Editoryal Padayon nga ibuyagyag kag pamatukan ang mga bayolasyon sang AFP sa Tawhanon nga Kinamatarung kag sa CARHRIHL sa idalom sang Oplan Kapayapaan

Transcription

1 Tuig 40, Numero 1 Hiligaynon nga Edisyon Enero 2017 Editoryal Padayon nga ibuyagyag kag pamatukan ang mga bayolasyon sang AFP sa Tawhanon nga Kinamatarung kag sa CARHRIHL sa idalom sang Oplan Kapayapaan Sining Enero 9, ginhayag sa publiko ang pag-ilis sang Oplan Bayanihan sa bag-o nga Oplan Kapayapaan ukon Oplan Kalinungan. Ini bilang pamaagi sang AFP nga punggan ang mga pagpamatuk sang mga pumuluyo kag kontra-rebolusyon. Gindikta ini sang US nga amo ang nagahatag pondo kag nagahanas sa AFP santo sa ila katuyuan sa kontra-insurhensya. Ginasikway ini sang Partido kag bug-os nga rebolusyonaryong kahublagan. Ngalan man lang ang gin-islan. Wala nag-untat ang pagbayolar sang AFP- PNP sa tawhanon nga kinamatarung kag sa Comprehensive Agreement on Respect for Human Rights and International Humanitarian Laws (CARHRIHL). Ini bisan nagapadayon pa ang unilateral ceasefire sang Gubyerno sang Pilipinas (GRP) kag peacetalks. Sa subong nga Isyu Editoryal: Padayon nga ibuyagyag kag pamatukan ang mga bayolasyon sang AFP sa Tawhanon nga Kinamatarung kag sa CARHRIHL sa idalom sang Oplan Kapayapaan p.1 Mapagsik, napanahon kag malaparan nga kampanya propaganda para sa kalinungan kag kontra-oplan Bayanihan sa Panay p.3 Doblehon ang Kusog sang NPA p.4 Nagapadayon ang paghimakas sang mga mangunguma sa pag-angkon sang duta sa Stockfarm, Dumarao, Capiz p.5 Paghanas Medikal, Madinalag-on nga nalunsar p.7 Bukas nga sulat sang NPA sa mga Barangay Konseho p.8 Mga balita p.10 Alipalok p.11 Binalaybay p.12 Caduy p.12 Padayon ang mga yunit sang AFP sa ila operasyon pangkombat, operasyon paniktik, kag civilmilitary operations ukon pang-saywar. Halin sang may deklarasyon ang GRP sa unilateral ceasefire, masobra 500 ka mga baryo ang apektado sa pagpatuman sang Oplan Bayanihan. Sining Enero 21, patraidor nga ginreyd sang 9 th IB/PA ang isa ka yunit sang NPA sa Makilala, North Cotabato (isa ka Pulang hangaway ang namartir; 8 ka tropa sang kaaway ang napatay sa inaway). Segi man ang pulitikal nga pagpamatay, pareho kay Alexander Ceballos nga katapu sang National Federation of Sugar Workers (NFSW) sa Neg. Occ. sadtong Enero 18. Ini luwas pa sa mga pagpamatay sa ngalan sang gyera kontra-druga. Sa Panay, ginadeklarar na nga may 49 ka mga barangay ang apektado sa pagpatuman sang Oplan Bayanihan halin pa sadtong Nobyembre

2 2 Daba-Daba, Enero Wala sang may nagbalik nga pwersa militar sa ila mayor nga mga kampo kag baraks. Padayon subong nga nagaluntad ang mga ditatsment kag mga pagpatrolya, ara ang presensya sang mga yunit pangsaywar sa mga padihut nga peace and development kag mga operasyon sa pagsurbeylans kag pagpaniktik sa kaumhan kag kasyudaran. Kaangay sa iban nga lugar sa pungsod, ining presensya sang militar sa tunga sang sibilyan nga populasyon sa kaumhan nagaresulta sang padayon nga paglapak sang tawhanon nga kinamatarung kag CARHRIHL. Peacetalks, Roma, Italya Sa ikatlo nga hugnat sang peacetalks sa tunga sang NDFP kag GRP didto sa Roma, Italya nga nagumpisa sining Enero 19, ginpresentar sang NDFP kag ginkondenar ang malubha nga mga paglabag sang AFP sa kaugalingon sini nga ceasefire kag sa CARHRIHL. Ang padayon nga paghunong sang 392 ka mga bilanggo pulitikal bayolasyon mismo sa CARHRIHL. Madugay na nga ginpromisa ni Duterte ang paghilway sa ila apang wala gihapon nagtupa. Sa pihak nga bahin, may positibo nga natabo antes nagtapos ang ikatlo nga hugnat sang istoryahanay sadtong Enero 25. Nagpirmahanay ang NDFP kag GRP sa Supplemental Guidelines para sa Joint Monitoring Committee (JMC) sa pagpatuman sang CARHRIHL. Daku ang importansya sini sa pagbantay sang mga bayolasyon sa CARHRIHL sa mga lugar nga nagaluntad ang armado nga kumplikto. Ang supplemental guidelines sa JMC dugang lang nga basehan kag armas sang pumuluyo nga magaserbi sa ila hublag para sa pag-angkon sang matarung nga kalinungan, pagpangapin sang mga kinamatarung. Kabahin na diri ang pagpatuman sang tunay nga reporma sa duta, ang pungsodnon nga industriyalisasyon. Armas man ini agud iduso sang mga pumuluyo ang pagpamatuk sa militarisasyon kag pasismo nga pat-ud magalala sa idalom sang mapaniplang nga Oplan Kapayapaan. Maathag nga indi kalinungan ang dalhon sang AFP sa kabaranggayan sa padihut sini nga "Community Support Program." Malubha nga kinagamo kag perwisyo ang dalhon nila -- pagsabwag sang intriga kag pagpaaway sa mga pumuluyo, pagpaniplang, pamahug kag pagpangkugmat, pagdala sang garuk nga kultura kag gawi pareho sa druga, sugal, pagpangawat, nga nagaguba sang paghiliusa sang pumuluyo sa mga barangay sa kaumhan kag sa kasyudaran. Pagpasingkion sang AFP ang ila pagpaniktik, padihut sa mga pasurender, pagpamatay lakip na ang paggamit sa gyera kontra-druga kag operasyon pangkombat. Tanan ini, labi nga magapalubha sang bayolasyon sang kinamatarung sang mga pumuluyo. Indi mahimo sang AFP nga magpatuman sang reporma sa duta para sa tunay nga kalinungan kag kauswagan sa mga komunidad. Gani, kinahanglan nga padayon nga paigtingon sang mga pumuluyo ang pagbuyagyag kag pagpamatuk sa mga paglapas sang mga kinamatarung. Sa tunga sang padayon nga militarisasyon isulong sang mga pumuluyo ang anti-pasista nga paghimakas kag demanda sa paglubad sa problema sa duta. Samtang ginapaigting sang AFP ang gyera sa pagpanglupig para sa interes sang mga dalagku nga kapitalista kag mga agalon nga mayduta kag dumuluong kapitalista, pat-ud nga maga-igting man ang pagbato sang mga pumuluyo. Labi lang nga ginasindihan sang AFP ang kalayo sang gyera sa bug-os nga pungsod. Kaangay sa iban nga Oplan nga kontra-pumuluyo kag kontra-rebolusyon, paslaswon sang pumuluyo kag bug-os nga rebolusyonaryong pwersa ang Oplan Kapayapaan. #

3 3 Daba-Daba, Enero 2017 Mapagsik, napanahon, kag malaparan ang kampanyang propaganda para sa kalinungan kag kontra-oplan Bayanihan Duha ka magkasugpon nga kampanya sa propaganda ang madinalag-on nga ginlunsar sang rebolusyonaryong pwersa kag pumuluyo sa Panay sadtong Nobyembre kag Disyembre Ini ang tubong sang Panay sa pungsodnon nga pagpaninguha nga mabuyagyag ang bayolasyon sang AFP sa kaugalingon sini nga deklarasyon sa ceasefire kag paglapak sa tawhanon nga kinamatarung kag Comprehensive Agreement on Respect for Human Rights and International Humanitarian Laws (CARHRIHL); kag ikaduha, ang pagpakita sang indignasyon sang pumuluyo sa indi pagtuman ni Duterte sang iya promisa nga paghilway sang mga bilanggo pulitikal kag paglunsar sang mga rebolusyonaryong pwersa kag pumuluyo sang mga peace rallies sa pagsuporta sang peacetalks para sa matarung nga kalinungan. Ini nga kampanya nag-abot sa putuk-putukan sadtong katapusan nga simana sang Disyembre sa paglunsar sang serye nga mga peace rallies/peace forums nga ginlunsar sa kaumhan sang isla kag mobilisasyon sang mga pumuluyo upod sa mga Pulang hangaway sa pagselebrar sang ika-48 nga anibersaryo sang Partido. Masobra 2,000 ang mobilisasyon sang mga pumuluyo sa isla sa mga serye nga pagtipon sa pagsaulog sang anibersaryo sang Partido, paglunsar sang baryo kag interbaryo nga mga peace rallies sa mga sonang gerilya. May piket-rali man sa Kalibo, Aklan kag candle lighting sa Jaro, Iloilo City nga nagmobilisa man sang mga pumuluyo kag peace advocates sa nasambit nga mga lugar. Sa Nabagatnang Panay, malapit 900 ka pumuluyo ang nagbuylog sa baryo kag interbaryo nga mga peace rallies, lakip na ang isa ka pagtipon sa pagsaulog sang ika-48 nga anibersaryo sang Partido. Sa Sentral Panay, malapit sa 600 ang nagpasakup sa duha ka separado nga konsentrasyon, sa Nasidlangan nga Panay, mga 100 ang nagtipon, kag mga 110 ang natigayon sang independyente nga yunit -- tanan sa pagsaulog sang ika-48 nga anibersaryo sang Partido. Sa sining mga separado kag serye nga mga konsentrasyon sa pagsaulog sang anibersaryo sang Partido, may mga ginhumlad nga mga istremer kag mga islogan, mga murals, nagpanagtag sang Dabadaba, Ang Bayan, praymer sa peacetalks, kag video showing. Padayon nga gindala ang pagbuyagyag sa bayolasyon sang militar sa ila ceasefire, demanda sa pagpalayas sa ila paggwa sa sibilyan nga komunidad, pagsuporta sa peacetalks, paghilway sang mga bilanggo pulitikal, panawagan sa pagsampa sa NPA, kag pagpadaku sang kusog sang rebolusyonaryong pwersa sa isla agud makaabanse sa mas mataas nga lebel. May partikular nga kahiwatan sa Panay kon sa diin, pormal nga ginpasampa sa NPA ang mga bagong pultaym kag dugang nga mga pwersa. Gintalakay upod sa masa ang pahayag sang Komite Sentral sa ika-48 nga anibersaryo kag pahayag sang KR-Panay. Ginhugyaw sang rebolusyonaryong pwersa ang ika-48 nga anibersaryo sang Partido. Ang mga partikular nga mga aktibidad sa pagsaulog sang anibersaryo nag-inspirar sang mga nagtambong halin sa iban nga kabanwahanan kag syudad nga magintegrar kag magbulig sa pagpasampa sa hangaway. Antes pa man ang pagsaulog sang anibersaryo sang Partido kag serye sang mga peace rallies, mapagsik na ang pagbuyagyag sang bayolasyon sang AFP sa ila kaugalingon nga ceasefire. Sadtong Nobyembre pa lang, masako na ang mga yunit sang hangaway sa ini nga hilikuton kag kaangut nga mobilisasyong masa.

4 4 Daba-Daba, Enero 2017 Gindala sang mga pumuluyo halin sa kaumhan sa ila mga protesta upod sa mga sektor sa urban sadtong Nobyembre 8, Nobyembre 25, kag Disyembre 10, sa mga syudad kag kapitolyo ang pagbuyagyag sang militarisasyon. Ginkritisa sang mga pumuluyo si Duterte sa pagpadayon sang Oplan Bayanihan, ang indi paghilway sang mga bilanggo pulitikal nga iya makaduha ginpromisa, kag subong man ang paghatag sang pangbaganihan nga lubong kay Marcos nga nagpaibwal sang malapad nga protestang masa sa Panay. Gindala man sa lightning rally sang KM- Panay sang Nobyembre 29 (dungan ang operasyon pinta kag pagtakud sang istremir) ang pagpakamalaut sa bayolasyon sang militar sa ila ceasefire kag panawagan sa pagkadto sa kaumhan sa pag-alagad sa masa kag pagsampa sa NPA. Sadtong Disyembre 7, ang 200 ka delegasyon sang Panay sa Manilakbayan/sakbayan (antes magtulak pa-manila sakay sa barko) naglunsar sang piket-rali sa atubang sang Kampo Delgado. Ila man ginpakamalaut sang bayolasyon sang militar kag PNP sa ila ceasefire. Sang Nobyembre asta bilog nga Disyembre, ang mga kadre kag katapu sang Partido, mga Pulang kumander kag hangaway, mga integree halin sa syudad kag mga lokalidad sa kaumhan ang nangin masako. Sila ang naghanda sa mga preparasyon sang lugar kag akomodasyon, transportasyon kag iban nga kinahanglanon lohistika kag pagkaon, asta sa aktwal nga mga pasundayag kultural upod ang masa-- mga pamulong-pulong, mga ambahanon, drama-iskit, binalaybay, kag pagsinaot sang tanan. Upod sa hangaway kag mga aktibistang masa, ginatus ang nagbulig sa mga pagpalapnag sang mga materyal pangpropaganda --mga publikasyon, videos, mga pahayag sang kumand sang NPA, mga praymer, paghanda kag pagtakud sang masobra 235 ka mga istremir sa gwa sang sonang gerilya kag mga istratehiko nga lugar, pagpalapta sang mga 50,000 ka mga flyers/confetti, paglunsar sang operasyon dikit kag pinta sa poblasyon. Naglinapta ini sa madamo nga kabanwahanan sang Iloilo, Antique, kag Capiz. Mapagsik ang paggamit sang social media kag nakasabay man ang Panay sa nagapuganggang nga mga Facebook (FB) account. Gintuwangan ini sang mga FB account sang iban nga mga aktibista, mga kaalyado, kag mga FB friends agud mapalapad ang maabot sang mensahe paagi sa tagging kag pag-share. Gin-updan sang Panay ang hash tag #WakasanOplanBayanihan; #EndOplanBayanihan; #Layas Militar; #CPP48; #NationalPeaceAssembly; #Join NPA; #CherishNPA..# Mga Pamatan-on nagsabat sa Panawagan: Doblehon ang Kusog sang NPA! Sa nabagatnang Panay, katumbas isa ka daku nga iskwad ang sunod-sunod nga nagsampa sa New People s Army (NPA) sa una pa lang nga semana sang tuig Ini bilang pagsabat sang mga pamatan-on sa panawagan sang Partido sa ika-48 nga magpadoble sang armadong kusog sang rebolusyon. Ining panibag-o nga huyog sang pagdamu sang mga pamatan-on nga nagapatapu sa NPA nagasalaming sang pagkilala sang mga pumuluyo sa matuod nila nga kahimtangan, problema kag nagakadapat nga solusyon sini. Nagapakita man ini sang ila pagkadiskontento kag pagdula sang pagsalig sa sinseridad sang rehimeng Duterte sa paglubad sang sandigan nga palaligban sang mga imol kapin sang masang mangunguma. Ining pagsampa sang mga pamatan-on sa NPA produkto man ini sang tayuyon kag malaparan nga pagpahangop sa mga pumuluyo sang ugat sang armadong konplikto kag madalom nga kahulugan sang malawigan nga kalinong.

5 5 Daba-Daba, Enero 2017 Ang pag-edukar sang masa bahin sa rebolusyon wala lamang nasandig sa NPA. Nangin malahalon kag desaysibo ang papel sang mga lokal nga mga lider masa nga nagatungod sang matagadlaw kag sustenido nga pagpukaw, pag-organisa kag pagpahulag sang mga pamatan-on para sa rebolusyon. Ini tubtub lubos nga mahakos sang mga pamatan-on ang prinsipyo sang pag-uyat sang pusil kag magpasakop sa paghimakas para sa paghilway sang kaugalingon upod sa iban nga sahi kag sektor. Sadtong ulihi nga katunga sang tuig 2016 ginpamunuan sang Partido Komunista sa Nabagatnang Panay ang paghiwat sang mga kumperensya para sa pag-isa sang pamensaron sang mga kadre kag katapuan sang Partido sa lokalidad sa importansya sang pagpadaku sang NPA. Amo man sa mga katungdanan sang mga lokal nga sanga sang Partido sa pagrekrut agud madasig nga mapadamu kag mapadaku ang ila mga Pulang hangaway. Sa amo nga mga kumperensya, ginpahugot man ang paghiliusa sang mga delegado, nga padasigon ang pagpadaku sang NPA bilang primarya kag gilayon nga tulungdan. Gintumbok man nga ang pagpadugay pa sang kadalag-an sang rebolusyon nagakahulugan sang pagpalawig man sang pag-antus sang mga anakbalhas. Kag ang kusog sang rebolusyon nakasandig sa armadong kusog sini. Ining panugod nga pagdamu sang sampa palatandaan sang pagreyalisa kag pag-internalisa sang lokal makinarya sang ila katungdanan. Sa pihak nga bahin nagasalaming man ini sang reyalisasyon sang mga pamatan-on sang ila matuod nga kahimtangan kag problema. Ang pagdamu sang pamatan-on nga boluntaryo nagapresentar sang kaugalingon sa hangaway, naga-integrar para matunan ang kabuhi sang NPA positibo nga palatandaan sang katumanan sang panawagan sang Partido nga magpadoble sang armadong kusog. # Nagapadayon ang paghimakas sang mga mangunguma sa pag-angkon sang duta sa Stockfarm, Dumarao, Capiz Sa panahon nga nagdeklarar ceasefire ang GRP, nagdugang pa sang mga 30 ka tropa militar ang PSMC/PNP nga nakaditatsment sa tunga sang sibilyan nga populasyon sang Brgy. Bungsuan, Dumarao, Capiz. Maathag nga bayolasyon ini sang GRP ila ceasefire bangud segi ang ila pagpatrolya, pag-checkpoint, kag pangsaywar. Ang malain pa gid, kay ila ginapagwa nga matukod sila sang training center sang PNP sa bahin sang 120 ektaryas nga kadutaan sa stockfarm nga ginatalauma sang mga mangunguma. Ang pagtalauma sang mga mangunguma diri sa stockfarm resulta sang ila kabuhi-kamatayon nga paghimakas halin pa sang Karon ara ang pwersa sang AFP-PSMC agud iduso ang pagtukod sang training center sang PNP sa lupa nga sakup sang ginhimakasan nga magtalauma sang mga mangunguma. Kinahanglan nga ibuyagyag sang mga pumuluyo kag idemanda nga pahalinon ang ining pwersa sang AFP-PNP sa amo nga lugar. Kon indi, padayon nga magasabwag sang intriga kag kagamo ang AFP-PNP sa kubay sang mga pumuluyo, gub-on ang ila paghiliusa, kag agawan sila sang palangabuhian nga lupa. Matarung nga depensahan sang mga pumuluyo sa tanan nga pamaagi ang ganar nga naangkon nila sa pagtalauma sa stockfarm. Importante nga hangpon kag padaluman, kapin sang ulihi nga mga henerasyon, ang nagliligad nga paghimakas diri agud mapabilin nga hugot ang paghiliusa sang mga mangunguma sa pagpangapin sang ila ganar. Paghimakas sang mangunguma sa pag-okupar sang lupa Ang Dumarao Stockfarm proyekto sang Department of Agriculture (DA) nga ginapadalagan sang Bureau of Animal Industry (BAI) bilang pastuhan sang ginapamuad nga mga de-rasa nga karabaw kag baka. Sadto, masobra 3,000 ektaryas ini

6 6 Daba-Daba, Enero 2017 nga nagasakop sang lima ka barangay sang Bungsuan, Dacuton, Lawaan, Astorga, kag Nagsulang. Sa panahon ni Magsaysay ginmentinar na lang ang 585 ektaryas bilang buluhian sang mga baka kag karbaw. Ang nabilin nga kadutaan ginbukas sa pagtalauma sa mga mangunguma sa idalom sang NARRA. Pero madamo sang mga mangunguma ang wala nakaangkon sang duta bisan ang sa palibot sang Dumarao Stockfarm nga halin sang una, sila na ang nagatalauma sa duta. Gani, nagpadayon nga magtalauma ang iban nga mga mangunguma nga kulang ukon wala sang kaugalingon nga duta. Pero ginapabayad sila sang upisyal sang Stockfarm kay kuno layi sang gubyerno. Kon pila ka sako ang binhi sang mga mangunguma, amo man ini ang ibayad asta nga nagsaka sa 25 porsyento sang ani. Sa mga nag-alagi nga mga upisyal sang stockfarm, ang pinakamasupog nga kontra mangunguma kag pwersado nga nagakuha sang parte amo si Jose Fueguroja, Jr. Sang , nag-organisa ang mga mangunguma. Nangin hublag nila ang pagbuhin sang parte nga ginahatag sa manedsment sang stockfarm. Kadungan sini, nagdamo ang mga mangunguma nga nagpusisyon kag nag-arado sa kadutaan. Sini naman nga panahon nagsugod na ang pangharas sa mga mangunguma paagi pagpauntat sa ila sang pagtalauma kag pagpangguba sang ila mga balay sa nasakupan ka Stockfarm. Sadtong , nangin maigting kag malaparan ang paghimakas sang mga mangunguma sa pag-okupar sang kadutaan sa stockfarm. May natukod nga duha ka ligal nga organisasyon sang mga mangunguma kag diri napunpon ang ila ligal nga paghulag. Ini ang Upper Bungsuan Farmers Association Inc. kag Dacuton Farmers Organisation. Nagplano sila kag nagpetisyon para sa pagpanagtag sang okupado nga kadutaan. Nagsulod man ang alyado nga mga nongovernment organizations (NGOs) kag nagbulig sa mga serbisyo teknikal, gamit pangpanguma kag pagtukod sang kooperatiba. Sa sini man nga panahon nagtukod sang ditatsment ang militar sa Brgy. Bungsuan. Nagbinulos-bulos lang ang yunit sang 12 th IB, 15 th IB Regional Special Action Force (RSAF) sang PNP. Malaparan nga mga kahalitan ang ila ginhimo batuk sa pumuluyo-- pamahug, pagsabwag sang intriga agud magbuka ang paghiliusa sang pumuluyo, pagpauntat sa pagtalauma sang mga mangunguma, pagpa-ebakwet paggwa sa stockfarm, pangsunog, pangsamad sa katamnan sang masa, pagkumpisa sang ila kagamitan sa pagpanguma, pagpaniplang kag pilit nga pagtukod sang Civilian Volunteers Organization (CVO), kag madamo pa nga pagpanglapak sa tawhanon nga kinamatarung. Samtang, gintukod ang Dumarao Inter-barangay Peasant Organisasyon (DIBPO) kag nagbuligay sa organisasyon sang mga mangunguma sa Dacuton kag Bungsuan kag napunpon sa Dumarao Farmers Multi-Purpose Cooperative (DUFAMCO) agud padayunon ang ila paghimakas-- mga petisyon, lobbying sa Local Government Unit (LGU) kag atubangon ang reaksyon sang manedsment sang Stockfarm nga nagagamit sang pulis kag militar. Kadungan sini nagtukod man si Barangay Kapitan Hare sang Bungsuan sang grupo nga Bungsuan Landless Organization (BLO) para isabotahe sa lehitimo nga organisasyon sang mga mangunguma. Sadtong 1996 gin-award sang gubyerno paagi sa Department of Agrarian Reform (DAR) ang mother CLOA (tingub nga certificate on Land Ownership Award) sang 465 sang 585 ektaryas nga kadutaan sang Stockfarm. Para lang ini sa 386 ka mga benipisyaryo, samtang may mga 450 ukon masobra pa ka mga mangunguma nga nagaokupar sang kadutaan. Ang 120 ektaryas nga bilin sang 585 ektaryas sang Stockfarm ginhawiran sang BAI. Bilang pagsuporta sa matarung nga kawsa sang mga mangunguma, may ginlunsar man ang NPA nga mga taktikal nga opensiba kalakip na ang pagdisarma sang indi magnubo sa 10 ka high powered kag short nga armas ni Kapitan Hare sang Ini agud silutan ang mga armado nga hubon nga nagadaugdaog sa mga nagahimakas nga mga mangunguma. Ang nagapadayon nga paghimakas Sang 2004, nag-igting ang paghimakas sa duta sang mga mangungma kapin ang nasakup sang 120 ektaryas nga ginhawiran sang BAI. Ini bangud wala pa gani naareglo kon diin iplastar ang mga apektado nga mga mangunguma nga nagatalauma diri,

7 7 Daba-Daba, Enero 2017 ginpakudalan na sang manedsment sang Stockfarm. Wala naghalin ang mga mangunguma nga nagatalauma sa nasambit nga areya. Sa baylo, ginpadayon nila ang pagpanguma kay wala man sila kadtuan. Padayon subong nga naposisyunan sang mga mangunguma kag segi-segi ang pagtalauma nila halin pa sang Mas o minus mga 15 ektaryas na lang ang nabilin sa 120 ektaryas nga tuyo hawiran sang BAI kag ini amo ang sentro sang strockfarm. Ang probinsyal nga gubyerno sang Capiz, paagi sadto kay Gob. Tanco, nagpagwa sang disisyon nga ihatag na lang sa mga mangunguma ang 90 ektaryas kag ang 30 ektaryas hawiran nila para gamiton nga ekstensyon sang Capiz State University (CAPSU)- Dumarao, kag iban pa nga gamitan sang lokal nga gubyerno. Wala nagsugot sini ang mga mangunguma bangud labi nga nagakitid ang kulang na gani nga lupa nga ila ginatalauma. Antes ang eleksyon 2013, ang Regional Mobile Group (RMG) nga nakaplastar diri ginbuslan sang PSMC/PNP. May tuyo ang pamunuan sang PNP nga himuon ini nga training camp sang PNP. Asta nga sining ulihi, liwat naman nga gindugangan sang pwersa militar ang ditatsment sang PSMC sa Bungsuan sa tuyo nga iduso ang ila pagpatukod sang training camp. Sa pihak sang malawig na nga paghimakas sang mga mangunguma, wala gihapon sang kasiguruhan ang mga mangunguma sa nasakpan sang 120 ektaryas nga maangkon ang kaugalingon nga ginadebelopar kag ginatalauma nga duta. Nagahana ang pagpatukod sang training camp kon sa PNP, kag himuan sang ekstensyon sang CAPSU ang amo nga lugar. Bisan ang mga mangunguma nga nasakpan sang mother CLOA wala man sang kasiguruhan nga ila na ang duta. Madamo pa sang padihut ang gubyerno kag militar agud mapalayas sila. Kinahanglan padayon nga hugot nga maorganisa ang mga mangunguma kag padayunon ang paghimakas para depensahan ang ining mga kadalag-an sa pag-okupar kag pagtalauma sa duta. Bilang pangkabilugan nga liksyon, importante mahangpan ang angtanay sang ligal nga paghimakas sa tago kag armadong paghimakas. Ang puro ligal nga paghimakas (nga sa aktwal, armado man gani nga ginawasak sang kaaway) nga indi nakaangut sa armadong paghimakas mahulog lang sa ligalismo kag repormismo. Mapaslawan ini sa paglubad sa problema sa duta. Kasaysayan ang nagatudlo nga malahalon ang integrado nga angtanay sang armadong kusog sang hangaway sang banwa, sang organisadong baseng masa agud mapasulong ang rebolusyong agraryo sa paglubad sang problema sa duta sang mga mangunguma.# Paghanas medikal, madinalag-on nga nalunsar Sining katapusan nga simana sang 2016, ginumpisahan ang isa ka kumprehensibo nga treyning medikal sa mga bag-o kag daan nga medical officers sa sulod sang isa ka prente sa Panay. Ang mga medical officers nga may lain-lain man nga lebel sang kahansan, inagihan, kag responsibilidad, halin sa bug-os nga isla sang Panay, nagtilipon para mapapreska kag madugangan pa gid ang mga malahalon nga kinaalam para lubos nga matungdan ang medikal nga kinahanglanon sang rebolusyonaryong pwersa kag sang malapad nga masa. Serbisyo medikal sa komunidad Sa malip-ot nga panahon, liwat nga naghanas ang mga medical officers bahin sa pangkomunidad nga pagpamulong, upod na diri ang pagkilala sang mabug-at nga kakinahanglanon para sa isa ka rebolusyonaryo kag alternatibo nga pamaagi sang pagpatindog sang ikaayong lawas kag medikal nga serbisyo sa malapad nga masa. Paagi sa pagtuon sa mga nagligad nga inagihan kag pagtigayon sang isa ka buhi kag mapagsik nga talakayan, natumod ang mga palauswagon kag natumod ang pinakahusto nga pamaagi kag praktika.

8 8 Daba-Daba, Enero 2017 Gintalakay ang madamo kag malaparan nga pagpabaya sang nagatindog nga reaksyonaryong gubyerno sa pagsabat sang basehan nga kinamatarung kag kinahanglanon sang pumuluyo sa ikaayong lawas. Bisan ang kinamatarung sang pumuluyo para sa malimpyo nga tubig ilimnan wala mahatag sang reaksyunaryong gubyerno kag wala ginasapak ang pagduging sang madamo nga balatian bangud man sa mahigko nga tubig kag iban pa. Dalagku nga komunidad ang apektado sang amo nga mga problema kag nakita man sang mga medical officers nga dapat mangin matinugahon, maabtik, kag mapagsik sila sa pagdakup sang sini nga mga isyu. Daku nga armas sa hilikuton pulitikal, konsolidasyon, kag pagpalapad sang baseng masa ang pagsabat sa mga kinahanglanon sang pumuluyo bahin sa ikaayong lawas, mga kinahanglanon nga madugay na nga ginabale-wala sang reaksyunaryong gubyerno. Serbisyo medikal sa patag-awayan Wala man naulihi ang pagtuon sang panggyera nga medisina. Upod ang mga regular nga hangaway, ginpapreska ang ihibalo sang mga medik kag nagbrektru man mismo ang pila sa ila sa paghatag sang pagtulun-an bahin sa nagapanguna nga pagtatap (first aid) sa patag-awayan kag mga basehan nga prinsipyo sa pagsalbar sang kabuhi. Nagbrektru man ang mga trainee kag mga kaupod sa prente sang Advanced Training Life Support kag war surgery. Daku ang nabulig sang amo nga treyning sa pagpreparar sa mga medical officers sa pagsabat sa mga demanda sang patag-awayan. Labi nga ginbuhi ang rebolusyonaryo nga diwa sa pagtungod kag paghanas sa hilikuton medikal kag pag-atubang sa masingki nga atake sang kaaway. Daku nga kadalag-an ang pagtipon kag paghanas nga ini para sa tanan nga rebolusyonaryong pwersa. Ginapakita sini ang ikasarang sang partido nga maarmasan ang iya mga upisyal sa medikal kag ang kahandaan man sang mga kaupod sa pagsabat sa nagataas nga demanda sa hilikuton medikal, kadungan man sa indi mapunggan nga pagtaas sang lebel sang ginalunsar nga inaway banwa. # BUKAS NGA SULAT (Ini duha ka bukas nga sulat nga una ginpalapnag sang Napoleon Tumagtang Command sang New People s Army Southern Panay.Ang una, para sa mga upisyales sang mga barangay kag pumuluyo kag ang ikaduha para sa mga personahe sang militar. Ginabalhag ini diri para madamo pa gid ang maabot nga mga lokal nga upisyales kag pumuluyo amo man sa mga katapu sang militar kon ano ang mensahe sang NPA.) Para sa Barangay Kapitan, konsehales kag pumuluyo Brgy. Mainit nga panamyaw sa inyo! Nahibal-an naman ninyo seguro nga nagbag-o na ang mga naga-uyat sang poder panggubyerno sa Pilipinas. Si Rodrigo Duterte ang napilian nga bagong presidente sining eleksyon presidensyal sang Mayo Sa iya inagurasyon kag pagsugod sang pag-uyat sang poder sang Hunyo 30, 2016 nagdeklarar siya sang pagsulod sa peacetalks sa CPP-NPA-NDF. Kadungan sini nagdeklarar man sya sang kaugalingon nga untat lupok (unilateral cease fire) nga wala sang gintalana nga panahon sang pag-untat. Buot hambalon sini, samtang nagahambalanay ang duha ka bahin indi niya pagpahulagon ang ila armadong pwersa nga AFP, PNP, CAFGU nga mag-atake sa rebolusyonaryong pwersa. Ang Demokratiko nga Gubyerno sang Pumuluyo nga ginatiglawas sang NDFP nagpasugot man nga mag-atubang sa peace talks. Gindeklarar man sang CPP ang kaugalingon nga untat- lupok sang Agosto 28, kag ginmandu sa tanan nga yunit sang NPA. Lubos nga ginpatuman sang NPA ang ceasefire sa bilog nga Pilipinas. Wala na sila nagtaya sang pusil sa AFP, PNP, CAFGU kag naglikaw sa pag-enkwentro sa ila. Samtang may ceasefire, ang tropa naman sang AFP nagpadayon sa ila mga operasyon sa ngalan sang OPLAN Bayanihan kontra sa pwersa sang CPP-NPA kag masa sang pumuluyo. Padayon sila sa pagtiner sa

9 9 Daba-Daba, Enero 2017 barangay hall, day care centers, eskwelahan kag iban pa nga sibilyan nga pasilidades sang mga barangay. Nagapasilabot man sila sa mga obra pangsibilyan sang pumuluyo pareho sang barangay miting, medical mission, sports program, kag iban pa. Tuyo man lang nila nga samtang may ceasefire tabugon ang NPA sa mga areas sini, garit-gariton ini sa inaway kag kon mag-enkwentro na--pagwaon nila nga ang NPA ang naglapas. Ang pagtiner sang mga Phil army/pnp sa mga barangay nagtuga sang kahangawa, kag katalagman sa kabuhi sang mga taga-baryo bangud maathag man nga may kaaway sila. Nagbunga man ini sang indi maisip nga paglapas sang kinamatarung sang pumuluyo, pareho sang pagdabok/ pag-ukat sang mga daan na, kag mga naresolbar na nga higut-anon sa tunga sang indibidwal kag mga pamilya kag liwat ini nga nagpaaway sa ila. Ginabuyo man nila sa malain nga bisyo ang mga tagabaryo paagi sa makaaladik nga druga kag mga talan-awon nga binastos, pagpangawat sang sapat para isumsuman sa ila hinubog nga inuman kag ang paghimulos sa kababainhan nga ang kalabanan mga minor-de-edad pa. Sa kabilugan, ang pag-agi kag pagtiner sang AFP sa kabaranggayan nagpagamo, nagbutang sa peligro sang kabuhi sang pumuluyo, nagdala sang mga bisyo kag pagpanghimulos sa kababainhan. Wala ini nagtapna sang mga krimen kundi nagpadugang pa sini. Maathag nga indi ini pagbulig para sa kaayuhan sang pumuluyo kundi gub-on ang ila paghiliusa, kalinong sang barangay kag ipahilayo sa NPA. Ini paglapak sa kinamatarung sang pumulyo sa malinong nga pagpangabuhi kag paglapas sa ginhambal sang ila presidente Duterte nga ceasefire nila. Bangod sang nasambit nga mga rason, indi mapahanugutan sang CPP-NPA-NDF nga magpadayon ini nga ginahimo sang AFP/PNP. Magahimo ini sang tikang para silutan ang mga armadong pwersa sang AFP/PNP nga nagalapas sa ceasefire kag sa malinong nga pagsinalayo sang pumuluyo sa inyo barangay. Nagapanawagan kag nagahingyo kami sa inyo sang masunod: 1. Pahalinon kag indi pagtugtan ang tropa sang Phil. Army/PNP nga nagatiner sa inyo baryo. 2. Indi mag-upod ukon dungan nga lakat sa tropa sang Phil. Army/PNP. 3. Indi magsakay sa salakyan nila ukon magsakay upod sa ila sa mga depasahero sibilyan nga salakyan Ipalapnag ini sa tanan nga pumuluyo nga sakop ninyo. Nagalaum kami nga maintindihan kag mahimo man ninyo ang amon ginapanawagan kag ginahingyo para sa kaayuhan kag makatarungan nga kalinong sang pumuluyo sang inyo barangay. Mabuhay kamo! (Sgd.) Ka Ariston Remus Napoleon Tumagtang Command * * * Para sa CO kag Enlisted Personnel Armed Forces of the Philippines Greetings! Nagsulat kami sa katuyuan nga ipahadumdom sa imo/inyo ang nagaluntad subong nga ceasefire. Nagdeklarar ang inyo presidente nga si Duterte sang ceasefire kag handa nga magpakigsugilanon sa amon para sa kalinungan sang pungsod Pilipinas. Kami sa NPA, nagdeklarar man sang amon unilateral ceasefire para mapatanlas ang paghambalanay sang NDFP-GRP para ugaton ang kabangdanan sang nagaluntad nga armadong konplikto. Sa madamo nga beses sugod sang magdeklarar kamo sang inyo unilateral ceasefire, nagamaniobra kag nagposisyon kamo sa sulod sang amon area. Madamo lang kamo sang rason, komuplahe sa inyo mga operasyon. Apang nahibal-an namon ang objectives sa likod sining inyo mga ginatigayon nga aktibidad. Ini nga mga lihok nagapakita nga indi kamo sensiro sa inyo unilateral ceasefire, kag wala kamo nagasunod sa ginamandu sang inyo commander-inchief nga si Duterte. Nagalapas kamo sa Comprehensive Agreement on Respect for Human Rights and International Humanitarian Law (CARHRIHL) nga nakasugtan na sang inyo gubyerno kag NDFP paagi sa pagtaming sang pumuluyo sa inyo operasyon kag pagbase sa mga kabaryuhanan. Nagadala kag nagatolerar kamo sang mga malain nga bisyo sa pumuluyo, ilabi na sa mga pamatan-on kag kababaihan indi lang subong kundi sadto pa. Gani, mahambal namon nga nagalapas kamo sa CARHRHIL kag sa inyo gindeklarar nga ceasefire. Kami sa NPA, hugot sa buot kag lubos nga nagapati kag nagasunod sa mandu sang amon organisasyon kag kumand. Sa pagdeklarar sang NPA sang ceasefire naintindihan namon nga para ini sa paghambalanay pangkalinungan sa tunga sang inyo gubyerno kag sang amon gubyerno. Wala kami nagtaya sang amon pusil sa inyo para matigayon ang ini nga

10 10 Daba-Daba, Enero 2017 peacetalks. Sa madamo nga beses, nagmaniobra lang kami para maglikaw sa matabo nga enkwentro sa inyo bisan ara pa kami sa bentaha. Kon magpadayon kamo sang operasyon, pagbabase kag pag-abanse sa amon area indi tubtub san-o nga magpasugot lang kag pabayaan kamo sa tinuso ninyo nga lihok. Mapilitan kami nga maghimo sang tikang para ipakita kag ipabatyag ang konsekwensya sang indi ninyo pagkasensiro nga magpatuman sang deklarasyon sang inyo presidente. Indi man kamo tampad sa paglab-ot sang kalinong nga nabase sa hustisya. Sa pagkabaton ninyo sining sulat, para man sa kaayuhan sang inyo kaugalingon kag tropa, gilayon na lang kamo nga maghalin kag magbalik sa inyo kampo. Kon indi kamo maghalin, mahimo nga ma-obligar kami nga itaya sa inyo kag palukpon ang amon pusil. Kabay nga naintindihan ninyo ini kag gilayon nga maghalin. Para sa makatarungan nga kalinungan. (Signed) Ka Ariston Remus Napoleon Tumagtang Command Mga Balita Protesta sa pagdula sang mga dyipney kag alagisod nga pagtaas sang presyo sang langis M asobra kwarenta ka katapu sang PISTON-Iloilo (isa ka militante nga organisasyon sa sektor sang transportasyon) ang nagguyod sang dyip kag nagpiket sa atubang sang Land Transportation Franchizing and Regulatory Board kag Land Transportation Office (LTFRB-LTO) sadtong Enero 16. Ini nga aksyon pagprotesta sa nagahana nga implementasyon sini nga tuig sang pagdula sang tanan nga public utility jeepneys (PUJ) nga nagalawig na sang 15 anyos pasaka kag pag-ilis na sang electric jeep (e-jeep). Ang isa ka e- jeep nagabili sang isa ka milyon kag tunga ka pisos. Suno sa Piston-Iloilo, ang plano nga pagdula na sang mga dyipney magahalit sa palangabuhian sang mas o menos 20 mil ka PUJ operators kag drivers sa bilog nga Panay. Magaresulta man ini sa pagtinaas sang pletehan nga magaigo sa publiko. Ining piket sadtong Enero 16, pagprotesta man batuk sa sunod-sunod nga pagtinaas sa presyo sang langis umpisa Enero 1 asta 3. Ang gasolina nagtaas sang P0.70 sentimos kada litro; P0.60 sentimos sa krudo, kag samtang P0.55 sentimos naman sa gas. Ang LPG naman nagsaka sang P4.15 tubtob P4.18 kada kilo Suno pa sa PISTON, nagaabot na sa masobra P10 ang pagtaas sa presyo sang langis halin sang Pebrero Nagresulta na ini sang P200 nga buhin sa kada adlaw nga kita sang mga drayberoperator. Magluwas sa 12 porsyento nga value addted tax (VAT), nagaplano pa gid ang gubyernong Duterte nga magpatuman sang P6 nga dugang nga buhis (excise tax) sa produktong petrolyo nga kargahon sang mga pumuluyo. Ang indi makontrol nga pagtinaas sa presyo sang langis, resulta sang pagkontrol sang dumuluong nga kapitalista ilabi na sang US. Sila ang nagaimponer sang pribatisasyon kag deregulasyon kag pagpatuman sang oil deregulation law (ODL) halin pa sa panahon sang rehimeng US-Ramos asta sa subong nga administrasyon ni Duterte. Panawagan sang PISTON- Iloilo ang pagbasura sang Oil Deregulation Law, kag dulaon ang VAT sa produktong petrolyo. Kadungan sini ang pagsuporta man sa panawagan nga pungsodnon nga industriyalisasyon kag pagkontrol sang kaugalingon nga industriya sa langis. # P1,000 nga pagpasaka sa pension sang SSS, ganar sang malawig nga pagdemanda G in-aprubahan ni Pres. Duterte ang pauna nga P1,000 nga pagsaka sa pension sa Social Security System (SSS). Mahimo nga mapatuman ini sini nga Enero. Samtang ang ikaduha nga P1,000 nga dugang sa tuig 2022 pa ukon mas temprano sa tuig Kadalag-an ini sang mga pumuluyo nga nagdemanda sa pagpataas, sandig sa hagna sang Bayan Muna Rep. Neri Colmenares nga pagpataas sang P2,000. Sa Panay, sang nagligad nga Enero 4, nagpiket ang grupo sang Bayan- Panay sa upisina sang SSS sa Iloilo City para liwat iduso ang demanda sang mga senior citizens para sa dugang nga pension. Sa pihak nga bahin, katuwang sining pagsaka sa pension amo ang pagpataas sang premium

11 ukon kontribusyon sang 1.5 porsyento kada tuig. Suno kay Bayan Muna Rep. Carlos Zarate, indi pwede maghalin sa saka sa kontribusyon ang saka sang pension.# Mobilisasyon sa pagsuporta sang NDFP-GRP Peacetalks sa panahon sang Iloilo Dinagyang N aghiwat sang piket ang mga kababaihan sang Enero 18 sa Iloilo City agud suportahan ang Peace talks sa tunga sang NDFP kag GRP. Kaangut diri, nagpanawagan ang GABRIELA-Panay sa paghilway sang tanan nga bilanggo pulitikal kag paghuman sang kasugtanan sa Socio-economic Reforms (SER). Unod sang SER ang tunay nga reporma sa duta kag 11 Daba-Daba, Enero 2017 pungsodnon nga industriyalisasyon nga solusyon man sang problema sang mga kababaihan. Suno sa GABRIELA-Panay, matuod-tuod nga pagbag-o ang kinahanglan agud nga malabot ang matuod nga kalinungan sa katilingban. Apang indi ini matigayon kon padayon nagaluntad ang mga basehan nga problema sang pumuluyo. Ini angay sang kawadon sang duta para sa mga mangunguma, kawad-on sang trabaho kag libre nga serbisyo sosyal. Ini man gani ang rason kon ngaa may armado nga kumplikto sa pungsod. Dugang pa sang GAB- RIELA-Panay, ang pagkalubong sang mga kababaihan sa tuman nga kaimulon nagabutang sa ila nga bulnerable sa pagpang-abuso kag kalakasan sang estado kag kawadon sang hustisya. Gani dapat lang sakdagon sini ang sugilanon para sa kalinungan. Ini nga panawagan napasulod sa adyenda sang GABRIELA para sa pagbag-o. Kabahin diri ang pagtib-ong sang pungsodnon nga soberanya; tunay nga reporma sa duta kag pungsodnon nga industriyalisasyon kag pag-amlig sa kapalibutan. Ining piket sang Enero 18, umpisa man sang bug-os-simana nga multisektoral nga mga aktibidad upod sa Bayan-Panay sa dagyang para sa kalinungan bilang pagsuporta sa peacetalks. Pagkaaga, Enero 19, mga pinggan kag walay unod nga kaldero ang bitbit sang mga katapuan sang KADAMAY kag KAISOG (mga organisasyon sang imol sa syudad) sa ila piket sa Iloilo City. Ini sa pagpakita sang ila kahimtangan kag panawagan para sa pagbukas sang ikatlo nga hugnat sang peace talks nga ginapatigayon sang NDFP kag GRP. Suno sa KADAMAY kag KAISOG, bastante nga pagkaon, libre nga serbisyo sosyal kag matarung nga trabaho kag pabalay ang panawagan sang mga imol nga pumuluyo agud nga makaangkon sang kalinungan ang aton katilingban. Ila ginpabutyag nga importante ang papel sang mga imol sa pagduso sang peace talks agud maistoryahan sang NDFP kag GRP sang kasulbaran sa ugat sang armado nga pagbato sang pumuluyo.# Alipalok Sining ikaduha nga semana sang Enero, gintipon sang 82nd IB PA ang mga kapitanes sang isa ka banwa. Nagpamilin-bilin nga magbulig gid ang mga Barangay Tanod para sa katawhay kag kalinong kay manugsaylo kuno sila sa Mindanao. Ay ah! Sin-o bala ang nagapalapnag druga sa kabaryuhanan? Sin-o ang nagatudlo sa mga bugoy magpanakaw, nagapangirida sang asawa sang tagabaryo? Sin-o ang nagadabok sa mga hiligut-anon sang taga-baryo? Abi nimo daw nagakabalaka gid kag nagapaluntad sang kalinong. Bantay-salakay man ang modus operandi nanda. * * * Balita sa radyo naakig kuno ang sekretaryo sang National Defense nga si Delfin Lorensana kay wara kuno nagatuman ang NPA sa ceasefire nga gindeklarar sang gubyerno? Pobre ispiritu gid nga Lorensana! Ano buot n ya hambalon anda unilateral ceasefire, NPA matuman? Dayon sanda tana mapaturay lang sa paglapas? Tuso gid! Ang unilateral ceasefire nga gindeklarar sang CPP kag ginmandu sang Nasyunal Kumand sang NPA sinsero gid nga ginpatuman sang tanan nga mga

12 12 Daba-Daba, Enero 2017 naidalom nga kumand kag mga yunit nga ginpamu-nuan sini para maupdan ang masa sa handum nga maagum ang makatarungan kag malawigan nga kalinong paagi sa pag-ugat sang kabangdanan sang inaway banwa. * * * Masyado kuno ka nagademanda ang CPP sa peacetalks, kuon ni Duterte. Ginapresentar man lang sang NDFP ang paghilway sang mga detenido pulitikal nga makaduha na niya ginpromisa nga hilwayon pero wala man nagtupa. Ngaa kadamo sang mga bayolasyon sang AFP sa ila kaugalingon nga ceasefire kag sa CARHRIHL? Karon, CPP pa ang masyado ka nagademanda? Nimo nagapangita lang tana ka baribad. Indi gid man tana sinsero sa paglab-ot sang makatarungan nga kalinong..# Binalaybay Mga puno nga may paglaum Dapat kita katulad sang mga puno nga may handong kon sa diin ang mga nagakaupos nga paglaum makapasilong kag sa kaimulon makabangon makapabakod sang ginapatihan kag balatyagon nga magalubong sa malawig nga pagkaulipon Dapat kita katulad sang mga puno nga nagabulak sang paglaum kon sa diin ang mga damgo nagapadayon nagatipon sang kusog sa palaabuton magwaras man ang hangin nga dagatnon sang mga manughimulos nga agalon may kusog kita nga buklason ang sistema nga malupigon Dapat kita katulad sang mga puno nga may dahon nga nagadabong kon sa diin ang mga bilidhon sang masunod nga henerasyon nagalambu, nagahimulat nga magpadayon nagahagunos sa mga dalanon kag nagarebolusyon! --Ka Biyo CADUY