Nagkabug-at ang abagahunon sa katawhang Pilipino taliwala sa

Transcription

1 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bolyum XLVI Numero 2 Enero 21, Editoryal Bungkagon ug ibasura ang praybitisasyon! Nagkabug-at ang abagahunon sa katawhang Pilipino taliwala sa walag tuo nga pagtaas sa singil ug mga balayranan. Ang dakong pagtaas sa pletehan sa MRT ug LRT, ang pagtaas sa singil sa tubig ug ang nagbung-aw nga pagtaas sa singil sa kuryente pinakaulahi lamang nga mga dugang nga pagpaantus nga gipahamtang sa rehimeng US-Aquino sa katawhang Pilipino. Dugang pa niini ang mapadayunon nga pagtaas sa galastohan sa edukasyon, pagpatambal, komunikasyon, pabalay ug uban pang mga serbisyo ug katilingbanong imprastraktura. Kining maong mga ginaatubang karon nga pagtaas sa singil ug balayranan resulta lamang sa hapit tulo ka dekada nga mapadayunong palisiya sa praybitisasyon ug deregulasyon sa mga yaweng katilingbanong imprastraktura. Ang kanhing mga empresa nga pang-estado nga gipadagan sa gobyerno, gipundohan sa panudlanan sa katawhan ug deklarado nga nag-alagad sa interes sa katilingban puros gipadagan karon sa pipila ka dagkong burgesyakomprador ug ilang mga kasosyo nga dagkong langyawng kapitalista sa ngalan sa ginansya ug walay bisan unsa mang obligasyon nga panalipdan ang interes sa katawhan. Baylo sa pautang, gipahamtang diha sa Pilipinas sa International Monetary Fund (IMF) ug uban pang imperyalistang ahensya niadtong talitapos sa dekada 1980 ang palisiya sa praybitisasyon ug deregulasyon o pagtangtang sa kontrol sa estado sa dagan sa mga serbisyo ug yutiliti aron hatagag dalan ang pagpamuhunan ug pagpadagan niini sa dagkong kapitalistang langyaw ug burgesya-komprador. Gipahimuslan nila ang kasuko sa katawhang Pilipino sa burukrata-kapitalistang diktaduryang Marcos ug mga bata-bata niini nga nagpadato pinaagi sa mga negosyo nga gipadagan sa estado aron madawat ang pagbungkag ug pagpraybitisa sa mga operesyon niini. Ang taas nga mga panaad sa mga tigbudyong sa praybitisasyon mao ang pagmugna og patas nga nataran aron agnihon ang pagpamuhunan, ipasiugda ang kompetisyon ug ipaubos ang presyo alang sa katawhan. Pinaagi sa buildoperate-transfer, public-private partnership ug nagkadaiyang iskema, gipatuman ang praybitisasyon ug deregulasyon sa hapit tanang natad sa katilingban ug ekonomiya. Gihimong pribado ang distibusyon sa tubig, ang produksyon ug distribusyon sa kuryente, mga karsada, hospital ug mga yunibersidad o parte-parte niini, ang lagpad nga kayutaang publiko, telekomunikasyon ug serbisyo sa koreyo, ang mga kompanyang Petron, Philippine National Bank, Philippine Airlines ug uban pang kanhing negosyo nga gipundar o kanhing panag-iya o gipadagan sa estado. Ang pinakadagkong negosyo nahuptan ug gipanag-iya sa dagkong burgesya-komprador sa

2 ANG Bol. XLVI No. 2 Enero 21, 2015 Ang Ang Bayan gipagula sa pinulungang Pilipino, Bisaya, Iloko, Hiligaynon, Waray ug Ingles. Mahimo kining i-download gikan sa Philippine Revolution Web Central nga mahipalgan sa: Modawat ang Ang Bayan og mga tampo sa dagway sa mga artikulo ug balita. Giawhag usab ang mga magbabasa nga magpadangat og mga pagsaway ug rekomendasyon ngadto sa pagpalambo sa atong mantalaan. Maabot kami pinaagi sa sa: angbayan@yahoo.com Mga unod Editoryal: Bungkagon ug ibasura ang praybitisasyon! 1 Larawng user-pay, sukwahi sa serbisyo publiko 3 Kontrata sa praybitisasyon sa tubig, iwagtang! 4 Pagsumpo sa kamatuoran panahon sa pagduaw ni Pope Francis 5 Pagsuporta ni Pope Francis sa ilang pakigbisog 6 Pagpalaya sa 3 POW, gikansela 6 Mga pag-asdang sa Mindoro niadtong Konsultant sa NDFP, iligal nga inaresto 8 Ang gubat agresyon sa US sa Mindanao 8 Kalibre.45: Armas nga anti-moro 9 Kontraktwalisasyon sa Franklin Baker 9 Rasista ug relihiyosong kabangis sa Europe 10 Ang Ang Bayan gimantala duha ka beses matag bulan sa Komite Sentral sa Partido Komunista ng Pilipinas Pilipinas, nga sila Lucio Tan, mga Ayala, Lopez, Cojuangco, Sy ug di madugay ang grupong Pangilinan ug mga partner niini nga dagkong kapitalistang langyaw. Ang proseso sa praybitisasyon sa Pilipinas nalukop sa korapsyon. Kanunay nga dunay ginaluklok-bulsa ang mga pinakatag-as nga opisyales sa gobyerno matag ginasubasta ang mga kabtangan sa estado ug mosulod sa mga kontrata sa pribadong pamuhunan. Usahay, ginabutyag kining maong mga kadunot kung makalingkod ang karaybal nga partido-politikal, dili aron limpyohan ang korapsyon kundili aron tibuokon ang bag-ong mga kontrata, paboran ang ubang negosyante ug makaluklok-bulsa sa ilang bahin. Ang hapit 30 ka tuig nga kasinatian sa katawhang Pilipino sa walay pugongpugong nga praybitisasyon mao mismo ang naghimakak sa ilusyon nga panaad sa praybitisasyon. Asa man naghari ang praybitisasyon, ang kanhing katilingbanong serbisyo ug imprastrakturang pangpubliko nahimong mga operesyong komersyal nga nag-unang nakapunting sa paghakop og ginansya sa dagkong kapitalista. Ang kanhing kaya ra nga maabot nga mga serbisyo, lisod na karon nga abton sa mayorya sa naghagong masang Pilipino. Daghan niining maong mga pangpublikong imprastraktura gipundar sa nagharing estado nga namuhunan niini aron moalagad kini diha sa pagpahanoy sa dagan sa produksyon ug komersyo sa lokal nga nagharing hut-ong ug dagkong kapitalistang langyaw. Tungod kay ginapundohan sa panudlanan sa katawhan, ang mga negosyo nga kanhing gipadagan sa estado gikategorya nga panag-iya sa publiko ug ang mga operesyon niini giila nga serbisyo publiko. Niadtong panahon sa diktaduryang Marcos, adunay pila ka mga negosyong pribado nga gipailalom sa nasyonalisasyon ug gikontrol sa mga Marcos ug mga batabata nila gamit ang panudlanan sa katawhan. Aron takpan ang korapsyon, gipanghambog kini isip mga negosyo nga gipadagan alang sa interes sa publiko. Sa pikas bahin, tungod kay anaa kini sa interes sa publiko ug gipadagan sa pundo sa publiko, giobliga ug gisingil kini sa katawhan nga magtagana og serbisyo ug operesyon nga kaya rang abton sa yanong mga tawo. Sa gambalay sa nasyonalisasyon sa mga negosyo, imprastraktura ug mga serbisyo publiko, gipakigbatok sa mga demokratikong pwersa ang paggahin og mas dakong pundong publiko aron kini mahimong dekalidad ug kayang abton sa katawhan. Ginabatukan nila ang komersyalisasyon o ang pagpadagan niini aron makahakop og ginansya ang estado ug giila ang pagkaalkansi niini isip kinahanglanon nga puhunan alang sa mas dakong benepisyo sa katilingban. Duyog niini, gibutyag ug gibatukan ang burukratakapitalista nga pagpadagan niini ug gipakigbisugan ang mas demokratiko nga pagdumala niining maong mga negosyo, imprastraktura ug serbisyo publiko. Gipala sa praybitisasyon ang aspetong interes-pangpubliko niini. Tungod kay ginapundohan kini sa pribadong kapital (bisan tuod kasagaran mga utang nga gigarantiyahan sa estado), ginahingusog nga angay padaganon kini sa pamaagi nga episyente ug maginansyahon. Linugsanayng gipaslak ang prinsipyong bayad sa paggamit aron hatagag rason ang largatodong komersyal nga operesyon niini ug walag tuo nga pagpasaka sa mga singil ug balayranan. Angay ug makatarunganon alang sa katawhang Pilipino nga ihingusog ang subling nasyonalisasyon o pagpailalom sa kontrol sa estado sa mga imprastraktura ug serbisyong ginagamit ug ginapahimuslan sa katawhan ug makapahapsay sa dagan sa produksyon ug komersyo. Angayng ihingusog sa katawhan ang pagbasura sa mga kontrata sa mga 2 ANG BAYAN Enero 21, 2015

3 pribadong kompanya nga gihatagan og konsesyon sa distribusyon sa tubig ug kuryente, telekomunikasyon, mga hospital ug yunibersidad o gihatagan og kontrata aron gamiton ang kayutaang publiko o aron magkalot og bahanding mineral o lana. Mahimo nila nga ipakigbisog ang subling nasyonalisasyon sa mga kompanya sa transportasyon, enerhiya ug lana ug uban pang kompanya nga adunay dakong kamahinungdanon sa pagpadagan sa ekonomiya. Ubay niini, kinahanglan nilang batukan ang palisiya sa pagtibhang sa nasudnong badyet diha sa mga kinahanglanon nga serbisyo sama sa panglawas ug edukasyon. Matag tuig, kulang kaayo ang gigahin sa badyet sa reaksyonaryong gobyerno sa mga pangpublikong yunibersidad ug hospital. Kinahanglang hingpit nga batukan ang paggahin og kapin 1/3 sa tinuig nga pundo sa gobyerno diha sa pagbayadutang sa mga langyawng bangko pinasubay sa prinsipyo nga ang bulto sa nasudnong panudlanan kinahanglan nga itagana diha sa kabulahanan sa mayorya sa katawhan. Sa partikular nga kaso sa LRT ug MRT ug uban pang sistema sa transportasyong publiko, kinahanglang ihingusog sa katawhan ang pagpailalom niini sa tibuok kontrol sa estado. Anaa sa interes sa katawhang Pilipino nga ibasura ang kontrata sa mga Ayala ug Pangilinan nga nagahatag kanila og 50-katuig nga kontrol sa operesyon sa metro tren lakip ang katungod nga patas-an matag tuig ang pletehan niini. Kinahanglan usab nilang ihingusog ang pagbasura sa kontrata nga nagpraybitisa sa distribusyon sa tubig sa nagkalain-laing bahin sa nasud. Ang nasyonalisasyon sa mga pangpublikong serbisyo ug yutiliti kinahanglan nga ihingusog sa Laraw nga "user-pay," sukwahi sa serbisyo publiko Sa Department Order nga gipagula sa Department of Transportation and Communications (DOTC) niadtong Enero 4, gigamit niini ang laraw nga user-pay aron hatagag rason ang pagpataas sa pletehan sa LRT-1, LRT-2 ug MRT. Ang iskema nga userpay o ang direktang pagbayad sa konsyumer sa serbisyong katilingbanon nga gigamit, inay nga kolektibong pagbayad sa katawhan pinaagi sa estado sukwahi sa prinsipyo sa paghatag sa estado og batakang serbisyo diha sa katawhan. Kining prinsipyoha anaa sa uyok sa praybitisasyon ug ginapatuman karon sa uban pang serbisyo nga gipraybitisa na, sama sa tubig, kuryente ug haywi (sa dagway sa toll fee). Sa kaso sa MRT/LRT ug uban pang imprastraktura nga napailalom sa programa nga Public-Private Partnership sa rehimeng Aquino, direktang ginagarantiyahan ang user-pay sa dili patas nga mga kontrata nga gisulod sa rehimen sa gipaboran niining mga lokal ug langyawng kapitalista. Wala ginatago sa rehimeng Aquino nga kining mga iskema ang nagpaluyo sa pagtangtang sa subsidyo sa LRT/MRT nga niadto pangtapal sa dili maabot nga kita sa mga pribadong konsesyonaryo ug tigdumala ubos sa iskema nga Build-Operate-Transfer ug Build- Lease-Transfer sa nangaging mga rehimen. Tumong sa rehimen nga hingpit na nga ipasa sa mga sumasakay ang pagpinansya sa gasto sa pagpadagan sa tren ug sa mga pribadong kompanya nga nagdumala niini, nga ang dakong bahin ipangbayad sa ilang mga utang. Sa kaso sa MRT, gibanabana nga mokabat sa 81% sa kinatibuk-ang gasto sa kompanya ang nagapaingon sa bayad-utang. Sa kaso sa LRT-1 ug LRT-2, mokabat kini sa 47%. ~ katawhang Pilipino taliwala sa labawng pagsamot sa katilingbanong krisis ug pagdaus-us sa panginabuhian. Makatarunganon alang sa katawhan nga ipakigbisog ang nasyonalisasyon niining tanan aron sigurohon ang disenteng istandard sa kinabuhi sa katawhan. Sa gambalay sa nagharing semikolonyal ug semipyudal nga sistema, kinahanglang ipakigbisog usab nila ang demokratikong pagdumala niining mga negosyoha aron dili kini mahimong instrumento sa pagpakadato sa mga burukratakapitalista. Ang maong mga demokratikong pangayo sa katawhan nahilakip sa adyenda nga mahimong hisgutan sa panaghisgot-kalinaw tali sa NDFP ug sa Gobyerno sa Republika sa Pilipinas. Sa programa sa Partido ug NDFP, ang pagpailalom sa kontrol ug pagpanag-iya sa estado sa pinakadagko ug yaweng mga industriya, sa yuta ug kinaiyanhong bahandi, imprastraktura ug mga serbisyo kritikal nga aspeto sa programa sa ekonomiya ug katilingban. Pinaagi niini, makaangkon ang proletaryado ug demokratikong gobyerno og gahum nga planohon ang produksyon ug distribusyon sa bahandi sa nasud alang sa kaayohan sa tanan ug sigurohon nga ang tanan adunay panginabuhian, mahatagan og libreng edukasyon ug serbisyong panglawas sa gambalay sa daynamiko, malamboon ug modernong katilingban. ~ ANG BAYAN Enero 21,

4 Kontrata sa praybitisasyon sa tubig, iwagtang! Kusganong nanawagan ang katawhan nga iwagtang ang Concession Agreement tali sa Metropolitan Waterworks and Sewerage System (MWSS) ug sa duha ka pribadong konsesyonaryo, ang Maynilad ug Manila Water. Inay, kinahanglan na nga inasyonalisa ang serbisyo sa tubig isip kasulbaran sa walay kontrol nga pagtaas-singil niini. Kini ang reaksyon sa lapad nga koalisyon nga Water for the People Network (WPN) sa desisyon sa International Court of Arbitration (ICA) o ginganlang The Court niining Enero 5 nga nagpala sa pagdili sa MWSS niadtong 2013 nga magtaas og singil ang Maynilad. Segun pa sa WPN, wala nay pulos ang sugyot pa nga mga pagbag-o sa kontrata sa duha ka pribadong konsesyonaryo. Hingpit na nga giwagtang sa kontrata sa praybitisasyon ang pangpublikong kontrol ug regulasyon sa serbisyo sa tubig. Pasundayag lamang ang gipahigayon nga arbitrasyon sa ICA. Usa pa gani ipakanaug ang desisyon niini, sigurado na ang Maynilad nga pinaagi sa pagdangop niini ngadto sa ICA, mapadayon na niini ang taas-singil sa tubig. Tungod kini kay ang ICA usa ka instrumento aron sulbaron pabor sa interes sa dagkong negosyo ang mga babag sa mga kontrata ug sigurohon nga mapatumanang mga desisyon sa arbitrasyon. Sa kaso nga gisang-at sa Maynilad diha sa ICA, duha sa tulo ka membro sa komite nga nagdesisyon naggikan sa han-ay sa dagkong negosyo ang representante sa Maynilad ug ICA. Walay representante ang sektor sa mga konsyumer. Ang bag-o na usab nga taas-singil sa tubig sa Maynilad mokabat sa `3.06 matag metro kubiko, o 9.8% nga pagtaas sa kasamtangang balayronon. Damhon nga mopabor usab sa Manila Water ang desisyon sa ICA sa nasang-at usab niini nga kaso dinhi. Tungod sa desisyon sa ICA, dili mapatuman ang nahauna nga mando sa MWSS nga tibhangan sa duha ka kompanya ang taripa sa tubig og `0.29/metro kubiko sa Maynilad, ug `1.45/metro kubiko sa Manila Water taman sa Base kini sa gipatong nila nga anomalyadong mga bayronon sa mga konsyumer sama sa buhis sa ilang kita o income tax, gasto sa adbertisment, donasyon ug uban pang gasto sa kompanya. ~ Pagsumpo sa kamatuoran panahon sa pagduaw ni Pope Francis Ang tinuod nga kahimtang sa katilingbang Pilipino gisulayan pagtago sa rehimeng US-Aquino panahon sa pagduaw sa nasud niadtong Enero ni Pope Francis, ang pinakataas nga lider sa Simbahang Katoliko Romano. Giabuso sa rehimeng Aquino ang gahum niini sa ngalan sa seguridad. Sugod niadtong Enero 16, nagpahamtang ang rehimen og mga restriksyon sa telekomunikasyon ug sa katungod sa pagtipon. Gipugngan usab niini ang nagkalain-laing sektor nga magpahayag bahin sa mahinungdanong mga isyu nga ginaatubang sa katawhang Pilipino. Niadtong Enero 15, gidetine sa mga pwersang militar sa Leyte ang pila ka madre nga lakip sa Sisters Association of Mindanao (Samin) nga lambigit sa gimbuhatong relief sa Tanauan, Leyte. Ginganlan sila sa militar nga mga membro sa Bagong Hukbong Bayan (BHB) luyo sa koordinasyon nila sa arsobispo sa lungsod sa Palo, Leyte lambigit sa gimbuhatong relief sa mga naluwas sa superbagyong Yolanda. Nagdeploy usab og daghan kaayong mga pulis sa Samar ug Leyte ug gidugangan pa sa mga tropa sa Southern Luzon Command sa AFP ang pwersa sa 8th Infantry Division. Tin-aw nga ang tumong niini mapugngan ang pag-organisa og mga panagtipon sa katawhan aron makapahayag sa ilang mga mulo mahitungod sa pagkainutil, kriminal nga pagpasagad ug kuyanap nga korapsyon lambigit sa gimbuhatong relief ug rehabilitasyon sa mga biktima sa Yolanda. Pila ka adlaw usa moabot sa Leyte ang lider sa Simbahang Katoliko Ro- 4 ANG BAYAN Enero 21, 2015

5 mano, nagplastar og mga tsekpoynt ang militar aron pit-on ang mga sakyanan nga modala sa mga biktima sa Yolanda nga membro sa People Surge Alliance paingon sa Tacloban. Mas sayo pa niini, dugang pang gipig-otan sa rehimeng Aquino ang mga membro sa mga organisasyong nagpasiugda sa tawhanong katungod, mga parente ug mga higala sa 491 ka bilanggong politikal nga nakadetine sa presohan sa PNP sa Bicutan, Taguig City ug sa kapin 40 pa ka presohan sa nasud. Dautang tumong niini nga pugngang makuha ang atensyon ni Pope Francis sa mga nagpuasang binilanggong politikal nga dugay nang mga biktima sa grabeng kawalay-hustisya. Wala makatambong sa misa nga gipahigayon sa Manila Cathedral niadtong Enero 16 ang organisadong mga grupo, lakip ang mga pari, madre ug uban pang mga taga-simbahan tungod kay gibabagan sila ug ang pila gikulong pa gyud sa mga pulis. Yano lamang ang ilang tinguha mapadangat kang Pope Francis ang sibaw nga mga katilingbanon ug ekonomikanhong problema nga nagahasol sa mga mamumuo, mag-uuma, mga walay trabaho, kabatan-onan, kababayen-an ug uban pang dinaugdaog nga sektor sa katilingbang Pilipino. Ang mga palisiya ug mga lakang sa rehimeng Aquino aron sumpuon ang kamatuoran desperadong mga pagsulay aron magpakita og nindot nga larawan sa Pilipinas. Sa pagkatinuod, matapos ang hapit lima ka tuig nga pangatungdanan sa rehimeng Aquino, labaw pang misamot ang kalisud, mga panaugdaog ug pagpahimulos sa katawhan. Padayon ang walay pugongpugong nga paglapas sa mga pwersa sa estado sa mga sibil ug politikanhong katungod. Labawng misamot ang semikolonyal nga kahimtang sa nasud. ~ Gikalipay sa katawhang Pilipino ang pagsuporta ni Pope Francis sa ilang pakigbisog Gitimbaya sa Partido Komunista ng Pilipinas (PKP) ang mga pamahayag ni Pope Francis nga nagasuporta sa mga pakigbisog sa katawhang Pilipino alang sa katilingbanong pagbag-o. Gihatagan og pagtagad sa PKP ang panawagan sa Papa nga bugtuon ang kadena sa pagdaugdaog ug kawalay-hustisya nga nagahimugso og iskandalosong dili pagkaangay-angay sa katilingban ug sa (pagpabilin) sa kalisdanan ug pagwahing sa mga kabus. Sumala pa sa PKP, kini nga mithi ang anaa sa uyok sa rebolusyonaryong pakigbisog sa katawhang Pilipino. Padayon nga gipailalom sa semikolonyal ug semipyudal nga istruktura sa katilingban ang mabagang masa sa katawhang Pilipino sa grabeng pagpahimulos ug panaugdaog ug ginasumpo ang ilang mga demokratikong katungod ug kagawasan. Ang panawagan ni Pope Francis nga atubangon ang pangistrukturang gamut-hinungdan sa krisis hagit alang sa mga tigpasiugda sa kalinaw ug hustisya a r o n hingpit n g a itukmod ang rehimeng Aquino nga seryosohon ang negosasyong kalinaw aron resolbahon ang mga sosyo-ekonomikanhong gamot-hinungdan sa armadong panagbangi. Sa pakigmiting ni Pope Francis diha sa mga lider sa nagkalain-laing relihiyon niadtong Enero 18, gihangyo kaniya nga suportahan ang subling pagsugod sa panaghisgot-kalinaw sa NDFP ug sa Gobyerno sa Pilipinas. Segun pa sa PKP, kanunay nga andam ang mga rebolusyonaryong pwersa nga molingkod ug moatubang sa negosasyong kalinaw isip pamaagi aron makab-ot ang makatarunganon ug lungtad nga kalinaw. Gikasaya usab sa katawhan ang panawagan ni Pope Francis nga batukan ang korapsyon ug tapuson ang mga palisiyang nagamugna og kaylap nga kawalaytrabaho ug nagatukmod sa katawhan nga biyaan ang ANG BAYAN Enero 21,

6 ilang mga minahal sa kinabuhi ug manarbaho sa ubang kanasuran. Ang pagpakabana niya diha sa mga biktima sa mga natural nga katalagman ug ang pagkondena sa nag-aginod ug lukop-sa-korapsyon nga paghatod og relief ug serbisyong pang-emergency lalom nga misilsil sa alimpatakan sa mga Pilipino taliwala sa kriminal nga pagpasagad ug korapsyon sa rehimeng Aquino. Samtang, gipadangat ni Obispo Maximo Ephraim Fajutagana sa Iglesia Filipina Independiente ug uban pang lider-relihiyoso ang hangyo sa mga bilanggong politikal nga nagpuasa sa nagkalainlaing presohan sa entero nasud sugod Enero 10. Gipatuman sa rehimeng Aquino ang news blackout ug gibabagan ang ilang mga bisita nga abogado, doktor, masmidya ug uban pa. Ang hagit sa mga Pilipino nga tagasimbahan. Segun pa sa PKP, usa pa ang hagit sa Papa diha sa mga relihiyoso nga abton ang mga kabus ug dinaugdaog, daghan na gyud ang mga Pilipino nga taga-simbahan nga anaa sa han-ay sa masang dinaugdaog ug mayukmok ug nagatabang sa pagpakusog sa ilang diwa samtang ginaasdang nila ang ilang mithi alang sa nasudnon ug katilingbanong kalingkawasan. Sa pamahayag sa Christians for National Liberation (CNL), ang tago nga nasudnon-demokratikong organisasyong masa sa mga taga-simbahan ug usa sa mga kaalyadong organisasyon sa NDFP, gitimbaya niini ang panawagan ni Pope Francis sa mga Katoliko nga manginabuhi og yano ug mag-alagad sa mga kabus. Nanawagan ang CNL og dugang pang pagpanglimbasog nga pukawon, organisahon ug palihukon ang mga taga-simbahan aron tubagon ang hugot nga panawagan nga palagputon ang presidente nga agalong yutaan. Taliwala sa hilabihang pag-antus sa katawhang Pilipino, nagkadaghang mga kabatan-onang pari, madre ug uban pang mamumuo sa simbahan ang nagamithi nga moanib sa mga mag-uuma sa pakigbisog alang sa yuta, sa mga nasudnong minorya sa pagpanalipod sa ilang yutang kabilin, ug sa masang mamumuo sa ilang pakigbisog alang sa taas 6 Pagpalaya sa 3 POW, gikansela Napugos ang National Democratic Front sa Northeastern Mindanao Region (NDF-NEMR) nga langanon ang pagpalaya sa tulo ka binihag-sa-gubat (POW) sa Bagong Hukbong Bayan (BHB) niadtong Enero 17 dihang mibalibad ang Armed Forces of the Philippines (AFP) nga panamtang nga ihunong ang operesyong militar niini sa duha ka barangay. Sa usa ka abli-nga-sulat sa mga parente ug higala nila PO3 Democrito B. Polvorosa, PO1 Jorie M. Amper ug PO1 Marichel U. Contemplo, sa Third Party Facilitator ug sa katawhan, gipatin-aw sa NDF-NEMR nga gihangyo niini sa AFP nga panamtang nga ihunong ang mga operesyong militar niini sa Barangay Sico-sico ug Camananan sa lungsod sa Gigaquit, Surigao del Norte aron luwas ug hapsay nga mapalaya ang tulo ka POW ug malikayan ang posibleng panagsangka tali sa BHB ug mga sundalo, apan gibalibaran kini ni Brig. Gen. Jonathan Ponce, hepe sa 402nd Infantry Brigade. Una pa niini, gipalaya sa rebolusyonaryong kalihukan sa Mindanao ang upat ka POW niadtong Disembre. Sila Cpl. Benjamin Samano ug Pfc. Alvin Ricarte gipalaya sa Montevista, Compostela Valley niadtong Disembre 21 ug sila Pfc. Marnel Cinches ug Pfc. Jerrel Yorong gipalaya sa Malaybalay, Bukidnon niadtong Disembre 26 (dili sa Marihatag, Surigao del Sur, sama sa unang nareport sa Ang Bayan). Samtang, gipalaya sa tawhanon nga basehan si Jose Mervin Coquilla, jail warden sa Compostela Valley Provincial Rehabilitation Center. Si Coquilla, nga giaresto niadtong Disembre 23, gipalaya sa usa ka hilit nga dapit sa Compostela Valley niining Enero 19. Sumala sa NDF-Southern Mindanao, gisuspinde ang pagbista kang Coquilla isip tubag sa panawagan sa iyang pamilya ug konsiderasyon sa pagduaw ni Pope Francis sa Pilipinas. Gipasa siya sa kustodiya ni Mayor Rodrigo Duterte sa Davao City. ~ nga suholan ug seguridad sa panarbaho. Gikasaya kaayo sa PKP, BHB ug mga rebolusyonaryong pwersa sa katawhan ang mga kabatan-onan nga taga-simbahan sa ilang tinguha ug pagmithi nga molumbay sa katawhang Pilipino aron kab-oton ang hustisya ug kalinaw. Sibaw nila nga ginapadayon ang rebolusyonaryong tradisyon sa mga paring Pilipino nga gisugdan sa mga martir nga Gomburza. Nagakutlo sila og inspirasyon sa mabayanihong pakigbisog sa masang Pilipino, ingon usab sa pagkamartir nila Fr. Pops Tentorio, Fr. Frank Navarro, Fr. Zacarias Agatep, Fr. Nilo Valerio ug uban pang taga-simbahan nga naghalad og pinakadakong sakripisyo sa pagpili og kinabuhi sa pag-alagad sa katawhan. ~ ANG BAYAN Enero 21, 2015

7 Mga pag-asdang sa Mindoro niadtong 2014 Masaligon ang pangulohan sa Partido ug tibuok rebolusyonaryong pwersa sa isla sa Mindoro nga makab-ot niini ang mas dagkong kadaugan sa pagsulod sa 2015 isip pagtubag ug tampo sa pagkompleto sa mga rekisito aron maabot ang yugto sa estratehikong pagkapatas. Lambigit niini, gisaulog nila ang ika-46 anibersaryo sa subling pagkatukod sa Partido Komunista ng Pilipinas pinaagi sa pagsumada sa mga kasinatian ug gimbuhaton aron mahimong basehan sa ilang programa, gimbuhaton ug mga pagtul-id. Niadtong miaging tuig, bugos nga gipatuman sa Partido, hukbong bayan ug entero rebolusyonaryong pwersa sa isla ang mga tahas sa pagpaasdang sa armadong pakigbisog, pagtukod og baseng masa ug pagpaasdang sa agraryong rebolusyon taliwala sa padayon nga pagsamot sa ekonomikanhon ug politikanhong krisis sa nasud. Nalunsad sa Mindoro ang pila ka malampusong taktikal nga opensiba nga ang pinakasibaw mao ang nagmadaugon nga reyd sa munisipyo sa Paluan niadtong Nobembre 7, kundiin nakasakmit og 20 ka haypawer nga armas igo aron armasan ang dugang usa ka platun sa mga Pulang manggugubat. Nakalunsad usab og mga atritibong aksyong militar batok sa nag-operesyong mga tropa sa 4th ug 76th IB, 21st Division Reconnaissance Company ug Regional Public Safety Battalion sa PNP nga nagdulot og dakong kadaut sa ilang operesyon. Ginasiguro nga sa matag pagsulod sa kaaway sa mga base, ginasugat sila og mga buto sa mga isnayper ug sapper teams. Nasilutan usab ang pila ka ahente sa paniktik sa kaaway nga nagsilbing babag sa gimbuhaton ug naghatag-kadaut sa masa, mga dautang elemento nga gisalikway na sa katawhan ug mga makihut-ong nga kaaway nga nagayatak sa mga katungod sa katawhan ug midaot sa kinaiyahan. Nalunsad ug nabreyktru usab sa Mindoro ang mga gimbuhaton sa konsolidasyon sa baseng masa sama sa pagpahigayon og komperensya sa dugang hingpit nga kapunongang masa, pagtukod og mga grupo sa sanga ug mga Sanga sa Partido. Gisumada ang kasinatian sa agraryong rebolusyon aron masiguro ang mapadayunon nga pag-atiman, pagpanalipod ug pagmalampuson niini. Nakalunsad og Batakang Kursong Pangpartido ug gidugangan kini og uban pang mga pagtuon. Ang mga grupo ug komite sa mga mag-uuma, kababayen-an ug kabatan-onan ug mga lumad gipalig-on pa og dugang diha sa ilang pagsalmot sa gimbuhaton sa ekonomiya, politika ug kultura. Wala kini mababagi sa unsamang operesyong militar ug saywar sa kaaway. Sa Mindoro, mapadayunon ang pakigbisog aron depensahan ang yutang kabilin ug yuta sa mga setler nga giokupar ug gipalambo na nila. Liboang pamilya sa mga mag-uuma ug Lumad nga mag-uuma ang nagtikad og liboang hektaryas sa yuta ug nagdumala sa ilang kaugalingon aron palamboon kini ug tubagon ang ilang mga panginahanglan. Ang mga bagong dagway ug taktika sa pagilog og yuta sama sa National Greening Program, mga proyektong pang-enerhiya sama sa mina, hydrothermal, geothermal ug wind project mga klaro nga hulga sa seguridad, panginabuhian ug katungod sa katawhan. Wala niini ginasulbad ang mga batakang problema sa masa kundili nagdulot pa hinuon og dugang kalisdanan ug kawad-on. Katungdanan sa katawhan nga ipakigbisog kining maong mga kayutaan. Segun pa sa komite sa Partido sa Mindoro, nakab-ot kining mga kadaugan tungod sa insaktong pagpangulo sa Partido ug lig-on nga paghupot sa mga batakang rebolusyonaryong prinsipyo. ~ ANG BAYAN Enero 21,

8 Konsultant sa NDFP, iligal nga giaresto Iligal nga giaresto sa mga pwersang pangseguridad sa estado si Rogelio Posadas, usa ka konsultant sa panaghisgot-kalinaw sa National Democratic Front of the Philippines (NDFP). Si Posadas giaresto sa mga elemento sa 67th IB sa Barangay Punao, San Carlos City, Negros Occidental niadtong Enero 9. Kasamtangan siyang nabilanggo sa presohan sa Philippine National Police sa Cadiz City, sa mao gihapong probinsya. Sa usa ka pamahayag, kusganong gimakmak ni Ka Luis Jalandoni, nag-unang negosyador sa NDFP, ang iligal nga pag-aresto. Si Posadas adunay nakaisyu nga NDFP Document of Identification No. ND sa ngalan nga Angel Jose. Aduna usay gipagula nga Letter of Acknowledgment (o pag-ila) nga gipirmahan ni Silvestre H. Bello III, Tserman sa Panel sa Negosasyon sa GPH ubos sa rehimeng Ramos. Busa sakop si Posadas sa Joint Agreement on Safety and Immunity Guarantees (JASIG). Gihingusog ni Jalandoni nga palayaon sa gobyernong Aquino sila Posadas ug 14 uban pang konsultant sa NDFP nga iligal usab nga giaresto ug napreso. Segun pa niya, pagtuman kini sa GPH sa mga obligasyon niini ubos sa JASIG, sa Comprehensive Agreement on Respect for Human Rights and International Humanitarian Law ug uban pang nagtunhay nga baylateral nga kasabutang kalinaw. Ang gubat agresyon sa US sa Mindanao ( ) Subling gimantala kini nga artikulo, nga unang gipagula sa isyu nga Marso 2002 sa Ang Bayan. Kini ang ika-upat sa seres sa mga artikulo nga naglunhaw sa mga panumdum sa magbabasa sa mga mangilngig nga krimen nga gihimo sa mga tropa sa US sa Pilipinas. Usa pa niini, nagpagula og mga artikulo bahin sa mga krimen sa US ubos sa Military Bases Agreement ug sa Visiting Forces Agreement, ug sa Luzon ug Visayas panahon sa gubat-agresyon sa US. Aron makakonsentra sa ilang pwersa sa Luzon ug Visayas, gilingla sa mga kolonyalistang Amerikano ang Sultan sa Sulu ug gipapirma siya sa Bates Agreement sa 1899 nga nagdeklara sa soberanya sa US sa mga isla sa Jolo. Dihang napildi ang dakong bahin sa rebolusyonaryong pagsukol sa Luzon, makiusaka-bahin nga gibasura sa US niadtong 1904 ang maong kasabutan ug nagdeklara og larga-todong gubat sa Mindanao. Nagpakita og tumang kaisog ang mga manggugubat nga Moro ug katawhan sa Mindanao diha sa pagbatok sa mga tropang Amerikano. Tungod sa mas kusgan ug daghang armas, nasumpo sa mga sundalong Amerikano ang pakigbisog apan nahiaguman usab nila ang dagkong mga kapildihan. Isip panimalos, entero nga mga komunidad ang gipangmasaker sa mga tropang US. Sibaw niini ang mga mosunod: Masaker sa Bud Dajo. Mokabat sa 900 ang mga napatay sa tulo ka adlaw nga pag-atake sa mga Amerikano sa bukana sa bulkan nga Bud Dajo, Jolo nga gitaguan sa mga nakigbatok nga Tausug niadtong Marso 5-7, Gitagudtagud og bala ang daghang namatay lakip na ang mga bata ug kababayen-an. Sumala sa mga nakakita sa mga patayng lawas, daghan niini ang adunay kapin 50 ka igo. Unom ka lalaki lamang ang nabuhi. Walay kaya ang mga Tausug nga armado lamang og kris, bangkaw ug pipila ka riple batok sa kusog-militar sa mga tropa sa US nga suportado pa og mga kanyon sa mga tropang nabal. Gimando ni Gen. Leonard Wood sa duha ka batalyon nga mismong gipanguluhan niya nga patyon o kaha dakpon ang mga Tausug. (Si General Wood nahimong governor general sa Pilipinas niadtong ). Sa parte sa mga tropang Amerikano, 21 ang napatay ug 75 ang nasamdan subay sa natala. Masaker sa Bud Bagsak. Nagtrinsera ang lumulupyo sa Lati, Jolo niadtong Enero-Hunyo 1913 sa mga lig-on nga kuta sa kabukiran sa Jolo. Sagunson nga giatake sa mga tropang US ang mga kuta taman sa Mt. 8 ANG BAYAN Enero 21, 2015

9 Bagsak. Niadtong Hunyo 11, 1913, gimando ni Gen. John Pershing ang pag-atake sa kuta. Mokabat sa 2,000 ang napatay lakip ang 196 ka kababayen-an ug 340 ka bata. Bisan nga nabutyag kini sa masmidya ug gitulisok sa katawhang Amerikano, wala siloti si Pershing. Masaker sa Talipao. Gisupak sa lumulupyo sa Talipao, Jolo ang pagbayad og buhis sa US sama sa sedula ug toll sa paggamit sa dalan. Nagtrinsera sila sa Mt. Talipao ug niadtong Agosto 13, 1913, giatake ug gipildi sila sa mga tropang Amerikano. Kini ang nahimong ulahing mayor nga pagsukol sa mga Moro ug gideklara sa US nga human na ang gubat sa Mindanao. ~ Kalibre.45: Armas nga anti-moro Ang kalibre.45 pistolang semi-otomatik gimugna niadtong 1911 tungod sa panginahanglan sa mga sundalong Amerikano og mas makatumba nga armas nga pamakgang sa mga ginganlan niadto nga huramentado. Huramentado ang pagyubit nga paghingalan niadto sa mga Moro nga armado lang og kris samtang nagaatake sa mga sundalong Amerikano. Andam sila nga magbuhis og kinabuhi aron dili mahimong ulipon sa mga imperyalista. Gibugkusan usab sa mga manggugubat nga Moro ang ilang mga lutahan aron kapugngan ang pagdugo ugaling maigo sila sa bukton o kaha sa tiil, busa dili sila maluya gilayon ug padayon sila nga makahasmag sa mga nagapusil kanila. Sa ingon niatong determinasyon sa mga manggugubat nga Moro, dili sila basta-bastang mahagba sa mas ubos nga kalibreng mga riple nga Springfield ug Krag ug mga rebolber, nga maoy kasagarang gamit sa mga sundalong Amerikano niadto. Dulot niini, daghang opisyales ug sundalong Amerikano ang namatay sa kamot sa mga mabayanihong Moro. ~ Kontraktwalisasyon sa Franklin Baker, gibatukan Nagpiket ang mga mamumuo sa Franklin Baker Company niadtong Enero 8 aron kondenahon ang kontraktwalisasyon nga gihimo sa kompanya sa kapin 1,100 nga mamumuo niini. Daghan sa mga mamumuo dinhi kapin napulo ka tuig na nga nanarbaho sa pabrika niini sa lungsod sa Sta. Cruz, Davao del Sur. Bugtong nagasuplay og desiccated coconut sa Franklin Baker ang maong pabrika usa kini pormal nga gipalit sa kompanya niadtong Mayo Usa pa niini, gipadagan kini sa mga kompanya nga B/L Investment Inc., Golden White Coco Traders ug Mactan. Aron likayan ang obligasyon nga himuong regular ang istatus sa mga mamumuo dinhi, gitransporma sa Franklin Baker ang tulo ka eksklusibong suplayer isip ahensya sa kusog pamuo (manpower agency) ug gipabilin kanila ang istatus nga employer sa mga mamumuo samtang gibalhin ngadto sa Franklin Baker ang panag-iya sa pabrika. Sumala sa Samahan ng Manggagawang Kontraktwal (SAMA-AKO), asosasyon sa mga mamumuo sulod sa pabrika, nagkunsabo ang Franklin Baker ug tulo ka suplayer niini aron likayan ang tulubagon nga himuong regular ang mga mamumuo sa pabrika. Segun pa sa SAMA-AKO, giwahing sa Franklin Baker ang dugay na nila nga pag-alagad sa kompanya. Ni wala gani sila tanyagi og separation pay usa sila itratar isip mga bag-ong mamumuong kontraktwal sa pabrika nga dugay na nilang gitrabahoan. Ang Franklin Baker Company of the Philippines subsidyaryo sa Franklin Baker Company, usa ka kompanyang Amerikano nga nagmanupaktura ug nagaeksport og desiccated coconut sa tibuok kalibutan. Niadtong 1987, gipalit kini sa Phillip Morris, nga niadto tagiya sa General Foods ug Kraft. Niadtong 2005, gipasa sa Kraft ang pagdumala niini sa Andorra Investments Corporation. Ang pagmaniobra sa Franklin Baker nahimong sayon bunga sa Department Order 18- A sa Department of Labor and Employment (DOLE) nga nagatugot sa paggamit og mga ahensya sa kusog-pamuo (labor ANG BAYAN Enero 21,

10 and manpower agencies) aron likayan ug/o bungkagon ang tulubagon sa mga kompanya nga himuong regular ang ilang mga mamumuo. Samtang, kusganong gipanghimaraot sa Kilusang Mayo Uno ang pamahayag niining Enero sa PMFTC Inc., usa ka kompanyang nagmanupaktura og sigarilyo nga panag-iya ni Lucio Tan, nga tangtangon niini ang 640 ka mamumuo sa planta niini sa Parang, Marikina City tungod sa paggamay kuno sa bahin niini sa merkado. Ang PMFTC Inc. natibuok bunga sa pagtapo niadtong 2010 sa kanhing Fortune Tobacco Corporation diha sa subsidyaryo sa Phillip Morris International sa nasud. Nagamanupaktura kini og kapin tulo ka bilyong piraso nga sigarilyo matag tuig ubos sa ilhadong mga marka sama sa Marlboro, L&M, Fortune, Champion ug Hope. Gihuptan niini an 90% sa merkado sa sigarilyo. ~ Rasista ug relihiyosong pagpamiit, gipahamtang sa Europe Usa ka bag-o na usab nga seres nga pagpamiit ang nagakahitabo karon sa France, ug sa mga kanait nga nasud nga Belgium ug Germany, sa ngalan sa kontra-terorismo. Gipasumangil sa mga gobyerno niining mga kanasuran ang nahitabong linuug nga pagpamatay sa mga istap sa Charlie Hebdo, usa ka mantalaan sa Paris, France. Niadtong Enero 7, giatake sa managsoon nga Chérif ug Said Kouachi ang opisina sa mantalaang Charlie Hebdo. Lakip ang editor ug artist sa magasin sa 12 nga napatay. Napuloan usab ang nasamdan. Matapos ang tulo ka adlaw, nalukong ug napatay ang managsoon nga Kouachi, nga parehong nagpaila isip mga manggugubat sa Islam ug membro sa Islamic State, usa ka grupong Islamiko nga nagbase nag-una sa mga utlanan sa Syria, Iraq ug Turkey. Ang Charlie Hebdo usa ka sinemana nga mantalaan nga nag-espesyalisa sa pagtamay sa relihiyon, politika ug uban pang mga pangpublikong indibidwal. Niining nangaging katuigan, nagmantala kini og mga artikulo ug komiks nga nagyubit ug nagtampalas sa Islam ug uban pang relihiyon ug miinsulto sa mga minorya sa France ug uban pang katawhan nga lahi ang rasa o kagikan. Nanghulhog ang Charlie Hebdo og kaylap nga kasuko, ilabina sa mga Muslim sa France ug uban pang dapit sa kalibutan. Nakighiusa ang Partido Komunista ng Pilipinas sa kaylap nga pagkondena sa pagpamatay sa mga istap sa Charlie Hebdo. Sa usa ka bahin, angay nga sawayon ug makmakon ang mantalaan tungod sa panghulhog niini og sobinismo ug pagpanamastamas niini sa relihiyon ug enterong mga komunidad. Apan dili bisan kanus-a man madawat nga himuon kining target sa armadong atake. Matapos ang pagmapatay, ipokrito kining gipanghimaraot sa US, Germany, UK ug uban pang mga imperyalistang nasud, samtang ang mga armadong pwersa niini lambigit sa sistematikong pagpamatay ug kabangis batok sa mga sibilyan ilabina sa Iraq, Afghanistan, Libya, Pakistan ug Nigeria. Ubay niini ang rasista ug relihiyosong pagkahon (racial and religious profiling) sa mga Muslim isip mga target sa gubat kontra-terorismo. Ang imperyalismong US mao ang nanguna sa reaksyonaryong sulog sa rasismo ug panatisismo sa relihiyon nga nagahatag og rason sa paggamit og kabangis batok sa mga dili armadong lumulupyo. Mas dautan pa, ginasakgaw karon sa France ug uban pang mga nasud sa Europe ang pagpamatay ug ang kusganong pagkondena niana sa mabagang masa sa katawhan aron labaw pang sumpuon ang mga minoryang Muslim sa iya-iyahayng mga nasud. Linibo-libong armadong pwersa ang giplastar sa kadalanan sa Paris, France, ingon usab sa Belgium ug Germany, aron sagunson nga atakehon ang mga grupong Islamiko nga aduna kunoy kalambigitan sa Islamic State. Subling ginapabuylo ang gubat kontraterorismo, ang rasismo ug diskriminasyon aron hatagag rason ang paggamit sa kabangis ug isimang ang atensyon sa katawhan sa krisis sa kapitalismo sa iya-iyahayng mga nasud. ~ 10 ANG BAYAN Enero 21, 2015

11 ANG Pahayagan ng Partido Komunista ng Pilipinas Pinapatnubayan ng Marxismo-Leninismo-Maoismo Edisyong Bisaya Bolyum XLVI Numero 2 Enero 21, Editoryal Bungkagon ug ibasura ang praybitisasyon! Nagkabug-at ang abagahunon sa katawhang Pilipino taliwala sa walag tuo nga pagtaas sa singil ug mga balayranan. Ang dakong pagtaas sa pletehan sa MRT ug LRT, ang pagtaas sa singil sa tubig ug ang nagbung-aw nga pagtaas sa singil sa kuryente pinakaulahi lamang nga mga dugang nga pagpaantus nga gipahamtang sa rehimeng US-Aquino sa katawhang Pilipino. Dugang pa niini ang mapadayunon nga pagtaas sa galastohan sa edukasyon, pagpatambal, komunikasyon, pabalay ug uban pang mga serbisyo ug katilingbanong imprastraktura. Kining maong mga ginaatubang karon nga pagtaas sa singil ug balayranan resulta lamang sa hapit tulo ka dekada nga mapadayunong palisiya sa praybitisasyon ug deregulasyon sa mga yaweng katilingbanong imprastraktura. Ang kanhing mga empresa nga pang-estado nga gipadagan sa gobyerno, gipundohan sa panudlanan sa katawhan ug deklarado nga nag-alagad sa interes sa katilingban puros gipadagan karon sa pipila ka dagkong burgesya- komprador ug ilang mga kasosyo nga dagkong langyawng kapitalista sa ngalan sa ginansya ug walay bisan unsa mang obligasyon nga panalipdan ang interes sa katawhan. Baylo sa pautang, gipahamtang diha sa Pilipinas sa International Monetary Fund (IMF) ug uban pang imperyalistang ahensya niadtong talitapos sa dekada 1980 ang palisiya sa praybitisasyon ug deregulasyon o pagtangtang sa kontrol sa estado sa dagan sa mga serbisyo ug yutiliti aron hatagag dalan ang pagpamuhunan ug pagpadagan niini sa dagkong kapi- talistang langyaw ug burgesyakomprador. Gipahimuslan nila ang kasuko sa katawhang Pilipino sa burukrata-kapitalistang diktaduryang Marcos ug mga bata-bata niini nga nagpadato pinaagi sa mga negosyo nga gipadagan sa estado aron madawat ang pagbungkag ug pagpraybitisa sa mga operesyon niini. Ang taas nga mga panaad sa mga tigbudyong sa praybitisasyon mao ang pagmugna og patas nga nataran aron agnihon ang pagpamuhunan, ipasiugda ang kompetisyon ug ipaubos ang presyo alang sa katawhan. Pinaagi sa buildoperate-transfer, public-private partnership ug nagkadaiyang iskema, gipatuman ang praybitisasyon ug deregulasyon sa hapit tanang natad sa katilingban ug ekonomiya. Gihimong pribado ang distibusyon sa tubig, ang produksyon ug distribusyon sa kuryente, mga karsada, hospital ug mga yunibersidad o parte-parte niini, ang lagpad nga kayutaang publiko, telekomunikasyon ug serbisyo sa koreyo, ang mga kompanyang Petron, Philippine National Bank, Philippine Airlines ug uban pang kanhing negosyo nga gipundar o kanhing panag-iya o gipadagan sa estado. Ang pinakadagkong negosyo nahuptan ug gipanag-iya sa dagkong burgesya-komprador sa

12 Mga instruksyon sa pagmantala 1. Ang gisundan nga panid, nga insaktong kopya sa panid 1 gawas nga daw abohon ang masthead o logo alang sa mga tiggamitan og mimeo machine o nagmantala pinaagi sa v-type (hagod). Gidisenyo kini aron dili daling maguba ang istensil. 2. Pag-print sa istensil: a) Sa print dialog, i-check ang Print as image b) Tangtangon ang check sa Shrink oversized pages to paper size k) I-click ang Properties d) I-click ang Advanced e) Sigurohon nga naka-set sa 100% ang Scaling g) Ipadayon ang pag-print 3. Gi-awhag ang mga kauban nga ipadangat sa editoryal istap sa AB ang unsamang problema kalambigit sa pagmantala pinaagi sa v-type. Magpadala og sa angbayan@yahoo.com