginapadagan sa BHB. Matud ni Bello Tindasan, pangulo sa Compostela Farmers Association, gigamit ang mga sundalo sa Agusan Petroleum and Mineral Corporation (Agpet) aron harason ug hadlukon ang mga katawhang nagasupak sa pagsulod sa maong korporasyon sa pagmina sa ilang yutang kabilin. Busa naglaum silang mobalik gihapon ang militar tungod kay wala miatras ang Agpet sa plano niining pagmina. Dungan niini, 120 Manobong bakwit sa Bukidnon ang nagsugod na pag-uli niadtong Disyembre 13 sa ilang pinuy-anan tungod sa paghawa sa sundalo sa ilang komunidad. Matud ni Jimboy Mandaguit, lider sa organisasyong Lumad nga Kasilo, ang ilang pag-uli usa ka gamay nga kadaugan sa sobra lima ka bulan nga pagbakwit ug pagprotesta sa syudad. "Wala kami nag-ilusyon nga nagbag-o na ang militar. Nahibalo kami nga mobalik sila ug subling manghasi," matud niya. "Wala kami nakalimot nga liboan pa ang bakwit sa Mindanao. Samtang wala pa mihawa ang militar sa ubang komunidad sa Lumad, magpadayon kaming mga Lumad sa pagprotesta batok kanila," dugang pa niya. Nagpabiling bakwit sa UCCP Compound sa Haran, Davao City ang sobra 600 Manobo gikan Talaingod ug Kapalong samtang kapinkon-kulang 3,000 Manobo ang nagpabilin sa Tandag City Sports Complex, Surigao del Sur tungod sa pagpanghasi sa mga paramilitar nga Magahat-Bagani sa ilang komunidad. Sa susamang higayon, nanawagan sa gubyernong Aquino niadtong Disyembre 8 si Ola Almgren, United Nations Resident Coordinator sa Pilipinas, nga ipahunong ang pagpamatay ug pagpamig-ot sa mga Lumad ug papanubagon ang mga sad-an. Sa usa ka diskusyon sa Malacañang, gipanawagan ni Almgren ang subling pagpadayon sa panaghisgot pangkalinaw tali sa gubyerno ug NDFP, ang pagdisarma sa tanang lokal nga armadong grupo, ug paghatag og proteksyon sa mga sibilyan subay sa internasyunal nga makitawhanong balaod. ANG BAYAN Disyembre 2 1,

6 Mga Mindoreño, supak sa National Greening Program Pinaagi sa National Democratic Front (NDF)-Mindoro, nagkahiusa ang mga Mangyan, mga kabus nga mag-uuma ug mga setler sa isla sa Mindoro sa pagbatok sa National Greening Program (NGP) sa Department of Environment and Natural Reasources (DENR). Ang maong engrandeng programa sa pagpananum og mga kahoy nagtumong kuno nga kunhuran ang kalisud, siguruhon ang seguridad sa pagkaon, amomahon ug protektahan ang biodiversity (pagtunhay sa lainlaing mga hayop ug tanum), ug pakgangon ang climate change. Apan alang sa mga Mangyan ug masang mag-uuma, ang maong programa usa ka dakung iskema sa pagpangilog og yuta. Gipalig-on ni Aquino niadtong Pebrero 2011 ang NGP ug naggahin dinhi og P7.2 bilyon gikan sa publikong pondo. Gitarget sa NGP nga makatanum og 1.5 bilyong kahoy sa 1.5 milyong ektaryang kayutaan hangtud Langkob niini ang 100 hangtud 1000 ektaryang deklaradong publikong kayutaan. Tin-aw sa katawhan sa Mindoro nga walay ibunga ang programa kundili pagsamot sa kawalay yuta ug uban pang tipo sa pagpangdaugdaug. Mokabat sa 37,300 ektarya ang gisulod sa programa niadtong 2014, ug giplano pa sa DENR nga langkubon ang dugang 6,500 karon nga tuig. Gipailalom kini sa mga kontrata sa pagpananum og komersyal nga mga kahoy. Sa dakung bahin, mga lokal nga pulitikong gikan sa hut-ong agalong yutaan, o kaha ang ilang mga kasosyo sa negosyo sa pagpananum ang ginahatagan sa mga kontrata. Ang walay lipud-lipud nga pagpamaligya sa mga publikong yuta gamit ang mga kontrata sa NGP nagahikaw sa mga kabus nga mag-uuma sa ilang katungod sa yutang prontera nga dugay na nilang giplastaran ug giugmad. Ingon man, ginayatakan niini ang katungod sa mga Mangyan sa ilang yutang kabilin. Tungod niini, peligro nga mas mosamot ang kagutom sa katawhan sa Mindoro tungod sa pagpuli og gamit sa yuta. Imbes nga itutok sa produksyon sa pagkaon alang sa lokal nga konsumo, gamiton ang yuta aron tamnan og mga pananum nga pang-eksport. Matud ni Ka Maria Patricia Andal, tigpamaba sa NDF-Mindoro, nagkadaiyang pakana ang ginapatuman sa NGP aron langkubon ang liboang ektarya taliwala sa pagsupak sa mga Mangyan ug setler. Aron makab-ot ang target nga gilapdon sa pagatamnan, ginapugos sa DENR ang mga Mangyan ug mga mag-uuma nga ipailalom sa ang ilang kayutaan sa NGP. Ginagamit sa pagpamugos ang mga hiwi nga opisyal sa barangay, pila ka nakorap nga lider sa mga Mangyan, ug mga kontratista sa pagpananum. Ginapahimuslan sa NGP ang kalisud sa katawhan aron ipadawat ang hilabihan ka gamayng kita sa pagpananum ug pag-amoma sa mga komersyal nga kahoy. Nagahimo usab ang DENR og mga mini nga organisasyon aron adunay marehistrong "katimbang" nga gikinahanglan sa NGP sa pagpananum. Resulta niini, napasulod sa programa ang kayutaan sa mga mag-uuma ug Mangyan nga wala sila nahibalo. Ginapahamtangan usab sila og mga dili makatarunganong palisiya mahitungod sa pag-amoma sa mga pananom. Pinakagrabe ang pagkawala sa ilang katungod nga magbuot sa yuta kung modaku na ang mga kahoy. Angayang batukan ang kontrakatawhang NGP sa rehimeng Aquino. Sa Mindoro ug sa uban pang probinsyang langkob sa NGP, mapahunong sa kalihukang masa ang pagsulod sa NGP sa mga baryo ug prontera. Mapanghingusog usab niini nga ihatag sa mga magsasaka ug nasudnong minorya ang makatarunganong bayad sa ilang mga trabaho, ug ikampanya ang ubos nga presyo sa mga palaliton. Angayan usab nga pwersahon ang nagharing gubyerno nga papelan niini ang katungdanang maghatag og paigo ug maayong serbisyo publiko, imbes nga itugyan ang mga kabtangan sa estado sa pagpaginansya sa pribadong negosyo. Ang pagbatok sa NGP mao ang pagbatok sa pagpangawkaw ug pagpangilog og yuta ug yutang kabilin. Epektibo kining mabatukan sa gambalay sa pagpaasdang sa mga pakigbisog alang sa tinuod nga reporma sa yuta ug pakigbisog sa mga nasudnong minorya alang sa kaugalingong-paghukom. Sa Mindoro ug tibuok nasud, ginapatuman sa rebolusyonaryong kalihukan ang programa alang sa agraryong rebolusyon nga naglakip sa minimum ug maksimum nga programa sa reporma sa yuta. Ginapaasdang kini dungan sa pagpundar sa demokratikong gubyerno sa katawhan sa basehan sa inang-ang nga pagtukod sa mga organisasyong masa ug mga organo sa pulitikanhong gahum. 6 Disyembre 2 1, ANG BAYAN

7 NGP: Mini nga programang pangkinaiyahan WALAY-UNOD ug dunot ang National Greening Program (NGP). Bakak ang ginaingon niining tumong nga ipahibalik kuno ang kalasangan isip pagpakgang sa climate change. Ang NGP usa ka programa sa pagpananum og komersyal nga kahoy sama sa mahogany ug gmelina, lakip na alang sa mga pangbaligyang produkto sama sa kape, kakaw ug kawayan nga ginapangwartahan sa mga kontratista. Dili kini pagbanhaw sa kalasangan. Sumala sa mga pangkalibutang sukdanan, dili makunsidera nga lasang ang mga parke o mga yutang gitamnan og bungang-kahoy o mga komersyal nga kahoy. Ang ginaila lang nga lasang mao ang mga yutang dili moubos sa katunga sa ektarya nga adunay kaugalingong kahoy nga adunay minimum nga gitas-ong lima ka metro ug baga nga dahon nga nagababag sa 90% sa silaw sa adlaw. Dili makapabuswak sa biodiversity ang NGP. Ang ginapatanum niining gmelina ug mahogany dili ginapuy-an sa pila ka tipo sa langgam, ug halos walay tanum nga mabuhi ilalom niini. Dili usab kini lig-on sa pag-atubang sa mga peste ug bagyo. Dili usab kini susama sa kalasangan nga natural nga nagapugong sa baha ug uban pang katalagman. Tungod kay ginaputol dayon human sa pila ka tuig, ginasirad-an usab ang katakus sa mga lasang nga magpundo og karbon (nga kung makaikyas ngadto sa atmospera nagapataas sa temperatura sa kalibutan). Dugay nang nabutyag ang pagpostura sa rehimeng Aquino nga maki-kinaiyahan. Pagpakaaron-ingon lang ang gimando niining "total log ban" niadtong Sa pagkatinuod, wala gikansela ang mga pagtu- got sa pagpanoroso sa liboan ka ektaryang kalasangan, ug padayon ang pagpangawkaw sa mga kumpanya sa mina. Lakip ang pag-amoma ug subling pagbuhi sa kinaiyahan sa programa sa demokratikong rebolusyon sa katawhan. Ginaila bisan sa mga organisasyong maki-kinaiyahan nga nagapabilin ang mga kalasangan kung asa kusog ang rebolusyonaryong kalihukan. Sa mga lugar nga nagapatigbabaw ang rebolusyonaryong kusog, ginapatuman ang mga palisiyang pagdili sa dinagku ug magun-ubong pagmina ug komersyal nga pagpanoroso. Ginapatuman usab ang mga programa alang sa subling pagbuhi sa mga kalasangan gamit ang lokal nga mga kahoy ug tanum. Sa pagdumala sa mga rebolusyonaryong awtoridad, ginabalanse ang pag-amoma sa kinaiyahan ug paggamit sa mga kalasangan alang sa pagpananum o paggamit og kahoy alang sa dili komersyal nga panginahanglan sa mga pamilya ug komunidad. Kauban ang mga organisasyong masa, ginapunting ang mga lasang nga mahimong kuhaan og kahoy o tamnan, ug kadtong angayang ipreserba. Pagbubo og pondo sa 4Ps sa 2016 GIPALIG-ON karong Disyembre ang pinakadakung badyet nga P62.67 bilyon alang sa Pantawid Pamilyang Pilipino Program (o 4Ps) ilalom sa P3-trilyong badyet sa Pilipinas alang sa Ang 4Ps usa ka programang gidisenyo ug ginaduso sa World Bank ug nag-unang ginapinansyahan sa utang gikan sa Asian Development Bank. Mokabat na sa P300 bilyon ang gigahin sa 4Ps sukad Sukad 2010, mikabat na sa P42.5 bilyon ang giutang sa rehimeng US- Aquino alang sa programa. Gikatakda kining bayran sugod Dungan niini, nakasalang sa Kongreso ang sugyot nga himuong permanteng programa ang 4Ps aron awtomatiko kining gahinan og pondo sa nasudnong badyet. Tin-aw ang tinguha sa pagpadayon ug labaw pang pagpalapad sa programa, taliwala nga subli-subli na kining napamatud-ang inutil, anomaloso ug malinglahon. Wala pa gani nagdugay, nabutyag na ang kaylap nga korapsyon sa pagpatuman sa 4Ps. Niadtong Nobyembre 2011, adunay 171,947 pamilyang benepisyaryo (o 7.5% sa langkob sa programa) ang gitangtang sa listahan human arbitraryong gideklara nga dili sila kabus. Sa daghang lugar, ginagamit kini sa rehimeng Aquino ug mga saligando niining pulitiko aron ilugon ang balwarte sa mga kabangga sa lokal nga ang-ang. Ginahatagan og gahum ang mga dapig niining mga pulitikong adunay impluwensya sa pagpili ug pag-apruba sa 4Ps alang sa mga pamilyang ginadani o kaha ginamentina ang kamatinud-anon aron matukod o mapabilin ang makinaryang mapahimuslan sa mosunod nga eleksyon. Aron ipagawas nga daku ang pondo, gihimong pausausa ang paghatag og "subsidyo" sa mga benepisyaryo, busa ang gamay gyud sa pagkatinuod nga P300 matag bata ubos sa 4Ps mokabat sa morag daku nga P3,000 kung matag duha ka bulan nga kuhaon sa matag pamilyang adunay tulo ka anak nga nagasulod sa elementarya. ANG BAYAN Disyembre 2 1,

8 Mga krimen sa US sa Syria Walay lipud-lipud nga gubat batok sa mga sibilyan - kini ang tubag sa imperyalismong US ug mga kaalyado niini sa Islamic State of Iraq and Syria (ISIS, naila usab isip ISIL, IS o Daesh) sukad pa sa miaging tuig. Walay hunong ang pagpamomba ug pagpangguba sa mga imprastrukturang sibilyan ug ekstrahudisyal nga pagpamatay nga nagabiktima sa gatusan sa libong mga sibilyan. Pulos kini mga krimen sa gubat ug pagyatak sa mga balaod sa Geneva Conventions tungod sa ginabunga niining kadaut ngadto sa mga sibilyan. Nag-unang target sa mga pagpamomba ang Raqqa, syudad sa Syria, nga ginaingong sentro sa ISIS. Gipakusog kini nga gubat sa US human sa teroristang pagpangatake sa Paris, France ug sa San Bernardino, California sa US sa milabayng mga semana. Sa iyang pamulong niadtong Disyembre 14, gibaharan ni US President Barack Obama ang gipunting niining mga lider sa ISIS nga "kamo ang mosunod" ug nagsaad nga gukuron sila "asa man nga dapit sa kalibutan." Gipasigarbo ni Obama ang iyang "kill list," ang sikretong listahan sa mga gidudahang terorista nga gikatakdang patyon pinaagi sa mga drone ug air strike. Arbitraryo kini nga listahan ug walay pagtugot gikan sa kongreso, senado ug mga korte sa US. Usa ang ISIS sa mga grupong gigamit sa US aron palagputon ang mga "dili-mahigalaong" rehimen sa Middle East. Ginaarmasan kini sa Turkey, Saudi Arabia ug United Arab Emirates, mga hugot nga alyado sa US. Nakabuhi kini sa kontrol sa US ug nagasabwag karon og kagubot sa lainlaing bahin sa kalibutan. Sa iyang pamulong, gipanghinambog ni Obama ang pagpatay kang Mohammed Emwazi, usa ka membro sa ISIS gikan sa United Kingdom nga gihinganlang "Jihadi John." Napatay kuno si Emwazi sa serye sa mga air strike ug pagpamomba sa Raqqa niadtong Nobyembre 12. Niadtong Nobyembre 13, nagpadala ang US og duha ka eroplanong iggugubat sa Libya aron bombahan ang lokasyon ni Abu Nabil, ang gidudahan niining lider sa ISIS sa maong nasud. Sukad Septembre 2014, padayon ang pagpamomba sa US sa ginaingon niining mga balwarte sa ISIS ubos sa "Operation Inherent Resolve." Gisugdan ang operasyon sa Iraq, sa kuno pagpamalihog sa papet nga estado niini, apan paspas kining mikaylap ngadto sa mga teritoryo sa Syria. Sulod sa sobra usa ka tuig, halos 7,000 air strike ang gilunsad sa US - 4,000 sa Iraq ug halos 3,000 sa Syria. Niadtong Nobyembre, migasto og $5.2 bilyon (o $11 milyon matag adlaw) ang US alang niini. Sa kadaghan sa bala, bomba ug misayl nga gigamit dinhi, nagakahutdan na og suplay ang mga Amerikanong eroplanong iggugubat. Naggahin na og $400 milyon ang kongreso sa US alang sa pagpahimo og bag-ong mga bomba ug misayl. Niini nga panahon, sobra 2,000 air strike ang gilunsad sa mga kaalyadong nasud sa US, lakip ang balos-atake sa France sa Raqqa niadtong Nobyembre 17. Nagdeklara og "gubat" ang prime minister sa France batok sa ISIS human miulbo ang kasuko sa pagpangatake sa ISIS sa Paris. Apan sumala sa mga residente sa Raqqa, ang gitarget sa France mao ang mga base nga dugay nang gibiyaan sa ISIS, ug busa halos walay nahimong epekto sa ilang pwersa. Pito ka sibilyan ang napatay sa pagpamomba, matud sa usa ka tago nga grupo sa mga aktibista sa syudad. Naigo usab ang mga linya sa kuryente nga nagresulta sa dugang paglisud-lisud sa mga residente. Daghan sa mga gibombahang pasilidad sa Raqqa nga ginaingong "ginagamit sa ISIS" ang ginagamit usab sa mga sibilyan, sama sa mga tulay ug dalan. Mas grabe pa dinhi ang naigo sa mga "saag" nga bomba o mga "wala gituyo" nga target sama sa mga ospital, museo ug dulaanan. Nataho usab ang pagkabungkag sa mga kabalayan nga duol sa orihinal nga target sa mga air strike. Nagalutaw nga, labaw pa sa ISIS, ang target sa mga pagpamomba sa US sa Syria mao ang gubyerno ni Bashar al-assad, usa ka dili-matarog nga lider nga anti-us ug alyado sa Russia. Niadtong Disyembre 8, nataho nga naigo sa US ang usa ka kampong militar sa Syria sa usa ka pagpamomba. Upat ka sundalong Syrian ang napatay. Niadtong Nobyembre 23, gikumpirma ni Obama ang pagpadala sa nasud og dugang nga ispesyal nga mga tropa gikan sa Joint Special Operations Command (JSOC) aron organisahon ug bansayon kuno ang mga Islamikong grupo nga kuno moderate (ginaingong dili "radikal") batok kuno sa ISIS. Ang maong mga grupo unang giorganisa, giarmasan ug ginapondohan sa US aron lumpagon si al-assad. Padayon ang pagsaka sa ihap sa 8 Disyembre 2 1, ANG BAYAN

9 mga sibilyang kaswalti. Matud sa Airwars, usa ka grupo sa independenteng mga reporter nga nakabase sa United Kingdom, adunay 757 hangtud ka 1,073 sibilyan ang napatay sa mga pagpamomba sa Syria ug Iraq sa milabayng tuig. Mas taas pa niini ang ihap kung apilon ang mga insidenteng dili makumpirma tungod sa kawalay independenteng mga report. Tibuok nga mga pamilya ang napatay sa mga pagpamomba sa US nga ginapagawas nga nakatutok sa gidudahang mga buhatan og pundohanan og mga armas, detatsment ug mga opisina sa ISIS. Giako mismo sa US ang "luag" nga palisiya niini sa presensya sa mga sibilyan sulod o duol sa mga ginatarget niining pasilidad o sakyanan. Sa pagkakaron, duha pa lang sa mga insidente ang giangkon sa US. Nagaresulta og grabeng kalisang sa mga sibilyan ang padayong pagpamomba. Nagresulta kini sa halapad nga ebakwasyon nga naghimugso sa usa sa pinakagrabeng refugee crisis sa Europe ug kasikbit nga mga nasud sa Middle East. Sukad 2011, sobra katunga na sa populasyon sa Syria ang mibakwit sa ilang mga komunidad. Anaa sa 4.1 milyon ang migawas sa Syria samtang 7.6 milyon ang nagpabilin sulod sa nasud. Niining 2015, naggikan sa Syria ang katunga sa halos usa ka milyong refugee nga mitabok sa Mediterranean Sea (dagat nga gipatung-an sa Asia, Africa ug Europe) aron sikretong mosulod sa Europe. Sobra 3,600 kanila ang namatay o nawala sa dagat. Pagpaypay sa sentimyentong kontra-islam Samtang nagapanghasi ang terorismo sa ISIS, ginagamit kini sa US aron paypayan ang sentimyentong kontra-islam ug hatagan og katarungan ang agresyong militar niini sa Syria. Sulod sa US, ginagamit sa mga lider niini ang nagkagrabeng diskriminasyon batok sa mga Muslim aron hatagan og katarungan ang mga krimen niini sa gubat ug manawagan sa mas grabe pang mga krimen batok sa katawhan sa Syria. Lakip dinhi ang carpet bombing sa tibuok mga syudad, gipagrabeng surbeylans, pagsira sa mga daluyan sa balita ug bisan pagpatay sa mga pamilya sa mga gidudahang terorista aron "pig-utan" sila. Ginapatuman na kini nga mga lakang karon sa usa ka ang-ang. Sa US ug Europe, kusog ang panawagang pugngang makasulod ang mga refugee gikan sa mga nasud sa Middle East tungod lang sa ilang kaliwatan ug relihiyon. Rali batok sa WTO, gilunsad NAGLUNSAD og rali ang Kilusang Magbubukid ng Pilipinas (KMP) atubangan sa Department of Agriculture sa Quezon City niadtong Disyembre 15 aron kundenahon ang nagataas nga presyo sa bugas ug uban pang produktong pagkaon. Gitunong nila ang ilang rali sa ika-10 nga tigum sa mga ministro sa World Trade Organization (WTO) nga gipahigayon kaniadto sa Nairobi, Kenya. Matud sa KMP, nag-unang sad-an ang mga palisiyang liberalisasyon sa WTO sa pagtaas sa presyo sa bugas ug uban pang mga produktong pagkaon. Sukad nahimong membro ang Pilipinas sa WTO niadtong 1994, mitaas na ang presyo sa bugas og sobra 300%. Ang kanhing P12,180 matag metriko toneladang bugas niadtong dekada 1990 anaa na sa P39,670 karon. Ingon man, ang hingpit nga liberalisasyon sa agrikultura nagaabli sa sektor sa walay babag nga pag-import og bugas. Gikan 2007 hangtud 2014 pa lang, misaka gikan 1.8 ngadto sa 2.9 metriko tonelada ang ginaimport nga bugas sa nasud, sukwahi sa programang "rice self-sufficiency" sa rehimeng US-Aquino. Nagresulta kini sa pag-ubos sa presyo sa lokal nga humay og hangtud P14/kilo. Mas grabe pa, nagresulta ang palisiyang liberalisasyon sa kaylap nga pagpangilog ug pagpuli og gamit sa yuta ug sobrang pagsalig sa giimport nga mga produktong pagkaon. Mas mograbe kini atubangan sa subling pagduso nga buhion ang mga nasabutan sa WTO. Nag-unang adyenda sa ika-10 nga tigum sa mga ministro ang pagtangtang sa mga subsidyo sa mga gina-eksport nga produkto nga nasabutan niadto pang Mitiurok ang implementasyon niini tungod sa pagbalibad sa US ug uban pang kapitalistang nasud nga ipatuman kini. Mga residente sa Muntinlupa, nagprotesta batok sa demolisyon NAGRALI niadtong Disyembre 14 ang mga residente sa Muntinlupa, ubos sa Alyansa ng Nagkakaisang Maralita ng Muntinlupa, atubangan sa munisipyo sa syudad aron ipadangat ang ilang pagsupak sa nag-ungaw nga demolisyon sa ilang mga komunidad ubos sa "Oplan Likas" o "Estero Declaration." Ang Estero Declaration, nga nagtinguha kunong limpyuhan ang mga agianan sa baha sa Metro Manila, mopalayas sa sobra 100,000 pamilya sa 16 syudad. Sa Muntinlupa, mokabat sa 3,000 pamilya sa upat ka barangay ang maapektuhan. Ginagamit sa lokal nga gubyerno sa Muntinlupa ang Estero Declaration aron hatagan og dalan ang Road Dike Reclamation ug Laguna Lakeshore Expressway Dike Project, mga proyektong ilalom sa programang Private-Public Partnership sa rehimeng US-Aquino. Palayason sa maong mga proyekto ang 3.9 milyong residente sa palibot sa danaw. Sa Muntinlupa, mokabat sa 20,000 pamilya ang mawad-an og balay ug panginabuhian. Gimakmak usab sa mga raliyista ang relokasyon sa lokal nga gubyerno sa Southville 3 tungod sa kawalay mga trabaho ug pasilidad sa lugar. Tungod sa kawalay panginabuhian, wala nakaya sa daghang namalhin ang abang sa mga balay. Karon, sobra 1,000 pamilya ang nag-ungaw nga mapalayas tungod kay dili sila makabayad og abang. ANG BAYAN Disyembre 2 1,