Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bol. XLVIII Ihap ka armas, nasakmit sa BHB MOKABAT SA 11 ka tag-as nga kalibreng armas, duha ka pistola ug klase-klaseng himanmilitar ang nasakmit sa lain-laing yunit sa Bagong Hukbong Bayan (BHB) niining milabayng duha ka semana. Samtang siyam ka tag-as nga kalibreng armas ug upat ka pistola ang nasakmit sa usa ka reyd sa Bulacan niadtong Hulyo. North Central Mindanao. Gilunsad sa BHB-Eastern Misamis Oriental-Northeastern Bukidnon Subregional Command ang tulo ka dungan-dungan nga aksyong militar niadtong kaadlawon sa Septembre 29 sa lainlaing barangay sa Impasugong, Bukidnon. Una dinhi ang reyd sa CAA Patrol Base sa 8th IB sa KM30, Sityo Nasandigan, Barangay Calabugao kung asa nakasakmit ang BHB og duha ka M14, duha ka garan, duha ka karbin, ug usa ka shotgun ug pistolang kalibre.38. Ikaduha ang harasment sa usa pa ka CAA patrol base sa Barangay Hagpa. Ikatulo ang pagdisarma sa upisina sa mga gwardya sa National Greening Program sa Sityo Bagaay, Barangay Calabugao. Nakumpiska dinhi ang usa ka karbin. Far South Mindanao. Malampuson nga nadis-armahan sa mga Pulang manggugubat niadtong Septembre 23 si Egong Pidad, kanhi kapitan sa Barangay Maligang, Kiamba, Sarangani Province. Usa ka garan, pistola nga kalibre.38 ug usa ka shotgun ang nakuha gi"20 armas..., " sundi sa panid 3 EDITORYAL Hilabihan ka dunot ang burukrata-kapitalistang paghari ni Duterte N agbula-bula ang baba ni Rodrigo Duterte sa pagpanghulga batok sa mga organisasyon, institusyon, indibidwal ug bisan sa mga ahensya ug upisyal sa reaksyunaryong gubyerno nga nagalihok batok sa iyang tiranikong paghari. Daw sama sa mananap nga gapanghasmag si Duterte sa ginahimong pagpanghulga ug pagpamatay, pagpangatake ug pagpamig-ot, pagpakaylap sa disimpormasyon, intimidasyon ug pagpasaka og ginama-gamang kaso aron pahilumon ang mga nagabarug ug nagabutyag sa iyang kadunot. Ang tiranikong paghari ni Duterte timaan sa mas nagkagrabeng burukrata-kapitalistang pagpangdaugdaug sa reaksyunaryong estado batok sa katawhan. Dayag ang paggamit ni Duterte sa burukratikong pribilehiyo ug gahum pangpulitika aron alagaran ang interes sa nagharing hut-ong ug sa partikular nga reaksyunaryong pundok. Atubangan sa nagkalalum nga krisis sa semikolonyal ug semipyudal nga sistema, nagkasigpit ang espasyo aron bahinon sa mga nagharing hutong ang kaayohan sa pribilehiyong burukratiko. Ang mga lakang ni Du-

2 terte nga monopolyohon ang gahum mao ang pagmonopolyo niini nga mga kaayohan. Tungod niini, nagalburuto ang ubang paksyon sa nagharing hut-ong. Samtang nagkainit ang panagbingkil tali sa mga paksyon sa nagharing hut-ong, nahukasan ang pagpakaaron-ingnon ni Duterte nga limpyo siya, kontra-korapsyon ug kontra-kriminalidad. Wala g tuo ang iyang pagpanalipod sa iyang kaugalingon ug sa iyang pamilya, nga pulos adunay mga kaso nga korapsyon, pagpangawkaw ug pagpang-abuso sa gahum. Nabutyag karon ang paggamit niya ug sa iyang pamilya sa poder alang sa kriminal nga aktibidad sama sa ismagling sa bugas ug iligal nga droga. Lunod-patay nga burukrata kapitalista si Duterte. Hanas ang paggamit niya sa tanang mekanismo ug rekurso sa estado aron itago ang kadunot sa iyang paghari ug ipiton ang iyang mga kaaway sa pulitika. Sa pagkapyot sa poder, ilado ang nepotismo sa mga Duterte ug pagbalhin-balhin sa gahum sa mga anak ug apo. Ginapalihok niya ang iyang pinakamatinud-anon nga tigsuporta sa kongreso aron palagputon ang punong mahistrado sa Korte Suprema sa sigpit nga basehanan sa usa ka kasong administratibo. Nanawagan si Duterte nga isunod ang punong ombudsman, isip panimalos sa gihimo niining pag-imbestiga ug pagpapubliko sa mga dokumento nga nagpakita sa gitago niining bahandi. Nagtukod si Duterte og kaugalingon niyang komisyon nga antikorapsyon aron imbestigahan ug ipiton ang ahensya. Gihulga niya ang ubang ginsakpan sa institusyon nga nanguna sa imbestigasyon. Ginapasakahan og wala g tuo nga mga kaso ang mga senador sa Liberal Party nga nagahimo og mga imbestigasyon sa iyang "gubat kontra-droga." Iya silang giakusahan nga nakigkunsabo sa rebolusyonaryong kalihukan para kuno sa plano nga palagputon siya. Ang maong paglambigit ni Duterte kabahin sa nagapadayon nga pangpulitikang pagpanumpo sa oposisyon. Ang ginatawag ni Duterte nga konsabohay, sa aktwal, mao ang Unod ANG Editoryal: Hilabihan ka dunot ang burukra- Bol. XLVIII Ihap 19 Ang Ang Bayan ginapagawas sa pinulungang Pilipino, Bisaya, Iloko, Hiligaynon, Waray ug Ingles. Nagadawat ang Ang Bayan og mga kontribusyon sa dagway sa mga artikulo ug balita. Ginadasig sab ang bumabasa nga magpadangat og mga saway ug rekomendasyon sa pagpalambo sa atong mantalaan. ta-kapitalista nga paghari ni Duterte 1 20 ka armas, nasakmit sa BHB 1 Korapsyon ug kroniyismo ni Duterte 3 Kontrol sa US sa AFP, nagkahugot ilalum ni Duterte 5 Mga bakwit, gipugngang makauli 6 Pagbawi sa mga plantasyon 7 Pagbawi sa yuta sa Davao 8 instagram.com/prwcinfo Mga Floirendo, naadunahan 9 youtube.com/philippinerevolutionwebcentral Milyun-milyon, mapalayas Pagpabomba sa Batangas 11 fb.com/philrevwebcentral Pagpanumpo sa mga mamumuo 12 cppinformationbureau@gmail.com Atake sa kabatan-unang estudyante 12 Ang Ang Bayan ginapagawas kaduha sa usa ka bulan sa Komite Sentral sa Partido Komunista sa Pilipinas. 2 lapad nga han-ay sa katawhan gikan sa lain-laing grupong pulitikal ug sosyal, nga sa pagkakaron nagabarog ug nagasukol sa pagpangabuso sa gahum ug awtoritaryanismo ni Duterte ug sa kaylap ug paturagas nga paglapas sa mga katungod-tawo. Lakip dinhi ang walay lat-ang nga pagpamatay sa mga pulis, sundalo ug paramilitar, malukpanong pagpamomba sa mga sibilyan nga komunidad, militarisasyon ug hulgang pagpamomba sa mga katutubong komunidad ug eskwelahan, suspensyon sa writ of habeas corpus ug balaod militar sa Mindanao, pagpamig-ot sa mga eskwelahan ug uban pa. Walay pasensya si Duterte sa oposisyon ug kritisismo. Tinguha niyang monopolisahon ang gahum pangpulitika ug pahilumon ang tanang nagabatikos sa iyang mga palisiya ug pamaagi. Nagdeklara ang iyang mga upisyal nga gamiton ang tanang pamaagi aron kasuhan ug arestuhon ang tanang mga nagaprotesta. Aron masagang ang mga personal nga batikos sa iya, subli siyang nanghulga nga magpatuman og balaod militar sa tibuok nasud. Lakip sa pinakaulahing pasistang lakang sa rehimen ang pagtukod og Citizen National Guard, usa ka organisasyon nga vigilante nga ginalangkuban sa pinakabangis niyang loyalista, lakip ang pipila ka retiradong sundalo ug pulis. Dayag kining giendorso sa iyang kalihim sa hustisya. Dayag kining nanawagan sa pag-atake sa mga nagabatikos sa rehimen nga matud niini mga kaaway sa estado. Ang pagpaling ni Duterte sa maong mga taktika nagpakita lang sa iyang desperasyon ug pagkahimulag sa katawhan. Kaylap na ang pagsukol sa katawhan sa iyang tulo ka gera sa pagpamatay ug pagpangguba, pasista ug burukratakapitalistang paghari, ug pagpaitoy-itoy sa interes sa US. Unsa pa man ang buhaton ni Duterte, dili na niya mapugngan ang nagkakusog nga panawagan aron palagputon siya. ANG BAYAN

3 Korapsyon ug kroniyismo ni Duterte D ili ikakurat ang kaso sa korapsyon nga gisang-at karon sa upisina sa Ombudsman batok kang Rodrigo Duterte ug sa iyang pamilya. Dili usab bag-o ang iyang pausab-usab nga mga pamahayag kabahin niini. Niadto pa man, gitawag na siya nga hari sa pagkabakakon kabahin sa bahandi sa iyang pamilya ug gigikanan niini. Pamilya nga burukrata kapitalista Sama sa ubang burukrata-kapitalista, naadunahan sa pwesto ang pamilya ni Duterte. Gubernador ang iyang amahan nga kaniadto usa pa lang ang prubinsya sa Davao. Ang iyang inahan usab naggikan sa usa ka adunahang pamilya sa rehiyon. Sa usa sa iyang mga pamahayag niadtong Septembre, gipanghinambog pa niya nga milyonaryo na siya niadtong anaa palang siya sa hayskul tungod sa gipanunod niya nga mga kabtangan gikan sa iyang inahan. Niadtong milabayng tuig, gibutyag sa usa ka dyaryo nga matag tuig nga nagdaku ang deklaradong bahandi ni Duterte sa iyang SALN o Statement of Assets, Liabilities and Networth sa panahong meyor siya sa Davao. Ang SALN mauy usa ka dokumentong ginapubliko kalabot sa personal nga pondo ug kabtangan sa mga anaa sa gubyerno nga kasagarang ginalimod sa mga pulitiko. Sukad 1997 hangtud 2015, mitaas og 2,500% ang bahandi ni Duterte gikan P897,792 niadtong 1997 ngadto sa P23.5 milyon niadtong 2015 (sa tinuig nga pagdako nga 133%). Wala pay labot dinhi ang mga yuta, sakyanan ug uban pang kabtangan nga nakapangalan sa iyang mga anak nga giangkon niyang gidawat isip mga regalo. Sa iyang unang unom ka bulan isip presidente, nadugangan og P3 milyon ang deklaradong bahandi ni Duterte. Gingharian sa Davao Giisip sa mga Duterte ang Davao City isip personal nga gingharian. Dili moubos sa pito ka membro sa ilang pamilya ang nakapwesto sa lokal nga gubyerno. Lakip dinhi ang duha sa kinamagulangang anak nga silang Sara ug Paolo isip alkalde ug bise-alkalde sa syudad. Niadtong 2007, nagdeklara og P38 milyon ang duha sa ilang mga SALN, mga bahanding gipanunod kuno nila dihang nagbulag ang ilang mga ginikanan. Luyo kini sa P8.7 milyon lang ang gideklara ni Duterte sa iyang SALN sa wala pa kini nga tuig (2006) ug P2 milyon lang sa tuig nga pormal na nga nagbulag sila sa iyang unang asawa (2000). Sa halos 10 ka tuig nga paglingkod sa duha ka batanong Duterte sa poder, nalambigit sila sa mga kasagarang kaso sa korapsyon sa mga "20 ka armas..., " gikan sa panid 1 kan sa iya. Giatake usab sa mga Pulang manggugubat ang mga armadong membro sa Civilian Volunteer Organization sa Barangay Tudok, T boli, South Cotabato niadtong Septembre 27. Gisurender gilayon sa mga paramilitar ang ilang mga pusil lakip ang usa ka M16 armalayt, usa ka ripleng garan ug usa ka karbin. Nakasakmit usab ang mga Pulang manggugubat og usa ka radyong 2way, duha ka klip sa garan, duha ka magasin sa karbin ug mga bala niini. Bicol. Gilunsad sa usa ka iskwad sa BHB-Sorsogon (Celso Minguez Command) ang operasyong haras sa detatsment sa 3rd Manuever Company sa 5th PPSB ug pagsunog sa mga walay plaka nga motorsiklo sulod sa kampo sa Barangay San Ignacio, Gubat, Sorsogon niadtong Septembre 18. Ang aksyon sa BHB kabahin sa pagsingil sa mga yunit sa militar ug pulis sa aktibong pagsalmot niini sa mga ekstrahudisyal nga pagpamatay sa probinsya. Negros. Gisilutan usab sa BHB-South West Negros (Armando Sumayang Command) si Joevanie Banista niadtong Septembre 9, sa Barangay Lukotan, Kabangkalan City. Nakuha sa iya ang usa ka kalibre.45 pistola nga adunay tulo ka magasin. Usa si Banista sa mga ginsakpan sa RPA-ABB nga nagpagamit sa militar sa ilang programang kontra-insurhensya sa Southwest Negros ANG BAYAN gikan pa dekada Nagsilbi usab siyang ahenteng paniktik sa AFP. Daghang kaso sa paglapas sa katungodtawo ang nakasang-at batok sa iya sa hukmanan sa katawhan. SAMTANG SA CENTRAL Luzon, malampuson nga giatake sa usa ka platun sa BHB-Bulacan ang upisina ug detatsment sa mga armadong ginsakpan sa Bangko Sentral ng Pilipinas (BSP)-Ayala Land sa Barangay San Isidro, San Jose Del Monte City, Bulacan, niadtong gabii sa Hulyo 23. Nasakmit dinhi ang 13 ka armas lakip ang siyam ka tag-as nga kalibreng pusil ug upat ka pistola, mga bala ug uban pang kahimanang militar sama sa radyong 2-way, sapatos ug mga pak. Sa wala pa kini, gireyd sa usa ka platun sa BHB ang mga armadong maton ni Atty. Artemio Cana, usa ka mangingilog og yuta, sa Barangay San Mateo, Norzagaray, Bulacan. Matud ni Ka Jose del Pilar sa BHB-Bulacan, kini nga reyd mauy tubag sa singgit alang sa hustisya sa mga katutubong Dumagat, mag-uuma ug katawhang ginapahimuslan sa nagkunsabohay sa BSP-Ayala Land. Nagsugod pagpangilog og yuta ang nagkunsabohay nga BSP-Ayala Land ubos sa kanhing rehimeng Aquino. Mipaspas, mas nahimong bangis ug malukpanon ang pagpangawkaw niini ubos sa kasamtangang rehimen. 3

4 burukrata. Lakip dinhi ang sobrang pagpresyo sa munisipyo ug uban pang imprastruktura, paghatag sa mga pangpublikong kontrata sa kaugalingong mga kumpanya ug pagdawat og suborno. Kasamtangan ginalambigit si Paolo ug ang asawa ni Sara nga si Manases Carpio sa ismagling sa bugas ug iligal nga droga. Suporta sa dagkung burgesyakumprador ug burukrata Suportado sa parehong mga burukrata ug negosyanteng pinakanakabenepisyo sa mga pangpublikong kontrata sa Davao City ang paghari ni Duterte sa Davao, ug karon isip presidente. Usa sa pinakadaku niyang kontribyutor ang pamilyang Marcos, nga giangkon niya sa publiko pero wala gideklara sa taho sa galastuhan sa eleksyon nga gisumite niya sa Comelec. Sa iyang taho, pinakadaku niyang kontribyutor ang pamilyang Floirendo, kanhing kroni sa mga Marcos, nga gibendisyunan sa mga kontratang mag-opereyt og komersyal nga plantasyon sa mga yutang pangpubliko. (Tan-awa ang kasumpay nga artikulo sa palid 9.) Sa mga naghatag og pondo sa iyang kandidatura, 18 ka mga indibidwal nga nagapadagan og mga kumpanyang kasosyo sa lokal nga gubyerno o dili kaha naggunit sa mga pangpublikong yutilidad, dinagkung pagmina ug plantasyon nga nanginahanglan og pagtugot sa lokal nga panggamhanan. Kadaghanan niini mga kroni ni Duterte ug ginatuohang mga dummy o tawo-tawo lang niya. Nagbandera ang ilang mga pangalan isip mga upisyal sa lain-laing kumpanya. Pipila sa mga kroni ni Duterte Hingpit nga nakabenepisyo karon ang mga kroni ni Duterte. Lakip dinhi si Dennis Uy, dakung negosyante nga nanag-iya sa Phoenix Petroleum. "Konsultant" niini nga kumpanya ang kanhing hepe sa AFP ug kasamtangang National Security 4 Adviser nga si Hermogenes Esperon. Niadtong 2010, gikasuhan kini nga kumpanya og ismagling sa mga produktong petrolyo sa Davao. Giabandona sa lokal nga Bureau of Customs ang reklamo human nanginlabot si Duterte sa kaso. Usa pa sa mga kroni ni Duterte si Samuel Uy, lider sa mga negosyanteng Chinese sa syudad, nga kasosyo mismo ni Duterte sa usa ka negosyo sa General Santos City. Parehong aktibo ang duha ka Uy sa pagkamatinabangon sa han-ay sa mga militar nga anaa sa Marawi. Nagtukod og P100 milyong trust fund si Dennis Uy alang sa mga pamilya sa napatay nga mga sundalo, samtang mayor nga kontribyutor sa pagtukod og mga temporaryong puy-anan si Samuel Uy. Sulod sa unom ka bulan sa paglingkod sa poder, gihatagan gilayon ni Duterte og mga pwesto, dagku nga kontrata sa gubyerno ug talagsaong mga kahigayunan sa negosyo ang kadaghanan sa iyang mga tigpondo. Usa dinhi ang kumpanyang Udenna ni Dennis Uy nga mipalit sa minilyong kantidad nga mga kumpanya ug kabtangan aron agresibong palapdon ang iyang mga negosyo, nag-una ang Phoenix Petroleum, gamit ang impluwensya ug pautang ni Duterte. Niadtong milabayng tuig, miubos sa halos katunga ang gibayrang buhis sa Phoenix Petroleum ni Uy tungod sa pakete sa mga eksempsyon ug uban pang insentiba sa rehimen. Lakip sa mga nakuha ni Uy ang mayorya sa gipanag-iya sa 2GO nga kanhi gipanag-iya sa pamilyang Ayala ug Ederun Colleges sa pamilyang Soriano. Katugbang ang pamilyang Sy, tinguha ni Uy nga kon- solidahon ang pagpanag-iya niya sa 2GO ubos sa Chelsea Logistics Holdings Corporation, ang kumpanya sa transportasyong pandagat sa Udenna. Gibendisyunan usab ni Duterte si Uy og lisensya nga magtukod ug mag-opereyt og resort ug casino sa Cebu nga nagkantidad og $300 milyon. Pondohan kini nga mga pribadong proyekto sa mga utang gikan sa China nga napinalisa human sa iyang mga upisyal nga pagbisita sa nasud. Sa Davao, kasosyo ni Uy ang uban pang mga kroni sa rehimen sa paghakop sa mga proyektong imprastruktura, lakip ang pagplastar og sistema sa mga karsada nga motabok sa tibuok isla. Ingonman, nakalingkod siya ug sa ubang membro sa iyang board of directors sa mga kumpanya sa kapareho niyang kroni nga may lapad nga interes sa pagmina ug komersyal nga plantasyon. Lakip sa gilingkuran ni Uy ang board of directors sa Apex Mining nga gipanag-iya ni Walter Brown. Gipanag-iyahan usab ni Brown ang A. Brown, ang kumpanyang nangilog karon og kayutaan sa Central Bukidnon aron magbutang og mga plantasyon para sa oil palm. Ang mga Uy pipila lamang sa mga kroni ni Duterte sa Davao nga ginalangkuban sa dagkung opereytor sa minahan ug trosohan nga daan na usab nga mga kroni sa diktador nga si Marcos. Lakip dinhi ang mga Alcantara ug Navarete nga pulos nagpondo sa iyang kampanya ug sa pagkakaron nakapahimulos sa pwesto. Gidugangan sila sa mas dagku pang kroni sa kanhing diktador, sama ni Ramon Ang, ang sumusunod ni Eduardo Danding Cojuangco. ANG BAYAN

5 Kontrol sa US sa AFP, nagkahugot ilalum ni Duterte W ala pay tuig sukad nagdeklara si Rodrigo Duterte nga mobulag na sa US, hingpit siyang mibali ug gidayeg ang US isip kuno mahinungdanong alyado sa seguridad. Makapainsulto nga gipamahayag niya kini sa okasyon sa paghandum sa nasud sa mabayanihong mga Pilipino sa Pag-alsang Balangiga batok sa mga mananakop nga Amerikano. Ginatibuok niini nga mga pamahayag ni Duterte ang hingpit niyang pagpakaitoy sa imperyalismong US. Partikular sa natad sa militar, nagpabiling haligi sa paghari sa US sa nasud ang Armed Forces of the Philippines ug mga pwersang pangseguridad sa estado. Giangkon mismo ni Duterte nga usa ka ahente sa US Central Intelligence Agency si Delfin Lorenzana, kalihim sa Department of National Defense. Naguna si Lorenzana sa pagpatuman sa disenyo sa US alang sa gubyerno ni Duterte. Padayon nga nakasandig ang AFP sa ayudang militar gikan sa US sa porma sa pinansya, mga armas ug kahimanan, mga pagbansay ug indoktrinasyon. ANG BAYAN Gipasubsob nga presensyang militar Niining Oktubre 2, gisugdan ang hiniusa nga ehersisyong militar nga Kamandag tali sa 900 US Marines ug Philippine Marines sa pito ka lugar sa Luzon. Lakip kini sa 257 ka hiniusang ehersisyong militar nga nakatakdang ilunsad karong Gawas sa mga sibaw nga pagbansay sa pag-atake gikan sa kadagatan, gibansay usab sa US ang AFP sa paggamit og kompyuter ug internet para sa elektronikong pagpaniktik ug pag-atake. Sa tunga-tunga sa pag-atake sa AFP ug US sa Marawi, nagpahigayon sa pagbansay og urban warfare (panagsangka sa syudad) ang US Marines alang sa Philippine Marines. Lakip niini nga mga ehersisyong militar ang pang-saywar nga mga aktibidad sama sa pagrepeyr og mga eskwelahan ug mga medical mission. Apil usab ang AFP sa mga multinasyunal nga pagbansay militar nga gipangunahan sa US. Sa milabayng ehersisyong Balikatan niining Mayo, kauban sa mga langyawng tropa nga nagbansay ang gikan sa hugot nga alyado sa US nga Australia ug Japan. Aduna pay bulag nga kasabutan si Lorenzana sa Australia nga maglunsad og pagbansay kalabot kuno sa pag-a- way sa ISIS, gawas pa sa mga drone sa Australian Defense Force nga gigamit usab sa Marawi. Matud niya, natubos na kuno sa US ang kaugalingon sa mga krimen niini sa katawhan sukad pa niadtong Gubat Pilipino-Amerikano hangtud sa kasamtangan. Dayag nga gigamit sa US ang black scare o pagpanghadlok kabahin sa ISIS sa milabayng katapusang mga pagbansay. Ang mga ehersisyong Sama-sama ug Tempest Wind pulos nagmugna og senaryo nga adunay kaaway nga ISIS. Nagpahigayon og pagbansay sa pagluwas kuno sa mga biktima sa pag hijack sa ISIS sa eroplano samtang giangkon mismo sa US ug DND nga walay ingon niadtong senaryo sa pagkakaron o sa hinanali nga umaabot sa Pilipinas. Gisakyan na usab sa US ug Australia ang hisgutanan sa droga ug ang hulga kuno sa kumbinasyong terorismo-iligal nga droga. Ginayawit ni Duterte ang maong linya dihang gipresenta niya ang matrix sa mga druglord nga kuno nagpondo sa grupong Maute. Dili halayo nga gamiton sa US sa Pilipinas ang hisgutanan sa droga para sa pagpanghilabot militar sama sa gihimo niining pagtukod og mga kontra-rebolusyonaryong grupo nga paramilitar sa Colombia. Dili usab halayo nga ipunting sa US ug ni Duterte sa mga rebolusyonaryong pwersa ang mga ekstrahudisyal nga pagpatay sa mga suspetsado sa droga. Misibaw ang paggamit sa kumbinasyong terorismo-iligal nga droga sa ehersisyong Southeast Asia Cooperation and Training nga gipangulohan sa US Coast Guard ug gisalmutan sa mga pwersang coast guard ug militar sa Pilipinas, Australia ug uban pang nasud. Niadtong Septembre 7 ug 26, lakip usab ang Pilipinas sa gitapok 5

6 sa US Pacific Command (PACOM) nga mga upisyal sa militar gikan sa mga nasud sa Indo-Asia-Pacific. Kabahin ang duha ka magkasunod nga mga tigom sa pagkonsolida sa US sa gahum sa rehiyon. Niini usab Septembre 27-28, gilunsad ang tigom sa Mutual Defense Board Security Engagement Board sa hedkwarters sa US PACOM sa Hawaii kung asa gikahiusahan ang 261 ehersisyong militar sa 2018, lakip ang paglunsad og mga pagbansay sa pagdepensa sa teritoryo, nga kanhi nang gibalibaran ni Duterte. Dili usab moubos sa pito ka barko ug submarinong iggugubat sa US ang gawasnong nakadunggo sa Pilipinas karon nga tuig, samtang sukad pa Pebrero nagpatrolya ang uban pang barko nga panggubat niini sa South China Sea. Bisan sa Marawi, gitugutan sa rehimen ang interbensyon ug pagdirihe sa US sa pag-atake sa syudad pinaagi sa kontrol niini sa mga drone nga naniktik ug nanghulog og mga bomba, ingonman sa pagsuplay og mga armas ug subsob nga paggamit sa gibansay niining mga espesyal nga yunit militar. Giangkon usab ni Lorenzana nga adunay kapin 100 sundalong US sa uban pang bahin sa Mindanao nga nagpahigayon og paniktik pinaagi sa mga eroplano ug drone. Niadtong ulahing semana sa Agosto, nakigmeting si Duterte kang US PACOM Chief Adm. Harry Harris Jr. aron hiusahan ang malukpanong pagpanghilabot sa US sa gubat sa Marawi. Human niini, gidungagan sa US niining Septembre sa mas lambo nga sistema sa drone ang kanhi nang mga nakadeploy sa Marawi. Gawas niini, padayon nga nagadaloy sa mga ayuda ang kontrol sa US nga militar sa nasud. Niadtong 2016, nagdawat ang gubyernong Duterte sa halos $60 milyon nga ayudang militar gikan dinhi. Lakip dinhi ang $9 milyon alang kuno sa pagsumpo sa iligal nga droga. Nagpadala usab ang gubyernong Duterte og 194 upisyal pulos gikan sa militar ug mga ahensyang sibilyan aron paeskwelahon ug bansayon sa US sa ilalum sa International Military Education and Training (IMET). Miabot og $3.4 milyon ang kantidad sa IMET sa nahisgutang tuig. Alang usab niini nga tuig, moabot og $54 milyon ang gipangayo nga ayudang militar sa Pilipinas sa US. Lakip dinhi ang $2 milyon para sa IMET, $9 milyon para sa pagsumpo sa iligal nga droga, ug $3.5 milyon para sa kontra-terorismo ug mga kalambigit nga programa. Ang nahibiling $40 milyon pautang para sa pagpalit og mga armas gikan sa US. Kini nga mga kantidad kabahin sa kinatibuk-ang $188 milyon ayudang gigahin sa US alang sa nasud. Dugang sa anti-katawhang mga gera ug palisiyang pang-ekonomiya, samot pang nahimulag ang rehimeng Duterte tungod sa hingpit niining pagpakaitoy sa US. Seguradong sugaton sa grabeng protesta sa katawhan ang pagbisita sa Nobyembre sa nag-unang representante sa imperyalismong US nga si US President Donald Trump. Pagbalik sa mga bakwit sa Marawi, gipugngan sa AFP NAGKADAIYANG PANGATARUNGAN ang ginahimo karon sa rehimeng Duterte aron pugngan ang mga bakwit sa Marawi nga mobalik na sa ilahang mga komunidad. Ginabutang sila sa mga lugar sa relokasyon nga kuno temporaryo lang samtang ginakonsolida sa AFP ang kontrol sa Marawi. Padayon sila nga ginabalewala sa rehimen sa pagplano alang sa rekonstruksyon ug rehabilitasyon sa syudad. Gamit ang usa ka karaang dikreto, anaa sa kamot karon sa AFP ang pagpunting ug pagpanghatag og mga pwesto sa mga residente sa Marawi. Samtang wala kini, gipapundo una sila sa barato ug makainsultong mga temporaryong puyanan. Usa niini ang giinagurahan ni Duterte niadtong Oktubre 4 nga 50 ka menos klase nga payag nga hinimo sa amakan ug nipa ug adunay gilapdon nga otso-metros kwadrado. Grabe pa, gi-una ni Duterte ang paghatag niini nga mga balay sa mga pamilya sa mga sundalo nga nakiggubat sa Marawi ug dili sa mga bakwit. 6 Samtang usa ka grupong Maranao ang nagpadayag sa ilang planong magpasaka og kaso sa International Court of Justice aron papanubagon ang rehimeng Duterte sa pagpangguba ug pagpang-abuso sa AFP sa Marawi. Gianunsyo bagohay palang sa Bangsa Maranao Congress, usa ka bag-ong gitukod nga grupo sa Lanao del Sur, ang maong plano human ang duha-kaadlaw nga tigom. Gitambungan kini sa dagkung klan gikan sa Marawi ug kasikbit niini nga munisipalidad sa Guimba Duma Sani, Toros, Bacolod ug Cabugatan. Ginasingil nila ang rehimen og P120-bilyon bayad-damyos alang sa tanang nadaut ug pagpangabuso. Sa wala pa kini, mitumaw pinaagi sa usa ka pamahayag nga nakabidyo ang usa ka bag-ong natukod nga armadong grupo, ang Meranaw Victims Movement, nga mibarog para sa ilang katungod mag-armas aron depensahan ang ilang identidad ug syudad batok sa pagpangatake sa rehimen ug AFP. Ginaduso nila ang hinanaling pagundang sa mga pagpamomba, pagatras sa AFP sa Marawi ug pagbalik sa mga bakwit sa kanhi nilang mga komunidad. Kadungan niini, gibatikos usab nila ang grupong Maute sa pagbalewala niini sa kaayohan sa mga sibilyan, ug ang Moro Islamic Liberation Front sa kawalay-baruganan niini sa padayon nga pagpangguba sa rehimeng Duterte sa syudad. ANG BAYAN

7 Pakigbisog para bawion ang mga plantasyon N agakaylap karon ang bag-ong nataran sa pakigbisog sa mag-uuma sa Mindanao ang pagpanghingusog sa mga mag-uuma sa pagpanag-iya ug kontrol sa mga yutang plantasyon. Niadtong dekada 1980, gilangkuban sa CARP ang kayutaan sa mga plantasyon. gitahasan niini ang mga ahensya sa estado nga ibalhin ang mga titulo sa pagpanag-iya sa yuta sa pipila ka dagkong plantasyon sa pangalan sa mga mamumuo sa plantasyon ug gitawag sila nga mga benepisyaryo sa repormang agraryo (agrarian reform beneficiaries o ARB). Apan human sa tulo ka dekada sa pagpatuman sa CARP, nagpabiling tibuok ug napailalum sa kontrol sa dagkong agalong yutaan ug mga korporasyon sa agribisnes ang mga yutang adunay titulo. Ginapahimuslan nila ang huyang nga probisyon, daghang eksempsyon ug malinglahon nga mga istruktura ug proseso sa CARP aron mapabilin sa ilang kontrol ang yuta ug mga benepisyaryo. Walay nahimong kaayohan ang titulo sa yuta nga gunit sa mga ARB. Gikinahanglan nilang ipanghingusog ang katungod nga panag-iyahon ug gamiton ang ilang yuta subay sa ilang pagbuot. Usa sa sibaw nga pananglitan ang 28,816 ektaryang plantasyon sa saging nga kontrolado sa Tagum Agricultural Development Company (Tadeco) sa pamilyang Floirendo. Sa maong plantasyon, wala ni usa sa halos 1,890 ARB ang nakabenepisyo sa kaugalingong yuta. Nagpabilin silang mga mamumuo sa plantasyon, nagadawat og gamayng suholan, o grabe pa, ginapalagpot sa trabaho kung moreklamo. Adunay 100,886 ARB ang tibuok Southern Mindanao Region. Mismong ang CARP ang gigamit sa mga agalong yutaan aron ipabilin ang ingon niining kahimtang. Ilalum sa mini nga programa, gitukod sa gubyerno ang mga Agrarian Reform Community (ARC) aron mahimong organisado kuno ang pagpanghatag ANG BAYAN sa yuta, pagpaningil sa amortisasyon, ug paghatud og suportang serbisyo gikan sa gubyerno. Gitukod ang mga benepisyaryo isip mga kooperatiba aron dinhi makigsabot ang gubyerno ug ang kapitalista. Pinaagi sa sistemang ARC, parsela-parsela nga nakontrol sa DAR ug sa mga kapitalista sa agribisnes ang mga komunidad busa nahimong mas dali ang pagpangawkaw sa yuta. Sa lagpad nga plantasyon, ang mga kapitalista pa gihapon ang nagkontrol sa lain-laing yugto sa proseso, suholan, merkado, presyo sa produkto ug mga farm input (sama sa mga binhi, pestisidyo ug uban pa). Pipila sa mga pamaaging gigamit sa mga asendero ug kapitalista sa agribisnes ang: Agribusiness Venture Agreement (AVA) o kontrata tali sa kooperatiba sa mga ARB ug sa kumpanya sa agribisnes. Ang kumpanya ang nagatakda sa mahal nga presyo sa mga farm input ug baratong produkto sa mga mag-uuma. Ang kita sa mga ARB halos paigo lang para ibayad sa utang sa farm input. Daghan ang kaso nga naembargo na ang yuta tungod sa utang o kaha gibaligya na ang ilang katungod sa yuta tungod sa kalisud sa kinabuhi. Sistemang grower (pagpatanom) o kontrata tali sa indibidwal o organisasyon sa mga grower ug sa kumpanya. Giako sa naulahi ang tanang gasto apan obligadong ibaligya ngadto sa kumpanya ang produkto sa presyong sila ang nagdikta. Giako sa grower ang pagsweldo sa mga mamumuo ug unsamang pagkaalkanse nga resulta sa menos nga ani. Aduna say kahimtang kung asa giako sa grower ang tanang galastuhan ug ginabaligya lang ngadto sa kapitalista ang produkto. Isip tigpalit, quality control lang (ginatak- dang kalidad) ang ginaseguro sa kapitalista. Sistemang Koop. Ang mga farm input ginapautang sa kumpanya sa kooperatiba sa gagmayng nanag-iya og yuta. Ang kooperatiba nagapapel isip ahensya sa empleyo aron makalikay ang kumpanya sa unsamang obligasyon sa mga mamumuong panguma ug empleyado. Dinhi usab ginapadaloy ang mga ginapakaylap nga mga kahimanan ug teknolohiya (kasagarang nakasandig sa mga ginaangkat nga kemikal nga input) sa produksyon. Hugot nga ginadili ang unyon tungod kay rehistrado kini isip kooperatiba. Sistemang Leaseback. Ginapaabangan usab sa mga benepisyaryo ang yuta sa kumpanya, ug mahimong mamumuo sila sa kaugalingon nilang yuta. Daghang kasabutan ang nagalanat og 30 ka tuig. Ginakulangan ang bayad sa abang sa yuta para kuno sa pagretiro sa mamumuo, ug sa pagsugod sa leaseback dili na ginaapil ang nahaunang panahon sa serbisyo sa mamumuo ayha sila nasulod sa CARP. Pipila ka pananglitan niini ang Marsman, Lapanday, ug pipila ka bahin sa Tadeco. Korporadong pagpanguma. Ginausab ang klasipikasyon sa yuta padulong sa komersyal aron luwason kini sa pag-apud-apod sa mga mag-uuma. Tungod niini, daghan sa kanhi na nga nag-uma ang nawadan og yuta. Leasehold. Nagaabang ang kumpanya og mga yutang pribado o publiko para himuong plantasyon, kadaghanan sa pinakaubos nga presyo sama sa P6,500 matag ektarya matag tuig. Daghang yutang publiko sa Mindanao ang naa sa leasehold, sama sa kontrata sa Tadeco sa dakung bahin sa Davao Penal Colony, o mga pribadong yuta nga giabangan sa Marsman. Bisan pa napanghingusog sa mga mag-uuma ang ligal nga kata- 7

8 Pagbawi sa yuta, ginapanghingusog sa mga mag-uuma sa Davao rungan para sa ilang makatarunganong baruganan sa pagpanag-iya sa yuta (pagdesisyon kung unsaon paggamit ug unsa ang itanom), dili magboluntaryo ang reaksyunaryong gubyerno nga ipatuman kini. Sukwahi niini, tinuyong nagtinabangay ang lain-laing ahensya sa gubyerno ug militar para dili nila makab-ot ang ilang katungod sa yuta. Niadto lang nahimong kalihim sa DAR ang lider-mag-uuma nga si Ka Paeng Mariano nga misuporta ang ahensya sa panawagan sa mga mag-uuma sa sibaw nga kaso sa Lapanday. Nahibalo ang mga mag-uuma nga gikinahanglan pa nilang iduso ang katungod nila sa yuta pinaagi sa hiniusang paglihok sama sa nahitabo sa Lapanday Foods kung asa nabawi sa 159 ARB sa ilalum sa MARBAI ang 146 ektarya human ang pipila ka bulan nga mga paglihok. Sa Arakan Valley, napaduso sa 3,100 pamilyang organisado sa MAFAI nga ilhon ang ilang kapin pito ka dekada na nga pag-ugmad sa 4,387 ektarya nga gihakop para mahimong kabahin sa school reservation. Kini nga mga pagsukol nagsilbing modelo ug inspirasyon sa mga mag-uuma aron pakusgon ang ilang mga organisasyon nga nagdala sa determinasyon sa pagkab-ot sa katilingbanong hustisya. Busa gitukod niadtong Abril ang ARB One Movement (AOM) isip pederasyon sa mga ARB aron mas kusganong mapanghingusog ang ilang katungod sa yuta 8 KAPIN USA KA LIBO ka mag-uuma gikan sa lain laing lugar sa Davao del Norte ang nagkampuhan sa kasamtangan atubangan sa probinsyal nga upisina sa DAR sa Barangay Mankilam sa Tagum City. Ginapanghingusog nila ang pagbawi sa yutang ginagamit nga mga plantasyon sa saging nga bisan sa burges nga balaod angay nang iapod-apod sa ilaha. Gikan Septembre 27, nagmeting ang mga mag-uuma ilalum sa Agrarian Reform Beneficiaries One Movement (AOM) aron ipanghingusog sa Department of Agrarian Reform (DAR) nga ipagawas niini ang Installation Order aron makaposisyon na sila sa ilang yuta. Ang AOM ang pederasyon sa mga organisasyon sa mga benepisyaryo sa CARP nga gihakop ang yuta. Matud ni Billy Cabintoy, pangkinatibuk-ang kalihim sa AOM, walo ka organisasyon sa mga benepisyaryo ang naningkamot nga bawion ang di moubos sa 1, ektaryang yuta sa mga syudad sa Panabo ug Tagum, ug sa probinsya sa Kapalong. Upat ka organisasyon sa Agrarian Reform Beneficiaries (ARB) sa "Pagbawi sa yuta..., " sundi sa panid 9 batok sa lain-laing pakana sa CARP, human ang pukpukan nga pakig-away sa MARBAI. Komprehensibong ginaatubang sa AOM ang hisgutanan sa mga ARC pinaagi sa pagpalig-on ug pagpalapad sa pederasyong AOM sa tibuok Southern Mindanao aron mapatuman ang tinuod nga reporma sa yuta. Maglunsad og mga pagbansay sa paraligal, sustenableng agrikultura, pagpadagan sa organisasyon lakip na sa pagpamahayag, ug uban pang kahanas. Sa mga ARB nga napadaug na ang kontrol sa kaugalingong yuta, hinanali nga hisgutan kung unsaon pagpatuman sa produksyon nga nagakunsidera sa pagkahilo sa yuta nga pila ka dekada nang gidaut sa mga kemikal, ingonman, ang kahanas ug kahibalo sa mga mag-uuma, lakip na ang merkado sa mga produkto. Niini nga kahimtang, obligado ang mga mag-uuma nga ipadayon sa usa ka ang-ang ang produksyon sa saging. Ginahisgutan sa ilang organisasyon ang paglikay sa pagpa- ngutang o kaha pagpangutang sa ubos nga interes aron anam-anam nga matapos ang usa sa pinakaepektibong mga pamaaging gigamit sa asendero ug kapitalista sa pagpangawkaw og yuta. Segurado nga mahimong sentro sa panagbangi ang hisgutanan sa pagpalit sa ilang produkto nga saging. Kadungan sa panghinanali nga mga hisgutanan, ginalantaw sa mga mag-uuma ang malahutayong hagit kung unsaon nga dili na subling maangkon sa mga asendero ang yuta. Yawe dinhi ang gipaningkamutang pagbalhin gikan sa produksyong monocrop padulong sa komprehensibo, integrado, planado ug kolektibong pagpanguma, ilabina sa mga mag-uuma nga halos sa gimbuhatong plantasyon na nakaangkon og buot. Kinahanglan kini aron mamenosan ang dautang epekto sa mga katalagman ug sakit sa pananom, mapatigbabawan ang monopolyo sa agribisnes sa merkado, maseguro ang seguridad sa pagkaon, ug mapahibalik ang katabunok sa yuta. ANG BAYAN

9 "Pagbawi sa yuta..., " gikan sa panid 8 mga lugar nga ginasakop sa Tadeco ang mibawi sa 800 ektarya ang WADECOR Employees Agrarian Reform Beneficiaries Association, Inc., Checkered Agrarian Reform Beneficiaries and Employees Multi-Purpose Cooperative, PAHECO Employees Agrarian Reform Beneficiaries Association, Inc., ug Linda District Employees Agrarian Reform Beneficiaries Association, Inc. Ginabawi usab sa Alberto Marfori Soriano Agrarian Reform Beneficiaries Organization ang 91 ektarya sa Kapalong, adunay pipila ka ARB nga nagabawi sa 152 ektarya gikan sa pagpanag-iya sa Baret, samtang ang Gagmay ng Mag-uuma Agrarian Reform Beneficiaries Association, Inc. ug Hijo Agrarian Reform Beneficiaries Cooperative nagabawi sa ektarya nga gisakop karon sa Lapanday Foods Corporation sa Barangay Madaum, Tagum City. Sa Oktubre 11-15, maglakbayan padulong sa Metro Manila ang mga nagkampuhan aron sa nasudnong upisina na sa DAR nila iduso ang gipangayo. Duyogan sila sa kapin 200 mag-uuma gikan sa Buffalo, Tamaraw, Limus (BTL) nga nagapangayo og writ of transfer aron maangkon nila ang yutang ginaugmad nga gisakop sa Central Mindanao University. Asenderong Floirendo, naadunahan sa pagsupsup PAGSUPSUP SA DUGO ug singot sa mga mamumuo ug mag-uuma ang nagpaadunahan sa Tagum Agricultural Development Company (Tadeco), ang pinaka-unang kumpanya sa Anflo Management and Investment Corp. (Anflocor) sa pamilyang Floirendo. Pagkasupsup o pagpadanglog usab sa mga anaa sa gahum sa gubyerno ang nagseguro nga magkadaku kini nga bahandi. Ang Tadeco ang pinakalapad nga magkasikbit nga plantasyon sa saging sa tibuok kalibutan karon. Naga-eksport kini og saging nga Cavendish sa Japan, Hong Kong, China, Korea, Middle East, Russia, Malaysia ug Singapore sa tatak sa Del Monte ug Dole. Ang kasagarang produksyon niini 5,000 kahon kada ektarya matag tuig. Ang mga kumpanyang anaa sa ilalum niini sa mga probinsya sa Davao Oriental, Davao Occidental ug Compostella Valley nagasuporta sa 6, ektaryang plantasyon kung asa 5,343 ektarya yutang publiko nga nakatakda para sa Davao Penal Colony (Dapecol). Aduna usay ginapadagang Tadeco Livelihood and Training Center nga nagahimo og mga produktong ginamang-kinamot gikan sa ubang parte sa punuan sa saging. Kauban ang uban pang mga pribadong kayutaang gikontrata, mokabat sa 30,522 ektaryang yuta ang anaa sa kontrol sa mga Floirendo. Paggamit sa mga dunot nga pulitiko aron maadunahan Gipalista ni Antonio Floirendo, Sr. ang yuta sa iyang mga anak og tag-1,024 ektarya, ang kanhi gitakdang limit sa pagpanag-iya sa mga langyawng korporasyon. Pipila sa lain-laing distrito nga sakop sa plantasyon karon nakapangalan sa iyang mga anak, gawas pa sa 1,024 ektarya sa ngalan sa Panabo Hemp Company ug uban pang mas gamay nga plantasyon nga sa pagkatinuod anaa usab ilalum sa pamilya. ANG BAYAN Ang hakog nga pagpaadunahan ni Floirendo sa tabang sa estado nagsugod pa niadtong 1956, dihang nakuha niini ang kontrobersyal nga kontrata para magproseso sa abakang gitanom sa Davao Penal Colony (Dapecol) sa pagdumala sa Abaca Corporation of the Philippines, usa ka pangpubliko nga korporasyon. Nagpadayon ang pakighigalaay niini sa mga pulitiko nga nagresulta sa kontrata sa Tadeco sa Bureau of Corrections (BuCor) niadtong 1969 aron himuong plantasyon sa saging ang nahisgutang yuta, ug pagpatrabaho dinhi isip mamumuo ang mga bilanggo nga hapit na mapagawas. Bugti sa dakong kontrata, nagsilbing tawo-tawo sa diktador nga si Marcos si Floirendo. Dihang napalagpot si Marcos, gisurender ni Floirendo sa mipuli nga rehimen ni Corazon Aquino ang pipila ka mga kabtangan ni Marcos nga dili na malilong nga gipangalan sa iya. Naghatag usab siya og kapin P70 milyong salapi sa Presidential Commission on Good Government sa gitawag og compromise agreement, ug naplastar ang relasyon sa bag-ong rehimen. Niadtong 1986 pa lang, ilalum sa ilang kumpanyang World 9

10 Agricultural Development Corporation, gipulihan ang tanom gikan sa mais ug sorghum ngadto sa saging aron malikayang mapailalum sa CARP ang mga parsela niini. Dihang gipailalum kini sa CARP niadtong 1988, gikunsabo ni Floirendo ang DAR para hatagan siya og 10-tuig nga ekstensyon ayha iapud-apod ang yuta para mabawi kuno ang gasto sa pagpalambo sa plantasyon. Kadungan niini, misulod sa pulitika ang mga membro sa ilang pamilya hangtud nga nakontrol nila ang lokal nga gubyerno sa Davao del Norte. Sukad nga nagpahigayon og mga eleksyon niadtong dekada 1980, wala nay nahimong kongresista sa 2nd district sa Davao del Norte o gubernador gawas sa pamilyang del Rosario-Floirendo. Si Antonio Floirendo Jr., nga nanag-iya og P7.5 milyon nga kantidad, o pinakadaku nga bahin sa Tadeco, sa kasamtangan usa ka kongresman. Siya usab ang naghatag og pinakadaku nga pondo sa kampanya ni Duterte sa eleksyong presidensyal nga moabot sa P100 milyon. Kongresman usab ang pag-umangkon niining si Antonio Floirendo-Lagdameo, kanhing bise presidente sa Anflocor, ug nagalingkod sa Committee on Agrarian Reform sa kongreso. Busa unsamang kaso ang ipasaka, sama sa iligal nga kontrata sa BuCor, dili matay-og ang pamilyang Floirendo sa kalig-on sa ilang poder. Nataho na sa tinuig nga kita sa BuCor nga P26,541,809 gikan sa kontrata sa Tadeco, naalkanse ang gubyerno og P106,167,191. Iligal usab kini tungod kay ang yuta usa ka unclassified public forest nga dili pwedeng ipagamit sa pribadong indibidwal. Sulod sa kapin upat ka dekadang iligal nga pagpaadunahan, nagpabutobuta ang sunud-sunod nga mga rehimen nga nakighigala sa ilaha. 10 Milyun-milyon, mapalayas sa Metro Manila Flood Control Project GIANUNSYO NIADTONG Septembre 28 sa World Bank ug Asian Infrastructure Investment Bank (AIIB) ang pagpautang og tag-$ milyon (o P10.56 bilyon) aron pondohan ang kinadak-an sa P25.45 bilyong Metro Manila Flood Management Project sa rehimeng Duterte. Magsugod ang mga konstruksyon sa tuig 2018 ug molungtad hangtud Sama sa ubang proyektong ilalum sa programang Build, Build, Build sa rehimeng Duterte, dili bag-o sa rehimen ang maong engrande nga plano. Niadto pang 2009, kabahin na kini sa Flood Management Masterplan nga gisugdan sa Department of Public Works and Highways (DPWH) sa rehimeng Arroyo, human mikuso-kuso ang bagyong Ondoy ug Pepeng sa nasud sa parehong tuig. Lakip sa mga plano sa nahisgutang proyekto ang pagtukod sa dili moubos 20 ka bag-ong kanal ug uban pang imprastruktura sa tanang lungsod ug syudad sa Kamaynilaan. Segurado nga katugbang sa maong proyekto ang malukpanong demolisyon sa mga kabus nga komunidad, ilabina ang anaa sa kilid sa mga suba ug estero. Sa takuban sa paglikay sa kalamidad ug sakit o Oplan Likas (balhin), nahimo na sa kanhing mga rehimen nga mapalayas ang 104,000 pamilya gikan sa Pasig, Tullahan River, San Juan River, Manggahan Floodway, Maricaban Creek, Estero de Tripa de Gallina, Estero de Maypajo, ug Estero de Sunog Apog. Giabog sila sa lagyong relokasyon sama sa Golden Horizon sa Cavite, San Jose Del Monte Heights ug Pandi Residences sa Bulacan. Apan tungod sa kawalay panginabuhian ug katakus nga magbayad sa negosyong pabalay sa gubyerno, mayorya sa mga residente ang nagabalik lamang sa kanhi o kasikbit nga mga komunidad. Base na sab sa taho sa World Bank, ang mga pinugos nga gipabalhin gikinahanglang magbayad og P1,500 kada bulan aron mabayaran ang P410,000 amortisasyon sa pabalay. Ginatantyang 800,000 pamilya ang nanimuyo sa 56 nga drainage area (agianan sa tubig) ug mga pumping station (bombahanan sa tubig) sa DPWH nga tukuron ilalum sa proyekto. Nakatakda nga sugdan sa unang tuig ang konstruksyon sa erya sa Balut, Paco ug Vitas sa Maynila, Tripa de Gallina sa Pasay ug Labasan sa Taguig nga ginatantya nga adunay kapin 60,000 nga populasyon. Kabahin usab sa master plan ang Laguna Lakeshore Expressway Dike Project (LLEDP), proyekto nga reklamasyon sa danaw sa Laguna nga moguba sa panginabuhian sa 3.9 milyon nga mangingisda ug kabus. Aron mabayaran ang nagkadakung langyawng utang, ablihan ang nasud sa labaw pang liberalisasyon, lakip ang pagtukod ug pagpadagan sa mga yaweng imprastruktura niini. Ilalum sa rehimeng Duterte, lapad nga dislokasyon, nagkataas nga buhis ug mga balayrunon ug pagkaguba sa panginabuhian ang ginaatubang sa katawhan. Kung mao, tin-aw nga walay mahinungdanon nga kausaban sa pang-ekonomiyang programa ni Duterte. Wala usab kini intensyong tubagon ang nagunang suliran sa katawhan. Angayan lang nga paninglon ang iyang rehimen sa iyang mga pakyas nga pasalig og padayon nga iasdang ang demokratikong interes sa katawhan. ANG BAYAN

11 Mga sibilyang komunidad sa Batangas, gibombahan sa AFP B isan walay balaod militar sa tibuok nasud, paturagas nga ginapatuman sa rehimeng Duterte ang bangis nga operasyong militar batok sa katawhan sa lain-laing bahin sa nasud. Padayon ang pagpangbomba gikan sa kawanangan, pagpanganyunaso, istraping, pagpamatay, iligal nga pag-aresto ug pagdetine ug bisan ang pagpanunog sa balay sa mga sibilyan ilalum sa Oplan Kapayapaan. Batangas. Paturagas nga pagegerton Gold sa Canada nga adunay pamusil, istraping ug pagpanghulog kalambigitan sa Red Mountain Miog bomba ang gipahigayon sa 730th ning sa Australia. Combat Group sa Philippine Air Samtang niining Oktubre 6 sa Force ug sa 202nd IBde sa mga kocalatagan, gitamnan og ebidensya munidad sa palibot sa Mt. Banoy ayha iligal nga giaresto sa PNP ang niadtong Septembre 24. Human kini upat ka membro sa Samahan ng naengkwentro sa mga elemento sa Maliliit na Mangingisda at MagsaAFP ang usa ka yunit sa Bagong Huksaka sa Baha ug Talibayog nga aktibong Bayan-Batangas (Eduardo Dagli bo sa pagbatok sa pagpangilog og Command) sa Barangay Cumba, Bayuta sa Asturias Chemical Industangas City sa parehong adlaw. Duha tries ni Ramon Ang. ka sibilyan, lakip ang usa ka bata, ang Naila ang upat nga silang Noel nataho nga nakalas sa mga operadelos Reyes, kapitan sa Barangay syon sa AFP. Moabot og 400 pamilya Talibayog, ug mga lider-masa sa ang pugos nga mibakwit gikan sa barangay nga silang Eduardo Pemga barangay sa Cumba ug Talahib nafloreda, Senando Marco ug JoPandayan aron molikay sa pagpaseph Marasigan. momba. Tungod sa kagrabehon niiquezon. Gisunog sa mga sunni, gikansela ang mga klase sa 15 dalo sa 85th IB ang balay sa mageskwelahan sa kasikbit nga mga bauumang si Bryan Panoso ug gipusil rangay sa Payapa, Talumpok Silapa ang iyang kabayo sa Sityo Katngan ug Kanluran, Conde ug Sto. mon, Barangay Ilayang Ilog A, LoDomingo, tanan sa Batangas City. pez, niadtong Oktubre 2. Iligal usab Nangayo gilayon og tabang ang nga giaresto ang inahan ug igsuon mga nagapaluyo sa katungod-tawo nga babaye ni Panaso. Ang pagapan gibabagan sila sa mga tsekpanghasi sa pamilya gihimo sa mga poynt sa AFP ug RPSB niadtong Sepsundalo human makaangkon og katembre 26. Wala usab gipasulod sa daut sa pakigsangka sa usa ka yunit Barangay Banalo ang mga grupong sa BHB. gipangunahan sa Pilgrims for Peace Masbate. Arbitraryong giaresto nga maghatud unta og relief ug magniadtong Septembre 27 sa mga hipahigayon og pakisusi sa kahimtang niusa nga pwersa sa 2nd IB, 96th sa mga bakwit niadtong Septembre MICO ug RIU 5 ang mga sibilyang si30. Kauban ang lokal nga gubyerno lang Dagul Lalaguna, magtiayong sa mga nagbabag sa grupo. Locloc ug Baby Merdegia, Boboy Dela Ang mga barangay sa Sto. DoCruz, Opaw Balayan ug Romy Pautan mingo, Cumba, Conde Itaas, Sico, ug ang duha niining anak nga lalaki, Pinamucan, Simlong, Talahib Pannga mga residente sa Sityo Pili sa dayan, Talumpok Silangan, Banalo, Barangay San Jose, Uson ug BaraLobo, Mabilog na Bundok, kabahin ngay Sawmill, Mobo. Sa kasikbit nga sa 29,000 ektaryang kayutaan nga baryo usab sa Madao, Uson, gidagit si langkod sa Mt. Banoy ug Mt. NaOmpoy Escovilla ug kauban niini nga gueling Complex nga planong minagisagpa-sagpa sa mga sundalo. Iligal hon sa mga kumpanyang Mindoro usab nga girekisa ang ilang mga baresources Limited (o MRL Gold) ug lay. Giguba ang balay, gilimas ug gi- ANG BAYAN kawat lakip ang mga kahimanan sa magtiayong Merdegia apil na ang P50,000 tinigom sa magtiayon. Nueva Vizcaya. Padayon ang operasyong militar ug pagpamomba sa 84th IB sa AFP sa Kasibu nga nagresulta sa pagbakwit sa 133 pamilya gikan sa mga barangay sa Kakiduguen, Dine, ug Biyoy niadtong Septembre 16. Sunod niini, sila Vicente Ollagon, Joshua Hiquiana, Ferdinand Pakiwon, Marilyn Lango ug menor-de-edad nga si Jogiemar Wayas gipasanginlang mga sakop sa BHB ug iligal nga giaresto niadtong Septembre 29 sa PNP ug AFP sa Barangay Mabuslo, Bambang. Pulos mga membro sila sa Kasibu InterTribal Response for Ecological Development ug Samahang Pangkarapatan ng Katutubong Magsasaka at Manggagawa, Inc. kabahin kini nga mga organisasyon sa barikada sa katawhan batok sa pagmina sa Australyanong kumpanyang Royalco ug OceanaGold. North Cotabato. Wala pa usab nagahunong sa pagpamomba ang mga militar sa komunidad ug eskwelahan sa mga Lumad. Niadtong Septembre 20, gipahigayon ang pagpanghulog sa bomba duol sa Fr. Pops Tentorio Memorial School sa lungsod sa Magpet. Leyte. Namatay ang mag-uumang si Jason Montalla niadtong Septembre 28, duha ka semana human siya gipusil sa ginsakpan sa 78th IB niadtong Septembre 5. Membro siya sa organisasyon sa gamayng mag-uuma, Mag-uuma nga Nagkahiusa (MANA), sa Albuera. Davao Region. Gipatay sa mga ahente sa AFP ang nangulo sa Maragusan Workers Association nga si Rene Magayano sa merkado sa Maragusan niadtong Septembre 28. Niadtong Septembre 26 usab gipatay ni Dexter Sallian, sakop sa 67th IB sa Cateel, Davao Oriental si Toto Lompaodan, membro sa Alyansa sa Mag-uuma sa Sidlakang Dabaw (Almasid). Moabot na sa 50 ang mga mag-uumang gipatay sa rehiyon sa Davao ilalum sa rehimeng Duterte. 11

12 Kalihukan sa mga magtutudlo ug mamumuo, nagpadayon NAGMARTSA PADULONG MENDIOLA niadtong Oktubre 5 ang mga magtutudlo sa pagpanguna sa Alliance of Concerned Teachers aron ipanawagan ang pagpataas sa binulan nga sweldo ngadto sa P25,000 para sa Teacher 1 ug P16,000 usab para sa Salary Grade 1. Duso usab nila ang nasudnon nga minimum nga inadlaw nga suholan nga P750 ug pagbasura sa kontraktwalisasyon. Giatol nila ang ilang kalihukan sa pagsaulog sa World Teachers Day. Mapadayunon sab ang paglihok sa mga mamumuo para sa mga katungod ug batok sa pagpanumpo sa rehimeng US-Duterte. Sa Cebu, naglunsad og protesta niadtong Oktubre 6 ang mga membro sa BIEN ug KMU sa upisina sa DOLE 7 aron ipanawagan ang pagbasura sa planong Compressed Work Week Scheme. Sa Samar, nagpiket niadtong Septembre 24 sa National Labor Relations Commission sa Tacloban City ang 24 nga mamumuo sa Eastern Samar Electric Cooperative (ESAMELCO) nga gipalagpot sa trabaho niadtong Nanawagan sila nga ibalik sa trabaho ug himuong regular tungod kay dugay na sila nga nagtrabaho sa kumpanya. Nobyembre sa milabayng tuig, 99 nga mamumuo ang gitangtang sa ESAMELCO luyo sa kapin 10 ka tuig nila nga pagtrabaho sa kumpanya. Ang ESAMELCO anaa sa ilalum sa National Electrification Administration (NEA) ug monopolyo niini ang pagsuplay og kuryente sa tibuok Eastern Samar. Sa Caraga, kapin 35 ka adlaw na ang welga sa mga mamumuo sa Surigao Dockworkers Labor Union (SDLU) sa Port Area, Surigao City. Ang mga mamumuo ginaempleyo sa Prudential Custom Brokerage Stevedory Inc. Gilunsad sa mga mamumuo ang ilang welga human mag-deadlock (o mipadulong sa walay nahimong kasabutan) ang negosasyon. Gipasakahan og hinimo-himong mga kaso ang mga mamumuo. Buta ug bungol ang kapita- lista sa PSBS sa yangongo sa mga mamumuo, apan lig-on usab nga nagabarug ang mga mamumuo sa ilang katungod nga gipakigbisugan. Samtang sa Timog Katagalugan, bangis nga gibungkag ang welga sa Manila Cordage Company/Manila Synthetic Industry (MCC/MSI) sa Laguna sa hiniusa nga 100 pulis, 100 gwardya sa kumpanya ug mga binayrang goons niadtong Septembre 22. Armado ang mga pulis og M16, kalibre.45 ug nakasuot sa unipormeng panggubat nga murag mopadulong sa gubat, samtang ang mga mamumuo lig-on nga mibarug sa ilang lehitimong katungod. Sa pagpanguna ni Roberto Fernandez, bangis nga gibungkag ang piket sa mga mamumuo, giguba ang mga plakard ug istrimer ug mga temporaryong higdaanan nga gipangbabag sa pultahan sa pabrika. Wala gipasulod sa gate sa Industrial Park ang mga mamumuo nga adunay plano nga mosuporta sa mga pareho nilang mamumuo nga anaa sa barikada. Nagkagrabeng atake sa mga kabatan-unang estudyante NIADTONG SEPTEMBRE, sunud-sunod ang mga atake sa mga demokratikong katungod sa mga kabatan-unang estudyante. Sa Polytechnic University of the Philippines (PUP) sa kampus niini sa Sta. Mesa, Manila, una nga gitangtang sa pwesto ang representante sa mga estudyante sa Board of Regents ug nagtudlo og bag-ong regent nga gipili sa administrasyon. Gisundan kini sa pagpasira sa upisina ug tambayanan sa mga organisasyon, ingonman ang publikasyong pangkampus nga The Catalyst niadtong Septembre 27. Kadungan niini, gisuspinde sa administrasyon ang eleksyon sa konseho sa mga estudyante. Aron ipatuman ang maong mga lakang, gigamitan og kabangis ang mga estudyanteng nanalipod niini ug gihulga ang mga organisasyong progresibo sa unibersidad. Tumong sa sunud-sunod nga mga atake niini mao ang hingpit nga pagpahilom sa mga estudyante ug pagtangtang sa mga babag sa plano sa administrasyon sa komersyalisasyon sa PUP. Lakip dinhi ang pipila ka tuig na nga planong patas-an ang matrikula ug mga balayranan, ipatuman ang planong uniporme ug uban pang mga dugang nga maginansyahan. Padayon ang protesta sa mga estudyante sa unibersidad aron batokan ang daw- 12 balaod militar nga lakang sa administrasyon. Sa University of the Philippines-Diliman, gipatuman administrasyon sa College of Mass Communications ang palisiyang nagadili sa mga bag-ong estudyante nga mosalmot sa mga organisasyon sa sulod sa kolehiyo. Gitangtang usab ang tambayanan sa mga organisasyon ug ang upisina sa konseho sa estudyante ug sa Tinig ng Plaridel, ang publikasyon sa kolehiyo. Samtang ginaatake ang katungod sa mga estudyante, gitugutan usab sa administrasyon sa kolehiyo ang pagsulod sa mga upisyal sa pulis para kuno sa ilunsad nga 'communication skills workshop'. Sa Lyceum of the Philippines University, gitangtang sa administrasyon ang kasamtangang lupon sa mga editor sa The Sentinel, ang upisyal nga mantalaan sa mga estudyante sa unibersidad, ug gitangtang ang pondo niini. Sa Bicol, nadiskubrehan niadtong Septembre 25 nga gibutang sa AFP sa ilahang 'watch-list' ang mga publikasyong pangkampus sa Camarines Sur Polytechnic College-Nabua (The Spark), Ateneo de Naga University (The Pillars), Mariners Polytechnic College Foundation (Seafarer's Gazette) ug Central Bicol State University of Agriculture (The Stateans). ANG BAYAN